Global Press

Georgia

Global PressGlobal PressGlobal PressGlobal Press

USD
2.6793
EUR
3.0515
RUR
0.042
GBP
3.5182

24 იანვარს, თბილისის საქალაქო სასამართლომი საქართველოს ჭიდაობის ფედერაციის პრეზიდენტის საქმეზე სასამართლო პროცესი გაიმართა. გეგა გეგეშიძეს 5000-ლარიანი გირაო შეეფარდა. შესაბამისად, გეგეშიძე გაათავისუფლეს პატიმრობიდან. ამასთან, ის რჩება საქართველოს ჭიდაობის ფედერაციის პრეზიდენტის პოსტზე.

 

სასამართლო პროცესზე გეგეშიძე სიტყვითგამოსვლისას განაცხადა, რომ მისი ჩამოშორება დაღუპავას და ჩამოაქცევს ფედერაციას და ქვეყანას

 

“საქართველოს ჭიდაობის ფედერაცია ასეთი აღიარებული არასდროს ყოფილა. 150 მედლით მეტი ავიღეთ შარშანწინ ჩემი პრეზიდენტობის დროს, ვიდრე იქამდე მთელი 4 წლის განმავლობაში. საქართველოში მსოფლიოს ჩემპიონატის ჩატარებას ვაპირებ, საერთაშორისო ვალდებულებები მაქვს. ჩემი ჩამოშორება დაღუპავს და ჩამოაქცევს ფედერაციას და ქვეყანას”. - განაცხადა სასამართლო სხდომაზე გეგა გეგეშიძემ.

 

გეგა გეგეშიძე სისხლის სამართლის 126-ე მუხლის პირველი ნაწილით იყო ბრალდებული, რაც ძალადობას გულისხმობს. ძალადობის ფაქტი ახლახან თბილისის სპორტის სასახლეში გამართულ ჩემპიონატს უკავშირდება, სადაც გავრცელებული კადრების თანახმად, ჭიდაობის ფედერაციის პრეზიდენტი მოჭიდავე ზურაბ დათუნაშვილს ფიზიკურად გაუსწორდა.

2019 წელი დავოსში ჩვენთვის განსაკუთრებით წარმატებული იყო და დარწმუნებული ვარ, ის ეკონომიკური პოლიტიკა, რომელსაც ვახორციელებთ, კიდევ უფრო მეტ წარმატებას მოგვიტანს, - ამის შესახებ საქართველოს პრემიერ-მინისტრმა მამუკა ბახტაძემ დავოსის მსოფლიო ეკონომიკურ ფორუმზე ვიზიტის შეჯამებისას განაცხადა.

 

მთავრობის მეთაურმა აღნიშნა, რომ გაიმართა შეხვედრები როგორც ბიზნეს, ასევე პოლიტიკურ ლიდერებთან და ძალიან სასიხარულოა, რომ ყველა ეკონომიკურ პანელზე აღინიშნა საქართველოს წარმატება.

 

„საქართველო მოჰყავთ ყველაზე წარმატებული ქვეყნის მაგალითად, რომელმაც განიცადა როგორც დემოკრატიული, ასევე ეკონომიკური ტრანსფორმაცია. ჩემთვის ძალიან საამაყოა ამის მოსმენა. ჩვენი ბევრი მეზობელი გვთხოვს, დავეხმაროთ იმ რეფორმების განხორციელებაში, რომელიც საქართველოში უკვე შედგა. ჩვენ გამოვიყენეთ ეს შესაძლებლობა და გვქონდა ძალიან მნიშველოვანი მოლაპარაკებები კომპანიებთან, რომლებიც საქართველოში გეგმავენ პირდაპირი უცხოური ინვესტიციების განხორციელებას. ყველა სექტორში არსებობს დაინტერესება, დაწყებული სამომხმარებლო პროდუქციით, დამთავრებული ენერგეტიკით. ჩემთვის ძალიან მნიშვნელოვანი იყო, რომ მაღალი ტექნოლოგიების სექტორში მომუშავე კომპანიები ძალიან მნიშვნელოვნად წინაპირობად აღიქვამენ იმ კანონმდებლობას, რომლის შემოღებას წლის მეორე ნახევრიდან ვაპირებთ. სამწუხაროდ, ბოლო წლებში განებივრებული არ ვართ მაღალტექნოლოგიური ინვესტიციებით და ჩემთვის განსაკუთრებით მნიშვნელოვანია, რომ სწორედ მაღალტექნოლოგიური კომპანიებიდან მივიღოთ ინვესტიციები საქართველოში“, - განაცხადა მამუკა ბახტაძემ.

