Global Press

Georgia

Global PressGlobal PressGlobal PressGlobal Press

USD
3.0416
EUR
3.4087
RUR
0.0443
GBP
3.8294

"შეთანხმება შედგა, რომლის დეტალებასაც ყველა მხარე ეთანხმებოდა, მნიშვნელოვანია, რომ სრულად შესრულდეს", – ეს განცხადება კონგრესმენმა ადამ კინზინგერმა გააკეთა.

 

ადამ კინზინგერი გიორგი რურუას საქმეზე და რვა მარტის შეთანხმების შესრულების მნიშვნელობაზე საუბრობს. კონგრესმენმა "ამერიკის ხმასთან" ინტერვიუში მხარეებს შეთანხმების სრულად შესრულებისკენ კიდევ ერთხელ მოუწოდა.

 

ადამ კინზინგერმა პრეზიდენტის მიერ პოლიტიკური პატიმრების გათავისუფლებასა და გიორგი რურუას კვლავ საპატიმროში ყოფნაზე ისაუბრა. კონგრესმენი დეტალებზე საუბრისგან თავს იკავებს, თუმცა, ხაზს უსვამს, რომ შეთანხმება ჯერ სრულად არ არის შესრულებული.

 

ადამ კინზინგერმა ასევე აღნიშნა, რომ შეთანხმების შესრულების შემდეგ, საქართველოში საპარლამენტო არჩევნების საკითხი წინა პლანზე იქნება წამოწეული.

 

,,მნიშვნელოვანია, რომ შეთანხმება სრულად შესრულდეს. არ დავიწყებ იმის განხილვას, რა გაკეთდა და რა არა. დემოკრატია რთულია. თუმცა, ჩანს, რომ მხარეები რეალური პროგრესისკენ მიდიან. ეს უნდა დავამთავროთ და წინ წავიდეთ, უფრო დიდი საკითხები გვაქვს გადასაწყვეტი, როგორიცაა კორონავირუსის შემდგომი განვითარება და მომავალი არჩევნები, – განაცხადა ადამ კინზინგერმა.

 

პრეზიდენტმა გიგი უგულავა და ირაკლი ოქრუაშვილი 15 მაისს შეიწყალა, გიორგი რურუა კი კვლავ პატიმრობაში რჩება. სალომე ზურაბიშვილის გადაწყვეტილების შემდეგ, სტრატეგიული პარტნიორები რვა მარტის შეთანხმების სრულად შესრულებას და "მთავარი არხის" ერთ–ერთი მეწილის გათავისუფლებას ელიან.

"ფაქტი, რომ საქართველო ოკუპირებულია, ჩემთვის საკმარისია იმისთვის, რომ საქართველო ნატო–ში მივიღოთ", – ეს განცხადება კონგრესმენმა ადამ კინზინგერმა "ამერიკის ხმასთან" ინტერვიუში გააკეთა.

 

ადამ კინზინგერმა რუსეთის ნეგატიურ როლზე საუბრისას აღნიშნა, საქართველოში არასტაბილური მდგომარეობის შექმნისთვის ოკუპანტი ქვეყანა ყველაფერს გააკეთებს. თუმცა, კონგრესმენი აღნიშნავს, რომ ამის პარალელურად, ამერიკა უნდა გააქტიურდეს.

 

,,რუსეთი ბევრად უფრო სუსტი ქვეყანაა, ვიდრე ამერიკა. ერთადერთი, რისი გაკეთებაც შეუძლიათ, მსგავსი ცალკეული ნაბიჯებია. როგორც ევროპელ ლიდერებს ვუთხარი, გუშინ, ატლანტიკურ საბჭოში გამოსვლისას, დროა, ორმაგად ჩართულები ვიყოთ საქართველოში, რომ რუსეთს ჩვენი ბულინგის საშუალება არ მივცეთ. ფაქტი, რომ საქართველო ოკუპირებულია, ჩემთვის საკმარისია იმისთვის, რომ საქართველო ნატო–ში მივიღოთ. ჩვენ ისეთმა სუსტმა ქვეყანამ, რომელსაც რუსეთი ჰქვია, არ უნდა შეგვაშინოს, – განაცხადა ადამ კინზინგერმა.

მთავრობა პრორუსულ მედიასაშუალებებს ათასობით ლარს უხდის. გამომძიებელმა ჟურნალისტებმა დოკუმენტებზე დაყრდნობით დაადგინეს, რომ მხოლოდ ერთ ონლაინ გამოცემა „მარშალპრესს“, ბოლო ოთხ წელში, ახალი ამბების განთავსებისთვის, 43 ათას ლარზე მეტი ჩაურიცხეს.

 

გამომძიებელი ჟურნალისტები ამბობენ, რომ მთავრობა ანტისახელმწიფოებრივ მედიასაშუალებებს არ უნდა აფინანსებდეს.

 

„მარშალპრესში“ ამტკიცებენ, რომ არც სახელისუფლებო და არც ანტიდასავლური სარედაქციო პოლიტიკა არ აქვთ. რაც შეეხება ბოლო წლებში გადახდილ თანხას, ამბობენ, რომ მათთან ახალი ამბების განთავსება იაფია და თვითმმართველობებისთვის მიმზიდველი ამიტომაც არის.

 

მედიაექსპერტების თქმით, მაშინ, როცა ქვეყანაში კრიტიკულ მედიასაშუალებებს ხელისუფლება ინკასოს ადებს, „ქართული ოცნების“ მიმართ კეთილგანწყობილ გამოცემებს ახალი ამბების გაშუქებაში ხალხის ფულს არ უნდა უხდიდნენ.

