Global Press

Georgia

Global PressGlobal PressGlobal PressGlobal Press

USD
3.4363
EUR
4.1187
RUR
0.0454
GBP
4.738

ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, მომავალი წლიდან მოსახლეობისთვის დენი 3.5 თეთრით გაძვირდება, კომერციული ობიექტებისთვის კი 11-13 თეთრით გაძვირდება

 

თბილისის მოსახლეობისა და კომერციული სექტორისთვის ელექტროენერგიის გაძვირებული ტარიფი პირველი იანვრიდან ამოქმედდება და ელექტროენერგიის განაწილების ტარიფი ძალაში 2025 წლის ბოლომდე იქნება.

 

სემეკის თავმჯდომარის დავით ნარმანიამ განცხადებთ, გაძვირება დამოკიდებულია თუ რამდენ ელექტროენერგიას მოიხმარენ კომერციული ობიექტები.

 

"დავიანგარიშეთ ტარიფები, მოსახლეობისთვის ტარიფების ზრდა შეადგენს სამნახევარ თეთრს, რაც შეეხება კომერციულ მომხმარებელს, აქ სამი ტიპის ძაბვის საფეხური გამოიყოფა, თითოეული ძაბვის საფეხურზე დადგენილია ცალ ცალკე ტარიფები, 11, 12 , 13 თეთრი" – განაცხადა სემეკის თავმჯდომარე დავით ნარმანიამ

 

ენერგეტიკისა და წყალმომარაგების მარეგულირებელი ეროვნული კომისიის წევრებმა დადგენილების პროექტს ერთხმად დაუჭირეს მხარი.

 

„თელასის“ სამომხმარებლო ტარიფები მოსახლეობისთვის შემდეგი იქნება:

 

პირველი საფეხური (101 კვტ.სთ-ის ჩათვლით) – მოქმედი ტარიფი 14.544 თეთრი – ახალი ტარიფი 18.041 თეთრი;

 

მეორე საფეხური (101-301 კვტ.სთ) – მოქმედი ტარიფი 18.556 თეთრი – ახალი ტარიფი 22.053 თეთრი;

 

მესამე საფეხური (301 კვტ.სთ-ზე მეტი) – მოქმედი ტარიფი 23.040 თეთრი – ახალი ტარიფი 26.537 თეთრი.

 

ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, 2021 წლის პირველი იანვრიდან დენის ტარიფი „ენერგო-პრო ჯორჯიას“ აბონენტებისთვისაც იზრდება.

 

სემეკ-ის დადგენილების პროექტით, ასევე 3,5 თეთრით იზრდება ტარიფი „ენერგო-პრო ჯორჯიას“ აბონენტებისთვის.

 

„ენერგო-პრო ჯორჯიას“ ტარიფები მოსახლეობისთვის (დღგ-ს ჩათვლით) შემდეგი იქნება:

 

პირველი საფეხური (101 კვტ.სთ-ის ჩათვლით) – მოქმედი ტარიფი 14.237 თეთრი – ახალი ტარიფი 17.731 თეთრი;

 

მეორე საფეხური (101-301 კვტ.სთ) – მოქმედი ტარიფი 18.213 თეთრი – ახალი ტარიფი 21.707 თეთრი;

 

მესამე საფეხური (301 კვტ.სთ-ზე მეტი) – მოქმედი ტარიფი 22.733 თეთრი – ახალი ტარიფი 26.227 თეთრი.

 

სემეკის გადაწყვეტილებით, ელექტროენერგიის ტარიფი კომერციული სექტორისთვის დაახლოებით 11 თეთრით მოიმატებს.

„თუ დღეს ბანკები არ იფიქრებენ კონკრეტულად რაღაც ტიპის შეღავათზე, ისინი დაანგრევენ ეკონომიკას და ქვეყანას”,- ამის შესახებ „ქართული ოცნების“ დეპუტატმა კახი კახიშვილმა პარლამენტის რიგგარეშე სხდომაზე, 2021 წლის ბიუჯეტის პროექტის განიხილავაზე განაცხადა.

 

კახიშვილმა ასევე აღნიშნა, რომ ბიზნესის დიდი ნაწილი გაკოტრების პირასაა და ამის ფონზე, ბანკები მხოლოდ საკუთარ თავზე ფიქრობენ.

 

მისივე თქმით, ბანკებმა სჯობს დღეს ნაკლები მოგება მიიღონ და გადაარჩინონ ქვეყანა

 

