Global Press

English

Global PressGlobal PressGlobal PressGlobal Press

USD
2.9573
EUR
3.2796
RUR
0.0463
GBP
3.8826

ნატო-ს გერნერალურმა მდივანმა ლონდონში, ნატო-ს კონფერენციაზე ჩრდილოატლანტიკურ ალიანსში საქართველოსა და უკრაინის გაწევრიანებაზე ისაუბრა. ნატო-ს გენერალური მდივნის, იენს სტოლტენბერგის განცხადებით, 2008 წელს ბუქარესტის სამიტზე მიღებული გადაწყვეტილება საქართველოსა და უკრაინასთან მიმართებაში კვლავ ძალაშია.

 

მისი თქმით, ისინი ნატო-ს წევრები აუცილებად გახდებიან.

 

„ჩვენ ფოკუსურებული ვართ საქართველოსა და უკრაინის დახმარებაზე, რათა მათ ალიანსში გაწევრიანების გზა წარმატებით გაიარონ. საქართველოში ახლა იმაზე მეტი ნატოა, ვიდრე ოდესმე ყოფილა. ჩვენ ვმუშაობთ ორივე ქვეყანასთან და ვეხმარებით მათ ნატო-სთან დაახლოებაში“, - განაცხადა სტოლტენბერგმა.

 

მან ნატოს მისიებში ქართველი და უკრაინელი ჯარიკაცების მონაწილეობას გაუსვა ხაზი.

ნიდერლანდების ხელმძღვანელობით მიმდინარე გამოძიებამ მალაიზიური „ბოინგის“ ჩამოგდებაში ეჭვმიტანილი 4 პირის ვინაობა დაასახელა. ეჭვმიტანილებს შორის რუსეთის სამი მოქალაქეა: იგორ გირკინი, სერგეი დუბინსკი და ოლეგ პულატოვი და ერთი უკრაინის - ლეონიდ ხარჩენკო. ამ ოთხი ადამიანის დაკავებაზე საერთაშორისო ორდერებია გაცემული აღნიშნულ ინფორმაციას "ბიბისი" ავრცელებს.

 

„მალაიზიის ავიახაზების“ „ბოინგი 777“ რეისს (MH17) ამსტერდამიდან კუალა-ლუმპურში ასრულებდა. დაიღუპა ბორტზე მყოფი 298 ადამიანი, მათ შორის 80 ბავშვი. გამოძიების ვერსიით, თვითმფრინავი ჩამოაგდეს პრორუსმა სეპარატისტებმა რუსული რაკეტით. რუსეთი ყველა ბრალდებას უარყოფს.

ევროკავშირთან უვიზო რეჟიმის მქონე ქვეყნების მოქალაქეების მხრიდან თავშესაფრის მოთხოვნის გაზრდილი რაოდენობის გამო, ევროკავშირი ზომების მიღებით იმუქრება.

 

„იმ შემთხვევაში თუ პროცესი გაგრძელდება, ევროკავშირმა შესაძლოა, ცალკეულ ქვეყნებთან უვიზო მიმოსვლის რეჟიმი შეაჩეროს“ - აღნიშნული განცხადება ევროკავშირის შინაგან საქმეთა და მიგრაცის კომისარმა დიმიტრის ავრამოპოლუსმა გააკეთა.

 

ავრამოპოლუსის თქმით, გამარტივებული სავიზო რეჟიმით შესაძლოა ვეღარ ისარგებლონ დასავლეთ ბალკანეთისა და ლათინური ამერიკის ქვეყნებმა.

 

ევროკომისარმა უვიზო რეჟიმის მქონე ქვეყნების ხელმძღვანელებს მიმართა და აღნიშნა, რომ ამ პრივილეგიის დაცვა მათი პასუხისმგებლობაა. ავრამოპოლუსმა იმედი გამოთქვა, რომ მსგავსი უკიდურესი ზომებისთვის თავის არიდება ჯერ კიდევ შესაძლებელია.