 

მედიის განვითარების ფონდის ბოლო კვლევის თანახმად, სხვადასხვა მედიაორგანიზაცია ათასობით ლარს იღებს. მათ შორის არიან "საქართველოს რესპუბლიკა", სააგენტო „ნიუსპრესი“, ჰოლდინგი “ალია”, გაზეთი "ალია", „კვირის ქრონიკა“ და „თბილისი 24“.

 

„ნიუსპრესის“ ხელმძღვანელი ამბობს, რომ დაფინანსებას იღებს ყველასგან, მათ შორის, სახელმწიფოსგან და ამაში პრობლემას ვერ ხედავს. თვითმმართველობებიც არ უარყოფენ, რომ პრორუსულ მედიაორგანიზაციებთან თანამშრომლობენ.

 

ევროსაბჭოს რეკომენდაციებით, მედია, რომელიც სიძულვილს აღვივებს, არ უნდა იღებდეს სახელმწიფო დაფინანსებას. სწორედ ამიტომ, „საერთაშორისო გამჭვირვალობა - საქართველომ“ მთავრობის წინააღმდეგ სარჩელი შეიტანა. მამუკა ანდღულაძე ამბობს, რომ მსგავსი ორგანიზაციები ხელისუფლების მხრიდან არ უნდა წახალისდეს.

 

მედიამკვლევარები დარწმუნებულები არიან, რომ საქმე კიდევ უფრო რთულადაა და რეალურად, ხელისუფლება უფრო მეტ დაფინანსებას გასცემს, ვიდრე შესწავლილია. ამ დროისთვის, მხოლოდ ისაა ცნობილი, რომ პროსახელისუფლებო და პრორუსულ საინფორმაციო გამოცემებთან ხელშეკრულებები ყოველწლიურად მატულობს.

ქუთაისში მცხოვრებლები მ.ჯ, მ.ც. გ.ც თ.ც და ს.კ არიან იმათი ნაწილი, რომლებმაც საცხოვრებელ კორპუსში სადეზენფიქციო სამუშაობების სანაცვლოდ, უცნობ პირებს თანხა გადაუხადეს.

 

ადგილობრივების თქმით, უცხო პირები, მათ კომპანია ,,იმედის“ სახელით გაეცნენ და უთხრეს, რომ კომპანია წერეთლის 199 მდებარეობს, ასევე აღნიშნეს, რომ მათ სამი ლარი გადაუხადეს, თუმცა თანხის გადახდის ჩეკი არ მიუციათ.

 

როგორც ადგილობრივები აცხადებენ, სადეზინფექციო საშუალებას, მწერების საწინააღმდეგო ხსნარის სუნი ქონდა, რაც ეჭვის საფუძველი გახდა

 

,,სპეციალური ფორმებით 3 ადამიანი დადიოა, რომლებიც სადარბაზოების სადეზიფექციო ხნარით მოწმენდის სანაცვლოდ 3 ლარს ითხოვდენ, მეზობლები ამაზე დავთანხმდით, რადგან სადარბაზოს ჭირდებოდა დეზინფექცია, მითუმეტეს ამ ვირუსის დროს.

 

მათ, ჩეკი არ მოუციათ და არც ჩვენ მოგვითხოვია, ეჭვიც არ შეგვპარვია რამეზე. თუმცა, როცა ხსნარით მოწმენდა დაიწყეს, სადარბაზოში მწერების საწინააღმდეგო ხნარის სუნი დადგა, რამაც ეჭვი გაგვიჩინა, რომ შეიძლება მოტყუებული ვიყავით.“ - განაცხადა ბ.ც

 

აღნიშნულ საკითხთან დაკავშირებით, ,,გლობალპრესი“ ქუთაისის მერიის დასუფთავების სამსახურს, ცხელ ხაზე დაუკავშირდა, სადაც განაცხადეს, რომ მერია სადეზინფექციო სამუშაობს არ ახორციელებს, აღნიშნულთან დაკავშირებით კი არაფერი სმენიათ

 

,,ქუთაისის მერია საცხოვრებელ კორპუსებში, სადეზინფექციო სამუშაობს არ ახორციელებს. აღნიშნული ფაქტი ჩვენთვის უცნობია. შარშან კი ჩავატარეთ სადეზინფექციო სამუშაოები, დაქირავებული გვყავდა კერძო კომპანია, მაგრამ წელს მსგავსი რამ არ მომხდა. რაც შეეხება კომპანიას, ჩვენთვის უცნობია აღნიშნული კომპანია“ - განაცხადეს ქუთაისის დასუფთავების სამსახურში

 

,,გლობალპრესი“ შეეცადა კომპანიის მოძიებას, თუმცა ამ ეტაპზე ვერ მოხერხდა ფირმის პოვნა, კომპანიის წარმომადგენელბის მიერ ადგილობრივებისთვის მიცემული მისამართი კი არ არსებობს. ინფორმაციის მოძიების შემთხევვაში. ჩვენს მკითხველს მივაწვდით დეტალურ ინფორმაციას კომპენია ,,იმედის“ შესახებ.

