Global Press

Georgia

Global PressGlobal PressGlobal PressGlobal Press

USD
3.0594
EUR
3.4507
RUR
0.043
GBP
3.835

პირი, რომელიც გიორგი შაქარაშვილის გაუჩინარების ღამეს, მის მეგობარ გური ამირხანაშვილს დიდუბეში ხვდება და რამდენიმე წუთის განმავლობაში ესაუბრება, ლაშა ლურსმანაშვილია. ამის შესახებ "ინტერპრესნიუსისთვის" ექსკლუზიურად გახდა ცნობილი. სააგენტოს მიერ მოპოვებული ინფორმაციით, ლურსმანაშვილი ხაშურის მკვიდრია.

 

აღსანიშნავია, რომ ლურსმანაშვილი ამ წუთებში შინაგან საქმეთა სამინისტროში, გამოკითხვაზე იმყოფება.

 

ცნობისთვის, ტელეკომპანია „მთავარმა არხმა“ გაავრცელა ვიდეომასალა, სადაც ჩანს, „ტოიოტა ქამრის“ მარკის ავტომანქანიდან ჩამოსვლის შემდეგ თუ როგორ ხვდება გურამ ამირხანაშვილი დაუდგენელ პირს. კადრებში ასევე ჩანს მიკროავტობუსი, საიდანაც სწორედ აღნიშნული პირი ჩამოდის. ის ამირხანაშვილს რამდენიმე წუთის განმავლობაში ესაუბრება.

 

ავთანდილ ბილანიშვილის, იგივე „კაწროს“ ადვოკატის, თამარ აბესაძის განცხადებით, საგამოძიებო ორგანომ თეთრპერანგიანი მამაკაცის ვინაობა დაადგინა, რომელიც გურამ ამირხანაშვილს შეხვდა. აღნიშნულის შესახებ აბესაძემ გამოკითხვის დასრულების შემდეგ ჟურნალისტებს განუცხადა. საგამოძიებო ორგანო თავად ავთანდილ ბილანიშვილმა ისე დატოვა, რომ მას ჟურნალისტებთან კომენტარი არ გაუკეთებია.

 

„ავთანდილ ბილანიშვილმა მოიხადა მისი მოქალაქეობრივი ვალი, გავრცელებული ამაზრზენი ინფორმაციის საპასუხოდ, გამოცხადდა სამინისტროში, წარედგინა ის მტკიცებულებები, ტელეფონის დეტალური ამონაწერი, ასევე სხვა მტკიცებულებები, რითაც დასტურდება, რომ ავთანდილ ბილანიშვილი იმ დროს, იმ პერიოდში იქ არ იმყოფებოდა, საერთოდ არ გასულა უბნიდან.

 

მინდა გაცნობოთ, რომ ზუსტად ამ წუთებში, სამინისტრომ, გამომძიებლებმა დაადგინეს ის პირი, თეთრპერანგიანი პირი, რომელზეც „მთავარი არხი“ ამბობდა, რომ ეს არის „კაწრო“. სახელი და გვარი ჩემთვის უცნობია.

 

ბილანიშვილი არცერთს არ იცნობს, არ აქვს მათთან შეხება და კონტაქტი, ავთანდილ ბილანიშვილმა დაამტკიცა თავისი უდანაშაულობა იმაში, რომ იქ არ ყოფილა“, - განაცხადა აბესაძემ.

 

ცნობისთვის, გიორგი შაქარაშვილის საქმეზე, ავთანდილ ბილანიშვილი გამოკითხვაზე დღეს დაიბარეს. ის საგამოძიებო უწყების კითხვებს დაახლოებით, 5 საათი პასუხობდა.

ავთანდილ ბილანიშვილის, იგივე "კაწროს" ადვოკატის თამარ აბესაძის ინფორმაციით, პირი, რომელიც მედიით გავრცელებულ ვიდეოკადრებში ფიგურირებს ამ წუთებში შსს-ში გამოკითხვაზე იმყოფება. ამის შესახებ ადვოკატმა ჟურნალისტებს შსს-სთან განუცხადა.

