Global Press

English

Global PressGlobal PressGlobal PressGlobal Press

USD
2.7389
EUR
3.0914
RUR
0.0424
GBP
3.4716

პარლამენტის სხდომათა დარბაზი ქუჩა და სახულიგნო ადგილი არ არის. რა თქმა უნდა, ძალიან კარგი იქნება, ამას თუ შეიგნებს ზოგიერთი პირი, - ამის შესახებ პარლამენტის პირველმა ვიცე-სპიკერმა თამარ ჩუგოშვილმა ჟურნალისტებს განუცხადა, რითაც გამოეხმაურა გუშინ სხდომათა დარბაზში დეპუტატებს შორის დაპირისპირებას. მისივე განცხადებით, თუკი დეპუტატები ეთიკის საბჭოს მიმართავენ, ნელ-ნელა დამკვიდრდება პრეცედენტი, რომ ასეთი ქცევა მიუღებელია.

 

„ეთიკის საბჭო დაკომპლექტებულია ისე, რომ მაქსიმალურად დაბალანსებულია. უმრავლესობა საკმაოდ მცირე დოზით არის მასში წარმოდგენილი. ვეცადეთ, რომ დაკომპლექტების დროს ბალანსი შეგვენარჩუნებინა, რათა საბჭოს მიუკერძოებლობასთან დაკავშირებით კითხვები არ გაჩენილიყო. ამ საბჭოს ჩამოყალიბებაში ოპოზიციაც აქტიურად იყო ჩართული ღია მმართველობის ფარგლებში.

 

რაც შეეხება გუშინდელ მოვლენებს, მე ზოგადად ძალიან მაწუხებს ასეთი სცენები. ძალიან არ მინდა, რომ ჩვენი მოსახლეობა საქართველოს პარლამენტში ხედავდეს იმას, რასაც გუშინ ყველა ერთად ვხედავდით. ეს ძალიან დამაზიანებელია ინსტიტუტის იმიჯისთვის. ჩვენ ძალიან ბევრს ვაკეთებთ იმისთვის, რომ ამ ინატიტუტის იმიჯი შევქმნათ და თითოეული ასეთი გამოხტომით, ეს ნაბიჯები აზრს კარგავს იმიტომ, რომ მოსახლეობა უყურებს ამ აურზაურს. პირადად ჩემთვის ეს ძალიან მტკივნეულია. თუ დეპუტატები მიმართავენ ეთიკის საბჭოს, ნელ- ნელა პრეცედენტი დამკვიდრდება, რომ ასეთი ქცევა მიუღებელია და პარლამენტის სხდომათა დარბაზი ქუჩა და სახულიგნო ადგილი არ არის. რა თქმა უნდა, ძალიან კარგი იქნება, ამას თუ შეიგნებს სხვადასხვა პირი,"- განაცხადა თამარ ჩუგოშვილმა.

 

შეგახსენებთ, გუშინ პარლამენტში ერთმანეთს სიტყვიერად გიგა ბოკერია და გია ვოლსკი დაუპირისპირდნენ. ვოლსკიმ ბოკერიას ყეყეჩი უწოდა, ბოკერიამ კი - „ცეკას“ ინსტრუქტორი და ვიგინდარა.

პარლამენტმა 82 ხმით, 21 წინააღმდეგი, სახელმწიფო ინსპექტორის თანამდებობაზე ლონდა თოლორაია აირჩია. თოლორაიამ ინსპექტორის პოსტი 6 წლის ვადით დაიკავა.

 

მის კონკურენტს ვალერი ლომუაშვილს 7-მა დეპუტატმა დაუჭირა მხარი.

 

სახელმწიფო ინსპექტორის არჩევა პირდაპირ კენჭისყრით მოხდა - პარლამენტში წარდგენილი კანდიდატებისთვის პლენარულ სხდომაზე არ მოუსმენიათ.

 

სახელმწიფო ინსტიტუტის აპარატი სამართალდამცავთა მიერ ჩადენილი დანაშაულების გამოძიების მიზნით შექმნილი დამოუკიდებელი საგამოძიებო მექანიზმია, რომელიც 1-ელი ივლისიდან პერსონალურ მონაცემთა დაცვის ინსპექტორის აპარატის ბაზაზე ამოქმედდება.

 

ლონდა თოლორაია უფლებამოსილების განხორციელებას 3 ივლისიდან შეუდგება.

