Global Press

English

Global PressGlobal PressGlobal PressGlobal Press

USD
2.9776
EUR
3.2956
RUR
0.0466
GBP
3.8444

სასწრაფო დახმარების მანქანებს რუსთაველის გამზირზე დაშავებულები საავადმყოფოებში გადაჰყავთ. ჯერ ზუსტად უცნობია, თუ რამდენი ადამიანია დაშავებული. აქციის მონაწილეები ძირითადად, რეზინის ტყვიებით დაშავდნენ. ამ დროისთვის რუსთაველის გამზირზე მდგომარეობა უკიდურესად დაძაბულია.

საქართველოს საპატრიარქო განცხადებას ავრცელებს. როგორც განცხადებაშია აღნიშნული, დღეს, პარლამენტში განვითარებულმა ცნობილმა მოვლენებმა საზოგადოებაში სამართლიანი პროტესტი გამოიწვია, რადგანაც ყველას აწუხებს ჩვენი ტერიტორიების ოკუპაციის თემა.

 

„სამწუხაროდ, პარლამენტის შენობის წინ გამართულმა აქციამ ახლა უკვე მკვეთრი ფორმები შეიძინა. მოვუწოდებთ ხელისუფლებას, მაქსიმალურად თავშეკავებულად იმოქმედონ ხალხთან მიმართებაში და მოერიდონ მკვეთრ ძალისმიერ ფორმებს. მოვუწოდებთ მოსახლეობას, გამოიჩინონ კეთილგონიერება და ნუ აყვებიან ემოციურ ფონს. აუცილებელია შექმნილი მდგომარეობის გაანალიზება, შეფასება და სწორი ნაბიჯების გადადგმა. მივმართავთ პარტიებს, განურჩევლად პოლიტიკური ორიენტაციისა, მივმართავთ ჟურნალისტებს, დიპლომატიურ კორპუსს, მოსახლეობას, გააკეთონ ყველაფერი, რათა სიტუაციამ უმართავი სახე არ მიიღოს და ქვეყანა არ დადგეს საერთო დიდი საფრთხის წინაშე. უფალმან ძალი ერსა თვისსა მოსცეს, უფალმან აკურთხოს ერი თვისი მშვიდობით“, - ნათქვამია განცხადებაში.

მდგომარეობა პარლამენტის შენობასთან უკიდურესად გამწვავდა. ამ წუთებში დაპირისპირებაა აქციის მონაწილებსა და სპეცრაზმელებს შორის.

 

ბიზნესმენმა ლევან ვასაძემ თბილისის პოლიციის მთავარი სამმართველო დატოვა. ის საგამოძიებო უწყების კითხვებს 9 საათის განმავლობაში პასუხობდა. გამოკითხვიდან გამოსულმა ვასაძემ ჟურნალისტებთან კომენტარი გააკეთა, თუმცა, გამოძიების კითხვებსა და შინაარსზე არ უსაუბრია.

 

მან რუსთაველის გამზირზე განვითარებულ მოვლენებზე ისაუბრა, ასევე გაიხსენა 9 აპრილის მოვლენები, რა დროსაც ემოციებისგან თავი ვერ შეიკავა. ვასაძემ საუბარი რამდენჯერმე შეწყვიტა, ვინაიდან ცრემლებს ვერ იკავებდა.

 

"ცრემლები მადგება თვალებზე ამხელა კაცს...ამ გამზირზე როცა მკლავდნენ, რუსი "სალდათები" 9 აპრილს, ვიცოდი რას ვიცავდი, მე ვიცოდი ვის ვებრძოდი. მე ვიცავდი იქ იმ ღამეს ჩვენ ქალებს", - განაცხადა ვასაძემ.

 

ცნობისთვის, ლევან ვასაძე უკანონო ფორმირებების შექმნის, ხელმძღვანელობის და მასში გაწევრიანების ფაქტებზე დაწყებული გამოძიების ფარგლებში გამოიკითხა.

რუსთაველის გამზირზე, პარლამენტის შენობასთან სიტუაცია კვლავ უკიდურესად დაძაბულია. აქციის მონაწილეები შადრევნებიდან წყალს აგროვებს და ბოთლებით სპეცრაზმს უშენს. სპეცრაზმი კი სანაცვლოდ რეზინის ტყვიებს უშენს. აქ გაზის გაშვება არ მომხდარა, თუმცა, საზოგადოება აცხადებს, რომ გეგმავენ გაარღვიონ სპეცრაზმის კორიდორი და შეიჭრან პარლამენტის შენობაში და მოითხოვონ მთავრობის გადადგომა. ისინი ითხოვენ ვადამდელ საპარლამენტო არჩევნებს.

 

აქციის მონაწილეებმა მხუთავი აირი სპეცრაზმისკენ ისროლეს.

დაშავებული მოქალაქეების მოსანახულებლად ინგოროყვას კლინიკაში ჯანდაცვის ყოფილი მინისტრი დავით სერგეენკო მივიდა. მოვლენების შეფასებისგან სერგეენკო თავს იკავებს და აცხადებს, რომ ის ძირითადად პაციენტების პატრონაჟით იყო დაკავებული.

