Global Press

Georgia

Global PressGlobal PressGlobal PressGlobal Press

USD
3.2345
EUR
3.797
RUR
0.0412
GBP
4.1958

ოკუპირებულ აფხაზეთში ე.წ. აფხაზეთის სახელმწიფო დროში დაწვის გამო დაკავებულ ირაკლი ბებუას, ბრალი ოფიციალურად წაუყენეს. "ეხო კავკაზის ინფორმაციით" ბებუას სახლში ჩხრეკის დროს RG-42 ტიპის ფრაგმენტული ხელყუმბარა ამოიღეს.

 

მას დე ფაქტო საგამოძიები უწყება დამამძიმებელ გარემოებებში აფხაზეთის სახელმწიფო სიმბოლოს განადგურებას და ტყვია-წამლის უკანონო შენახვას ედავება. მათივე ინფორმაციით, ბებუა დროებითი დაკავების იზოლატორშია მოთავსებული.

 

,,ამ დროისთვის ამ უკანასკნელის მიმართ გამოყენებულია ადმინისტრაციული სახდელი - დაპატიმრება 30 დღის ვადით, - წერია განცხადებაში.

 

ბებუა გალიდან სოხუმის ციხეში გადაიყვანეს. ამის შესახებ შეტყობინება ბრალდებულის ოჯახმა სახელმწიფო უსაფრთხოების სამსახურიდან მიიღო.

 

ახლობლები ამბობენ, რომ დაკავებულის ჯანმრთელობის მდგომარეობა ამ ეტაპზე დამაკმაყოფილებელია, მაგრამ შესაძლოა ის ნებისმიერ მომენტში დამძიმდეს. ოჯახი სახელმიწოფო უწყებებს ირაკლი ბებუა საქართველოს კონტროლირებად ტერიტორიაზე გადმოიყვანას სთხოვს.

 

შეგახსენებთ, რომ ოკუპირებული აფხაზეთის ე.წ. დროშის დაწვის გამო ოკუპირებული გალის რაიონში საქართველოს მოქალაქე ირაკლი ბებუა გუშინ დააკავეს.

 

მომხდარზე ინფორმაციას ფლობს ჟენევის დისკუსიების თანათავმჯდომარეები და საერთაშორისო პარტნიორებიც და ცნობილია, რომ ისინი ირაკლი ბებუას დაუყოვნებლივ გათავისუფლების საკითხზე მუშაობენ. პოლიტიკა

სომხეთის თავდაცვის სამინისტროს წამომადგენელმა, არცრუნ ოვანისიანის განცხადებით, აზერბაიჯანმა თვითაღიარებული რესპუბლიკის, ყარაბღის დედაქალაქი სტეპანაკერტი დაბომბა.

 

,,სტეპანაკერტში ბევრი სამოქალაქო ინფრასტრუქტურა დაზიანდა, არიან დაშავებულები სამოქალაქო პირებს შორის, დაშავდა სამაშველო სამსახური“ - დაწერა ოვასიანმა

 

ასევე, მან განაცხადა, რო, აზერბაიჯანი ყარაბაღში, კასეტურ ბომბს იყენებს

 

დაბომბვის ფაქტს ადასტურებს Human Righs ომბუდსმენი

 

შეგახსენებთ, რომ ფართომაშტაბიანი სამხედრო დაპირისპირება მთინ ყარაბაღში 27 სექტემბერს განახლდა

მეხანძრე-მაშველებმა აჭარაში, ხელვაჩაურის მუნიციპალიტეტში მესამე ადამიანის ცხედარი იპოვეს.

 

120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილი მოქალაქეების საძიებო სამუშაოებს 24-საათიან, უწყვეტ რეჟიმში განაგრძობს.

 

მიწის მასამ საცხოვრებელი სახლი წაიღო და გზაზე მიმავალი მანქანა მოიყოლა.

 

ცოტა ხნის წინ ხელვაჩაურში სტიქიის ზონაში მაშველებმა ორი ადამიანის ცხედარი იპოვეს.

მაშველებმა ხელვაჩაურში, მეწყერში მოყოლილი ავტომობილი და ორი მამაკაცის ცხედარი იპოვეს. ამის შესახებ ინფორმაციას საგანგებო სიტუაციების მართვის სამსახური ავრცელებს. მათივე ინფორმაციით, 120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილი მოქალაქეების საძიებო სამუშაოებს 24-საათიან, უწყვეტ რეჟიმში განაგრძობს.