 

პრემიერის ინფორმაციით, ასევე ძალიან მნიშვნელოვანი შეხვედრები გაიმართა განათლების რეფორმასთან დაკავშირებით, რაც კავშირშია იმასთან, რომ საქართველოში დაიწყოს ამ თვალსაზრისით ინოვაციების განვითარება და საქართველოს აქვს ძალიან მნიშვნელოვანი მხარდაჭერა.

 

„ყველაზე მნიშვნელოვანი გზავნილი ჩვენი მხრიდან იყო ის, რომ საქართველოს აქვს ყველა წინაპირობა, გახდეს რეგიონის ეკონომიკური ცენტრი და დადებითი უკუკავშირი მივიღეთ ამ სტრატეგიასთან დაკავშირებით. საქართველო აუცილებლად გახდება ჩვენი რეგიონისთვის ეკონომიკური ცენტრი, რაც ნიშნავს იმას, რომ ჩვენ შევძლებთ მეტი სამუშაო ადგილების შექმნას და შედეგად - სიღარიბის დაძლევას”, - აღნიშნა პრემიერ-მინისტრმა.

 

მთავრობის მეთაურმა ასევე შეაჯამა ფორუმის ფარგლებში გამართული მნიშვნელოვანი პოლიტიკური შეხვედრები და განაცხადა, რომ კიდევ ერთხელ აღინიშნა ის ხელშესახები პროგრესი, რომელიც საქართველოს აქვს ევროპული და ევროატლანტიკური ინტეგრაციის გზაზე.

 

„ჩვენ ერთმნიშვნელოვანი მხარდამჭერი გზავნილები კიდევ ერთხელ მოვისმინეთ ჩვენი ყველა მეგობარი ქვეყნისგან და მინდა, მათ ამისთვის განსაკუთრებული მადლობა გადავუხადო. 2018 წელი იყო ძალიან მნიშვნელოვანი და გვქონდა ძალიან ხელშესახები პროგრესი როგორც ევროპულ, ასევე ევროატლანტიკურ გზაზე და დარწმუნებული ვარ, 2019 წელი იქნება კიდევ უფრო წარმატებული”,- განაცხადა მამუკა ბახტაძემ.

დროის საქმეა, მაგრამ, მე ვიცი, რომ გეგა გეგეშიძე ჭიდაობის ფედერაციის პრეზიდენტის თანამდებობას დატოვებს. იმის განცდა მაქვს, რომ სიმართლე იზეიმებს, - ამის შესახებ ევროპის ჩემპიონმა ზურაბ დათუნაშვილმა დღეს გამართულ პრესკონფერენციაზე განაცხადა.

 

დათუნაშვილი სამომავლოდ გეგა გეგეშიძესთან თანამშრომლობას არ აპირებს და ამისთვის შესაბამის მიზეზებსაც ასახელებს. ზურაბ დათუნაშვილი მოსამართლის გადაწყვეტილებას ეთანხმება იმ ნაწილში, რომ სასამართლომ გეგა გეგეშიძე პატიმრობაში არ დატოვა, თუმცა უკმაყოფილოა სასამრთლოს იმ გადაწყვეტილებით, რომლის თანახმად, გეგეშიძეს ჭიდაობის ფედერაციის პრეზიდენტის თანამდებობაზე მუშაობის გაგრძელების უფლება მიეცა.

 

„გეგეშიძესთან არ ვითანამშრომლებ, ეს გამორიცხულია. ამის მიზეზი ის პრობლემებია, რაც აქამდე იყო - არასწორი მმართველობა, სპორტული კუთხით ადამიანების დაბლოკვა, ვინც მას თვალში არ მოსდის. რაც შეეხება პრეზიდენტის განცხადებას, რომ პოსტიდან მისი წასვლით "ქვეყანა დაინგრევა" მე მგონია, რომ ეს ადამიანი სხვა რეალობაში ცხოვრობს. ბიჭების შრომას რომ საკუთარ თავზე იბრალებს, ეს არ ვიცი რას ნიშნავს“, - განაცხადა დათუნაშვილმა.

