Global Press

Georgia

Global PressGlobal PressGlobal PressGlobal Press

USD
3.4363
EUR
4.1187
RUR
0.0454
GBP
4.738

„დემოკრატმა“ კონგრესმენებმა, ტედ ლიუმ და კეტლინ რაისმა, გამოძიების ფედერალური ბიუროს (FBI) ხელმძღვანელს, კრისტოფერ რეის აშშ-ის პრეზიდენტის, დონალდ ტრამპის წინააღმდეგ გამოძიების დაწყების თხოვნით მიმართეს. ამის შესახებე, თავად კონგრესმენი ტედ ლიუმი Twitter-ზე წერს.

 

„როგორც კონგრესის წევრები და წარსულში პროკურორები, მივიჩნევთ, რომ დონალდ ტრამპმა რამდენიმე დანაშაული ჩაიდინა ჯორჯიის შტატის სახელმწიფო მდივანთან, ბრედ რაფენსპერგერთან სატელეფონო საუბრის დროს, როდესაც 11 780 ბიულეტენის პოვნა ან ხმების გადათვლა მოითხოვა. გთხოვთ, დაუყოვნებლივ დაიწყოთ გამოძიება“, - დაწერა კონგრესმენმა ტედ ლიუმ Twitter-ზე.

 

როგორც ცნობილია, 3 იანვარს, გაზეთ The Washington Post-მა დონალდ ტრამპსა და ჯორჯიის შტატის სახელმწიფო მდივანს, ბრედ რაფენსპერგერს შორის სატელეფონო საუბრის ჩანაწერი გაავრცელა. სადაც აშშ-ის მოქმედმა პრეზიდენტმა, დონალდ ტრამპმა ბრედ რაფენსპერგერს საკმარისი რაოდენობის ბიულეტენის მოძებნა მოსთხოვა, რათა შტატში მისი გამარჯვება დამტკიცდეს.

 

„ყველაფერი, რისი გაკეთებაც მსურს შემდეგია: მინდა 11 780 ბიულეტენი ვიპოვო, ვინაიდან შტატში გავიმარჯვეთ“, - განაცხადა აშშ-ის პრეზიდენტმა სატელეფონო საუბარში.

 

აღნიშნული აუდიოჩანაწერის მიხედვით, დონალდ ტრამპმა ჯორჯიის შტატის სახელმწიფო მდივანსა და მის იურიდიულ მრჩეველს, რაიან ჯერმანის შესაძლო სამართლებრივ პასუხისმგებლობაზე მიანიშნა.

 

ამასთანავე, დონალდ ტრამპმა მინიშნება გააკეთა, თუ რაფენსპერგერი და ჯერმანი იმ ბიულეტენებს არ იპოვნიან, რომელიც მის სასარგებლოდ იყო მიცემული, ხოლო შემდგომში განადგურებული, ისინი დანაშაულის თანამონაწილეები გახდებიან.

ბიძინა ივანიშვილის ქონება 100 მილიონი დოლარით გაიზარდა.ამის შესახებ ინფორმაციას Bloomberg Billionaires Index-ზე ავრცელებს

 

Bloomberg ინდექსის მიხედვით, თუ ნოემბრის ბოლოს ბიძინია ივანიშვილს, ქონება 5.57 მილიარდი დოლარი იყო, 4 იანვარის მონაცემებით, მისი ქონება 5.67 მილიარდი დოლარია.

 

ბიძინა ივანიშვილი მსოფლიოს მილიარდერთა სიაში 459-ე ადგილზეა.

 

 

  

"პატრიოტთა ალიანსის" სამ დეპუტატს ირმა ინაშვილს, გიორგი ლომიასა და გოჩა თევდორაძეს პარლამენტის სადეპუტატო უფლებამოსილება ვადამდე შეუწყდათ. შესაბამისი გადაწყვეტილება საპარლამენტო უმრავლესობის დეპუტატებმა რიგგარეშე სესიაზე მიიღეს.

