Global Press

English

Global PressGlobal PressGlobal PressGlobal Press

USD
3.2897
EUR
3.8292
RUR
0.0427
GBP
4.196

სუს-ის ყოფილი თანამშრომელი, მსჯვარდებული რომელიც უსაფრთხოების სამსახურში მუშაობდა ამბობს, რომ გამოკითხვის ოქმში, მიხეილ რამიშვილმა ცრუ ინფორმაცია მიუთითა. კერძოდ, ადვოკატი საუბრობდა, მეხსიერების ბარათებზე, ე.წ. ფლეშკებზე, რომელსაც სუსის ყოფილი თანამშრომელი თამარ ბაჩალიაშილს აწვდიდა.

 

როგორც ადვოკატი განმარტავს, მსჯავრდებული უარყოფს იმ ინფორმაციას, რაც მიხეილ რამიშვილმა მისი გამოკითხვის ოქმში მიუთითა და პროკურატურას წარუდგინა. ამასთან, ხარატიშვილი აღნიშნავს, რომ მიხეილ რამიშვილი არაკოლეგიალურად მოიქცა და ისეთი ინფორმაცია გაავრცელა, რომელიც სიმართლეს არ შეესაბამებოდა.

 

შეგახსენებთ, რომ თამარ ბაჩალიაშვილი 18 ივლისს გაუჩინარდა. 22 ივლისს კი ის საკუთარ მანქანაში გარდაცვლილი ნახეს.

პროკურორი დავით გუმბერიძე სიცრუეს უწოდებს ადვოკატ მიხეილ რამიშვილის განცხადებას, რომლის მიხედვით, გამოძიებამ მისი პირადი მობილურიდან დავით ფურცხვანიძესთან კომუნიკაციისა და სატელეიტური ფოტოებზე ინფორმაციის გამოთხოვის გარდა, სხვა სახის პირადი ინფორმაციის კლონირებაც მოახდინა.

 

როგორც პროკურორმა ჟურნალისტებს განუცხადა, სამხარაულის ექსპერტიზის ბიუროში გამომძიებლები მიხეილ რამიშვილის მობილური ტელეფინიდან დავით ფურცხვანიძესთან კომუნიკაციისა და სატელიტურ ფოტიებზე ინფორმაციის გამოთხოვის პროცედურას აწარმოებდნენ, თუმცა, აღნიშნული პროცესი ადვოკატმა გაურკვეველი მიზეზით დატოვა.

 

პროკურორი განმარტავს, რომ პროკურატურას ადვოკატის სხვა სახის პირადი ინფორმაცია არ აინტერესებს.

 

დავით გუმბერიძის თქმით, გამოძიებას მიაჩნია, რომ ადვოკატი მიხეილ რამიშვილი გარკვეული ემოციური ფონის შექმნას ცდილობს მის გარშემო.

 

"აქ, ინტერესი არის, მხოლოდ და მხოლოდ, დავით ფურცხვანიძესთან კომუნიკაციის და სატელიტურ ფოტოებთან დაკავშირებულ ინფორმაციაზე, სხვა ინტერესი არანაირად არ არის. მიხეილ რამიშვილს არაერთხელ განვუმარტეთ, რომ პროცედურაში მონაწილეობა მიეღო. თუ დავით ფურცხვანიძემ მას ინფორმაცია გადაუგზავნა, ამის დადასტურება მისივე ინტერესში უნდა შედიოდეს. ჩვენს მიერ არ ხდება არარანაირი კლონირება, ისეთი ინფორმაციის გადმოტანა, რომელიც საქმეთან შემხებლობაში არ არის. არაერთხელ განვმარტეთ, რომ ინფორმაციის გადმოტანა ხდება მხოლოდ და მხოლოდ ფურცხვანიძესთან კომუნიკაციის შესახებ და სატელიტურ ფოტოებზე. თუმცა,მისი მოსაზრებაა და ალბათ, საკუთარი პოზიციისთვის სჭირდება,რომ ვითომ ჩვენ სხვა ინფორმაცია მოვიპოვეთ. შესაბამისად, პროკურატურა იმოქმედებს იმ განჩინების ფარგლებში, რომელიც თბილისის საქალაქო სასამართლომ მოგვცა",- განაცხადა გუმბერიძემ.

 

პროკურორის თქმით, ადვოკატ მიხეილ რამიშვილის ინტერესი უნდა იყოს გამოძიებასთან თანამშრომლობა. თუმცა, დავით გუმბერიძის თქმით, მიხეილ რამიშვილი "ორჯერ უკვე გაიქცა და ინფორმაციის გამოთხოვის პროცედურაში მონაწილეობა არ მიიღო, გაურკვეველი მიზეზით ადგა და წავიდა".

 

რაც შეეხება უკვე შემდგომ პროცედურას, როგორც პროკურორმა განმარტა, ინფორმაციას გამოითხოვენ დავით ფურცხვანიძესთან კომუნიკაციისა და სატელეფონო ფოტოების ნაწილში, ასევე, შესაბამის შენიშვნას შეიტანენ იმასთან დაკავშირებით, რომ მიხეილ რამიშვილმა გუშინ და დღეს საგამოძიებო პროცედურა გაურკვეველი მიზეზით დატოვა.

 

"ამაში მონაწილეობა არ მიიღო. თუმცა, როდესაც ჩვენთან სამსახურში იმყოფებოდა თანხმობა განაცხადა, რომ ამ ინფორმაციის გადმოტანა ექსპერტის ჩართულობით მომხდარიყო. ანუ, მასალების გადმოტანის პროცედურა მისი თანდასწრებით დაიწყო, თუმცა საბოლოოდ ოქმში ხელმომწერად მონაწილეობის მიღება არ ისურვა და სამხარაულის ექსპერტიზის ბიურო დატოვა. დღეს, ალბათ ამ პიროვნებას სასამართლოში დავკითხავთ", - განაცხადა პროკურორმა.

