Global Press

English

Global PressGlobal PressGlobal PressGlobal Press

USD
3.0651
EUR
3.5049
RUR
0.0431
GBP
3.8715

ჩვენი ქვეყნისთვის კრიტიკულად მნიშვნელოვანია პირდაპირი უცხოური ინვესტიციები. მოგეხსენებათ, რომ ჩვენ ყველაფერი გავაკეთეთ იმისთვის, რომ სისტემური ინფრასტრუქტურული პროექტები, რომელთაც აფინანსებს სახელმწიფო, არ შეგვეჩერებინა, ან შეჩერების ტემპი ყოფილიყო მინიმალური. ყველაფერი გავაკეთეთ იმისთვის, რომ დაგვესტიმულირებინა უცხოური პირდაპირი ინვესტიციები. ამის მაგალითი გახლავთ, ფოთის პორტის ერთ-ერთი ტერმინალის სრული რეკონსტრუქციის ეტაპი, რომელიც უახლოეს პერიოდში დაიწყება, - ამის შესახებ პრემიერ-მინისტრმა მთავრობის სხდომაზე განაცხადა.

 

გიორგი გახარიამ განმარტა, რომ ქვეყნისთვის კრიტიკულად მნშვნელოვანია თანამედროვე ინფრასტუქტურის მქონე პორტების არსებობა და ფოთის პორტის რეკონსტრუქცია უახლოეს დღეებში დაიწყება.

 

„მასში პირდაპირ ინვესტიციებს ახორციელებს ამერიკული ფონდი და ეს პროექტი დაიწყო უკვე. უკვე გადმოირიცხა 30 მილიონი დოლარი. ამ პროექტის სრული ღირებულება გახლავთ 93 მილიონი დოლარი. სამუშაოები დაიწყება უახლოეს დღეებში. ეს კიდევ ერთი დამადასტურებელია, როგორც სახელმწიფოს ზრუნვის პირდაპირ უცხოურ ინვესტიციებზე, ასევე ჩვენი ქვეყნის სტრატეგიულ პარტნიორთან ურთიერთობისა და თანამშრომლობის გაღრმავების, არა მხოლოდ უსაფრთხოებისა და დემოკრატიზაციის თვალსაზრისით, არამედ ეკონომიკური მიმართულებითაც. ამას ჩვენთვის ეკონომიკური შინაარსის გარდა აქვს სხვა დატვირთვაც. ყველაფერთან ერთად ჩვენ, რა თქმა უნდა, უნდა გავაძლიეროთ ჩვენი ინვესტიციები ჩვენს საპორტო ინფრასტრუქტურაში და ფოთის პორტი, როგორც ქვეყნის ერთ-ერთი ყველაზე მნიშვნელოვანი კარიბჭე უფრო უნდა განვითარდეს. რა თქმა უნდა, ყველაფერი უნდა გავაკეთოთ იმისთვის, რომ შავიზღვისპირეთში, საქართველოში საზღვაო და საპორტო ინფრასტრუქტურა იყოს თანამედროვე, განვითარებული და ხელი შევუწყოთ ყველაფერს, მათ შორის ახალი პორტების მშენებლობასაც“, - განაცხადა გახარიამ.

პირველი ქვეყანა, როგორც ჩანს, ისრაელი იქნება, რომელთანაც ჩვენ გვექნება უსაფრთხო მწვანე კორიდორი, რომელიც უზრუნველყოფს შესაძლებლობას საქართველოში სტუმრები მალე მივიღოთ, ტურისტები ამ ქვეყნიდან, - ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა, როდესაც ისაუბრა საქართველოში ტურიზმის სექტორის შესახებ.

 

როგორც პრემიერ-მინისტრმა აღნიშნა, საქართველო უნდა იყოს ერთ-ერთი ქვეყანა, რომელიც შეძლებს ტურიზმის გახსნას, ამუშავებას და ქვეყანაში სტუმრების მიღებას. გახარიას თქმით, ამისათვის ძალიან აქტიურად მუშაობს, როგორც ტურიზმის სააგენტო, ასევე საგარეო საქმეთა და ეკონომიკის სამინისტროები.