 

ირმა ინაშვილისთვის დეპუტატის უფლებამოსილების ვადამდე შეწყვეტას მხარი 80-მა დეპუტატმა დაუჭირა, გიორგი ლომიასთვის დეპუტატის უფლებამოსილების შეწყვეტას 79 პარლამენტარი დაეთანხმა, ხოლო გოჩა თევდორაძისთვის სადეპუტატო უფლებამოსილების ვადამდე შეწყვეტას მხარი 78-მა დეპუტატმა დაუჭირა. სადეპუტატო უფლებამოსილების ვადამდე შეწყვეტის საკითხი დღესვე განიხილეს პარლამენტის საპროცედურო საკითხთა და წესების კომიტეტზეც და ცნობად მიიღეს.

 

როგორც საპროცედურო საკითხთა კომიტეტის თავმჯდომარემ ირაკლი ქადაგიშვილმა განაცხადა, სამივე წევრმა დაადასტურა, რომ განცხადებები უფლებამოსილების შეწყვეტის თაობაზე არის მათი ნების გამოხატულება.

 

ცნობისთვის, “პატრიოტთა ალიანსს“ საარჩევნო სია არ ჩაუხსნია, ირმა ინაშვილის, გიორგი ლომიასა და გოჩა თევდორაძის ადგილმონაცვლეები კი, შესაძლოა პარლამენტში შევიდნენ. “პატრიოტთა ალიანსის“ საარჩევნო სიაში ირმა ინაშვილის, გიორგი ლომიასა და გოჩა თევდორაძის ადგილმონაცვლეები არიან: - გელა მიქაძე, ნანა დევდარიანი და ფრიდონ ინჯია.

 

“პატრიოტთა სიით“ პარლამენტში შევიდა და მანდატზე უარის თქმას არ აპირებს ავთანდილ ენუქიძე. შეგახსენებთ, რომ 31 ოქტომბრის საპარლამენტო არჩევნების შედეგების მიმართ პროტესტი სადეპუტატო მანდატებზე უარის თქმით, 54-მა ოპოზიციონერმა გამოხატა.

საქართველოში კორონავირუსის ახალი, ე.წ. ბრიტანული შტამი დადასტურდა, - ამის შესახებ ჯანდაცვის სამინისტროში გამართულ პრესკონფერენციაზე ჟურნალისტებს დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განუცხადა.

 

მისი თქმით, ახალ შტამზე გამოიკვლიეს სამი ნიმუში, რომელთაგან ორზე უარყოფითი პასუხი მოვიდა, მესამე შემთხვევაში კი ახალი შტამი დადასტურდა. ინფიცირებული 50 წელს გადაცილებული პაციენტია, რომელიც თავს კარგად გრძნობს და იზოლაციაში იმყოფება.

 

პაატა იმნაძის განცხადებით, ახალი შტამით ინფიცირებული პირი ბრიტანეთში არ ყოფილა.

 

14 დეკემბერს მეცნიერებმა კორონავირუსის ახალი სახეობა აღმოაჩინეს. ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ დიდ ბრიტანეთში აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე. დიდი ბრიტანეთის ჯანდაცვის მდივანმა, მეთ ჰენკოკმა განაცხადა, რომ ვირუსის ახალი სახეობა შედარებით სწრაფად ვრცელდება, თუმცა უფრო საშიში არ არის.

აშშ-ის არჩეულმა ვიცე-პრეზიდენტმა, კამალა ჰარისმა აშშ-ის მოქმედი პრეზიდენტი, დონალდ ტრამპი უფლებამოსილების ბოროტად გამოყენებაში დაადანაშაულა. ამის შესახეებ ინფორმაციას usatoday ავრცელებს.

 

„ყველამ მოუსმინა ამ საუბარს? ეს ნამდვილად სასოწარკვეთილების ხმა იყო. ეს იყო ამერიკის შეერთებული შტატების პრეზიდენტის მხრიდან უფლებამოსილების ბოროტად გამოყენების უხეში და თავხედი ფაქტი. მაშინ, როდესაც შეერთებული შტატების პრეზიდენტი შტატის მდივანს, არჩევნების შედეგების შეცვლას სთხოვს, ჯორჯიის შტატში, რომელმაც მხარი ჯო ბაიდენსა და კამილა ჰარისს დაუჭირა, ეს დემოკრატიაზე პირდაპირი თავდასხმაა“, - განაცხადა კამალა ჰარისმა.