 

ამასთან, მიხეილ რამიშვილის განცხადებით, გამოძიებამ მისი მობილურიდან ყველა სახის ინფორმაციის კლონირება მოახდინა, რის გამოც ექსპერტიზის ეროვნული ბიურო პროტესტის ნიშნად დატოვა.

გარდაცვლილი პროგრამისტის, თამარ ბაჩალიაშვილის ოჯახის ადვოკატის მიხეილ რამიშვილის განცხადებით, დღეს, თბილისის პროკურატურაში სუს-ის ყოფილი თანამშრომლის გამოკითხვის ოქმი მიიტანა, სადაც აღნიშნული პიროვნება დეტალურად აღწერს, თუ როგორ უგზავნიდა თამარ ბაჩალიაშვილს „ფლეშკებს“ და აძლევდა გარკვეულ მითითებებს.

 

რამიშვილის თქმით, ამ ადამიანის, მისი ოჯახის წევრებისა და საკუთარი ოჯახის წევრების უსაფრთხოების მიზნით, საქართველოში მყოფ ყველა ელჩს მიმართავს, რადგან მას კიდევ ბევრი სხვა ინფორმაცია მოეპოვება.

 

"მე დღეს მოვიტანე ერთი გამოკითხვის ოქმი, რომელიც 3 აგვისტოთი თარიღდება, როდესაც სუს-ის თანამშრომელი დამიკავშირდა და რომელიც გამოკითხვის ოქმში პირადად, დეტალურად, აღწერს, როგორი ურთიერთობა და კონტაქტი ჰქონდა თამარ ბაჩალიაშვილთან, როგორ გადასცემდა მას გარკვეული წლების წინ, "ფლეშკებს" და როგორ აძლევდა მას მითითებებს. ამიტომ მოვედი, რომ დავეხმარო გამოძიებას. მე ყველაფერი ვიცოდი, ყველაფერს ვაკვირდებოდი და მაინტერესებდა, გამოძიება რას მოიმოქმედებდა. გადავცემ გამოძიებას გამოკითხვის ოქმს, მივუთითებ გვარებს და სახელებს, რაც გამოკითხვის ოქმში წერია და დაველოდები, რას მოიმოქმედებს გამოძიება. ეს ადამიანი ახლა არ მუშაობს, მაგრამ როდესაც მუშაობდა დაკავებული იყო იმ სფეროსთან, რომელიც დაკავშირებულია კომპიუტერებთან და პროგრამებთან. იმ ადამიანის, მისი ოჯახის წევრების უსაფრთხოების მიზნით, ჩემი ოჯახის წევრების უსაფრთხოების მიზნით მე აუცილებლად მივმართავ საქართველოში მყოფ ყველა ელჩს იმიტომ, რომ მე ძალიან ბევრი სხვა ინფორმაციაც მაქვს. მე იმასაც არ დავმალავ, რომ ბაჩანა ლობჟანიძესთანაც მქონდა გუშინ კონტაქტი და ამ ადამიანის სახელისა და გვარის გაგების შემდეგ, მას ჰქონდა სურვილი, რომ შემხვედროდა, მაგრამ დღეს მთელი დღეა ტელეფონი გამორთული აქვს",-განაცხადა რამიშვილმა.

მცხეთის რაიონულ სასამართლოში გიორგი შაქარაშვილის საქმეზე, ძალადობის ორგანიზებისა და თავისუფლების უკანონოდ აღკვეთის ბრალდებით დაკავებული 6 არასრულწლოვნის საქმეზე ერთ-ერთი მთავარი მოწმე, ფოტოგრაფი იაკობ ბრეგვაძე დაიკითხა.

 

ბრეგვაძის განმარტებით, კონკრეტული პირები მან ვერ ამოიცნო, თუმცა დაასახელა ჩხუბში მონაწილე პირთა რაოდენობა და აღნიშნა, რომ ფიზიკურ ძალადობაში 8 პირი მონაწილეობდა.

 

პროკურორის განცხადებით, მოწმემ მამხილებელი ჩვენება მისცა და დადგინდა, რომ ძალადობის ერთ-ერთი მონაწილე ნ.ქ. იყო, რომელსაც ხელში ქვა ეჭირა.

 

ბრალდებისგან განსხვავებული პოზიცია აქვს დაცვის მხარეს. ადვოკატები ამბობენ, რომ მოსამართლემ იაკობ ბრეგვაძის ჩვენება ურთიერთსაწინააღმდეგო გარემოებების გამო არ უნდა გაიზიაროს.

 

19 ივნისს, დაახლოებით 11:00 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.

თამარ ბაჩალიაშვილის ოჯახის ადვოკატმა, მიხეილ რამიშვილმა ლევან სამხარაულის სახელობის ექსპერტიზის ეროვნული ბიურო, სადაც მისი მობილური ტელეფონიდან სატელიტური ფოტოებისა და დავით ფურცხვანიძესთან კომუნიკაციის ნაწილში ინფორმაციის გამოთხოვის პროცედურა ტარდებოდა, პროტესტის ნიშნად დატოვა. როგორც ადვოკატმა ჟურნალისტებს განუცხადა, გამოძიებას მისი მობილური ტელეფონიდან უნდა გამოეთხოვა დავით ფურცხვანიძესთან მისი მიმოწერა და სატელიტის ფოტოების შესახებ ინფორმაცია, სინამდვილეში კი გამოძიებამ მისი მობილურიდან ყველა სახის ინფორმაციის კლონირება მოახდინა, რომელსაც საქმესთან კავშირი არ ჰქონდა. ადვოკატი მიიჩნევს, რომ ამგვარად მის პირად სივრცეში შეჭრა მოხდა.

