Global Press

English

Global PressGlobal PressGlobal PressGlobal Press

USD
3.1172
EUR
3.4626
RUR
0.0448
GBP
3.8613

ნინოობის დღესასწაულთან დაკავშირებით წირვა-ლოცვას სრულიად საქართველოს კათოლიკოს-პატრიარქი, ილია II სიონის საკათედრო ტაძარში აღავლენს. ამის შესახებ საპატრიარქო ტახტის მოსაყდრემ მეუფე შიო მუჯირმა სამების ტაძარში ქადაგების შემდეგ განაცხადა.

 

წმიდა ნინოს ხსენების დღეს საქართველოს მართლმადიდებელი ეკლესია წელიწადში ორჯერ აღნიშნავს: პირველ ივნისს მისი საქართველოში შემოსვლა აღინიშნება, ხოლო 27 იანვარს - გარდაცვალება.

 

რელიგიური სწავლების თანახმად, ქართველთა განმანათლებელი, წმინდა მოციქულთა სწორი, ქალწული ნინო წარმოშობით კაბადოკიიდან იყო. მისი მამა ზაბულონი საფრანგეთის განმანათლებლად მიიჩნევა, წმინდა ნინო ვაზის ჯვრით საქართველოში IV საუკუნეში შემოვიდა, როდესაც ტახტზე მეფე მირიანი და დედოფალი ნანა იმყოფებოდნენ. წმიდა ნინოს ქადაგებით, საქართველოში ქრისტიანობა სახელმწიფო რელიგიად 326 წელს გამოცხადდა.

სააღსრულებო სერვისებით სარგებლობა აღსრულების ეროვნულ ბიუროში ვიზიტით უკვე შესაძლებელია, - ამის შესახებ ინფორმაციას საქართველოს აღსრულების ეროვნული ბიურო ავრცელებს.

 

ვიზიტამდე წინასწარი დაჯავშნა მოქალაქეთა პორტალზე აუცილებელია (my.gov.ge). „დაჯავშნისთვის საჭიროა:

 

• ეწვიოთ პორტალს ‪my.gov.ge‬‬‬;

 

• აირჩიოთ კატეგორია - იუსტიციის სახლში და ნოტარიუსთან ვიზიტის დაჯავშნა;

 

• შეავსოთ საკონტაქტო ინფორმაცია და ვიზიტის დასაგეგმად საჭირო ველები;

 

• ფილიალის ველში მიუთითეთ - სსიპ აღსრულების ეროვნული ბიურო;

 

• მომსახურების ტიპში მიუთითეთ აღსრულების ეროვნული ბიუროს სერვისებზე განცხადებების მიღება;

 

• ვიზიტის დაჯავშნის დასტურად მიიღებთ მოკლე ტექსტურ შეტყობინებას, რომელიც აუცილებლად უნდა შეინახოთ მომსახურების მიღებამდე;

 

• მომსახურების მისაღებად უნდა გამოცხადდეთ ზუსტ დროს და წარადგინოთ მიღებული შეტყობინება;

 

ვიზიტის ფარგლებში განცხადების წარდგენა დასაშვებია მხოლოდ ერთ სერვისზე;

 

აღსრულების ეროვნულ ბიუროში მისულ პირს უნდა ეკეთოს პირბადე

 

; ბიუროში არ დაიშვებიან ბავშვები და თანმხლები პირები“, - ნათქვამია აღსრულების ეროვნული ბიუროს განცხადებაში.

მოგეხსენებათ, კორონავირუსით გამოწვეული პანდემიის პირობებში, დედაქალაქში საზოგადოებრივი ტრანსპორტის მუშაობა შეწყდა. ეპიდსიტუაციის გათვალისწინებითა და სპეციალისტების რეკომენდაციის საფუძველზე, საკოორდინაციო საბჭოს გადაწყვეტილებით, 29 მაისიდან ყველა სახის მუნიციპალური ტრანსპორტის მოძრაობა აღდგება, - ამის შესახებ თბილისის მერმა, კახა კალაძემ განაცხადა.

 

მისი თქმით, მეტრო, ავტობუსები და მიკროავტობუსები დილიდან განაახლებენ მუშაობას.