 

,,გლობალპრესი“ ქუთაისში მცხოვრებ ადამიანებს, აფრხილებს, რომ ეს შესაძლოა იყოს თაღლითობა და თავი შეიკავონ, უცხო პირებისთვის თანხის გადახდისგან

 

 

ნამდვილი მეგობარი გაჭირვებაში იცნობა და ჩვენ დავამტკიცეთ, რომ ნამდვილი მეგობრები ვართ, - ამის შესახებ ევროკავშირის ელჩმა საქართველოში, კარლ ჰარცელმა ევროპული ბიზნეს ასოციაციის წევრებთან ონლაინ შეხვედრის დროს განაცხადა.

 

მისი თქმით, გრანტების სახით საქართველოსთვის დაახლოებით 250 მილიონი ევრო გამოიყო. ეს ახალი გრანტები და ახალი დაფინსებაა.

 

კარლ ჰარცელმა ასევე განმარტა, რომ გააძლიერეს თანამშრომლობა სამოქალაქო საზოგადოებასთან, რათა ყველაზე მოწყვლადი ჯგუფების მხარდაჭერა მოხდეს.

 

„მინდა ვისაუბრო თუ რა გავაკეთეთ ბოლო კვირებისა და ბოლო ორი თვის მანძილზე. ამ პერიოდში ჩვენ ვიხილეთ სამი მნიშვნელოვანი მხარდაჭერის პაკეტი, რომელიც გაჟღერდა. გრანტების სახით საქართველოსთვის დაახლოებით 250 მილიონი ევრო გამოიყო. ეს ახალი გრანტები და ახალი დაფინსებაა.

 

ჩვენ ასევე გავაძლიერეთ თანამშრომლობა სამოქალაქო საზოგადოებასთან, რათა მოხდეს ყველაზე მოწყვლადი ჯგუფების მხარდაჭერა. ამასთან, თქვენ ნახეთ, რომ გუშინ ევროკავშირის საბჭომ მაკრო ფინანსური მხარდაჭერისთვის 150 მილიონი დაამტკიცა. თუ შევაფასებთ და ვისაუბრებთ უხეში ციფრებით, ევროკავშირი დაახლოებით 1,5 მილიარდ ლარს გამოყოფს საქართველოსთვის. მე არ მსურს შედარებები გავაკეთო, რადგან ევროკავშირი გლობალური მოთამაშეა, რომელსაც არ სურს ქვეყნებს შორის შედარებები აკეთოს, მაგრამ შემიძლია ვთქვა, რომ ერთ სულ მოსახლეზე, საქართველოს მსოფლიოს მასშტაბით ევროკავშირის ერთ-ერთი ყველაზე მაღალი მხარდაჭერა აქვს. ეს საქართველოს მთავრობის დიდი მიღწევაა“, - განაცხადა კარლ ჰარცელმა.

ჩეჩნეთის ლიდერი, რამზან კადიროვი ექიმების დაკვირვების ქვეშ არის კორონავირუსით ინფიცირებაზე ეჭვის გამო. ამის შესახებ ინფორმაციას სააგენტო Interfax-ი მოსკოვში სამედიცინო წრეებში წყაროზე დაყრდნობით ავრცელებს.

 

„არსებობს ეჭვი, რომ რამზან კადიროვი კორონავირუსით დაინფიცირდა. იგი ექიმების დაკვირვების ქვეშ არის“, - განუცხადა სააგენტოს წყარომ.

 

კიდევ ერთმა წყარომ სააგენტო Interfax-ს განუცხადა, რომ გროზნოდან მოსკოვში ჩარტერული ფრეისი ჩამოფრინდა და არსებობს ვარაუდი, რომ შესაძლოა, რამ ზან კადიროვი გადმოიყვანეს.

თურქეთმა სხვადასხვა ქვეყნიდან, მათ შორის საქართველოდან სამკურნალოდ პაციენტების მიღება დაიწყო. მის შესახებ „გლობალპრსს“ თურქეთის საელჩოდან აცნობეს.

 

როგორც უწყების მიერ გავრცელებულ განცხადებაშია აღნიშნული, პაციენტების მიღება მოხდება შემდეგ დარგებში: ორთოპედია, ტრავმატოლოგია, ზოგადი ქირურგია, გულისა და სისხლძარღვების ქირურგია, ქირურგიული ონკოლოგია, ქიმიოთერაპია, რადიაციული ონკოლოგია, ნეიროქირურგია და ასევე ორგანოებისა და ძვლის ტვინის გადანერგვა.

 

მათივე ინფორმაციით, ერთ პაციენტთან ერთად ქვეყანაში დაიშვება მხოლოდ ორი თანმხლები პირი. პაციენტებს თურქეთში შესვლა შეუძლიათ სტამბოლისა და ანკარის ესენბოღას აეროპორტებიდან და ასევე, ქაფიქულესა და სარფის სასაზღვრო გამშვები პუნქტებიდან.

 

„პაციენტებსა და მათ თანმხლებ პირებს, შესაბამისი საფასურის გადახდით, აეროპორტებსა და საბაჟო გამშვებ პუნქტებში ჩაუტარდებათ COVID-19 PCR კვლევა ან აიღება ნიმუში PCR-სთვის. დანართში წარმოდგენილია წესები, რომელიც უნდა დაიცვან პაციენტებმა და მისმა თანმხლებმა პირებმა. საქართველოს ოფიციალურ უწყებებს მიეწოდათ ინფორმაცია მიღებულ ზომებთან დაკავშირებით“ , - ნათქვამია ინფორმაციაში.

