Global Press

English

Global PressGlobal PressGlobal PressGlobal Press

USD
2.9841
EUR
3.3422
RUR
0.0431
GBP
3.7394

ჩეხეთის მთავრობამ მიიღო გადაწყვეტილება, ორ მეზობელ ქვეყანასთნა, ავსტრიასთან და გერმანიასთან საზღვრები 6 მაისის 00:00 საათიდან გახსნას. ასევე, სასაზღვრო შეზღუდვა სრულად მოიხსნება უნგრეთისთვისაც, - ამის შესახებ Reuters-ი წერს.

 

4 ივნისს ქვეყანამ აღმოსავლეთ მეზობლის, სლოვაკეთისთვისაც გახსნა.

 

19 მაისს გერმანიის, პოლონეთის, უნგრეთის, ჩეხეთისა და სლოვაკეთის ლიდერები სასაზღვრო კონტროლის ეტაპობრივ მოხსნაზე შეთანხმდნენ. მათ კორონავირუსის პანდემიის შეკავების ზომები განიხილეს და შეთანხმდნენ, რომ მათ ინტერესებში შედის, სასაზღვრო შეზღუდვებისა და კონტროლის ეტაპობრივი მოხსნა, როგორც კი ეპიდემიოლოგიური სიტუაცია ამის საშუალებას მისცემდათ.

აშშ-ში აფროამერიკელი ჯორჯ ფლოიდის მკვლელობა დიდ ბრიტანეთსა და გერმანიაში გააპროტესტეს. ამის შესახებ Reuters-ი წერს.

 

გამოცემის ინფორმაციით, ამერიკელ დემონსტრანტების მიმართ სოლიდარობა ლონდონსა და ბერლინში ასობით ადამიანმა გამოხატა. ლონდონში დემონსტრანტები ტრაფალგარის მოედანზე შეიკრიბნენ, პარლამენტის შენობასთან მივიდნენ და დემონსტრაცია აშშ-ის საელჩოსთან დაასრულეს.

 

ბერლინში კი ამერიკის საელჩოსთან შეკრებილებს თან პოსტერები ჰქონდათ, რომლებზეც ეწერა: „სამართალი ჯორჯ ფლოიდისთვის“, „შეწყვიტეთ ჩვენი დახოცვა“ და ა.შ.

 

ჯორჯ ფლოიდის მკვლელობას საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს. საპროტესტო აქციების გამო 25 ქალაქში კომენდანტის საათი გამოცხადდა.

უკრაიანასა და პოლონეთს შორის საზღვარი გაიხსნა. შეზღუდვის შემსუბუქების შემდეგ ასობით უკრაინელი უბრუნდება სამუშაო ადგილებს მეზობელ ქვეყანაში. ამის შესახებ Reuters-ი წერს.

 

პოლონეთში 2 მილიონამდე უკრაინელია დასაქმებული, ძირითადად - სამშენებლო და სოფლის მეურნეობის სექტორში.

 

„ჩვენ ამჟამად 120-ზე მეტ პოლონურ კომპანიასთან ვთანამშრომლობთ და ყოველდღიურად მათგან რამდენიმე შეკვეთა გვაქვს, რომ ესაჭიროებათ მუშები“, - ამბობს უკრაინული დასაქმების სააგენტოს ხელმძღვანელი, იევენ კირიჩენკო.

 

პოლონეთში გამგზავრებამდე, კიევის ბორისპოლის აეროპორტში მგზავრებს სიცხეს უზომავენ. ასევე, ისინი ვალდებულნი არიან, მგზავრობის განმავლობაში, პირბადეები ატარონ.

უკრაინის უმაღლესმა რადამ ახალი კანონპროექტი დაამტკიცა, რომელიც ე.წ. კანონიერი ქურდებისთვის სისხლის სამართლის პასუხისმგებლობის დაწესებას ითვალისწინებს.