 

„მგზავრებს კი მოუწევთ პირბადეების გამოყენება, რაც არის მგზავრობისთვის განსაზღვრული აუცილებელი პირობა. როგორც ხედავთ, სპეციალისტების რეკომედაციით, გადაადგილებაზე არსებული შეზღუდვები მოიხსნა, თუმცა ტაქსით გადაადგილების დროს, მგზავრთა რაოდენობა კვლავ სამს არ უნდა აღემატებოდეს. მძღოლის ჩათვლით, ავტომანქანაში უნდა მოთავსდეს მხოლოდ სამი ადამიანი“, - აღნიშნა კალაძემ.

 

ქალაქის მერი კიდევ ერთხელ შეახსენებს მოქალაქეებს, განსაკუთრებით კი ტაქსის მძღოლებს, მგზავრის გადაყვანის დროს, ავტომანქანის ფანჯრები დახურულ მდგომარეობაში არ ჰქონდეთ,

 

„ყოველი მგზავრობის დროს გამოიყენონ ნიღაბი და სადეზინფექციო ხსნარი. აქვე, მოქალაქეებს მოვუწოდებ, რომ საზოგადოებრივი ტრანსპორტით ისარგებლონ მხოლოდ აუცილებლობის შემთხვევაში, რათა დაინფიცირების საფრთხე მაქსიმალურად შევამციროთ. არ უნდა დაგვავიწყდეს, რომ ვირუსი არსად წასულა და ერთმანეთის ჯანმრთელობაზე ზრუნვა კვლავ სასიცოცხლოდ მნიშვნელოვანია“, - აღნიშნა კალაძემ.

საუკუნო ცხოვრება ეს არის შეცნობა უფლისა, ანუ მადლის მოხვეჭა. მხოლოდ სულიწმიდის მადლით ხდება ეს, ვერანაირი ჩვენი პირადი მეცადინეობით მარტო ამას ჩვენ ვერ მივაღწევთ, ამისთვის არის ეკლესიური ცხოვრება , - ამის შესახებ საპატრიარქო ტახტის მოსაყდრემ მეუფე შიო მუჯირმა სამების საკათედრო ტაძარში საკვირაო ქადაგებისას განაცხადა.

 

როგორც მეუფე შიომ აღნიშნა, დღეს ეკლესია პირველი მსოფლიო კრების წმინდა მამებს მოიხსენიებს, ასევე მოციქულთა სწორებს - მირიან მეფეს და დედოფალ ნანას.

 

მეუფე შიომ ქადაგებისას პირველი მსოფლიო კრების და არიოზის სწავლების შესახებ ისაუბრა. ქადაგებისას მან ასევე საუკუნო ცხოვრებაზე და ღმერთის შემეცნებაზე გაამახვილა ყურადღება.

 

„საუკუნო ცხოვრება ეს არის შეცნობა, შემეცნება ღმერთის. ეს არის მთავარი რამ ჩვენს სარწმუნოებაში. თუ გვინდა სულის გადარჩენა, ჩვენ უნდა ვიღვაწოთ შემეცნებისათვის, შეცნობისთვის, მაგრამ რა არის შეცნობა? ადამიანური ცხოვრებიდან რომ ავიღოთ, როდის ვამბობთ ჩვენ, რომ ვიცნობთ ადამიანს კარგად? მრავალ ადამიანს ვიცნობთ, მაგრამ სიღრმისეულად, ღრმად როდის ვიცნობთ ჩვენ ადამიანს? - როდესაც მასთან ერთად დიდი ხნის განმავლობაში ვცხოვრობთ, ან ჩვენი ოჯახის წევრია, მეგობარი, ან მრავალი რამ გაგვივლია ერთად. ვიცით, იგი რას ფიქრობს, რას გრძნობს, რა სურს მას, რა სტკივა, რა უხარია და ა.შ. მაშინ ვამბობთ ჩვენ ვიცით, ვინ არის ეს ადამიანი სინამდვილეში. ასევე არის ღმერთის შეცნობაც. ჩვენ შეგვიძლია ვთქვათ, რომ ვიცნობთ უფალს, როცა ჩვენ ვიცით რა სურს ღმერთს, რას ფიქრობს იგი, რა ჰნებავს მას ჩვენთან მიმართებაში, რა მოსწონს უფალს, რა არ მოსწონს. ამის შემეცნება არის სულის ცხონება, სულის გადარჩენა. ეს არ არის უბრალოდ თეორიული ცოდნა დოგმატების ან ეკლესიის სწავლების, ეს არ არის საკმარისი. აქ სულ სხვა რამ იგულისხმება. აქ იგულისხმება ის მდგომარეობა, როდესაც ადამიანის სულში სულიწმიდის მადლი დაივანებს, როდესაც უფალი ცხოვრობს ჩვენს სულში. მაშინ შეგვიძლია, ჩვენ ვთქვათ, რომ ვიცნობთ უფალს და უფალი გვიცნობს ჩვენ ასევე.