 

„დღეს, ჩვენ შეგვიძლია ვთქვათ, რომ რამდენიმე ქვეყანასთან ამ მიმართულებით წარმატებული მოლაპარაკებები გვაქვს, რომლებიც სულ მალე დასრულდება ჩვენთვის მისაღები შედეგით. პირველი ასეთი ქვეყანა, როგორც ჩანს, იქნება ისრაელი და რომელთანაც ჩვენ გვექნება უსაფრთხო მწვანე კორიდორი, რომელიც უზრუნველყოფს შესაძლებლობას საქართველოში სტუმრები მალე მივიღოთ, ტურისტები ამ ქვეყნიდან. რა თქმა უნდა, ჩვენ ყველაფერს გავაკეთებთ იმისათვის, რომ ვუმასპინძლოთ ისე, როგორც ჩვენს ქვეყანას შეეფერება და გავუფრთხილდეთ მათ ჯანმრთელობას. გარდა ამისა, აქტიური მოლაპარაკებები მიმდინარეობს ჩეხეთთან, პოლონეთთან, ბალტიის ქვეყნებთან, ავსტრიასთან, რა თქმა უნდა, ჩვენს მეზობლებთან. ყველა ეს მიმართულება იქნება უახლოეს პერიოდში ლოგიკურ დასასრულამდე მიყვანილი, მაგრამ კიდევ ერთხელ უნდა აღვიშნოთ, რომ ამისათვის აუცილებელია ყველამ ერთად, ჩვენს მოქლაქეებთან ერთად დავიცვათ უსაფრთხეობის ის წესები, რომლებიც კრიტიკულად მნიშვნელოვანი ხდება. ჩვენ, რა თქმა უნდა, სულ უფრო და უფრო სწრაფად უნდა დავუბრუნდეთ ნორმალური ცხოვრების წესებს, მაგრამ კიდევ ერთხელ, ხაზგასმით აღვნიშნავ, რომ ჩვენ ამ კრიზისიდან უნდა გამოვიტანოთ შესაბამისი დასკვნები და ეს კრიზისი უნდა ვაქციოთ ჩვენი ქვეყნისთვის შესაძლებლობად, არამხოლოდ ტურიზმში, არამედ მაგალითად, სოფლის მეურნეობაშიც“, - განაცხადა გიორგი გახარიამ.

ტრანსპორტის საკითხებში ევროკომისარის, ადინა-იოანა ვალეანის განცხადებით, ტურისტები, რომლებიც ამ ზაფხულს ევროპაში იმოგზაურებენ, ამას საკუთარი რისკით გააკეთებენ.

 

„ვერავინ მოგცემთ 100%-იან გარანტიებს. არ ვამბობთ, რომ მოგზაურობა უსაფრთხოა. რისკები, როგორიცაა ჯანდაცვისა და ფინანსური გარანტიები, თქვენზეა“, - განაცხადა ევროკომისარმა.

 

დღეს ევროკომისიამ გაერთიანებაში შემავალ ქვეყნებს მოუწოდა, გადაარჩინონ „საზაფხულო ტურიზმი“ და გახსნან საზღვრები.

 

ევროკავშირის აღმასრულებელ ორგანოში აცხადებენ, რომ ევროპის ქვეყნებს შორის „შეუზღუდავი, თავისუფალი გადაადგილება“ საფრთხეს არ შექმნის, თუ თვითმფრინავებში პირბადეების გაკეთება, მატარებლებში კი სოციალური დისტანციის დაცვა სავალდებულო იქნება.

 

ევროკომისიის რეკომენდაციას სავალდებულო ხასიათი არ აქვს. ევროკავშირის ქვეყნების უმეტესობა ტურისტებისთვის საზღვრის გახსნას ივლისამდე არ გეგმავს.