 

ამის შესახებ BBC-ის რუსული სამსახური იტყობინება. ახალი კანონმდებლობით, კრიმინალური დაჯგუფებების შექმნა და მათი ხელმძღვანელობა 12-დან 15 წლამდე თავისუფლების აღკვეთით დაისჯება. 7-დან 12 წლამდე პატიმრობა კი ე.წ. კრიმინალური შეკრების ორგანიზებისთვის განისაზღვრა.

სტამბოლის ოპოზიციონერი მერი, ეკრემ იმამოღლუ საპრეზიდენტო არჩევნებში ქვეყნის მოქმედ მეთაურს, რეჯეფ თაიფ ერდოღანს დაამარცხებდა. თურქული მედიის ცნობით, ამის შესახებ საზოგადოებრივი აზრის კვლევის ევრაზიული ცენტრის მიერ ჩატარებული გამოკითხვის შედეგები მეტყველებს.

 

გამოკითხულთა 40,4%-მა განაცხადა, რომ ერდოღანს დაუჭერდა მხარს, 45,5%-მა კი პრეზიდენტის პოსტზე იმამოღლუს ხილვის სურვილი გამოთქვა.

 

ეკრემ იმამოღლუ სტამბოლის მერად გასული წლის ივნისში აირჩიეს. ის ოპოზიაში მყოფ „რესპუბლიკურ სახალხო პარტიას“ წარმოადგენს.

ჰააგის გამოყენებითი მეცნიერების უნივერსიტეტის შენობის კედელზე თბილისში მოკლული ბიჭი, ვიტალი საფაროვი დახატეს.

 

,,ხელოვნება კედელზე! ჩვენი კორპუსის გარეთ, კაფე Siezo- ს გვერდით, მხატვარებმა Karski & Beyond- მა შექმნეს 8-დან 15 მეტრამდე სიგრძის ნამუშევარი.

 

ფრესკის თემატიკა, ტვინის სტიმულირების სესიაზე, ჩვენ ზოგიერთ სტუდენტთან ერთად შეიქმნა.

 

ფრესკა არის უფლებადამცველი ორგანიზაციის ,,სამართლიანობა და მშვიდობა" -ს ინიციატივა, რომელიც ადამიანის უფლებების საყოველთაო დეკლარაციის 70 წლის თავს მიეძღვნა.

 

გრეა ტუნბერგი, ბერტა კასერესი და ვიტალი საფაროვი ერთგულნი არიან კლიმატის, თავისუფლებისა და თანასწორობის მიმართ. ეს სამი ადამიანის ხარკია, რომელიც აჩვენებს, რომ ნამდვილად შესაძლებელია ცვლილების შეტანა." - წერია უნივერსიტეტის facebook- ს გვერდზე.

 

შეგახსენებთ, რომ ვიტალი საფაროვი თბილისში, 2018 წელს მოკლეს. ის 25 წლის იყო. საფაროვი „ჩართულობის და განვითარების ცენტრში“ მუშაობდა. მრავალი წლის მანძილზე აქტიურად იყო ჩართული მოზარდების ტოლერანტულ ბანაკებსა და სხვა პროექტებში, რასიზმის, ქსენოფობიისა და დისკრიმინაციის წინააღმდეგ.

 

უფლებადამცველები ვარაუდობენ, რომ ვიტალი საფაროვის წინააღმდეგ ძალადობა განხორციელდა ქსენოფობიურ ნიადაგზე.

 

რუმინელმა მეწაღემ შექმნა ფეხსაცმელი, რომელიც ადამიანებს სოციალური დისტანცირების წესების დაცვას გაუადვილებს. ამის შესახებ გამოცემა Independent-ი წერს.

 

ქალაქ კლუჟის მკვიდრის, გრიგორე ლუპის მიერ შექმნილი ფეხსაცმლის ზომა ევროპული ფორმატით 75-ს უდრის.