ევროკავშირის წევრმა 27 ქვეყნის ლიდერმა ბრიუსელში გამართულ დღევანდელ სამიტზე მხარი დაუჭირეს ახალ შეთანხმებას „ბრექსითის“ შესახებ, რომელზეც მანამდე ლონდონი და ევროკავშირი შეთანხმდნენ. ამის შესახებ საუბარია სამიტის შემდეგ ლიდერების მიერ გავრცელებულ განცხადებაში.

 

„როგორც ჩანს, მივაღწიეთ ფინალურ ეტაპს“, - განაცხადა ევროსაბჭოს პრეზიდენტმა დონალდ ტუსკმა სამიტის შემდეგ გამართულ პრესკონფერენციაზე.

 

მისი თქმით, ევროსაბჭო შეთანხმების ამუშავებას 1 ნოემბრიდან ელოდება.

 

შეთანხმება ითხოვს ევროპული და ბრიტანული პარლამენტების მხარდაჭერას. გეგმის მიხედვით, დიდი ბრიტანეთის პარლამენტი შაბათს შეიკრიბება, რათა შეთანხმების რატიფიცირება განახორციელოს.

აშშ-ის პრეზიდენტმა დონალდ ტრამპმა განაცხადა, რომ მზად არის სამხედრო მოქმედებების დასაწყებად, რათა ხელი შეუშალოს ირანს ბირთვული იარაღის მიღებაში. ამასთან, ტრამპმა ღიად დატოვა კითხვა, დაუჭერს თუ არა მხარს ძალის გამოყენებას სპარსეთის ყურიდან ნავთობის მიწოდების დასაცავად, რასაც აშშ-ის ღრმა რწმენით, ასევე ირანი უქმნის საფრთხეს.

 

აშშ-სა და ირანს შორის ურთიერთობები ძალიან დაიძაბა ტანკერებზე კოორდინირებული თავდასხმების შემდეგ მაისში და ერთი კვირის წინ, რაშიც შეერთებული შტატებიც და საუდის არაბეთიც ირანს ადანაშაულებენ. ირანი კი ბრალდებებს უარყოფს.

დღეს დუშანბეში ვიზიტით მყოფმა ირანის პრეზიდენტმა ჰასან როუჰანიმ განაცხადა, რომ ირანი გააგრძელებს ბირთვული შეთანხმებით გათვალისწინებულ ვალდებულებების შესრულებაზე თანმიმდევრულად უარის თქმას, თუ ხელშეკრულების სხვა ხელმომწერებისგან არ მიიღებს „პოზიტიურ სიგნალებს“. ეს განცხადება მან სპარსეთის ყურეში ტანკერების ინციდენტებისა და აშშ-სთან ურთიერთობის მორიგი გართულების ფონზე გააკეთა, თუმცა ეს ინციდენტი ამჯერად არ უხსენებია. ის ტაჯიკეთის დედაქალაქში „აზიაში ურთიერთქმედებისა და ნდობის ღონისძიებების თათბირის“ სამიტზე იმყოფება.

 

„ირანს არ შეუძლია დაიცვას ეს ხელშეკრულება ცალმხრივად“, - დასძინა როუჰანიმ.

 

ირანის გარდა ორი ხელმომწერი სახელმწიფოს ლიდერი სი ძინპინი და ვლადიმირ პუტინიც ამ სამიტზე იმყოფებიან.

 

ირანმა მაისში უკვე თქვა უარი ზოგი ვალდებულების შესრულებაზე - კერძოდ, დაიწყო ურანის უფრო მაღალ დონეზე გამდიდრება - რადგან შარშან ნოემბერში ხელშეკრულებიდან გავიდა აშშ და ირანს სანქციები გაუმკაცრა. როუჰანის არ დაუზუსტებია რა „დადებით სიგნალებს“ ელოდება და რის შესრულებაზე აპირებს უარის თქმას.

 

თავის გამოსვლაში რუსეთის პრეზიდენტმა პუტინმა თქვა, რომ რუსეთი დაიცავს შეთანხმებას და ამისკენ მოუწოდა დანარჩენ ხელმომწერ სახელმწიფოებსაც (გერმანია, დიდი ბრიტანეთი, საფრანგეთი).

