Global Press

English

Global PressGlobal PressGlobal PressGlobal Press

USD
3.0624
EUR
3.4593
RUR
0.043
GBP
3.8617

საწვავის სათანადო ხარისხი უმნიშვნელოვანესი წინაპირობაა ადამიანის ჯანმრთელობისა და ეკოლოგიის შენარჩუნების, აქედან გამომდინარე კომიტეტმა და ინიციატორებმა, გადავწყვიტეთ, რომ სანქციები გავამკაცროთ, - ამის შესახებ გარემოს დაცვისა და ბუნებრივი რესურსების კომიტეტის თავმჯდომარემ, ნინო წილოსანმა „POSTV-ის“ ეთერში განაცხადა.

 

„სანქციების გამკაცრებით დაისჯება საწვავის ხარისხის პარამეტრების დარღვევა, ეს ცვლილებები გულისხმობს როგორც ადმინისტრაციულ სამართალდარღვევათა კოდექსში, ანუ ჯარიმების ძალიან გამკაცრებას, ასევე განმეორებით დანაშაულის შემთხვევაში სისხლის სამართლებრივ პასუხისმგებლობას“, - განაცხადა ნინო წილოსანმა.

 

გარემოს დაცვის კომიტეტის საკანონმდებლო ინიციატივით, საქართველოში უხარისხო ბენზინის ან დიზელის იმპორტზე, წარმოებასა და რეალიზაციაზე სანქციები მკაცრდება.

ინდოეთის შტატ ნაგალანდში ძაღლის ხორცის იმპორტი და გაყიდვა აიკრძალა. ამის შესახებ BBC წერს.

 

გამოცემის ინფორმაციით, შტატის ხელმძღვანელობამ ასეთი გადაწყვეტილება ცხოველთა უფლებათა დამცველი ორგანიზაციების კამპანიის შემდეგ მიიღო. ორგანიზაციებში კი ეს ინდოეთში ძაღლების მიმართ სისასტიკის აღკვეთისთვის გადამწყვეტ ნაბიჯად შეაფასეს.

 

ამასთან, რამდენიმე სამოქალაქო ორგანიზაციამ გადაწყვეტილება გააკრიტიკა და შტატის კვების კულტურაზე თავდასხმად შეაფასა.

 

ინდოეთის ნაწილებში ძაღლის ხორცის ჭამა აკრძალულია, მაგრამ ქვეყნის ჩრდილოეთ-აღმოსავლეთის გარკვეულ რეგიონებში ეს დელიკატესად ითვლება.

დარწმუნებული ვარ, რა სახის გამოძიებაც არ უნდა დაიწყოს საქართველოს რომელიმე საგამოძოებო ორგანომ, „მთავარი არხი“ არ დაუშვებს, რომ მის სარედაქციო პოლიტიკაში ვინმე ჩაერიოს - ამის შესახებ პრემიერ-მინისტრმა ჟურნალისტებს „მთავარის“ ეთერში გასულ სიუჟეტთან დაკავშირებით დასმული კითხვის საპასუხოდ განუცხადა.

 

გიორგი გახარიას თქმით, მედიასაშუალების სარედაქციო პოლიტიკაში ვერავინ ჩაერევა.

 

„იმაშიც დარწმუნებული ვარ, რომ დღეს საქართველოს სამართლებრივი ჩარჩო არავის აძლევს შესაძლებლობას, რომ პოლიტიკური ან რაიმე სხვა თვალსაზრისით, რომელიმე მედიასაშუალების სარედაქციო პოლიტიკაში ჩაერიოს. თუ რაღაც რიტორიკული პასუხისთვის მისვამთ შეკითხვას, ჩემი პასუხი ასეთია - ვერ ჩაერევიან“, – აღნიშნა გიორგი გახარიამ.

მსოფლიოში ყველაზე ასაკოვანი კატა 31 წლისა მოკვდა. Daily Mail-ის ცნობით, მეინ-კუნის ჯიშის კატა, სახელად რაბლი დიდი ბრიტანეთის ქალაქ ექსეტერში ცხოვრობდა.

 

მისი პატრონის, 51 წლის მიშელ ჰერითეჯის განცხადებით, კატა მას დაბადების დღეზე, 20 წლის იუბილეზე აჩუქეს და მას შემდეგ რაბლი მიშელთან ცხოვრობდა. მიშელის თქმით, კატა არ ავადმყოფობდა, უბრალოდ სახლიდან წავიდა და აღარ დაბრუნებულა.