 

ადვოკატი ვარაუდობს, რომ გამოძიებას, მხოლოდ და მხოლოდ მისი პირადი ცხოვრება აინტერესებს.

 

„აინტერესებთ, რამე ისეთი იპოვონ, რითაც შეძლებენ მოხდეს ჩემი დისკრედიტაცია ან დაშინება", - განაცხადა რამიშვილმა.

 

ადვოკატმა ჟურნალისტებს მოსამართლის განჩინება გააცნო, რომლითაც სამხარაულის ექსპერტიზის ბიუროში ინფორმაციის გამოთხოვის პროცედურა ტარდებოდა.

 

„სამწუხაროდ, ისევ ვერ ავიღე მოსამართლის განჩინება, მაგრამ გადმოვიწერე. დადგენილი იყო - „მიხეილ რამიშვილის სარგებლობაში არსებული კონკრეტული მოდელის ტელეფონიდან, სადაც გააქტიურებულია ჩვეულებრივ ნომერი, გამოთხოვილიქნას დავით ფურცხვანიძესთან ამსახველი კომუნიკაციის, სატელიტების ფოტოების მიღების და მასთან დაკავშირებული საქმისთვის მნიშვნელოვანი ინფორმაცია". ამაზე შესაბამისად, გუშინ ვაჩვენე „ვოთსაფში" მიწერ-მოწერა და დეტალურად 6 სურათი. გააკეთეს ე.წ. სქრინებიც. ამის შემდეგ წამოვედით, იმიტომ, რომ სპეციალისტს კიდევ ენახა ის 6 ფოტოსურათი. მე მეგონა, რომ 6 ფოტოსურათის კლონირება მოხდებოდა, არადა ამ დროს, მთელი ღამის განმავლობაში აბსოლუტურად ყველაფრის კლონირება მოხდა. ასევე, დღეს აღმოჩნდა, რომ მოხდა სხვადასხვა პიროვნებებთან 70 აუდიო-ჩანაწერების გადმოწერა. შესაძლოა, ამ 70 ადამიანში იყოს ჩემი ოჯახის წევრები, კლიენტები, რომლებთანაც ურთიერთობა მაქვს. რამდენიმე ათასი ფოტოსურათი, არ ვიცი, კიდევ რისი კლონირება გააკეთეს. თურმე, ახლა უნდა დავჯდე გამომძიებლებთან, ექსპერტებთან ერთად და უნდა ვეძებო ამ რამდენიმე ათას სურათში სატელიტის 6 სურათი. თურმე იმათაც უნდა უყურონ ჩემს პირად სივრცეში არსებულ სურათებს და ავარჩიოთ ის 6 სურათი. მეორე - თურმე, ამ სატელეფონო 70 აუდიო ჩანაწერს უნდა ვუსმინოთ. მერე, რომელიც მოეწონებათ და საქმისთვის მნიშვნელოვნად ჩათვლიან, ის უნდა გადმოვიწეროთ. გესმით რა ხდება?! ჩემს პირად სივრცეში შემოსულ ადამიანებს ჩემი პირადი ცხოვრება ვასმენინო?!" - განაცხადა რამიშვილმა.

ძალიან საინტერესო იყო თამარ ბაჩალიაშვილის სტაჟირება საფრანგეთში იმიტომ, რომ ორი სამეცნიერო-კვლევითი უნივერსიტეტი, ორივე დაწესებულება, სადაც თამარმა სტაჟირება გაიარა, სპეცსამსახურების გავლენისა და კონტროლის ქვეშ არის, - ამის შესახებ თამარ ბაჩალიაშვილის საქმის ერთ-ერთი ფიგურატმა, „უსაფრთხოების პრობლემების ანტიკრიზისული ცენტრის“ ხელმძღვანელმა დავით ფურცხვანიძემ დღეს გამართულ პრესკონფერენციაზე განაცხადა.

 

მისივე თქმით, თამარის სტაჟირების პერიოდი საინტერესო მისი გარდაცვალების შემდეგ გახდა.

 

„თამარ ბაჩალიაშვილის გარდაცვალების საქმით გამიზნულად არასოდეს დავინტერესებულვარ. ეს არის ეპიზოდი იმ დიდი საქმის, რომელსაც მე და ჩემი კოლეგების სტრუქტურა ვიძიებთ. საქმე ეხება მასშტაბურ ფინანსურ თაღლითობას, ფულის გათეთრებას, რომელშიც გარეულია სამხრეთ კავკასია თავისი ყველა ქვეყნით და აქ საქართველოსაც უჭირავს გარკვეული როლი. ამ საქმეში ერთ-ერთი ძირითადი ფიგურანტი გახლავთ აბრაჰამ რეიხბახი, რომლის მიმართ ინტერესი 6-7 წლის წინ გაჩნდა და რაკი რეიხბახს საქართველოში თავისი სტრუქტურები აქვს და კომპანია „ზაგი“ პირდაპირ არის მის სახელთან დაკავშირებული და რადგან თამარ ბაჩალიაშვილი აღნიშნულ კომპანიაში მუშაობდა და შემდეგ მისი გარდაცვალება გაურკვეველ ვითარებაში მოხდა, ჩემი ინტერესი გადმოვიდა კონკრეტულად თამარ ბაჩალიაშვილის საქმეზე. თამარი იყო შეხებაში ძალიან მნიშვნელოვან და სერიოზულ ინფორმაციებთან. თამარი გახლდათ ძალიან სერიოზული სპეციალისტი, მისი ძირითადი პროფილი გახლდათ ინფორმაციის სისტემატიზება, დალაგება და ანალიზისთვის გამზადება. ეს ინფორმაციები შეეხებოდა დიდ მონაცემთა სისტემებს, რაც სერიოზული ბერკეტია პერსონალური მონაცემების სიღრმისეული ანალიზისთვის“, - განაცხადა დავით ფურცხვანიძემ.