„დღეს თქვენ მხარი უნდა დაუჭიროთ ლონდა თოლორაიას, რომელიც ადეიშვილის გაზრდილი პროკურორია და რომლის დროსაც განსაკუთრებულად აწამებდნენ არასრულწლოვნებს,“ - ამის შესახებ დამოუკიდებელმა დეპუტატმა ლევან გოგიჩაიშვილმა პარლამენტის პლენარულ სხდომაზე განაცხადა. მან კოლეგებს მიმართა, რომ თუ ისინი დღეს სახელმწიფო ინსპექტორის თანამდებობაზე ლონდა თოლორაიას აირჩევენ, მათაც დაეკისრებათ პასუხისმგებლობა 2010-2012 წლებში არასრულწლოვნების მიმართ არაადამიანურ მოპყრობაზე.

 

„მინდა, მივმართო იმ ადამიანებს, ვისთვისაც მნიშვნელოვანი იყო ადამიანის უფლებებისთვის ბრძოლა. დღეს თქვენ მხარი უნდა დაუჭიროთ კანდიდატურას, რომელიც 2010 წლიდან ადეიშვილის პროკურატურაში არასრულწლოვანთა მართლმსაჯულების პროცესს ხელმძღვანელობდა. არასრულწლოვნების წამება და არაადამიანური მოპყრობა განსაკუთრებით პიკში იყო 2010, 2011, 2012 წლებში. დღეს თქვენ მხარი უნდა დაუჭიროთ ლონდა თოლორაიას, რომელიც ადეიშვილის გაზრდილი პროკურორია და რომლის დროსაც განსაკუთრებულად აწამებდნენ არასრულწლოვნებს გლდანის #8 პენიტენციალურ სისტემაში და იმ ადგილებში, სადაც ისინი სასჯელს იხდიდნენ. ძალიან დიდი სირცხვილია, როდესაც ამ კანდიდატურების წამოწევა და წახალისება ხდება. ვინც დღეს ქალბატონ ლონდას დაუჭერს მხარს, პასუხისმგებლობას აიღებს ბავშვებზე იმ არაადამიანურ მოპყრობაზე, რომელიც აი, ამ ქალბატონის საზედამხედველო ფუნქციების შესრულების დროს ხდებოდა,“ - განაცხადა ლევან გოგიჩაიშვილმა.

 

დღევანდელ პლენარულ სხდომაზე სახელმწიფო ინსპექტორის თანამდებობაზე ასარჩევ კანდიდატებს კენჭს უყრიან. ცნობისთვის, ერთ-ერთი კანდიდატი შს სამინისტროს ადამიანის უფლებათა დაცვის დეპარტამენტის ხელმძღვანელი ლონდა თოლორაიაა.

პარლამენტში ძალიან აგრესიული ოპოზიცია გვყავს - არიან ადამიანები, რომელთაც პარლამენტში ხულიგნობის ნიშნები შემოაქვთ, - ასე გამოეხმაურა პარლამენტის პირველი ვიცე-სპიკერი თამარ ჩუგოშვილი დღევანდელ პლენარულ სხდომაზე მომხდარ დაპირისპირებას.

 

“უმრავლესობის ლიდერმა ძალიან კარგად ჩამოაყალიბა, თუ ვინ ხულიგნობს პარლამენტში. ვინც ვერ სწავლობს, თუ როგორ შეიძლება პარლამენტში კოლეგები ერთმანეთს მოექცნენ, ვისაც არ შეიძლია აზრი დაპირისპირების გარეშე დააფიქსიროს, იმედია, პარლამენტი დროთა განმავლობაში ისე შეიცვლება, რომ ასეთი ქმედებების სივრცე დავიწროვდება“, - განუცხადა ჟურნალისტებს თამარ ჩუგოშვილმა.

 

პარლამენტის პლენარულ სხდომათა დარბაზში ერთმანეთს სიტყვიერად გია ვოლსკი და გიგა ბოკერია დაუპირისპირდნენ.