 

„როდესაც დავინახე, რამდენად ახლოს დგანან ადამიანები საზოგადოებრივი თავშეყრის ადგილებში და არღვევენ სოციალური დისტანცირების წესებს, გადავწყვიტე, შევქმნა ისეთი ფეხსაცმელი, რომელიც მათ ან დასჯის, ან რეკომენდაციების დაცვას აიძულებს“, - ამბობს 55 წლის მეწაღე.

 

მისივე თქმით, თუ ორი ადამიანი ასეთ ფეხსაცმელს ჩაიცვამს, მათ შორის მანძილი სწორედ 1,5 მეტრი იქნება. ამ დროისთვის მეწაღემ უკვე მიიღო რამდენიმე შეკვეთა. ერთი წყვილის დამზადებაში ის 500 რუმინულ ლეის (115 დოლარი) იღებს.

 

 

გიბრალტარის მთავრობამ ტურისტებს კუნძულზე მობინადრე მაგოტის სახეობის მაიმუნების მოფერება ოფიციალურად აუკრძალა. ამის შესახებ BBC წერს.

 

გამოცემის ინფორმაციით, დიდი ბრიტანეთის ტერიტორიის ხელმძღვანელობამ ცხოველების დასაცავად მიიღო, რადგან შიშობენ, რომ ტურისტებმა შესაძლოა მათ კორონავირუსის გადასდონ. მთავრობაში ასევე აცხადებენ, რომ კანონის აღსრულებისთვის მკაცრ ზომებს მიიღებენ.

 

გიბრალტარის მაგოტები ევროპაში მაიმუნების ერთადერთი ველური პოპულაციაა.

უკრაინის პრეზიდენტმა, ვოლოდიმირ ზელენსკიმ რუსეთის წინააღმდეგ დაწესებული სანქციების ნაწილი გააუქმა. ამის შესახებ ნათქვამია უკრაინის პრეზიდენტის საიტზე გამოქვეყნებულ დოკუმენტში.

 

მათ შორის, ვისაც სანქციები მოუხსნეს, ბენიტო მუსოლინის შვილიშვილი, ალესანდრა მუსოლინია, რომელიც 2018 წლის ნოემბერში ე.წ. ლუგანსკისა და დონეცკის სახალხო რესპუბლიკებში არალეგიტიმურ არჩევნებზე დამკვირვებლად ჩავიდა.

 

გარდა ამისა, უშიშროების საბჭოს გადაწყვეტილებით, რომელსაც ხელი უკრაინის პრეზიდენტმა მოაწერა, რუსული პროგრამული უზრუნველყოფა დაშვებული იქნება უკრაინულ ბიზნეს-სტრუქტურებსა და სახელმწიფო ორგანოებში.

 

სასანქციო სიიდან ასევე ამოიღეს კორპორატიული საინფორმაციო სისტემის რუსული მწარმოებელი, კომპანია „პარუსი“. სანქციები ამ ჯგუფის ცხრა კომპანიისთვისაც გაუქმდა.

 

ამასთანავე, უკრაინის პრეზიდენტმა გაახანგრძლივა უკრაინაში რუსული სოციალური ქსელებისა და ინტერნეტ-სერვისების გამოყენების აკრძალვა.

ჯორჯ ფლოიდის მკვლელობის გამო ათენში გამართული საპროტესტო დემონსტრაციის მონაწილეებმა, აშშ-ის საელჩოს შენობას მოლოტოვის კოქტეილები და ქვები დაუშინეს. პოლიციამ დემონსტრანტებს ცრემლმდენი გაზით უპასუხა, - ამის შესახებ Greekcitytimes-ი წერს.

 

დაკავებულია 5 ადამიანი. საპროტესტო მარშში 3 000-ზე მეტი ადამიანი მონაწილეობდა. ათენის ცენტრში განლაგებული აშშ-ის საელჩო პოლიციის ავტობუსებითაა გარშემორტყმული. გაძლიერებულია დაცვა.