 

სპორტსმენის განმარტებით, მას მხარდამჭერებისთვის არ მიუმართავს, რომ ამ დღეების განმავლობაში გვერდში დადგომოდნენ.

 

„მე არ მომითხოვია არავის მხარდაჭერა. ამ ეტაპამდე ჯერ არ მივსულვარ. ეს ადამიანები ურეკავენ ძიუდოისტებს, რომ მოდით ხალხო და დაგვიდექითო და ასე აგროვებენ მხარდამჭერებს. მე კი ამ ეტაპამდე არ მივსულვარ. სიმართლემ უნდა იზეიმოს. თუ მივალთ მაგ ეტაპამდე ჩემს მხარდამჭერებსაც დაინახავთ. მე არავინ დამკავშირებია ამ დღეების განმავლობაში. ფედერაციის სახელით მამაო გამომიგზავნეს, ის მეუბნებოდა, რომ ზურაბ, ყველანაირად პრივილეგირებული იქნები, ყველა ტურნირზე წახვალ. მე ვუთხარი, რომ ზუსტად ამ პრივილეგიაზე მაქვს პრეტენზია-მეთქი, რომ არ უნდა იყოს ფედერაციაში ასეთი პრივილეგიები. მან მითხრა, მოდი, გავჩუმდეთ, ხმა არ ამოვიღოთ და ყველაფერი ისე იქნება, როგორც შენ გინდა. მე ვუთხარი, რატომ უნდა იყოს ასე?! ჩემი სურვილი რა შუაშია, ყველაფერი უნდა იყოს სამართლიანად-მეთქი“, - განაცხადა დათუნაშვილმა.

 

ამასთან, ჰყავს თუ არა მას თანამოაზრეები იმის თაობაზე რომ გეგა გეგეშიძემ თანამდებობა დატოვოს, ევროპის ჩემპიონი ამბობს, რომ „დრო მოვა და ეს გამოჩნდება“. მოჭიდავემ ისაუბრა ასევე იმაზე, რომ ჭიდაობის ფედერაციაში მისი დაბლოკვა ხდებოდა, რათა მსოფლიო ჩემპიონატზე ვერ წასულიყო.

 

„ასეთი დაპირისპირების შემთხვევა, მე მგონი, ისტორიაში პირველია, როდესაც ჭიდაობის ფედერაციის პრეზიდენტი რკინის ნივთს იყენებს სპორტსმენის მიმართ. ფედერაციაში მყოფ ადამიანებს მტერი ჰგონიათ ის ადამიანი ვინც მათგან განსხვავებულ აზრს გამოთქვამს. ხდება ამ „მტრის“ ყველანაირად დაჩაგვრა. მე შემეძლო, რომ ფედერაციაში ვყოფილიყავი ხელშეუხებელი, მექნებოდა ყველაფერი, ვიჭიდავებდი, მაგრამ ასე არ მინდა“, - განაცხადა ზურა დათუნაშვილმა.

 

შეგახსენებთ, რომ საქართველოს ჭიდაობის ფედერაციის პრეზიდენტი თამაზ (გეგა) გეგეშიძე, სპორტის სასახლეში მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს.

 

გეგა გეგეშიძემ 5 000-ლარიანი გირაოს გადახდის შემდეგ გუშინ სასჯელაღსრულების მე-8 დაწესებულება დატოვა.

მოვითხოვ, რომ დაიწყოს დისციპლინური წარმოება სერგო მეთოფიშვილზე. ჯერ ეს საჩივარი გაივლის იუსტიციის უმაღლეს საბჭოს და შემდეგ ყველა ინსტანციას, - ასე პასუხობს საპარლამენტო უმრავლესობის წევრი ეკა ბესელია იუსტიციის უმაღლესი საბჭოს წევრის, სერგო მეთოფიშვილის ბოლოდროინდელ განცხადებებს.

 

ბესელიას თქმით, აღნიშნული მოსამართლე პოლიტიკურ პროცესებში ღიად ერთვება და გარკვეული ჯგუფის პოზიციას ახმოვანებს.