Brexit-ის შემთხვევაში შოტლანდია ევროკავშირის შემადგენლობაში დამოუკიდებლად დარჩენას გეგმავს, წერს Deutsche Welle.

 

ამის შესახებ შოტლანდიის მთავრობის პირველმა მინისტრმა ნიკოლა სტერჟენმა დღეს, ბერლინში გამართულ პრესკონფერენციაზე განაცხადა. ის იმედოვნებს, რომ ბრიტანეთი დარჩება ევროკავშირის შემადგენლობაში, თუმცა თუ პირიქით მოხდა, შოტლანდიამ უნდა გააკეთოს დამოუკიდებელი არჩევანი.

 

„იმის რისკი, რომ ბრიტანეთი გამოვა ევროკავშირიდან დიდია. ქვეყანას ექნება დანაკარგები. ჩვენ ვეცდებით გადავლახოთ ხისტი ბრექსიტი. ვფიქრობთ, ევროკავშირიდან ბრიტანეთის გასვლის ვადა უნდა გადაიხედოს“, - განაცხადა ნიკოლა სტერჟენმა.

 

დიდი ბრიტანეთის პრემიერმინისტრი ბორის ჯონსონი ევროკომისიის პრეზიდენტ ჟან-კლოდ იუნკერს შეხვდა. ამის შესახებ BBC წერს.

 

გამოცემის ინფორმაციით, მხარეებმა Brexit-ი განიხილეს და შეთანხმდნენ, რომ მალე ლონდონსა და ბრიუსელს შორის ამ თემაზე შეხვედრები ყოველდღიურად გაიმართება.

 

ევროკომისიის მიერ გავრცელებული განცხადების თანახმად, ჯონსონმა იუნკერს ე. წ. „ბექსტოპის“ ალტერნატივა არ შესთავაზა. ტერეზა მეის მთავრობას და ევროკავშირის მიერ შეთანხმებულ ხელშეკრულებაში საზღვარზე ხისტი ზომების მიღების თავიდან აცილების მიზნით დროებითი ზომებია (ე.წ. „ბექსტოპი“) გათვალისწინებული. ჯონსონს შეთანხმებიდან ამ პუნქტის ამოღება სურს.

 

ოფიციალურ ლონდონსა და ბრიუსელს შორის Brexit-ის პირობების შესახებ მოლაპარაკებები 2017 წლის 19 ივნისს დაიწყო. დიდი ბრიტანეთის ყოფილმა პრემიერმინისტრმა, ტერეზა მეიმ ქვეყნის ევროკავშირიდან გასვლის პროცედურის შესახებ დოკუმენტს ხელი 2018 წლის 29 მარტს მოაწერა.

 

Brexit-მა ბრიტანეთში პოლიტიკური კრიზისი გამოიწვია, რის გამოც პრემიერმინისტრი ტერეზა მეი გადადგა. 9 სექტემბერს დიდი ბრიტანეთის დედოფალმა ელისაბედ მეორემ ხისტი Brexit-ის წინააღმდეგ ლორდთა პალატის მიერ მიღებულ კანონპროექტს ხელი მოაწერა.

აშშ-ის პრეზიდენტმა დონალდ ტრამპმა ოფიციალურად დაიწყო თავისი მეორე, 2020 წლის წინასაარჩევნო კამპანია ფლორიდიას შტატის ქალაქ ორლანდოში გამართულ მიტინგზე.

 

როგორც „როიტერსი“ წერს, მან თავი წარმოადგინა იგივე ამბოხებულ პოლიტიკოსად, რომელმაც შეაჯანჯღარა ვაშინგტონის ისტებლიშმენტი ოთხი წლის წინ და მსხვერპლად, რომელსაც „დემოკრატები“ ჩამოგდებას უპირებენ.

 

მათივე ცნობით, ტრამპისთვის პრიორიტეტული თემებიც იგივეა - ბრძოლა მასობრივი უკანონო იმიგრაციის, ასევე მტრულად განწყობილი მედიის წინააღმდეგ.