 

როგორც დავით ფურცხვანიძემ აღნიშნა, სატელიტის ფოტოების შესახებ პროკურატურის მიერ ჩატარებულ ექსპერტიზის პასუხს, რომ ეს ფოტოები არის ყალბი, ძალიან მალე უპასუხებს.

 

„რამდენიმე დღეში გამოქვეყნდება პასუხის პასუხი, სადაც დადასტურებული იქნება, რომ ეს არ არის ექპერტიზის კვალიფიციური პასუხი და ასევე, ჩვენ ძალიან მალე დამატებით სხვა თანამგზავრებიდან გვექნება იმ ადგილის კადრების დუბლირება“, - განაცხადა ფურცხვანიძემ.

 

ცნობისთვის, დავით ფურცხვანიძემ თამარ ბაჩალიაშვილის ოჯახის ადვოკატს იმ ადგილის სატელიტური ფოტოები გადასცა, სადაც გარდაცვლილი პროგრამისტი იპოვეს. თბილისის საქალაქო სასამართლოში დავით ფურცხვანიძე მაგისტრი მოსამართლის წინაშე გამოიკითხა, თუმცა გამოკითხვით გამოძიებამ ვერ დაადგინა, თუ ვინ მისცა მას სატელიტური ფოტოები.

გარდაცვლილი თამარ ბაჩალიაშვილის საქმის პროკურორის, დავით გუმბერიძის განცხადებით, დაზარალებულის ადვოკატის მიხეილ რამიშვილის გამოკითხვა დაძაბულ ვითარებაში წარიმართა.

 

როგორც მან ჟურნალისტებს განუცხადა, რამიშვილი ხელოვნურად ცდილობდა კითხვებზე პასუხებისთვის თავის არიდებას და განგებ ძაბავდა სიტუაციას ემოციური გამოსვლებით.

 

„ყველა კითხვა დაისვა საქმესთან მიმართებით და ეხებოდა მხოლოდ და მხოლოდ საქმეს, რასაც ჩვენ ვიძიებთ მტკიცებულებების ფალსიფიკაციის ნაწილში. უმეტესი კითხვა, რაც დავით ფურცხვანიძეს უკავშირდებოდა, მიხეილ რამიშვილმა დაგვიდასტურა, თუმცა, იყო ძალიან ბევრი კითხვა, რაზეც არ ახსოვდა 10 სექტემბერის ან 15 სექტემბრის ან ახლო პერიოდის მიმოწერა. ასევე მნიშვნელოვანი მტიცებულებები, რაც ჩვენ მის ტელეფონში ვნახეთ, ჩვენს კითხვებზე ჰქონდა პასუხი, რომ „არ ახსოვს". დაკითხვა ჩატარდა საბოლოო ჯამში, საკმაოდ დაძაბულ ვითარებაში, რადგან მიხეილ რამიშვილი ხელოვნურად ცდილობდა კითხვებზე პასუხის თავის არიდებას და განგებ აჭიანურებდა და ძაბავდა სიტუაციას ემოციური გამოსვლებით. ეს არ არის ქცევა, როცა მოწმედ ვკითხავთ ადვოკატს. მეტი ვალდებულება გააჩნია ადვოკატს, მითუმეტეს, როცა დაზარალებულის ადვოკატს წარმოადგენს, ითანამშრომლოს გამოძიებასთან და თუ ვინმემ ყალბი ინფორმაცია ან მტკიცებულება გადასცა, სრულყოფილად მიაწოდოს ჩვენება როგორც პროკურატურას, ასევე სასამართლოს. თუმცა, ამის მიუხედავად, ჩვენ მივიღეთ მიხეილ რამიშვილის ემოციური გამოსვლები, დაძაბული ფონი, მაგრამ ჩვენ მიერ გამოკითხვისას მაინც დაზუსტდა ბევრი ის გარემოება, რაც დაეხმარება ამ საქმეზე გამოძიებას", - განაცხადა საქმის პროკურორმა.

 

მისივე თქმით, დღეს რამიშვილმა დაადასტურა, რომ ტელეფონის კონტაქტებში „ყარაბაღას" სახელით, სწორედ დავით ფურცხვანიძე 8 სექტემბერს ჩაწერა.

 

„თუ რატომ ჰყავდა ამ სახელით ჩაწერილი, რამიშვილმა გვითხრა, რომ ამ ადამიანს მათ შორის ყარაბაღთან დაკავშირებითაც ჰქონდა კვლევები ჩატარებული და დარჩა განცდა, რომ „ყარაბაღად" უნდა ჩააეწერა და ამიტომ ჩაწერა. ჩვენ ამ საქმეზე გავაგრძელებთ გამოძიებას, თუმცა, კიდევ ერთხელ განვარტავთ, რომ არცერთ შემთხვევაში დამცველ ადვოკატებს ხელი არ ეშლებათ თამარ ბაჩალიაშვილის გარდაცვალების საქმეზე მიმდინარე გამოძიების ფარგლებში წარმოადგინონ ვერსიები, ინფორმაციები და მტკიცებულებები, თუმცა, ეს უნდა იყოს რეალური ინფორმაცია და ხელოვნურად არ შეუშალონ ხელი გამოძიებას. ის ინფორმაცია, რაც მიხეილ რამიშვილის ტელეფონში ფიქსირდება, ცალსახად ადასტურებს იმ გარემოებას, რომ შესაძლებელია ადვოკატი ინფორმირებული იყო, რომ დავით ფურცხვანიძე არასწორ და ცრუ ინფორმაციას უგზავნიდა, თუმცა, ჩემ მიერ დამაზუსტებელ კითხვაზე გაეცნო თუ არა სრულყოფილად იმ ექვსივე ფოტოსურათს, მან გვითხრა, რომ „არ ახსოვს", - განაცხადა დავით გუმბერიძემ.