 

მსოფლიოში ყველაზე ასაკოვანი კატის წოდება რაბლმა შარშან მოიპოვა. წინა რეკორდსმენი, ტეხასის შტატში მცხოვრები კატა სახელად სკუტერი, 2016 წელს, 30 წლისა მოკვდა.

არასამთავრობო ორგანიზაცია „მწვანე ალტერნატივა“ აცხადებს, რომ საზიანო ქვეშეთი-კობის გზის მშენებლობა ხადას ხეობას საფრთხეს უქმნის. ორგანიზაცია ამ საკითხზე სპეციალურ განცხადებას ავრცელებს.

 

„მეცნიერების, ადგილობრივი მოსახლეობისა და სამოქალაქო საზოგადოების მხრიდან გამოთქმული მწვავე კრიტიკის, პროტესტისა და მრავალ დარღვევაზე მითითების მიუხედავად, ხადის უნიკალურ ხეობაში რუსეთისკენ მიმავალი ქვეშეთი-კობის გზის წინასამშენებლო სამუშაოები დაიწყო. სამუშაოების პირველივე ეტაპმა საფრთხე შეუქმნა მთიულეთის ერთ-ერთ მნიშვნელოვან ისტორიულ ძეგლს - ნაღვარევის ეკლესიას და ზაქათკარში არქეოლოგიური თვალსაზრისით მნიშვნელოვან, ჯერ სათანადოდ შეუსწავლელ ტერიტორიას.

 

პროექტის გარემოზე შესაძლო მწვავე უარყოფითი ზეგავლენის შესახებ, ბოლო ერთი წლის განმავლობაში, სპეციალისტებმა არაერთხელ მიმართეს მთავრობას და პროექტის დამფინანსებელ საერთაშორისო ორგანიზაციებს - აზიის განვითარების ბანკსა და ევროპის რეკონსტრუქციისა და განვითარების ბანკს. ხეობის უნიკალურობიდან გამომდინარე, ექსპერტები ქვეშეთი-კობის მონაკვეთის ალტერანტიული მარშრუტის შემუშავებას დღესაც ითხოვენ. დაინტერესებული საზოგადოების მკვეთრი პროტესტის მიუხედავად, პროექტის განხორციელებაზე პასუხისმგებელი უწყებები აგრძელებენ შერჩეულ მარშრუტზე მუშაობას.

 

2020 წლის ივნისში ქვეშეთი-კობის გზის მონაკვეთის მშენებელმა კომპანიამ ”ჩინეთის რკინიგზის 23-ე ბიუროს ჯგუფმა” ნაღვარევის გვიანი შუა საუკუნეების ძეგლის სიახლოვეში მუშათა საცხოვრებელი კორპუსის მშენებლობა ნებართვის გარეშე წამოიწყო. შენობის საძირკვლის მშენებლობა ნაღვარევის ეკლესიიდან დაახლოებით 70 მეტრში მიმდინარეობდა. კულტურული მემკვიდრეობის შესახებ საქართველოს კანონის თნახმად, ძეგლის სტატუსის მქონე ნაგებობიდან მშენებლობა მინიმუმ 300 მეტრის დაშორებით არის დასაშვები. მხოლოდ მას შემდეგ, რაც ამ ფაქტს ადგილობრივების და სპეციალიტების განგაში მოჰყვა, კულტურული მემკვიდრეობის დაცვის ეროვნულმა სააგენტომაც გამოაცხადა, რომ მშენებლობა უკანონო იყო. ასევე ყურადსაღებია, რომ მოსახლეობის დიდ ნაწილს კვლავ არ მიუღია თანხმობა იმ მიწების რეგისტრაციაზე, სადაც გზის მთავარი ნაწილის გაყვანა იგეგმება. ნაღვარევის და ზაქათკარის შემთხვევები მხოლოდ ერთეული მაგალითებია იმ გამოუსწორებელი ზიანისა, რაც პროექტს შეუძლია ხეობას და ამით არა მხოლოდ ადგილობრივ მოსახლეობას, არამედ მთელ ქვეყანას მოუტანოს.