 

„მართლა ძალიან რთული იქნება ჩემგან ამ მოვლენების შეფასება. მე მართალი გითხრათ, დაკავებული ვიყავი უფრო პაციენტების პატრონაჟით. ამიტომ მართლაც გამიძნელდება და თავს შევიკავებ რაიმე კომენტარისაგან,“ - განაცხადა ყოფილმა მინისტრმა.

 

კითხვაზე, როგორი იყო მისი რეაქცია, როდესაც პარლამენტის თავმჯდომარის სავარძელში რუსი დეპუტატი სერგეი გავრილოვი იხილა, ყოფილი მინისტრი პასუხობს, რომ სურათი იყო უმძიმესი.

 

„მე ძირითადად კონცენტრირებული ვიყავი პაციენტების მოვლაზე. რაც დილიდან ხდებოდა და რაც მე დავინახე, ეს სურათი რა თქმა უნდა, იყო უმძიმესი. ამაზე არ შეიძლება იყოს ორი აზრი,“ - აღნიშნა სერგეენკომ.

მივმართავთ პარტიებს, განურჩევლად პოლიტიკური ორიენტაციისა, მივმართავთ ჟურნალისტებს, დიპლომატიურ კორპუსს, მოსახლეობას, გააკეთონ ყველაფერი, რათა სიტუაციამ უმართავი სახე არ მიიღოს და ქვეყანა არ დადგეს საერთო დიდი საფრთხის წინაშე, - ამის შესახებ ნათქვამია საქართველოს საპატრიარქოს მიერ გავრცელებულ განცხადებაში.

 

„დღეს, პარლამენტში განვითარებულმა ცნობილმა მოვლენებმა საზოგადოებაში სამართლიანი პროტესტი გამოიწვია, რადგანაც ყველას აწუხებს ჩვენი ტერიტორიების ოკუპაციის თემა. სამწუხაროდ, პარლამენტის შენობის წინ გამართულმა აქციამ ახლა უკვე მკვეთრი ფორმები შეიძინა“, - აღნიშნულია განცხადებაში.

 

საპატრიარქო მოუწოდებს ხელისუფლებას, მაქსიმალურად თავშეკავებულად იმოქმედონ ხალხთან მიმართებაში და მოერიდონ მკვეთრ ძალისმიერ ფორმებს. ამასთან, მოუწოდებენ მოსახლეობას, გამოიჩინონ კეთილგონიერება და ნუ აყვებიან ემოციურ ფონს.

სპეცრაზმის კოლონა და წყლის ჭავლის მანქანები აქციის მონაწილეებს შლის. პარლამენტის წინ მდგომარეობა კვლავ დაძაბულია.

აქციის მონაწილეებსა და სპეცრაზმელებს შორის მოხდა.

 

მოვუწოდებთ ხელისუფლებას, მაქსიმალურად თავშეკავებულად იმოქმედონ ხალხთან მიმართებაში და მოერიდონ მკვეთრ ძალისმიერ ფორმებს, - ამის შესახებ ნათქვამია საპატრიარქოს მიერ გავრცელებულ განცხადებაში.

 

როგორც განცხადებაშია აღნიშნული, დღეს, პარლამენტში განვითარებულმა ცნობილმა მოვლენებმა საზოგადოებაში სამართლიანი პროტესტი გამოიწვია, რადგანაც ყველას აწუხებს ჩვენი ტერიტორიების ოკუპაციის თემა. ამასთან, საპატრიარქოს განცხადებაში ნათქვამია, რომ სამწუხაროდ, პარლამენტის შენობის წინ გამართულმა აქციამ ახლა უკვე მკვეთრი ფორმები შეიძინა.

 

„მოვუწოდებთ ხელისუფლებას, მაქსიმალურად თავშეკავებულად იმოქმედონ ხალხთან მიმართებაში და მოერიდონ მკვეთრ ძალისმიერ ფორმებს. მოვუწოდებთ მოსახლეობას, გამოიჩინონ კეთილგონიერება და ნუ აყვებიან ემოციურ ფონს. აუცილებელია შექმნილი მდგომარეობის გაანალიზება, შეფასება და სწორი ნაბიჯების გადადგმა. მივმართავთ პარტიებს, განურჩევლად პოლიტიკური ორიენტაციისა, მივმართავთ ჟურნალისტებს, დიპლომატიურ კორპუსს, მოსახლეობას, გააკეთონ ყველაფერი, რათა სიტუაციამ უმართავი სახე არ მიიღოს და ქვეყანა არ დადგეს საერთო დიდი საფრთხის წინაშე“, - ნათქვამია განცხადებაში.

აქციის მონაწილეებს დაზიანებები ძირითადად თავისა და ფეხის არეში აღენიშნებათ. შეტაკებები ამ დრომდე გრძელდება. აქციის მონაწილეების სპეცრაზმს საგნებს ესვრიან, ის კი რეზინის ტყვიებითა და ცრემლსადენი გაზით პასუხობს.

ამ წუთებში რუსთაველზე ჟურნალისტების ცრემლსადენ გაზს გამიზნულად ესვრიან. მედიისთვის მუშაობა კი  გაჭირდა.

 

სპეცდანიშნულების რაზმების მიერ გაშვებული ცრემლსადენი გაზით ბევრი ადამიანია დაშავებული.

 

 

არქივი

« « » » November 2019
Mon Tue Wed Thu Fri Sat Sun
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?