Global Press

Georgia

Global PressGlobal PressGlobal PressGlobal Press

USD
3.0739
EUR
3.6398
RUR
0.0421
GBP
4.0336

კიდევ ერთი ყვითელი ბარათი სტრატეგიული პარტნიორის მხრიდან. 295 ხმით 125-ის წინააღმდეგ, ამერიკის შეერთებული შტატების კონგრესის წარმომადგენელთა პალატამ აშშ თავდაცვის ავტორიზაციის აქტში შესწორება შეიტანა.

 

შესწორება საქართველოს ეხება - პირველად საქართველო-ამერიკის ურთიერთობის ისტორიაში ქვეყნის ყველაზე მნიშვნელოვანი პარტნიორი გარკვეულ პირობებს აწესებს.

 

"..შეერთებულმა შტატებმა მხარი უნდა დაუჭიროს საქართველოს ხელისუფლების მიერ დემოკრატიული ღირებულებების მუდმივ განვითარებას, საარჩევნო სისტემის რეფორმისკენ მიმავალ გზას, კორუფციასთან ბრძოლის ვალდებულებას და მცდელობას, უზრუნველჰყოს საქართველოს კერძო სექტორის მიერ საერთაშორისოდ აღიარებული სტანდარტების პატივისცემა, მათ შორის პირდაპირი უცხოური ინვესტიციებისთვის ხელსაყრელი გარემოს შექმნა და მათი დაცვა," - ნათქვამია განცხადებაში.

 

ცნობილი ხდება, რომ არაუგვიანეს 180 დღისა, აშშ-ის სახელმწიფო მდივანმა კონგრესს უნდა წარუდგინოს ანგარიში, რომელიც შეიცავს:

 

1. ანალიზს იმის შესახებ, დგამს თუ არა საქართველოს ხელისუფლება ეფექტურ ნაბიჯებს, რათა გაამყაროს ქვეყანაში დემოკრატიული ინსტიტუტები;

 

2. ანალიზს: ეფექტურად ახორციელებს თუ არა საქართველოს მთავრობა საარჩევნო რეფორმას;

 

პატივს სცემს თუ არა სასამართლოს დამოუკიდებლობას, მათ შორის დამოუკიდებლობას საკანონმდებლო და აღმასრულებელი შტოს ჩარევისაგან;

 

ეფექტურად ახორციელებს თუ არა აუცილებელ პოლიტიკას, რათა უზრუნველყოს ანგარიშვალდებულება და გამჭირვალობა, მათ შორის საჯარო ინფორმაციაზე შეუზღუდავი წვდომა;

 

სამოქალაქო საზოგადოების და ოპოზიციური პოლიტიკური პარტიების უფლებების დაცვა და მედიიშ თავისუფლება;

 

ნებისმიერი სხვა შესაბამისი საკითხი, რომელსაც სახელმწიფო მდივანი განსაღვრავს.

 

საყურადღებოა ის ფაქტი, რომ ეს არის უკვე მეორე შემთხვევა, როდესაც ამერიკის სახელმწიფო მდივანს კონგრესიდან აქვს დავალება შეაფასოს საქართველოში მიმდინარე პროცესები და ქვეყნის დემოკრატიული კურსი, ამისთვის კი აშშ-ს სახელმწიფო მდივანს მოკლე პერიოდი აქვს მიცემული.

დამიდოს FBI-მ დასკვნა, რომ თვითმკვლელობაა და მაშინ დავიჯერებ!, - ასე გამოეხმაურა „ინტერპრესნიუსთან“ გარდაცვლილი პროგრამისტის, 23 წლის თამარ ბაჩალიაშვილის დედა, თეონა თამაზაშვილი შინაგან საქმეთა სამინისტროს მიერ გავრცელებულ განცხადებას, რომლის თანახმადაც, ბაჩალიაშვილი გაუჩინარების წინა დღეს საკუთარი კომპიუტერიდან გაეცნო ინფორმაციას, "რა მოსდის ფეისბუქ გვერდს გარდაცვალების შემთხვევაში", ერთი თვით ადრე კი ინტერნეტში ეძებდა სტატიებს თვითმკვლელობის გზების შესახებ.