 

„ადგილზე დამატებით მობილიზებული არიან სახელმწიფო უსაფრთხოების სამსახურის და თავდაცვის სამინისტროს გამნაღმველები, რომლებიც მეწყრულ მასაში მოყოლილ ავტომობილს ეძებდნენ. საძიებო სამუშაოები, ასევე, მიმდინარეობს მდინარე სატეხიაში, საიდანაც გადავარდნილი ავტომობილი უკვე ამოღებულია, ხოლო მისი მძღოლი დაკარგულია.

 

გვიან ღამით, აჭარაში სპეციალური აღჭურვილობით ჩავიდნენ დამხმარე ძალები სამეგრელოდან, იმერეთიდან, თბილისიდან და 60 მეხანძრე-მაშველი სამუშაოებში ჩაერთო. ასევე, 2 ოქტომბერს, დილით, 50-კაციანი ჯგუფი შესაბამისი აღჭურვილობით დაიძრა თბილისიდან. აჭარაში მოსული უხვი ნალექის გამო, საზოგადოებრივი უსაფრთხოების მართვის ცენტრ "112"-ში 440 შეტყობინება შევიდა. შეტყობინებების უმრავლესობა ეხება დატბორილ ქუჩებს, საცხოვრებელი სახლების პირველ სართულებს, ეზოებს და სარდაფებს. რამდენიმე ადგილას, გზაზე, ჩამოწოლილია მიწის მასა, ჩახერგილია გზა, ადიდებულია მდინარეები და ღელეები“, - ნაათქვამია გავრცელებულ ინფორმაციაში.

ევროკავშირის ლიდერები ბელარუსისთვის სანქციების დაწესებაზე შეთანხმდენ. გადავწვიტეთ სანციების დაწესება, განაცხადა ევროსაბჭოს პრეზიდენტმა შარლ მიშელმა ბრიუსელში გამართული სამიტის შემდეგ

 

შარლ მიშელმა, ასევე აღნიშნა, რომ ე.წ. შავ სიაში ალექსანდრე ლუკაშენკო არ იქნება და სანქციო პროცედურები, 2 ოქტომბრიდან დაიწყება

 

,,ჩვენ ვიწყებთ იმ ზომების მიღებას, რაზეც რამდენიმე კვირის წინ ვიმსჯელეთ და დღეს უკვე გადაწვეტილება მიღებულია. ჩვენ მხარს ვუჭერთ ბელარუსის მოქალაქეებს, ვინც საკუთარი ქვეყნის დემოკრატიული მომავლისთვის იბრძვის. ჩვენ ვიცავთ ფუნდამენტურ ღირებულებებს და ეს არის გამოხატვის თავისუფლება, მედიის თავისუფლება და სამოქალაქო საზოგადოება. სანქციებს დაექვემდებარება 40 პირი“ - განაცხადა შარლ მიშელმა

 

სანქციები ამოქმედდება იმ პირთა წინააღმდეგ, ვინც პასუხისმგებელა 2020 წლის 9 აგვისტოს საპრეზიდენტო არჩევნების გაყალბებასა დაა დემოსტრანტების მიმართ  ძალადობაში 

 

,,ძალიან მნიშვნელოვანია, რომ დღეს მივიღეთ პოლიტიკური გადაწვეტილება სანქციების დაწესებაზე. მე ვადასტურებ, რომ სიაში არ არის ლუკაშენკო. ჩვენ ვაგრძელებთ მოვლენების განვითარებაზე დაკვირვებას, ჩვენ ვართ დიალოგის დაწყების მომხრე. განაკუთრებით გვინდა აღვნიშნოთ ეუთოს როლი, რადგან ვფიქრობთ ეუთოს შეუძლია პოზიტიური და კონსტრუქციული რომლის შესრულება. ევროკავშირი გმობს ბელარუსში მშვიდობიანი დემონსტრანტების წინააღმდეგ ძალადობას, პოლიტიკური ოპონენტების დევნას“ - განაცხადა ევროპული საბჭოს პრეზიდენტმა შარლ მიშელმა

 

სანქციების დაწესების საკითხზე შეთანხმების მიღწევას გერმანიის კანცლერი ანგელა მერკელიც მიესალმა და აღნიშნა, რომ ლუკაშენკოს მხარდამჭერების წინააღმდეგ სანქციების დაწესება ,,ძალიან მნიშვნელოვანი სიგნალია“

 