ჩეხეთის საგარეო საქმეთა სამინისტრო კორონავირუსის პანდემიის შედეგად დაზარალებულ განვითარებად ქვეყნებს, მათ შორის საქართველოს, მოლდოვას, ბოსნიას, კამბოჯას, ეთიოპიასა და ზამბიას ფინანსური დახმარების სახით, 200 მილიონ ჩეხურ კრონას გამოუყოფს, რაც 7.3 მლნ ეროს ექვივალენტია. აღნიშნული თანხა ჯანდაცვისა და მოსახლეობისთვის პირობების გაუმჯობესებაზე მიმართულ პროექტებს მოხმარდება. დახმარების მიზანია, უზრუნველყოს ჯანდაცვის, ჰიგიენისა და კვების საკითხები.

 

ჩეხეთის საგარეო საქმეთა სამინისტროში აცხადებენ, რომ ისინი ამ პროექტში, ჩეხური კომპანიებისგან ჩართულობას მოელიან. ამით ქვეყნები, რომლებიც გარკვეული მარაგების საჭიროებას განიცდიან პროდუქტების შესყიდვას ჩეხეთიდან შეძლებენ, რაც პანდემიის შედეგად გამოწვეულ ეკონომიკურ კრიზის დროს, ასევე დაეხმარება ჩეხურ კომპანიებს. და ამით ისინი მოიპოვებენ წვდომას უცხოურ ბაზრებზე ან გააძლიერებენ მათ პოზიციებს აღნიშნულ ბაზრებზე.

ყველას უნდა გვესმოდეს, რომ ძლიერი სოფელი ნიშნავს ძლიერ ქვეყანას, - ამის შესახებ პრემიერ-მინისტრმა მთავრობის სხდომაზე განაცხადა, რომელზეც სოფლის მერუნეობის დახმარების გეგმა უნდა დამტკიცდეს. გიორგი გახარიას თქმით, მთავრობის სოფელზე ზრუნვის პროგრამა კრიტიკულად მნიშვნელოვანი იქნება ეკონომიკის არაერთი სექტორისთვის და ხელი უნდა შეუწყოს ქართული პროდუქციის წარმოებას.

 

„სოფელსა და ფერმერზე ზრუნვის პროგრამა, რომელიც ჩვენ წარვადგინეთ არის არა თუ მნიშვნელოვანი, არის კრიტიკულად მნიშვნელოვანი ჩვენი ქვეყნის აგრო-სასურსათო უსაფრთხოებისთვის, ფასების კონტროლისთვის, სამუშაო ადგილების შექმნისთვის და კიდევ ბევრი მიმართულებისთვის. ყველას უნდა გვესმოდეს, რომ ძლიერი სოფელი ნიშნავს ძლიერ ქვეყანას. ყველას უნდა გვესმოდეს, რომ ჩვენი სოფლის მეურნეობის ინდუსტრიაში პროდუქტიულობის ზრდასთან ერთად ჩვენ უფრო და უფრო უნდა შეგვეძლოს არა მხოლოდ მოვუწოდოთ ერთმანეთს, რომ უნდა შევიძინოთ ქართული პროდუქტი, არამედ უნდა შეგვეძლოს ასეთი პროდუქტის შეძენა, რამეთუ ის უნდა იყოს, ჩვეულებრივად, ჩვენი აგრო-სასურსათო ბაზრების დახლებზე. ასეთი პროდუქტის რაოდენობა უნდა ხდებოდეს იმ რაოდენობით, რომელიც ქვეყანას სჭირდება“, - აღნიშნა პრემიერმა.

 

მთავრობამ სოფლის მეურნეობის და ფერმერების დახმარების გეგმა 12 მაისს

ევროკომისია მოუწოდებს გაერთიანებაში შემავალ ქვეყნებს, გადაარჩინონ „საზაფხულო ტურიზმი“ და გახსნან საზღვრები. ამის შესახებ Reuters-ი წერს.

