Global Press

English

Global PressGlobal PressGlobal PressGlobal Press

USD
3.0651
EUR
3.5049
RUR
0.0431
GBP
3.8715

ნავთობის შოკიც გვაქვს ქვეყანაში და როგორც წესი, ნავთობის ფასების შემცირება საქართველოს ეკონომიკისთვის ორლესული მახვილია, - ამის შესახებ საქართველოს ეროვნული ბანკის პრეზიდენტმა, კობა გვენეტაძემ საბანკო სექტორზე არსებული სიტუაციის გავლენის შეფასებისას განაცხადა.

 

მისი თქმით, წელს საკრედიტო პორტფელის ზრდა 0-5%-ის ფარგლებში იქნება და შესაძლოა, მიმდინარე წელი ბანკებმა ზარალით დაასრულონ, თუმცა ფინანსური გამოწვევას საქართველოს საფინანსო სექტორი მომზადებული შეხვდა.

 

ამასთან, სებ-ის პრეზიდენტი, პანდემიასთან ერთად ხაზს უსვამს ნავთობის ფასების კლების გავლენას საქართველოს ეკონომიკაზე.

 

„კვლავ რჩება გაურკვევლობა პანდემიის განვითარებასთან დაკავშირებით მთელ მსოფლიოში და ჩვენც თავისუფალი ვერ ვიქნებით ამ კონტექსტიდან. პანდემიის გარდა კიდევ ერთი ეფექტი, რომელსაც დიდი გავლენა აქვს ეკონომიკაზე, არის ნავთობის ფასის შემცირება. ნავთობის შოკიც გვაქვს ქვეყანაში და როგორც წესი, ნავთობის ფასების შემცირება საქართველოს ეკონომიკისთვის ორლესული მახვილია, რადგან ერთ შემთხვევაში მცირდება იმპორტის მოცულობა, რადგანაც ფასები კლებულობს, ამავედროს არ დაგვავიწყდეს, რომ ინვესტიციები და გადმორიცხვები იმ ქვეყნებიდან, სადაც ნავთობის სექტორი მნიშვნელოვან როლს თამაშობს, ასევე შემცირდება ამ პერიოდში და ამასაც გავლენა აქვს და უნდა გავითვალისწინოთ. გამოვედით ერთი შოკიდან, რომელიც შარშან რუსეთის ფედერაციიდან ფრენების აკრძალვას მოყვა და შემდეგაა უკვე ორმაგი შოკი, რომელიც პანდემიით და ნავთობის ფასების კლებით გამოიხატება,“-განმარტა გვენეტაძემ.

 

მისივე ინფორმაციით, შემცირებულია ახლადგაცემული სესხების რაოდენობა და იკლო დაფარვებმაც, რაც გადავადებებმაც განაპირობა.

პირველი ივნისიდან, ორშაბათიდან გაიხსნება და მუშაობას შეძლებს ღია სივრცის მქონე რესტორნები. 8 ივნისიდან რესტორნებში გაიხსნება ყველა სახის მომსახურება. ეს ნიშნავს იმას, რომ რესტორნებს სრულად შეეძლებათ იმოქმედონ, - ამის შესახებ პრემიერ-მინისტრმა, გიორგი გახარიამ საკოორდინაციო საბჭოს სხდომაზე განაცხადა.

 

მისივე თქმით, 8 ივნისიდან გაიხსნება მხოლოდ ის სასტუმროები, რომელთაც გავლილი ექნებათ ჯანდაცვის სამისნისტროს შესაბამისი შემოწმება და ექნებათ კონკრეტული სახის ნებართვა.

 

დღესვე ცნობილი გახდა, რომ 29 მაისიდან გაიხსნება ყველა სახის მუნიციპალური ტრანსპორტი, მათ შორის - მეტრო.

კალიფორნიის ქალაქ ბარსტოუში Tesla Model 3-ის მფლობელმა მისი ავტომობილის გამტაცებელი მანქანაში სმარტფონის საშუალებით ჩაკეტა. ამის შესახებ გამოცემა Business Insider-ი წერს.

 

შემთხვევა ერთ-ერთი სავაჭრო ცენტრის ავტოსადგომზე მოხდა. Tesla-ს მფლობელი თავის ავტომობილში იჯდა, როდესაც მას 21 წლის ჩარლი სმიტი მიუახლოვდა და მძღოლს მანქანის დატოვება უბრძანა.

