Global Press

English

Global PressGlobal PressGlobal PressGlobal Press

USD
3.0651
EUR
3.5049
RUR
0.0431
GBP
3.8715

საზოგადოებრივი ტრანსპორტის მოძრაობა, სავარაუდოდ, ივნისის დასაწყისიდან აღდგება. ამის შესახებ ჟურნალისტებს თბილისის მერმა კახა კალაძემ განუცხადა. შესაბამისად, კალაძემ არ დაადასტურა ინფორმაცია, რომ საზოგადოებრივი ტრანსპორტი შესაძლოა 15 ივლისამდე იყოს აკრძალული.

 

„ეს არის ცრუ ინფორმაცია. სავარაუდოდ, ივნისის დასაწყისში მოხდება საზოგადოებრივი ტრანსპორტის მოძრაობის აღდგენა... დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ. ჩვენ გვაქვს სრული მზადყოფნა, როგორც ამას წინა დღეების განმავლობაში ვლაპარკობდი. მე კარგად მესმის არსებული ეპიდემიოლოგიური მდგომაროება, კარგად მესის სიფრთხილე, თუმცა როცა გადაწყვეტილება იქნება მიღებული, დედაქალაქის მერია, შესაბამისი სამსახურები სრულ მზადყოფნაში არიან იმისთვის, რომ საზოგადოებრივი ტრანსპორტი მოემსახუროს ქალაქის მოსახლეობას. მზად ვართ იმისთვის, რომ ახლა ვუთხრათ შესაბამის სამსახურს, მძღოლები დასხდებიან და გამოვლენ, მოემსახურებიან თბილისის მოსახლეობას”, - განაცხადა კალაძემ.

საკოორდინაციო საბჭო შეიქმნა 28 იანვარს. ეს იყო ის პერიოდი, როდესაც საქართველოში ინფიცირების არც ერთი შემთხვევა არ იყო დაფიქსირებული და ინფიცირების პირველი შემთხვევა რეალურად მხოლოდ 1 თვის შემდეგ - ამის შესახებ პრემიერ-მინისტრმა საკოორდინაციო საბჭოს სხდომაზე განაცხადა.

 

გიორგი გახარიას თქმით, დღეს ჩვენ ოფიციალურად შეგვიძლია გადავდგათ ნაბიჯი საგანგებო მდგომარეობის გაუქმების მიმარულებით.

 

„თუმცა ეს არ ნიშნავს იმას, რომ ქვეყანაში ყველაფერი კარგადაა და საერთოდ არ ნიშნავს იმას, რომ პანდემია დამარცხებულია. პანდემია საქართველოშიც არ არის დამარცხებული, ისევე როგორც გლობალურად არ არის დამარცხებული. პანდემიის მიმართულებით 2 ფრონტზე ბრძოლა მოგვიწევს. პირველ რიგში, ეს არის და რჩება ადამიანის ჯანმრთელობა და სიცოცხლე და შემდგომ, ჩვენი ეკონომიკის აღორძინება“, - განაცხადა გიორგი გახარიამ.

ფინანსთა სამინისტროს შემოსავლების სამსახურის ახალი პროგრამული უზრუნველყობა  https://www.rs.ge/kompensacia მომხმარებელს შესაძლებლობას მისცემს თავად გადაამოწმოს კომპენსაციის მიმღებთა რეესტრი. შემოსავლების სამსახურის ინფორმაციით, დაინტერესებული პირი საძიებო სისტემაში პირადინომერის და ორგანიზაციის საიდენტიფიკაციო კოდის შეყვანის შემდეგ მარტივად გადაამოწმებს, უკვე წარმოადგინა თუ არა მონაცემები დამსაქმებელმა.

 

„გადამოწმების პროცესის დასრულების შემდეგ, დამქირავებლის მიერ განცხადებაში მითითებულ მობილურ ნომერზე, პირს მოკლე ტექსტური შეტყობინების სახით მიუვა ინფორმაცია არის თუ არა კომპენსაციის მიმღებთა რეესტრში. აღნიშნული სერვისით დასაქმებული შეძლებს, იმ შემთხვევაში დაამყაროს კომუნიკაციადამსაქმებელთან, თუ დაადგენს, რომ მისი მონაცემები ჯერ კიდევ არ არის წარდგენილი შემოსავლების სამსახურში კანონმდებლობით განსაზღვრული წესით, კომპენსაციის მისაღებად.

