Global Press

Georgia

Global PressGlobal PressGlobal PressGlobal Press

USD
2.9336
EUR
3.2487
RUR
0.0447
GBP
3.5602

ავტომანქანის თეთრად გადაღებვის და ქიმწმენდის ვაუჩერით სარგებლობა მხოლოდ იმ სატრანსპორტო საშუალებების მფლობელებს შეეძლებათ, რომლებსაც გავლილი ექნებათ სავალდებულო ტექნიკური დათვალიერება და ექნებათ ტაქსის ლიცენზია, - ამის შესახებ თბილისის ვიცე-მერმა ირაკლი ხმალაძემ მუნიციპალიტეტის მთავრობის სხდომაზე განაცხადა.

 

ვიცე-მერმა კიდევ ერთხელ განმარტა, რომ კომპანია "ალმა", რომელმაც საზოგადოებრივ ტრანსპორტზე რეკლამის განთავსებასთან დაკავშირებულ აუქციონში გაიმარჯვა, ავტოსატრანსპორტო საშუალებების მფლობელებს მანქანებს რეკლამის განთავსების სანაცვლოდ გადაუღებავს.

 

"ერთი კვირის წინ დასრულდა კონკურსი, გვყავს გამარჯვებული კომპანია, რომელიც უზრუნველყოფს 1-ელი მარტიდან ორი სახის ვაუჩერის გაცემას ტაქსის ნებართვის მფლობელებზე ერთია თეთრ ფერზე გადაღებვის ვაუჩერი და მეორე იქნება ტაქსების ინტერიერის წმენდის ვაუჩერი. ჩვენ შევქმენით საკმაოდ ეფექტური და კარგი კონცეფცია, რომლის მიხედვითაც, კომპანია ამის სანაცვლოდ თანხებს არ მოითხოვს ტაქსის ნებართვის მფლობელებისგან, ის მათ სატრანსპორტო საშუალებებზე განათავსებს რეკლამას ორი წლის ვადით და ამის სანაცვლოდ უზრუნველყოფს შეღებვას. ამ შეღებვის და ინტერიერის წმენდის ვაუჩერით სარგებლობის უფლება აქვთ იმ ტაქსის ნებართვის მფლობელებს, რომლებმაც 2018 წლის 10 ოქტომბრის ჩათვლით მიიღეს მგზავრთა გადაყვანის მომსახურების ნებართვა. ჩვენ საინფორმაციო კამპანიასაც დავიწყებთ ამ დღეებში, თუ როგორ უნდა ისარგებლონ ამ ვაუჩერებით და კიდევ ერთი მნიშვნელოვანი საკითხია, რომ ვაუჩერით სარგებლობა შეეძლებათ მხოლოდ იმ სატრანსპორტო საშუალებების მფლობელებს, რომლებსაც გავლილი ექნებათ სავალდებულო ტექნიკური დათვალიერება. თქვენ იცით, რომ ჩვენ ეს კონკურსი მივაბით თბილისის სატრანსპორტო კომპანიის კუთვნილი მეტროს და ავტობუსების რეკლამების აუქციონს. შედგა ეფექტური ვაჭრობა, 11 მილიონიდან დაიწყო და 14 მილიონ ლარს ასცდამ გამარჯვებულია კომპანია "ალმა", ეს არის საკმაოდ კვალიფიციური კომპანია და მზად არის 1-ელი მარტიდან გასცეს ვაუჩერები რეკლამების განთავსების სანაცვლოდ",- განაცხადა ხმალაძემ.

ტაქსების თეთრად გადაღებვა 1-ელი მარტიდან დაიწყება, - ამის შესახებ თბილისის ვიცე-მერმა ირაკლი ხმალაძემ მუნიციპალიტეტის მთავრობის სხდომაზე განაცხადა.