 

რაც შეეხება ზომებს, რომელიც მიღებულ იქნება საერთაშორისო სამედიცინო ტურიზმის ფარგლებში ქვეყანაში შესულ პაციენტებთან და მათ თანხმხლებ პირებთან დაკავშირებით, საელჩოს ინფორმაციით ასეთია:

 

გამომგზავრებამდე, თუკი თავიანთ ქვეყანაში ამის გაკეთება შესაძლებელია, პაციენტმა და მისმა თანმხლებმა პირმა თურქეთში გამგზავრებამდე 48 საათის განმავლობაში უნდა გაიკეთოს COVID-19 PCR ტესტი და აიღოს უარყოფითი პასუხის დამადასტურებელი ცნობა

 

მგზავრობისას, ზომები, რომელიც მიიღება საჰაერო გზით ჩამომსვლელი პირების მიმართ:

 

ა) თვითმფრინავში ჩასხდომის უფლება არ მიეცემათ პირებს, რომლებსაც ჩასხდომის დროს გამოუვლინდებათ COVID-19 კლინიკური ნიშნები (ხველება, სიცხე და ა.შ.)

 

ბ) თუკი თავიანთ ქვეყანაში ამის გაკეთება შესაძლებელია, მგზავრებმა თან უნდა იქონიონ თურქეთში გამგზავრებამდე 48 საათის განმავლობაში გაკეთებული COVID-19 PCR ტესტის უარყოფითი პასუხის დამადასტურებელი ცნობა

 

გ) თვითმფრინავში ჩასხდომის მომენტიდან უნდა იყოს უზრუნველყოფილი, რომ ყველა მგზავრს მთელი მგზავრობის მანძილზე ეკეთოს ნიღაბი. ასევე მგზავრებს უნდა მიეწოდოს ინფორმაცია, რომ შეიცვალონ ნიღბები მათი დანამიანებისას. ყველა შემთხვევაში, სამ საათში ერთხელ უნდა მოხდეს ნიღბის შეცვლა, ახალი ნიღბის გაკეთებისას კი ხელების დამუშავება ანტისეპტიკური ხსნარით.

 

დ) თვითმფრინავში სამ-სამ სავარძლიანი რიგების არსებობის შემთხვევაში შუა სავარძლის გამოტოვება მოხდება და მგზავრები გადანაწილდებიან ერთმანეთის უკან ორ-ორი. ხოლო თუკი თვითმფრინავში არის ორ-ორ სავარძლიანი რიგები, მხოლოდ ერთ სავარძელზე განთავსდება მგზავრი, ხოლო უკანა რიგის მგზავრის განთავსება მოხდება ჭადრაკულად.

 

ე) თვითმფრინავის ბოლო ორი რიგი უნდა დარჩეს ცარიელი იმ მგზავრებისათვის, რომლებიც ვერ იკეთებენ ნიღბებს ჯანმრთელობის მდგომარეობის გამო ან ვისაც მგზავრობის დროს აღმოაჩნდება დაავადების ნიშნები.

 

ვ) უკანა სავარძელზე განთავსებულ უნიღბო მგზავრებს შორის მანძილი უნდა იყოს სულ მცირე 1 მეტრი

 

ზ) ეკიპაჟის წევრებს უნდა ეკეთოთ სამედიცინო ნიღბები, რომელთა შეცვლაც უნდა მოხდეს ყოველ სამ საათში ერთხელ ან დანამიანების შემთხვევაში. ახალი ნიღბის გაკეთებისას კი ხელების დამუშავება უნდა მოხდეს ანტისეპტიკური ხსნარით.

 

თ) რეკომენდებულია, რომ არ მოხდეს საკვებითა და სასმელით გამასპინძლება, თუკი მგზავრობის ხანგრძლივობა 4 საათზე ნაკლებია.

 

ი) ოთხ საათზე მეტი დროით მგზავრობისას, საკვებისა და სასმელის მიწოდება უნდა მოხდეს ისეთი ფორმით, რომ ერთ მეტრზე ახლოს მსხდომმა მგზავრებმა ერთდროულად არ მოიხსნან ნიღბები.

 

კ) თვითმფრინავში თითოეულ მგზავრისათვის უნდა იყოს კომპლექტი, რომელშიც იდება სულ მცირე სამი სამედიცინო ნიღაბი და ხელის ანტისეპტიკური ხსნარი. ასევე თვითმფრინავის ტუალეტებშიც უნდა იდოს ხელის ანტისეპტიკური ხსნარი.

 

ლ) მთელი მგზავრობის განმავლობაში ეკიპაჟის წევრებმა უნდა დააკვირდნენ მგზავრებს, ხომ არ აღმოაჩნდება რომელიმეს დაავადებისათვის დამახასიათებელი ნიშნები (სიცხე და ხველება). ხოლო ასეთის გამოვლენის შემთხვევაში, საჭიროა ჩატარდეს შემდეგი პროცედურა: პილოტმა აღნიშნულის შესახებ სასწრაფოდ უნდა მიაწოდოს ინფორმაცია სადისპეჩერო კოშკს, რომელიც თავის მხრივ, აცნობებს აეროპორტის სამედიცინო კონტროლის ცენტრს/აეროპორტის ოპერატიულ ცენტრს; ყველა მგზავრს უნდა შეავსებინონ მგზავრის საინფორმაციო ბარათი; უნდა მოხდეს ორი წინა სავარძელის, ორი უკანა სავარძელისა და ორი გვერდითა სავარძელის მგზავრის ინფორმაციის აღება; სამედიცინო კონტროლის ცენტრი შეაფასებს თვითმფრინავზე არსებულ შემთხვევას და ინფორმაციას გადასცემს რაიონის სამედიცინო დირექტორატსა და 112-მართვისა და კონტროლის ცენტრს; განხორციელდება ყველა ის პროცედურა, რაც რეკომენდებულია ეროვნული/საერთაშორისო სამოქალაქო ავიაციის კომპეტენტური უწყებებისა და ორგანიზაციების მიერ.

