Global Press

Georgia

Global PressGlobal PressGlobal PressGlobal Press

USD
3.4324
EUR
4.145
RUR
0.0463
GBP
4.7776

„სასაცილოდ და ინფანტილურად გამოიყურება ენმ-ის პოზიცია - ამ გაუგებრობაში ჩემი ადგილი აღარაა, წარმატებები - ამის შესახებ სოციალურ ქსელში ოპოზიციონერი პოლიტიკოსი სალომე სამადაშვილი წერს.

 

როგორც სამადაშვილი აღნიშნავს, მელიას გათავისუფლების შემდეგ, თავად აპირებენ პარლამენტში შესვლას.

 

„სასაცილოდ და ინფანტილურად გამოიყურება ენმ-ის პოზიცია-მელიას გამოშვების გარეშე არ მოვაწერთ ხელს ამ დოკუმენტს, მაგრამ სხვებმა მოაწერონ, მელია და რურუა გამოაშვებინონ, მერე, ვინც მოაწერს, იმათ "მოღალატეს" დავუძახებთ”. ოღონდ, მელიას გამოსვლის შემდეგ, თვითონაც აპირებენ პარლამენტში შემოსვლას. უხერხულია, მხოლოდ ამას ვიტყვი. ტალახს მაინც არ ვისვრი. ამ გაუგებრობაში ჩემი ადგილი აღარაა. წარმატებები”, - წერს სალომე სამადაშვილი „ფეისბუქზე“.

 

ცნობისთვის, ევროპული საბჭოს პრეზიდენტის შარლ მიშელის დოკუმენტს სალომე სამადაშვილმა ინდივიდუალურად მოაწერა ხელი.

 

ცნობისთვის, მანამდე სოციალურ ქსელში "ნაციონალური მოძრაობის" ერთ-ერთმა ლიდერმა დაწერა, რომ სალომე სამადაშვილი არ წარმოადგენს „ნაციონალურ მოძრაობას“ და მისი ნაბიჯი არ გამოხატავს იმ პოზიციას, რაც პარტიის პოლიტიკურ საბჭოს აქვს.

დღეს დემოკრატიის გაძლიერებისკენ უმნიშვნელოვანესი ნაბიჯი გადავდგით. ეს საქართველოს გამარჯვებაა!", - ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელში წერს.

 

მთავრობის მეთაური შარლ მიშელის დოკუმენტზე - „საქართველოს წინსვლის გზა" ხელისუფლებასა და ოპოზიციური პარტიების ნაწილს შორის მიღწეულ შეთანხმებას ეხმაურება.

 

"დღეს დემოკრატიის გაძლიერებისკენ უმნიშვნელოვანესი ნაბიჯი გადავდგით. ეს საქართველოს გამარჯვებაა!

 

უპრეცედენტო თანადგომისთვის მადლობას ვუხდით პრეზიდენტ მიშელს, აშშ-ს ელჩ ქალბატონ დეგნანს, ევროკავშირის ელჩს ბატონ ჰარცელს, ბატონ დანიელსონს, ყველას ვინც დაუღალავად იშრომა დღევანდელი შეთანხმებისთვის.

 

რაც მთავარია, მადლობა ქართველ ხალხს, რომელიც ასე მოთმინებით ელოდა პოლიტიკური მოლაპარაკებების დასრულებას.

 

ახლა ჩვენი ყველას ძალისხმევა უნდა მივმართოთ ქვეყნის წინაშე მდგარი მთავარი გამოწვევების გადასაჭრელად", - წერს ირაკლი ღარიბაშვილი.

სალომე სამადაშვილი არ წარმოადგენს „ერთიან ნაციონალურ მოძრაობას“ და მისი ეს ნაბიჯი არ გამოხატავს იმ სულისკვეთებასა და პოზიციას, რაც აქვს ენმ-ის პოლიტიკურ საბჭოს, - ამის შესახებ „ერთიანი ნაციონალური მოძრაობის“ წევრი, გიორგი ბარამიძე სოციალურ ქსელში წერს.