 

„გუშინ მე ვთქვი, რომ ამ ადამიანზე კომენტარებს აღარ გავაკეთებდი, მაგრამ ვიმოქმედებ. სამართლებრივ რეაგირებას ვაპირებ იმიტომ, რომ ვფიქრობ, როგორც იურისტი არასდროს არ მახსოვს როდესმე რომელიმე მოსამართლეს თავისთვის უფლება მიეცეს და მსგავსი პოლიტიკური განცხადებები გაეკეთებინა. ის გახლავთ იუსტიციის საბჭოს წევრი. არ მგონია, რომ მარტო თავის თავს ახმოვანებს, მგონია, რომ ახმოვანებს გარკვეული ჯგუფის პოზიციას. ეს იმას ნიშნავს, რომ საბჭოში არიან ადამიანები, რომელთაც ასეთი სრულიად მიუღებელი ფორმა აირჩიეს პოლიტიკურ ჯგუფთან დაპირისპირებისთვის. ეს არის ღიად პოლიტიკურ პროცესში შემოსვლა, რისი უფლებაც არ აქვს მოსამართლეს. ამიტომ, ვამზადებ საჩივარს, რომ იუსტიციის საბჭოს მივმართო. მოვითხოვ, რომ დაიწყოს დისციპლინური წარმოება ამ მოსამართლეზე. არ ვუყურებ ამ საკითხს მხოლოდ საბჭოს დონეზე დასატოვებლად და ვაპირებ ამ პროცესს ბოლომდე მივყვე. ყველა ინსტანციას გაივლის ეს და იქნება მაგალითი, რომ არასდროს არცერთმა მოსამართლემ არ მისცეს თავს უფლება, რომ პოლიტიკურ პროცესში ჩაერთოს ღიად და ეს რეაგირების გარეშე დარჩეს“, - განაცხადა ბესელიამ.

არანაირი დაშლა არ მოხდება. „ქართული ოცნება“ პარლამენტში, 2020 წლის ჩათვლით, შეინარჩუნებს მყარ უმრავლესობას, - ამის შესახებ საპარლამენტო უმრავლესობის ლიდერმა არჩილ თალაკვაძემ მედიასთან საუბარში აღნიშნა. თალაკვაძე აცხადებს, რომ მოსამართლეების საკითხზე მსჯელობა დღესაც არგუმენტირებულად გაგრძელდება.

 

„გუშინ იყო საკმაოდ დიდი დრო, რომ გვემსჯელა სასამართლოსთან დაკავშირებით. დღეს განახლდა მსჯელობა. პარტიის თავმჯდომარემ ბიძინა ივანიშვილმა პროცესი ნორმალურ, სამუშაო კალაპოტში წარმართა და ვფიქრობ, არის რესურსი, რომ გუნდში ყველა ძირითად პრინციპზე მოხდეს შეთანხმება. მათ შორის, დღეს ჩვენ ვაგრძელებთ მსჯელობას კრიტერუმებთან დაკავშირებით, რომელიც უზენაესი სასამართლოს მოსამართლეების დასახელებას და მათ დამტკიცებას უკავშირდება და გვსურს, რომ საგაზაფხულო სესიისთვის უკვე ამაზე მუშაობა დავასრულოთ და მივცეთ სასამართლოს საშუალება, რომ უზენაესი სასამართლოს მოსამართლეები აირჩიოს. ჩვენ ყველაფერს გავაკეთებთ იმისთვის, რომ იყოს მიღებული გადაწყვეტილებები, რომელიც ხელს შეუწყობს სასამართლოს დამოუკიდებლობას და წაადგება ჩვენს საზოგადოებას და დემოკრატიას“,- განაცხადა თალაკვაძემ.

 

მისივე თქმით, გუნდში განსხვავებული მოსაზრებები სხვა დროსაც ყოფილა და ამაში საგანგაშო არაფერია.

 

„არავის უნდა ჰქონდეს მოლოდინი, რომ ისეთ მნიშვნელოვან და რთულ საკითხზე, როგორიც არის სასამართლოს რეფორმა, ადვილი მსჯელობა იქნებოდა. ის, რომ გუნდში იყო განსხვავებული არგუმენტები, ეს მოსალოდნელი იყო. ადრეც ყოფილა რამდენიმე მნიშვნელოვანი საკითხი, რომელსაც ახლდა ასეთი დისკუსია, მაგრამ ჩვენ ყოველთვის მოვახერხეთ, რომ საბოლოო ჯამში, სწორი გადაწყვეტილებები მიგვეღო. ვფიქრობ, დღეს იქნება საინტერესო მსჯელობა. გუნდში არსებულ დაპირისპირებასთან დაკავშირებით ის წინასწარი განწყობები, რომელიც მედიაში ჩანდა, იყო გარკვეულწილად გაზვიადებული.