 

ცნობისთვის, გაზეთ The Washington Post-მა დონალდ ტრამპსა და ჯორჯიის შტატის სახელმწიფო მდივანს, ბრედ რაფენსპერგერს შორის სატელეფონო საუბარი გამოაქვეყნა. სადაც აშშ-ის მოქმედმა პრეზიდენტმა, სატელეფონო საუბარში, ბრედ რაფენსპერგერს საკმარისი რაოდენობის ბიულეტენის მოძებნა მოსთხოვა, რათა შტატში მისი გამარჯვება დამტკიცდეს.

 

„ყველაფერი, რისი გაკეთებაც მსურს შემდეგია: მინდა 11 780 ბიულეტენი ვიპოვო, ვინაიდან შტატში გავიმარჯვეთ“, - განაცხადა სატელეფონო საუბრისას აშშ-ის პრეზიდენტმა დონალდ ტრამპმა

დღეს, დიდ ბრიტანეთში Oxford/AstraZeneca-ს კორონავირუსის საწინააღმდეგო ვაქცინით მოქალაქეების ვაქცინაცია დაიწყო. ამის შესახებ ინფორმაციას Sky News ავრცელებს.

 

დიდი ბრიტანეთის ეროვნული ჯანდაცვის სამსახურის ინფორმაციით, 82 წლის ბრაიან პინკერი პირველი პაციენტია მსოფლიოში, რომელიც ვაქცინით აცრეს.

 

გამოცემის ინფორმაციით, პარკერს თირკმლის დაავადება აქვს და ჩერჩილის ჰოსპიტალში მკურნალობს. თებერვალში ის და მისი ცოლი ქორწინებიდან გასული 48-ე წლის აღნიშვნას აპირებენ.

 

როგორც Sky News წერს, ოქსფორდის ვაქცინამდე დიდმა ბრიტანეთმა Pfizer/BioNTech დაამტკიცა (მსოფლიოში პირველმა) და იმუნიზაცია 8 დეკემბერს დაიწყო. გერმანული კომპანია BioNTech-ისა და მისი ამერიკული პარტნიორის, Pfizer-ის მიერ შექმნილი პრეპარატის დოზები გაერთიანებული სამეფოს ყველა ნაწილში ჩაიტანეს.

 

დიდი ბრიტანეთის პრემიერ-მინისტრის განცხადებით, ამჟამად Oxford/AstraZeneca-ს ვაქცინის 530 ათასი დოზაა ხელმისაწვდომი.

 

გამოცემის ინფორმაციით, ქვეყანაში უკვე მეხუთე დღეა, ვირუსი ყოველ 24 საათში 50 ათასზე მეტ მოქალაქეს უდასტურდება. 2021 წლის პირველ დღეებში კი კორონავირუსის ახალი ვარიანტის გავრცელებასთან დაკავშირებით, ბრიტანეთში მარტში აშენებული სპეციალური კოვიდცენტრები კიდევ ერთხელ გახსნეს, ლონდონში მცხოვრები დაწყებითი კლასის მოსწავლეები კი სკოლიდან დაითხოვეს.

 

Covid 19 – პანდემიიის დაწყებიდან დღემდე, დიდ ბრიტანეთში კორონავირუსის 2 654 779 შემთხვევა გამოვლინდა, 75 024 ადამიანი კი გარდაიცვალა.

მსოფლიო ახალ წელს პანდემიის პირობებში შეხვდა. საახაწლო ტრადიცია ბევრ ქვეყანაში დაირღვა და მსოფლიო მოსახლეობის დიდი ნაწილი სახლში, ოჯახის წევრებთან ერთად საახალწლო ფოიერვერკებს შეზღუდვების ფონზე ადევნებდაა. რომლებიც საშინელ და რთულ 2020 წელს დაემშვიდობა და 2021-ს იმედიანად შეხვდა.

 

როგორი იყო მსოფლიოში ახალი წელი?