 

როგორც თეონა თამაზაშვილი აცხადებს, მას შინაგან საქმეთა სამინისტროს ამ განცხადების სისწორის არ სჯერა.

 

„არ მჯერა მე მათი! ეს ინფორმაცია ნამდვილად არ არის სარწმუნო, იქნებ ისიც ნახეს ინტერნეტში, რომ თეთრიწყაროს რაიონში უფრო ადვილი იყო სიკვდილი და სხვაგან არა?

 

დღეს ვიყავი იმ ჭელიძესთან შეხვედრაზე და ვუთხარი კიდეც, ბავშვი სახლში მოსვენებული არ იყო და წერილი, მედიკამენტები მაშინვე იპოვეთ, ასევე ფსიქოლოგი და მკვლელი ვერ იპოვეთ, მაშინვე გინდოდათ თვითმკვლელობის იარლიყი მიგეკერებინათ-მეთქი. ისევ თავიდან აამოქმედეს ეს ყველაფერი, რადგან საქმეში FBI-ის ჩართულობა მოვითხოვეთ. კი ბატონო, დამიდოს FBI-მ დასკვნა, რომ თვითმკვლელობაა და მაშინ დავიჯერებ, რომ თვითმკვლელობაა, არ მჯერა მე მათი! ახლა უფრო გავძლიერდებით და ახლა უფრო მოვითხოვთ FBI-ს ჩართულობას“, - განაცხადა თამაზაშვილმა.

დამიდოს FBI-მ დასკვნა, რომ თვითმკვლელობაა და მაშინ დავიჯერებ!, - ასე გამოეხმაურა „ინტერპრესნიუსთან“ გარდაცვლილი პროგრამისტის, 23 წლის თამარ ბაჩალიაშვილის დედა, თეონა თამაზაშვილი შინაგან საქმეთა სამინისტროს მიერ გავრცელებულ განცხადებას, რომლის თანახმადაც, ბაჩალიაშვილი გაუჩინარების წინა დღეს საკუთარი კომპიუტერიდან გაეცნო ინფორმაციას, "რა მოსდის ფეისბუქ გვერდს გარდაცვალების შემთხვევაში", ერთი თვით ადრე კი ინტერნეტში ეძებდა სტატიებს თვითმკვლელობის გზების შესახებ.

 

როგორც თეონა თამაზაშვილი აცხადებს, მას შინაგან საქმეთა სამინისტროს ამ განცხადების სისწორის არ სჯერა.

 

„არ მჯერა მე მათი! ეს ინფორმაცია ნამდვილად არ არის სარწმუნო, იქნებ ისიც ნახეს ინტერნეტში, რომ თეთრიწყაროს რაიონში უფრო ადვილი იყო სიკვდილი და სხვაგან არა?

 

დღეს ვიყავი იმ ჭელიძესთან შეხვედრაზე და ვუთხარი კიდეც, ბავშვი სახლში მოსვენებული არ იყო და წერილი, მედიკამენტები მაშინვე იპოვეთ, ასევე ფსიქოლოგი და მკვლელი ვერ იპოვეთ, მაშინვე გინდოდათ თვითმკვლელობის იარლიყი მიგეკერებინათ-მეთქი. ისევ თავიდან აამოქმედეს ეს ყველაფერი, რადგან საქმეში FBI-ის ჩართულობა მოვითხოვეთ. კი ბატონო, დამიდოს FBI-მ დასკვნა, რომ თვითმკვლელობაა და მაშინ დავიჯერებ, რომ თვითმკვლელობაა, არ მჯერა მე მათი! ახლა უფრო გავძლიერდებით და ახლა უფრო მოვითხოვთ FBI-ს ჩართულობას“, - განაცხადა თამაზაშვილმა.

საქართველოს სახალხო დამცველი აცხადებს, რომ ნებისმიერ ეტაპზე მზადაა ბაჩალიაშვილების ოჯახს დახმარება გაუწიოს.