გიგა ბოკერია, შე ყეყეჩო ადამიანო, - ამ სიტყვებით პარლამენტის ვიცე-სპიკერმა გია ვოლსკიმ „ევროპული საქართველოს“ წევრ გიგა ბოკერიას მიმართა. სხდომათა დარბაზში სიტუაცია მას შემდეგ დაიძაბა, რაც ოპოზიციონერმა დეპუტატმა მმართველი გუნდი არჩევნებში კრიმინალური ავტორიტეტების გამოყენებაში დაადანაშაულა. გია ვოლსკიმ გიგა ბოკერიას მიმართა, რომ მისგან განსხვავებით, „ბევრი პატრიოტია ამ ქვეყანაში, რომელსაც მამაკაცი ყავარჯნებით ხელში არ გაუუპატიურებია.“

 

„ჩვენი ოპონენტები შედარებით ნაკლებ მხარდაჭერას აბრალებენ ყველაფერს: ხახვს, ნიორს, ფქვილს, მოსყიდვის სხვადასხვა ფორმებს, ჰიპნოზსაც კი, ძველბიჭებს და კიდევ სხვა გარემოებებს, მაგრამ არა საკუთარ თავს, არა იმ ჩამოურეცხავ ლაქას, რომელიც მათ დაამჩნია წარსულმა. შალვა შავგულიძის მეშვეობით არა თუ ჩამოიცილეს მათ ეს ლაქები, არამედ მნიშვნელოვნად დაალაქავეს თავად შალვა შავგულიძე.

 

რაც შეეხება ჩემს პოლიტიკურ წარსულს, არათუ საკმაოდ ბევრია ჩვენს ქვეყანაში ასეთი ადამიანი, არამედ ღირსეულად ემსახურებიან ქვეყანას, არიან პატრიოტები და მათ თქვენგან განსხვავებით, ბატონო გიგა, ყავარჯნებით ხელში არ გაუუპატიურებია მამაკაცი, არ მოუკლავს ქუჩაში ახალგაზრდა, არ უწამებია და არ უქნევია ხელები ასეთი გამეტებით,“ - მიმართა ვოლსკიმ ბოკერიას.

 

მის ამ განცხადებას ოპოზიციონერი დეპუტატის გაღიზიანება მოჰყვა, რის შემდეგაც სხდომათა დარბაზში ისინი ერთმანეთს სიტყვიერად  დაუპირისპირდნენ.

როცა ასე ექცევი სასამართლოს, როცა გინდა აქციო შენს დაქვემდებარებულ უწყებად, ეს შიშის ბრალია. ემსგავსებით იმ ძალას, რომლის შესაცვლელად ჩვენ ძალიან ბევრი ვიბრძოლეთ. აღარ არის განსხვავება თქვენს შორის, - ასე მიმართა პარლამენტის დამოუკიდებელმა დეპუტატმა ეკა ბესელიამ პარლამენტის პლენარულ სხდომაზე მმართველი გუნდის წარმომადგენლებს და ლონდა თოლორაიას კანდიდატურა სახელმწიფო ინსპექტორის პოზიციაზე დაიწუნა.

 

დეპუტატის თქმით, თოლორაია ახლა წარმოადგენს იმ უწყებას, რომლის წინააღმდეგაც შესაძლოა, სისხლის სამართლებრივი დევნის დაწყებაც მოუწიოს, რაც ბესელიას შეფასებით, სახიფათოა.

 

„ჩანს ტენდენცია ძალოვანი უწყებებიდან სასამართლოში გადმოსვლის. ეს ტენდენცია არის სახიფათო, ამ ფონზე, როცა სახელმწიფო ინსპექტორის ახალ თანამდებობაზე შემოთავაზებულია კადრი, რომელიც არის იმ პროკურატურის წარმომადგენელი, რომლის გამოც ჩვენ საგამოძიებო მექანიზმის შექმნაზე რეკომენდაცია მივიღეთ 2013 წელს პარლამენტში და რისთვისაც ეს მექანიზმი შეიქმნა. დღეს ის წარმოადგენს შს სამინისტროს, რომლის თანამშრომლების შესაძლო დანაშაულზე შეიძლება ინსპექტორმა გამოძიება დაიწყოს, ეს იმის მაჩვენებელია, რომ უკან იდგმება ნაბიჯები. როგორც არ უნდა შეიფუთოს, რა სახელიც არ უნდა დაერქვას, ადამიანი წარმოადგენს სისტემას, რომლის წინააღმდეგაც მას მოუწევს სისხლის სამართლებრივი დევნის დაწყება. ინტერესთა კონფლიქტის მატარებელია ასეთი გადაწყვეტილებები. ეს არის შიშის გამოხატულება. მეშვიდე წელს ამ ცდუნებებს რომ ვერ უძლებს მმართველი პარტია, შიშის ბრალია, მაგრამ შიში ვერ დაძლევს იმ შედეგებს, რაც შეიძლება ამას მოჰყვეს. როცა ასე ექცევი სასამართლოს, როცა გინდა აქციო შენს დაქვემდებარებულ უწყებად, ემსგავსებით იმ ძალას, რომლის შესაცვლელად ჩვენ ძალიან ბევრი ვიბრძოლეთ. აღარ არის განსხვავება თქვენს შორის. არ ვაპირებთ ამას მშვიდად ვუყუროთ“, - განაცხადა ბესელიამ.