 

როგორც ტრამპი აცხადებს, „დემოკრატები“ რადიკალურად შეცვლიან პოლიტიკას, შეეცდებიან იმიგრანტების სტატუსის ლეგალიზაციას, რათა მომავლისთვის გაზარდონ საკუთარი ამომრჩევლის რაოდენობა.

 

„მიგვაჩნია, რომ ჩვენი ქვეყანა უნდა იყოს თავშესაფარი კანონმორჩილი ადამიანებისთვის და არა დამნაშავეებისთვის. 2020 წელს, ნებისმიერი „დემოკრატისთვის“ ხმის მიცემა ეს არის რადიკალური სოციალიზმის ზრდა და ამერიკული ოცნების დანგრევა“, - განაცხადა დონალდ ტრამპმა გუშინ გამართულ მიტინგზე.

 

„დემოკრატიულ პარტიაში“ კანდიდატად დასახელებისთვის წინასწარ ეტაპზე ოცამდე კანდიდატი იბრძვის. მათგან ბევრი სოციოლოგიური გამოკითხვებით ტრამპს რეიტინგით უსწრებს იმ შტატებში, სადაც ძირითადი ბრძოლაა მოსალოდნელი.

მოლდოვას პრემიერის მაია სანდუს ახალი კაბინეტი მთავრობის რეზიდენციაში დღეს პირველად შეიკრიბა. ის მინისტრებთან ერთად დაუბრკოლებლად შევიდა შენობაში.

 

„დემოკრატიული პარტიის“ ხელმძღვანელობამ ოლიგარქ პლახოტნიუკის ჩათვლით და მათთან დაკავშირებულმა ბიზნესმენებმა ქვეყანა დატოვეს. პარტიის პრეს-სამსახურში კი აცხადებენ, რომ პლახოტნიუკი ქვეყნიდან რამდენიმე დღით გავიდა ოჯახის მოსანახულებლად.

 

„დემოკრატიულმა პარტიამ“, რომელიც ინერციით აკონტროლებდა მთავრობას თებერვალში ჩატარებული არჩევნების შემდეგ და არ ცნობდა 8 ივნისს ახალი სამთავრობო კოლალიციის შექმნას, ოპოზიციაში გადასვლა გადაწყვიტა. გუშინ გვიან ღამით გადადგა პაველ ფილიპის მთავრობა. „დემოკრატიულმა პარტიამ“ სამთავრობო შენობებთან შეკრებილ თავის მომხრეეებს მოუწოდა დაშლილიყვნენ.

 

ამ გადაწყვეტილების მიღება შესაძლებელი გახდა გუშინ „დემოკრატიული პარტიის“ ოფისში მოლდავეთში აშშ-ის ელჩის დერეკ ჰოგანის ვიზიტის შემდეგ. აშშ სახელმწიფო დეპარტამენტი, მიესალმა ქვეყანაში ხელისუფლების მშვიდობიან გადაცემას. რუსეთის ვიცე-პრემიერმა, პრეზიდენტის სპეციალურმა წარმომადგენელმა მოლდოვის საკითხებში დმიტრი კოზაკმა ასევე განაცხადა, რომ მოლდოვის პოლიტიკური კრიზისის საკითხში მოხერხდა აშშ-ის, ევროკავშირისა და რუსეთის ერთობლივი პოზიციის დაკავება დემოკრატიის მხარდასაჭერად.

 

ინფორმაციას სააგენტო „ტასს“-ი ავრცელებს.

ჩრდილოატლანტიკური ალიანსი შეშფოთებულია ახლო აღმოსავლეთში დაძაბულობის შესაძლო ესკალაციის გამო, - ამის შესახებ ერაყში ვიზიტით მყოფმა ნატოს გენერალურმდა მდივანმა იენს სტოლტენბერგმა განაცხადა. BBC-ის ინფორმაციით, სტოლტენბერგს პირდაპირ არ დაუდანაშაულებია ირანი საუდის არაბეთის ნავთობტერმინალებზე თავდასხმაში, თუმცა აღნიშნა, რომ თეირანი ტერორისტულ ორგანიზაციებს უჭერს მხარს, და რეგიონის დესტაბილიზაციაზე პასუხისმგებლობა სწორედ მას ეკისრება.