 

შეგახსენებთ, რომ დამსაქმებელმა კომპანიებმა, ყოველი თვის 15 რიცხვის ჩათვლით, 6 თვის განმავლობაში, უნდა წარმოადგინონ იმ დაქირავებულ პირთა სია, რომლებიც დაქირავებით საქმიანობას ეწეოდნენ 2020 წლის პირველი სამი თვიდან (იანვარი, თებერვალი, მარტი) რომელიმე ერთ თვეს მაინც, იღებდნენ ხელფასს და საგანგებო მდგომარეობის პერიოდში შეუწყდათ ან შეუჩერდათ შრომითი ურთიერთობა. დამქირავებელს განაცხადის წარუდგენლობის ან არასწორად წარდგენის შემთხვევაში, ეძლევა დამატებით 5 დღე, რათა დააზუსტოს და წარმოადგინოს ახალი განაცხადი. შესაბამისად ეს ვადა 20 რიცხვის ჩათვლით ექნებათ“, - ნათქვამია განცხადებაში.

მინდა ვთხოვო წმინდა ნიკოლოზს, გაიღოს მოწყალება და შეიწყალოს საქართველო და მთელი მსოფლიო, - ამის შესახებ სრულიად საქართველოს კათოლიკოს-პატრიარქმა, ილია მეორემ სიონის საკათედრო ტაძარში ქადაგებისას ბრძანა.

 

პატრიარქმა მრევლს, სრულიად საქართველოს წმინდა ნიკოლოზის წმინდა ნაწილების ამოყვანების დღე მიულოცა. ილია მეორემ წმინდა მღვდელმთავრის შესახებ იქადაგა, თუ რამდენად სასწაულმოქმედია და შემწეა მათი, ვინც წმინდა ნიკოლოზს თხოვნით მიმართავს.

 

,,წმინდა ნიკოლოზი იყო მოწყალე - მშობელია, მოწყალე მამაა, თავის ცხოვრებაში ყველა ადამიანს წმინდა ნიკოლოზის მოწყალება გამოუცდია. არ ყოფილა შემთხვეა, რომ არ აგისრულოს თხოვნა წმინდა ნიკოლოზმა. მოწყალეა, მარტო ქრისტიანებს კი არა, მუსულმანებსაც ეხმარება“, - განაცხადა პატრიარქმა.

 

პატრიარქმა პირადად მასთან დაკავშირებული წმინდა ნიკოლოზის შემწეობის რამდენიმე ფაქტი გაიხსენა.

 

„საოცარი მოწყალეა. არ არის შემთხვევა, რომ ადამიანმა სთხოვოს და მან არ მიიღოს თხოვნა. მე მინდა, გავისხსენო ჩემი შემთხვევა. აკდემიაში ვსწავლობდი, ჩემთან სწავლობდა არქიდიაკონი ხარიტონი, დასავლეთიდან იყო, ბათუმში ჩამოვიდა ოთხშაბათ დღეს და მითხრა, რომ მიჭირს და დამეხმარეო. მე ვუთხარი, ყოველ ოთხშაბათს ვასრულებთ პარაკლისს წმინდა ნიკოლოზისა და სთხოვე-მეთქი წმინდა ნიკოლოზს და დაგეხმარება. იმ დღეებში ვხედავ სიზმარს - წმინდა ნიკოლოზი შემოსილია, ტახტზე ბრძანდება დაწოლილი, ხელი აქვს გამოწვდილი და მეფერება თავზე და მე მიხარია. ვეუბნები, ხარიტონი-მეთქი? - მპასუხობს წმინდა ნიკოლოზი, ხარიტონი ამოვიყვანე ორმოდან და მეტი რაღა გინდაო. უწმინდესმა ეფრემ მეორემ გაიღო მოწყალება და ის მიიღო ბათუმის წმინდა ნიკოლოზის ეკლესიაში, მღვდელ-მონაზონი იყო. თანდათან დაიმსახურა და გახდა არქიმანდრიტი. მთელი წლები წმინდა ნიკოლოზი წყალობდა. დიდება უფალს და მადლობა უფალს! მე ვუთხარი მას, რომ წმინდა ნიკოლოზმა ამოიყვანა ორმოდან. იმის შემდეგ სულ ევედრებოდა. გარდაიცვალა, დაასაფლავეს ეკლესიის ეზოში. როცა გაგიჭირდებათ, სთოვეთ წმინდა ნიკოლოზს. წმინდა ნიკოლოზი უარს არ გეტყვით. ახლაც ამ რთულ დროს, მინდა, ვთხოვო წმინდა ნიკოლოზს, რომ გაიღოს მოწყალება და შეიწყალოს საქართველო და მთელი მსოფლიო", - განაცხადა პატრიარქმა.