როგორც ცნობილია, ბელარუსის ოფიციალური პირების წინააღმდეგ სანქციების დაწესების გადაწყვეტილება ევროკავშირის ლიდერებმა ჯერ კიდევ აგვისტოში მიიღეს, თუმცა კვიპროსის პოზციის გამო, რომელიც სანაცვლოდ თურქეთისთვის სანქციების დაწესებას ითხოვდა, შეთანხმების მიღწევა ამ დრომდე ვერ ხერხდებოდა. წუხელ გამართული სამიტის დროს ევროკავშირმა ანკარა შესაძლოა სანქციების შესახებ გააფრთხილა და მოუწოდა, აღმოსავლეთ ხმელთაშუა ზღვისპირეთში ,,პროვოკაციები და ზეწოლა“ შეწყვიტოს, რის შემდეგადაც კვიპროსი ბელარუსუსთვის სანციების დაწესებას დათანხმდა

 

ცნობისთვის, 19 აგვისტოს ევროკავშირის საბჭოს პრეზიდენტმა, შარლ მიშელმა განაცხადა, რომ ბელარუსში გამართულ საპრეზიდენტო არჩევნების შედეგებს არ ცნობს.

კომპანია Amazon-ში, 1 მარტიდან 19 სექტემბრამდე პერიოდში კორონავირუსით ინფიცირება 19 816 თანამშრომელს დაუდასტურდა. ამის შესახებ ინფორმაციას Reuters-ი ავრცელებს

 

როგორც Reuters წერს, კომპოანია Amazon- სა და მის შვილობილ კომპანია Whole Foods-ში, საერთო ჯამში 1 372 000 ადამიანია დასაქმებული, საიდნაც covid-19 1,44%-ს დაუდასტურდა.

 

როგორც კომპანიაში აცხადებენ, amazon-ის მინესოტას ფილიალს ქონდა ინფიცირების ყველაზე მაღალი მაჩვენებელი, სადაც 32 ადამიანია დაინფიცირდა, მინესოტაში სულ 1000 ადამიანი დასაქმებული.

 

როგორც გამოცემა წერს, თანამშრომელთა ნაწილისა და პროფკავშირების მტკიცებით, Amazon-მა პანდემიის პერიოდში საწყობების ღიად დატოვებით დასაქმებულთა ჯანმრთელობა რისკის ქვეშ დააყენა, თუმცა Amazon-ში აცხადებენ, რომ ინფიცირების მაჩვენებელი 42%-ით დაბალია, ვიდრე მოსალოდნელი იყო.

საქართველოს ჯანდაცვის მინისტრი ეკატერინე ტიკარაძის განცხადებით, კორონავირუსით გარდაცვლილი ბოლო 5 პაციენტიდან 2 ბათუმში, 3 კი - ქუთაისში მკურნალობდა.

 

როგორც ჯანდაცვის მინისტრი აცხადებს, გარდაცვლილების ასაკობრივი გრადაცია 51-წლიდან 90-წლამდე მერყეობს.

 

„ 2 გარდაცვლილი გვყავს ბათუმში, 3 კი - ქუთაისში. ყველა გარდაცვლილს აღენიშნებოდა თანმხლები დაავადებები. მნიშვნელოვანია რომ ასაკობრივი გრადაცია არის 51-წლიდან 90-წლამდე“,-განაცხადა ეკატერინე ტიკარაძემ.

 

ცნობისთვის, საქართველოში ბოლო 24 საათში კორონავირუსის 453 ახალი შემთხვევა გამოვლინდა, გარდაიცვალა 5 პაციენტი, გამოჯანმრთელებულების რიცხვი კი 295-ით გაიზარდა.

„სასურველია, რომ პირბადე აჭარაში გამოვიყენოთ გარეთაც“, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ უწყებათაშორისი საკოორდინაციო სხდომის დასრულების შემდეგ განაცხადა.

 

„მივმართავ აჭარის მოსახლეობას, რადგან აჭარაში ჩვენ გვაქვს სერიოზული გავრცელება, ამიტომ სასურველია და რეკომენდებულია, ღია სივრცეებშიც ვიხმაროთ პირბადე. თუ ვინმე არ იყენებს, ეს რა თქმა უნდა, დასჯადი არ იქნება, მაგრამ რეკომენდებულია დღეს, რადგან ინცინდენტობის მაჩვენებელი აჭარაში გვაქვს დაახლოებით 7-8-ჯერ მეტი, ვიდრე საშუალო ქვეყნის მაჩვენებელია, ამიტომ სასურველია, რომ პირბადე აჭარაში გამოვიყენოთ გარეთაც“, - განაცხადა ამირან გამყრელიძემ.