 

ბატონი ბიძინა ივანიშვილის პოზიცია აქამდეც ცნობილი იყო და დღესაც ცნობილია. ის, როგორც პარტიის თავმჯდომარე მხარს უჭერს თავისუფალ, დამოუკიდებელ სასამართლოს და დღესაც მხარს უჭერს იმ კურსს სასამართლოსთან მიმართებაში, რომელიც 2012 წლის შემდეგ ჩვენი ხელისუფლების მხრიდან ხორციელდება. ეს არის სასამართლოს დამოუკიდებლობის გაძლიერება. ეს არის პრინციპული პოზიცია“,- აღნიშნა თალაკვაძემ.

საქართველოს პარლამენტის თავმჯდომარე ირაკლი კობახიძე ამერიკის შეერთებული შტატების ელჩის მოვალეობის შემსრულებელს როს უილსონს და ევროკავშირს ელჩს კარლ ჰარცელს შეხვდა.

 

როგორც „გლობალპრესს“ პარლამენტიდან აცნობეს, საუბარი მართლმსაჯულების სისტემის რეფორმას შეეხო და ყურადღება უზენაესი სასამართლოს მოსამართლეების დანიშვნის საკითხზე გამახვილდა.

 

მათივე ინფორმაციით, ელჩებმა საქართველოს პარლამენტის თავმჯდომარეს საკუთარი ინიციატივები და რეკომენდაციები გააცნეს.

 

მხარები შეთანხმდნენ, რომ პროცესის გამჭვირვალობისა და დაინტერესებული მხარეების აქტიური მონაწილეობის უზრუნველსაყოფად, თანამშრომლობა აქტიურად გაგრძელდება.

მოხარული ვარ, რომ დასრულდა ეს მოლაპარაკებები, მადლობა მერიას, რომ დაძაბულობა და დაპირისპირება მოგვაშორა, - ამის შესახებ დედაქალაქის მერთან კახა კალაძესთან შეხვედრის შემდეგ სასტუმრო „ბუდაპეშტის“ მფლობელმა გოგა ზაქაიძემ განაცხადა.

 

მისივე თქმით, მერიის მიერ შემოთავაზებული ვარიანტები არის ადეკვატური, ამიტომ კომპანია დათანხმდა მერიის წინადადებას.

 

„მართალი გითხრათ, მოხარული ვარ, რომ დასრულდა ეს მოლაპარაკებები. მერიამ წამოვიდა შემხვედრ წინადადებაზე, რისთვისაც მადლობა მინდა გადავუხადო, რომ დაძაბულობა და დაპირისპირება მოგვაშორა. მოვილაპარაკეთ იმაზე, რომ კონკრეტულ ობიექტებზე შევთანხმდებით. ჩვენმა კომპანიამ მიიღო გადაწყვეტილება, რომ დავთანხმდეთ ჩანაცვლებაზე ან გამოსყიდვაზე. ჩვენ გვაქვს ალტერნატივა, რომ ამოვარჩიოთ ჩამონათვალიდან, რომელი ობიექტი უფრო გვაწყობს. რამდენიმე დღეში დავასრულებთ ამ პროცესს. ჩანაცვლება ან გამოსყიდვა ჩვენ გვაკმაყოფილებს, უბრალოდ არჩევანი გვაქვს გასაკეთებელი. მე შევხვდები ჩვენი კომპანიის წარმომადგენლებს, რომ ერთად გადავწყვიტოთ, რომელ მხარეს წავა ჩვენი ინტერესი. ჩვენ შეგვეძლო სასამართლო პროცესებისკენ წასვლა, შევეცდებოდით მშენებლობის ნებართვის აღდგენას, მაგრამ რეალობიდან გამომდინარე შეთანხმების გაფორმება ვარჩიეთ. შემოთავაზებული ვარიანტები არის რეალობასთან ახლოს და ადეკვატურია, ამიტომ დავთანხმდით გაცვლაზე. ჩვენთვის არ აქვს გადამწყვეტი მნიშვნელობა, ბიზნესს ვაკის პარკის მიმდებარე ტერიტორიაზე გავაკეთებთ, ჭავჭავაძის ქუჩაზე, მთაწმინდაზე, ვარკეთილში თუ გლდანში. იქ არის საინტერესო ვარიანტები, თუმცა ამ ეტაპზე ადგილმდებარეობას ვერ დავაკონკრეტებ“, - განაცხადა ზაქაიძემ.