 

აშშ-ში საპროტესტო აქციები ჯორჯ ფლოიდის მკვლელობას მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს. საპროტესტო აქციების გამო 25-ზე მეტ ქალაქში კომენდანტის საათი გამოცხადდა. 2 ივნისს დამოუკიდებელმა ექსპერტიზამ დაადგინა, რომ ფლოიდის გარდაცვალების მიზეზი ასფიქსია გახდა.

7 თვის წინ ინგლისში, ესექსის საგრაფოში, სატვირთო ავტომობილში ნაპოვნი 39 ცხედრის საქმეზე საფრანგეთში 12 ადამიანი დააკავეს, კიდევ ერთს კი ქვეყნიდან გასვლა აეკრძალა. ინფორმაციას ამის შესახებ Deutsche Welle ავრცელებს.

 

ფრანგული პოლიციის ცნობით, პარიზსა და მის შემოგარენში ეჭვმიტანილების დაკავების ოპერაცია 26 მაისს ჩატარდა. გამოძიება დაკავებულებს ადამიანებით ვაჭრობასა და გაუფრთხილებლობით სიცოცხლის მოსპობაში ადანაშაულებს. სავარაუდოდ, დაკავებულები დანაშაულებრივი ჯგუფის წევრები არიან და მრავალი თვის განმავლობაში მათ ჯგუფს ვიეტნამიდან ევროპაში ათობით არალეგალი მიგრანტი გადაჰყავდა. 

 

დაკავებულთა მოქალაქეობა ამ ეტაპზე არ სახელდება. AFP-ის ცნობით, ამავე საქმეზე ერთი ადამიანი დაკავებულია ბელგიაში და ერთი - გერმანიაში.

 

23 ოქტომბერს დიდ ბრიტანეთში სატვირთო მანქანის კონტეინერში​ 31 კაცისა და 8 ქალის ცხედარი იპოვეს. მანქანა ესექსის საგრაფოში ბელგიიდან ჩავიდა. მიგრანტები ვიეტნამიდან იყვნენ. პოლიციამ მანქანის მძღოლ მორის რობინსონს მკვლელობაში ბრალი წაუყენა.

 

გამოძიებას აწარმოებს როგორც ბრიტანული ასევე ვიეტნამური მხარე. ვიეტნამში სამართალდამცველებმა 10 ადამიანი, დიდ ბრიტანეთში კი 3 ადამიანი დააკავეს.

უკრაინის პრეზიდენტმა, ვოლოდიმირ ზელენსკიმ მოსკოვის სახელმწიფო უნივერსიტეტი და სახელმწიფო მუზეუმი „ერმიტაჟი“ რუსული კომპანიებისა და სახელმწიფო უწყებების სასანქციო სიაში შეიყვანა.

 

სასანქციო სიაში ასევე მოხვდნენ სხვა სამეცნიერო და კულტურის სფეროს უწყებები, მათ შორის, რუსეთის გეოგრაფიული საზოგადოება, აღმოსავლეთმცოდნეობის ინსტიტუტი და ა.შ.

 

სასანქციო სიაში შეყვანილ კომპანიებთან მიმართებაში შემდეგი შემზღუდავი ზომები გამოიყენება: აქტივების ბლოკირება, უკრაინის გარეთ კაპიტალის გატანის აღკვეთა, ლიცენზიის შეჩერება ან გაუქმება, კულტურული გაცვლის შეჩერება, სამეცნიერო თანამშრომლობის შეჩერება და ა.შ.

 

აღნიშნულ ორგანიზაციებთან დაკავშირებით სანქციები 3 წლის განმავლობაში იმოქმედებს.

ექსკლუზიური

ევროკავშირი

არქივი

« « » » June 2019
Mon Tue Wed Thu Fri Sat Sun
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?