ავტომობილით სამზე მეტი პირის გადაადგილების შეზღუდვა იხსნება. აღნიშნული შეზღუდვა მხოლოდ ტაქსებისთვის იმოქმედებს, - ამის შესახებ საქართველოს პრემიერ-მინისტრმა, გიორგი გახარიამ საკოორდინაციო საბჭოს სხდომაზე განაცხადა.

 

„ყველას უნდა ესმოდეს, რომ ჩვენ ვართ იძულებულები, შევინარჩუნოთ გარკვეული სახის შეზღუდვები. მაგალითად, გარკვეული ეკონომიკური საქმიანობების, ასევე სამოქალაქო და მუნიციპალური ტრანსპორტის გადაადგილების, სპორტული და კულტურული ღონისძიების, საზღვრებზე კონტროლის შეზღუდვები. ყველას კარგად უნდა გვესმოდეს, რომ თუ დღეს საქართველო წარმატებულია კორონავირუსის გავრცელებასთან ბრძოლაში, ეს მოხდა მხოლოდ იმიტომ, რომ ჩვენ დროული, პრევენციული ნაბიჯები გადავდგით. ჩვენ შევძელით, არ დაგვეშვა იმპორტირებული შემთხვევების გავრცელება ქვეყანაში. ძალზედ ეფექტური იყო საკარანტინე ზონების შექმნა. უაღრესად ეფექტური იყო ის ნაბიჯები, რომელმაც მოგვცა საშუალება, ქვეყანაში მობილობის შემცირების“, - განაცხადა გიორგი გახარიამ.

„ვერ გავიგე რითი განსხვავდებიან სხვა ადამიანებისგან და რატომ უნდა ჰქონდეთ პრივილეგიები იმის გამო, რომ სექსუალური ლტოლვა აქვს კაცს, კაცისკენ და ქალს, ქალისკენ?!“- ამ სიტყვებით გამოეხმაურა მეუფე იაკობი 17 მაისს, ჰომოფობიის წინააღმდეგ ბრძოლის საერთაშორისო დღესთან დაკავშირებით სოციალურ ქსელში დაგეგმილ კამპანიას.

 

„ის ადამიანი, რომლებსაც უმცირესობებს ვუწოდებთ, ქალი-ქალთან და მაპატიეთ, კაცი-კაცთან. კაცისა და ქალის არაქროწინებითი ურთიერთობაც ითვლება ცოდვად. ცოდვა როგორ შეიძლება გამოვარჩიოთ, რადგან ეგენი სექსუალურად ასეთი მიმდევრები არიან და რაღაცას ასე უყურებენ.

 

მსოფლიოს ძირითადი რელიგიები მათ არ ცნობენ, სადაც ცოდვაა შეიძლება პროპაგანდა გავუკეთოთ იგივე ქურდობას, ყაჩაღობას, ტყუილებს?! ვერ გავიგე რითი განსხვავდებიან სხვა ადამიანებისგან და რატომ უნდა ჰქონდეთ პრივილეგიები იმის გამო, რომ სექსუალური ლტოვა აქვს კაცს, კაცისკენ და ქალს ქალისკენ?! ცხოვრობ, მასე იცხოვრე, ახლა გამოხვიდე და თავზე მომახვიო, რატომ აკეთებ ამას?! “, - აღნიშნა ბოდბელმა ეპისკოპოსმა იაკობმა.

30 აპრილს მეკობრეების მიერ გატაცებული 9 ქართველი მეზღვაური, რამდენიმე დღეში სპეციალური რეისით ნიგერიიდან, საქართველოში დაბრუნდება.

 

„ჩვენს მეზღვაურებს ვულოცავთ გათავისუფლებას და მადლობას ვუხდით გატაცებული მეზღვაურების ოჯახის წევრებს, რომლებმაც ამ მძიმე სიტუაციაში იჩენენ სამაგალითო სიმშვიდეს, რითიც მნიშვნელოვნად გვიწყობენ ხელს მუშაობაში”, - აცხადებს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ხელმძღვანელი, თამარ იოსელიანი.

 

მისი თქმით, სახელმწიფომ გემთმფლობელთან ერთად ყველა ბერკეტი გამოიყენა და მეზღვაურები 20-დღიანი ტყვეობის შემდეგ თავისუფლები არიან.