 

ვაკის პარკში სასტუმრო „ბუდაპეშტი“ აღარ აშენდება. შესაბამის შეთანხმებას დღეს დედაქალაქის მერიაში გამართულ შეხვედრაზე სასტუმროს მფლობელმა გოგა ზაქაიძემ და მერმა კახა კალაძემ მიაღწიეს.

ყველაზე მთავარი და მნიშვნელოვანი არის ის, რომ შეთანხმება მიღწეულია, დანარჩენი დეტალები უახლოეს მომავალში გახდება ცნობილი, - ამის შესახებ ჟურნალისტებს დედაქალაქის მერმა კახა კალაძემ სასტუმრო „ბუდაპეშტის“ მფლობელ გოგა ზაქაიძესთან შეხვედრის შემდეგ განუცხადა.

 

„ამოსყიდვის შემთხვევაში რა თანხაზე იქნება საუბარი, ჯერ ვერ გეტყვით. შეფასდება ეს ყველაფერი. რაც შეეხება ადგილმონაცვლეობას, ესეც ჯერჯერობით გადასაწყვეტია. ყველაზე მთავარი და მნიშვნელოვანი არის ის, რომ შეთანხმება მიღწეულია. დანარჩენი დეტალები უახლოეს მომავალში გახდება ცნობილი. ანალოგიური პრობლემა გვქონდა კუს ტბის მიმდებარე ტერიტორიაზე რესტორან „ოპიუმის“ წინ. მაშინაც „ნაციონალური მოძრაობის“ მმართველობის დროს იყო გაცემული სპეცნებართვა. დაწყებული იყო სამშენებლო სამუშაოები და სასტუმროს აშენება უნდოდათ. თუმცა ჩვენ იქაც მოვახერხეთ მშენებლობის შეჩერება და წავედით ადგილმონაცვლეობისკენ“, - განაცხადა კალაძემ.

 

როგორც კახა კალაძემ განაცხადა, ვაკის პარკში სასტუმრო „ბუდაპეშტი“ აღარ აშენდება. მისივე თქმით, აღნიშნულ საკითხზე ინვესტორთან შეთანხმება მოხერხდა.

არის მზაობა, რომ კონსენსუსისკენ წავიდეს პროცესი. თუ კონსენსუსი ვერ შედგება, მაშინ ინიცირებას გავუკეთებთ იმ პროექტს, რომელსაც ჩვენ დავუჭერთ მხარს,- ამის შესახებ საპარლამენტო უმრავლესობის წევრმა ეკა ბესელიამ „ქართული ოცნების“ ოფისში დაგეგმილი შეხვედრის დაწყებამდე განაცხადა.

 

ბესელია აცხადებს, რომ კონსენსუსი მისი პრინციპების დათმობის ხარჯზე არ იქნება.

 

„გუშინ დავინახე მზაობა და ეს გაგიზიარეთ კიდეც, რომ კონსენსუსისკენ წავიდეს პროცესი და არა კონფრონტაციისკენ. გუშინ ჩანდა პოზიცია, რომ საჭიროა კომპრომისი ვეძებოთ, არ გავაღრმაოთ ეს კონფლიქტი, თუმცა მე პოზიციას არ შევიცვლი. ამისთვის არის დღესაც ეს შეხვედრა, რომ მიზანი არის კონსენსუსი და არა კონფრონტაციის გაღრმავება. თუ კონსენსუსი ვერ შედგება, მაშინ დავაინიცირებთ იმ პროექტს, რომელსაც დავუჭერთ მხარს. ამიტომ პარლამენტში ორი ვერსია რომ არ გაჩნდეს, კონსენსუსი უნდა ვეძებოთ, შესაბამისად, მეც მზად ვარ აქეთკენ გადავდგა ნაბიჯები, მაგრამ კონსენსუსი არ გაივლის იმ პრინციპების ხარჯზე, რომელსაც მე ვიცავ. ეს პრინციპული საკითხი ჩემგან არ შეიცვლება“,- განაცხადა ბესელიამ.

