Global Press

English

Global PressGlobal PressGlobal PressGlobal Press

USD
2.9841
EUR
3.3422
RUR
0.0431
GBP
3.7394

საქართველოში იაპონიის საელჩო ოკუპირებულ ტერიტორიებთან დაკავშირებით განცხადებას ავრცელებს.

 

მისი მიხედვით, იაპონია კვლავ ადასტურებს მის თანმიმდევრულ პოზიციას, რომ საქართველოს ოკუპირებულ ტერიტორიების - აფხაზეთისა და ცხინვალის რეგიონის საკითხი მშვიდობიანი გზით გადაიჭრას.

 

ეს კი დიპლომატიური წარმომადგენლობის შეფასებით, უნდა განხორციელდეს საქართველოს სუვერენიტეტისა და ტერიტორიული მთლიანობის პრინციპების სრული დაცვით და საერთაშორისო საზოგადოების მიერ აღიარებული სახელმწიფო საზღვრების პატივისცემით, რაც უმნიშვნელოვანესია საქართველოსა და სრულიად სამხრეთ კავკასიაში მშვიდობისა და სტაბილურობისათვის.

 

„იაპონია ეწინააღმდეგება საქართველოს საერთაშორისოდ აღიარებული საზღვრების ცვლილების ნებისმიერ მცდელობას“, - აღნიშნულია განცხადებაში.

 

საქართველოს პარლამენტის თავმჯდომარე არჩილ თალაკვაძე ევრონესტის საპარლამენტო ასამბლეის თანათავმჯდომარეს, ევროპარლამენტარ ანდრიუს კუბილიუსს წერილს უგზავნის.

 

კუბილიუსისთვის გაგზავნილ წერილში არჩილ თალაკვაძე შეშფოთებას გამოხატავს ცალკეულ სისხლის სამართლის საქმეებზე ევრონესტის საპარლამენტო ასამბლეის თანათავმჯდომარის მიერ გაკეთებულ განცხადებებთან დაკავშირებით და აღნიშნავს, რომ მისი წერილი საქართველოს მხარის მიერ აღიქმება, როგორც მოწოდება, რომ პარლამენტი და მმართველი პარტია პოლიტიკურად ჩაერიოს მართლმსაჯულებაში.

 

პარლამენტის თავმჯდომარე მის მიერ გაგზავნილ წერილში ირწმუნება, რომ ნებისმიერ სისხლის სამართლის საქმეზე გადაწყვეტილება მიიღება მხოლოდ შესაბამისი ინსტიტუტების მიერ და ასევე, ხაზს უსვამს, რომ პოლიტიკური პარტიები ვერ მართავენ საქართველოს სასამართლოებს.

 

„ძვირფასო ბატონო კუბილიუს, უპირველეს ყოვლისა, გაცნობებთ, რომ საქართველო წარმატებით უმკლავდება COVID-19 ვირუსით გამოწვეულ პანდემიას. მთავრობა, ჯანდაცვის სფეროს თანამშრომლები და წინა ხაზზე მყოფი სხვა პროფესიონალები მთელი ქვეყნის მასშტაბით გაერთიანებული არიან და მუხლჩაუხრელად შრომობენ საქართველოს მოსახლეობის დასაცავად. ჩვენ გამოვხატავთ სოლიდარობას პანდემიით დაზარალებული ერების მიმართ.

 

მადლობელი ვართ თქვენი განსაკუთრებული ინტერესისთვის საქართველოში მიმდინარე იმ პოლიტიკური მოვლენების მიმართ, რომლებიც აღნიშნულია თქვენს 2020 წლის 6 მაისის წერილში.

 

8 მარტის პოლიტიკური შეთანხმება მართლაც მნიშვნელოვანია ჯანსაღი და დინამიური პოლიტიკური გარემოს საფუძვლების კიდევ უფრო გამყარებისთვის, განსაკუთრებით მიმდინარე წელს დაგეგმილ საპარლამენტო არჩევნებამდე პერიოდის განმავლობაში. აღნიშნულ შეთანხმებას „ქართულმა ოცნებამ“ გულწრფელად მოაწერა ხელი იმ მიზნით, რომ ხელი შეეწყო თავისუფალი, სამართლიანი და კონკურენტული არჩევნებისთვის. ხელმოწერიდან მალევე, ჩვენ დავაინიცირეთ შესაბამისი საკონსტიტუციო ცვლილებები, რომლებიც ასახავდა ოპოზიციასთან შეთანხმებულ საარჩევნო მოდელს. ამას გარდა, დაინტერესებული მხარეების ფართო ჩართულობით და ეუთოს დემოკრატიული ინსტიტუტებისა და ადამიანის უფლებების ოფისის რეკომენდაციების საფუძველზე, ჩვენ მოვამზადეთ საარჩევნო კოდექსში შესატანი ცვლილებების პაკეტიც. საქართველოს პარლამენტი მას განიხილავს და მიიღებს მიმდინარე სესიის განმავლობაში. სწორედ ეს ნაბიჯები გამოხატავს ჩვენს მტკიცე ნებას, რომ პოლიტიკური შეთანხმება განხორციელდეს მისი ტექსტის შესაბამისად.

 

შეშფოთებული ვარ თქვენი წერილის იმ ნაწილით, რომელიც ეხება ცალკეულ სისხლის სამართლის საქმეებს. ჩვენი მხრივ ეს გაგებულია, როგორც თქვენი მოწოდება, რომ პარლამენტი და მმართველი პარტია პოლიტიკურად ჩაერიოს მართლმსაჯულებაში. ეს კი ეწინააღმდეგება კანონის უზენაესობის ძირითად პრინციპებს. პოლიტიკური პარტიები ვერ უბრძანებენ და ვერ მართავენ საქართველოს სასამართლოებს. ვითარების ამგვარი ხედვა მოულოდნელია ევრონესტის საპარლამენტო ასამბლეის თანათავმჯდომარის მხრიდან. დარწმუნებული ბრძანდებოდეთ, რომ ნებისმიერ სისხლის სამართლის საქმეზე გადაწყვეტილება მიიღება მხოლოდ შესაბამისი ინსტიტუტების მიერ.