 

"ის პიროვნება არის "კაწრო" მეორე, ის ახლა გამოკითხვაზეა", - აღნიშნა თამარ აბესაძემ, ავთანდილ ბილანიშვილის გამოკითხვის დასრულების შემდეგ.

 

მისივე განცხადებით, ვინ არის ე.წ. კაწრო მეორე, ამის შესახებ არ იცის.

 

შინაგან საქმეთა სამინისტროში ფეხბურთელ გიორგი შაქარაშვილის საქმეზე, ავთანდილ ბილანიშვილის, იგივე "კაწროს" გამოკითხვა რამდენიმე საათის განმავლობაში გრძელდებოდა.

 

როგორც ადვოკატმა ჟურნალისტებთან გამოკთხვის დასრულების შემდეგ განაცხადა, ავთანდილ ბილანიშვილმა გამომძიებელს განუმარტა, რომ ის არ ფიგურირებს გავრცელებულ კადრებში, ასევე წარადგინა მტკიცებულებები, რომლითაც დასტურდება, რომ იქ არ იმყოფებოდა.

პოლიციამ ოჯახის წევრების მიმართ განხორციელებული მუქარის, ოჯახში ძალადობის, ცეცხლსასროლი იარაღისა და საბრძოლო მასალის უკანონო შეძენა-შენახვის ბრალდებით თელავის საკრებულოს დეპუტატი მიხეილ გრემელაშვილი დააკავა.

 

როგორც უწყების მიერ გავრცელებულ ინფორმაციაშია ნათქვამი, შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, 1980 წელს დაბადებული მ. გ. ოჯახის წევრების მიმართ განხორციელებული მუქარისა და ოჯახში ძალადობის, ასევე, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით დააკავეს.

 

უწყების ინფორმაციით, გამოძიებით დადგინდა, რომ მ.გ. თავის სახელზე რეგისტრირებული, „ტეტე“-ს სისტემის ცეცხლსასროლი იარაღის დემონსტრირებით, სიცოცხლის მოსპობით დაემუქრა მეუღლესა და შვილებს, ასევე ფიზიკურად იძალადა მათზე. სამართალდამცველებმა, მ.გ.-ს საცხოვრებელი ბინის ჩხრეკისას, კალაშნიკოვის სისტემის უკანონოდ შენახული ცეცხლსასროლი იარაღი ამოიღეს.

 

გამოძიება ოჯახის წევრების მიმართ განხორციელებული მუქარის, ოჯახში ძალადობის, ასევე, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტებზე საქართველოს სისხლის სამართლის კოდექსის 11 პრიმა-151-ე მუხლის 1-ლი ნაწილით, 126-ე პრიმა მუხლის მე-2 ნაწილის „ა“ ქვეპუნქტითა და 236-ე მუხლის მე-3 ნაწილით მიმდინარეობს.

 

დანაშაული 4-დან 6 წლამდე ვადით თავისუფლების აღკვეთას ითვალისწინებს.

შინაგან საქმეთა სამინისტროში ფეხბურთელ გიორგი შაქარაშვილის საქმეზე, ავთანდილ ბილანიშვილის, იგივე "კაწროს" გამოკითხვა დასრულდა.

 

როგორც ადვოკატმა ჟურნალისტებთან განაცხადა, ავთანდილ ბილანიშვილმა გამომძიებელს განუმარტა, რომ ის არ ფიგურირებს გავრცელებულ კადრებში.

 

მისივე თქმით, ამ დროისთვის გამოკითხვის პროცედურა დასრულებულია.

 

"რა თქმა უნდა, საქმე შსს-ს ჰქონდა შესწავლილი. ავთანდილ ბილანიშვილი გამოკითხვაზე იმიტომ დაიბარეს, რომ ნიკა გვარამიამ თქვა ასე",- განაცხადა თამარ აბესაძემ.