23 წლის პროგრამისტის, თამარ ბაჩალიაშვილის დედის, თეონა თამაზაშვილის განცხადებით, პროკურატურა მიზანმიმართულად ცდილობს ადვოკატ მიხეილ რამიშვილის საქმიდან ჩამოშორებას.

 

როგორც მან ჟურნალისტებს განუცხადა, პროკურატურა მკვლელების მაგივრად, ადვოკატებს ებრძვის“.

 

„მიზანმიმართულად უნდათ რამიშვილის ჩამოშორება ამ საქმიდან. იმდენად უსუსურია ჩვენი პროკურატურა, რომ მკვლელების მაგივრად, ადვოკატებს ებრძვის. მივმართავ შოთაძეს - შორს მაგისი სისხლიანი ხელები ამ სამართლიანი ადამიანისგან, თორემ მიიღებს იმას, რასაც დიდი ხანია ელოდება და ექავება ხელები. რადგან აქციებს არ ვაანონსებ, ეს იმას არ ნიშნავს, რომ დავიღალე ან მეშინია. აბსოლუტურად ყველას ჩავრთავ, რაზეც აქამდე თავს ვიკავებდი. კიდევ ვიმეორებ, ჩემი მტრის მტერი არის ჩემი მოყვარე და სატანისთვისაც რომ დამჭირდეს სულის მიყიდვა, მივყიდი და ამას ასე არ დავტოვებ“, - განაცხადა თეონა თამაზაშვილმა.

 

ცნობისთვის, პროკურატურამ მიხეილ რამიშვილს კუთვნილი მობილური ტელეფონი ჩამოართვა. პროკურორ დავით გუბერიძის განცხადებით, მიხეილ რამიშვილის ტელეფონში აღმოჩნდა ინფორმაცია, როგორც დავით ფურცხვანიძესთან კომუნიკაციის ნაწილში, ასევე სატელიტის ფოტოები.

პროკურორ დავით გუმბერიძის განცხადებით, დავით ფურცხვანიძის გამოკითხვით გამოძიებამ ვერ დაადგინა, თუ ვინ მისცა მას სატელიტური ფოტოები, რომელიც ფურცხვანიძემ ბაჩალიაშვილების ოჯახის ადვოკატს გადასცა.

 

გუმბერიძის თქმით, დავით ფურცხვანიძემ გამოძიებას მიაწოდა ინფორმაცია, რომ მისი წყარო, სავარაუდოდ, ინგლისში ცხოვრობს და სლავური წარმოშობისაა, თუმცა სახელი და გვარი არ იცის და არც პირადად იცნობს.

 

„ფაქტი დადასტურდა, რომ ამ პიროვნებამ გადასცა ეს ფოტოსურათები. მოვთხოვეთ კონკრეტული წყაროს დასახელება, თუმცა დაგვისახელა პირი, რომელიც არასდროს ჰყავს ნანახი პირადად და ამბობს, რომ სოციალური ქსელში ჰქონდა კავშირი, თუმცა სხვა მაიდენტიფიცირებელი ინფორმაცია ვერ დაგვისახელა. ეს ინფორმაცია, შესაძლებელია, ჰქონდეს ტელეფონში, თუმცა ტელეფონიც, რატომღაც, დაუზიანდა ერთი კვირის წინ. შესაბამისად, იქაც ვერ მოიძიებს გამოძიება ამ ინფორმაციას“,- განაცხადა გუმბერიძემ.

 

როგორც პროკურორი აღნიშნავს, დავით ფურცხვანიძემ დაადასტურა ის ფაქტი, რომ მის მიერ ჩატარებული კვლევის შედეგები თამარ ბაჩალიაშვილის დედას გადაუგზავნა.

 

„ბატონმა ფურცხვანიძემ დაადასტურა ის ფაქტი, რომ აგვისტოს ბოლო პერიოდში მის მიერ ჩატარებული კვლევის შედეგები გადაუგზავნა თამარ ბაჩალიაშვილის დედას, თეონა თამაზაშვილს, რაზეც ამ ქალბატონმა გააკეთა განცხადება, რომ მისი შვილის გარდაცვალება უკავშირდებოდა იარაღით უკანონო ვაჭრობას. რაც შეეხება ყარაბაღის ხსენებას, ბატონმა დავითმა განმარტა ჩვენს შეკითხვებზე, რომ ეს ინფორმაცია კონკრეტულად ყარაბაღში იარაღით უკანონო ვაჭრობა მას არ უხსენებია და როგორც იცის, თეონა თამაზაშვილს ეს ინფორმაცია მიაწოდა დავით ქაშიშვილმა. შესაბამისად, თვითონ დაადასტურა ის ფაქტი, კვლევა, რაც ჩატარდა და რაც თამაზაშვილს გადაუგზავნა, უკავშირდებოდა სამხრეთ კავკასიაში სპეცსამსახურების ომს იარაღთან დაკავშირებით და ეს შეეხებოდა კონკრეტულად იარაღით უკანონო ვაჭრობის შედეგად ფულის გათეთრების სქემას, სადაც ჩართული იყო თამარ ბაჩალიაშვილი.