 

არცერთი სისხლის სამართლის საქმე არ არის და არ შეიძლება იყოს 2020 წლის 8 მარტის პოლიტიკური შეთანხმების ნაწილი (გთხოვთ, დანართის სახით იხილოთ ურთიერთგაგების მემორანდუმი და ერთობლივი განცხადება). როგორც ერთობლივ განცხადებაშია აღნიშნული, ჩვენ ვრჩებით საქართველოს მართლმსაჯულების სისტემაში უმაღლესი სტანდარტების დაცვისა და დახვეწის, აგრეთვე, მომავალში ჩვენი მართლმსაჯულებისა და საარჩევნო პროცესების არასათანადო პოლიტიზების თავიდან არიდების ერთგულნი.

 

მსურს, ვისარგებლო ამ შესაძლებლობით და კიდევ ერთხელ გამოვხატო მზადყოფნა ჩვენი მჭიდრო თანამშრომლობისა და ევროპაში დემოკრატიისა და საპარლამენტო განზომილების გასაძლიერებლად ერთობლივი ძალისხმევისთვის. ჩვენ დიდად ვაფასებთ თქვენს ჩართულობასა და მხარდაჭერას.

 

ბატონო თანათავმჯდომარევ, კიდევ ერთხელ გიდასტურებთ ჩემს ღრმა პატივისცემას.

 

პატივისცემით, არჩილ თალაკვაძე,“ - ნათქვამია წერილში, რომელიც პარლამენტის პრესსამსახურის ინფორმაციით, თალაკვაძემ კუბილიუსს გუშინ გაუგზავნა.

 

შეგახსენებთ, ევროპარლამენტის წევრმა, ანდრიუს კუბილიუსმა საქართველოს პრეზიდენტს, სალომე ზურაბიშვილს, პრემიერ-მინისტრს, გიორგი გახარიას და პარლამენტის თავმჯდომარეს, არჩილ თალაკვაძეს ღია წერილით მიმართა და მოუწოდა, ხელისუფლებამ შეასრულოს ოპოზიციასთან 8 მარტს მიღწეული შეთანხმება. წერილში აღნიშნულია, რომ სამწუხაროდ, გიგი უგულავას, ირაკლი ოქრუაშვილის და გიორგი რურუას საქმეები სათანადოდ არ იყო გადაჭრილი.

უკრაინის ვიცე-პრემიერად მიხეილ სააკაშვილის შესაძლო დანიშვნა თბილისში, დიდი ალბათობით, სტრატეგიული პარტნიორის მხრიდან გადადგმულ არამეგობრულ და მიუღებელ ნაბიჯად იქნება აღქმული, - ამის შესახებ გამოცემა Интерфакс-Украина-ს საქართველოს ელჩმა, თეიმურაზ შარაშენიძემ განუცხადა.

 

„თქვენთვის ცნობილია, რომ საქართველოში სააკაშვილის მიმართ გამამტყუნებელი განაჩენია გამოტანილი და მასზე ძებნაა გამოცხადებული. რამდენიმე წლის წინ საქართველომ უკრაინას სააკაშვილის დაკავებისა და ექსტრადირების თხოვნით მიმართა და სისხლის სამართლის საქმეების დოკუმენტაცია გადაუგზავნა. გარდა ამისა, ამ ადამიანმა არაერთხელ მოუწოდა მოსახლეობას კანონიერად არჩეული ხელისუფლების ძალადობრივი გზით დამხობისკენ. ამის ფონზე ვიცე-პრემიერად სააკაშვილის შესაძლო დანიშვნა თბილისში, დიდი ალბათობით, სტრატეგიული პარტნიორის მხრიდან გადადგმულ არამეგობრულ და მიუღებელ ნაბიჯად იქნება აღქმული“, - განაცხადა შარაშენიძემ.

 

მისივე თქმით, უკრაინული მხარისთვის საქართველოს პოზიციის შესახებ უკვე ცნობილია. „ჩვენ ვაფასებთ უკრაინასთან მეგობრობას და იმედს გამოვთქვამ, რომ გადაწყვეტილების მიღებისას სტრატეგიული პარტნიორი გაითვალისწინებს სააკაშვილისადმი და მისი დანაშაულებისადმი ქართული მხარის დამოკიდებულებას, რასაც სასამართლოს განაჩენებიც ადასტურებს“, - აღნიშნა დიპლომატმა.

 

თეიმურაზ შარაშენიძემ ასევე გაიხსენა საქართველოს პრეზიდენტისა და პრემიერ-მინისტრის ვიზიტები უკრაინაში, რომელთა ფარგლებშიც საქართველო-უკრაინის სტრატეგიული თანამშრომლობის საბჭო შეიქმნა. თუმცა, ელჩის განცხადებით, ორ ქვეყანას შორის ასეთი მაღალი დონის თანამშრომლობა „ბევრს არ მოსწონს“.

 

„რამდენჯერმე დაფიქსირდა ჩვენს ურთიერთობებში განხეთქილების შეტანის მცდელობები, თუმცა, საბედნიეროდ, ამას არანაირი შედეგი არ მოჰყოლია“, - განაცხადა საქართველოს ელჩმა.

 

როგორც ცნობილია, მიხეილ სააკაშვილს უკრაინის ვიცე-პრემიერის თანამდებობა შესთავაზეს.

ამერიკელი სენატორები და კონგრესმენები საქართველოში ამერიკული კომპანიებისა და ბიზნესის შევიწროების გამო სახელმწიფო მდივანს, მაიკ პომპეოსა და ფინანსთა მინისტრს, სტივენ მნუჩინს წერილით მიმართავენ.

 

წერილის ავტორები არიან სენატორები ტედ კრუზი და ჯონ კორნინი, ასევე, კონგრესმენები ჯოდი არინგტონი და მარკვეინ მალინი.