 

"ვაკვირდებით, რა თქმა უნდა, მიმდინარე გამოძიებას. შევხვდით, ასევე, ადვოკატს და დამოუკიდებელ ექსპერტს, რომელიც არის ჩართული ამ საქმეში. ასევე, დამატებით, თუ რაიმე თხოვნა ექნებათ სახალხო დამცველთან ადვოკატს ან დაზარალებული ოჯახის წარმომადგენელს, რა თქმა უნდა, ჩვენ მზად ვართ ნებისმიერ ეტაპზე ჩვენი მანდატიდან გამომდინარე ჩავერთოთ და დამატებით დახმარება გავუწიოთ ამ ოჯახს", - განაცხადა ნინო ლომჯარიამ.

შინაგან საქმეთა სამინისტრო თამარ ბაჩალიაშვილის საქმესთან დაკავშირებით შუალედურ ინფორმაციას ავრცელებს.

 

უწყების ამ განცხადებას უცვლელად გთავაზობთ:

 

"გვსურს საზოგადოებას მივაწოდოთ შუალედური ინფორმაცია თამარ ბაჩალიაშვილის საქმის გამოძიების მიმდინარეობასთან დაკავშირებით.

 

სსიპ „ლევან სამხარაულის სახელობის სასამართლო ექსპერტიზის ეროვნული ბიუროდან“, 2020 წლის 05 აგვისტოს მიღებული იქნა კომპიუტერული ექსპერტიზის დასკვნა, რომლის მიმდინარეობაშიც მონაწილეობდა ოჯახის ადვოკატი. ექსპერტიზის დასკვნის თანახმად, თამარ ბაჩალიაშვილის კუთვნილი „ეფლის“ მარკის პორტატული კომპიუტერის მეხსიერებაში აღმოჩენილი იქნა ფოტო-ვიდეო ფაილები და კომპიუტერის მეხსიერებაში ვებგვერდებზე შესვლის ისტორია.

 

ექსპერტიზის დასკვნის და დათვალიერების ოქმის თანახმად, 2020 წლის 17 ივლისს, გაუჩინარების წინა დღეს 18:36 საათზე თამარ ბაჩალიაშვილი შესულია „ფეისბუქის“ გვერდის დახმარების განყოფილებაში, სადაც მითითებულია არის ვებ გვერდის სათაური - What will happen to my Facebook account if I pass away?, რაც ქართულად ნიშნავს - რა მოუვა ჩემს ფეისბუქის ანგარიშს თუ მე გარდავიცვლები? ამავე წუთზე გუგლში თამარ ბაჩალიაშვილის მიერ ჩაწერილი და მოძებნილია შემდეგი ტექსტი facebook cancel account after death - რაც ნიშნავს: ფეისბუქის ანგარიშის გაუქმება სიკვდილის შემდეგ.

 

2020 წლის 18 ივნისს, გაუჩინარებამდე ერთი თვით ადრე- 00:16:37 საათზე თამარ ბაჩალიაშვილის მიერ გუგლის საძიებო სისტემაში ჩაწერილია სიტყვები: best ways for suicide - რაც ქართულად ნიშნავს: საუკეთესო გზები თვითმკვლელობისთვის. იმავე დღის 00:15:51 საათზე იგი შესულია საინფორმაციო ხასიათის ვებგვერდ ვიკიპედიაზე - გვერდზე მიწერილი აქვს სათაური - Suicide methods – Wikipedia, რაც ქართულად ნიშნავს: თვითმკვლელობის მეთოდები, აღნიშნული ლინკის გახსნის შედეგად იხსნება ვიკიპედიის სტატია სათაურით: Suicide methods, სადაც მოცემულია ინგლისურ ენაზე სტატია, რომელშიც აღწერილია თვითმკვლელობის სხვადასხვა მეთოდები.

 

დასკვნის მიხედვით, ვებგვერდებზე შესვლის ისტორიიდან და 2020 წლის 22 ივლისს ჩატარებული თამარ ბაჩალიაშვილის ავტომანქანის დათვალიერების ოქმიდან ირკვევა, რომ ავტომანქანაში აღმოჩენილი მედიკამენტები და 2020 წლის 17 ივლისს, გაუჩინარების წინა დღეს, GOOGLE-ის საძიებო სისტემაში მის მიერ მოძიებული მედიკამენტების ნაწილი ემთხვევა ერთმანეთს.