 

Tesla-ს მფლობელი სმიტს არ შეეწინააღმდეგა, თუმცა, მას შემდეგ რაც ავტომობილი ადგილიდან დაიძრა, მან ელექტროძრავი გამორთო და გამტაცებელი მანქანაში ჩაკეტა. ამის გაკეთება ავტომობილის მფლობელმა სმარტფონის აპლიკაციის საშუალებით შეძლო.

 

ადგილზე მისულმა პოლიციამ აღმოაჩინა, რომ ჩარლი სმიტი ალკოჰოლის ზემოქმედების ქვეშ იყო. მას

ეროვნული ბანკის პრეზიდენტის, კობა გვენეტაძის განცხადებით, მთავრობა იპოთეკური სესხების სუბსიდირებას განიხილავს და პროცესში ეროვნული ბანკიც ჩართულია.

 

მისივე განმარტებით, საბოლოო ჯამში მთავრობის გადასაწყვეტია კონკრეტულად რომელ ჯგუფებზე და რა ფორმით იქნება დახმარება შეთავაზებული.

 

კობა გვენეტაძე აცხადებს, რომ იპოთეკური სესხების სუბსიდირება უძრავ ქონებაზე მოთხოვნას გაზრდის და გააჯანსაღებს სამშენებლო კომპანიების მდგომარეობას.

 

„ის ფაქტი და ღონისძიება, რომელიც გაზრდის მოსახლეობის ბინებზე ხელმისაწვდომობას, იპოთეკური სესხების სუბსიდირება, ასევე ზოგადად გააუმჯობესებს მსესხებლების ფინანსურ მდგომარეობას და გადახდისუნარიანობას. ის აღადგენს საკრედიტო აქტივობას ამ მიმართულებით, ცხადია გარკვეულ დონემდე და არა ისე როგორც ადრე იყო. ამავე დროს მნიშვნელოვანია, რომ ის გავრცელდეს მხოლოდ ლარის სესხებზე, რადგანაც ეს ლარიზაციას წაახალისებს და სავალუტო რისკებს შეამცირებს. ეს ინიციატივა უახლოეს პერიოდში გაცხადდება,“-აღნიშნა გვენეტაძემ.

 

მისივე თქმით, ფაქტია, რომ უძრავი ქონების ბაზარზე მოთხოვნა და ფასები შემცირდება.

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ტურისტებს სავარაუდოდ, საქართველოში შემოსვლისას დოკუმენტის წარდგენა მოუწევთ, რომ ბოლო 72 საათში გამოკვლეული არიან და მათი პასუხი უარყოფითია.

 

გამყრელიძის თქმით, უნდა ვიყოთ ძალიან ფრთხილად და ტურისტების მიღება მოხდება საერთაშორისო და საკოორდინაციო საბჭოს მიერ შემუშავებული რეკომენდაციების გათვალისწინებით.

 

„პირველ რიგში, ეს იქნება ეგრეთ წოდებული მწვანე ქვეყნები და მწვანე დერეფნებიდან მიღებული ტურისტები, სადაც ინფიცირების მაჩვენებელი არის დაბალი და რა თქმა უნდა, იქნება პირობები მათი ქვეყანაში შემოსვლის და გადაადგილების. ჩვენ მაქსიმალურად ისეთ პირობებს დავაწესებთ, რა თქმა უნდა, ეს არ უნდა იყოს ძალიან მკაცრიც, რომ ადამიანს არ მოუნდეს შენთან ჩამოსვლა, მაგრამ უნდა იყოს ადვილად შესრულებადი და უნდა შეუწყო ხელი იმიტომ, რომ იგივე ჩვენი მოქალაქეები უნდა გავიდნენ ზაფხულში სხვაგან და შესაბამისად, ეს იქნება ურთიერთშეთანხმებების საფუძველზე. ალბათ შემოვა ე.წ. კოვიდის პასპორტივით მსგავსი დოკუმენტი, რომ ბოლო 72 საათში გამოკვლეული უნდა იყო და გქონდეს უარყოფითი რეაქცია PCR-ით. შემდეგ კიდევ მიდევნების აპლიკაციები არსებობს და ბევრი მექანიზმია. მაგალითად, საბერძნეთი ამის გამოყენებას უკვე წარმატებით იწყებს. საქართველოში ინფექციის გავრცელება დაბალია, ამიტომ ტურისტული პოტენციალი ძლიერია,“- აღნიშნა გამყრელიძემ.