 

საუკუნო ცხოვრება ეს არის შეცნობა უფლისა, ანუ მადლის მოხვეჭა. მხოლოდ სულიწმიდის მადლით ხდება ეს. ვერანაირი ჩვენი პირადი მეცადინეობით მარტო ამას ჩვენ ვერ მივაღწევთ. ამისთვის არის ეკლესიური ცხოვრება, აუცილებელია მცნებების შესრულება. მცნებენის შესრულებით ადამიანი ნელ-ნელა გულისხმა-ჰყოფს, რომ ის უძლურია სასუფეველი დაიმკვიდროს, თვითონ მოიხვეჭოს მადლი, საუკუნო ცხოვრება თვითონ დაიმკვიდროს მაცხოვრს გარეშე. შესაბამისად, მდაბლდება და ამ სიმდაბლის შედეგად მასთან მოდის სულიწმიდის მადლი და ის იმკვიდრებს საუკუნო ცხოვრებას. ეს არის უმთავრესი ჩვენს სარწმუნოებაში.

 

თუ გახსოვთ, კათოლიკოს-პატრიარქმა ილია მეორემ ამაღლების დღესასწაულზე სიხარულის თაობაზე იქადაგა, მან თქვა, რომ ადამიანი სიხარულისთვის არის შექმნილი. აქ საუბარია სულიერ სიხარულზე, ჭეშმარიტ სიხარულზე, რომელსაც უფალი იესო ქრისტე საუბრობს. ეს არის მიზანი ჩვენი ცხოვრების. ღერთმა ინებოს, რომ ჩვენ ვიაროთ სულის გადარჩენის გზით, უფლის მცნებების გზით, რათა მოვიხვეჭოთ მადლი სულისა წმიდისა.

 

ამ დიდ გზაზე ჩვენი მანათობლები, ჩვენი დიდი მოძღვრები არიან ჩვენი წმინდა მამები, ჩვენი დიდი წინაპრები, როგორც პირველი მსოფლიო კრების წმინდა მამები, ასევე ჩვენი დიდი წინაპრები, მოციქულთა სწორი - მეფე მირიანი, დედოფალი ნანა, რომელთა ლოცვითაც შეგვიწყალოს და გვაცხოვნოს ჩვენ უფალმან“, - განაცხადა მეუფე შიომ.

 

მეუფე შიომ მრევლს შეახსენა, რომ ხვალ ნინოობაა და კათოლიკოს პატრიარქი წირვას სიონის საკათედრო ტაძარში აღავლენს.

 

„ხვალ არის ნინოობა. წმინდა ნინოს საქართველოში შემობრძანების დღესასწაული და სრულიად საქართველოს კათოლიკოს პატრიარქი ილია მეორე წირვას აღავლენს სიონის საპატრიარქო ტაძარში დილის 10:00 საათზე", - აღნიშნა მეუფე შიომ.

საზოგადოებრივ ტრანსპორტსა და გაჩერებებზე მგზავრთა ნაკადს მუნიციპალურ სამსახურებთან ერთად, საპატრულო პოლიცია გააკონტროლებს, - ამის შესახებ თბილისის ვიცე-მერმა, ირაკლი ხმალაძემ ჟურნალისტებს განუცხადა. მისი თქმით, საზოგადოებრივი ტრანსპორტი 29 მაისიდან შეცვლილი პრინციპით იმუშავებს და მგზავრთა რაოდენობა გაკონტროლდება არა მხოლოდ ტრანსპორტში, არამედ გაჩერებებზეც.