 

ზომები, რომელიც მიღებულ იქნება საავტომობილო გზით ჩამომსვლელი პირების მიმართ“

 

ა) ავტობუსში ჩასხდომის უფლება არ მიეცემათ პირებს, რომლებსაც ჩასხდომის დროს გამოუვლინდებათ COVID-19 კლინიკური ნიშნები (ხველება, სიცხე და ა.შ.)

 

ბ) თუკი თავიანთ ქვეყანაში ამის გაკეთება შესაძლებელია, თან უნდა იქონიონ თურქეთში გამგზავრებამდე 48 საათის განმავლობაში გაკეთებული COVID-19 PCR ტესტის უარყოფითი პასუხის დამადასტურებელი ცნობა;

 

გ) მგზავრობის დაწყებიდან მთელი გზის განმავლობაში უნდა გაკეთდეს საინფორმაციო ანონსი COVID-19-ის წინააღმდეგ განსახორციელებელ ზომებთან დაკავშირებით.

 

დ) თითოეული მგზავრისათვის უნდა იყოს კომპლექტი, რომელშიც იდება სულ მცირე სამი სამედიცინო ნიღაბი და ხელის ანტისეპტიკური ხსნარი.

 

ე) უნდა იყოს უზრუნველყოფილი, რომ მგზავრობისას ყველა მგზავრს ეკეთოს ნიღაბი. ასევე მგზავრებს უნდა მიეწოდოს ინფორმაცია, რომ შეიცვალონ ნიღბები მათი დანამიანების დროს. ყველა შემთხვევაში, სამ საათში ერთხელ უნდა მოხდეს ნიღბის შეცვლა. ახალი ნიღბის გაკეთებისას კი ხელები უნდა დამუშავდეს ანტისეპტიკური ხსნარით.

 

ვ) უკანა სავარძლებზე უნდა განთავსდნენ მგზავრები, რომლებიც ვერ იკეთებენ ნიღბებს ჯანმრთელობის მდგომარეობის გამო და ასეთ მგზავრებს შორის მანძილი უნდა იყოს სულ მცირე 1 მეტრი.

 

ზ) ავტობუსით მგზავრობის წესების შესაბამისად, სატრანსპორტო საშუალებაში შესაძლებელია დაიშვას მხოლოდ იმ მგზავრთა რაოდენობის ნახევარი, რამდენი სავარძელიც არის. მგზავრის გვერდითა სავარძელი უნდა იყოს თავისუფალი, ხოლო უკანა მგზავრი უნდა იჯდეს ჭადრაკულად.

 

თ) შესვენების ადგილებში უნდა იყოს დაცული სოციალური დისტანცია და აუცილებელია ნიღბების გაკეთება

 

ი) მგზავრების გამასპინძლება მოხდება მხოლოდ წყლით. მგზავრებმა, ვისაც წამოღებული ექნებათ საჭმელი, არ უნდა მიირთვან ერთდროულად.

 

კ) მძღოლებსა და დამხმარეებს უნდა ეკეთოთ სამედიცინო ნიღბები, ხელთათმანების გაკეთება არ არის სავალდებულო.

 

ლ) ავტომობილის მგზავრებმა უნდა გაითვალისწინონ, რომ 5 ადგილიან სატრანსპორტო საშუალებაში შესაძლებელია მძღოლის ჩათვლით მაქსიმუმ 3 კაცის განთავსება. მუდმივად უნდა ეკეთოთ სამედიცინო ნიღბები.

 

საბაჟო შემოწმებისას, უნდა წარმოადგინონ ქვეყანაში შემოსვლამდე 48 საათის განმავლობაში გაკეთებული COVID-19 PCR ტესტის უარყოფითი პასუხის დამადასტურებელი ცნობა და ასევე მოსაწვევი დოკუმენტი, რომელიც დაადასტურებს, რომ ისინი ქვეყანაში შედიან საერთაშორისო სამედიცინო ტურიზმის ფარგლებში; თურქეთში შესვლისას ნეიტრალურ ზონაში უნდა გაკეთდეს COVID-19 PCR ტესტი ან უნდა აიღონ PCR ნიმუში; უნდა შემოწმდეს პაციენტსა და მის თანმხლებ პირს აქვს თუ არა სიცხე ან COVID-19-ის რაიმე სახით გამოვლენა ( სიცხე და ხველება); საბაჟო შემოწმებისას მგზავრებს უნდა ეკეთოთ სამედიცინო ნიღბები; საავტომობილო გზით საზღვარზე მოსული ა/მანქანები ქვეყანაში არ დაიშვება.

 

თუკი ჩატარებული PCR კვლევის ტესტის პასუხი იქნება დადებითი, თვითმფრინავის/ან ავტობუსის სხვა მგზავრებისა და ეკიპაჟის წევრების მიმართ განხორციელდება COVID-19 შეზღუდვების მიხედვით კონტაქტის ალგორითმის შესაბამისად გათვალიწინებული ზომები.