 

რაც შეეხება შიდა ტურისტს, ამირან გამყრელიძის თქმით, სასურველია რომ წელს შიდა ტურიზმი მეტად განვითარდეს და ეს დამატებითი კვლევების საჭიროებას არ წარმოშობს.

 

„შიდა ტურიზმი წელს ქვეყანაში მეტად უნდა განვითარდეს და მინდა, რომ ჩვენ ყველამ საქართველო უკეთ გავიცნოთ. მას დამატებით არავითარი კვლევები არ სჭირდება, თუ რა თქმა უნდა, არ გვაქვს ის რასაც ყურადღება უნდა მივაქციოთ, ანუ ტემპერატურა და სხვა სიმპტომები. ჩვენ ტესტირებას სერიოზულად ვაფართოებთ. გავაოთხმაგეთ ჩვენ PCR ტესტირება და დღიურად 3000-მდე ავალთ ივნისში, ტურიზმის განვითარებასთან ერთად ეს აუცილებელია,“- აღნიშნა გამყრელიძემ.

მსოფლიო ეკონომიკამ ახალი კორონავირუსის (კოვიდ19) პანდემიის შედეგად შესაძლოა 5.8-დან 8.8 ტრილიონ აშშ დოლარამდე იზარალოს, რაც მსოფლიოს მთლიანი შიდა პროდუქტის (მშპ) 6.4%-დან 9.7%-მდეა, - ნათქვამია აზიის განვითარების ბანკის დღეს გამოქვეყნებულ (ADB) ანგარიშში.

 

ანგარიში, კოვიდ-19-ის პოტენციური ეკონომიკური ზეგვლენის განახლებული შეფასება, ადგენს, რომ ეკონომიკურმა ზარალმა აზიასა და ოკეანეთში შესაძლოა იმერყევოს 1.7 ტრილიონი აშშ დოლარიდან — გავრცელების სწრაფი შეკავების, სამთვიანი სცენარის შემთხვევაში — 2.5 ტრილიონ აშშ დოლარამდე— ხანგრძლივი შეკავების ექვსთვიანი სცენარის შემთხვევაში, რაც მსოფლიო წარმოებაში რეგიონის წვლილს 30%-ით შეამცირებს. ჩინეთის სახალხო რესპუბლიკამ შესაძლოა 1.1-დან 1.6 ტრილიონ აშშ დოლარამდე ზარალი ნახოს. ახალი ანალიზი აზიის განვითარების პროგნოზი 2020-ის მონაცემების განახლებული ვერსიაცაა. 3 აპრილს გამოქვეყნებულ პუბლიკაციაში მსოფლიო ზარალი 2.0-დან 4.1 ტრილიონ აშშ დოლარამდე იყო ნავარაუდევი.

 

მსოფლიოს მასშტაბით მთავრობები პანდემიის წინააღმდეგ სწრაფი რეაგირებით გამოირჩეოდნენ და მიიღეს როგორც ფისკალური და სავალუტო რეგულაციების შემსუბუქების ზომები, ასევე გაზარდეს ხარჯვა ჯანდაცვის სფეროში და პირდაპირი დახმარება მოგებასა და შემოსავლებში არსებული დანაკარგების შესამცირებლად. ანგარიშის მიხედვით, თუ მთავრობები მსგავს ღონისძიებებს გააგრძელებენ, ამან შესაძლოა კოვიდ-19-ის ეკონომიკური ზემოქმედება 30%-დან 40%-მდე შეარბილოს და პანდემიით გამოწვეული გლობალური ეკონომიკური დანაკარგები 4.1-დან 5.4 ტრილიონ აშშ დოლარამდე შუალედში შეამციროს. ანალიზი, რომელიც იყენებს გლობალური ვაჭრობის ანალიზის პროექტის ზოგადი ეკვილიბრუმის მოდელს, მოიცავს პანდემიისგან დაზარალებულ 96 ეკონომიკას კოვიდ-19-ის 4 მილიონზე მეტი რეგისტრირებული შემთხვევით. ტურიზმის, მოხმარების, ინვესტიციების, ვაჭრობისა და წარმოების ჯაჭვების შოკებს, რომელიც აზიის განვითარების პროგნოზი 2020-ში იყო ნავარაუდევი ახალ ანგარიშში ემატება გადამცემი არხები, როგორიცაა ვაჭრობის ხარჯების ზრდა, რაც აფერხებს მობილობას, ტურიზმს და სხვა დარგებს; დარღვევები მიწოდების ჯაჭვში, რაც უარყოფითად მოქმედებს მწარმოებლუნარიანობასა და ინვესტიციებზე; და მთავრობის საპასუხო პოლიტიკა, რომელიც კოვიდ19-ის მსოფლიო ეკონომიკაზე გავლენას არბილებს.