 

შინაგან საქმეთა სამინისტროში ფეხბურთელ გიორგი შაქარაშვილის საქმეზე, ავთანდილ ბილანიშვილის, იგივე "კაწროს" გამოკითხვა რამდენიმე საათის განმავლონაში მიმდინარეობდა. კერძოდ, ის გამოკითხვაზე მედიაში გავრცელებული ინფორმაციის საფუძველზე იყო დაბარებული.

 

"კაწრო" საგამოძიებო უწყებაში ადვოკატთან ერთად იმყოფებოდა. მისი გამოკითხვის შესახებ "ინტერპრესნიუსისთვის" ექსკლუზიურად გახდა ცნობილი.

 

ცნობისთვის, 7 ივლისს, ტელეკომპანია „მთავარმა არხმა“ გაავრცელა ვიდეომასალა, სადაც ჩანს, „ტოიოტა ქამრის“ მარკის ავტომანქანიდან ჩამოსვლის შემდეგ თუ როგორ ხვდება გურამ ამირხანაშვილი დაუდგენელ პირს. კადრებში ასევე ჩანს მიკროავტობუსი, საიდანაც სწორედ აღნიშნული პირი ჩამოდის. ის ამირხანაშვილს რამდენიმე წუთის განმავლობაში ესაუბრება. სავარაუდოდ, აღნიშნული პირი ავთანდილ ბილანიშვილია.

ცოტა განგაშის ზარი შემოსაკრავია იმიტომ, რომ ძაღლებში, ქუჩაში, თბილისში გამოჩნდა ცოფის შემთხვევები , - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა.

 

მისი თქმით, იმის გამო, რომ ცოფი 100%-ით სასიკვდილო დაავადებაა, ერთი შემთხვევის დაფიქსირებაც კი საგანგაშო ხდება.

 

"მოგეხსენებათ ცოფი არის 100%-ით სასიკვდილო დაავადება და მისი ერთი შემთხვევაც ჩვენთვის განგაშია ხოლმე. სამწუხაროდ, შარშან გვქონდა ერთი შემთხვევა ცოფის, რომელიც იყო ადამიანში, რომელიც იყო ჩვენ მიერ, სამწუხაროდ, არაკონტროლირებადი ტერიტორიიდან შემოტანილი შემთხვევა. შარშანწინ გვქონდა-2 შემთხვევა, იმის წინ - 2015, 2016, 2017 წლებში არც ერთი შემთხვევა არ გვქონია და ძალიან დიდი მიღწევა იყო და მადლობას ვუხდიდი ჩვენს კოლექტივს, NCDC-მ სერიოზული როლი ითამაშა მაშინ ამ საკითხში, ისევე როგორც რადიოლოგებმა და, რა თქმა უნდა, მთელმა სისტემამ.

 

წელს ჯერჯერობით არც ერთი შემთხვევა ადამიანში ჰიდროფობიის არ გვაქვს, მაგრამ ერთ-ერთ ჩემს გამოსვლაში აღვნიშნე, რომ ცოტა განგაშის ზარი შემოსაკრავია იმიტომ, რომ ძაღლებში, ქუჩაში, თბილისში გამოჩნდა ცოფის შემთხვევები. ახალი განკარგულება მოვამზადეთ ამისთვის ჩვენ, მთავრობის დადგენილება და იმედია, რომ მას მალე მიეცემა მსვლელობა, რათა სამმა მთავარმა უწყებამ - ჯანდაცვამ, ვეტერინარიის უწყებამ და ადგილობრივმა ხელისუფლებამ, ვაკონტროლოთ ეს საკითხი“, - განაცხადა გამყრელიძემ.

ლიეტუვას რადიოსა და ტელევიზიის კომისიამ ქვეყანაში რუსული ტელეკომპანია Russia Today-ს მაუწყებლობა აკრძალა. ინფორმაციას ამის შესახებ Baltic News Service-ი ავრცელებს.