 

პროექტის არაკომპეტენტურად განხორციელებაზე მეტყველებს რამდენიმე დღის წინ ძეგლებისა და ღირსშესანიშნავი ადგილების საერთაშორისო საბჭოს “ICOMOS- ის” საქართველოს ეროვნული კომიტეტის განცხადებაც, რომელიც ქვეშეთი-კობის პროექტის განმახორციელებლებს მიუთითებს, მომავალში აღარ გაავრცელონ ინფორმაცია, თითქოს “ICOMOS-ი” რაიმე სახით პროექტის წინასწარ კვლევებში იყო ჩართული, რადგან ეს სიმართლეს არ შეესაბამება. ქვეშეთი -კობის პროექტის განხორციელება სათანადო კვლევების გარეშე დაიწყო და ის განადგურების სერიოზულ საფრთხეს უქმნის ხადის ისტორიულ მემკვიდრეობას, მათ შორის, მხოლოდ ხადაში აღმოჩენილ, მსოფლიოში უნიკალურ, ძირითადად, X-XI საუკუნეების კოშკებს და ენეოლითის ხანის არქეოლოგიურ ნიმუშებს; მდიდარ ბიიომრავალფეროვნებას, სადაც წარმოდგენილია საქართველოს “წითელ ნუსხაში” შეტანილი არაერთი სახეობა; ქვეყნის ერთ-ერთ ყველაზე პოპულარულ სალაშქრო-ტურისტულ მარშრუტს და ხეობის მასშტაბურ ტურისტულ პოტენციალს; ხადის ისტორიული სოფლების მოსახლეობის კეთილდღეობას.

 

პროექტი სათანადოდ არ აფასებს ადგილზე არსებულ გეოლოგიურ და სეისმურ რისკებს. პროექტი არაერთხელ გააპროტესტა ადგილობრივმა მოსახლეობამ, შეტანილია სარჩელები სასამართლოში ქვეშეთი-კობის გზის მშენებლობასა და ექსპლუატაციაზე გარემოსდაცვითი გადაწყვეტილებისა და სამშენებლო ნებართვის გაუქმების მოთხოვნით. ხადის ხეობას საფრთხეს უქმნის სამხრეთ კავკასიიდან რუსეთისკენ მიმავალი, ჩრდილოეთ-სამხრეთის დერეფნის მაგისტრალის ქვეშეთი-კობის მონაკვეთი, რომლის აშენებაც სწორედ ამ ხეობის გავლით იგეგმება.

 

პროექტი საქართველოს 558.6 მილიონი აშშ დოლარი უჯდება, საიდანაც 475 მილიონ აშშ დოლარს სახელმწიფო საერთაშორისო ბანკებიდან სესხულობს. პროექტი ითვალისწინებს პატარა, ისტორიული ძეგლებით მდიდარ ხეობაში 6 ხიდისა და 5 გვირაბის აგებას. მათ შორის, ერთი 9-კილომეტრიანი გვირაბის გაყვანა ზღვის დონიდან 1900 მეტრზე გაშენებულ, უნიკალური, ქვის მშრალი წყობით ნაშენები კოშკებით და საცხოვრებლებით მდიდარ ისტორიულ სოფელ წკერესთან იგეგმება“, - ნათქვამია ორგანიზაციის განცხადებაში.

ის პროგრამა, რომელიც ჩვენ გვქონდა ჩვენი მოქალაქეების, ქართველი ემიგრანტების ორგანიზებულად ევროპიდან გამოსაყვანად, ორშაბათიდან გაგრძელდება და რეისების რაოდენობა იქნება ბევრად უფრო ფართო, - განაცხადა საქართველოს პრემიერ-მინისტრმა, გიორგი გახარიამ ჟურნალისტებთან საუბრისას.

 

„ორშაბათს გვექნება პირდაპირი სია, რომელი დედაქალაქიდან, რომელი ქვეყნიდან, რა სიხშირითა და რა რიცხვში იქნება დანიშნული ეს შეღავათიანი რეისები. ამაში ჩვენს მოქალაქეებს, ემიგრანტებს ბილეთში არა ის კატასტროფული ციფრები, რომელსაც დღეს ასახელებენ, არამედ, 200 ევროზე მეტი არ ექნებათ გადასახდელი“ - განაცხადა გიორგი გახარიამ.

 

მთავრობის მეთაურმა ეკონომიკისა და მდგრადი განვითარების სამინისტროს დაავალა, 6 ივლისისთვის უკვე არსებობდეს ფრენების კონკრეტული განრიგი, ბილეთების მოქალაქეებისთვის მისაღები ფასებით.