 

„ახალი ანალიზი წარმოადგენს კოვიდ-19-ის პოტენციური მნიშვნელოვანი ეკონომიკური ზემოქმედების ფართო სურათს. ის ასევე ხაზს უსვამს ზარალის შესამცირებლად მთავრობის ღონისძიებების მნიშვნელობას. ახალი მონაცემები შესაძლოა მთავრობებს სახელმძღვანელოდაც გამოადგეს და იმ ზომების განსაზღვრაში დაეხმაროს, რაც პანდემიის შეკავებასა და ეკონომიკებსა და მოსახლეობაზე მისი ზემოქმედების შერბილებაში დაეხმარება,”- განაცხადა ADB-ის მთავარმა ეკონომისტმა იასუიუკი სავადამ.

 

ADB-ის კოვიდ-19-ის რეგულაციების მონაცემთა ბაზა შეიცავს დეტალურ ინფორმაციას იმ მთავარ ეკონომიკურ მექანიზმებზე, რასაც ADB-ის წევრები პანდემიის წინააღმდეგ მიმართავენ. გავრცელების შეკავების მოკლე და გრძელ სცენარებში ანგარიში განმარტავს, რომ საზღვრების ჩაკეტვა, სამგზავრო შეზღუდვები და კარანტინი, რაც პანდემიით დაზარალებულმა ეკონომიკებმა კოვიდ-19-ის გავრცელების შესაჩერებლად მიიღეს, მსოფლიო ვაჭრობას სავარაუდოდ 1.7-დან 2.6 ტრილიონ აშშ დოლარამდე შეამცირებს. დასაქმება მსოფლიოს მასშტაბით შემცირდება 158-დან და 242 მილიონამდე სამუშაო ადგილით, რაც აზიასა და ოკეანეთში ჯამური სამუშაო ადგილების დაკარგვის 70%-ს შეადგენს. სასოფლო-სამეურნეო საქმიანობიდან შემოსავლის შემცირება 1.2-დან 1.8 ტრილიონ აშშ დოლარამდეა მოსალოდნელი, რომლის 30%-ს რეგიონის ეკონომიკები იგრძნობენ, ანუ 359 მილიარდიდან 550 მილიარდ აშშ დოლარამდე.

 

„ჯანდაცვის ხარჯების გაზრდასა და ჯანდაცვის სისტემის გაძლიერებასთან ერთად შემოსავლისა და დასაქმების ძლიერი დაცვაც აუცილებელია უფრო რთულად მიმდინარე და გახანგრძლივებული ეკონომიკური გაჯანსაღების თავიდან ასაცილებლად. მთავრობებმა მიწოდების ჯაჭვების უწყვეტობა უნდა უზრუნველყონ; ხელი შეუწყონ და გააღრმავონ ელექტრონული კომერცია და საქონლისა და მომსახურების მიწოდების ლოგისტიკა და დააფინანსოს დროებითი სოციალური დაცვის მექანიზმები, უმუშევრობის სუბსიდირება და სასიცოცხლოდ მნიშვნელოვანი საშუალებების — განსაკუთრებით საკვების — მიწოდება მოხმარების კიდევ უფრო მკვეთრი შემცირების თავიდან ასაცილებლად,”- ნათქვამია ანგარიშში.