 

დღევანდელ პლენარულ სხდომაზე სახელმწიფო ინსპექტორის თანამდებობაზე ასარჩევ კანდიდატებს კენჭს უყრიან. ცნობისთვის, ერთ-ერთი კანდიდატი შს სამინისტროს ადამიანის უფლებათა დაცვის დეპარტამენტის ხელმძღვანელი ლონდა თოლორაიაა.

გთავაზობთ, არაკონსტიტუციურად გამოვაცხადოთ კომპარტია და „ნაციონალური მოძრაობა“ ერთად და მივმართოთ საკონსტიტუციო სასამართლოს ამასთან დაკავშირებით, - ამ სიტყვებით მიმართა პარლამენტის თავმჯდომარე ირაკლი კობახიძემ დეპუტატ გიორგი კანდელაკს, რომელმაც „ქართული ოცნება“ კომუნისტურ პარტიასთან გააიგივა და მასთან თანამშრომლობაში დაადანაშაულა.

 

ირაკლი კობახიძის აღნიშნული განცხადება გიორგი კანდელაკის გამოსვლას მოყვა.

 

„თუ კიდევ იყო დარჩენილი რამე კითხვა იმის შესახებ თუ ვინ დგას დავით გარეჯის ირგვლივ ბოლო ესკალაციის მიღმა, ვის სურს საქართველოს გაუფუჭდეს ურთიერთობები აზერბაიჯანთან, ვის სურს რუსეთის მიერ საქართველოს ტერიტორიების ოკუპაციიდან ფოკუსის გადატანა სხვაგან, ვის სურს წარმოჩენა იმის, რომ აზერბაიჯანიც „ოკუპანტია“, ვის სურს ჩვენი მოქალაქეების შეცდომაში შეყვანა, ვის სურს რუსეთის ინტერესების ასე დესტრუქციულად გატარება საქართველოში?! ყველა ამ კითხვას გაეცა პასუხი-„ქართულ ოცნებას“! იცით რატომ?! ის პოლიტიკური ძალა, რომელიც აწარმოებს კამპანიას ამ საკითხის ირგვლივ სიტუაციის კიდევ უფრო დაძაბვის მიზნით, ის პოლიტიკური ძალა, რომელიც საპრეზიდენტო არჩევენებზე გამოდიოდა „ქართულ ოცნებასთან“ საერთო ფრონტით, ის პოლიტიკური ძალა, რომელიც ღიად აჟღერებს კრემლის მესიჯებს საქართველოში, რომელიც ღიად გამოდის ნატოში გაწევრიანების წინააღმდეგ, რომელიც ღიად გამოდის სხვადასხვა საკითხებზე „ქართულ ოცნებასთან“ ერთად, „ქართულ ოცნებასთან“ ერთად ერთიანი ფრონტით. ამ პოლიტიკურ ძალასთან ბატონებო, თქვენ ხართ ერთ სულ და ერთ ხორც. „ქართული ოცნება“ და ეს პოლიტიკური ძალა არის ერთი და იგივე. ჩემი კოლეგები ქანთარია და ქაცარავა სხვადასხვა კონფერენციაზე გამოდიან და ლამაზ-ლამაზ სიტყვებს ამბობენ, როგორც სურს საქარათველოს ნატო-ში გაწევრიანება. ქალბატონო სოფო, თქვენც ინაწილებთ პასუხისმგებლობას ამ ყველაფერზე, იმიტომ რომ ეს პოლიტიკური ძალა და თქვენ მაგალითად საპრეზიდენტო არჩევნებზე ბევრ მნიშნელოვან საკითხზე გამოდიოდით ერთად, გამოდიოდით ერთიანი ფრონტით. ახლა დავით გარეჯში პრობლემა დგას საბჭოთა კავშირის გამო, იქ საზღვარი გაავლეს კომუნისტური პარტიის წევრებმა და არა აზერბაიჯანელებმა“, - განაცხადა გიორგი კანდელაკმა.