 

როგორც ბარამიძე აღნიშნავს, საქართველოს პარლამენტი, სადაც პოლიტიკური პარტიების წევრები შევლენ, ქართველი ხალხის უმრავლესობის პოლიტიკურ ნებას არ გამოხატავს.

 

„ენმ-ის ბევრი წევრი და მხარდამჭერი გვეკითხება, სალომე სამადაშვილი ახლა ვისი სახელით დგას ეგრეთ წოდებული პრეზიდენტის სასახლეში? მინდა, გარკვევით ყველას კიდევ ერთხელ ვუთხრა (ქალბატონმა სამადაშვილმა თვითონაც განმარტა), რომ ის არ წარმოადგენს „ერთიან ნაციონალურ მოძრაობას“ და მისი ეს ნაბიჯი არ გამოხატავს იმ სულისკვეთებასა და პოზიციას, რაც აქვს ენმ-ის პოლიტიკურ საბჭოსა და წევრთა და მხარდამჭერთა აბსოლუტური უმრავლესობის აზრს.

 

სადაც ეს ხალხი შედის, ვინც იქ დგას, ის არაა საქართველოს პარლამენტი, რომელიც გამოხატავს ქართველი ხალხის უმრავლესობის პოლიტიკურ ნებას, არამედ ეს ორგანო არის ოლიგარქ ივანიშვილის მიერ, გაყალბებისა და ძალადობის გზით, ხელისუფლების უზურპაციის ინსტრუმენტი.

 

სანამ პოლიტპატიმრები (ნიკა მელია, გიორგი რურუა) არ გათავისუფლდებიან, სანამ პოლიტიკური დევნა არ შეწყდება (მიხეილ სააკაშვილი, ნიკა გვარამია, ავთო წერეთელი და სხვები) პოლიტიკოსებისა და მედია მფლობელების მიმართ, სანამ არ გვექნება ისეთი საარჩევნო სისტემა და ადმინისტრაცია, რომლის პირობებში არჩევნების გაუყალბებლად ჩატარების საფუძვლიანი იმედი შეიძლება გვქონდეს, იქამდე ჩვენი მშვიდობიანი ბრძოლა უზურპატორი ოლიგარქის რეჟიმის წინააღმდეგ გაგრძელდება“, - წერს ბარამიძე.

ჩემი და გიორგი ვაშაძის პოლიტიკური გზები ძალაუნებურად გაიყო - ჩვენ, ადამიანურად მეგობრებად ვრჩებით, მაგრამ არანაირად არ ვემხრობით ერთმანეთს, - ამის შესახებ  პარტიის “კანონი და სამართალი“ ლიდერმა თაკო ჩარკვიანმა განაცხადა, რომელიც 2020 წლის საპარლამენტო არჩევნებში “სტრატეგია აღმაშენებლის“ საარჩევნო ბლოკით მონაწილეობდა.

 

ჩარკვიანი შარლ მიშელის ეგიდით გამოქვეყნებულ დოკუმენტზე ხელმოწერას “პროცესის ღალატად“ აფასებს და ამბობს, რომ “როცა “ქართული ოცნება“ ჩამოშლის პროცესშია, ოპოზიცია მას არ უნდა შეყუდებოდა“.

 

მისივე თქმით, დოკუმენტი ბუნდოვანია და მასზე ხელმოწერა იგივე წყალში შესვლას ნიშნავს.