 

ხმალაძემ თბილისის სატრანსპორტო კომპანიის მიერ გამოცხადებულ აუქციონში გამარჯვებულ კომპანიაზე ისაუბრა და აღნიშნა, რომ გამარჯვებულია კომპანია „ალმა“.

 

თავდაპირველად აუქციონთან დაკავშირებით თბილისის მერმა კახა კალაძემ ისაუბრა და აღნიშნა, რომ კომპანიისთვის ამ უფლების გადაცემის გადაწყვეტილება მერიამ იმიტომ მიიღო, რომ დამატებითი ხარჯი ოჯახებს არ დაკისრებოდა.

 

"როგორც ვიცი, კონკურსი, რომელიც რეკლამის განთავსებაზე იყო გამოცხადებული და ხელშეკრულებაც გაფორმებულია. ამასთან დაკავშირებით მივაწოდოთ მოსახლეობას ინფორმაცია, რადგან პირდაპირ უკავშირდება რეფორმას ტაქსებთან დაკავშირებით. თქვენ იცით, რომ გადაწყვეტილება, რომელიც ჩვენ მივიღეთ და შევჯერდით, რომ 2019 წლის ოქტომბრიდან ტაქსის ფერი არის განსაზღვრული - თეთრი და ეს გარკვეული ხარჯები რომ არ დააწვეს ტაქსის მძღოლებს, ვისაც ლიცენზია ექნება და ვისი ავტომობილიც ტექდათვალიერებას გაივლის, ამ ადამიანებს რომ არ დააწვეს გადაღებვის სამუშაოები, ამ ვალდებულებას აიღებს გამარჯვებული კომპანია",- განაცხადა კალაძემ.

 

თავის მხრივ, ვიცე-მერმა ირაკლი ხმალაძემ აღნიშნა, რომ კომპანია "ალმა", რომელმაც აუქციონში გაიმარჯვა, ავტოსატრანსპორტო საშუალებების მფლობელებს მანქანებს რეკლამის განთავსების სანაცვლოდ გადაუღებავს.

 

"ერთი კვირის წინ დასრულდა კონკურსი, გვყავს გამარჯვებული კომპანია, რომელიც უზრუნველყოფს 1-ელი მარტიდან ორი სახის ვაუჩერის გაცემას ტაქსის ნებართვის მფლობელებზე: ერთია - თეთრ ფერზე გადაღებვის ვაუჩერი და მეორე იქნება ტაქსების ინტერიერის წმენდის ვაუჩერი. ჩვენ შევქმენით საკმაოდ ეფექტური და კარგი კონცეფცია, რომლის მიხედვითაც, კომპანია ამის სანაცვლოდ თანხებს არ მოითხოვს ტაქსის ნებართვის მფლობელებისგან, ის მათ სატრანსპორტო საშუალებებზე განათავსებს რეკლამას ორი წლის ვადით და ამის სანაცვლოდ უზრუნველყოფს შეღებვას. ამ შეღებვის და ინტერიერის წმენდის ვაუჩერით სარგებლობის უფლება აქვთ იმ ტაქსის ნებართვის მფლობელებს, რომლებმაც 2018 წლის 10 ოქტომბრის ჩათვლით მიიღეს მგზავრთა გადაყვანის მომსახურების ნებართვა. ჩვენ საინფორმაციო კამპანიასაც დავიწყებთ ამ დღეებში, თუ როგორ უნდა ისარგებლონ ამ ვაუჩერებით და კიდევ ერთი მნიშვნელოვანი საკითხია, რომ ვაუჩერით სარგებლობა შეეძლებათ მხოლოდ იმ სატრანსპორტო საშუალებების მფლობელებს, რომლებსაც გავლილი ექნებათ სავალდებულო ტექნიკური დათვალიერება. თქვენ იცით, რომ ჩვენ ეს კონკურსი მივაბით თბილისის სატრანსპორტო კომპანიის კუთვნილი მეტროს და ავტობუსების რეკლამების აუქციონს. შედგა ეფექტური ვაჭრობა, 11 მილიონიდან დაიწყო და 14 მილიონ ლარს ასცდა. გამარჯვებულია კომპანია "ალმა", ეს არის საკმაოდ კვალიფიციური კომპანია და მზად არის 1-ელი მარტიდან გასცეს ვაუჩერები რეკლამების განთავსების სანაცვლოდ",- განაცხადა ხმალაძემ.

