Global Press

English

Global PressGlobal PressGlobal PressGlobal Press

USD
3.0651
EUR
3.5049
RUR
0.0431
GBP
3.8715

გაეროში აცხადებენ, რომ კორონავირუსის პანდემიას შესაძლოა მსოფლიოს მასშტაბით ფსიქოლოგიურ ჯანმრთელობასთან დაკავშირებული კრიზი მოჰყვეს. ამის შესახებ Reuters-ი წერს.

 

გამოცემის ინფორმაციით, ორგანიზაციაში მიაჩნიათ, რომ კრიზისის თავიდან ასაცილებლად სახელმწიფოებმა პანდემიით გამოწვეული ფსიქოლოგიური პრობლემების მოსაგვარებლად დაუყოვნებლივ უნდა დაიწყონ მოქმედება.

 

„COVID-19-ის პანდემია ოჯახებს დამატებით მენტალურ სტრესს მატებს. პანდემიასთან გამკლავების შემდეგაც, სევდა, შფოთვა და დეპრესია ხალხზე გავლენის ქონას განაგრძობენ“, - განაცხადა გაეროს გენერალურმა მდივანმა, ანტონიუ გუტერეშმა, რომელმაც ვიდეოკონფერენციის ფარგლებში პანდემიის დროს ადამიანების ფსიქოლოგიური ჯანმრთელობის მხარდაჭერის შესახებ ანგარიში წარადგინა.

 

გაეროში აღნიშნავენ, რომ ბევრი ადამიანი საცხოვრებელი ადგილის და შემოსავლის დაკარგვის შიშით ცხოვრობს, მათ მენტალურ ჯანმრთელობაზე ნეგატიური გავლენა მკაცრ საკარანტინო ზომებსაც აქვს, რადგან ბევრი ახლობლებთან არის დაშორებული. ორგანიზაციის ანგარიშში ასეთი ადამიანებისთვის დახმარების გაწევის რეკომენდაციებია მითითებული.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

ქუთაისში, ბუხაიძის ქუჩაზე კორპუსის ფასადის ნაწილი ჩამოინგრა. ჩამოშლილი მასა გამვლელს დაეცა, რის შედეგადაც მოქალაქემ თავის არეში ღია ჭრილობა მიიღო.

 

ადგილზე სასწრაფო დახმარების ბრიგადა გამოიძახეს და შუახნის ქალი ინტერვენციული მედიცინის ცენტრში გადაიყვანეს.

 

მედიკოსების თქმით, ჭრილობა საშიში არ არის და მის სიცოცხლეს საფრთხე არ ემუქრება.

საქართველოში, კორონავირუსის გავრცელების თავიდან ასაცილებლად დაწესდა შეზღუდვები, რომელიც გულისხმობდა საგანგებო მდგომარეობის და კომენდატის საათის გამოცხადებას. ქვეყანაში საზოგადოებრივი ტრანსპორტის მოძრაობა აიკრძალა და რამოდენიმე დღით ჩაიკეტა დიდ ქალაქებში შესვლა და გასვლა, დაიხურა საზღვრები და შეწყდა საჰაერო მიმოსვლა, ასევე დაიკეტა საწარმოები. აღნიშნულმა შეზღუდვებმა კი საქართველოში ჰაერის ხარისხზე მნიშვნელოვნად აისახა.

 

გარემოს ეროვნული სააგენტოს, გარემოს დაბინძურების მონიტორიგნის დეპარტამენტის უფროსის მარინე არაბიძის თქმით წინაწელთან შედარებთ, ჰაერის აზოტის დიოქსიდის მაჩვენებელი თითქმის განახევრდა

 

,,გარემოს ეროვნული სააგენტო, ავტომატური სადგურების საშუალებით აწარმოებს უწყვეტ მონიტორინგს ატმოსფერული ჰაერის ხარისხის. ჩვენ, გვაქვს 8 ავტომატური სადგურები, რომელიც 5 სადგური განთავსებულია თბილისში, ასევე თითო-თითო სადგური გვაქვს ქუთაისში, ბათუმში და რუსთავში. ეს სადგურები აწარმოებენ გაზომვებს ჰაერის დამაბიძურებელ მავნე ნივთიერებების შემცველობაზე.

 

რათქმაუნდა, მნიშვნელოვნად გაუმჯობესდა ატმოსფერული ჰაერის ხარისხი ანუ დამაბიძნურებელი კონცენტრაციამ მოიკლო. ეს უკავსრდება იმიას, რომ შემცირდა ავტოტრანსპორტის მოძრაობა და შესაბამისად, განსაკუთრებულად შემცირდა ჰაერში აზოტის დიოქსიდის შემცველობა.