 

,,ძვირფასო მდივნებო, პომპეო და მნუჩინ

 

გწერთ, რომ შეშფოთება გამოვხატოთ საქართველოში მმართველობის მოშლასა და პოტენციურად უკანონო ეკონომიკურ აქტივობებთან დაკავშირებით. კონკრეტულად კი გვაწუხებს საქართველოს კავშირები ამერიკის მტრებთან, რაც ჩვენს ბიზნეს და სტრატეგიულ ინტერესებს ეწინააღმდეგება.

 

გასული წლის განმავლობაში პირდაპირი უცხოური ინვესტიციები საქართველოში დაახლოებით 50%-ით შემცირდა, ხოლო გადასახადები და ბიუროკრატიული ბარიერები დასავლური ბიზნესებისთვის გაიზარდა.

 

ამან ამერიკულ კომპანიებს ოპერირება გაურთულა და ხელი შეუშალა ქართულ-ამერიკული ურთიერთობების გაღრმავებას. Frontera Resources ტეხასური კომპანიაა, რომელიც საქართველოს ნავთობისა და გაზის სექტორში უმსხვილესი ამერიკული ინვესტორია. მათ $500 მილიონზე მეტი აქვთ ინვესტირებული ნავთობისა და გაზის რესურსების აღმოსაჩენად. ცოტა ხნის წინ კი Frontera რეგულაციებისა და შეზღუდვების წინაშე აღმოჩნდა, მას საქართველოს მთავრობა პოტენციურად ქვეყნიდან გაძევებით ემუქრება.

 

2019 წელს კიდევ ერთი ამერიკული კომპანია, Conti Group ამავე პრობლემას წააწყდა ანაკლიის პორტთან დაკავშირებით, რამაც პროექტის შეფერხება გამოიწვია. ეს შეფერხებები და გართულებები პირდაპირ არის დაკავშირებული გეოპოლიტიკურ ინტერესებთან.

 

Frontera-ს საქმიანობა მიმართული იყო იმისკენ, რომ საქართველო ენერგოდამოუკიდებელი გამხდარიყო, ანაკლიის პორტი კი საქართველოს რუსეთზე დამოკიდებულებას შეამცირებდა.

 

მოკლედ რომ გითხრათ, კანონიერ ბიზნესს გაძევებისკენ უბიძგეს, მისი ადგილი კი უკანონო ვაჭრობამ დაიკავა.

 

ქართული ბიზნესები და ფინანსური სისტემა, უკვე წლებია (2013 წლიდან), გვერდს უვლის ამერიკულ სანქციებს ირანთან დაკავშირებით. ცოტა ხნის წინ ბათუმის პორტი კიდევ ერთხელ იქნა შემჩნეული ირანთან დაკავშირებულ უკანონო ვაჭრობაში.

 

ჩვენ ვაცხადებთ, რომ:

 

• საქართველოს ამჟამინდელი ხელისუფლება ქართული ოცნების სახით გარეულია ამერიკული ბიზნესების გაძევებაში, რომლებიც საქართველოს ეკონომიკასა და მომავალში ინვესტიციას დებენ;

 

• მსგავსი აქტივობები მოტივირებულია გეოპოლიტიკური მიზნებით და ბიძინა ივანიშვილის სავარაუდო კავშირებზე მიუთითებს რუსეთის მთავრობასთან;

 

• პორტის პროექტიდან ამერიკული კომპანიების გაძევება მიზნად ისახავს, რომ არ შემცირდეს რუსეთის გავლენა საქართველოში მიმდინარე პროცესებზე;

 

• არსებობს ხარვეზები ამერიკული სანქციების აღსრულებასთან დაკავშირებით, კონკრეტულად კი, პორტების კონტექსტში.

 

საქართველო ჩვენი სტრატეგიული პარტნიორია კავკასიაში და ნატოს მნიშვნელოვანი მოკავშირე. სამხედრო კუთხით, ქართველები გვეხმარებიან ავღანეთის მისიაში. გეოგრაფიულად ქვეყანა კრიტიკულად მნიშვნელოვან წერტილზეა განლაგებული კასპიის ზღვიდან აღმოსავლეთ ევროპისკენ ვაჭრობის კუთხით. ქართულ-ამერიკული ურთიერთობები უმნიშვნელოვანესია ამერიკისათვის, რაც საპასუხოდ საქართველოს თანამშრომლობას ავალდებულებს.

 

მსგავსი გადახლართული სტრატეგიული და ბიზნეს ინტერესები ფედერალური მთავრობისაგან პასუხს საჭიროებს და, როგორც ყოველთვის, ჩვენ მზად ვართ, რომ მოგაწოდოთ საჭირო რესურსები, რათა ამერიკის ეროვნული უსაფრთხოება დაცული იყოს.

 

წერილს ხელს აწერენ სენატორები ტედ კრუზი და ჯონ კორნინი და კონგრესმენები ჯოდი სი არინგტონი და მარკვეინ მალინი.

 

 

ევროპარლამენტის წევრი, ანდრიუს კუბილიუსი საქართველოს პრეზიდენტს, სალომე ზურაბიშვილს, პრემიერ-მინისტრს, გიორგი გახარიას და პარლამენტის თავმჯდომარეს, არჩილ თალაკვაძეს ღია წერილით მიმართავს და მოუწოდებს, ხელისუფლებამ შეასრულოს ოპოზიციასთან 8 მარტს მიღწეული შეთანხმება.

 

მისი თქმით, სამწუხაროდ, გიგი უგულავას, ირაკლი ოქრუაშვილის და გიორგი რურუას საქმეები სათანადოდ არ იყო გადაჭრილი, რაც კითხვის ნიშნის ქვეშ აყენებს 8 მარტის ხელშეკრულებას. როგორც კუბილიუსი წერს, ირაკლი ოქრუაშვილისთვის 5 წლიანი თავისუფლების აღკვეთა, „შესაძლოა, მიჩნეულ იყოს როგორც ნიშანი ნდობის მზარდი ხარვეზისა“.