ვაკეთებთ ყველაფერს, რომ გუნდის თითოეული წევრი იყოს შენარჩუნებული, - ამის შესახებ ფრაქცია “ქართული ოცნების“ თავმჯდომარემ, მამუკა მდინარაძემ ჟურნალისტებთან საუბრისას განაცხადა.

 

ასევე, მდინარაძემ უარყო გედევან ფოფხაძის განცხადება, რომ მას კრიტიკული განცხადების გაკეთებას უკრძალავდნენ და აღნიშნა, რომ მსგავსი პოზიცია „ქართულ ოცნებას“ არ გამოუხატავს.

 

„ჩვენ ვუფრთხილდებით გუნდის თითოეულ წევრს, წარსულს და იმ ერთად შრომას, რაც გაგვიწევია და ვამბობთ, რომ ვაკეთებთ ყველაფერს, რათა გუნდის თითოეული წევრი იყოს შენარჩუნებული, მიუხედავად გუნდთან შეუთანხმებელი განცხადებისა და განსხვავებული პოზიციისგან.

 

მე არ ვიცი, ვისი ინტერპრეტაციაა, რომ გუნდში ვინმეს რაიმე კრიტიკული განცხადების გაკეთება ეკრძალებოდეს. შეუძლებელი და წარმოუდგენელია, რომ ვინმეს ავუკრძალოთ ლაპარაკი - ეს არავის უფიქრია“, - განაცხადა მამუკა მდინარაძემ.

ჩემ თავში გადაწყვეტილება მიღებული მაქვს, ამას გავახმოვანებ იმ დროს, როცა ჩავთვლი საჭიროდ, - ამის შესახებ საპარლამენტო უმრავლესობის წევრმა ლევან გოგიჩაიშვილმა უმრავლესობის სხდომის დასრულების შემდეგ განაცხადა, სადაც მას ჟურნალისტებმა ჰკითხეს, გამორიცხავს თუ არა პარტიის დატოვებას.

 

მისივე თქმით, ვერ გადალახავს იმ მორალურ ზღვარს, რომლითაც მასსა და "ნაციონალურ მოძრაობას" შორის ზღვარი წაიშლება.

 

"მე მინდა დავინახო, ზუსტად სად დავშორდით და სად ვერთდებით. გუშინდელი განცხადება არის, რომ ვშორდებით. ეს არაა ის დაკვეთა, რა დაკვეთითაც "ქართული ოცნება" დღეს ხელისუფლებაშია. მე ვერ გადავლახავ იმ მორალურ ზღვარს, სადაც ჩემსა და "ნაციონალურ მოძრაობას" შორის ზღვარი წაიშლება. ჩემთვის ისიც მიუღებელია კატეგოროულად, უთხრა ასი ათასობით ადამიანს, რომ შენ თუ არ მოგწონს მაგალითად, გვრიტიშვილი და ამას იტყვი, ხარ "ნაციონალური მოძრაობა". ესაა კატეგორიულად მიუღებელი და შეურაცხმხყოფელი", - განაცხადა გოგიჩაიშვილმა.

დადგა გადაწყვეტილების ეტაპი. პირადად, ავიღებდი რამდენიმე დღეს მაინც იმისთვის, რომ საბოლოო გადაწყვეტილება მივიღო „ქართულ ოცნებასთან“, - ამის შესახებ საპარლამენტო უმრავლესობის წევრმა ეკა ბესელიამ, საპარლამენტო უმრავლესობის სხდომის დასრულების შემდეგ განაცხადა.