 

„იქნება გარკვეული შეზღუდვები, მაგალითად, დაცული იქნება მძღოლი ბარიერით, სავალდებულო იქნება პირბადეების ტარება და ამას გააკონტროლებენ როგორც მუნიციპალური სამსახურები, ასევე საპატრულო პოლიციის ქვედანაყოფები, განსაკუთრებით მეტროში. ჩვენი თანამშრომლები იმოძრავებენ როგორც ტრანსპორტში, ასევე გაჩერებებზე. ახალი დავალებაა, რომ შეიძლება მოგვიწიოს რაოდენობრივი კონტროლის დაცვა, რათა არ მოხდეს საზოგადოებრივი ტრანსპორტის გადავსება“, - განაცხადა ვიცე-მერმა.

 

ირაკლი ხმალაძის განმარტებით, მგზავრთა რაოდენობა გაკონტროლდება როგორც მეტროს ზედა, ისე ქვედა ვესტიბიულში.

 

„ადამიანების რაოდენობა მეტროს ვაგონებში არ უნდა გაკონტროლდეს. კონტროლი იქნება მეტროში შეშვებაზე. გვაქვს ყოველდღიური დაკვირვების შედეგად მონაცემები, როგორ იზრდება ნაკადები პიკის საათების და სეზონების მიხედვით. შესაბამისად, ამას დაარეგულირებს სატრანსპორტო კომპანია, რომლის აღსრულებაშიც დაგვეხმარება მუნიციპალური ინსპექცია, დაცვის პოლიცია და თბილისის საპატრულო პოლიცია. ძალიან რთულია იმის თქმა, რამდენი ადამიანი უნდა შევიდეს მეტროში ერთ შეშვებაზე. ყველა მეტროს სადგურს და მიმართულებას თავისი დატვირთვა აქვს დროის და სეზონიდან გამომდინარე. ადამიანების რაოდენობის კონტროლი და დაკვირვება ხდება როგორც ზედა ვესტიბიულში, ასევე ქვედა ვესტიბიულში და თვითონ ვაგონებში. შესაბამისად, ამ ინფორმაციის ოპერატიულ რეჟიმში გადაცემის შედეგად შესაძლებელია მოხდეს 2 წამის შუალედით ზედა ვესტიბიულში ნაკადების შემოდინების შეზღუდვა“, - განაცხადა ირაკლი ხმალაძემ.

 

საკოორდინაციო საბჭოს გადაწყვეტილებით, 29 მაისიდან ყველა სახის მუნიციპალური ტრანსპორტის მოძრაობა აღდგება, ასევე მგზავრობის დროს აუცილებელი იქნება პირბადის ტარება.

საქართველოში საზოგადოებრივი ტრანსპორტის მიმოსვლა 1-ლი ივნისიდან აღდგება. რა წესების დაცვა მოუწევს მოსახლეობას მგზავრობისას:

 

1.  მეტროში, ავტობუსებსა და მიკროავტობუსებში აუცილებელი იქნება პირბადის ტარება;

 

2.  მოქალაქეებმა საზოგადოებრივი ტრანსპორტით მხოლოდ აუცილებლობის შემთხვევაში უნდა ისარგებლონ

 

3.  ავტობუსებსა და მიკროავტობუსებში უნდა იყოს გახსნილი ფანჯრები, კონდიციონერების გამოყენება აკრძალულია;

 

4.  კვლავ აკრძალულია ტაქსით მგზავრობა პირბადის გარეშე. ამასთან, ერთ მანქანაში 2 მგზავრზე მეტი არ დაიშვება;

 

სტამბოლში, ერთ-ერთ სამრეცხაოში აფეთქების შედეგად საქართველოს მოქალაქე დაიღუპა. ინფორმაციას თურქული მედია ავრცელებს.

 

შემთხვევა ბაშაქშეჰირის რაიონში მოხდა. მედიის ცნობით, გარდაცვლილი 45 წლის ალექსანდერ ჩიტაურია. როგორც გლობალპრეს საქართველოს საგარეო საქმეთა სამინისტროში განუცხადეს, კაცის ცხედარი ამ ეტაპზე ექსპერტიზაზეა გადასვენებული. თურქეთში საქართველოს საკონსულო გარდაცვლილის ახლობლებთან კონტაქტში იმყოფება.