 

ზომები, რომლებიც მიღებულ იქნება საავადმყოფოებში ტრანსფერის დროს:

 

1) საჰაერო ან საავტომობილო გზით შემოსულ პაციენტთა ტრანსფერი უნდა განხორციელდეს პაციენტის მიმღები საავადმყოფოს ან USHAŞ (საერთაშორისო სამედიცინო სერვისის) მიერ

 

2) ავტომობილს, რომელიც ახორციელებს ტრანსფერს უნდა ჰქონდეს გამართული კონდენციონერის სისტება და ავტომობილის ყველა საქარე მინა უნდა იყოს აწეული

 

ა) ტრანფერის განმახორციელებელ ა/მანქანა უნდა აკმაყოფილებდეს მგზავრობის სამედიცინო უსაფრთხოების ნორმებს

 

ბ) სატრანსფერო ა/მანქანაში უნდა აღირიცხოს მგზავრები

 

გ) მძღოლმა, სანამ მგზავრებს აიყვანს, უნდა გაიკეთოს სამედიცინო ნიღაბი

 

დ) ა/მანქანის მძღოლმა არ უნდა მიატოვოს სატრანსპორტო საშუალება არანაირი მიზეზით, მგზავრების მიყვანის შემდეგ, უნდა მოხდეს ა/მანქანის დასუფთავება COVID-19 შეზღუდვების შესაბამისად.

 

ე) მძღოლმა უნდა განსაზღვროს თუ როგორ უნდა გაიხადოს დამცავი ეკიპირება და უზრუნველყოს სამედიცინო ნარჩენების გადაყრა,

 

ვ) სატრანსპორტო საშუალების მძღოლის მგზავრებთან სარისკო კონტაქტის გათვალისწინებით, მას უნდა მიეწოდოს ინფორმაცია ინფექციის შესახებ და მიეცეს რეკომენდაცია მიაქციოს ყურადღება დაავადების ნიშნებს.

 

საავადმყოფოებმა, სადაც მოხდება პაციენტების მკურნალობა ან USHAŞ-მა უნდა უზრუნველყონ პაციენტებისა და მათი თანმხლები პირების (სხვაგან დაბინავების გარეშე) გადაყვანა პირდაპირ საავადმყოფოებში“, - აღნიშნულია თურქეთის საელჩოს მიერ გავრცელებულ ინფორმაციაში.

საქართველოს პარლამენტმა „საზოგადოებრივი ჯანდაცვის შესახებ“ კანონში ცვლილებებს მხარი პირველი მოსმენით დაუჭირა. ცვლილების მიხედვით, ქვეყანაში ეპიდემიოლოგიური საჭიროებიდან გამომდინარე საგანგებო მდგომარეობის გამოცხადების გარეშე შეიძლება შეიზღუდოს თავისუფლად გადაადგილება, საკუთრების, შრომის, პროფესიული ან ეკონომიკური საქმიანობის უფლება.

 

რეგისტრაცია გაიარა 101-მა დეპუტატმა, ცვლილებებს მხარი დაუჭირა 80-მა დეპუტატმა, სამი წინააღმდეგი იყო.

 

ცვლილების თანახმად, საკარანტინო ღონისძიებები ახლებურად განისაზღვრება და მთავრობა და საზოგადოებრივი ჯანმრთელობის სამსახური გადაწყვეტენ ისეთ ღონისძიებებს, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან. კერძოდ, კანონის ამჟამად მოქმედი რედაქციით, საკარანტინო ღონისძიებებში მოიაზრება ღონისძიებათა ერთობლიობა, რომელიც გამოიყენება იმ პირის მიმართ, რომელიც არ არის ავად, მაგრამ ჰქონდა ექსპოზიცია გადამდები დაავადების შემთხვევასთან გადამდებლობის პერიოდის განმავლობაში.

 

პარლამენტისთვის წარდგენილი კანონპროექტის თანახმად კი საკარანტინო ღონისძიებებში, გარდა ზემოაღნიშნულისა, მოიაზრება აგრეთვე ღონისძიებები, რომელიც გულისხმობს საჯარო დაწესებულებების საქმიანობის, პირთა მიმოსვლის, საკუთრების, შრომის, პროფესიული ან ეკონომიკური საქმიანობის, უკანონო მიგრაციის/საერთაშორისო დაცვის, ფიზიკურ პირთა სოციალური ღონისძიებების ჩატარების მიზნით თავშეყრის კანონმდებლობისგან განსხვავებულად მოწესრიგებას, მათ შორის შესაბამისი შეზღუდვების დაწესებას და რომელიც აუცილებელია მოსახლეობის ჯანმრთელობის დასაცავად. წარმოდგენილი კანონპროექტის თანახმად, მთავრობას ზემოაღნიშნული ღონისძიებების გატარება ქვეყანაში საგანგებო მდგომარეობის გამოცხადების გარეშეც შეეძლება. შესაბამისად, მათ ასამოქმედებლად მთავრობას არ დასჭირდება პარლამენტის მხარდაჭერა.

 

კანონპროექტის ინიციატორები არიან: დიმიტრი ხუნდაძე, ილია ნაკაშიძე, ვლადიმერ კახაძე, ზურაბ ხაჩიძე, კობა ნაკაიძე და დიმიტრი მხეიძე.

 

საკანონმდებლო ცვლილება ძალაში 2020 წლის 23 მაისიდან შევა.

პარლამენტმა საგადასახადო შეღავათებთან დაკავშირებით კანონპროექტი პირველი მოსმენით ( 77 მომხრე) დაამტკიცა.