 

როგორც კომისიაში აღნიშნეს, Russia Today-ს მაუწყებლობა ტელეკომპანიის დიმიტრი კისილიოვთან კავშირების გამო აიკრძალა, რომელიც ევროკავშირის სასანქციო სიაშია შეყვანილი.

 

კომისიის გადაწყვეტილება 9 აგვისტოდან ამოქმედდება. აღსანიშნავია, რომ მანამდე Russia Today-ს მაუწყებლობა ლატვიაშიც აიკრძალა.

შინაგან საქმეთა სამინისტროში ფეხბურთელ გიორგი შაქარაშვილის საქმეზე, ავთანდილ ბილანიშვილის, იგივე "კაწროს" გამოკითხვა დაიწყო.

 

"კაწრო" საგამოძიებო უწყებაში ცოტა ხნის წინ, ადვოკატთან ერთად მივიდა.

 

როგორც "გლობალპრესს" შინაგან საქმეთა სამინისტროში განუცხადეს, "ავთანდილ ბილანიშვილი გამოკითხვაზე დაბარებულია მედიაში გავრცელებული ინფორმაციის საფუძველზე".

 

ცნობისთვის, გუშინ, ტელეკომპანია „მთავარმა არხმა“ გაავრცელა ვიდეომასალა, სადაც ჩანს, „ტოიოტა ქამრის“ მარკის ავტომანქანიდან ჩამოსვლის შემდეგ თუ როგორ ხვდება გურამ ამირხანაშვილი დაუდგენელ პირს. კადრებში ასევე ჩანს მიკროავტობუსი, საიდანაც სწორედ აღნიშნული პირი ჩამოდის. ის ამირხანაშვილს რამდენიმე წუთის განმავლობაში ესაუბრება. სავარაუდოდ, აღნიშნული პირი ავთანდილ ბილანიშვილია.

ლონდონის ქუჩებში თვითიზოლაციის რეჟიმის გაუქმების შემდეგ ქალებმა საცვლების ჩვენება გამართეს. ამის შესახებ Daily Mail წერს.

 

შოუს ორგანიზატორი თეთრეულის ბრენდო Bluebella გახდა. ჩვენებისთვის სხეულის განსხვავებული აგებულების 6 მოდელი შეარჩიეს. მათ შორის სტუდენტები, მსახიობები და იურისტი.

 

მოდელებმა ლონდონის ქუჩებში ჩვენება დისტანციის დაცვით გამართეს.

 

„ჩვენი შოუ კორონავირუსის კარანტინის გამო გადაიდო. როგორც კი რეგულაციები გაუქმდა ჩვენება გავმართეთ“, - აცხადებს Bluebella-ს დირექტორი ემილი ბენდელი.

მონტენეგრომ საქართველო იმ ქვეყნების სიაში შეიყვანა, საიდანაც ჩამსვლელებს დამატებითი შეზღუდვები არ დაუწესდებათ. სახელმწიფოების სია მონტენეგროს საზოგადოებრივი ჯანმრთელობის ინსტიტუტის ვებგვერდზე გამოქვეყნდა.

 

ევროკავშირის ქვეყნების გარდა მასში კიდევ 50 სახელმწიფო მოხვდა, საიდანაც მონტენეგროში ჩასულებს არც კორონავირუსზე ტესტის შედეგის წარდგენა მოუწევთ და არც კარანტინის გავლა.

 

დანარჩენი ქვეყნებიდან მონტენეგროში ჩასასვლელად სავალდებულო იქნება კარანტინის გავლა.

კამბოჯის ერთ-ერთ ყველაზე პოპულარულ ტურისტულ დანიშნულებაში, ქალაქ სიემ რიპში ძაღლის ხორცით ვაჭრობა აიკრძალა. ამის შესახებ France 24 იტყობინება.