 

„თვალს ვადევნებ საქართველოში მიმდინარე მოვლენებს, განსაკუთრებით 8 მარტს მიღებული ხელშეკრულების განხორციელებას. მინდა ხაზი გავუსვა, რომ იმ საგანგებო გამოწვევების მიუხედავად, რომელიც მიმდინარე პანდემიამ წარმოშვა, შეთანხმების სასწრაფოდ აღსრულება, უმნიშვნელოვანესია. ევროპელ პარტნიორებს სჭირდებათ აშკარა დასტური, რომ პროგრესი განხორციელებულია და უზრუნველყოფილია 2020 წლის არჩევნების თავისუფალ და სამართლიან გარემოში ჩატარება“,-წერს კუბილიუსი.

კონგრესში, კანონპროექტს, რომელიც საქართველოსთვის სანქციების დაწესებას ითვალისწინებს, კიდევ ერთი ახალი მხარდაჭერი ჰყავს, ამჯერად სანქციის აქტს ტენესის შტატის კონგრესმენი, რესპუბლიკელი ჩაკ ფლეიშმანი შეუერთდა.

 

ჩაკ ფლეიშმანი, მეხუთე კონგრესმენია, რომელმაც წარმომადგენელთა პალატის, რესპუბლიკელი კონგრესმენის, მარკუეინ მალინის მიერ წარდგენილ კანონპროექტს მხარი დაუჭირა.

 

ამ ეტაპისთვის კანონპროექტს სულ ექვსი მხარდამჭერი ჰყავს: მარკუეინ მალინი, ბილ ფლორესი, უიალ ჰარდი, პიტ ოლსონი, რენდი უებერი და ჩაკ ფლეიშმანი

 

კანონპროექტი, აშშ-ის მხრიდან ფინანსური დახმარებისა და კრედიტების აღების შეწყვეტას გულისხმობს, ასევე ამოქმედდება სავიზო შეზღუდვები.

 

,,დაეწესოს სანქციების საქართველოს მთავრობას, თუ აშშ-ის პრეზიდენტი გამოავლენს, რომ საქართველოს მთავრობა მოქმედებს, რათა ძირი გამოუთხაროს ვალდებულებებს თუ საკონტრაქტო შეთანხმებებს აშშ-ის მოქალაქეებთან, რომლებიც საქართველოში ჩართულები არიან ბიზნესში თუ სხვა ოპერაციებში“,-წერია კანონპრექტში.

 

კანონის თანხმად , მისი მიღების შემთხვევაში, პრეზიდენტმა მიღებიდან არაუგვიანეს 90 დღისა, საშუალოდ, 180 დღეში ერთხელ უნდა წარუდგინოს კონგრესს დოკუმენტი სადაც გამოვლინებული იქნება საქართველოს მთავრობის მიერ ვალდებულებების დარღვევა.

 

საქართველოს მთავრობისთვის სანქციების დაწესება გულისხმობს:

 

1.  აშშ-ის მთავრობის ნებისმიერმა განყოფილებამ (მათ შორის - აშშ-ის საექსპორტო-საიმპორტო ბანკი და ზღვისიქითა კერძო ინვესტირების კორპორაცია) არ უნდა გააგრძელოს საქართველოს მთავრობისთვის სესხი, საკრედიტო გარანტია,დაზღვევა, ფინანსირება ან სხვა მსგავსი ფინანსური დახმარება, გარდა ჰუმანიტარული, სოფლის მეურნეობისა და სამედიცინო პროდუქტებისა.

 

2.  ვაჭრობისა და განვითარების სააგენტოსთვის ხელმისაწდომი აქტივები არ უნდა იყოს გამოყენებული სააგენტოს მოქმედებისთვის საქართველოში.

 

სანქციები საქართველოს მთავრობის წარმომადგენლებისთვის გულისხმობს:

 

1.  აქტივების დაბლოკვას - საერთაშორისო საგანგებო ეკონომიკური უფლებების კანონის მიერ, პრეზიდენტის მიერ, ყველა მინიჭებული უფლებამოსილების გამოყენებას იმ დოზით, რომელიც საჭირო იქნება სანქციებს ქვეშ მოხვედრილი პირების ტრანზაქციების აკრძალვისთვის ქონებასა და აქტივებში, თუ ეს ქონება და აქტივები არის აშშ-ში, შემოდის აშშ-ში ან არის აშშ-ის მოქალაქის კონტროლისა თუ მფლობელის ქვეშ;

 

2.  აშშ-ში ჩასასვლელად საჭირო ვიზის ან სხვა სხვა დოკუმენტაცის მიღების შესძებლობის არ ქონას.

 

3.  სხვა გზით აშშ-ში ჩასვლის ან ემიგრაცისა და ეროვნების კანონით გათვალისწინებული სხვა სარგებლის მიღებას.

 

4.  ამჟამინდელი ვიზისა თუ აშშ-ში შესვლის სხვა დოკუმენტის უმალ გაუქმებას, მიუხედავად გაცემის თარიღისა.

 

რაც შეეხება სანქციების შეჩერებას

 

ზემოთ აღწერილმა სანქციებმა უნდა შეწყვიტონ მოქმედება იმავე დღეს, თუ პრეზიდენტი შესაბამის კომიტეტებს გადაუგზავნის დოკუმენტებს, სადაც სანქციების დაწესებისადმი ნეგატიური პასუხი იქნება.

 

ცნობისთვის, აშშ-ს კონგრესში საქართველოსთვის ეკონომიკური სანქციების დაწესებაზე კანონპროექტი 2019 წლის 28 თებერვალს დარეგისტრირდა. კანონპროექტი ჯერ საგარეო საქმეთა კომიტეტში გაიგზავნა, შემდეგ კი საიმიგარციო და მოქალაქეობის საკითხზე მომუშავე კომიტეტში.

 

კანონპროექტი ამჟამად წარმომადგენელთა პალატაშია, რომელიც შესაბამის კომიტეტებში განხილვას ელოდება.