 

„ADB აქტიურად მუშაობს მისი წევრების კოვიდ-19-ის შედეგებზე რეაგირებაში დასახმარებლად მიმდინარე წლის13 აპრილს გამოცხადებული 20 მილიარდი აშშ დოლარის საპასუხო პაკეტის საშუალებით. ბანკმა რეფორმათა სერია გაატარა ოპერაციების დასაჩქარებლად და დახმარების მოკლე ვადებში, მოქნილი პროცედურებით მისაწოდებლად. ეწვიეთ ADB-ის ვებ-გვერდს ჩვენი მიმდინარე საპასუხო საქმიანობის შესახებ. ADB-ის მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი”,-აღნიშნულია აზიის განვითარების ბანკის მიერ გავრცელებულ ინფორმაციაში.

პოპულარული გამოცემა Lonely Planet საქართველოში საერთაშორისო ტურიზმის აღდგენას სტატიას უძღვნის.

 

სტატიაში აღნიშნულია, რომ ქვეყანა საერთაშორისო ტურისტების 1-ლი ივლისიდან მიიღებს, ავიაკომპანიები Ryanair და Wizz Air კი ფრენებს განაახლებენ რეგიონის გარკვეულ ქვეყნებში, მათ შორის ბალტიისპირეთის, უნგრეთის, ისრაელისა და სხვა ქვეყნების მიმართულებით, რაზეც ამჟამად მოლაპარაკებები მიმდინარეობს.

 

გამოცემა საქართველოში მომუშავე ტურისტულ კომპანიებს გაესაუბრა და მათი მოსაზრებებიც მოისმინა.

 

„ქვეყნის საზღვრების გახსნისკენ გადადგმულ ნაბიჯს მიესალმნენ ადგილობრივი ტურისტული კომპანიები, რომლებიც მომსწრე გახდნენ, როგორ დაეცა ჯავშნების რაოდენობა ერთ ღამეში. გრიგოლ ფაღავა, Budget Georgia– ს მეპატრონე ამბობს, რომ ”ჩვენ ექსპონენციალურ წარმატებას მივაღწიეთ 2020 წლის მარტის დასაწყისში. აქამდე ამდენი დაჯავშნა არასდროს გვქონია წელიწადის ამ დროს, მაგრამ 17 მარტიდან ყველაფერი შეიცვალა. მოთხოვნა ახალ ჯავშნებზე შეწყდა ორი დღის განმავლობაში. ეს მოხდა ძალიან სწრაფად, 100-დან 0-მდე“, - განაცხადა გრიგოლ ფაღავამ“, - წერს გამოცემა.

 

Lonely Planet-ი საქართველოს კორონავირუსთან ბრძოლის სტრატეგიაზეც წერს და აღნიშნავს, რომ ქვეყნის სწრაფმა ჩაკეტვამ დიდწილად განაპირობა შედარებით დადებითი სტატისტიკა, შემდეგ კი ეკონომიკის მინისტრს, ნათია თურნავას გაესაუბრა.

 

„ეკონომიკის მინისტრი ნათია თურნავა იმედოვნებს, რომ დაასახელებს საქართველოს, როგორც უსაფრთხო ქვეყანასა COVID-19-თან დაკავშირებით ქვეყნის აშკარა წარმატების საფუძველზე. „მანამდე მსოფლი იცნობდა საქართველოს, როგორც მასპინძლობის უძველესი ტრადიციის მქონე ქვეყანას, ახლა კი გაიცნობენ, როგორც უსაფრთხო ტურისტული დანიშნულების ადგილს. ჩვენ უნდა გამოვიყენოთ ახალი კონკურენტული უპირატესობა, რომელიც ჩვენმა ქვეყანამ შეიძინა პანდემიის წინააღმდეგ ბრძოლაში“, - აღნიშნა ნათია თურნავამ“, - წერია სტატიაში.

 

„ზაფხულში საქართველოს მთები ლაშქრობის მთავარ მიმართულებად მიიჩნევა, მაგრამ შორი რეგიონები, როგორიცაა სვანეთი და თუშეთი, ტურისტული კერების გაფართოების პროცესს წლის განმავლობაში დიდხანს არიან მოწყვეტილი ექსტრემალური სიმაღლისა და ძლიერი თოვლის ქარიშხლების გამო.

 

მიუხედავად იმისა, რომ ისინი შესაძლოა ზაფხულში იზოლირებული დასვენებისთვის იდეალური ადგილები იყოს, ტურიზმის ინდუსტრიის განახლებისთვის უნდა დაზუსტდეს, რომ სოფლის თემები და ტურიზმის სექტორში მომუშავე პირები დაცული იქნებიან COVID-19- ის შემდგომი გავრცელებისგან“, - აღნიშნავს გამოცემა.