 

როგორც თვითონ ამბობს, ჩვენი ქვეყნის ტერიტორიაზე ატარებს გარკვეულ კვლევებს, ამ კვლევაში ჩართულია მისი რამდენიმე მეგობარი ექსპერტი, რომლებიც ცხოვრობენ საზღვარგარეთ, გააჩნიათ ერთი სამოქმედო სქემა და შესაბამისად, დაეხმარნენ ამ ინფორმაციის მოპოვებაში, რაც უკავშირდებოდა საქართველოს ტერიტორიაზე სამხრეთ კავკასიის სპეცსამსახურების მიერ იარაღით უკანონო ვაჭრობის ფაქტს. ასეთ გარემოებას სწავლობდა დავით ფურცხვანიძე. თუმცა რატომ სწავლობდა, რა ინფორმაციებზე დაყრდნობით სწავლობდა, იყო თუ არა იარაღით ვაჭრობის ფაქტი, ამაზე პასუხი არ აქვს“,- განაცხადა პროკურორმა.

 

ცნობისთვის, თბილისის საქალაქო სასამართლოში დავით ფურცხვანიძე, რომელმაც გარდაცვლილი პროგრამისტის, თამარ ბაჩალიაშვილის ოჯახის ადვოკატს, მიხეილ რამიშვილს, სატელიტით გადაღებული ფოტოსურათები მიაწოდა მაგისტრი მოსამართლის წინაშე გამოიკითხა.

 

ამასთან, პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსპერტიზის დასკვნის შედეგებით გაირკვა, რომ ისინი დამონტაჟებული და ყალბია.

მე კითხვებზე ის პასუხი გავეცი, რაც საჭიროდ ჩავთვალე. დანარჩენი გადაწყვიტოს პროკურატურამ, რა იყო მნიშვნელოვანი და რა უმნიშვნელო. რა რისი მომტანი იქნება მომავალში, - ამის შესახებ გარდაცვლილი თამარ ბაჩალიაშვილის ოჯახის ადვოკატმა, მიხეილ რამიშვილმა მაგისტრი მოსამართლის წინაშე გამოკითხვის დასრულების შემდეგ განაცხადა.

 

მისივე თქმით, პროკურატურის კითხვები ეხებობდა მის მიწერ- მოწერას.

 

„მიმართულება იქით ჰქონდათ, მე ხომ არ შევუკვეთე. ხომ არ ვიცოდი, რომ ეს სატელიტის სურათები იყო გაყალბებული. საიდან გავიცანი ეს ადამიანი(დავით ფურცხვანიძე) და ა.შ. გამოძიებას არანაირი ხელი არ შეშლია ამ ფოტოების გამო. თავიდანვე ხელი ჰქონდა შეშლილი, გამოძიება არასწორად მიდიოდა, დღესაც არასწორად მიდის და არასამართლიანად აგრძელებს. რაც დრო დაიხარჯა ამ აბსურდულ ძიებაში და იმ ქმედებაში, რომ მე ამ საქმეს ჩამომაშორონ, სჯობდა ეს ენერგია და დრო საქმეში დაეხარჯათ და არა ამ აბსურდულობაში. მე მჯერა იმის, რომ ავტომობილი იქ არ იდგა, მაშინ დამიდასტუროს პროკურატურამ ნამდვილი ფოტოსურათით და დავრწმუნდები, რომ ფურცხვანიძის სატელიტის ფოტო არის ყალბი. ექსპერტიზის დასკვნის არ მჯერა", - განაცხადა რამიშვილმა.

ლევან სამხარაულის სახელობის ექსპერტიზის ეროვნულ ბიუროში ადვოკატ მიხეილ რამიშვილის მობილური ტელეფონიდან სატელიტური ფოტოებისა და დავით ფურცხვანიძესთან კომუნიკაციის ნაწილში ინფორმაციის გამოთხოვის პროცედურა ტარდება.

 

როგორც საქმის პროკურორმა დავით გუმბერიძემ ჟურნალისტებს განუცხადა, საგამოძიებო მოქმედებების ფარგლებში პროკურატურა სასამართლოს განჩინების საფუძველზე მოქმედებს. გარდა ამისა, პროკურორმა განმარტა, რომ რამიშვილი შესაძლოა, დღეს სასამართლოში დაიკითხოს.

 

"ჩვენ ავიღეთ განჩინება, რაც ეხება მიხეილ რამიშვილსა და დავით ფურცხვანიძეს შორის კომუნიკაციას და სატელიტის ფოტოებთან დაკავშირებულ საქმისთვის მნიშვნელოვან ინფორმაციას. გუშინ, როდესაც დაიწყო ამ საგამოძიებო მოქმედებების ჩატარება, მთელი პროცედურა, რაც ტელეფონიდან ინფორმაციის გამოთხოვას უკავშირდებოდა ჩატარდა უშუალოდ მიხეილ რამიშვილის მონაწილეობით.შემდგომ, როდესაც მის ტელეფონში აღმოჩნდა საქმისთვის მნიშვნელოვანი საკითხი, როგორც დავით ფურცხვანიძესთან მიმოწერა, ასევე ის სატელიტის ფოტოები,რომელიც ყალბ ინფორმაციას შეიცავს - ჩვენ იმ ორი ფოტოსურათის გარდა, ასევე აღმოვაჩინეთ სხვა სატელიტის ფოტოსურათებიც, სხვა ინფორმაციის მატარებელი, რომელიც შესაძლოა ანალოგიურად შეიცავდეს არასწორ ინფორმაციას.