საქართველოს საგარეო საქმეთა სამინისტრო სოციალურ ქსელ TikTok-ზე ქვეყნის ოკუპირებული რეგიონების დამოუკიდებელ ერთეულებად მოხსენიებასთან დაკავშირებით განცხადებას ავრცელებს. უწყებაში აღნიშნავენ, რომ სამინისტროს მთავარი პრიორიტეტი ქვეყნის სუვერენიტეტის და ტერიტორიული მთლიანობის დაცვაა, ამიტომ TikTok-თან ხარვეზის გამოსწორებაზე აქტიურად მუშაობენ.

 

„საგარეო საქმეთა სამინისტრო ყოველთვის რეაგირებს ცალკეული სუბიექტების/ორგანიზაციების მხრიდან საქართველოს ოკუპირებული რეგიონების დამოუკიდებელ ერთეულებად მოხსენიების ფაქტებზე. არაერთი მაგალითი არსებობს, როდესაც საგარეო უწყების მუშაობის შედეგად, სხვადასხვა საიტზე ოკუპირებულ ტერიტორიებთან მიმართებით გამოყენებული არასწორი დეფინიცია შეიცვალა. ჩვენ ვმუშაობთ სოციალურ ქსელ TikTok-ის საკითხზე, როგორც სხვა წინა შემთხვევებში, აღნიშნულ საიტზე არსებული ხარვეზის გასწორების მიზნით“, - აღნიშნულია საგარეო უწყების განცხადებაში.

 

ვლადიმერ კონსტანტინიდის განცხადებით, შედგა კომუნიკაცია ჩინეთის მხარესთან, საქართველოს ელჩმა გამართა ჩინეთში შეხვედრები და ასევე გამოიკვეთა, რომ ეს უზუსტობა მხოლოდ ინგლისურენოვან ვერსიაში ფიქსირდება.

საქართველოს მთავრობისთვის სანქციების დაწების აქტს კიდევ ერთი რესპუბლიკელი კონგრესმენი, რობ ბიშოპი შეუერთდდა. ამის შესახებ ინფორმაციას კონგრესის ოფციალური საიტი ავრცელებს.

 

რობი ბიშოპი, მე-9 კონგრესმენია, რომელიც კონგრესმენი მარკვენ მალინის საქციების პროექტს 5 მაის მხარი დაუჭერა.

 

კონგრესმენი რობ ბიშოპი აშშ-ის წარმომადგენელთან პალატაში იუტას შტატს წარმოადგენს, ის ასევე არის კონგრესში შტატის დელეგაციის ხელმძღვანელი.

 

კანონპროექტის მხარდამჭერები აშშ კონგრესის რესპუბლიკური პარტიის წევრებია: უილ ჰარდი, პიტ ოლსონი, რენდი უებერი, ჩარლზ ფაიშმანი, ბრაიან ბაბინი, დენ ქრენშოუ და ჯოდი არინგტონი

 

კონგრესმენმა მარკვენ მალინმა საქართველოს სამართლიანი ბიზნეს პრაქტიკის სანქციების აქტი 2019 წელს შეიმუშავა, თუმცა მისმა თანაპარტიელემა კონგრესმენებმა აქტის მხარდაჭერა ერთი წლის თავზე დაიწყეს.

 

დოკუმენტი აშშ-ს პრეზიდენტს ავალდებულებს, რომ კონგრესს შეატყობინოს არღვევს თუ არა საქართველო ვალდებულებებს და შენახმებას, რომელებიც საქართველოში მომუშავე ამერიკული ბიზნესმენებთან გააფორმა.

 

რას გულისხმობს კანონპროექტი?

 

,,დაეწესოს სანქციები საქართველოს მთავრობას, თუ აშშ-ის პრეზიდენტი გამოავლენს, რომ საქართველოს მთავრობა მოქმედებს, რათა ძირი გამოუთხაროს ვალდებულებებს თუ საკონტაქტო შეთანხმებებს აშშ-ის მოქალაქეებთან, რომლებიც საქართველოში ჩართულები არია ბიზნესში თუ სხვა ოპერაციებში“ - წერია კანონპროექტის ტექსტში

 

კანონის თანახმად, მისი მიღების შემთხვევაში, პრეზიდენტმა მიღებიდან არაუგვიანეს 90 დღისა და საშუალოდ, 180 დღეში ერთხელ უნდა წარუდგინოს კონგრესს დოკუენტი, სადაც:

 

1. გამოვლენილი იქნება, მოქმედებებს თუ არა საქართველოს მთავრობა, რათა ძირი გამოუთხარს ვალდებულებებს თუ საკონტაქტო შეთანხმებებს აშშ-ის მოქალაქეებთან, რომლებიც საქართველოში ჩართულები არიან ბიზნესში;

 

2. ინდენტიფიცირებულები იქნებია უცხოელი პირები, რომლებიც არიან საქართველოს მთავრობის მოქმედი ან ყოფილი ოფიციალური პირები და პასუხისმგებლობა აქვთ პირველ პარაგრაფში მოცემულ აქტოვობებზე(აშშ-ის მოქალაქეებთან ვალდებულებებისთვის თუ საკონტაქტო შეთანხმებებისთვის ზირის გამოთხრაზე)

 

ასევე დოკუმენტში აღნიშნული უნდა იყოს;

 

1. საქართველოში აშშ-ის მთავრობისა და არასამთავრობო სექტორის ინვესტიციების შეჯამება;

 

2. ზემოთ ხსენებული ნაბიჯების შეფასება საქართველოში აშშ-ის მიერ ინვესტირების მომავლზე;

 

საქართველოს მთავრობისთის საქციების დაწესება გულისხმობს:

 

1. აშშ-ის მთავრობის ნებისმიერი განყოფილების მიერ(მათ შორის - აშშ-ის საექსპორტო-საინპორტო ბანკი და ზღვისიქითა კერძო ინვესტირების კორპორაცია) არ უნდა გაგრძელდეს საქართველოს მთავრობისთვის სესხი, საკრედიტო გარანტია, დაზღვევა, ფინანსირება ან სხვა მსგავსი ფინანსური დახმარება, გარდა ჰუმანიტარული, სოფლის მეურნეობისა და სამედიცინო პროდქტებისა;