 

“ჩვენ აშშ-ს სენატში გვითხრეს, რომ სასამართლო კლანია და ქვეყანაში ოლიგარქიული მმართველობაა. ვეძებ დოკუმენტს, რომელიც გამოსავალს მომაძებნინებს. წარმოდგენილი დოკუმენტით ხუთი წელი მთავარ პროკურორს ვერ ცვლი, ცესკოს თავმჯომარე თამარ ჟვანია არ იცლება. რამდენჯერ მოგისმენიათ ჩემგან და გიორგი ვაშაძისგან ციფრული ტექნოლოგიების დანერგვის შესახებ. ამ დოკუმენტში მსგავსი არაფერი წერია და ვერც მოესწრება. მართლა მაინტერესებს, ვის ვატყუებთ - საკუთარ თავს თუ ხალხს?! რომ დამენახა, რომ სისტემური რეფორმები შესაძლებელია, რაღაცაზე დაილაპარაკებ, მაგრამ ამ დოკუმენტით პარლამენტში როგორ უნდა შეხვიდე?! ჩიტი ბრდღვნად უნდა ღირდეს - უნდა იცოდე, რისთვის აკეთებ ამას!“, - განაცხადა თაკო ჩარკვიანმა.

 

კითხვაზე, მიმართავს თუ არა პარლამენტს კიდევ ერთხელ სადეპუტატო უფლებამოსილების შეწყვეტის მოთხოვნით, თაკო ჩარკვიანმა განაცხადა, რომ რაც პროცედურაც საჭირო იქნება, იმას გააკეთებს.

,,ვულოცავ პოლიტიკურ ლიდერებს საქართველოში შეთანხმებაზე ხელმოწერას, რომელიც არის არსებული კრიზისიდან გამოსავალი“ - ამის შესახებ განცხადება ევროპული საბჭოს პრეზიდენტმა შარლ მიშელმა სოციალურ ქსელ „ტვიტერში" დაწერა

 

მისი თქმით, იმ პოლიტიკურმა ლიდერებმა ვინც შეთანხმებას ხელს აწერენ ხალხის ინტერესი წინ დააყენეს და დემოკრატიას განვითარების საშუალება მისცეს.

 

„შეთანხმება საქართველოში, საქართველოს გაუმარჯოს! ვულოცავ პოლიტიკურ ლიდერებს საქართველოში შეთანხმებაზე ხელმოწერას, რომელიც არის არსებული კრიზისიდან გამოსავალი. თქვენ დააყენეთ ხალხის ინტერესი პირველ ადგილას და მიეცით დემოკრატიას განვითარების საშუალება. მადლობას ვუხდი საქართველოს პრეზიდენტს სალომე ზურაბიშვილს და ყველა პოლიტიკურ პარტიას“ - წერს შარლ მიშელმა.

ხმაურია ამ წუთებში პრეზიდენტის ადმინისტრაციასთან, სადაც "ოცნებისა" და ოპოზიციური პარტიების წარმომადგენლებმა ცოტა ხნის წინ შარლ მიშელის დოკუმენტს ხელი მოაწერეს.

 

სამოქალაქო აქტივისტები და მოძრაობა "საქართველოსთვის" წევრები სკანდირებდნენ "მონა"-ს, მათ შორის მათ ამ სიტყვით "გირჩის" განაყოფის წევრს, ვახო მეგრელიშვილს მიმართეს.

 

აქტივისტებს აინტერესებდათ, რატომ ჰგონია ოპოზიციას, რომ დოკუმენტზე ხელის მოწერით სწორად მოიქცნენ, რადგან, ამბობენ, რომ მთავარი ვადამდელი არჩევები და პოლიტპატიმრების გათავისუფლებაა, რაც მათი თქმით, კითხვის ნიშნის ქვეშ დგას.

,,ნიკა მელია გამოვა, ან გირაოთი, რომელზეც მზად არის ევროპული მხარე, რომ გადაიხადოს და მე ვფიქრობ, ეს ძალიან მაგარი შესაძლებლობაა, ან მეორე ვარიანტია - ეს შეიძლება იყოს ამნისტია “ - ამის შესახებ „სტრატეგია აღმაშენებლის“ ლიდერის, გიორგი ვაშაძემ განაცხადა.