ბოლო თვეებში ბრიტანეთის პრინცებს ჰარისა და უილიამს შორის ურთიერთობა გაუმჯობესდა. ამის შესახებ Fox News იუწყება.

 

ტელეარხის მთავარი რედაქტორი ნიკ ბულენი აცხადებს, რომ ძმები შერიგდნენ. ბულენი წყაროზე დაყრდნობით ამბობს, ძმები Zoom-ის მეშვეობით რეგულარულად საუბრობენ.

 

„ვფიქრობ, რომ კორონავირუსის კარანტინის დროს ძმები დაფიქრდნენ, რა არის მათთვის რეალურად მნიშვნელოვანი“, - აცხადებს ბულენი.

 

მისი თქმით, ჰარის სამეფო ოჯახიდან წასვლა უილიამს ეწყინა. როდესაც ჰარი გადაწყვეტილებას იღებდა უილიამს ხისტი პოზიცია ჰქონდა.

 

პრინცმა ჰარიმ და მეგან მარკლმა 8 იანვარს გაავრცელეს განცხადება იმის შესახებ, რომ სამეფო ოჯახის მაღალი რანგის წევრების სტატუსს ტოვებენ, ფინანსური დამოუკიდებლობის მოსაპოვებლად მუშაობას აპირებენ, ცხოვრებას კი დიდ ბრიტანეთთან ერთად კანადაში გააგრძელებენ.

 

18 იანვარს ცნობილი გახდა, რომ პრინცი ჰარი და მეგან მარკლი სამეფო ტიტულებით აღარ ისარგებლებენ და საჯარო სახსრებს არ მიიღებენ, წყვილს აღმატებულების ტიტული ჩამოერთმევათ, თუმცა ისინი სასექსის ჰერცოგად და ჰერცოგინიად დარჩებიან.

დროა, ბავშვები დაუბრუნდნენ ჩვეულ სასწავლო პირობებს. სკოლები იმ პრიორიტეტულ დაწესებულებებს შორის უნდა მოექცეს, რომელიც უსაფრთხოების ზომების დანერგვის შემდეგ გახდება ხელმისაწვდომი. რაც უფრო დიდხანს რჩებიან ბავშვები სკოლის გარეშე, მით უფრო იზრდება მათი დაუცველობა სხვადასხვა რისკის მიმართ, - ამის შესახებ განცხადებას გაეროს ბავშვთა ფონდის საქართველოს წარმომადგენლობა ავრცელებს.

 

განცხადებაში აღნიშნულია, რომ სკოლების დახურვა განსაკუთრებით მძიმედ აისახება დაუცველ ბავშვებზე. ვითარების გაუმჯობესებასა და შეზღუდვების შემსუბუქებასთან ერთად.

 

„კორონავირუსის გავრცელების შესაკავებლად და ზრდის ზომიერი ტემპის შესანარჩუნებლად საქართველომ მკაცრი ზომები გაატარა. არსებობს მზარდი მტკიცებულებები, რომ სკოლები და ბავშვები არ წარმოადგენენ ქვეყნებში დაავადების გავრცელების მთავარ ფაქტორს. ფაქტობრივად, არ არსებობს დაავადების გავრცელების ტემპსა და სკოლების გახსნას ან დახურვას შორის კავშირის მტკიცებულება.

 

იმავდროულად, არსებობს ბავშვების ფიზიკურ და ფსიქიკურ ჯანმრთელობაზე, კვებაზე, უსაფრთხოებასა და სწავლაზე სკოლების დახურვის უარყოფითი ზეგავლენის ძლიერი მტკიცებულება. როდესაც ბავშვები ხანგრძლივი დროის განმავლობაში არ დადიან სკოლაში, იზრდება ფიზიკური, ემოციური და სქესობრივი ძალადობის რისკი, უარესდება მათი ფსიქიკური ჯანმრთელობა. იზრდება მათი დაუცველობა ბავშვთა შრომის საფრთხის მიმართ და ალბათობა, რომ ისინი ვერ მოახერხებენ თავის დაღწევას სიღარიბისათვის. ყველაზე გარიყული ბავშვების სკოლის გარეშე ყოფნამ, თუნდაც რამდენიმე კვირის განმავლობაში, შესაძლოა, გამოიწვიოს უარყოფითი შედეგები, რომელთა მოქმედებაც მთელი სიცოცხლის განმავლობაში გასტანს. ამასთანავე, არასათანადო განათლების მქონე ბავშვების სიცოცხლის მოსალოდნელი ხანგრძლივობა და მათი ჯანმრთელობის მდგომარეობა უფრო დაბალია.