 

აშშ, ნიუ-იორკი - ასეთი ცარიელი ახალი წლის ღამეს ძალიან დიდი ხანია არავის უნახავს და ახსოვს. ტრადიციულად, ქალაქის ცენტრში თაიმს-სქვერზე ბროლის ბურთის დაშვებას და ძველი წლის ბოლო წამებს მილიონობით ადამიანი ერთად ითვლიდა. მაგრამ, წელს ასე არ მოხდა. მოედანზე ბროლის ბურთი დაეშვა, მოეწყო ფოიერვერკი და შესრულდა საახალწლო სიმღერებიც, თუმცა მოედანზე უჩვეულო სიჩუმე სუფევდა.

 

 

როგორც ,,ამერიკული ხმა“ წერს, თაიმს-სქვერზე, ბროლის ბურთის დაშვების პროცესს მხოლოდ ათასამდე ადამიანი ადევნებდა თვალს. მათი უმრავლესობა პოლიციელი, მეხანძრე და საორგანიზაციო საკითხებში ჩართული ადამიანები იყვნენ. მოედანზე კი საავტომობილო გადაადგილება შეზღუდული იყო, ვითარებას კი პოლიცია სრულად აკონტროლებდ, ასევე ადგილზე მობილიზებულები იყვნენ მეძებარი ძაღლებიც.

 

როგორც ნიუ-იორკის პოლიციის დეპარტამენტის პატრულირების უფროსმა ხუანიტა ჰოლმსმა განცხადა - ,,თაიმსის მოედანზე მოსვლა ბევრისთვის ოჯახური ტრადიციაა, მაგრამ წელს განსხვავებული წელია და მნიშვნელოვანია, რომ ხალხი სახლში დარჩეს. არ აქვს მნიშვნელობა, ცოტა ხალხია თუ ბევრი, ჩვენ სრულ მზადყოფნაში ვართ უარესის მოლოდინში, უნდა დავიცვათ ქალაქი სხვადასხვა, მათ შორის, ტერორისტული საფრთხისგან".

 

გამოცემის ინფორმაციით, თაიმს-სქვერზე, სანახაობა, გასული წლებისას არაფრით ჩამოუვარდებოდა. მილიონობით ადამიანმა ბროლის ბურთის დაშვებას სახლიდან უყურებდა. ასე გააცილეს ნიუ-იორკელებმა 2020 და შეეგებდნენ 2021 წელს.

 

ასევე ლოქდაუნის პირობებში შეხვდა ევროპა ახალ 2021 წელს. ცარიელი ქუჩებით, სიჩუმით და ფოიერვერკებთ იზეიმეს ევროპულმა სახელმწიფოებმა ახალი წლის ღამე. საფრანგეთმა ახალი წლის ღამეს კომენდატის საათის ამოქმედების შემდეგ, დამატებით 100 000 პოლიციის ოფიცერი გამოიყვანა, რათა ვითარება გაეკონტროლებინათ.

 

 

ახალ წელს დიდი ბრიტანეთიც მკაცრი შეზღუდვებით და ნაკლები პომპეზურობით შეხვდა. მდინარე ტემზის სანაპიროზე წელს პიროტექნიკა არ უსვრიათ. ადამიანთა დიდი ნაწილი სახლში შეხვდა ახალ წელს და ვერც საახალწლო საყიდლებზე შეძლო გასვლა. დიდი ბრიტანეთი უახლოეს პერიოდში დაწესებული აკრძალვების შემსუბუქებას არ განიხილავს.

 

 

კომენდატის საათი, ასევე შეინარჩუნა საბერძნეთმაც. ,,ამერიკული ხმის“ ინფორმაციით თქვა საბერძნეთის საზოგადოებრივი წესრიგის მინისტრმა მიხალის კრისოჰოდისმა, განაცხადა, რომ ათენი იქნება მკვდარი ქალაქი

 

 

"არავინ იქნება ქუჩაში 10 სააათის შემდეგ ათენში. ეს იქნება მკვდარი ქალაქი რათა დავრწმუნდეთ, რომ შემდეგ მკაცრი წესების შემოღება აღარ დაგვჭირდეს"- განაცხადა მიხალის კრისოჰოდისმა.

 

ასევე 2021 წელს, იტალიაც მკაცრი შეზღუდვებით შეხვდა, ქვეყანაში აიკრძალა ოჯახში 2 ადამიანზე მეტის სტუმრობა. სხვა ქვეყნების მსგავსად იტალიის მოსახლეობა საახაწლო ფოიერვერკებს სახლიდან შესცქეროდენ.