კორონავირუსის გამო შეჩერებულმა ეკონომიკამ ყველაზე დიდი დარტყმა მცირე და საშუალო ბიზნესებს მიაყენა, რომელთაც დიდი დანაზოგი არ ჰქონდათ არსებობის გაგრძელებისათვის. განსაკუთრებით დაზარალდა გართობის ინდუსტრია. ახლა, როცა ეკონომიკა ნელ-ნელა იხსნება, გვინდა, ჩვენი წვლილი შევიტანოთ ამ კომპანიების ღირსეულად დაბრუნებაში და ვითვალისწინებთ რა, რომ მათ შეიძლება სარეკლამო ბიუჯეტი საერთოდ არ ჰქონდეთ, სიმბოლურ ფასს ვთავაზობთ ჩვენს მომსახურებებზე.

 

ნებისმიერი ინფორმაცია თქვენი მცირე ბიზნესის ხელახალი ამუშავების, აქციების, ინიციატივებისა თუ კამპანიების შესახებ ჩვენთვის ღირებულია.

 

უკვე მომზადებულ ტექსტს ჩვენ 50 ლარად განგითავსებთ, რაც შეეხება ჩვენი ჟურნალისტის მიერ მასალის დაწერას: ამ სერვისს 80 ლარად გთავაზობთ, ასევე ვებგვერდზე სარეკლამო ბანერებს ჩვენს 100 ლარად განვათავსებთ

 

ყოველ შემდეგ მასალაზე კი 50%-იანი ფასდაკლებით ისარგებლებთ.

 

აღნიშნული პირობებით მომსახურება 6 თვის განმავლობაში გაგრძელდება ჩვენ დარწმუნებული ვართ, რომ შეგვიძლია, მოვძებნოთ თანამშრომლობისათვის საინტერესო ფორმატი, რომელიც ხელს შეგიწყობთ ხელახალ სტარტში.

 

შეთავაზება ეხებათ:

 

კაფეებს;

 

რესტორნებს;

 

ბარებს;

 

კლუბებს;

 

სალონებს;

 

მუზეუმებს;

 

ტურისტულ სააგენტოებს; 

 

გასართობ ცენტრებს;

 

ქართულ სტარტაპებს.

 

დეტალებისთვის დაგვიკავშირდით : მერაბ ცაავა: 558 90 91 25; This email address is being protected from spambots. You need JavaScript enabled to view it.

სილამაზის სალონების მომსახურების ფასი ლოგიკურია, რომ გაიზრდება - ამის შესახებ სილამაზის სალონების ფედერაციის პრეზიდენტმა, თამარ შარაშენიძემ იმედის დილის ეთერში განაცხადა.

 

მისი განმარტებით, სალონს უამრავი პროდუქცია სჭირდება მომსახურებისთვის და ეს პროდუქციაც სავარაუდოდ გაძვირდება, ამას მომწოდებლები ამბობენ.

 

„მე როდესაც ჩავატარე გამოკითხვა სალონებში, მათ 10-დან 20 პროცენტამდე ზრდა ივარაუდეს. თუმცა დაზუსტებული ინფორმაცია თავად ობიექტებს ექნებათ, რადგან მათ თავისი მარკეტინგის სამსახური და თვისი მომხმარებელი ჰყავს, თუმცა უმრავლესობამ ეს პროცენტი დაგვისახელა“, - აღნიშნა თამარ შარაშენიძემ.

 

სილამაზის სალონები და ესთეტიკური მედიცინის ცენტრები საქართველოში 18 მაისიდან გაიხსნება.

 

ეკონომიკის მინისტრმა განმარტა, როგორ იმუშავებს სილამაზის სალონები. ნათია თურნავას თქმით, ამ ტიპის დაწესებულებებში ელექტრონული რიგის სისტემა იმოქმედებს და აუცილებელი იქნება სოციალური დისტანციის დაცვა.

1-ელი ივნისიდან გაიხსნება და მუშაობას შეძლებს ყველა სახის ღია მაღაზია, მათ შორის მოლებიც. ამის შესახებ პრემიერ-მინისტრმა გიორგი გახარიამ კორონავირუსის ფარგლებში შექმნილი უწყებათაშორისი საკოორდინაციო საბჭოს სხდომაზე განაცხადა. მისი თქმით, 1-ელი ივნისიდან გაიხსენება ასევე ღია და დახურული ბაზრობები და ღია სივრცის მქონე რესტორნები.