 

თამარ იოსელიანის განცხადებით, უახლოეს დღეებში, შესაძლებელი იქნება სამშობლოში მათი უსაფრთხოდ დაბრუნება.

 

ამჟამად მიმდინარეობს ინტენსიური მუშაობა ნებართვების მისაღებად და ნიგერიიდან მათი ტრანსპორტირების ორგანიზების მიმართულებით.

 

პროცესში საზღვაო ტრანსპორტის სააგენტოსთან ერთად ჩართულია საგარეო საქმეთა სამინისტრო.

 

„ჩვენ უშუალო კონტაქტზე ვართ ნიგერიის სახელმწიფო სტრუქტურებთან. ყველა შესაბამისი ღონისძიება ტარდება, რომ პროცესი რაც შეიძლება სწრაფად დასრულდეს და ყველა ფორმალური პროცედურა უმოკლეს დროში იქნეს გავლილი. ხაზგასმით მინდა აღვნიშნო, რომ მეზღვაურების ტყვეობიდან უსაფრთხოდ დახსნაში დიდი წვლილი მიუძღვის გემთფლობელ კომპანიას და მადლობას ვუხდით მათ გაწეული ძალისხმევისთვის“, - განაცხადა სააგენტოს დირექტორმა.

 

უკვე საქართველოშია მეკობრეების ტყვეობას გადარჩენილი 4 მეზღვაური, რომელთა ქალაქ ლომედან წამოყვანისათვის საჭირო ნებართვების მისაღებად სახელმწიფო სტრუქტურებმა უპრეცენდენტო მოლაპარაკები აწარმოეს ტოგოს ხელისუფლებასთან.

ქუთაისში მცხოვრებლები მ.ჯ, მ.ც. გ.ც თ.ც და ს.კ არიან იმათი ნაწილი, რომლებმაც საცხოვრებელ კორპუსში სადეზენფიქციო სამუშაობების სანაცვლოდ, უცნობ პირებს თანხა გადაუხადეს.

 

ადგილობრივების თქმით, უცხო პირები, მათ კომპანია ,,იმედის“ სახელით გაეცნენ და უთხრეს, რომ კომპანია წერეთლის 199 მდებარეობს, ასევე აღნიშნეს, რომ მათ სამი ლარი გადაუხადეს, თუმცა თანხის გადახდის ჩეკი არ მიუციათ.

 

როგორც ადგილობრივები აცხადებენ, სადეზინფექციო საშუალებას, მწერების საწინააღმდეგო ხსნარის სუნი ქონდა, რაც ეჭვის საფუძველი გახდა

 

,,სპეციალური ფორმებით 3 ადამიანი დადიოა, რომლებიც სადარბაზოების სადეზიფექციო ხნარით მოწმენდის სანაცვლოდ 3 ლარს ითხოვდენ, მეზობლები ამაზე დავთანხმდით, რადგან სადარბაზოს ჭირდებოდა დეზინფექცია, მითუმეტეს ამ ვირუსის დროს.

 

მათ, ჩეკი არ მოუციათ და არც ჩვენ მოგვითხოვია, ეჭვიც არ შეგვპარვია რამეზე. თუმცა, როცა ხსნარით მოწმენდა დაიწყეს, სადარბაზოში მწერების საწინააღმდეგო ხნარის სუნი დადგა, რამაც ეჭვი გაგვიჩინა, რომ შეიძლება მოტყუებული ვიყავით.“ - განაცხადა ბ.ც

 

აღნიშნულ საკითხთან დაკავშირებით, ,,გლობალპრესი“ ქუთაისის მერიის დასუფთავების სამსახურს, ცხელ ხაზე დაუკავშირდა, სადაც განაცხადეს, რომ მერია სადეზინფექციო სამუშაობს არ ახორციელებს, აღნიშნულთან დაკავშირებით კი არაფერი სმენიათ

 

,,ქუთაისის მერია საცხოვრებელ კორპუსებში, სადეზინფექციო სამუშაობს არ ახორციელებს. აღნიშნული ფაქტი ჩვენთვის უცნობია. შარშან კი ჩავატარეთ სადეზინფექციო სამუშაოები, დაქირავებული გვყავდა კერძო კომპანია, მაგრამ წელს მსგავსი რამ არ მომხდა. რაც შეეხება კომპანიას, ჩვენთვის უცნობია აღნიშნული კომპანია“ - განაცხადეს ქუთაისის დასუფთავების სამსახურში

 

,,გლობალპრესი“ შეეცადა კომპანიის მოძიებას, თუმცა ამ ეტაპზე ვერ მოხერხდა ფირმის პოვნა, კომპანიის წარმომადგენელბის მიერ ადგილობრივებისთვის მიცემული მისამართი კი არ არსებობს. ინფორმაციის მოძიების შემთხევვაში. ჩვენს მკითხველს მივაწვდით დეტალურ ინფორმაციას კომპენია ,,იმედის“ შესახებ.