 

ევროკავშირის აღმასრულებელ ორგანოში აცხადებენ, რომ ევროპის ქვეყნებს შორის „შეუზღუდავი, თავისუფალი გადაადგილება“ საფრთხეს არ შექმნის, თუ თვითმფრინავებში პირბადეების გაკეთება, მატარებლებში კი სოციალური დისტანციის დაცვა სავალდებულო იქნება.

 

ევროკომისიის რეკომენდაციას სავალდებულო ხასიათი არ აქვს. ევროკავშირის ქვეყნების უმეტესობა ტურისტებისთვის საზღვრის გახსნას ივლისამდე არ გეგმავს.

ევრონესტის საპარლამენტო ასამბლეაში ევროპარლამენტის დელეგაციის თავმჯდომარის ანდრიუს კუბილიუსის განცხადებით, COVID-19-ის კრიზისის შედეგად, საქართველოში ისევე როგორც აღმოსავლეთ პარტნიორობის სხვა ქვეყნებში ბევრი ადამიანი დაკარგავს სამუშაო ადგილსა და ბიზნესს. მისივე თქმით, ქვეყანაში საჯარო ინსტიტუტებმა ყველა სოციალური და ეკონომიკური შესაძლებლობა უნდა გამოიყენონ, რათა ამ კრიზისს გაუმკლავდნენ.

 

„მე ვხედავ უპრეცედენტო გამოწვევას COVID-19-ის კრიზისის მენეჯმენტის მიმართულებით, რასაც ექნება უდიდესი გავლენა საქართველოს როგორც საჯარო, ისე კერძო სექტორზე თავისი უარყოფითი სოციალური და ეკონომიკური შედეგებით. ბევრი ადამიანი დაკარგავს სამუშაო ადგილსა და ბიზნესს, ასე რომ საჯარო ინსტიტუტებმა უნდა გამოიყენონ ყველა სოციალური და ეკონომიკური შესაძლებლობა, რათა მას გაუმკლავდნენ. ევროკავშირის პასუხისმგებლობა იქნება გააგრძელოს საქართველოსა და აღმოსავლეთ პარტნიორობის სხვა ქვეყნების დახმარება, ჩვენ უნდა მოვძებნოთ უფრო გრძელვადიანი დახმარების საშუალება საქართველოს ეკონომიკის ამუშავებისა და რეფორმებისთვის, ასევე უნდა დავსახოთ დეტალური ეკონომიკური და საინვესტიციო გეგმა საქართველოსთვის. ევროკავშირი ახლაც ბევრს აკეთებს და მომავალში კიდევ უფრო მეტს გააკეთებს საქართველოსა და მისი მოსახლეობის დახმარებისთვის,“- განაცხადა ანდრიუს კუბილიუსმა.

 

ამასთანავე, მან აღნიშნა, რომ აღმოსაველთ პარტნიორობის რეგიონი ევროპის ნაწილია და ევროკავშირისთვის გეოპოლიტიკურ პრიორიტეტად რჩება.

 

„ევროკავშირმა COVID-19 -ის პანდემიისა და მის მიერ გამოწვეულ სოციალურ და ეკონომიკურ შედეგებთან გამკლავების პროცესში, აღმოსავლეთ პარტნიორობის ქვეყნების დასახმარებლად სწრაფად მიიღო მთელი რიგი ზომები. ჯამში, ევროკავშირი თავისი მეზობელი ქვეყნებისთვის 3 მილიარდ ევროს გამოყოფს, საიდანაც 962 მილიონი ევრო მიმართული იქნება აღმოსავლეთ პარტნიორობის ქვეყნებისკენ, მათ შორის საქართველოსკენ,“- განაცხადა ანდრიუს კუბილიუსმა.

„საერთაშორისო გამჭვირვალობა-საქართველო” მამუკა ხაზარაძის, ბადრი ჯაფარიძისა და ავთანდილ წერეთლის საქმეზე საერთაშორისო ექსპერტის მიერ მომზადებულ დასკვნას აქვეყნებს.