 

მან საპარლამენტო უმრავლესობის წევრებსაც მიმართა და კომუნისტური წარსული შეახსენა და აღნიშნა, რომ თუ უმრავლესობა საუბარს წარსულზე არ მიატოვებს, თავად ოპოზიციაც შეახსენებთ ცალკეულ დეპუტატებს კომუნისტურ პარტიასთან თანამშრომლობის წლებს.

 

„ასე, რომ თუ წარსულზე ისაუბრებთ, ჩვენც შეგახსენებთ და ყოველთვის თქვენ წარსულს, რომელშიც ემსახურებოდით საბჭოთა ოკუპანტებს, რომლებმაც გაავლეს ეს საზღვარი რომლის შედეგადაც გვაქვს დღეს ეს პრობლემა და რომლის აქტუალიზაციასაც ცდილობს თქვენი პარტნიორი, რომელიც თავის დროზე ლექსებს უძღვნიდა კომუნისტურ პარტიას“, - დასძინა კანდელაკმა

თქვენმა ერთ-ერთმა წარმომადგენელმა მითხრა, ისეთ ხალხთან ვიღებთ ვალდებულებებს, ამას რა მოჰყვება, არ ვიციო. გეტყვით, ამას მოჰყვება კრიმინალის ზრდა და უბედურება, რომელიც თქვენ ფეხებზე გკიდიათ და მერე სადღეგრძელოებს ყვებით აქ. თქვენი შს მინისტრი ღიმილისმომგვრელს უწოდებს ამ ყველაფერს. შეაშრება მას ეს ღიმილი სახეზე, გარწმუნებთ, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ პარლამენტის სესიაზე საარჩევნო დღის შეფასებისას განაცხადა.

 

დეპუტატმა საარჩევნო პროცესში კრიმინალური სამყაროს წარმომადგენლების შესაძლო ჩარევაზე ისაუბრა და მმართველი გუნდი მათთან ალიანსში დაადანაშაულა.

 

„არჩევნებზე ჩვენ ვიხილეთ ტრადიციული პაკეტი ივანიშვილის გუნდის - დაჭერილი ადამიანების ბედით ვაჭრობა, ადმინისტრაციული რესურსის გამოყენება, უბინძურესი კამპანია თქვენს პროპაგანდისტულ ლობებში, „იმედით“ დაწყებული სოცქსელებით გაგრძელებული და ა.შ. მინდა ყურადღება გავამახვილო კრიმინალური სამყაროს წარმომადგენლების გამოყენებაზე. როცა ჩვენ ეს ბრალდება დავაფიქსირეთ და ფაქტები წარმოვადგინეთ, მთელი პაკეტი მივიღეთ თქვენგან. რა თქმა უნდა, ადამიანებს, ვინც ნასამართლევია, უფლება აქვთ მონაწილეობა საარჩევნო პროცესში, ოღონდ თუ ირკვევა, რომ ადამიანი ჯერ ნასამართლევი იყო მკვლელობაში თანამონაწილეობაში, მერე მცდელობაში, შემდეგ ბრალი ჰქონდა წაყენებული ქურდული სამყაროს წევრობისთვის თქვენი მთავრობის დროს და ყველა ჯერზე „გამოძვრა“ იმიტომ, რომ ვთქვათ, კალაძის და დემეტრაძის მეგობარია, ყველა არჩევნებზე გვერდით გიდგათ, უბანში ყველას აშინებს - ხვდებით ახლა რა ალიანსს ვგულისხმობ? თქვენმა ერთ-ერთმა წარმომადგენელმა გული გადამიხსნა უბანზე, მითხრა, რომ ისეთ ხალხთან ვიღებთ ვალდებულებებს, ამას რა მოჰყვება, არ ვიციო. მე გეტყვით, ამას მოჰყვება კრიმინალის ზრდა და უბედურება, რომელიც თქვენ ფეხებზე გკიდიათ და მერე სადღეგრძელოებს ყვებით აქ. თქვენი შს მინისტრი ღიმილისმომგვრელს უწოდებს ამ ყველაფერს. შეაშრება მას ეს ღიმილი სახეზე, გარწმუნებთ. თქვენ აქ ხშირად საუბრობთ ხოლმე წარსულზე. რეჟიმზე. მინდა გკითხოთ, კომპარტიაზე დანაშაულებრივი რეჟიმი ფაშისტურის გარდა რომელი იყო? ვინც ჩვენი ქვეყნის დამოუკიდებლობა დაამხო, მილიონობით ადამიანი დახვრიტა, ვინც ბოლოსაც კი, 9 აპრილს მოქალაქეები დაარბია. თქვენ გყავთ ბატონი ვოლსკი, ცეკას ინსტრუქტორი, გყავთ ბატონი კოპალიანი, რომელიც გორკის პარტიულ სკოლაში წავიდა 9 აპრილის მერე, გყავთ გუგული მაღრაძე, ვის უკითხავთ თქვენ მორალს?“,- განაცხადა ბოკერიამ.