 

„ალბათ, დადგა და მომწიფდა ის ეტაპი, როდესაც მეც და რამდენიმე ადამიანმა ჩვენი საბოლოო გადაწყვეტილება უნდა მივიღოთ ღირებულებებთან და ფასეულობებთან დაკავშირებით, ჩვენ ერთ პოზიციაზე ვახერხებთ, რომ დავინახოთ ერთიანი სვლა თუ ვერა. ეს ეტაპი უკვე დღეს დავინახე, რომ ძალიან ახლოს მოვიდა. ამიტომ, სწორედ იქიდან გამომდინარე, არ მინდა რაიმე ჩვენი ნაბიჯით ხელი შევუწყო სააკაშვილის და მისი ძალადობრივი რეჟიმის რეანიმირებას და მის მობრუნებას 2012 წელს. არ მინდა იმ ძალადობრივ სისტემას მივცეთ რაიმე შანსი, რომ მოტრიალდეს და ისევ აიღოს ხელში ძალაუფლება. ამიტომ, მგონია, რომ უნდა დავინახოთ ჩვენი შემდეგი ნაბიჯები როგორი უნდა იყოს. მე, პირადად, ავიღებდი რამდენიმე დღეს მაინც იმისთვის, რომ საბოლოო გადაწყვეტილება მივიღო - ჩვენ შევძლებთ თუ ვერა ამ ფასეულობების ირგვლივ გაერთიანებას და ერთად გაგრძელებას, ვგულისხმობ „ქართულ ოცნებას“, იმ პარტიას, რომლის დამფუძნებელიც ვარ. ეს ჩემთვის ძალიან ემოციური პროცესია, მაგრამ არის გადაწყვეტილების ეტაპი“,- განაცხადა ბესელიამ.

არაკორექტულია ის, რომ იყო გუნდის შიგნით და ურტყამდე გუნდს გარედან, - ამის შესახებ საპარლამენტო უმრავლესობის წევრმა, ზაქარია ქუცნაშვილმა „ქართულ ოცნებაში“ უმრავლესობის სხდომის დატოვების შემდეგ განაცხადა.

 

მისივე თქმით, „ქართული ოცნებიდან“ არავის გარიცხვა არ იგეგმება და არც არავის თავისუფლება იზღუდება.

 

„გაიმართა მორიგი სამუშაო შეხვედრა უმრავლესობის ფორმატში, ვიმსჯელეთ იმ საკითხებზე, რაც აქტუალურია საზოგადოებაში დღევანდელ დღეს. კერძოდ, გავაგრძელეთ მსჯელობა იმ კრიტერიუმებსა და პროცედურებზე, რითაც უნდა მოხდეს უზენაესი სასამართლოს მოსამართლეთა კანდიდატურების შერჩევა, კიდევ ერთხელ დადასტურდა უმრავლესობის შიგნით გადაწყვეტილება, რომ პარლამენტის ყველა წევრი იქნება თავისუფალი კენჭისყრის დროს და საკუთარი სინდისით და ღირსებით იმოქმედებს კვალიფიციურობის და კეთილსინდისიერების კრიტერიუმების მისადაგებისას. შესაბამისად, ვიმსჯელეთ შემდეგ საქმიანობაზე. არავის გარიცხვაზე არ გვისაუბრია, თუმცა აღინიშნა, რომ პარტიული დისციპლინის დაცვა არის ის მინიმალური სტანდარტი, რომელიც მოეთხოვება ამ საქმეში ჩართულ პოლიტიკოსებს. ეთიკური სტანდარტი მოითხოვს, რომ ეს წესები გაიზიარო. იმის თაობაზე, რომ სამართლიანი წესები უნდა არსებობდეს ყველა მიმართულებით, ამას ყველა დაეთანხმა. მიხარია, რომ „ქართული ოცნება“ შიდა დემოკრატიის მაგალითს აძლევს საზოგადოებას“, - განაცხადა ზაქარია ქუცნაშვილმა.