 

8 ივნისიდან კი აღდგება ყველა სახის მომსახურება რესტორნებში.

 

„8 ივნისიდან გაიხსნება ყველა სახის მომსახურება რესტორნებში, ასევე გაიხსენება ის სასტუმროები, რომლებსაც გავლილი ექნებათ ჯანდაცვის სამინისტროს შესაბამისი უწყებების შემოწმებები და ექნებათ შესაბამისი ნებართვა. ასევე საქალაქთაშორისო ტრანსპორტი, - განაცხადა გახარიამ.

რეკომენდაციები ავტოტექმომსახურებისთვისაც განისაზღვრა. განაცხადა შრომის პირობების ინსპექტირების დეპარტამენტის უფროსმა, ბექა ფერაძემ გადაცემაში „დილის შოუ“.

 

„რაც შეეხება ავტოტექმომსახურებას, აქაც ვითხოვთ და იმედი გვაქვს, რომ მისი პრაქტიაში რეალიზება მოხდება, უნდა ხდებოდეს წინასწარ დაჯავშნით ავტომობილის გადაცემა. სპეციალურად გამოყოფილი პირი პერსონალიდან საჭეს ასუფთავებს შესაბამისი სადეზინფექციო ხსნარით და გადაჰყავს მომსახურებისთვის. ეს არის განსხვავებული რეგულაცია, რომელიც განვსაზღვრეთ ავტოტექმომსახურებისთვის“, - განაცხადა ბექა ფერაძემ.

 

რაც შეეხება საბითუმო სავაჭრო ობიექტებს, აქ რიგის დაცვისთვის შესაბამისი სტიკერები უნდა იყოს. თუ განიავება ვერ ხერხდება, კონდიცირების სისტემამ უნდა იმუშაოს.

საერთაშორისო ჯგუფი „ვიონი“-ს წევრი, „ბილაინი“ მომხმარებლებს უცხო ენების შესწავლის პლატფორმა Busuu-ს ერთთვიან პრემიუმ პაკეტზე წვდომას აძლევს. როგორც „გლობალპრესს“ ბილაინიდან აცნობეს, Busuu უცხო ენის შესწავლის ერთ-ერთი ფართოდ გავრცელებული და მსოფლიოში პოპულარული პლატფორმაა, რომელიც ხელმისაწვდომია ვებ-გვერდის, ასევე iOS და ანდროიდის აპლიკაციების მეშვეობით.

 

„Busuu უნიკალურ შესაძლებლობას აძლევს მომხმარებელს, ისწავლოს უცხო ენა იმ ადამიანთან ურთიერთობით, ვისთვისაც ეს ენა ბუნებრივია. Busuu-ზე ხელმისაწვომია მსოფლიოში ფართოდ გავრცელებული 12 ენა, მათ შორის: ინგლისური, ესპანური, ფრანგული, გერმანული, იტალიური, ჩინური, თურქული და სხვ. ამჟამად პლატფორმა 100 მილიონ მომხმარებელს ითვლის.

 

პრემიუმ პაკეტით სარგებლობისთვის მომხმარებელი შედის ვებგვერდზე   https://beeline.ge/promo   და გადის მარტივ ვერიფიკაციას მობილურის ნომრით, რის შემდეგაც SMS-ით ვაუჩერის კოდს იღებს. ამის შემდეგ მომხმარებელი გადის რეგისტრაციას Busuu-ს ვებ-გვერდზე და ანგარიშის ძირითად მენიუში ირჩევს „Redeem a Voucher” სადაც შესაბამის ველში SMS-ით მიღებული კოდი შეყავს და სარგებლობს 1 თვიანი პრემიუმ პაკეტით სრულიად უფასოდ.

 

Busuu-სთან თანამშრომლობა ბილაინის ციფრული მიმართულების სტრატეგიის ნაწილია, რომლის მიზანიცაა მომხმარებელს წვდომა მისცეს მსოფლიოში წამყვან საგანმანათლებლო, გასართობ თუ სპორტულ პლატფორმებზე“, - ნათქვამია ინფორმაციაში.

არქივი

« « » » July 2019
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?