 

გიგა ბოკერიას აღნიშნულ განცხადებაზე მცირე რეპლიკა გააკეთა პარლამენტის თავმჯდომარემ და აღნიშნა, რომ მასზე პასუხის გაცემა არ ღირს.

 

„მემგონი საუკეთესო კომენტარი იქნება ამ გამოსვლის უკომენტაროდ დატოვება“-, აღნიშნა კობახიძემ.

თუ ჩვენ ახლა სახელმწიფო ინსპექტორად ავირჩევთ პიროვნებას, რომელიც დაკავშირებულია შს სამინისტროსთან და ძალოვან უწყებებთან, მაშინ სახელმწიფო ინსპექტორის იდეა სრულიად დისკრედიტებული იქნება, - ამის შესახებ დეპუტატმა გედევან ფოფხაძემ პარლამენტის პლენარულ სხდომაზე განაცხადა.

 

მან კოლეგებს მიმართა, რომ დღეს სახელმწიფო ინსპექტორის თანამდებობაზე ასარჩევ კანდიდატურასთან დაკავშირებით პრინციპული გადაწყვეტილება მიიღონ. მისი თქმით, ამ ინსტიტუტს არ ექნება ნდობა, თუ საზოგადოებას იმის განცდა ექნება, რომ სახელმწიფო ინსპექტორი არის უბრალოდ შსს-ს ჯიბის ინსპექტორი.

 

„დღეს ჩვენ გადაწყვეტილება უნდა მივიღოთ სახელმწიფო ინსპექტორის არჩევის თაობაზე. ძალიან მინდა, რომ ამ საკითხს ცოტა მეტი პრინციპულობით მივუდგეთ. როცა ჩვენ სახელმწიფო ინსპექტორის ინსტიტუტზე ვსაუბრობდით, ისედაც ბევრ კომპრომისზე წავედით. ჩვენ მაინც შევკვეცეთ სახელმწიფო ინსპექტორის ფუნქციები იმ დონეზე, რომ სრულფასოვანი ინსტიტუტი ვერ შევქმენით, მაგრამ ის, რაც არის, მაინც წინგადადგმული ნაბიჯია. თუმცა თუ ჩვენ ახლა სახელმწიფო ინსპექტორად ავირჩევთ პიროვნებას, რომელიც დაკავშირებულია შს სამინისტროსთან და ძალოვან უწყებებთან, მაშინ ეს იდეა იქნება სრულიად დისკრედიტებული. ამიტომ ძალიან პრინციპულად უნდა მივუდგეთ ამ საკითხს.

 

ადამიანის უფლებების დაცვა ერთ-ერთი მთავარ საკითხი იყო, როდესაც „ქართული ოცნება“ მოდიოდა ხელისუფლებაში და ახლა ეს საკითხი უკანა პლანზე გადადის. ხშირ შემთხვევაში ვხედავთ, რომ ვიმეორებთ წინა ხელისუფლების განვლილ გზას, რომლის მიმართაც ჩვენთვითონ გვქონდა პრეტენზიები. როცა დანაშაული ხდება, რომელსაც სამართალდამცავი სტრუქტურების წარმომადგენელი ჩადის, ამ გამოძიების მიმართ არ იქნება ნდობა, თუ საზოგადოებას ექნება ინფორმაცია, რომ სახელმწიფო ინსპექტორი არის უბრალოდ შსს-ს ჯიბის ინსპექტორი,“ - განაცხადა გედევან ფოფხაძემ.