 

„საქართველო უნდა იყოს თავისუფალი, განვითარებული ადამიანების ქვეყანა, ძლიერი ოჯახებით და ძლიერი ადამიანებით. ხვალ, ბატონი შარლ მიშელი პირადად ჩამოდის და იმედი მაქვს, გულწრფელად გეტყვით, რომ ის, ვინც ხელს არ აწერს დოკუმენტს, ისიც ხელს მოაწერს ამ დოკუმენტს და ყველა გავერთიანდებით ამ საერთო საქმეში.

 

ნიკა მელია გამოვა, ან გირაოთი, რომელზეც მზად არის ევროპული მხარე, რომ გადაიხადოს და მე ვფიქრობ, ეს ძალიან მაგარი შესაძლებლობაა, ძალიან სერიოზული ჟესტია, ან მეორე ვარიანტია - ეს შეიძლება იყოს ამნისტია“ - განაცხადა ვაშაძემ.

დღეს ღამით მე ბრიუსელში ვარ, თუმცა ჩემი გული დღეს არის საქართველოში. ჩემი საქართველოში ჩამოსვლიდან 6 კვირის შემდეგ პოლიტიკური კრიზისი დასრულებულია, - ასე მიმართა ევროპული საბჭოს პრეზიდენტმა შარლ მიშელმა ორბელიანების სასახლეში შეკრებილ პოლიტიკური პარტიების წევრებსა და ლიდერებს.

 

მან ყველა მხარეს, ვინც შეთანხმების დოკუმენტს ხელი მოაწერა, მადლობა გადაუხადა არსებული განსხვავებების გვერდზე გადადებისა და ქვეყნის ინტერესების წინ დაყენებისთვის.

 

„6 კვირის წინ მე შევხვდი ყველა თქვენგანს საქართველოში, თბილისში და თქვენ გახსოვთ, მე გითხარით, რომ ჩვენ დავიწყეთ პოლიტიკური დიალოგი, რათა გამოვიდეთ პოლიტიკური ჩიხიდან. ჩვენ შევხვდით პრეზიდენტის სასახლეში, სადაც თქვენ დღეს ხვდებით ერთმანეთს. პრეზიდენტის ინსტიტუტი არის სიმბოლო საქართველოს ერთიანობის. მე დავდე მაგიდაზე 5 არსებითი საკითხი, რომელთა ირგვლივ საჭირო იყო შეთანხმება, იმ გამოწვევების დასაძლევად, რომელიც არის ქვეყანაში და მე დაგპირდით, რომ ჩართული დავრჩებოდი ამ პროცესში და დავნიშნე ჩემი პირადი წარმომადგენელი ბატონი დანიელსონი, ვინც საქართველოში იმყოფებოდა ორჯერ და ჩაატარა ბევრი შეხვედრა ყველა თქვენგანთან. მე ვთხოვე ჩემს დიპლომატიურ ჯგუფს, რომ პროცესისთვის მხარდაჭერა ძალიან აქტიურად გაეწიათ და 6 კვირის შემდეგ პოლიტიკური კრიზისი დასრულებულია! მინდა მადლობა გადავუხადო ყველა თქვენგანს თქვენი პასუხისმგებლობისთვის და გამბედაობისთვის, რომ გადაგედოთ თქვენი განსხვავებები გვერდით საქართველოს ინტერესებისთვის. მე მინდა მადლობა გადავუხადო დიპლომატიურ გუნდს, რომელიც დაუღალავად მუშაობდა თქვენთან ერთად, ბატონ დანიელსონსაც, მათ შორის, ბატონ კარლ ჰარცელსა და კელი დეგნანს, ჩვენ ვაფასებთ თქვენ მიერ გაწეულ ძალისხმევას“ - განაცხადა შარლ მიშელმა.

ევროპული საბჭოს პრეზიდენტი, შარლ მიშელი ხვალ საქართველოს ეწვევა. ამის შესახებ მან ორბელიანების სასახლეში, შეთანხმების დოკუმენტზე ხელმოწერის შემდეგ, ონლაინ ჩართვისას განაცხადა.