 

ჩვენ გავაკეთეთ 2018-2019 წლის მარტის ჯამი, ერთი წლიური, საშუალო წლიური კონცენტრაცია ავიღეთ და შეავადარეთ 2019 -ის და 2020 წლის მარტამდე ანუ საშუალო წლიური კონცენტრაცია, მთელი წლის მანძილზე თბილსში იყო ინტესიური მოძრაობა და ყოველთვის აზოტის დიოქსიდი იყო +5-ში, ნორმაზე გადაჭარბება, წინა პერიოდში კი 59 კგ/მ3-ზე, რაც ნორმას აჭარბებდა 1,5-ჯერ, მაგრამ მიმდინარე წელის აღნიშნულ პერიოდში განახევრდა თითქმის 30 კგ-მზე ჩამოვიდა. ესეთი კლება, ჩვენ დავაფიქსირეთ სადგურებზე, სადაც ქუჩის პირას, გზის პირას არის განთავსებული, ეს კლება მარტო დედაქალაქში არ აღინიშნებოდა მაგალითად ბათუმში ჩვენ მნიშვნელოვანი კლება ვნახეთ.“ - განაცხადა არაბიძემ

 

 

 როგორც მარინე არაბიძემ აღნიშნა, აპრილის თვეში, როდესაც მკაცრი შეზღუდვები იყო, სადგურებზე დაფიქსირდა ჰაერის კონცენტრაციების კარგი ან ძალიან კარგი მაშვენებელი

 

,,თუ აპრილზე ვიმსჯელებთ, როცა იყო მკაცრი შეზღუდბვები იყო დაწესებული, აზოტის დიოქსიდს ვზომავდით ინდიკატორული გაზომვებით, ეს კი ევროპული მეთოდია, აპრილის თვეში, ჩვენს ყველა სადგურზე გვქონდა კარგი ან ძალიან კარგია ჰაერის კონცეტრაციები.

 

მთელ მსოფლიოში, აზოტის დიოქსიდის მაჩვენებლის მნიშვნელოვანი ცვლილელბა იყო, ამ კუთხით რათქმაუნდა საქართველოც არ იყო გამონაკლისი, ჩვენს ყველა სადგურზე სადაც დაკვირვევბი გვაქვს დავაფიქქსირეთ ატმოსფერული ჰაერის მნიშვნელოვანი გაუმჯობესება.“ - აღნიშნა მარინე არაბიძემ

 

რაც შეეხება კიდევ ერთ დამაბიძნურებელს, ჰაერში მყარ ნაწილაკების კონცენტრაციას(PM10 და PM2.5), არაბძე ამბობს, რომ ამ კუთხით ავტოტრასპორტი დაბიძნურების მთავრი წყარო არ ყოფილა, თუმცა გარკვეული გაუმჯობესება მაინც შეინიშნება

 

,,ჩვენ ყოველთვის ვამბობდით, რომ PM-ის მთავარი წყარო ავტოტრასპორტი არ არის, მაგრამ ავტოტრასნპორტსაც შეაქვს თავისი წვლილი. ძირითად ეს არის სამშენებლო სექტორი უმსხვილეს ქალქებში, სამრეწველო ემისები იმ ქალაქებსა და დასახლებებში, სადაც მსხვილი სამრეწველო ზონებია.

 

ასევე ძალიან სერიოზული წყაროა ქვეყნის შიგნით ღია გრუნტის და უდაბნოს მტვერი, რომელიც საქართველოში ძალიან ხშირად შემოდის სხვადასხვა მხრიდან, ეს არის საჰარის უდაბნოს მტვერი, ასევე არაბეთის ნახევარკუნძულის და შუააზიის უდაბნოს მტვერი. მყარი ნაწილაკების კუთხითაც გვაქვს მხცირედი დადებითი ტენდეცია, მაგრამ არა ისეთი თავლნათელი, როგორც აზოტის დიოქსიდის შემთხვევა“ - აცხადებს არაბიძე

 

მისივე თქმით აპრილის დასაწყისში იყო მყარი ნაწილაკებით დაბინძურების პიკი, რადგან ამ პერიოდში, საქართველოს სამხრეთ-დასავლეის მხრიდან ტრანსსასაზღვრო დამაბიძურებელი შემოიჭრა.