 

კითხვაზე, რა გადაწყდა გედევან ფოფხაძესთან დაკავშირებით, ზაქარია ქუცნაშვილმა უპასუხა, რომ „ამაზე თავად უნდა ისაუბროს, თუმცა უმრავლესობას აქვს პოზიცია, რომ განსახვავებული აზრი გუნდის შიგნით მიუღებელი არ არის, მაგრამ არაკორექტულია ის, რომ იყო გუნდის შიგნით და ურტყამდე გუნდს გარედან“.

 

„ყველა თავისუფალია გუნდის შიგნით მოქმედებისას და ასევეა იმ შემთხვევაშიც, თუ გუნდს დატოვებს. ჩვენ არავის ვრიცხავთ, არავის ვუზღუდავთ თავისუფლებას, მაგრამ არც ის გვინდა მივიღოთ, რომ გუნდის შიგნით იყო და გუნდს გარედან ურტყამდე“, - განაცხადა ქუცნაშვილმა.

ნატო-ს 2019 წლის სამიტი სახელმწიფო მეთაურების დონეზე მიმდინარე წლის დეკემბერში, ლონდონში გაიმართება. ამის შესახებ ნატო-ს გენერალურმა მდივანმა იენს სტოლტენბერგმა განაცხადა.

 

„მოხარული ვარ შეგატყობინოთ, რომ ალიანსის წევრი ქვეყნები შეთანხმდნენ სახელმწიფო მეთაურების დონეზე შემდეგი სამიტი მიმდინარე წლის დეკემბერში ლონდონში გამართონ. დიდი ბრიტანეთის მადლობელნი ვართ ამ შეხვედრას უმასპინძლონ იმ წელს, როდესაც ნატო-ს 70 წელი უსრულდება“, - აღნიშნა იენს სტოლტენბერგმა.

 

შეგახსენებთ, რომ სახელმწიფო მეთაურების დონეზე ნატო-ს სამიტი 2018 წელს ბრიუსელში გაიმართა. წელს ნატო-ს დაარსებიდან 70 წელი უსრულდება.

ბრიუსელში, ნატო-ს შტაბბინაში ნატო-ს წევრი ქვეყნების ელჩებმა და მაკედონიის საგარეო საქმეთა მინისტრმა მაკედონიის ალიანსში გაწევრიანების თაობაზე პროტოკოლს ხელი მოაწერეს.

 

აღსანიშნავია, რომ პროცედურის თანახმად, შემდეგ ეტაპზე აღნიშნული პროტოკოლი ნატო-ს წევრ ქვეყნებს გადაეცემათ რატიფიცირებისთვის და მხოლოდ ამ პროცესის დასრულების შემდეგ შეძლებს მის რატიფიცირებას მაკედონია.

 

არსებული ინფორმაციით, აღნიშნული პროცედურა მიმდინარე წელს დასრულდება და მაკედონია ოფიციალურად გახდება ალიანსის 30-ე წევრი ნატო-ს სამიტზე, რომელიც დეკემბერში ლონდონში გაიმართება.

 

„პროტოკოლის ხელმოწერა რატიფიცირების პროცესს ხსნის და ვიმედოვნებ, რომ ეს პროცესი სწრაფად ჩატარდება და შევძლებთ ალიანსის 30-ე წევრს მივესალმოთ“, - განაცხადა ნატო-ს გენერალურმა მდივანმა იენს სტოლტენბერგმა.

პირადად მე ბევრი მიზეზი მქონდა აქამდეც, რომ რადიკალური გადაწყვეტილება მიმეღო, მაგრამ ამას არ ვაკეთებდი იმიტომ, რომ ძალიან ძვირფასია ჩემთვის ეს პარტია, - ამის შესახებ ჟურნალისტებს „ქართული ოცნების“ ცენტრალურ ოფისში უმრავლესობის სხდომის დასრულების შემდეგ იურიდიული კომიტეტის ყოფილმა თავმჯდომარემ ეკა ბესელიამ განუცხადა.