 

 

2021 წელს, დუბაიში ტრადიციული ფოიერვერკით შეხვდნენ მაგრა, ბურჯ ხალიფას მახლობლად წელს ტურისტები არ იმყოფებოდნენ. კორონავირუსის პანდემიის გამო, მოგზაურობისგან ადამიანებმა თავი შეიკავეს.

 

 

ასევე საახალწლო ტრადიციები დაირღვა ინდოეთშიც. ქვეყანაში კოვიდ19-ის პანდემიის გამო არაერთი საახაწლო ღონისძიება გაუქმდა. ინდოეთში რესტორნები და ღამის ბარები 11 საათზე დაიხურა. მუმბაიში დიდი შეკრებები და ღამით ქუჩაში სიარული აკრძალული იყო.

 

 

2020-ის ბოლო წუთები იაპონიაში მკაცრი შეზღუდვების ფონზე აითვალეს. როგორც ,,ამერიკული ხმა“ წერს, ტოკიოს გუბერნატორმა მოსახლეობას სახლში დარჩენა სთხოვა.

 

 

"კოვიდ19-მა არ იცის არც ახალი წელი, არც წლის ბოლო და არც ახალი წლის არდადეგები"- განაცხადა დედაქალაქის გუბერნატორმა.

 

აკრძალვებით შეხვდნენ ახალ წელს სამხრეთ კორეაშიც. ქვეყანაში კოვიდ19-ის პანდემიის გამო 5 ადამიანზე მეტის შეკრება აკრძალულია. დახურულია სათხილამურო კურორტები და ტურისტული ადგილები.

 

შეზღუდვებით შეხვდნენ ახალ წელს ტაივანშიც. პრეზიდენტის რეზიდენციის წინ, ტრადიციულ საახალწლო ცერემონიალში მხოლოდ სახელმწიფო მოხელეებმა და მიწვეულმა სტუმრებმა მიიღეს მონაწილეობა.

 

პირველად ახალი წელი ტონგაში, სამოაში და კირიბატში იზეიმეს, შემდეგ ახალი 2021 წელი დადგა ახალ ზელანდიაში, ავსტრალიაში, იაპონიაში და სამხრეთ კორეაში.

 

პანდემიის გამო დაწესებული შეზღუდვების შესაბამისად, ავსტრალიაში ახალი წლის ღამის ტრადიცია დაირღვა. სიდნეის ნავსადგურში წელს ხალხმრავლობა არ ყოფილა. თუმცა, ქვეყანაში ტრადიციულად რამდენიმე წუთს გრძელდებოდა საახალწლო ფოიერვერკი.

 

 

ყველა სახის საზეიმო ღონისძიება იყო გაუქმებული ბრაზილიაში, მათ შორის - ტრადიციული საახალწლო წვეულება სანაპიროზე. გადაწყვეტილება ქვეყნის მთავრობამ მიიღო.

 

შეზღუდვებით შეხვდა ახალ წელს თურქეთიც. ქვეყანაში ყველა საახალწლო ღონისძიება გაუქმდა, პრეზიდენტმა რეჯეფ ერდოღანმა კი პოლიციას დაავალა აღეკვეთათ ყველა უკანონო შეკრება, რაც ქვეყანაში შედგებოდა.

 

 

შეზღუდვებით შეხვდა ახალ წელს რუსეთიც. კალუგაში, რომელიც ძირითადად ქვეყნის საახალწლო სეზონის ეპიცენტრია, წელს ყველა ღონისძიება იყო გაუქმებული.

იურიდიულ საკითხთა კომიტეტმა მეორე მოსმენისთვის განიხილა საქართველოს პარლამენტის წევრის, მიხეილ სარჯველაძის მიერ საკანონმდებლო ინიციატივის წესით წარმოდგენილი „ამნისტიის შესახებ“ კანონპროექტი, თანმდევ პროექტებთან ერთად.

 

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ კომიტეტის წევრებს ის ძირითადი სიახლეები გააცნო, რომელიც პირველი მოსმენის შემდეგ კანონპროექტში შევიდა.