 

ამის შემდგომ მიხეილ რამიშვილს შევთავაზეთ, გამოთხოვის პროცედურა უშუალოდ ჩაგვეტარებინა ექსპერტის მონაწილეობით, იმისთვის, რომ არ მომხდარიყო მოპოვებულ ინფორმაციაზე ავთენტიკურობასთან, შემხებლობასთან, წარმომავლობასთან დაკავშირებით საეჭვო გარემოებები და აგვერიდებინა უკვე შემდგომი განმარტებები,რასაც ადვოკატი გააკეთებდა. ამაზე მიხეილ რამიშვილი დაგვთანხმდა. აქ ერთი გარემოება იყო, საგამოძიებო მოქმედებების დროს განაცხადა, რომ ოჯახის წევრი საავადმყოფოში იმყოფებოდა და დროებით შეგვეჩერებინა, ამიტომ მისი თანდასწრებით ტელეფონი დავლუქეთ, დაველოდეთ და შემდგომ სამხარაულის ექსპერტიზის ბიუროში წავედით. ტელეფონი მისი თანდასწრებით გაიხსნა, უშუალოდ ყველა პროცედურას ესწრებოდა. რაც შეეხება შეჩერებას, ასევე მისი ინიციატივით შეჩერდა. დღეს დავბრუნდით, იმიტომ, რომ მისი მონაწილეობით მოხდეს ინფორმაციის გამოთხოვა",- განაცხადა გუმბერიძემ.

 

პროკურორმა განმარტა, რომ პროკურატურისთვის მნიშველოვანია ინფორმაცია, რომლის მიხედვითაც რამიშვილის მობილურში სხვა სატელიტური ფოტოებიც აღმოჩნდა.

 

"შესაბამისად, ეს ინფორმაციაც ჩვენთვის მნიშვნელოვანი იყო. მოგეხსენებათ, რომ რამიშვილმა გამოძიებას წარმოგვიდგინა მხოლოდ 2 ფოტოსურათი და მას ტელეფონში დავით ფურცხვანიძისგან გადაგზავნილი ჰქონდა სატელიტის რამდენიმე ფოტოსურათი",- განაცხადა გუმბერიძემ დასძინა, რომ გამორიცხულია, რამიშვილის ტელეფონიდან გამოძიების ხელში მოხვდეს სხვა ტიპის ინფორმაცია,რომელიც საქმესთან კავშირში არ არის.

 

პროკურორის განმარტებით, ამაზე საქართველოს პროკურატურა კატეგორიულ განმარტებას გააკეთებს.

 

"ჩვენ ვმოქმედებთ ყველა შემთხვევაში სასამართლოს განჩინების საფუძველზე. აქ მოქმედებები უკავშირდება მხოლოდ ფურცხვანიძესთან კომუნიკაციას, სხვა პირებთან მიმოწერაში არ შევდივართ და არ განვიხილავთ იმ მნიშვნელოვან ინფორმაციას, რაც შესაძლოა კავშირში არ იყოს საქმესთან. ჩვენს მიერ რამიშვილთან ასევე კითხვა დაისვა ტელეფონში ვინ იყო ჩაწერილი იმ სახელით, რაც გამოძიებას აინტერესებდა და ჩვენ ადვოკატისგან განმარტება მივიღეთ. თუმცა გამოთხოვილი ინფორმაციით შესაძლოა სხვა ინფორმაცია დადგინდეს. ასევე, ადვოკატისგან განმარტება მიიღო საზოგადოებამ, რომ ჩვენ ვითომ ძალიან დაგვაინტერესა, რა ხდებოდა მის ტელეფონში და ამიტომ ჩავატარეთ ეს საგამოძიებო მოქმედება. განვმარტავ, რომ მხოლოდ და მხოლოდ, დავით ფურცხვანიძესთან კომუნიკაციისა და სატელიტის ფოტოების ნაწილში ტარდება ინფორმაციის გამოთხოვა", - განაცხადა გუმბერიძემ.

 

რაც შეეხება ადვოკატ მიხეილ რამიშვილის მოსაზრება, რომ შესაძლოა ის დააკავონ, პროკურორი განმარტავს, რომ მიხეილ რამიშვილი ცდილობს, ემოციური ფონი შეიქმნას მის გარშემო. მისი თქმით, დაკავებას, სისხლის სამართლებრივი დევნის დაწყებას კონკრეტული საფუძველი სჭირდება.

 

გარდა ამისა, მისივე თქმით, გამოძიებამ ამოიღო დავით ფურცხვანიძის, როგორც მობილური ტელეფონი ისე კომპიუტერი.

 

"ფურცხვანიძე ჩვენ დავკითხეთ მოსამართლის წინაშე და სწორედ იქ განაცხადა, რომ რატომღაც 5 დღის წინ დაუზიანდა ტელეფონი, აღარ სარგებლობს იმ ტელეფონით, რითაც სურათები გადაუგზავნა მიხეილ რამიშვილს. შესაბამისად, ჩვენ დამატებით ჩავატარეთ საგამოძიებო მოქმედება და ამოვიღეთ ის დაზიანებული ტელეფონი, რომელიც მის ოჯახის წევრთან ინახებოდა. მიხეილ რამიშვილს ჟურნალისტებისგან უფრო მეტი ვალდებულება გააჩნია, როგორც მედიასთან ისე საზოგადოებასთან და გამოძიებასთან. როდესაც მოდის და ჩვენთან კონკრეტული დოკუმენტი მოაქვს, ამით ითხოვს, რომ საქმეზე მივიღოთ მოცემულობა, რა თქმა უნდა, ამას მეტი გადამოწმება სჭირდება, ადვოკატს მეტი ვალდებულება გააჩნია ვიდრე ჟურნალისტებს", - განაცხადა გუმბერიძემ.

თამარ ბაჩალიაშვილის საქმეზე გამოკითხული დავით ფურცხვანიძის განცხადებით, გამოკითხვის დროს გამოძიებას უთხრა პირის ვინაობა, ვინც მას ის სატელიტური ფოტოები მიაწოდა, რომელიც მან ადვოკატ მიხეილ რამიშვილს გადასცა.