 

აქვე გაცნობებთ, რომ კომპანია, სადაც თამარ ბაჩალიაშვილი მუშაობდა, შპს „ზეგ“ დარეგისტრირდა 2015 წლის 30 დეკემბერს. დირექტორი თამარ კობერიძე. საწყის ეტაპზე 100%-იანი წილის მესაკუთრე იყო ნიკოლოზ გეჯაძე, ხოლო 2018 წლის 30 იანვრიდან 100%-იანი წილის მესაკუთრეა აბრაჰამ რაიხბახი. ამ ეტაპზე დგინდება, რომ კომპანია „ზეგ“ არ ოპერირებს საქართველოში და მისი საქმიანობა დაკავშირებულია საერთაშორისო შეკვეთებთან. კომპანიის საქმიანობის შესწავლის მიზნით გრძელდება საგამოძიებო მოქმედებები. თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება.

 

მაღალი საზოგადოებრივი ინტერესებიდან გამომდინარე, ვასაჯაროებთ თამარ ბაჩალიაშვილის კომპიუტერიდან ამოღებული ინფორმაციის ნაწილს," - ნათქვამია შსს-ს განცხადებაში.

სამსახურებრივი მდგომარეობის გამოყენებით თაღლითობის, უკანონო საექიმო საქმიანობისა და სამსახურებრივი გულგრილობისთვის დაკავებულ ცენტრალური საავადმყოფოს დირექტორს, გიორგი ლობჟანიძეს 100 ათას-ლარიანი გირაო შეეფარდა. საქალაქო სასამართლოს მოსამართლემ დავით კურტანიძემ განაჩენი რამდენიმე წუთის წინ გამოაცხადა.

 

ამავე კლინიკის ექიმს, ვახტანგ ყიფიანს აღკვეთის ღონისძიების სახით პატიმრობა შეეფარდა. დაუსწრებლად შეეფარდა პატიმრობა ექიმ მაგდა ხოჭოლავას, რომელიც იტალიაში იმყოფება.

 

საუბარია ,,თბილისის ცენტრალური საავადმყოფოს“ დირექტორსა და ამავე კლინიკის ექიმზე. ასევე კიდევ ერთ ექიმზე, რომლიც იტალიაშია და ბრალი დაუსწრებლად წარედგინა.

 

პროკურატურის ინფორმაციით, „თბილისის ცენტრალურ საავადმყოფოში“ ექიმების მიერ გამოვლენილი უყურადღებობისა და დაშვებული შეცდომების გამო პაციენტი დღემდე კომატოზურ მდგომარეობაშია. უწყებამ ამ საქმეზე კლინიკის დირექტორი და ერთი ექიმი დააკავა. კიდევ ერთი ექიმის მიმართ კი დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ.

ლიბანის ხელისუფლებამ ქვეყნის დედაქალაქი ბეირუთი კატასტროფის ზონად გამოაცხადა. ამის შესახებ ინფორმაციის მინისტრმა, მანალ აბდელ სამად ნაჟდმა განაცხადა.

 

მინისტრის თქმით, ბეირუთში ორი კვირის განმავლობაში საგანგებო მდგომარეობის რეჟიმი იმოქმედებს.

 

„თავდაცვის საბჭო უშუალოდ იქნება პასუხისმგებელი უსაფრთხოების უზრუნველყოფაზე. მთავრობა ასევე გადადგამს ყველა ნაბიჯს, რათა ექსპორტისა და იმპორტის ოპერაციების მდგრადობა უზრუნველყოს“, - აღნიშნა მინისტრმა.

 

ძლიერი აფეთქება ბეირუთის პორტში 4 აგვისტოს საღამოს მოხდა. მომხდარი აფეთქების შედეგად დაღუპულთა რაოდენობა 100-მდე გაიზარდა, დაშავებულია 4 000 ადამიანი.

 

ლიბანის ხელისუფლება მსხვერპლის ზრდას ელოდება, რადგან ბევრი ადამიანი დაკარგულად ითვლება. შენობების ნანგრევებში ცხედრებს ამ დრომდე პოულობენ.ბეირუთში საავადმყოფოები გადავსებულია და პაციენტებს პირველად სამედიცინო დახმარებას ექიმები ქუჩებში უწევენ.

ბეირუთის პორტში მომხდარ აფეთქებასთან საქართველოს რაიმე ფორმით დაკავშირება ყოველგვარ საფუძველს მოკლებულია, - ამის შესახებ საზღვაო ტრანსპორტის სააგენტოში განაცხადეს.