 

2. ვაჭრობისა და განვითარების სააგენტოსთვის ხელმისაწვდომი აქტივები არ უნდა იყოს გამოყენებული სააგენტოს მოქმედებისთვის საქართველოში;

 

კონკრეტული პირებისთვის საქნციების დაწესება გულისხმობს:

 

1. აქტივების დაბლოკვა - საერთაშორისო საგანგებო ეკონომიკური უფლებების კანონის მიერ პრეზიდენტის მიერ ყველა მინიჭებული უფლებამოსილებისგამოყენება იმ დოზით, რომელითაც საჭირო იქნება სანქციების ქვეშ მოხვედრილი პირების ტრანზაქციების აკრძალვა ქონებასა და აქტივებში, თუ ეს ქონება და აქტივები არის აშშ-ში, შემოდის აშშ-ში ან არის აშშ-ის მოქალაქის კონტროლისა თუ მფლობელობის ქვეშ;

 

2. აშშ-ში ჩასასვლელად საჭიროა ვიზის ან სხვა დოკუმენტაციის მიღების შესაძლებლობის არქონა;

 

3. სხვა გზით აშშ-ში ჩასვლის ან ემიგრაციისა და ეროვნების კანონით გათავლისწინებული სხვა სარგებელის მიღებას;

 

4. ამჟამინდელი ვიზისა თუ აშშ-ში შესვლის სხვა დოკუმენტის უმალ გაუქმებას, მიუხეავად გაცემის თარიღისა;

 

სანქციების შეჩერება:

 

ზემოთ აღწერილმა სანქციებმა უნდა შეწყვიტოს მომედება იმავე დღეს, თუ პრეზიდენტი შესაბამის კომიტეტებს გადაუგზავნის დოკუმენტებს, სადაც სანქციების დაწესებისადმი ნეგატიურ პასუხს იძლევა;

საქართველოს პარლამენტის თავმჯდომარის მოადგილე კახა კუჭავა, რომელიც პარლამენტის თავმჯდომარე არჩილ თალაკვაძესთან ერთად ამერიკის შეერთებულ შტატებში სამუშაო ვიზიტით იმყოფება, კონგრესმენ ბილ კიტინგს შეხვდა.

 

პარლამენტის პრესსამსახურის ინფორმაციით, შეხვედრაზე მხარეებმა სტრატეგიული პარტნიორობის დღის წესრიგში არსებული საკითხები მიმოიხილეს, მაღალი შეფასება მიეცა ორი ქვეყნის თანამშრომლობას ყველა მიმართულებით. ყურადღება გამახვილდა საქართველოსა და ამერიკის შეერთებულ შტატებს შორის არსებული სტრატეგიული პარტნიორობის კიდევ უფრო გაღრმავებაზე.

 

„ნამდვილად დიდი პატივისცემით განვიმსჭვალე სტუმრებისა და ზოგადად, შეხვედრის მიმართ. ჩვენს შორის შედგა საინტერესო საუბარი. დღევანდელმა შეხვედრამ კიდევ ერთხელ გაუსვა ხაზი ჩვენს შორის არსებულ პარტნიორობას ეკონომიკისა და უსაფრთხოების მიმართულებით. აშშ-ის წარმომადგენელთა პალატისათვის, რომლის წევრი უამრავი ჩვენგანი და მათ შორის მეც გახლავართ, საქართველო მნიშვნელოვან პრიორიტეტს წარმოადგენს და მჯერა, რომ მრავალი თვალსაზრისით, საქართველო დემოკრატიის მოწინავე პოზიციებზეა. ამაზე მეტყველებს ის რეფორმები, რომლებიც დემოკრატიის განვითარებას ემსახურება. საქართველოსთან აშშ-ის სტრატეგიული პარტნიორობა დღევანდელმა შეხვედრამ კიდევ ერთხელ დაადასტურა“,- განაცხადა ბილ კიტინგმა შეხვედრის შემდეგ.

კვიპროსის პრეზიდენტმა, ნიკოს ანასტასიადისმა ევროპული საბჭოს პრეზიდენტს, შარლ მიშელსა და ევროკომისიის პრეზიდენტს, ურსულა ფონ დერ ლაიენს წერილით მიმართა და მათ საქართველოს გვერდში დგომისა და აღმოსავლეთ პარტნიორობის ქვეყნებისთვის ევროკავშირის მხარდაჭერის გაძლიერებისკენ მოუწოდა.

 

ეს გადაწყვეტილება კვიპროსის პრეზიდენტმა გასულ კვირას სალომე ზურაბიშვილთან საუბრის შემდეგ მიიღო და ამის შესახებ ნიკოს ანასტასიადესმა დღეს წერილით თავად აცნობა საქართველოს პრეზიდენტს.

 

„მიუხედავად იმისა, რომ საქართველოს ყველაზე მყისიერი საჭიროებებისთვის ევროკავშირმა მნიშვნელოვანი ფინანსური დახმარება უკვე გამოყო, სევე, საქართველოში ვირუსის გავრცელებით გამოწვეული შედეგების შემსუბუქების მიზნით, შესაძლებელი გახდა უკვე არსებული დახმარების ინსტრუმენტების სხვა დანიშნულებით მიმართვა, ევროკომისიის მიერ ევროპული სამეზობლო ინსტრუმენტის (ENI) კომიტეტისათვის წარსადგენად მომზადებულ შეთავაზებაზე დამატებით, ჩემი წერილის ადრესატებს ჩვენი უახლოესი მეზობლებისთვის, როგორიც არის საქართველო, მეტი შეთავაზებების გაკეთებისა და დადგენილი სექტორული შეზღუდვების შემსუბუქებისაკენ მოვუწოდე. მე ასევე ხაზი გავუსვი ამ მნიშვნელოვანი საკითხების განსახილველად ევროკავშირსა და აღმოსავლეთ პარტნიორობის ქვეყნებს შორის სამიტის მოწვევის მნიშვნელობას, თუნდაც ვიდეოკონფერენციის ფორმატით“, - აღნიშნულია ნიკოს ანასტასიადისის წერილში.