 

როგორც ფურცხვანიძემ საქალაქო სასამართლოში მაგისტრი მოსამართლის წინაშე გამოკითხვის შემდეგ ჟურნალისტებს განუცხადა, თუ სამართალდამცავ უწყებებს მეტი დეტალი აინტერესებთ, მის საკომუნიკაციო საშუალებებს - მობილურს, ლეპტოპსა და კომპიუტერის პროცესორს ფლობენ, სადაც „ყველაფერი წერია“.

 

„დავასახელე გამოკითხვის დროს არა მხოლოდ სახელი და გვარი, არამედ სხვა კონკრეტული დეტალები დაკავშირებული იმ პიროვნებასთან, მის სტრუქტურასთან, ჩვენს საერთო სტრუქტურასთან. თუ სრული იდენტიფიცირება უნდათ, ჩემი საკომუნიკაციო საშუალებები მათთან არის, იმაში წერია ყველაფერი, სხვადასხვა რეკვიზიტები, მაგრამ ისიც საკმარისია, რაც მე ვუთხარი. ეს ადამიანი არც საქართველოშია, არც რუსეთშია. ეს არის კონფიდენციალური ინფორმაცია, რომელიც მხოლოდ პროკურატურას გადავეცი, საჯარო არ არის, არა იმიტომ, რომ ვინმე იმალება, საქმის ინტერესებიდან გამომდინარე“,- განაცხადა ფურცხვანიძემ.

 

როგორც ის აღნიშნავს, ინფორმაციას, რომ თამარ ბაჩალიაშვილის გარდაცვალება, შესაძლოა, ყარაბაღის კონფლიქტსა და იარაღით ვაჭრობას უკავშირდება, ბაჩალიაშვილის დედას, თეონა თამაზაშვილს თვითონ ვერ მიაწვდიდა, რადგან არ იცნობდა.

 

„ერთხელ არის ნახსენები, როცა დიდი ფულის გათეთრებაზე წავიდა საუბარი, მე ჩემს სტატიაში, რომელიც გამოქვეყნდა და გადაბეჭდა ექვსმა დასავლურმა საინფორმაციო სააგენტომ, მათ შორის ამერიკულმა, არის მითითება ასეთი – იქ, სადაც არის დიდი შავი ფულის ბრუნვა, როგორც წესი, ეს ფული ამის შემდეგ საქონელდება უკანონო ბიზნესში, მათ შორის, იარაღით ვაჭრობაში. ამაზე მიება ის თემა, რომ თუ სადმე რეალიზდება უკანონო იარაღი, ეს არის სამხრეთ კავკასიაში, ყარაბაღის კონფლიქტი“,- განაცხადა ფურცხვანიძემ.

 

ამასთან, როგორც ის აცხადებს, ამერიკის შეერთებულ შტატებში გამგზავრებას გეგმავს, რადგან „გარკვეულ ფინანსურ საქმეებზე გამოძიება ბოლომდეა მისაყვანი“.

 

„ხელს რა შემიშლის? ვგეგმავ ამერიკაში გამგზავრებას, ბილეთებიც მაქვს უკვე, 30-ში იქეთ, 11-ში უკან. მიზანია სწორედ დიდი კორუფციული, ფინანსური, ფულის დარიცხვების შესახებ რაც არის, ამის შესახებ გამოძიება ბოლომდე არის მისაყვანი, ერთ-ერთი თემა ესეც არის. ბაჩალიაშვილი არის ერთ-ერთი შემადგენელი ეპიზოდი დიდ საქმეში“,- განაცხადა ფურცხვანიძემ.

 

მისივე განცხადებით, ბაჩალიაშვილის საქმეზე ბევრი გარემოება და გარკვეული ჩვენებები ეჭვს ბადებს.

 

მისი თქმით, თამარ ბაჩალიაშვილის გარდაცვალება „უნიჭოდ დადგმული ინსცენირებაა“.

 

„ერთ რამეს გეტყვით ბაჩალიაშვილის გარდაცვალებაზე, მკვლელობაზე. ის თავისი ქმედებებით, თუნდაც, აფთიაქში წამლების ყიდვა იყოს, არის მოდელირებული და სერიოზულად დადგმული ინსცენირებაა, მაგრამ უნიჭოდ. ამიტომ ჩნდება ნაწილ-ნაწილ, თავს იჩენს ის შეუსაბამობები, რაც ამ ინსცენირებაში იყო ცუდად დალაგებული“,- განაცხადა ფურცხვანიძემ.

 

როგორც დავით ფურცხვანიძე აცხადებს, მისთვის სატელიტური ფოტოები არავის და მათ შორის, არც მიხეილ რამიშვილს არ მოუთხოვია. მისი თქმით, აპირებს, ამერიკაში ბაჩალიაშვილის საქმის გარკვეულ დეტალებთან დაკავშირებით, მათ შორის სატელიტური ფოტოს თაობაზე, ალტერნატიული ექსპერტიზა ჩაატაროს.

 

ცნობისთვის, თბილისის საქალაქო სასამართლოში დავით ფურცხვანიძე, რომელმაც გარდაცვლილი პროგრამისტის, თამარ ბაჩალიაშვილის ოჯახის ადვოკატს, მიხეილ რამიშვილს, სატელიტით გადაღებული ფოტოსურათები მიაწოდა მაგისტრი მოსამართლის წინაშე გამოიკითხა.

 

ამასთან, პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსპერტიზის დასკვნის შედეგებით გაირკვა, რომ ისინი დამონტაჟებული და ყალბია.

არქივი

« « » » September 2019
Mon Tue Wed Thu Fri Sat Sun
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?