 

ქართული ოცნების" ცენტრალურ ოფისში ბიძინა ივანიშვილის ხელმძღვანელობით საპარლამენტო უმრავლესობის შეხვედრა გაიმართება.

 

შეხვედრათა ციკლი მმართველმა გუნდმა გუშინ დაიწყო და განხილვის მთავარ თემას უზენაესი სასამართლოს მოსამართლეების საკითხი წარმოადგენს, რომელზეც გუნდში განსხვავებული პოზიციებია.

ჭიდაობის ფედერაციის პრეზიდენტმა გეგა გეგეშიძემ 5 000-ლარიანი გირაოს გადახდის შემდეგ სასჯელაღსრულების #8-ე დაწესებულება დატოვა.

 

მას დაწესებულებასთან ახლობლები და მოჭიდავეები დახვდნენ. გეგეშიძემ ტერიტორია უკომენტაროდ დატოვა. გეგეშიძის სასამართლო პროცესი დღეს გაიმართა. სხდომაზე მოსამართლე ნიკა მარგველაშვილმა გეგა გეგეშიძის მიმართ აღკვეთის ღონისძიების შეფარდებაზე იმსჯელა.

 

პროკურატურამ სასამართლოს აღკვეთის ღინისძიების სახით 5000-ლარიანი გირაოს გამოყენების შუამდგომლობით მიმართა, რაც მოსამართლემ დააკმაყოფილა. გეგეშიძე სასჯელაღსრულების დაწესებულებიდან სწორედ გირაოს გადახდის შემდეგ გათავისუფლდა. სასამართლომ გეგეშიძე ასევე ჭიდაობის ფედერაციის პრეზიდენტის პოსტზე დატოვა.

 

შეგახსენებთ, რომ საქართველოს ჭიდაობის ფედერაციის პრეზიდენტი თამაზ (გეგა) გეგეშიძე, სპორტის სასახლეში მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს.

ჯეკ შეპარდზე საერთაშორისო ძებნა ქართული მხარის ინიციატივით დიდმა ბრიტანეთმა 2019 წლის 12 იანვარს გამოაცხადა , - ამის შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორი ვლადიმერ ბორცვაძე აცხადებს.

 

როგორც გლობალპრესს“ შინაგან საქმეთა სმაინისტროდან აცნობეს, შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორმა ბრიტანეთის ძებნილი მოქალაქის საქართველოში დაკავების შესახებ ადგილობრივი და უცხოური მედიის წარმომადგენლებთან ისაუბრა.

 

"2019 წლის იანვრის დასაწყისში, საქართველოს შინაგან საქმეთა სამინისტრომ მიიღო ინფორმაცია იმის შესახებ, რომ სიცოცხლის გაუფრთხილებლობით მოსპობის ბრალდებით დიდ ბრიტანეთში გასამართლებული ჯეკ შეპარდი სავარაუდოდ იმყოფებოდა საქართველოს ტერიტორიაზე. მონაცემთა დამუშავებით დადგინდა, რომ ჯეკ შეპარდმა 2018 წლის მარტში გადმოკვეთა საქართველოს საზღვარი, მაშინ როდესაც მის მიმართ საერთაშორისო ძებნა გამოცხადებული არ იყო და არანაირი საფუძველი არ არსებობდა მისი დაკავებისთვის. ქართული მხარის ინიციატივით და ბრიტანულ მხარესთან აქტიური თანამშრომლობით,2019 წლის 12 იანვარს, ჯეკ შეპარდის მიმართ გამოცხადდა საერთაშორისო ძებნა, რის შემდგომაც აქტიურად დაიგეგმა და ხორციელდებოდა ოპერატიულ-სამძებრო ღონისძიებები ძებნილი პირის დაკავების მიზნით. ძებნის გამოცხადებიდან 10 დღეში, ჯეკ შეპარდი იძულებული გახდა გამოცხადებულიყო პოლიციაში, რადგან საერთაშორისო ძებნის გამოცხადების შემდეგ, ის ვეღარ გადაკვეთდა სახელმწიფო საზღვარს და ამავდროულად, მისი დაკავების მიზნით, ქართველი სამართალდამცველების მიერ ინტენსიურად მიმდინარეობდა ოპერატიული ღონისძიებები“, - განაცხადა ბორცვაძემ.