 

„საგადასახადო კოდექსში“ შესატანი ცვლილების პროექტის თანახმად, 2020 წლის 1-ლი მაისიდან 6 კალენდარული თვის განმავლობაში, დამქირავებელი უფლებამოსილია ბიუჯეტში არ შეიტანოს დაქირავებულისთვის 750 ლარამდე გაცემული ხელფასიდან დაკავებული და გადასახდელი საშემოსავლო გადასახადი, თუ დაქირავებულის ხელფასი არ აღემატება 1500 ლარს.

 

აღსანიშნავია, რომ ეს შეღავათი არ გავრცელდება საბიუჯეტო ორგანიზაციაზე, საქართველოს ეროვნულ ბანკზე, ეროვნულ მარეგულირებელ ორგანოზე, საწარმოზე, რომლის აქციების/წილის 50%-ზე მეტს ფლობს სახელმწიფო ან მუნიციპალიტეტი და ამავე საწარმოს დაფუძნებულ/შვილობილ საწარმოზე, თუ ეს საწარმო მის მიერ დაფუძნებულ/შვილობილ საწარმოში აქციების/წილის 50%-ზე მეტს ფლობს.

 

გარდა ამისა, კანონპროექტის თანახმად, საქართველოს ფინანსთა მინისტრს ან/და შემოსავლების სამსახურის უფროსს უფლება ექნება, ცალკეულ გადასახადის გადამხდელებს არაუმეტეს 6 თვით გაუგრძელოს 2020 წელს გადასახდელი საშემოსავლო ან/და ქონების გადასახადის გადახდის ვადა. ამ შემთხვევაში გადასახადის გადამხდელს საურავი არ დაერიცხება. ამასთან, საგადასახადო ორგანოსთვის არასწორი ინფორმაციის მიწოდება, რამაც გამოიწვია დაქირავებულისათვის საქართველოს მთავრობის დადგენილებით საქართველოში ახალი კორონავირუსის გავრცელებასთან დაკავშირებით განსაზღვრული კომპენსაციის უსაფუძვლო გაცემა, გამოიწვევს დამქირავებლის დაჯარიმებას ამ ინფორმაციის საფუძველზე გაცემული კომპენსაციის ორმაგი ოდენობით.

 

„საგადასახადო კოდექსში“ დაგეგმილი ცვლილებების პროექტის თანახმად, 2020 წლის 1-ლი მარტიდან 6 კალენდარული თვის განმავლობაში, ქონების იჯარის/ლიზინგის მომსახურება დღგ-ით დაიბეგრება შესაბამისი მომსახურების საკომპენსაციო თანხის ფაქტობრივად გადახდის საანგარიშო პერიოდში.

 

კანონპროექტის ინიციატორი - საქართველოს მთავრობა - მიუთითებს, რომ აღნიშნული ცვლილებების განხორციელების შედეგად, ეკონომიკური საქმიანობის განმახორციელებელ პირების შეუმსუბუქდებათ საგადასახადო ტვირთი, რაც ხელს შეუწყობს ეკონომიკური საქმიანობის განმახორციელებელი პირების საქმიანობის უწყვეტობას და სამუშაო ადგილების შენარჩუნებას.

ეს ქვეყანა ჩვენია და ჩვენ უნდა გავერთიანდეთ, რომ არ ვიყოთ პოლარიზები ტყვეობაში მყოფი პოლიტიკოსების იმედად. ეს ქვეყანა ჩვენია და ჩვენ უნდა გავერთიანდეთ იმ იდეების გარშემო, რომელიც უკეთეს ცხოვრებას არა არჩევნების შემდეგ, არამედ ყოველდღე, ყოველ კვირა და ყოველ თვე მოგვიტანს. ეს ქვეყანა ჩვენია და ჩვენ უნდა ავიღოთ მის მომავალზე პასუხისმგებლობა, - ამის შესახებ მოძარობა „ხალხისთვის“ ლიდერმა ანა დოლიძემ განაცხადა.

 

როგორც ანა დოლიძე აღნიშნავს, მოძრაობის მიზანია სუფთა ხელებით, ახალი პოლიტიკური რეალობის შექმნა. „ჩვენ ვირჩევთ მშვიდობას და დღის წესრიგს

 

„პოლარიზაციის მიღმა“, „...ისტების“ დრო უნდა დასრულდეს; ჩვენ ვირჩევთ სწრაფ სვლას მომავლისკენ და არა დაუსრულებელ ქექვას წარსულში; ჩვენ გთავაზობთ სახალხო სივრცეს, სადაც ერთად ავიღებთ პასუხისმგებლობას ჩვენს მომავალზე - ეს ქვეყანა ჩვენია! ჩვენ მოვიგებთ ომს შიმშილთან, გვჯერა, რომ შესაძლებელია საქართველოს პოტენციალით ეკონომიკური ნახტომის გაკეთება; ჩვენ შევქმნით სამართლიან მართლმსაჯულების სისტემას; ჩვენ დავტოვებთ კორუფციას და ნეპოტიზმს წარსულში და შევქმნით კარგ მმართველობას, რომელიც წაიყვანს ქვეყანას წინ. ჩვენ შევქმნით ქართულ კულტურულ ფასეულობებზე დამყარებულ ევროინტეგრაციის ამოცანებთან და სწრაფ განვითარებასთან თანხვედრ ქვეყანას; შევქმნათ სამართლიან, თანასწორობაზე დაფუძნებულ ჯანსაღ გარემოს; ჩვენ უნდა შევქმნათ მუხტი და დავიბრუნოთ რწმენა სახელმწიფოს კეთილდღეობისთვის,“ - ასე მიმართა ანა დოლიძემ მანიფესტით ხალხს და მოუწოდა მათ გაერთიანებისკენ.