 

„მოვუწოდებთ ყველა მხარეს, თავი შეიკავონ მსგავსი თავდასხმებისგან, ვინაიდან ამას შესაძლოა მთელი რეგიონისთვის ნეგატიური შედეგი მოყვეს“, - განაცხადა სტოლტენბერგმა.

 

14 სექტემბერს საუდის არაბეთში ორ ნავთობტერმინალზე დრონების თავდასხმის შედეგად ხანძარი გაჩნდა. ობიექტები სახელმწიფო კომპანია Aramco-ს ეკუთვნის. მოგვიანებით აფეთქებაზე პასუხისმგებლობა იემენელმა ჰუსიტებმა აიღეს. აშშ-ის სახელმწიფო მდივანმა მაიკლ პომპეომ თავდასხმაში ირანის ხელისუფლება დაადანაშაულა. აშშ-ის პრეზიდენტმა დონალდ ტრამპმა კი ირანის მონაწილეობის დასტურის შემთხვევაში საპასუხო ზომების მიღების პირობა დადო.

 

ირანმა აშშ-ის ბრალდება უარყო და ომისთვის მზადყოფნა გამოთქვა.

 

აფეთქებების გამო საუდის არაბეთში ნავთობის მოპოვება 50% შემცირდა, მსოფლიოში ნავთობის ფასი კი მკვეთრად გაიზარდა. დონალდ ტრამპმა აშშ-ის ნავთობის სტრატეგიული მარაგების გახსნის ნებართვა გასცა. 16 სექტემბერს აშშ-ის დაზვერვამ საუდის არაბეთში ნავთობტერმინალებზე აფეთქებაში ირანის მონაწილეობის მტკიცებულება წარადგინა.

ბრაზილიამ რამდენიმე ქვეყანას უვიზო რეჟიმი დაუწესა. დღეიდან ამერიკის შეერთებული შტატების, კანადის, იაპონიისა და ავსტრალიის მოქალაქეები ლათინური ამერიკის ქვეყანაში ბიომეტრიული პასპორტის მეშვეობით იმოგზაურებენ. უვიზო რეჟიმის ფარგლებში ისინი ბრაზილიაში 90 დღის გატარებას შეძლებენ, თუმცა საჭიროების შემთხვევაში ვადის გახანგრძლივების უფლება 180 დღემდე ექნებათ. 4 ქვეყნისთვის უვიზო რეჟიმის დაწესების გეგმის შესახებ ბრაზილიის ხელისუფლებამ განცხადება ჯერ კიდევ მარტში, პრეზიდენტ ჟაირ ბოლსონარუს თეთრ სახლში ვიზიტამდე ცოტა ხნით ადრე გააკეთა.

მექსიკის პრეზიდენტი ამერიკის მიმართულებით მიმავალი მიგრანტების რაოდენობის შესამცირებლად საკუთარ თვითმფრინავს გაყიდის.

 

ანდრეს მანუელ ლოპეზ ობრადორის განმარტებით, თვითმფრინავის გაყიდვით მიღებულ შემოსავალს გაჭირვებულ მოქალაქეებს დაურიგებს და ამით არალეგალური მიგრაციის შეკავებას შეეცდება. მექსიკის პრეზიდენტმა აღნიშნული ინიციატივა მას შემდეგ გამოთქვა, რაც თეთრ სახლთან შეთანხმებას მიაღწია. შეთანხმების თანახმად, ოფიციალური ვაშინგტონი მეხიკოს ტარიფებს არ დაუწესებს იმ შემთხვევაში, თუ ის ცენტრალური ამერიკიდან მიგრანტთა ნაკადის შემცირებას შეეცდება.

 

მექსიკის პრეზიდენტის განკარგულებაში არსებული Boeing 787 Dreamliner 2016 წელს 218 მილიონ დოლარად არის შეძენილი, თუმცა ახლა ის 150 მილიონ დოლარად არის შეფასებული.

არქივი

« « » » December 2019
Mon Tue Wed Thu Fri Sat Sun
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?