 

მისივე თქმით, მიუხედავად იმისა, რომ პოლიციაში გამოცხადებამდე მან აიყვანა ადვოკატები და მიმართა მედიას, მის მიმართ შესაბამისი სამართლებრივი პროცედურები განხორციელდება.

 

„შინაგან საქმეთა სამინისტრო აგრძელებს საჭირო ღონისძიებების გატარებას და დიდი ბრიტანეთის სამართალდამცავ უწყებასთან თანამშრომლობას მისი ექსტრადირებისთვის. ამავდროულად, შინაგან საქმეთა სამინისტრო მადლობას უხდის ყველა იმ პირს, ვინც ჩართული იყო რათა ჯეკ შეპარდის ნებაყოფლობით სამართალდამცავ უწყებაში გამოცხადების პროცესში. დამატებითი დეტალები არის ოპერატიულ-სამძებრო ღონისძიებები, რომელიც თავის შინაარსით გარკვეულწილად არის საიდუმლო. რა თქმა უნდა, გვქონდა ინტენსიური თანამშრომლობა და გარკვეული ინფორმაცია, მისი სავარაუდო ადგილსამყოფელის შესახებ, რაც საფუძველი გახდა იმისა, რომ ეს ადამიანი გამოცხადებულიყო სამართალდამცავ ორგანოში. ჩვენ ვიყავით ინიციატორები ბრიტანულ მხარესთან, რომ პირველ რიგში მიგვეწოდებინა ინფორმაცია და იქედან შესაბამისი ინფორმაცია მიგვეღო, რათა ამ ადამიანის ადგილსამყოფელის დადგენა და დაკავება მოგვეხდინა. შესაბამისად, ჩვენ ვთანამშრომლობდით და დღესაც ვთანამშრომლობთ ბრიტანულ მხარესთან“, - განაცხადა ვლადიმერ ბორცვაძემ.

გაერთიანებული სამეფოს საგარეო საქმეთა მინისტრი ჯერემი ჰანთი, ბრიტანეთის ძებნილი მოქალაქის, ჯეკ შეპარდის საქართველოში დაკავებას საკუთარ twitter-ის გვერდზე ეხმაურება.

 

როგორც „გლობალპრესს“ შინაგან საქმეთა სამინისტროდან აცნობეს, ბრიტანელი დიპლომატი საქართველოს პოლიციას და მინისტრ გიორგი გახარიას ჯეკ შეპარდის დაკავების პროცესში გაწეული ხელშეწყობისა და წარმატებული თანამშრომლობისთვის მადლობას უხდის.

 

"გამოვხატავ ჩემს დიდ მადლიერებას გიორგი გახარიასა და ქართული პოლიციის მიმართ, ძებნილი ბრიტანელის, ჯეკ შეპარდის დაკავების პროცესში გაწეული ხელშეწყობისა და წარმატებული თანამშრომლობისთვის. მადლობას ვუხდი ბრიტანეთის ეროვნულ კრიმინალურ სააგენტოს (National Crime Agency), მეტროპოლიტენის პოლიციას (UK metropolitan police) და საქართველოს შინაგან საქმეთა სამინისტროს“, - წერს მინისტრი ჯერემი ჰანთი.

 

საქართველოს შინაგან საქმეთა სამინისტრომ გაერთიანებული სამეფოს ძებნილი მოქალაქე თბილისში, 23 იანვარს დააკავა. 1987 წელს დაბადებული ჯეკ შეპარდი ვაკე-საბურთალოს პოლიციის სამმართველოში ადვოკატებთან ერთად გამოცხადდა და საქართველოს პოლიციას ნებაყოფლობით ჩაბარდა. ქართველი და ბრიტანელი სამართალდამცველების თანამშრომლობით, ჯეკ შეპარდზე საერთაშორისო არხებით ძებნა მიმდინარე წლის 12 იანვრიდან გამოცხადდა.

 

31 წლის ბრიტანელი ლონდონის ცენტრალური კრიმინალური სასამართლოს მიერ დამნაშავედ იქნა ცნობილი გაუფრთხილებლობით ერთი პირის სიცოცხლის მოსპობის გამო და 6 წლით თავისუფლების აღკვეთა მიესაჯა. შემთხვევა 2015 წლის 8 დეკემბერს მოხდა.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » მარტი 2019
ორშ სამ ოთხ ხუთ პარ შაბ კვი
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

ყველა გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?