 

„კანონპროექტში უკვე შემოვიდა სისხლის სამართლის კოდექსის გარკვეული ახალი ნაწილები, ახალი ფრაგმენტები, რომლის მიხედვითაც განსაზღვრულია ცალკეული დანაშაულები და მათთან დაკავშირებით არჩეულია პოზიცია, რომლითაც მოხდება არა სრულად პასუხისმგებლობისგან და სასჯელისგან გათავისუფლება, არამედ მოხდება ნაწილობრივ. ამ შემთხვევაში ორი ფორმაა გამოყენებული, ეს გახლავთ: განახევრება და მეოთხედით სასჯელის შემცირება და ეს არ ხელყოფს იმ პრინციპებს, რომელთა გათვალისწინებითაც მიღებული იქნა კანონპროექტი პირველი მოსმენის დროს“, - აღნიშნა მიხეილ სარჯველაძემ.

 

მომხსენებელმა ისაუბრა კანონპროექტის ცალკეულ მუხლებში შეტანილ ცვლილებებზე, რომელთა საბოლოო ვერსიები პლენარულ სხდომაზე იქნება წარდგენილი.

 

„პირველი ვერსიისგან განსხვავებით, გაცილებით მეტ მუხლებს შეეხება ეს პროექტი და თუ პირველ ვერსიაში იყო მხოლოდ გათავისუფლება ან განახევრება, ახლა უკვე გარკვეული ვადით შემცირებაზეც არის საუბარი. ამიტომ, ვფიქრობ, რომ დაბალანსებულ მოდელს მივიღებთ“, - აღნიშნა იურიდიულ საკითხთა კომიტეტის თავმჯდომარემ ანრი ოხნაშვილმა.

 

კომიტეტმა, სხდომაზე გამოთქმული დათქმების გათვალისწინებით, მხარი დაუჭირა კანონპროექტის პლენარულ სხდომაზე განხილვას.

კორონავირუსის შედეგად საქართველოში კიედვ 38 ადამიანი გარდაიცვალა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

 

მისივე თქმით, ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 1 738 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 225 893-ს.

 

ბოლო 24 საათში ვირუსისგან გამოჯანმრთელდა 1 494 პირი, ხოლო ჯამში გამოჯანმრთელებულთა რაოდენობა გაიზარდა - 210 445-მდე.

 

„სამწუხაროდ, ბოლო 24 საათში გვაქვს კორონავირუსით გარდაცვალების 38 ახალი შემთხვევა. პანდემიის გავრცელებიდან დღემდე ვირუსს ჯამში 2 481 პირი ემსხვერპლა“, - განაცხადა ბერდია სიჭინავამ.

 

ბოლო 24 საათში ქვეყნის მასშტაბით ჩატარდა 14 192 კვლევა ტესტით, მათ შორის 7 074 კვლევა ანტიგენის ტესტით და 7 118 PCR-ტესტით.

 

კარანტინის რეჟიმშია 401, სტაციონარში მეთვალყურეობის ქვეშ რჩება 5 480. კლინიკურ სასტუმროში იმყოფება 1 287 მოქალაქე.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ბოლო 24 საათში საქართველოში კორონავირუსი კიდევ 1 738 ადამიანს დაუდასტურდა, 1 494 კი გამოჯანმრთელდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

 

ბოლო 24 საათში ქვეყნის მასშტაბით ჩატარდა 14 192 კვლევა ტესტით, მათ შორის 7 074 კვლევა ანტიგენის ტესტით და 7 118 PCR ტესტით.

 

საქართველოში კორონავირუსის 225 893 შემთხვევაა დადასტურებული. მათ შორის გამოჯანმრთელდა 210 445. გარდაიცვალა 2 481 პაციენტი.

 

კარანტინის რეჟიმშია 401, სტაციონარში მეთვალყურეობის ქვეშ რჩება 5 480. კლინიკურ სასტუმროში იმყოფება 1 287 მოქალაქე.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

პარლამენტმა 2021 წლის სახელმწიფო ბიუჯეტი დაამტკიცა. ქვეყნის მთავარი ფინანსური დოკუმენტი, რომლის საბოლოო ვერსია დეპუტატებს ფინანსთა მინისტრმა ვანო მაჭავარიანმა გააცნო 82 ხმით მიიღეს.