 

შარლ მიშელმა ხელის მოწერის ცერემონიაზე, აღნიშნა, რომ ექვსი კვირის შემდეგ, საქართველოში პოლიტიკური კრიზისი დასრულდა.

 

ევროპული საბჭოს პრეზიდენტმა, იმ პარტიების წარმომადგენლებს მიმართა, რომლებმაც მისი მედიაციით მომზადებულ შეთანხმების დოკუმენტს ორბელიანების სასახლეში გამართულ ღონისძიებაზე ხელი მოაწერეს, მისი განმარტებით, საქართველოში ვიზიტისას ის შეხვდება პოლიტიკური პარტიების წარმომადგენლებს და განიხილავს სამომავლო ნაბიჯებს, რომლებმაც უნდა გაამყაროს კავშირები საქართველოსა და ევროკავშირს შორის.

 

„მე მაქვს პატივი, განვაცხადო, რომ საქართველოში ჩამოვალ ხვალ, რათა შევხვდე ყველა თქვენგანს, გამოვხატო ნდობა და განვიხილო თქვენთან ერთად, როგორ უნდა გადავდგათ მეტი ნაბიჯი ერთად, რომ გავაძლიეროთ კავშირი საქართველოსა და ევროკავშირს შორის” - განაცხადა შარლ მიშელმა

 

ევროპული საბჭოს პრეზიდენტი, შარლ მიშელი ხვალ, 20 აპრილს საქართველოში ჩამოვა. ამის შესახებ მან პრეზიდენტის ადმინისტრაციაში ხელმოწერის ცერემონიალზე ჩართვისას განაცხადა. მისი თქმით, ექვსი კვირის შემდეგ, საქართველოში პოლიტიკური კრიზისი დასრულდა.

ერთიანი ნაციონალური მოძრაობის წევრმა სალომე სამადაშვილმა შარლ მიშელის დოკუმენტს ხელი ინდივიდუალურად მოაწერა. ერთიანი ნაციონალურმა მოძრაობა კი დოკუმენტს ხელს არ აწერს.

 

მისი თქმით, ეს დოკუმენტი და ამ დოკუმენტის ხელმოწერა დღეს ადასტურებს ერთადერთ რამეს, რომ ჩვენს ქვეყანას და ჩვენს სახელმწიფოს არ აქვს სხვა ალტერნატივა გარდა ევროპული მომავლისა.

 

"მინდა განვაცხადო, რომ მე დღეს ხელს ვაწერ ამ დოკუმენტს როგორც პარლამენტის ინდივიდუალური წევრი. მინდა განსაკუთრებული მადლობა ვუთხრა ევროპული საბჭოს პრეზიდენტს ბატონ მიშელს. ეს დოკუმენტი და ამ დოკუმენტის ხელმოწერა დღეს ადასტურებს ერთადერთ რამეს, რომ ჩვენს ქვეყანას და ჩვენს სახელმწიფოს არ აქვს სხვა ალტერნატივა გარდა ევროპული მომავლისა. საქართველო დღეს ამ ხელმოწერით კიდევ ერთ ნაბიჯს დგამს ევროპისკენ და სწორედ ამიტომ გადავწყვიტე, რომ ხელი მომეწერა ამ დოკუმენტისთვის. აქვე მინდა აღვნიშნო აუცილებლად, რომ ეს დოკუმენტი ასევე, გახლავთ გზა იმისთვის, რომ ჩვენს ქვეყანაში დავასრულოთ პოლიტიკური ნიშნით ადამიანების დევნა, გავათავისუფლოთ პოლიტპატიმრები, მათ შორის ნიკა მელია, ენმ-ს თავმჯდომარე და გიორგი რურუა. და ჩვენ უნდა შევთანხმდეთ, რომ მომავალში ჩვენ აღარასოდეს დაგვჭირდება ასეთი შეწუხება ჩვენი ქვეყნის და სახელმწიფოს მეგობრების, იმისთვის, რომ ვიცხოვროთ ისე, როგორც ეკადრება ჩვენს სახელმწიფოს.. დიდი იმედი მაქვს, რომსულ მალე, ნიკა მელიას გათავისუფლების შემდეგ, შესაძლებელი გახდება ოპოზიციური სპექტრი სრულად იყოს წარმოდგენილი საქართველოს პარლამენტში" - განაცხადა სამადაშვილმა