 

გამოცემის ინფორმაციით, პროვინცია, სადაც ქვეყნის ყველაზე ცნობილი ღირშესანიშნაობა, კომპლექსი ანგკორ-ვატი მდებარეობს, ქვეყანაში ძაღლის ხორცით ვაჭრობის ცენტრს წარმოადგენდა, ამიტომ ცხოველთა უფლებების დამცველი ორგანიზაციები გადაწყვეტილებას მიესალმებიან და იმედს გამოთქვამენ, რომ სიემ რიპის მაგალითს მალე მთელი კამბოჯა გაიზიარებს.

 

კანონმდებლობა აკრძალვის დარღვევისთვის ჯარიმას ითვალისწინებს: 5 წელი ციხეში და ფულადი ჯარიმა 1 700-დან 12 200 აშშ დოლარამდე.

 

აზიის ქვეყნებში ძაღლის ხორცი პროტეინის იაფფასიან წყაროს წარმოადგენს. კამბოჯაში ყოველწლიურად ხორცის გამო 3 მილიონამდე ძაღლს ხოცავენ. სიემ რიპში ძაღლის ხორცისგან დამზადებული კერძების დაგემოვნება 20 რესტორანში შეიძლებოდა. მათი ფასი 2.5-დან 10 აშშ დოლარამდე მერყეობს.

 

რამდენიმე დღის წინ ძაღლის ხორცით ვაჭრობა ინდოეთის ერთ-ერთ შტატშიც აკრძალეს.

საჰაერო მიმოსვლის გახსნა სწორი გადაწყვეტილებაა, - ამის შესახებ „ევროპული საქართველოს“ წევრმა, გიორგი კანდელაკმა განაცხადა.

 

მისი თქმით, მთავრობამ უნდა გააფართოვოს ქვეყნების ჩამონათვალი, ვისთანაც საქართველო საზღვრებს ხსნის.

 

„გაიხსნას რეგულარული საჰაერო მიმოსვლა ევროკავშირის 5 სახელმწიფოსთან ეს სწორედ ისაა, რისკენაც დიდი ხანია ჩვენ მთავრობას მოვუწოდებდით. მაგრამ ამავე დროს ეს არის დაგვიანებული ნაბიჯი. უამრავ ადამიანს, ბიზნესს უკვე მიადგა ძალიან სერიოზული ზარალი ამ გაურკვევლობის და იმის გამო, რომ ბოლო დღეებში მთავრობამ შექმნა მოლოდინი, რომ ფრენები საერთო არ გაიხსნებოდა. გუშინაც კი გვესმოდა გაჯიქებული განცხადებები მთავრობის მხრიდან, ამის მიუხედავად სწორია გახსნის შესახებ გადაწყვეტილება. ზარალი რომელიც უკვე მიიღო ტურისტულმა სექტორმა ამ გაურკვევლობის გამო არის მნიშვნელოვანი, ამავე დროს გაურკვეველია რატომ ვთხოვთ საქართველოს მოქალაქეებს გაიარონ 14-დღიანი კარანტინი იმ შემთხვევაში, თუ ისინი იმყოფებოდნენ ევროკავშირის იმ სახელმწიფოებში, რომელთანაც გახსნილი გვაქვს საზღვრები. ეს დისკრიმინაციაა და მოვუწოდებ მთავრობას შეცვალონ ეს გადაწყვეტილება.

 

მოვუწოდებ მთავრობას, რომ გააფართოვოს ქვეყნების ჩამონათვალი, ვისთანაც ვხსნით საზღვრებს. გაუგებარია, რატომ არაა ამ ჩამონათვალში, მაგალითად, პოლონეთი, რადგან ჩვენი ტურისტული სექტორისთვის ეს ძალიან მნიშვნელოვანი ქვეყანაა. ამავე დროს მოვუწოდებ მთავრობას რეგულაციებით გახსნას სახმელეთო საზღვარი თურქეთთან რადგან იქ საქართველოს ბევრი მოქალაქე მუშაობს“, - განაცხადა გიორგი კანდელაკმა.

ექსკლუზიური

არქივი

« « » » ივლისი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?