 

სკოლების გახსნის დროის შესახებ გადაწყვეტილება ბავშვების საუკეთესო ინტერესებიდან და მთლიანად საზოგადოებრივი ჯანმრთელობის მოსაზრებებიდან გამომდინარე უნდა მიიღონ. გადაწყვეტილება უნდა დაეფუძნოს სკოლების გახსნის დადებითი მხარეებისა და რისკების შეფასებას, მტკიცებულებებს, მათ შორის, განათლების, საზოგადოებრივი ჯანმრთელობისა და სოციო-ეკონომიკურ ფაქტორებს. სკოლებში უნდა განხორციელდეს საზოგადოებრივი ჯანმრთელობის შესაბამისი ღონისძიებები, მოხდეს ადაპტაცია რისკების ან ადგილობრივ დონეზე კორონავირუსის გავრცელებასა და მდგომარეობის ცვლილების შესახებ მიღებული ახალი ინფორმაციის შესაბამისად“, - აღნიშნულია განცხადებაში.

 

გაეროს ბავშვთა ფონდმა წარმოადგინა რჩევები, რომლებიც ხელს შეუწყობს მთავრობებს სკოლების უსაფრთხოდ გახსნაში. მათ შორისაა შემდეგი რეკომენდაციები:

 

სათანადო წყალმომარაგებისა და სანიტარიული პირობების უზრუნველყოფა, რაც უაღრესად მნიშვნელოვანია სკოლების უსაფრთხოდ გახსნისთვის; ფიზიკური დისტანცირების ზომების განხორციელება, მათ შორის, ისეთი ღონისძიებების აკრძალვა, რომლებიც მოითხოვს დიდი რაოდენობით ადამიანების თავშეყრას; სასწავლო დღის დაწყებისა და დასრულების გრაფიკის დარეგულირება; სკოლაში კვებისთვის გამოყოფილი დროის ცვლილება; გაკვეთილების ჩატარება დროებით მოწყობილ სივრცეებში ან ღია ცის ქვეშ; გაკვეთილების ჩატარება ცვლებში, კლასების ზომის შემცირების მიზნით.

 

„სკოლების გახსნისთანავე ჩვენ უნდა უზრუნველვყოთ თითოეული ბავშვის ჩართულობა სასწავლო პროცესში; თითოეულ ბავშვს უნდა შეეძლოს სკოლაში ჯანმრთელობის, ჰიგიენისა და კვების მომსახურებით სარგებლობა; და თითოეულ ბავშვს უნდა ჰქონდეს წვდომა ინტერნეტზე. გლობალური პანდემია და მასთან დაკავშირებული სირთულეები შესაძლოა, მოგვევლინოს ჩვენს სკოლებში უმნიშვნელოვანესი გარდაქმნის კატალიზატორად, რის შედეგადაც თითოეული ბავშვი შეძლებს იმ უნარ-ჩვევების შეძენას, რომლებიც მნიშვნელოვანია წარმატების მისაღწევად ცხოვრებაში, სკოლასა და შრომით ბაზარზე“, - ნათქვამია განცხადებაში.

ქუთაისის შემოვლითი გზის 19-კილომეტრიან მონაკვეთზე, ახალი ორი ზოლის მშენებლობა დასრულებულია და დღეიდან მოძრაობა როგორც დასავლეთის, ისე აღმოსავლეთის მიმართულებით, ცალმხრივი ხდება, - ახლად აშენებული გზა საქართველოს პრემიერ-მინისტრმა, გიორგი გახარიამ ვიცე-პრემიერთან, რეგიონული განვითარებისა და ინფრასტრუქტურის მინისტრ მაია ცქიტიშვილსა და იმერეთის რეგიონის გუბერნატორ ზვიად შალამბერიძესთან ერთად გახსნა.