 

მან, ასევე აღნიშნა, რომ ავტოტრანსპორტი არ არის, ამ დაბიძნურებს მთავარი წყარო, ამიტომ მნიშვნელოვანია, სამომავლოდ მეტი ყურადღება გამახვილდეს სამშენებლო სექტორზე, სამრწველო სექტორზე და მაქსიმალურად უნდა შევეცადოთ, რომ შეშის მოხმარება შევამციროთ და გადავიდეთ ალტერნატიულ, განახლებად ენერგიაზე.

 

როგორც მარინე არაბიძე აღნიშნავს, გარემოს დაბინძურების მონიტორიგნის სამსახური, რომელიც გარემოს დაცვის ეროვნულ სააგენტოს წარმოადგენს, მუდმივად აწვიდსი ინფორმაციას გადაწვეტილების მიმღებ პირებს, რომლებსაც ეძლევა რეკომენდაციები. ეს საკითხი კომპლექსურია და საჭიროა ყველა უწყების ჩართულობა, მათ შორის ადგილობრივი მუნიციპალიტეტები, რათა მეტი სუფთა ტრანსპორტი იყოს.

გაერთიანებული ერების ორგანიზაციის პროგნოზით, კორონავირუსის პანდემიის გამო, მომდევნო ორი წლის განმავლობაში, მსოფლიო ეკონომიკა $8.5 ტრილიონით დაეცემა, რის გამოც 34 მილიონზე მეტი ადამიანი უკიდურეს სიღარიბეში აღმოჩნდება. ამის შესახებ Voice of America წერს.

 

„ჩვენ ახლა რეცესიის საშინელი რეალობის წინაშე ვდგავართ - მსგავს მასშტაბს დიდი დეპრესიის შემდეგ არ უარსებია“ - განაცხადა გაეროს ეკონომისტმა, ელიოტ ჰარისმა.

 

პროგნოზის თანახმად, 2020 წლის შუა პერიოდში მსოფლიო ეკონომიკა 3.2%-ით იკლებს, მსოფლიო ვაჭრობის მაჩვენებელი 15%-ით დაეცემა. ეს გასული ოთხი წლის მატების გაბათილებას ნიშნავს

 

. მსოფლიოში კოვიდინფიცირების 4 227 400-ზე მეტი შემთხვევაა დადასტურებული. აქედან 1 512 700-ზე მეტი პაციენტი გამოჯანმრთელდა, 285 300-მდე ადამიანი კი დაიღუპა.

მეუფე პეტრემ ლოცვა-კურთხევა მიიღო სინანულისა, რომ ის განწესებულ იქნეს მონასტერში და ჰქონდეს მას სინანული, - ამის შესახებ თიანეთისა და ფშავ-ხევსურეთის ეპისკოპოსმა მიქაელმა (გაბრიჭიძე) ჟურნალისტებს განუცხადა.

 

მას კითხვით მიმართეს, დაუჭერს თუ არა მხარს მეუფე პეტრეს ეკლესიიდან განკვეთას, თუკი ეს საკითხი წმინდა სინოდზე დადგება. მეუფე მიქაელის თქმით, თუ ეკლესია დაინახავს, რომ მეუფე პეტრე სინანულშია, მისი განკვეთის საკითხი დღის წესრიგში არ დადგება.

 

"თუ დაინახავს ეკლესია, პატრიარქი და მღვდელმთავრები, რომ სინანულშია მეუფე, სტკივა, აწუხებს და გრძნობს შეცდომას, რატომ უნდა განიკვეთოს?! თუ მაგალითად, პირიქით გაგრძელდება, მხოლოდ და მხოლოდ განკითხვა და არ იქნება სინანული, მერე, ალბათ, რასაკვირველია, დადგება ნელნე-ნელა ეგ საკითხიც", - განაცხადა მეუფე მიქაელმა.

 

მღვდელმთავრობიდან მეუფე პეტრე წმინდა სინოდმა გადააყენა. აღნიშნულის მიზეზი მეუფე პეტრეს მიერ გაკეთებული განცხადებები გახდა. მის ნაცვლად კი ჭყონდიდის ეპარქიაში მეუფე გრიგოლი (კაცია) დაინიშნა.

მთავრობის გადაწყვეტილებით, თბილისში გადაადგილებაზე დაწესებული ყველა სახის შეზღუდვა, დღეიდან მოხსნილია. დედაქალაქში შესვლა და გასვლა ყველა სახის ტრანსპორტს თავისუფლად შეუძლია, თუმცა კვლავ მკაცრად გაკონტროლდება, რომ მსუბუქ ავტომობილში, სამ პირზე მეტი არ მოთავსდეს.