 

როგორც უწყებაში აცხადებენ, ამონიუმის ნიტრატი, წლების განმავლობაში საქართველოს ერთ-ერთი საექსპორტო პროდუქტია და ყოველწლიურად დიდი მოცულობებით გადის საერთაშორისო ბაზრებზე და ტვირთის გადაზიდვის, დამუშავების და დასაწყობების ტექნოლოგიები მიმღები სახელმწიფოს კომპეტენციაა და არა ექსპორტიორი სახელმწიფოსი.

 

მათივე განცხადებით, გარდა ამისა, ხაზგასასმელია, ის გარემოებაც, რომ ტვირთი გაგზავნილია 2013 წელს, ხოლო მის შენახვასთან დაკავშირებული ინციდენტი მოხდა 2020 წელს.

 

მათი ინფორმაციით, მიმდინარე წლის 4 აგვისტოს, ლიბანის დედაქალაქ ბეირუთის პორტში მომხდარი აფეთქების მიზეზად ოფიციალურმა პირებმა პორტში წლების განმავლობაში შენახული დიდი ოდენობით ამონიუმის ნიტრატის დასაწყობების უსაფრთხოების წესების უხეში დარღვევის ფაქტი დაასახელეს.

 

„აღნიშნული ნივთიერება ბეირუთის პორტში მოხვდა შემდეგი გზით: 2013 წლის სექტემბერში ლიბანის საპორტო კონტროლის სახელმწიფო ინსპექციის მიერ, დაკავებული იქნა მოლდოვას დროშით მცურავი მშრალტვირთმზიდი Rhosus. მიწერის პორტი ჯურჯულეშტი, მოლდოვა.

 

აღნიშნული გემი ახორციელებდა 2750 ტონა ამონიუმის ნიტრატის ტრანსპორტირებას საქართველოდან (ბათუმის პორტი) მოზამბიკში (პორტი ბეირა).

 

ლიბანის ოფიციალური ხელისუფლების ინფორმაციით, გემის დაკავების შემდეგ, გემთმფლობელმა კომპანიამ თავი გაკოტრებულად გამოაცხადა და გემი, ეკიპაჟი და ტვირთი მიატოვა ბეირუთის ნავსადგურში. ეკიპაჟის წევრებს შორის საქართველოს მოქალაქეები არ იმყოფებოდნენ. მოგვიანებით, ტვირთი გადმოიტვირთა და დასაწყობდა ბეირუთის პორტში.

 

ამასთან, როგორც ყველასთვის ცნობილია, ამონიუმის ნიტრატი, წლების განმავლობაში საქართველოს ერთ-ერთი საექსპორტო პროდუქტია და ყოველწლიურად აღნიშნული პროდუქტი გადის საერთაშორისო ბაზრებზე დიდი მოცულობებით, 2020 წელს მხოლოდ ფოთის ნავსადგურიდან ექსპორტზე გავიდა 52037 ტონა.

 

აღნიშნულ ინციდენტთან საქართველოს რაიმე ფორმით დაკავშირება მოკლებულია ყოველგვარ საფუძველს, რამდენადაც ტვირთის გადაზიდვის, დამუშავების და დასაწყობების ტექნოლოგიები მიმღები სახელმწიფოს კომპეტენციაა და არა ექსპორტიორი სახელმწიფოსი. გარდა ამისა, ხაზგასასმელია, ის გარემოებაც, რომ ტვირთი გაგზავნილია 2013 წელს, ხოლო მის შენახვასთან დაკავშირებული ინციდენტი მოხდა 2020 წელს“, - განმარტავენ სააგენტოში.

 

როგორც სააგენტოში აცხადებენ, საქართველოს ნავსადგურების უსაფრთხოების სტანდარტებთან შესაბამისობაზე შემოწმება ყოველ 2 წელიწადში ერთხელ ხორციელდება საერთაშორისო შემოწმებებით, ხოლო ყოველწლიურად ნავსადგურებს უტარდებათ კომპლექსური შემოწმება.