 

,,გლობალპრესი“ ქუთაისში მცხოვრებ ადამიანებს, აფრხილებს, რომ ეს შესაძლოა იყოს თაღლითობა და თავი შეიკავონ, უცხო პირებისთვის თანხის გადახდისგან

 

 

„ვის არიგებ ჭკუას, სად გაქვს იმდენი, რომ სხვა დაარიგო“, - ამის შესახებ ბოდბელმა ეპისკოპოსმა განაცხადა და გიგი უგულავა ციხიდან პატრიარქის მიმართ გარკვეულ გზავნილებში დაადანაშაულა.

 

მეუფე იაკობის განცხადებით, გიგი უგულავა და ირაკლი ოქრუაშვილი პოლიპატიმარები არ არიან, თუმცა მათ საქმეში პოლიტიკა აშკარად იკვეთება.

 

„ციხიდან პატრიაქრის მიმართ გიგი უგულავას მიერ გარკვეული გზავნილები იყო. ვის არიგებ ჭკუას, სად გაქვს იმდენი, რომ სხვა დაარიგო. გათავისუფლება მივულოცე, ნებისმიერს მივულოცავ. რახან ეს მოხდა მე ვფიქრობ, რომ დიდი ამნისტიაც უნდა გააკეთონ და ბევრი ადამიანი გამოუშვან ციხიდან. ეგენი, რომ გამოუშვეს შეიძლება ამერიკელებისთვის, რუსებისთვის, ან ევროპელებისთვის პოლიტიკური დევნილები იყვნენ. რისთვის იძახიან, რომ პოლიტიკური დევნილები არიან, იმიტომ იძახიან, რომ ხელისუფლების ბევრი რაღაც არ მოსწონთ. უშუალოდ მათ პოლიტპატიმრებად არ ვთვლიდი, მაგრამ პოლიტიკა რომ ჩარეული იყო ჩანდა. რურუას, რომ ტელევიზია აქვს მაგ ტელევიზიის გამო მოხვდა ციხეში, თორე არც ვიცოდა ტელევიზიის მეწილე რომ იყო“, - აღნიშნა მეუფე იაკობმა სოფელ ტიბაანიის ხირსის მონასტრის სტეფანე პირველდიაკვნის ტაძარის აღდგენისა და ღვთისმშობლობის მიძინების სახელობის ეკვდერის კურთხევის შემდეგ.

„ყველას უნდა ესმოდეს, რომ ჩვენ ვართ იძულებულები, შევინარჩუნოთ გარკვეული სახის შეზღუდვები. მაგალითად, გარკვეული ეკონომიკური საქმიანობების, ასევე სამოქალაქო და მუნიციპალური ტრანსპორტის გადაადგილების, სპორტული და კულტურული ღონისძიების, საზღვრებზე კონტროლის შეზღუდვები. ყველას კარგად უნდა გვესმოდეს, რომ თუ დღეს საქართველო წარმატებულია კორონავირუსის გავრცელებასთან ბრძოლაში, ეს მოხდა მხოლოდ იმიტომ, რომ ჩვენ დროული, პრევენციული ნაბიჯები გადავდგით. ჩვენ შევძელით, არ დაგვეშვა იმპორტირებული შემთხვევების გავრცელება ქვეყანაში“, - ამის შესახებ საქართველოს პრემიერ-მინისტრმა, გიორგი გახარიამ საკოორდინაციო საბჭოს სხდომაზე განაცხადა.

 

„ძალზედ ეფექტური იყო საკარანტინე ზონების შექმნა. უაღრესად ეფექტური იყო ის ნაბიჯები, რომლებმაც მოგვცა საშუალება, ქვეყანაში მობილობის შემცირების. თუ საქართველოში საშუალოდ გვყავს მაგალითად, დღეში 2, 5 ან 10 ინფიცირებული, ეს არ ნიშნავს იმას, რომ ვირუსი დამარცხებულია. ყველას კარგად უდა გვესმოდეს, რომ ჩვენი ძირითადი ამოცანა გახლავთ, ვიზრუნოთ ადამიანის ჯანმრთელობაზე, ოღონდ ეს ისე გავაკეთოთ, რომ ჩვენს მოქალაქეებს მივცეთ საშუალება, ფრთხილად და ეტაპობრივად გაანახლონ თავინთი ეკონომიკური საქმიანობა იმისთვის, რომ ოჯახი არჩინონ“, - განაცხადა მთავრობის მეთაურმა.