 

დღევანდელ პლენარულ სხდომაზე სახელმწიფო ინსპექტორის თანამდებობაზე ასარჩევ კანდიდატებს კენჭს უყრიან. ცნობისთვის, ერთ-ერთი კანდიდატი შს სამინისტროს ადამიანის უფლებათა დაცვის დეპარტამენტის ხელმძღვანელი ლონდა თოლორაიაა.

რა ძველბიჭობაზე ლაპარაკობთ იმის შემდეგ, როდესაც თქვენ თავად ხართ ძველბიჭური მენტალიტეტის განსახიერება, - ასე მიმართა საპარლამენტო უმრავლესობის ლიდერმა არჩილ თალაკვაძემ ოპოზიციონერ კოლეგებს, რომლებმაც ხელისუფლება არჩევნებში კრიმინალური ავტორიტეტების გამოყენებაში დაადანაშაულეს.

 

თალაკვაძის თქმით, ყველა, ვინც წინა ხელისუფლების წარმომადგენლებთან ერთად დადგება, წაგებისთვის არის განწირული.

 

„ამ არჩევნებმა კიდევ ერთხელ გვაჩვენა, რომ თქვენ ხართ ტოქსიკური პოლიტიკური ძალა. სხვა არაფერი შეიძლება ამას დაერქვას. ვინც თქვენს გვერდით დადგება, ის განწირულია წაგებისთვის. ვინც შალვა შავგულიძის მსგავსად, მომავალში მიიღებს გადაწყვეტილებას, რომ თქვენს გვერდით დადგეს და არჩევნები მოიგოს, მათ მინდა ვუთხრა, რომ თქვენ ხართ ტოქსიკური ძალა და თქვენთან ერთად მოგებაზე კი არ უნდა იფიქროს ადამიანმა, არამედ, ყველაზე მცირე რა შედეგს მიიღებს - ამაზე. ეს არჩევნები რომ თავისუფლად ჩატარდა, ამას ადასტურებს ხმები, რომელიც მაინც მიიღეთ. მხოლოდ თავისუფალ არჩევნებში შეიძლება, რომ თქვენნაირმა ტოქსიკურმა ძალამ რამე მხარდაჭერა მიიღოს და კიდევ პრეტენზია ნუ გაქვთ ახლა არჩევნებთან დაკავშირებით.

 

ძველ ბიჭებზე თქვენ ლაპარაკობთ? თქვენი ტერმინოლოგია, ფრაზები და დამოკიდებულება კოლეგების მიმართ - ეს არის ძველბიჭური მენტალიტეტი, რისი დემონსტრირებაც პარლამენტში ჩვენს თვალწინ გააკეთეთ. რა ძველბიჭობაზე ლაპარაკობთ იმის შემდეგ, როდესაც თქვენ თავად ხართ ძველბიჭური მენტალიტეტის განსახიერება,“ - მიმართა თალაკვაძემ ოპოზიციას.

პარლამენტის სხდომათა დარბაზში ხმაურია. ერთმანეთს სიტყვიერად ვიცე-სპიკერი გია ვოლსკი და „ევროპული საქართველოს“ ერთ-ერთი ლიდერი გიგა ბოკერია დაუპირისპირდნენ. ინციდენტი გია ვოლსკის სიტყვით გამოსვლისას მოხდა, რა დროსაც გიგა ბოკერიამ რეპლიკა წარმოთქვა.

 

„შე ყეყეჩო ადამიანო შენა, გიგა ბოკერია“- ამ რეპლიკით მიმართა გია ვოლსკიმ „ევროპული საქართველოს“ ერთ-ერთ ლიდერს გიგა ბოკერიას. მანამდე ვოლსკიმ პარალმენტში სიტყვით გამოსვლისას განაცხადა, რომ მისგან განსხვავებით მამაკაცი ყავარჯნით არ გაუუპატიურებია, ახალგაზრდა ქუჩაში არ მოუკლავს და არ უწამებია.