 

მათივე ინფორმაციით, საქართველოს ნავსადგურები და ნავსადგურებში წარმოებული სატვირთო ოპერაციები სრულად შეესაბამება მკაცრ საერთაშორისო სტანდარტებს. სსიპ საზღვაო ტრანსპორტის სააგენტოს ბოლო წლების განმავლობაში, ამ მიმართულებით, მიღებული აქვს არაერთი უმაღლესი შეფასება.

 

შეგახსენებთ, ბეირუთში 4 ივლისს ძლიერი აფეთქება მოხდა. ბოლო მონაცემებით აფეთქების შედეგად გარდაცვლილთა რიცხვი 100-ს აჭარბებს. ლიბანის ოფიციალური პირები მომხდარს ასაფეთქებელი ნივთიერებების საწყობს უკავშირებენ. ქვეყნის პრეზიდენტმა მიშელ აუნმა სოციალურ ქსელ „ტვიტერში“ განცხადება გაავრცელა, სადაც აღნიშნულია, რომ 2 750 ტონა ამონიუმის ნიტრატის საწყობში, უსაფრთხოების ნორმები დაცული არ იყო.

ლიბანის თავდაცვის უმაღლესი საბჭო მიიჩნევს, რომ ბეირუთში აფეთქება 2 750 ტონა ამონიუმის ნიტრატმა გამოიწვია, რომელიც რუსი ბიზნესმენის კუთვნილ გემ Росус-ზე იყო დატვირთული. ინფორმაციას ადგილობრივი არხი LBCI ავრცელებს.

 

რუსი ბიზნესმენის, იგორ გრეჩუშკინის კუთვნილი გემი Росус-ი ბეირუთის პორტში 2014 წელს გააჩერეს, რის შემდეგაც 2 750 ტონა ამონიუმის ნიტრატის კონფისკაცია მოხდა.

 

2013 წელს Росус-ი მოლდოვის დროშით, ბათუმის პორტიდან მოზამბიკის მიმართულებით გავიდა, თუმცა ტექნიკური პრობლემების გამო ბეირუთის პორტში გაჩერდა. ლიბანის ხელისუფლებამ გემს ზღვაში გასვლა აუკრძალა. ეკიპაჟის ნაწილი გაუშვეს და პორტში მხოლოდ 4 მეზღვაური დარჩა, რომელთაც ბეირუთის პორტი ერთი წლის შემდეგ დატოვეს.

 

ამონიუმის ნიტრატის შენახვასთან არსებული რისკების გამო, Росус-ის ტვირთი ბეირუთის პორტის საწყობში გადაიტანეს. მომსახურების სერვისის MarineTraffic-ის ცნობით, ბოლოს გემის ლოკაცია 2014 წლის ნოემბერში დაადგინეს, ამ ცნობის მიხედვით, Росус-ი აფეთქების ადგილიდან ახლოს მდებარეობდა.

 

ძლიერი აფეთქება ბეირუთის პორტში 4 აგვისტოს საღამოს მოხდა, რამაც ქალაქში შენობების ნგრევა გამოიწვია.

მცხეთაში გიორგი შაქარაშვილის საქმეზე დაკავებული 6 არასრულწლოვნის საქმეზე წინასასამართლო სხდომა გაიმართება. დახურულ პროცესზე მტკიცებულებების დასაშვებობაზე იმსჯელეს.

 

როგორ მოგვიანებით ბრალდებულების ადვოკატებმა ჟურნალისტებს აცნობეს, მოსამართლემ პროკურატურის შუამდგომლობა სრულად, დაცვის მხარის კი ნაწილობრივ დააკმაყოფილა. კერძოდ, მოსამართლემ უარით უპასუხა ადვოკატების შუამდგომლობას ბრალდებულების მიმართ სამართლებრივი დევნის შეწყვეტის შესახებ.

 

მოსამართლემ ასევე დაუშვებლად ცნო ადვოკატების ის შუამდგომლობა, რომელიც პროკურატურის მტკიცებულებების დაუშვებლად ცნობას ეხება. ამასთან მოსამართლემ პროკურატურის მიერ წარდგენილი ყველა მტკიცებულება დასაშვებად ცნო.

 

საქმეზე არსებითი განხილვა 18 აგვისტოს 15:00 საათზე გაგრძელდება.