შარლ მიშელის ახალ დოკუმენტს ხელმოწერის ცერემონია ორბელიანების სასახლეში გაიმართა.

 

როგორც ცნობილია ერთიანი ნაციონალური მოძრაობა, დოკუმენტს ხელს არ აწერს, სალომე სამადაშვილმა გადაწყვეტილება ინდივიდუალურ რეჟიმში მიიღო. ასევე ხელი არ მოაწერე ,,ევროპულმა საქართველომ“

 

დოკუმენტს ხელი მოაწერეს:

 

სალომე სამადაშვილმა ინდივიდუალურად;

 

დავით ბაქრაძემ - ინდივიდუალურად;

 

ხათუნა სამნიძემ;

 

"გირჩმა";

 

გიორგი ვაშაძემ;

 

ზურა ჯაფარიძე;

 

ბადრი ჯაფარიძე და მამუკა ხაზარაძემ;

 

ალეკო ელისაშვილმა;

 

"ქართული ოცნებიდან" - არჩილ თალაკვაძე და შალვა პაპუაშვილი.

 

ახალი საწყისი ამ ქვეყნისთვის, მშვიდობიანი და საქმიანი- ასე შეაფასა პრეზიდენტმა ზურაბიშვილმა დოკუმენტის ხელმოწერა

 

ახალ დოკუმენტის ხელმოწერას, ევროსაბჭოს პრეზიდენტი შარლ მიშელი ონლაინრეჟიმში ადევნებდა თვალს.

 

პოლიტიკოსებს საქართველოში ევროკავშირის ელჩმა, კარლ ჰარცელმაც მიმართა და აღნშნა, რომ ამ ნაბიჯით საქართველოს პოლიტიკურ ცხოვრებაში ახალი ეტაპი იწყება. ელჩმა მადლობა გადაუხადა შეთანხმების მონაწილეებს. ასევე შეთანხმება მიულოცა მხარეებს აშშ-ს ელჩმა კელი დეგნანმაც ,, ამ 6 თვის განმავლობაში ასეთ რთული მუშაობა გავწიეთ და აშშ-ს სახელით მინდა მოგილოცოთ ეს წარმატება“ - თქვა კელი დეგნანმა

აშშ-ის კაპიტოლიუმის შენობა უკვე უსაფრთხოა. სამართალდამცველებმა საკანონმდებლო ორგანოს შენობა საპროტესტო აქციის მონაწილეებისგან გაათავისუფლეს. ამის შესახებ აშშ-ის კონგრესის უსაფრთხოების სერჟანტმა განცხადა, ინფორმაციას CNN ავრცელებს

 

6 იანვარს, აშშ-ის პრეზიდენტის, დონალდ ტრამპის მხარდამჭერები აშშ-ის კონგრესის შენობაში შეიჭრნენ. საპროტესტო აქციის მონაწილეებსა და პოლიციას შორის შეტაკებების გამო, ვაშინგტონში კომენდანტის საათი გამოცხადდა. აშშ-ის კონგრესის შენობიდან მაიკ პენსისა და კონგრესმენების ევაკუაცია განხორციელდა. აშშ-ის პრეზიდენტმა, დონალდ ტრამპმა ვაშინგტონში ეროვნული გვარდიის გაგზავნის ბრძანება გასცა.

ექსკლუზიური

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?