 

საქართველოს მოქალაქეს გარდა აფეთქებას თურქეთის 55 წლის მოქალაქეც ემსხვერპლა. ადგილობრივი მედია შემთხვევის ადგილზე გადაღებულ ვიდეოსაც ავრცელებს.

 

„მიკროავტობუსებში მგზავრების ფეხზე დგომა შესაძლოა აიკრძალოს, - ამის შესახებ თბილისის ვიცე-მერმა, ირაკლი ხმალაძემ ჟურნალისტებს განუცხადა. მისი განმარტებით, ახალი დავალებაა, რომ შეიძლება საჭირო გახდეს რაოდენობრივი კონტროლის დაცვა, რომ საზოგადოებრივი ტრანსპორტი არ გადაივსოს.

 

„მაგალითად, მიკროავტობუსებში ფეხზე დგომა რომ არ დავუშვათ და მძიმე სურათი რომ არ მივიღოთ. როგორც იანვარში იყო, 100%-იანი, სრული გახსნა საზოგადოებრივი ტრანსპორტის არ მოხდება. თუმცა, ტრანსპორტი იმოძრავებს. საზოგადოებრივი ტრანსპორტის მიწოდება რაოდენობრივად და რეჟიმები იქნება იგივე. ჩვენი მთლიანი ავტოპარკი გავა სერვისში და მოემსახურება მოქალაქეებს. თუ ამან განაპირობა გარკვეული შეზღუდვა და ვიღაც ვერ გადაადგილდა, ეს, რა თქმა უნდა, მისთვის დისკომფორტია, თუმცა, უნდა გვახსოვდეს, რომ ეს ყველაფერი ხდება ჩვენივე მოსახლეობის უსაფრთხოების მიზნით“, - განაცხადა ხმალაძემ.

 

საკოორდინაციო საბჭოს გადაწყვეტილებით, 29 მაისიდან ყველა სახის მუნიციპალური ტრანსპორტის მოძრაობა აღდგება, ასევე მგზავრობის დროს აუცილებელი იქნება პირბადის ტარება.

საქალაქთაშორისო ტრანსპორტის მიმოსვლა 8 ივნისიდან განახლდება, - ამის შესახებ პრემიერ-მინისტრმა, გიორგი გახარიამ საკოორდინაციო საბჭოს სხდომაზე განაცხდა.

 

„ეს ნაბიჯები მიღებულია ჩვენი მოქალაქეების ინტერესებიდან, მათი სოციალური და ეკონომიკური ინტერესების გათვალისწინებით. თუმცა ყველას უნდა გვახსოვდეს, რომ აუცილებელი პირობაა, რომ შევინარჩუნოთ ეპიდემიის ეს ტემპი, არის პირბადეების ტარება“, - აღნიშნა გახარიამ.

 

საქალაქთაშორისო ტრანსპორტის მოძრაობა ქვეყანაში 24 მარტს აიკრძალა.

ერთ-ერთმა კერძო კომპანიამ სანიაღვრე ქსელის სამშენებლო სამუშაოების შესრულებისას თბილისის ცენტრალური, მაგისტრალური საშუალო წნევის D=500მმ–იანი გაზსადენი დააზიანა. ამ შემთხვევის გამო ბუნებრივი გაზის მიწოდება ავარიულად შეუწყდა გლდანი–ნაძალადევის რაიონის დაახლოებით 14 000 აბონენტს.

 

ინფორმაციას კომპანია „თბილისი ენერჯი" ავრცელებს.

 

კომპანიის ჯგუფები შემთხვევის ადგილზე ინტენსიურად მუშაობენ. დაზიანებული გაზსადენის მაქსიმალურად მოკლე დროში აღსადგენად სამუშაოები მთელი ღამის განმავლობაში გაგრძელდება.

 

გაზის მიწოდების აღდგენა ხვალ, 30 მაისს დილიდან, ეტაპობრივად დაიწყება. აღდგენის ზუსტ დროს აბონენტები მოკლე ტექსტური შეტყობინებით (sms) ინდივიდუალურად მიიღებენ.