 

გზის დარჩენილი 22.3 კმ-იანი მონაკვეთის მშენებლობა 2020 წლის ბოლომდე დასრულდება, რის შემდეგაც ქუთაისის შემოვლითი გზა სრულად ოთხზოლიანი და ორივე მიმართულებით ცალმხრივი გახდება. პრემიერ-მინისტრმა აღნიშნა, რომ პროექტი მნიშვნელოვნად გააუმჯობესებს საგზაო უსაფრთხოებას და შესაძლებელს გახდის ამ გზით სარგებლობას ჩქაროსნული გზის სტანდარტის დაცვით. შემოვლითი გზა განტვირთავს ქუთაისს დასავლეთის მიმართულებით მიმავალი ავტომანქანების ნაკადისგან და შემცირდება მგზავრობის დრო.

 

„ამ გზაზე უსაფრთხოების თემა ყოველთვის აქტუალური იყო და ამიტომ გახდა ეს გზა ცალმხრივი და გარკვეული დისკომფორტი შეუქმნა ჩვენს მოქალაქეებს. დღეს გაიხსნა ამ გზის 19-კილომეტრიანი მონაკვეთი, წლის ბოლომდე ეს გზა ფაქტობრივად სრულად გაიხსნება, რაც კომფორტთან ერთად, უსაფრთხოების დიდი გარანტი იქნება ჩვენი მოქალაქეებისთვის და ქვეყნის სტუმრებისთვის. ეს არის ერთმნიშვნელოვნად უმნიშვნელოვანესი კვანძი წითელი ხიდი-სარფის მაგისტრალისა და წელს ამ მაგისტრალის 70 კილომეტრი გაიხსნება, რაც დროის ეკონომიასთან ერთად მოქალაქეებისთვის უსაფრთხოების გარანტიაც იქნება. ერთ კვირაში გავხსნით სამტრედია-გრიგოლეთის კიდევ ერთ მონაკვეთს, ამ ზაფხულს, შემოდგომამდე გავხსნით ხაშურის შემოვლით გზას, რომელიც უდიდესი დისკომფორტის შემქმნელი იყო ჩვენი მოსახლეობისთვის წლების განმავლობაში და ახალ წლამდე, ჯამში აღმოსავლეთ-დასავლეთის მაგისტრალის 70 კილომეტრს გავხსნით“, - განაცხადა პრემიერ-მინისტრმა.

 

მოძრაობის უსაფრთხოების გასაუმჯობესებლად, საქართველოს მთავრობამ ახალი 2 ზოლის მშენებლობა სახელმწიფო ბიუჯეტიდან დააფინანსა, რომელიც სრულად 2020 წლის ბოლოს დასრულდება. პროექტის ღირებულება 200 255 000 ლარამდეა.

ავსტრალიაში, შტატ კვინსლენდის ქალაქ მარუჩიოდორაში კატამ 12 წუთი ჩართულ სარეცხის მანქანაში გაატარა და გადარჩა. ამის შესახებ Daily Mail წერს.

 

ორი წლის კატის ოსკარის მფლობელი ამანდა მერედიტი აცხადებს, რომ გაიგო უცნაური კნავილის მსგავსი ხმა მას შემდეგ, რაც მისმა ქმარმა სარეცხის მანქანა ჩართო. ქალმა იფიქრა რომ ხმა კარადიდან ისმოდა. კნავილის ხმა ისევ ისმოდა, ქალმა კატის ძებნა დაიწყო. ორი წლის ოსკარი ჩართულ სარეცხის მანქანაში იჯდა და პატრონს შუშიდან შეშინებული უყურებდა.

 

ქალმა მანქანის გათიშვა წურვის რეჟიმის ჩართვამდე მოასწრო. ვიდრე კარი განიბლოკა, კატამ სარეცხის მანქანაში კიდევ ორი წუთი გაატარა (ჯამში 12 წუთი).

 

მომდევნო 24 საათი ოსკარმა ვეტერინარულ კლინიკაში დაჰყო. მას დაჟეჟილობები აქვს და ვეტექიმმა ანთების საწინააღმდეგო აბები დაუნიშნა. პატრონის თქმით ოსკარი რეაბილიტაციის პროცესს გადის.

საზოგადოების და მომავალი თაობისთვის სასიცოცხლოდ მნიშვნელოვან თამბაქოს კონტროლის კანონზე მორიგი შეტევა ხორციელდება, - ამი შესახებ განცხადებას „თამბაქოს კონტროლის ალიანსი“ ავრცელებს.