 

ამასთან, თბილისის შემოსასვლელებში მგზავრებს პირველადი თერმოსკრინინგი ჩაუტარდებათ. საველე ჰოსპიტალში მობილიზებული იქნებიან ექიმებიც. პუნქტებზე მოხდება ტრანსპორტის დეზინფექცია.

 

კვლავ ძალაში რჩება კომენდანტის საათი, რომელიც საღამოს 9 საათიდან დილის 6 საათამდე ყოველგვარ გადაადგილებას კრძალავს. ამას გარდა, ზუსტად სამ დღეში, 14 მაისიდან აღდგება გადაადგილება რუსთავსა და გარდაბანში, 18 მაისს კი, მოიხსნება შეზღუდვა მარნეულში.

ჯანდაცვის სამინისტრო, სამი დღის ვადაში, მთავრობის ადმინისტრაციაში შექმნილ საკოორდინაციო საბჭოს კონკრეტულ რეკომენდაციებს გადაუგზავნის თუ როგორ და რა რეგულაციების დაცვით უნდა განაახლოს მუშაობა საზოგადოებრივმა ტრანსპორტმა. შესაძლოა მეტრომ და ავტობუსებმა მუშაობა 22 მაისის შემდეგ განაახლონ.

 

მგზავრობისას მოქალაქეებს პირბადის ტარება და სოციალური დისტანციის დაცვა მოუწევთ. მუდმივად განხორციელდება ტემპერატურის მონიტორინგი, რა საშუალებით ამაზე სამინისტროში ჯერ კიდევ მსჯელობენ. რაოდენობის მგზავრების გადაადგილება იქნება დაშვებული, ჯერჯერობით უცნობია.

 

მთავარ რეკომენდაციებზე დაავადებათა კონტროლის ეროვნული ცენტრი მუშაობს.

უფალი ხედავს წარსულს, აწმყოსა და მომავალს, როგორც დღევანდელ დღეს. უფალი ხედავს საქართველო როგორ გაბრწყინდება უკანასკნელ ჟამს, ეს გაბრწყინება იქნება სულიერი. უფალი ხედავს, რომ საქართველო იმოქმედებს ასევე სხვა ერების ცხოვრებაზე. თქვენ გახსოვთ ქებაი და დიდებაი ქართულისა ენისაი, რომ ამ ენითა განიკითხების მთელი მსოფლიო, - ამის შესახებ პატრიარქმა მახათას მთაზე ივერიის ყოვლადწმინდა ღვთისმშობლის ხატის სახელობის ტაძარში წირვის დასრულების შემდეგ ქადაგებისას განაცხადა.

 

ილია მეორის თქმით, უფალმა დაავალა ღვთისმშობელს, რომ ყოფილიყო პატრონი საქართველოსი და ეს პატრონობა ყოველდღე ჩანს.

 

„ჩვენ ვმადლობთ უფალს დიდი წყალობისათვის, ვამდლობთ ყველაფრისათვის - განსაცდელისა, სიხარულისა, გაჭირვებისა და ყველაფრისათვის. უფალმა დაავალა ღვთისმშობელს, რომ ყოფილიყო პატრონი საქართველოსი. ეს პატრონობა ყოველდღე ჩანს. ეს არის უდიდესი სასწაული და წყალობა. ჩვენ დღეს სამადლობელო პარაკლისს აღვავლენთ და მადლობას შევწირავთ უფალს და ყოვლადწმინდა ღვთისმშობელს. ჩემ მიერ დაწერილია განჩინება, რომ მთელი კვირა იქნება დღესასწაული წილხვდომილობის. მთელი კვირა ქართველი ერი იზეიმებს ამ დიდ დღესასწაულს. გაიხარეთ ორსავე სოფელსა შინა“, - აღნიშნა პატრიარქმა.

 

12 მაისი ანდრია პირველწოდებულის ხსენებისა და ღვთისმშობლისადმი საქართველოს წილხვდომილობის დღეა.

გერმანიაში თავშესაფრის მაძიებელთა რიცხვი საგრძნობლად შემცირდა. ამის შესახებ ადგილობრივი მედია წერს.