თბილისის მერის კახა კალაძის განცხადებით, ყველა სახის საზოგადოებრივი ტრანსპორტით მგზავრობისას პირბადის ტარება აუცილებელი იქნება.

 

მისივე თქმით, ამ პროცესს მერია ზედამხედველობასა და კონტროლს გაუწევს.

 

„მინდა საზოგადოებამ იცოდეს, როგორც მეტროში, ასევე ავტობუსებსა და მიკროავტობუსებში აუცილებელი იქნება პირბადის ტარება, სხვანაირად უბრალოდ შეუძლებელია და ეს აუცილებლად უნდა გაითვალისწინოს მოსახლეობამ. ჩვენ ამას გავუწევთ ზედამხედველობას და კონტროლს. მინდა დავავალო ვიცე მერს, ირაკლი ხმალაძეს და მაია ბითაძეს, რომ ეს მიმართულება გაკონტროლდეს, მიკროავტობუსებში, ასევე უნდა გააფრთხილოთ ჩვენი ავტობუსების მძღოლები, რომ არავითარ შემთხვევაში არ უნდა იყოს კონდიცირება ჩართული და ფანჯრები უნდა იყოს ღია, მეტროს არ აქვს ამის აუცილებლობა ისედაც ჰაერი ფანჯრებიდან ნიავდება“, - განაცხადა კახა კალაძემ.

29 მაისიდან ყველა სახის მუნიციპალური ტრანსპორტის მოძრაობა აღდგება. როგორც პრემიერ-მინისტრმა გიორგი გახარიამ საკოორდინაციო საბჭოს სხდომაზე განაცხადა, მგზავრობის დროს აუცილებელი იქნება პირბადის ტარება და ამას შესაბამისი სამსახურები გააკონტროლებენ.

 

“ქვეყანაში ინფექციის, პანდემიის გავრცელება ექვემდებარება კონტროლს, რაც, რა თქმა უნდა, საზოგადოებასთან ერთად, ერთობლივი შრომის შედეგია. ამიტომ დღის წესრიგში დგას შემდგომი ამოცანა - ეს გახლავთ ეკონომიკის უფრო სწრაფი ამოქმედება. დღეს შეგვიძლია ვთქვათ, როგორც ფაქტი, რომ ჩვენ გვაქვს შესაძლებლობა, ეს გეგმა ცოტა უფრო ავაჩქაროთ. დღეს ჩვენ დაავადებათა კონტროლის ცენტრმა მოგვაწოდა კვლევის შედეგები, რომელიც კიდევ ერთხელ ადასტურებს იმას, რომ ქვეყანაში ინფექციის შიდა გავრცელების მასშტაბი არის ძალზედ მცირე და რისკები არის შემცირებული.

 

შესაბამისად, მიუხედავად იმისა, რომ ვირუსი ჯერ არ დაგვიმარცხებია, მიუხედავად იმისა, რომ ვირუსი დღეს რჩება ჩვენთან ერთად და ჩვენ აუცილებლად უნდა დავიცვათ უსაფრთხოების ელემენტარული ნორმები, როგორიც არის პირბადე, სოციალური დისტანცია, ჰიგიენის ელემენტარული წესები, მიუხედავად ამ ყველაფრისა და ჩვენი მოქალაქეების ეკონომიკური და სოციალური ინტერესების გათვალისწინებით, ჩვენ დღეს მივიღეთ გადაწყვეტილება, შემდგომი შემსუბუქების დაწესების თაობაზე: 29 მაისიდან გაიხსნება ყველა სახის მუნიციპალური ტრანსპორტი, მათ შორის მეტრო და ეს მოხდება მხოლოდ და მხოლოდ კონკრეტული წესების დაცვით, ეს გახლავთ აუცილებელი პირბადის ტარება. ამაზე პასუხისმგებელი იქნებიან მუნიციპალური ტრანსპორტის ხელმძღვანელი ორგანიზაციები ან კერძო ტრანსპორტის მფლობელები”, - განაცხადა გახარიამ.

ევროკავშირი

არქივი

« « » » June 2019
Mon Tue Wed Thu Fri Sat Sun
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?