 

საზოგადოებრივი ტრანსპორტით, მათ შორის მეტროთი გადაადგილება საქართველოში 31 მარტს აიკრძალა.

დეკანოზ შალვა კეკელიას განცხადებით, თუ კორონავირუსის საწინააღმდეგო ვაქცინაცია სავალდებულო იქნება და მასზე უარის თქმის შემთხვევაში, საზღვარგარეთ მოგზაურობას ან დასაქმებას აკრძალავენ, ის მას არ გაიკეთებს.

 

როგორც კეკელიამ ჟურნალისტებს განუცხადა, მსგავსი პირობებით ვაქცინაცია ადამიანების საწინააღმდეგოდ იქნება მიმართული.

 

„თქვენ ჟურნალისტები ხართ და შეგიძლიათ მოიკითხოთ, რამდენი ადამიანი დაიღუპა შარშან "ღორის გრიპით". როდესაც არ იციან ამ სენის შესახებ რა სენია, რატომ უნდა იყოს აუცილებელი და სავალდებულო, ეს ვაქცინა გავიკეთოთ?! შეიძლება როგორ დადგეს საკითხი იცით?- თუ ეს ვაქცინა არა გაქვს გაკეთებული, შეიძლება შენ მოგზაურობის უფლება არ გქონდეს, სამსახურში შეიძლება არ მიგიღონ. ეს ნიშნავს უკვე, რომ ვაქცინა კი არ არის, სხვა რამისკენაა მიმართული. თუ ასეთი მიდგომა იქნება ვაქცინასთან დაკავშირებით, ბუნებრივია, ჩვენ მას არ გავიკეთებთ. ადამიანებს ყველას თავისი არჩევანი აქვს და ყველას შეუძლია გადაწყვიტოს მიიღებენ თუ არ მიიღებენ. მე როგორც მოძღვარი და სასულიერო პირი ვამბობ, თუ ამ ვაქცინის გარეშე არ მექნება უფლება სამსახურში ვიარო, უცხოეთში ვერ ვიმოგზაურებ, სკოლაში ჩემს შვილს ვერ მივიყვან, პირდაპირ შემიძლია განვაცხადო, რომ ეს ვაქცინა არის ერთ-ერთი ნიშანი და ეს ვაქცინა არის ადამიანების საწინააღმდეგოდ მომართული. "ღორის გრიპით" ადამიანები იღუპებიან, მაგრამ ვაქცინა სავალდებულო არ იყო, მინდა გავიკეთებ, მინდა არ გავიკეთებ“, - განაცხადა შალვა კეკელიამ.

ჩვენ ვლოცულობთ, რომ ჩვენი ოჯახები მტკიცე იყოს, ქრისტიანული იყოს, მორწმუნე იყოს, სადაც სარწმუნოებაა ჭეშმარიტი, იქ სიხარულია და სიყვარულია, - ამის შესახებ სამების საკათედრო ტაძარში საზეიმო წირვის დასრულების შემდეგ ქადაგებისას საქართველოს კათოლიკოს-პატრიარქმა, ილია მეორემ განაცხადა.

 

„ერთი კვირა გრძელდებოდა დღესასწაული, რაც საქართველო წილხვედრია ღვთისმშობლისა და ერთი კვირის განმავლობაში ჩვენ შევთხოვდით ღვთისმშობელ დედას, რომ წყალობა მოეღო საქართველოსთვის. დღეს არის ოჯახის სიმტკიცის დღესასწაული. ჩვენ ვლოცულობთ, რომ ჩვენი ოჯახები მტკიცე იყოს, ქრისტიანული იყოს, მორწმუნე იყოს, სადაც სარწმუნოებაა ჭეშმარიტი, იქ სიხარულია, იქ სიყვარულია“, - ბრძანა პატრიარქმა.

 

17 მაისს ქართული ეკლესია ოჯახის სიმტკიცისა და სიწმინდის დღეს აღნიშნავს.

არქივი

« « » » July 2019
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?