 

ორგანიზაციის ინფორმაციით, დასკვნაში ნათქვამია, რომ არ არსებობს რაიმე საფუძველი იმის დასამტკიცებლად, რომ მამუკა ხაზარაძემ, ბადრი ჯაფარიძემ ან ავთანდილ წერეთელმა, ინდივიდუალურად ან ჯგუფურად, ფულის გათეთრების დანაშაული ჩაიდინეს.

 

„საქართველოს კანონმდებლობისა და საერთაშორისო აქტების, ბრალდების შესახებ დადგენილების, საქმეში არსებული ფაქტებისა და ფულის გათეთრების საქმეებზე საერთაშორისოდ დადგენილი პრაქტიკის შეფასების შედეგად დამოუკიდებელი ექსპერტის, პოლინ დევიდის მიერ გაკეთებული ძირითადი მიგნებები შემდეგია:

 

არ არსებობს რაიმე მტკიცებულება, რომელიც დაადგენს: სესხის გზით მიღებული თანხის ლეგალიზაციის (ფულის გათეთრების) განზრახვას; თანხის „უკანონო წარმომავლობის“ დამალვის განზრახვას; მიღებული თანხების ლეგალურ ეკონომიკაში ინტეგრირების განზრახვას.

 

იმ შემთხვევაშიც კი, თუ სასამართლო საქმეში არსებულ ყველა ფაქტს ბრალდების მხარის სასარგებლოდ ცნობს, ეს გარემოებები მაინც ვერ დაადასტურებს ფულის გათეთრების ბრალდებას.

 

ფულის გათეთრება და ქონების უკანონოდ დაუფლებასთან დაკავშირებული (პრედიკატული) დანაშაული განსხვავებული დანაშაულებია. მხოლოდ პრედიკატული დანაშაულის დამადასტურებელი მტკიცებულებები ფულის გათეთრების ბრალდებას ვერ დაადასტურებს.

 

იმ შემთხვევაშიც კი, თუ ბრალდების მხარე ქონების უკანონო დაუფლებასთან დაკავშირებულ დანაშაულის ჩადენის ფაქტს დაამტკიცებს, ნებისმიერი მომდევნო ქმედება, მხოლოდ უკანონოდ მიღებული შემოსავლის გამოყენების და არა მისი გათეთრების ფაქტს გაამყარებს.

 

საერთაშორისო პრაქტიკის თანახმად, სასამართლოები ფულის გათეთრებასთან დაკავშირებული დანაშაულისთვის პირებს არ ასამართლებენ მაშინ, როდესაც სავარაუდოდ ჩადენილ ქმედებაში ფულის გათეთრების მიზანი ვერ მტკიცდება.

 

ქონების უკანონო დაუფლებასთან დაკავშირებული ქმედება რომც დამტკიცდეს, ხანდაზმულობის ვადის გასვლის გამო, ამ ფაქტზე ცალკე სისხლისსამართლებრივი დევნა არ უნდა დაიწყოს.

 

საერთაშორისოდ დადგენილი პრაქტიკით, არასათანადო ან ხელოვნურად შექმნილი ბრალდების საფუძველზე (ამ შემთხვევაში ფულის გათეთრების ბრალდება), ხანდაზმულობის ვადისთვის გვერდის ავლა, სამართალწარმოების პროცესის ბოროტად გამოყენებად მიიჩნევა. არაერთ იურისდიქციაში, სამართალწარმოების პროცესის ბოროტად გამოყენების დადგენის შემთხვევაში, სასამართლო პროცესის შეწყვეტის შესახებ იღებს გადაწყვეტილებას“, - აღნიშნულია ორგანიზაციის მიერ გამოქვეყნებულ ინფორმაციაში.