ტრანსანატოლიური მილსადენი არის თურქეთს, აზერბაიჯანსა და საქართველოს შორის ხანგრძლივი ნდობისა და მეგობრობის მაგალითი, - ასე აფასებს თურქეთის პრეზიდენტი რეჯეფ თაიფ ერდოღანი საქართველოს, აზერბაიჯანისა და თურქეთის საერთო პროექტს.

 

გამოცემა „დიპლომატში“ გამოქვეყნებულ სტატიაში სახელწოდებით - „ტრანსანატოლიური მილსადენი: რეგიონული განვითარება და სამშვიდობო პროექტი“, რომელიც „ნიუ იორკ თაიმსთან“ თანამშრომლობით გამოქვეყნდა, თურქეთის პრეზიდენტი ამ მილსადენს რეგიონულ სამშვიდობო პროექტად ახასიათებს.

 

„ტრანსანატოლიური მილსადენი არის კონკრეტული მაგალითი ხანგრძლივი ნდობისა და მეგობრობის თურქეთს, აზერბაიჯანსა და საქართველოს შორის. ის მოიცავს სამხრეთის გაზის დერეფნის მთავარ მონაკვეთს. მისი მიზანია, ჰაზარის რეგიონის ბუნებრივი აირი ევროპამდე თურქეთისა და საქართველოს გავლით მიიტანოს. ეს 3 500 კილომეტრის სიგრძის დერეფნის ყველაზე მნიშვნელოვანი ნაწილია“, - აცხადებს რეჯეფ თაიფ ერდოღანი.

 

მისივე თქმით, გასული 18 წლის განმავლობაში თურქეთში ცვლილებათა პროცესმა შექმნა შესაფერისი გარემო ენერგორესურსების თურქეთსა და ევროპაში გასატარებლად.

 

„აზერბაიჯანსა და საქართველოსთან თანამშრომლობით, ბაქო-თბილისი-ჯეიჰანის ნედლი ნავთობის მილსადენი 2006 წელს გაიხსნა და ექსპლუატაციაში შევიდა. მოგვიანებით, 2007 წელს ბაქო-თბილისი-ერზრუმის ბუნებრივი აირის მილსადენმა ფუნქციონირება დაიწყო, რათა აზერბაიჯანის შაჰ-დენიზის ველიდან საქართველოსა და თურქეთში ბუნებრივი აირი მიეწოდებინა“, - წერს თურქეთის პრეზიდენტი.

 

სტატიაში აღნიშნულია, რომ ტრანსანატოლიური მილსადენისთვის პირველი ნაბიჯები მთავრობათაშორის შეთანხმებით გადაიდგა, რომელსაც 2011 წლის 25 ოქტომბერს მოაწერეს ხელი თურქეთმა და აზერბაიჯანმა.

 

მოლაპარაკების შედეგად, საქართველოსა და აზერბაიჯანის შაჰ-დენიზის ველის პარტნიორების მხარდაჭერით, მთავრობათაშორისი შეთანხმებისა და ტრანსანატოლიური მილსადენის მასპინძელი მთავრობის შეთანხმებით, თურქეთმა და აზერბაიჯანმა ხელი მოაწერეს 2012 წლის 26 ივნისს.

 

„2013 წლის დეკემბრიდან, პროექტის მეორე ფაზისთვის, შაჰ-დენიზის ველის პარტნიორების მიერ ფინალური საინვესტიციო გადაწყვეტილების მიღების შემდეგ, მიმდინარეობს სამუშაოები ბაქო-თბილისი-ერზრუმის მილსადენის გაფართოებისთვის, რომელიც აზერბაიჯანიდან და საქართველოდან თურქეთში გადის. ამან დააჩქარა ტრანსანატოლიური მილსადენის მშენებლობა. ტრანსანატოლიური მილსადენი 2015 წლის 17 მარტს, ფუნდამენტის ჩაყრიდან მოკლე დროში, სამ წელიწადში აიგო, ბუნებრივი აირის მიწოდება თურქეთისთვის 2018 წლის 12 ივნისს დაიწყო. დამატებით, 2019 წლის 30 ნოემბერს გაიხსნა მილსადენის ევროპული ხაზი“, - აღნიშნავს ერდოღანი სტატიაში.

 

თურქეთის პრეზიდენტის თქმით, ის მხარს უჭერს ბუნებრივი აირის მიწოდების ჯაჭვის თითოეულ ეტაპს საქართველოდან თურქეთამდე და ევროპამდე.

 

ერდოღანის თქმით, უახლოეს წლებში ტრანსანატოლიური მილსადენის სიმძლავრე 24 მილიარდ კუბურ მეტრამდე გაიზარდება, შემდეგ კი მაქსიმალურ სიმძლავრეს - 32 მილიარდ კუბურ მეტრს მიაღწევს.

 

როგორც თურქეთის პრეზიდენტი აღნიშნავს, ქვეყანა მსოფლიოში ბუნებრივი აირის ბაზარზე მე-18 ადგილს იკავებს და ესაზღვრება ევროპას, სიდიდით მეორე უმსხვილეს ბაზარს მსოფლიოში. შედეგად ტრანსანატოლიურ მილსადენს მნიშვნელოვანი პოტენციალი აქვს თურქეთსა და ევროპაში ბუნებრივი აირის მიწოდების თვალსაზრისი, რომელიც მოიპოვება აზერბაიჯანის დანარჩენ საბადოებზე, კასპიის სხვა რესურსებსა და რეგიონის სხვა ქვეყნებში.