 

გერმანიის მიგრაციისა და ლტოლვილთა ფედერალური სამმართველოს ინფორმაციით, 2020 წლის პირველი ოთხი თვის განმავლობაში ქვეყანაში თავშესაფარი 29 132 ადამიანმა მოითხოვა, რაც 2019 წლის ანალოგიურ პერიოდთან შედარებით 29%-ით ნაკლებია.

 

ამასთან, მხოლოდ აპრილში უწყებას თავშესაფრის 4100-მდე მაძიებელმა მიმართა, რაც წინა წლის აპრილთან შედარებით ორჯერ ნაკლებია. თავშესაფრის მაძიებელთა უმრავლესობა გერმანიაში სირიიდან, ავღანეთიდან და ერაყიდან ჩავიდა.

თბილისის საერთაშორისო აეროპორტში ლონდონი - თბილისის რეისი განხორციელდა, რომლითაც სამშობლოში 110 თანამოქალაქე დაბრუნდა.

 

მათ აეროპორტშივე გაიარეს სამედიცინო შემოწმება, რომლის შემდეგადაც სპეციალურად მათთვის გამოყოფილი ავტობუსებით ისინი სხვადასხვა სასტუმროებში მოწყობილ საკარანტინო სივრცეებში გადაიყვანეს.

 

14-დღიანი კარანტინის დროს უცხოეთიდან დაბრუნებული მოქალაქეები 24-საათიანი სამედიცინო მეთვალყურეობის ქვეშ იქნებიან.

 

კორონავირუსის გავრცელების საპრევენციო ღონისძიებების ფარგლებში, მთავრობის საკოორდინაციო საბჭოს გადაწყვეტილებითა და მთავრობის დადგენილებით, ეკონომიკის სამინისტროს ტურიზმის ეროვნულმა ადმინისტრაციამ საქართველოს მასშტაბით ამ დროისთვის საქართველოს მასშტაბით 84 სასტუმროში საკარანტინო სივრცეების მოწყობას გაუწია ორგანიზება.

 

ამ დროისთვის საკარანტინო სივრცეებში 4337 ადამიანია განთავსებული.

მოქალაქეების ნაწილმა, საქართველოს ბანკისგან მოკლე ტექსტური შეტყობინება მიუვიდა სადაც წერი, რომ თქვენი ბარათის ნომერი დაიბლოკქ, თქვენი გარდაცვალების გამო.

 

,,საქართველოს ბანკი: მოგესალმებით, გაცნობებთ, რომ თქვენი Master Card ბარათი ** 04 25 დაიბლოკქ თქვენი გარდაცვალების გამო. მადლობას გიხდით, რომ ჩვენი ერთგული მომხმარებელი იყავით." - წერია ტექსტურ შეტყობინებაში, რომელიც ეღთ-ერთმა ჩვენმა მკითხველმა მიიღო და შეტყობინების სქრინი   გამოგვიგზავნა

 

 

,გლობალპრესი" დაინტერესდა თუ რას უკავშირდება აღნიშნული მოკლეტექსტური შეტყობინება და დაუკავშირდა საქართველოს ბანკს, სადაც განაცხადეს, რომ ბანკი მსგავსი ტიპის სმს არ აგზავნის

 

,, საქართველოს ბანკი მსგავსი თემატიკის შეტყობინებას არ აგზავნის. ვიღაც ფოტოშოპით აკეთებს და ადამიანებს უგზავნის, ამით ისინი მაიმუნობენ. თუ როგორ ხდება ჩვენი ნომრით გქმოგზქვნა, ეს მათ უნდა კითხოთ" - გვითხრეს ბანკში

Georgian Airways-ი იმ ქართველების საყურადღებოდ, რომლებიც დიდ ბრიტანეთსა და მის მიმდებარედ ცხოვრობენ ინფორმაციას ავრცელებს.

 

ავიაკომპანიის ცნობით, 12 მაისს დაგეგმილ ლონდონი-თბილისის რეისზე, რომელზეც ბილეთები ჯერ კიდევ დარჩენილია.

 

„ყურადღება: ქართველებს, რომლებიც ცხოვრობენ დიდ ბრიტანეთსა და მის მიმდებარედ: ჩვენ ჯერ კიდევ გვაქვს ადგილები ლონდონი-თბილისის რეისზე! ეწვიეთ ჩვენს ოფიციალურ ვებ-საიტს, ბილეთებისთვის! რეისი შედგება 12 მაისს, გეთვიკის აეროპორტიდან“ - ნათქვამია Georgian Airways-ის მიერ გავრცელებულ ინფორმაციაში.

არქივი

« « » » July 2019
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?