 

განცხადებაში აღნიშნულია, რომ ააიპ „ქართულ მაღაზიათა ასოციაციის“ წარმომადგენელი მთავრობისადმი მიმართვაში თამბაქოს ნაწარმის რეკლამირების გახანგრძლივებას და პროდუქციის შიდა ხილვადობის 2021 წლის 1-ლი იანვრიდან აკრძალვის ნაცვლად, 2024 წლის 1-ელ იანვრამდე გადაწევას ითხოვს.

 

ალიანსი მივართავს USAID-ს და ასოციაციის სხვა დონორ ორგანიზაციებს, შეუჩერონ საგრანტო პროგრამები ასოციაციას, იმ დრომდე, ვიდრე ისინი ოფიციალურად არ განაცხადებენ, რომ თამბაქოს ნაწარმის ან კომპანიების პოპულარიზაციას არ მიმართავენ.

 

„თამბაქოს ინდუსტრია პარლამენტში ახალი საკანონმდებლო ინიციატივით შესვლას გეგმავს. ამჯერად, მის ინტერესებს, ააიპ „ქართულ მაღაზიათა ასოციაციის“ გამგეობის თავმჯდომარე, ლუკა ჭელიძე წარმოადგენს. ორგანზიაცია, რომლის მისიაც, თურმე, მხოლოდ ქართული ჯანსაღი პროდუქციის პოპულარიზაციაა, რატომღაც მისივე ინტერესების საწინააღმდეგოდ გამოდის. მთავრობისადმი მიმართვაში თამბაქოს ნაწარმის რეკლამირების გახანგრძლივებას და პროდუქციის შიდა ხილვადობის 2021 წლის 1-ლი იანვრიდან აკრძალვის ნაცვლად, 2024 წლის 1-ელ იანვრამდე გადაწევას ითხოვს.

 

„თამბაქოს კონტროლის ალიანსისთვის“ ამ ინიციატივის, როგორც საკანონმდებლო წინადადების სახით განხილვაც კი, მიუღებელია: ამ ფორმით თამბაქოს ნაწარმის პოპულარიზაციის აკრძალვა აუცილებელია, რათა პროდუქციის დიზაინმა და შეფუთვამ გავლენა არ მოახდინოს ბავშვებსა და ახალგაზრდებზე. მით უფრო მაშინ, როდესაც თამბაქო უმეტესად ბავშვთა კვების პროდუქტებთან ერთად განლაგებულია და ცრუ წარმოდგენას ქმნის, თითქოს ჩვეულებრივი ჯანსაღი პროდუქტია. ჩამოყალიბებულმა მწეველმა კარგად იცის რასაც ეწევა და მაღაზიაში თამბაქოს ნაწარმის ხილული განლაგება არ სჭირდება.

 

თამბაქოს კონტროლის ჩარჩო კონვენციის მოთხოვნების შესაბამისად, საქართველოს თამბაქოს პოპულარიზაციის ყველა ფორმა ჯერ კიდევ 2011 წლის 15 მაისამდე უნდა აეკრძალა. მოგვიანებით, 2017 წლის 17 მაისს, ხალხის ჯანმრთელობაზე ორიენტირებული თამბაქოს კონტროლის კანონის მიღებიდან გადაწყდა, რომ თამბაქოს ნაწარმის შიდა ხილვადობა 2021 წლის 1-ლი იანვრიდან ანუ კანონის მიღებიდან 2,5 წლის შემდეგ აიკრძალებოდა. საკმარისი დროა საიმისოდ, რომ აღნიშნულ აკრძალვას ბიზნესი მომზადებული შეხვდეს;

 

აბსურდულია მტკიცება, თითქოს თამბაქოს დახლები, სტენდები, ან ყუთები აღარ იარსებებს და მაღაზიები დაზარალდება. თამბაქოს კომპანიები ამა თუ იმ მაღაზიაში მათი ნაწარმის რეალიზაციის შესაძლებლობისთვის იხდიან თანხას და შესაბამისად თამბაქოს ნაწარმის სარეალიზაციო სტენდებსაც არავინ მოშლის. შესაბამისად, 2021 წლის 1-ლი იანვრიდან, თამბაქოს ნაწარმი ჟალუზებით ან ფარდით დაფარულ სივრცეში განლაგდება და ჩვეულებრივად გაიყიდება.