 

დეპუტატის თქმით, მისთვის გასაგებია ბიძინა ივანიშვილის სურვილი, რომ ეს საჯარო დისკუსია და დებატები არ გახანგრძლივდეს.

 

„ბიძინა ივანიშვილი თვითონ იტყვის თავის სათქმელს. მე არ მგონია, რომ მე უნდა გავახმოვანო მისი სათქმელი. მე მესმის, რომ ის, როგორც პარტიის თავმჯდომარე, ცდილობს მიაღწიოს გუნდის შიგნით კონსენსუსს და ვნებათაღელვა დააცხროს. მისი მცდელობები და სურვილი აბსოლუტურად გასაგები და ლეგიტიმურია. ის პარტიის თავმჯდომარეა და არ სურს, რომ ეს საჯარო დისკუსია და დებატები არ გახანგრძლივდეს. მაგრამ ეს დებატები ხომ რაღაცის გამოხატულებაა? ეს დებატები ხომ ღირებულებებს და ფასეულობებს ეხება? ამიტომ ჩვენ ვამბობთ - შეგვიძლია თუ არა მომავლის ხედვაში ერთნაირი ნაბიჯები გადავდგათ? მოდით, ჩვენც ჩამოვყალიბდეთ, რაღაც დრო გვჭირდება, იმიტომ რომ რადგან ამ გადაწყვეტილებას მივუახლოვდით, არ მინდა არაგულწრფელი ვიყო. პირადად მე ბევრი მიზეზი მქონდა აქამდეც, რომ რადიკალური გადაწყვეტილება მიმეღო, მაგრამ ამას არ ვაკეთებდი, იმიტომ, რომ ძალიან ძვირფასია ჩემთვის ეს პარტია. ძალიან დიდი შრომა მაქვს პირადად მე ჩადებული, ურთულესი 7 წელი გავიარეთ. ამიტომ, მოდით, ცოტა ცივი გონებითაც მივიღოთ გადაწყვეტილება“, - განაცხადა ბესელიამ.

„ბიძინა ივანიშვილმა დღეს თქვა, რომ დავასრულოთ საჯარო დისკუსია და შიგნით ვისაუბროთ. რა თქმა უნდა, კარგია, რომ შიგნით ვისაუბროთ, მაგრამ არის საკითხები, რაზეც გარეთ უნდა ესაუბრო ხალხს,“ - ამის შესახებ საპარლამენტო უმრავლესობის წევრმა ეკა ბესელიამ პარტია „ქართული ოცნების“ ოფისში გამართული შეხვედრის დასრულების შემდეგ განაცხადა. მისი შეფასებით, მმართველი გუნდის წევრებს შორის ღირებულებათა და ფასეულობათა კონფლიქტია.

 

„ბიძინა ივანიშვილმა, როგორც პარტიის თავმჯდომარემ, დღეს თქვა, რომ მიუხედავად იმისა, რომ ბევრი განსხვავებული მოსაზრება ისმის ამ დღეების განმავლობაში, დავსვათ აქ წერტილი. მან თქვა, რომ ნუ შევალთ დეტალების განხილვაში - ვინ მართალია, ვინ - არა, ვინ დაიწყო, ვინ არ დაიწყო და მოდით, დავასრულოთ ეს საჯარო დისკუსია, კონფლიქტიც და შიგნით ვისაუბროთ. რა თქმა უნდა, კარგია, რომ შიგნით ვისაუბროთ, რა თქმა უნდა სწორია, რომ შიგნით ვისაუბროთ, მაგრამ არის საკითხები, რაზეც გარეთ უნდა ესაუბრო ხალხს. ეს არის ღირებულებათა და ფასეულობათა კონფლიქტი, მე ასე ვხედავ,“ - განაცხადა ეკა ბესელიამ.