 

საქართველოში კორონავირუსი კიდევ 453 ადამიანს დაუდასტურდა, გამოჯანმრთელდა - 295. გარდაიცვალა -5, საერთო ჯამი - 46-ს შეადგენს.

 

ახალი შემთხვევებიდან, აჭარაში 297 ადამიანი დაინფიცირდა, 78 თბილისში, 52 კი იმერეთში დაფიქსირდა

ჩხოროწყუში კორონავირუსი სამ ექიმს დაუდასტურდა, რის გამოც შესაძლოა საავადმყოფო დაიხუროს. ამ დროისთვის კი დაწესებულებამ პაციენტების მიღება შეწყვიტა და იქ ეპიდემიოლოგები მუშაობენ.

 

გარდა ამისა, ჩხოროწყუში ინფექცია დაუდასტურდა კიდევ ორ პირს. ისინი ოჯახის წევრები არიან და სავარაუდოდ, ინფიცირებულთან კონტაქტი საირმეში ჰქონდათ.

 

კორონავირუსი, ასევე დაუდასტურდა ზუგდიდში მოსწავლეს რეპეტირორის კლასტერიდან, ოთხი ე.წ. ოქროს ბირჟის კლასტერია, ორი კი ცხელების ცენტრის პაციენტი. მათი წყარო, ჯერჯერობით, დადგენილია.

 

ასევე ხობში ინფიცირებილია უკვე დადასტურებული შემთხვევის ოთხი კონტაქტი, სენაკში კი ინფიცირებულის 6 კონტაქტი.

 

კორონავირუსი დაუდასტურდა ე.წ. საბერიოს კლასტერის ოთხ წევრს. ყველა ამ შემთხვევაზე მიმდინარეობს ეპიდემიოლოგიური კვლევები. რაც შეეხება სამეგრელოში სამედიცინო დაწესებულებებში, აქ 94 ინფიცირებული მკურნალობს.

 

რეგიონის მასშტაბით, 838 ბიოლოგიური ნიმუში ფაიტესტა, მათგან 25 დადებითია. რეგიონის საკატანტინო სივრცეებში მოთავსებულია 131 მოქალაქე.

ვალდებულები ვართ, საქართველოს ყველა მოკავშირეს და მეგობარს კიდევ ერთხელ შევახსენოთ, თუ როგორი დესპოტური და კაცთმოძულე ხელისუფლების პირობებში მოუწია ქართულ საზოგადოებას 2012 წლის პირველ ოქტომბრამდე ცხოვრება“,- ამის შესახებ, პარტია „ქართული ოცნება-დემოკრატიული საქართველოს“ თავმჯდომარემ ბიძინა ივანიშვილმა 2020 წლის საარჩევნო პროგრამის პრეზენტაციაზე სიტყვით გამოსვლისას განაცხადა.

 

ბიძინა ივანიშვილის თქმით, 2012 წლის პირველი ოქტომბერი ქვეყნის ისტორიაში ქართველი ხალხის ერთობის, თავისუფლების და გამარჯვების სიმბოლოდ ჩაიწერა.

 

„დღეს პირველი ოქტომბერია, დღე რომელიც ჩაიწერა ჩვენი ქვეყნის ისტორიაში როგორც ქართველი ხალხის ერთობის, თავისუფლების და გამარჯვების სიმბოლო. 2012 წელს ჩვენ გადარჩენისთვის ვიბრძოდით, შიშისგან, ჩაგვრისა და ძალადობისგან რომ დაგვეცვა ხალხი და ქვეყანა. დღეს, 2012 წლის პირველი ოქტომბრის არჩევნებიდან 8 წლის თავზე, ჩვენ ვცხოვრობთ ქვეყანაში, სადაც თავისუფლებას ბრძოლით მოპოვება არ სჭირდება, სადაც განსხვავებული პოლიტიკური გემოვნების გამო, ადამიანებს აღარ დევნიან, სადაც ხელისუფლების შიში და ძალმომრეობა სამუდამოდ წარსულს ჩაბარდა, სადაც სახელმწიფო ადამიანისთვის არსებობს და არა პირიქით.

 

დღეს, „ქართული ოცნება-დემოკრატიული საქართველო“ ხალხს სთავაზობს პროგრამას, რომელმაც შეუქცევადი უნდა გახადოს ქვეყნის დემოკრატიული განვითარება, უზრუნველყოს ეკონომიკური წინსვლა და მნიშვნელოვნად შეცვალოს უკეთესობისკენ თითოეული ჩვენი მოქალაქის ცხოვრება.