 

ვოლსკის ამ განცხადებას ადგილიდან გიგა ბოკერიამ რეპლიკებით უპასუხა. ბოკერიამ ვოლსკის „ცეკას“ ინსტრუქტორი და ვიგინდირა უწოდა. სიტყვიერი დაპირისპირება დეპუტატებს შორის რამდენიმე წუთის განმავლობაში გაგრძელდა.

 

ამ წუთებში პარლამენტის პლენარულ სხდომაზე დეპუტატები პოლიტიკურ განცხადებებს აკეთებენ.

იპოთეკური სესხებით თუ ყიდულობდა ბინას 80%, ახლა არავის გასჩენია შემოსავალი, რომ სესხის გარეშე იყიდოს ბინა. რადგანაც ბინების გასხვისების ტრანზაქციები არ მცირდება, ე.ი. ამან სადღაც გადაინაცვლა. გაგვიმეორდება „ცენტრ პოინტი“, - ამის შესახებ პარლამენტის დამოუკიდებელმა დეპუტატმა დავით ჭიჭინაძემ, საფინანსო-საბიუჯეტო კომიტეტის სხდომაზე განაცხადა, სადაც ეროვნული ბანკის ანგარიში მოისმინეს.

 

როგორც დეპუტატმა განაცხადა, რეალურად, ადამიანები ბინებს ბანკის იპოთეკური სესხით ვერ ყიდულობენ, თუმცა გარკვეულმა სამშენებლო კომპანიებმა შიდა განვადების მექანიზმი აამოქმედეს, რომელიც მომხმარებელს დამატებით რისკებს უჩენს.

 

აღნიშნულზე პასუხისმგებლობა დავით ჭიჭინაძემ ეროვნულ ბანკს დააკისრა და აღნიშნა, რომ რეგულაციებით ე.წ. ხვრელები გაჩნდა.

 

„ჩვენ, პრინციპში, რეგულაციებით ავკრძალეთ სესხების გაცემა ბანკების მხრიდან, რადგან ვებრძოდით იმას, რომ არ ყოფილიყო სესხები გაცემული. ბევრი ტრანზაქცია არ რეგისტრირდება საჯარო რეესტრში, თქვენ ამას როგორ აკონტროლებთ? არის ძალიან ბევრი თანხა, რომელიც შედის და რეგისტრირდება უკვე საჯარო რეესტრში, თქვენ მოცულობას ვერ ხედავთ სესხებისას. იპოთეკური სესხებით თუ ყიდულობდა ბინას 80%, დამერწმუნეთ არავის გასჩენია შემოსავალი, რომ იპოთეკური სესხის გარეშე ეყიდოს ბინა. რადგანაც ბინების გასხვისების ტრანზაქციები არ მცირდება, ე.ი. ამან სადღაც გადაინაცვალა. როგორ იცავთ იმ მომხმარებელს, რომელიც არ ჩანს?“, - განაცხადა ჭიჭინაძემ.

 

დეპუტატის თქმით, საბანკო რეგულაციებში გარკვეული ცვლილება უნდა შევიდეს, ან სამშენებლო კომპანიებს შიდა განვადების ვადები უნდა შეუმცირდეთ.

 

,,ვფიქრობ, ან დავაბრუნოთ გამარტივებული პირობებით იპოთეკური სესხების გაცემა, მივცეთ ბანკებს უფლება გასცენ იპოთეკური სესხები, ან ავუკრძალოთ დეველოპერებსაც შიდა განვადების სესხის გაცემა, შევუზღუდოთ ვადა თუნდაც. არ შეიძლება 10-წლიანი განვადებები არსებობდეს, ეს აღარ არის განვადება. არ შეიძლება ვიღაცის გადახდილი ფული რისკის ქვეშ დავაყენოთ. გაგვიმეორდება „ცენტრ პოინტი“. ამიტომ, თუ გაართულეთ სესხი, კეთილი ინებეთ და ესეც ჩაკეტეთ. რას ვერჩოდით მაშინ იმ ადამიანებს, ვინც ბანკში მიდიოდა? ვისაც ოდნავ პატიოსნება ადარდებს და ყველაფერს თავის სახელს არქმევს, ის ყოველთვის წაგებული რჩება. ხვრელებს ვაჩენთ ყველაფერთან მიმართებაში. ეკონომიკა ასე არ კეთდება“,- განაცხადა ჭიჭინაძემ.

ექსკლუზიური

არქივი

« « » » June 2019
Mon Tue Wed Thu Fri Sat Sun
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?