 

გენპროკურატურამ შაქარაშვილის საქმეზე 11 ბრალდებულის საქმე ცალკე წარმოებად გამოყო.

მეჩეთად გადაკეთებული აია-სოფიას ტაძარში, გულის შეტევით მუეძინი, ოსმან ასლანი გარდაიცვალა. ამის შესახებ ინფორმაციას yenisafak ავრცელებს

 

აღნიშნულ ფაქტთან დაკავშირებით სტამბულის გუბერნატორის ადმინისტრაცია განცხადებას ავრცელებს და ოჯახს და ნათესავებს უთანაგძნობ.

 

,,თანაგრძნობას ვუცხადებ მეუძინი ასლან ოსმანის ოჯახსა და ნათესავებს, რომელიც აია-სოფიას ტაძარში გულის შეტევით გარდაიცვალა“ - ნათქვამია განცხადებაში

 

24 ივლისს, სტამბოლის აია-სოფიას მეჩეთის გახსნის ცერემონია გაიმართა. როგორც ცნობილია, თურქეთის პრეზიდენტმა, რეჯეფ თაიფ ერდოღანმა 10 ივლისს ხელი მოაწერა ბრძანებას, რომლის მიხდვით სტამბოლში მდებარე აია-სოფიას ტაძარს ოფიციალურად მიანიჭა მეჩეთის სტატუსი

მე ვფიქრობ, ეს იყო მკვლელობა, - ამის შესახებ "ქრონიკა პლუსის" რედქტორმა, ჟურნალისტ-გამომძიებელმა ელისო კილაძემ "მთავარი არხის" ეთერში, გადაცემაში "დღის სტუმარი", თამარ ბაჩალიაშვილზე საუბრისას თქვა.

 

ამბობს, რომ ამის თქმის საფუძველს, აძლევს დღეს არსებული ბევრი საეჭვო გარემოება.

 

,,საერთო სამთავრობო მესიჯბოქსია და მიდის საუბარი იმაზე, რა ცუდი გოგო იყო თამუნა. მე შორს ვარ იმ აზრისგან, იმ მონაცემებით, რა მონაცემებით და იმ ბევრი საეჭვო გარემოებით, რაც დღეს არის, რომ თამუნა ბაჩალიაშვილმა თავი მოიკლა. მე ვფიქრობ, რომ ეს იყო მკვლელობა.

 

მკვლელობა რატომ? - ეს არის მთავარი, რატომ, რა ინფორმაციას გადაეფეთა ეს გოგო თავისი მოღვაწეობის დროს , როდესაც ის მოკლეს. ან თუნდაც მიიყვანეს თვითმკვლელობამდე. იმიტომ რომ მე არ ვარ გამომძიებელი და პროკურორი რომ ბრალი დავწერო და კონკრეტულად ბრალი დავდო, - თქვა ელისო კილაძემ.

 

კილაძე ამბობს, რომ ბაჩანა ძალიან საყურადღებო ბიჭია და "არ არის ეგეთი უჭკუო".

 

და ეს (ბაჩანა ლობჟანიძე) ბიჭი და მისი როლი, მისი ეს პრივატ საუბარი.. მე დღეს მთელი დღე მიხსნიან, რომ პროგრამისტები ძალიან თავისებური ხალხია, რომ მწუხარებას ასე არ გამოხატავენ, სხვა სამყაროში ცხოვრობენ, მერე რა რომ იცინის.. ყველაფერს ვიღებ ინფორმაციად, არაფერს არ ვამტკიცებ, - ამბობს ელისო კილაძე.

 

ჟურნალისტ-გამომძიებელი ელისო კილაძე ამბობს, რომ კომპანია "ZAG"-ს მოუწევს იმ კითხვებზე, რაც ამ დრომდე არ დასმულა პასუხების გაცემა მოუწევს.

 

კომპანია ზეგს აუცილებად მოუწევს განმარტებების გაკეთება და ძალიან დამაჯერებელი პაუხების გაცემა იმ კითხვებზე რა კითხვებიც ჩვენ გაგვიჩნდა, თუნდაც ბაჩანას არაოფიციალური ინფორმაციიდან გამომდინარე - ამბობს "ქრონიკა პლუსის" რედქტორი.

ექსკლუზიური

არქივი

« « » » აგვისტო 2019
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?