საქართველო იმ 8 ქვეყანას შორის დასახელდა, რომლებზეც ისრაელის მთავრობა მოგზაურობისთვის უსაფრთხო სტატუსის მინიჭებას განიხილავს - ამის შესახებ საქართველოს ელჩი ისრაელში, ლაშა ჟვანია სოციალურ ქსელში წერს. მისი თქმით, საქართველოს ამ სიაში ყოფნა, ეპიდემიოლოგების, ექიმების, მთავრობის და ჩვენი საზოგადოების მაღალი თვითშეგნების დამსახურებაა.

 

„ისრაელის ყველაზე მაღალრეიტინგულმა ტელევიზიამ ახლა დაასახელა ქვეყნები, რომლებზეც ისრაელის მთავრობა მოგზაურობისთვის უსაფრთხო სტატუსის მინიჭებას განიხილავს. სულ 8 ქვეყანაა. საქართველოს ამ სიაში ყოფნა, უდაოდ, ჩვენი ეპიდემიოლოგების, ექიმების, მთავრობის და ყველაზე მთავარი - ჩვენი საზოგადოების მაღალი თვითშეგნების დამსახურებაა! ასე გავაგრძელოთ ერთობით და ერთსულოვნებით და სხვა ბევრ კარგ შედეგს მივაღწევთ ჩვენი ქვეყნისთვის“, - წერს ლაშა ჟვანია.

პრემიერ-მინისტრ გიორგი გახარიას განცხადებით, 18 მაისიდან სილამაზის სალონები და ესთეტიკური მედიცინის ცენტრები გაიხსნება. ამის შესახებ გახარიამ დღეს გამართულ მთავრობის სხდომაზე განაცხადა. მისი თქმით, ეპიდემიოლოგიური მდგომარეობა იძლევა საშუალებას, რომ გარკვეული ეტაპები დაჩქარდეს.

 

„ეკონომიკის გახსნასთან დაკავშირებით, ეპიდემიოლოგიური მდგომარეობიდან გამომდინარე, ჩვენ შეგვძლია რამდენიმე ეტაპი დავაჩქაროთ და ამ შესაძლებლობის ფარგლებში, ჩვენ მივიღეთ გადაწყვეტილება, რომ 18 მაისიდან გაიხსნას სილამაზის სალონები და ესთეტიური ცენტრები“, - განაცხადა გიორგი გახარიამ.

ავიაკომპანია Ryanair-ი ფრენებს საქართველოს მიმართულებით ივლისიდან აღადგენს. აღნიშნული განრიგი Ryanair-ის საიტზე უკვე ხელმისაწვდომია.

 

მილანიდან და კიოლნიდან თბილისის მიმართულებით ავიაბილეთების გაყიდვები უკვე დაწყებულია 5 ივლისის რეისებზე.

 

აქამდე ცნობილი გახდა, რომ ირლანდიური დაბალბიუჯეტური კომპანია Ryanair-ი თავისი რეისების 40%-ის აღდენას პირველი ივლისადან გეგმავს.

 

კერძოდ, ავიაკომპანია დღეში დაახლოებით 1 000-მდე რეისს შეასრულებს. რეკომენდაციების თანახმად, მგზავრებმა აეროპორტში სიცხე უნდა გაიზომონ. გარდა ამისა, მათ ნიღაბი უნდა ატარონ და ტერმინალებში ხელის სადეზინფექციო ხსნარები გამოიყენონ.

 

ასევე, თვითმფრინავის ბორტზე ტუალეტის რიგში დგომა იკრძალება. ამასთან კომპანია მგზავრებს სთხოვს, რომ ონლაინ-რეგისტრაცია გაიარონ.

სოციალური ქსელი​ TikTok საქართველოს ოკუპირებულ რეგიონებს - აფხაზეთსა და სამხრეთ ოსეთს დამოუკიდებელ სახელმწიფოებად მოიხსენიებს. მათი ნახვა ქსელში ქვეყნებისა და რეგიონების ჩამონათვალში შეიძლება. მათ სატელეფონო კოდებიც აქვთ მითითებული.

არქივი

« « » » July 2019
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?