საქართველოს დამოუკიდებლობის დღესთან დაკავშირებით ევროკავშირის დედაქალაქში, ბრიუსელის მთავარ სიმბოლოსთან კიდევ ერთი ღონისძიება გაიმართა.

 

ევროპაში მცხოვრები ქართველები, საქართველოს ელჩი, ბრიუსელის მერიის წარმომადგენლები და „მანეკენ პისის“ საზოგადოების წევრები შეიკრიბნენ და ფრანგულ და ქართულ ენებზე მრავალხმიანი სიმღერები შეასრულეს.

 

ბელგიელებმა ჩოხაში გამოწყობილ ბელგიის სიმბოლოს „მანეკენ პისის“ სიმღერა, ანსამბლმა „მამულმა“ კი მრავალჟამიერი უმღერა.

 

„მანეკენ პისი“ ბრიუსელში 1618 წელს განათავსეს და მას არაერთი ლეგენდა უკავშირდება. „მანეკენ პისის“ საკუთარი მუზეუმიც აქვს, სადაც გარდერობი ინახება და დამთვალიერებლებისთვის მისი 900-ზე მეტი საზეიმო სამოსია წარმოდგენილი.

 

26 მაისს საქართველო დამოუკიდებლობის დღეს აღნიშნავს.

 

 

Email:This email address is being protected from spambots. You need JavaScript enabled to view it.