 

ასოციაციის ხელმძღვანელი აცხადებს, რომ მათთან გაწევრებულია 800-მდე მაღაზია. რაც ქვეყანაში არსებული მაღაზიების მხოლოდ 10 %-ია. გამოდის, რომ საკანონმდებლო ინიციატივის მქონე ორგანიზაცია მხოლოდ 10 % -ის ინტერესს ახმოვანებს. ამასთან, უცნაურია, რომ ეს ინტერესი ეწინააღმდეგება „ქართული მაღაზიის“ ინტერესს, გაყიდოს მხოლოდ ჯანსაღი და ქართული პროდუქცია. ასოციაციას შევახსენებთ, რომ სავაჭრო სივრცეში თამბაქოს პროდუქციის სარეალილზაციო სტენდებს და შესაბამის ყუთებს მხოლოდ იმპორტიორი კომპანიები ამონტაჟებენ.

 

ასოციაციის დონორთა შორის არის აშშ საერთაშორისო განვითარების სააგენტოც (USAID), რომლის დაფინანსებით ქართული ჯანსაღი პროდუქციის პოპულარიზაციას აპირებენ. რასაც კატეგორიულად ეწინააღმდეგება თამბაქოს ნაწარმის პოპულარიზაციის მიზნით განზრახული საკანონდებლო ინიციატივა. ამასთან, USAID - ის და ყველა საერთაშორისო დონორი ორგანიზაციის რეგულაცია კრძალავს გრანტის მიმღები ორგანიზაციების თამბაქოს ინდუსტრიასთან პირდაპირ ან არაპირდაპირ კავშირს, ან მათი ნაწარმის პოპულარიზაციას. ამას კრძალავს ქვეყნის კანონმდებლობაც და შესაბამისად, ჩვენი ორგანიზაცია მიმართავს შესაბამის სახელმწიფო სტრუქტურებს, გამოიკვლიონ ამ ასოციაციის თამბაქოს ინდუსტრიასთან უკანონო კავშირები.

 

ასევე აღსანიშნავია, რომ ახალი კორონავირუსის პანდემიის პირობებში ასოციაცია ხელს უწყობს იმ პროდუქტის პოპულარიზაციას, რომელიც განსაკუთრებით ამძიმებს კორონავირუსით დაავადებულთა მდგომარეობას და 2,5-ჯერ ზრდის სიკვდილობას მწეველებში, ვიდრე არამწეველებში. მივმართავთ საქართველოს პარლამენტსა და მთავრობას არ მისცეს არანაირი მსვლელობა ასოციაციის წინადადებას, რომელიც არ ეყრდნობა არანაირ მტკიცებულებას და საფრთხეს უქმნის ბავშვებისა და ახალგაზრდების ჯანმრთელობასა და სიცოცხლეს.

 

მივმართავთ USAID-ს და ასოციაციის სხვა დონორ ორგანიზაციებს, შეუჩერონ საგრანტო პროგრამები ასოციაციას, იმ დრომდე, ვიდრე ისინი ოფიციალურად არ განაცხადებენ, რომ თამბაქოს ნაწარმის ან კომპანიების პოპულარიზაციას არ მიმართავენ“, - ნათქვამია განცხადებაში.

სახელეთო საზღვრების გახსნასთან დაკავშირებით ჩვენ ნაჩქარევ ნაბიჯებს ვერ გადავდგამთ. სახმელეთო საზღვარზე მიმოსვლა საქართველოს მოქალაქეებისთვის, ისევე როგორც ტვირთების გადაზიდვა, შეუფერხებლად ხორციელდება - ამის შესახებ პრემიერ-მინისტრმა ჟურნალისტებს განუცხადა.

 

გიორგი გახარიას თქმით, ქვეყანა კომფორტს უქმნის საერთაშორისო და გადამზიდავ კომპანიებს. „ვაკონტროლებთ სატვირთო მანქანების თითოეული მძღოლის ჯანმრთელობას მთელი იმ 72-საათიანი ციკლის განმავლობაში, როდესაც მათ ქვეყანაში ყოფნა უწევთ. აქ კონტროლი საკმაოდ ეფექტიანია, მაგრამ სახმელეთო საზღვრების ფართოდ გახსნას ჯერ არ ვგეგმავთ“, - განაცხადა გიორგი გახარიამ.

არქივი

« « » » July 2019
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?