 

სახელმწიფო ბიუჯეტის ხარჯების მოცულობა 2020 წლის ბიუჯეტთან შედარებით 221.9 მლნ ლარით იზრდება და 18 384.5 მლნ ლარს შეადგენს, საიდანაც 890 მლნ ლარზე მეტი გათვალისწინებულია ახალი კორონავირუსის პანდემიის და მისგან გამოწვეული კრიზისის საწინააღმდეგო ღონისძიებების დაფინანსებისთვის.

 

2021 წლისათვის მოსალოდნელია მშპ-ის ზრდა 4.3%-ის ფარგლებში, ხოლო საშუალოვადიან პერიოდში საშუალოდ 5.5%-ის ფარგლებში შენარჩუნდება.

 

რაც შეეხება ბიუჯეტის საგადასახადო შემოსავლებს, 2021 წლის განახლებული პროგნოზით, ბიუჯეტის საგადასახადო შემოსავლები ნომინალურ გამოხატულებაში 12 045.0 მლნ ლარს შეადგენს, რაც 155 მლნ ლარით ნაკლებია 2021 წლის ბიუჯეტის პროექტის პირველ წარდგენასთან შედარებით. როგორც დოკუმენტშია განმარტებული, კლება განპირობებულია ანტიკრიზისული გეგმის ახალი ეტაპის ფარგლებში კერძო სექტორისათვის გათვალისწინებული საგადასახადო შეღავათების ეფექტით.

 

ამასთან, 2021 წლის ბოლოსთვის მთავრობის ვალი განისაზღვრება მშპ-ის 60.1%-ის ოდენობით. რაც შეეხება სახელმწიფო ვალის ზღვრულ მოცულობას, 2021 წლის ბოლოსათვის იგი განისაზღვრება 33 680.1 მლნ ლარის ოდენობით, მათ შორის, სახელმწიფო საგარეო ვალი – 27 734.2 მლნ ლარის ოდენობით, ხოლო სახელმწიფო საშინაო ვალი − 5 945.8 მლნ ლარის ოდენობით.

საქართველოს ენერგეტიკისა და წყალმომარაგების კომისიამ (სემეკი) თბილისში სასმელი წყლის ტარიფის ზრდა მხარი დაუჭირა. ახალი ტარიფი 2021 წლის პირველი იანვრიდან შევა ძალაში და 2023 წლის ჩათვლით იმოქმედებს. ახალი ტარიფის ორივე შემადგენელი კომპონენტი - „წყლის მიწოდება“ და „წყალარინება“ (კანალიზაცია) გაძვირებულია.

 

წყლის ტარიფიც ძვირდება, მრიცხველით გადამხდელი აბონენტებისთვის – 17 თეთრით, სულადობრივად გადამხდელისთვის – 63 თეთრით – ეს ტარიფები შეეხება, თბილისსა და მცხეთას.

 

სემეკი-ის გადაწყვეტილებით, ახალი ტარიფები შემდეგნაირად განისაზღვრება:

 

გაუმრიცხველიანებელი აბონენტებისთვის საყოფაცხოვრებო ტარიფი ერთ სულზე თვეში 3.829 ლარი იქნება, რაც არსებულ ტარიფს 0.531 ლარით აღემატება.

 

გამრიცხველიანებული აბონენტებისთვის საყოფაცხოვრებო ტარიფი ერთ კუბურ მეტრზე 0.424 ლარი, რაც არსებულ ტარიფს 0.145 ლარით აღემატება;

 

არსაყოფაცხოვრებო ტარიფი ერთ კუბურ მეტზე 5.511 ლარი, რაც არსებულ ტარიფს 1.78 ლარით აღემატება.

 

სემეკის მიერ წარმოდგენილი ტარიფები დღგ-ის გარეშე არის მოცემული, შესაბამისად მათ 18% ემატებათ.

 

ცნობისთვის, დღეს როგორც ცნობილი გახდა, მთავრობა თბილისში, მცხეთასა და რუსთავში სოციალურად დაუცველებისთვის წყლის ტარიფის მატებას სრულად დაასუბსიდირებს.

ექსკლუზიური

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?