 

სამოქლაქო მოძრაობა „ხალხისთვის“ გუნდის წევრები არიან: ლელა გულედანი, თამარ ჯაფარიძე, ნიკოლოზ გვაზავა, ნინო წულაძე, ხატია მირცხულავა, ლაშა ანაკიძე, მარიამ რუხაძე, ქეთევან მუსერიძე, ნიკო ქვაცაბაია და მაკა ტოხიშვილი.

 

სამართლის დოქტორი (JSD) Cornell University; ანა დოლიძე იყო საიას თავმჯდომარე, საქართველოს თავდაცვის მინისტრის მოადგილე; საქართველოს პრეზიდენტის საპარლამენტო მდივანი, არის იუსტიციის უმაღლესი საბჭოს წევრი, მას აქვს 15-წლიანი სამუშაო გამოცდილება საერთაშორისო და ქართულ ორგანიზაციებში.

 

აღნიშნულ ინფორმაციას ანა დოლიძის პრესსამსახური ავრცელებს.

ოკუპირებულ აფხაზეთში კორონავირუსის ოთხი ახალი შემთხვევა დადასტურდა და დაინფიცირებულთა საერთო რაოდენობა 25-მდე გაიზარდა,- ამის შესახებ ინფორმაციას "სპუტნიკ აფხაზია“ ავრცელებს.

 

მათივე ინფორმაციით, დაინფიცირებულები რუსეთის სამხედრო სასწავლებლის კურსანტები არიან, რომლებიც აფხაზეთში დაბრუნების შემდეგ პანსიონატ „აიტარში“ იზოლაციაში იმყოფებოდნენ.

 

ახალი შემთხვევების გამოვლენამდე აფხაზეთის მთავარმა სანიტარმა ლიუდმილა სკორიკმა განაცხადა, რომ „კოვიდ 19“ ე.წ. „რესპუბლიკაში“ 21 ადამიანს ჰქონდა დადასტურებული.

მოველი შეთანხმების შესრულებას, - ამის შესახებ ამერიკელმა კონგრესმენმა ადამ კიზინგერმა საქართველოში პოლიტიკურ პარტიებს შორის 8 მარტს გაფორმებულ ხელშეკრულებასთან დაკავშირებით „ამერიკის ხმის“ ქართულ რედაქციასთან განაცხადა.

 

გამოცემის ინფორმაციით, კონგრესმენი ადამ კინზინგერი, საქართველოს პრეზიდენტის მიერ პოლიტიკური ლიდერების საპატიმროდან გათავისუფლებას მიესალმება.

 

„კონგრესმენს ეს ამბავი ახარებს და მოელის, რომ იხილავს ამ შეთანხმების შესრულებას. ის უგზავნის მის მილოცვას ჩვენს საელჩოს შეთანხმების განსახორციელებაში მათ მიერ შეტანილი წვლილისთვის“ - აცხადებენ კონგრესმენ კინზინგერის ოფისში „ამერიკის ხმის“ შეკითხვის საპასუხოდ.

 

ამასთან, გამოცემის მიერ გავრცელებულ ინფორმაციაში აღნიშნულია, რომ გიგი უგულავას და ირაკლი ოქრუაშვილის შეწყალებას გასულ კვირას გამოეხმაურა ასევე შეერთებული შტატების სენატის საგარეო საქმეთა კომიტეტის თავმჯდომარე, სენატორი ჯიმ რიში და კომიტეტის დემოკრატი ლიდერი, სენატორი ჯინ შაჰინი.

 

„მივესალმებით ბატონი ოქრუაშვილის და ბატონი უგულავს შეწყალებას და ციხიდან გათავისუფლებას. ეს მნიშვნელოვანი ნაბიჯია 8 მარტის შეთანხმების შესრულებისკენ, რომელიც საქართველოს საარჩევნო სისტემას შეცვლის და სასამართლოში პოლიტიკურ ჩარევას დაასრულებს. ეს გათავისუფლებები ძლიერ სიგნალს უგზავნის ყველას, ვინც იმუშავა იმისთვის, რომ შეთანხმება შესაძლებელი გამხდარიყო და მას ხელი მოაწერა, რომ პროგრესი შეიძლება მიიღწეს და მიიღწევა", - განაცხადეს მათ.

 

ერთობლივ განცხადებაში სენატორები მოლოდინებზეც საუბრობენ.

 

„ველით, რომ ვიხილავთ საარჩევნო სისტემის შეთანხმებული ცვლილებების განხორციელებას, როცა მომავალი კვირების განმავლობაში საქართველოს პარლამენტი მუშაობას განაახლებს; ასევე ბატონი გიორგი რურუას, მედია მფლობელის გათავისუფლებას, რომელიც დეკემბერში ბუნდოვანი ბრალდებებით იქნა დაკავებული", - ნათქვამია განცხადებაში.

 

შეგახსენებთ, პრეზიდენტმა სალომე ზურაბიშვილმა გიგი უგულავა და ირაკლი ოქრუაშვილი 15 მაისს შეიწყალა.

ექსკლუზიური

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?