 

რამდენადაც არასასიამოვნო მოსასმენი უნდა იყოს, ჩვენ ვალდებულები ვართ ობიექტურად შევაფასოთ და არამარტო ჩვენს ხალხს, მთელ მსოფლიოს, საქართველოს ყველა მოკავშირეს და მეგობარს კიდევ ერთხელ მიუკერძოებლად შევახსენოთ, როგორი დესპოტური და კაცთმოძულე ხელისუფლების პირობებში მოუწია ქართულ საზოგადოებას 2012 წლის პირველ ოქტომბრამდე ცხოვრება, რა მემკვიდრეობა ჩავიბარეთ წინა ხელისუფლებისგან და რისი გაკეთება შევძელით“,-განაცხადა ბიძინა ივანიშვილმა.

"ის პოლიტიკური ძალა, რომელიც პირადად შემოუძღვა ოკუპანტს, სირცხვილია, ჩვენ ბორდერიზაციაზე გვსაყვედურობდეს", - ამის შესახებ ქართული ოცნების თავმჯდომარემ ბიძინა ივანიშვილმა მმართველი პარტიის წინასაარჩევნო პროგრამის წარდგენაზე განაცხადა.

 

მისი თქმით, "ქართული ოცნების" ხელისუფლება ოკუპაციის პირობებშიც კი, პრაგმატული პოლიტიკის წყალობით, ახერხებს მშვიდობის შენარჩუნებას, თუმცა, "ნაციონალური მოძრაობა აქაც არაა თანხვედრაში საერთაშორისო ორგანიზაციებთან", - თქვა მან.

 

შეგახსენებთ, 2013 წელს, ბორდერიზაციის პიკის პერიოდში, როცა ბიძნა ივანიშვილი ქვეყნის პრემიერმინისტრი იყო, მცოცავ ოკუპაციასთან და ბორდერიზაციასთან დაკავშიორებულ შეკითხვაზე თქვა, რომ არ სჯერა, რუსეთს სხვა ქვეყნის ტერიტორიების მიტაცება აინტერესებდეს.

 

საარჩევნო პროგრამის პრეზენტაციაზევე ივანიშვილმა ნაციონალურ მოძრაოაბასა და წარსულზე საუბარს 10 წუთზეე მეტი დაუთმო.

ქართული ოცნების წინასაარჩევნო პროგრამის წარდგენაზე ბიძინა ივანიშვილმა განაცხადა, რომ 'ნაციონალურმა მოძრაობამ" 20 ივნისს ახალგაზრდების გულწრფელი პროტესტი გამოიყენა და პარლამენტზე შტურმი მიიტანა. ქართული ოცნების" დამფუძნებლის ამ განცხადებას დამსწრეები ოვაციით შეხვდნენ.

 

"პერმანენტული მარცხით გაწბილებულებმა და ხელმოცარულებმა სხვა გზა რომ ვერ ნახეს, ბოროტად ისარგებლეს ხელისუფლების უნებლიე შეცდომის გამო აღელვებული ახალგაზრდების გულწრფელი პროტესტით და მათ ხარჯზე სცადეს ძალაუფლების არალეგიტიმური გზით დაბრუნება. საქართველოს პარლამენტზე მიიტანეს ძალადობრივი შტურმი. სახელმწიფომ გაუძლო ამ გამოწვევას და აღკვეთა ამბოხი, რასაც შედეგად ჩვენ, სამწუხაროთ, ათეულობით დემონსტრანტის და სამართალდამცავის ჯანმრთელობის დაზიანება მოჰყვა. იყო სამწუხარო გადაცდომები, ადგილი ჰქოდნა ძალის გადამეტებასაც. ” -განაცხადა ივანიშვილმა

 

ივანიშვილისვე თქმით, ნაციონალური მოძრაობა არ იმჩნევს პროგრესს, "რადგან ქვეყნის პროგრესი მათთვის უბედურებაა."

 

ბიძინა ივანიშვილმა პროგრამის წასადგენად დაგეგმილ შეხვედრაზე 10 წუთზე მეტი წინა ხელისუფლების კრიტიკას დაუთმო, რომელსაც ომის დაწყება, სოფლის მეურნეობის გნადგურება და ვაზის აჩეხვაც კი დააბრალა.

 

დღესვე ცნობილი გახდა "ოცნების" საარჩევნო სიის სრული შემდაგენლობაც.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?