სესხის გამცემმა სუბიექტებმა უნდა დაიცვან კანონითა და ეროვნული ბანკის მიერ დადგენილი მოთხოვნები, - ამის შესახებ ნათქვამია ეროვნული ბანკის განცხადებაში.

 

ეროვნული ბანკი მოსახლეობას ახსენებს, რომ 2019 წლის 1 იანვრიდან, პირი, რომლის მიმართ 20-ზე მეტ ფიზიკურ პირს აქვს სასესხო/საკრედიტო ვალდებულება და ამავდროულად გასცემს სესხებს, ვალდებულია, რეგისტრაცია გაიაროს საქართველოს ეროვნულ ბანკში.

 

„სესხის გამცემმა სუბიექტებმა უნდა დაიცვან კანონითა და ეროვნული ბანკის მიერ დადგენილი მოთხოვნები, მათ შორის, 200 ათას ლარამდე სესხი მხოლოდ ეროვნული ვალუტით უნდა გასცენ, დაიცვან მაქსიმალური ეფექტური საპროცენტო განაკვეთის 50%-იანი ზღვარი, რეგულირებით დადგენილ შემთხვევებში, სესხი გასცენ მხოლოდ მსესხებლის გადახდისუნარიანობის ფარგლებში, მოახდინონ მსესხებლის სწორი ინფორმირება და სხვა. ჩვენს ხელთ არსებული ინფორმაციით, ცალკეული სუბიექტები სავარაუდოდ ცდილობენ, თავი აარიდონ კანონით განსაზღვრულ მოთხოვნებს, მათ შორის, რეგისტრაციის კუთხით და მოჩვენებითად გააგრძელონ იგივე საკრედიტო საქმიანობა, რაც, გარდა სამოქალაქო სამართლებრივი პასუხისმგებლობისა, შესაძლოა საგამოძიებო ორგანოს მხრიდან შესწავლის საგანი გახდეს. ასევე, ვაცნობებთ საზოგადოებას, რომ კანონმდებლობით დადგენილი მოთხოვნების გვერდის ავლით დადებული ხელშეკრულებები, მხარეთა შორის დავის შემთხვევაში, შესაძლოა ხელშეკრულების ბათილობის საფუძველი გახდეს, რასთან დაკავშირებითაც დაინტერესებული მხარე უფლებამოსილია მიმართოს სასამართლოს. საქართველოს ეროვნული ბანკი, კანონმდებლობით მინიჭებული უფლებამოსილების ფარგლებში, თვალს ადევნებს მისი კომპეტენციის სფეროში მიმდინარე პროცესებს და, საჭიროების შემთხვევაში, განიხილავს დამატებითი ღონისძიებების განხორციელების საკითხს“, - ნათქვამია ეროვნული ბანკის მიერ გავრცელებულ განცხადებაში.

ზაზა სარალიძე პროკურატურის ეზოდან ძალის გამოყენებით გაიყვანეს. მისი ეზოდან გაყვანას რამდენიმე სამართალდამცველი ცდილობდა.

 

ზაზა სარალიძე პროკურატურის ეზოდან სამართალდამცველების მიერ ძალის გამოყენებით გაყვანამ გააღიზიანა, რის შემდეგაც მან თვითდაზიანებები მიიყენა.

 

ზაზა სარალიძეს გატეხილი აქვს თავი. ამჟამად პროკურატურასთან სასწრაფო სამედიცინო დახმარებას ელოდებიან.

 

ზაზა სარალიძესთან ერთად ტერიტორია დაატოვებინეს მის თანმხლებ პირებსაც, მათ შორის მალხაზ მაჩალიკაშვილს.

 

რაც შეეხება ნესტან ლონდარიძესა და ალეკო ცქიტიშვილს, ისინი პროტესტის ნიშნად კვლავ პროკურატურის ეზოში რჩებიან.

ექსკლუზიური

არქივი

« « » » აგვისტო 2019
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?