 

თურქეთის პრეზიდენტი წერს, რომ გასული ორი საუკუნის განმავლობაში ენერგორესურსებზე კონტროლის მოსაპოვებლად დიდი ომები იყო, ტრანსანატოლიური მილსადენი კი, მშვიდობისა და თანამშრომლობის საუკეთესო პასუხია კონფლიქტურ გარემოში, რომელიც პროვოცირებულია ზოგიერთი მხარის მიერ ენერგორესურსების გამო. „თურქეთმა და საქართველომ გამოიყენეს მათი გეოგრაფიული მდებარეობა, (რომელიც შემაკავშირებელი წერტილია ენერგიის მწარმოებელი და მომხმარებელი ქვეყნებისთვის), მშვიდობისა და თანამშრომლობის პირობების შესაქმნელად და არა კონფლიქტების წასახალისებლად. „ორივე ქვეყანამ სანიმუშო მაგალითი უჩვენა მსოფლიოს, მიეწოდებინა ენერგეტიკული რესურსები კაცობრიობისთვის იმ დროს, როდესაც რეგიონული დაძაბულობა და არასტაბილურობა ყოველდღიურად იზრდება“, - აღნიშნავს რეჯეფ თაიფ ერდოღანი.

 

მისი თქმით, ტრანსანატოლიური მილსადენი არის ენერგიის აბრეშუმის გზა.

 

„მისი მტკიცე და მდგრადი ეკონომიკის, მშვიდობაზე ორიენტირებული პოლიტიკისა და სტაბილური ადმინისტრაციული მიდგომის გარდა, თურქეთი ასევე ემეზობლება ბუნებრივი აირითა და ნავთობის მდიდარ ქვეყნებს, მისი გეოგრაფიული მდებარეობიდან გამომდინარე. ამ დრომდე, თურქეთი მოქმედებდა, როგორც უსაფრთხო ხიდი მომპოვებელ ქვეყნებსა და სამომხმარებლო ბაზარს შორის და მომავალშიც ასე გააგრძელებს“, - წერს თურქეთის პრეზიდენტი.

საქართველოს პარლამენტის თავმჯდომარე არჩილ თალაკვაძე, რომელიც ამერიკის შეერთებულ შტატებში, დელეგაციასთან ერთად სამუშაო ვიზიტით იმყოფება, აშშ-ის სენატსა და წარმომადგენელთა პალატაში ორმხრივ შეხვედრებს მართავს.

 

პარლამენტის პრესსამსახურის ინფორმაციით,კონგრესმენ ადამ კინზინგერთან გამართულ შეხვედრაზე მხარეებმა დემოკრატიის და უსაფრთხოების საკითხები განიხილეს. ყურადღება გამახვილდა საქართველოსა და ამერიკის შეერთებულ შტატებს შორის არსებული სტრატეგიული პარტნიორობის კიდევ უფრო გაღრმავებაზე.

 

„მთავრობასთან გაცილებით მეტი კომუნიკაცია გვაკავშირებს, ვიდრე რომელიმე სხვა მხარესთან. ჩვენ ვხედავთ გარკვეულ საკითხებს, ვმსჯელობთ მათზე, თუმცა, ჩვენი პოზიციები, რომლებიც არსებულ საკითხებს ეხება, არ უნდა გავიაზროთ ისე, როგორც გაბრაზების, ან განაწყენების გამომხატველი გზავნილები, არამედ, როგორც მეგობრებს შორის ჯანსაღი ურთიერთდამოკიდებულების გამომხატველი ჟესტი. ჩვენ საქართველოს ჩვენი სამომავლო გეგმების ძალზე მნიშვნელოვან ნაწილად მოვიაზრებთ და იმედი მაქვს, საქართველოსაც იგივე ექნება სათქმელი ამერიკის შეერთებული შტატების შესახებ. ამრიგად, აღნიშნული გზავნილები ჩვენი დამოუკიდებელი და ობიექტური მოქმედების შედეგი უფროა, ვიდრე რაიმე სახის გზავნილები“, - ამის შესახებ კონგრესმენმა ადამ კინზინგერმა საქართველოს პარლამენტის თავმჯდომარესთან, არჩილ თალაკვაძესთან შეხვედრის შემდეგ განაცხადა.

 

მან დიალოგის გაგრძელების გარდაუვალი აუცილებლობაზე ისაუბრა და აღნიშნა, რომ ეს არსებული კრიზისული სიტუაციიდან გამოსვლის წინაპირობაა.

 

„იმდენად, რამდენადაც აშშ საქართველოში მიმდინარე მოვლენებით მნიშვნელოვნად დაინტერესებულია, ერთ-ერთი უმთავრესი, რაც საქართველოზე საუბრისას უნდა აღინიშნოს, არის დიალოგის გაგრძელების გარდაუვალი აუცილებლობა, რაც თავის მხრივ, არსებული კრიზისული სიტუაციიდან გამოსვლის წინაპირობაა. ჩვენ გვქონდა საკმაოდ პროდუქტიული საუბრები ყველა იმ საკითხთან მიმართებით, რაც ჩვენს საერთო ინტერესებშია და დიდ იმედს გამოვთქვამ, გადაწყვეტილების მიღების პროცესი იქნება სწრაფი და შედეგზე ორიენტირებული. საკმაოდ კარგად მიდის ჩვენი ურთიერთობა და იმედი მაქვს, შეთანხმებასაც ერთობლივად მივაღწევთ. ერთი ცხადია, ყველაფერი უნდა გაკეთდეს ქვეყანაში დემოკრატიის შესანარჩუნებლად, იმ დემოკრატიის, რომელიც საქართველოში დიდი ხნის მანძილზე იყო“,-განაცხადა ადამ კინზინგერმა.

 

როგორც საქართველოს პარლამენტის პრესსამსახურის მიერ გარცელებულ ინფორმაციაშია აღნიშნული, შეხვედრის ფარგლებში დადებითად შეფასდა საქართველოს მიერ ევროატლანტიკური ინტეგრაციის პროცესში მიღწეული პროგრესი. ხაზი გაესვა აშშ-ს მნიშვნელოვან როლს ევროატლანტიკური მიზნების რეალიზაციის გზაზე.

ექსკლუზიური

ევროკავშირი

არქივი

« « » » June 2019
Mon Tue Wed Thu Fri Sat Sun
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?