„ფაქტობრივად ერთი წელია, პანდემიის გამო, ბიზნესი გაჩერებულია და ბიზნესმენების ძალიან ბევრი ნაწილი უკვე გაკოტრების პირასაა. ერთი მხრივ, აღებული აქვთ კრედიტები, მეორე მხრივ, ამ კრედიტებს ვერ ფარავენ იმიტომ, რომ შემოსავლები არ არსებობს. ამავდროულად, ბუნდოვანი პასუხები ესმით ბანკებიდან და დიდად ვერ ეხმარებიან ბანკები. პირიქით, შეიძლება ითქვას, რომ საკუთარ თავზე უფრო ფიქრობენ. ვფიქრობ, რომ ამ შემთხვევაში, საჭიროა სახელმწიფოებრივი მიდგომა. მიუხედავად იმისა, რომ მთავრობა ყველაფერს აკეთებს იმისთვის, რომ რამენაირად დაეხმაროს, ამ შემთხვევაში, როდესაც ასეთი ფორსმაჟორია, თვითონ ბანკებიც უნდა გადავიდნენ ფორსმაჟორის რეჟიმში. თუ ჩვენ ვხედავთ დახურულ კაფეებს, მაღაზიებს, რესტორნებს და სასტუმროებს, გამოდის, რომ ფორსმაჟორია და ეს ფორსმაჟორი რატომ არ შემოდის ქვეყანაში, რომ ბანკებსაც შეეხოს და ცოტა იფიქრონ ამ ყველაფერზე და მხოლოდ საკუთარ მოგებაზე არ იფიქრონ? თუ დღეს ბანკები არ იფიქრებენ კონკრეტულად რაღაც ტიპის შეღავათზე, ისინი დაანგრევენ ქვეყნის ეკონომიკას და დაანგრევენ ქვეყანას. ამიტომ სჯობს დღეს ნაკლები მოგება მიიღონ და გადაარჩინონ ქვეყანა, ვიდრე მთლიანად მოგებაზე იყვნენ ორიენტირებული და გააკონტრონ ისე ქვეყანა, რომ წლების განმავლობაში მერე ვეღარ აღდგეს ”,- განაცხადა კახიშვილმა.

2021 წელი პანდემიისგან განკურნების წელი იქნება, - ამის შესახებ გაეროს გენერალურმა მდივანმა ანტონიო გუტერეშმა განაცხადა.

 

მისი თქმით, კორონავირუსის დასაძლევად მთელი მსოფლიო უნდა გაერთიანდეს, რათა კრიზისული სიტუაცია რაც შეიძლება მალე დასრულდეს.

 

გაეროს გენერალურმა მდივანმა, ასევე აღნიშნა, რომ პანდემიასთან ერთად კაცობრიობის მეორე უდიდესი გამოწვევა კლიმატის ცვლილებაა.

 

„შევურიგდეთ ერთმანეთს, შევურიგდეთ ბუნებას, გადავლახოთ კლიმატის კრიზისი, გავაჩეროთ COVID-19-ის გავრცელება და 2021 წელი განკურნების წლად ვაქციოთ. ეს მომაკვდინებელი ვირუსისგან განკურნების წელი უნდა გახდეს“, - განაცხადა ანტონიო გუტერეშმა

კორონავირუსის მუტაცია შემდგომშიც გაგრძელდება - ამის შესახებ ჯანდაცვის მსოფლიო ორგანიზაციის COVID-19-თან ბრძოლის ტექნიკური ჯგუფის ხელმძღვანელმა, მარია ვან კერკხოვემ განაცხადა

 

მისივე თქმით, ჯანმო ყურადღებით აკვირდება სიტუაციას და აღნიშნულ საკითხზე მეცნიერებთან ერთად მიმდინარეობს მუშაობა

 

„მუტაცია გაგრძელდება. მუტაცია ბუნებრივი პროცესია. თავად ვირუსზე ეს განსაკუთრებულ გავლენას არ ახდენს, თუმცა ვირუსის ახალი ვარიანტების შესწავლა უნდა განვაგრძოთ, მათ შორის ვირუსის გადაცემის პოტენციალის თვალსაზრისით“ - განაცხადა მარია ვან კერკხოვემ.

 

ცნობისთვის, 14 დეკემბერს, დიდ ბრიტანეთში მეცნიერებმა კორონავირუსის ახალი შტამი აღმოაჩინეს. აღნიშნულთან დაკავშირებით, ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე.

 

დიდი ბრიტანეთის ჯანდაცვის მდივანმა, მეთ ჰენკოკმა კი განაცხადა, რომ ვირუსის ახალი სახეობა 70%-ით უფრო სწრაფად ვრცელდება, მაგრამ უფრო საშიში არ არის.

 

ასევე 19 დეკემბერს გახდა ცნობილი, რომ სამხრეთ აფრიკის რესპუბლიკაში კორონავირუსის კიდევ ერთი ახალი სახეობა აღმოაჩინეს

საზოგადოებრივ და პოლიტიკურ ურთიერთობათა აკადემია (APPR) აქვეყნებს რეიტინგებს საქართველოში 2020 წლის პერსონებისა და მოვლენების შესახებ. წინამდებარე რეიტინგი შედგენილია ქართველი ჟურნალისტების, ანალიტიკოსებისა და სოციოლოგების გამოკითხვის საფუძველზე. გამოკითხვა ჩატარდა 2020 წლის 15-23 დეკემბერს.

 

აკადემია მიიჩნევს, რომ საზოგადოებრივი განწყობების მცოდნე - ყველაზე აქტიური ჯგუფის გამოკითხვის საფუძველზე შედგენილი რეიტინგი მაქსიმალურად ზუსტად ასახავს საზოგადოების დამოკიდებულებას პოლიტიკური პროცესებისა თუ პერსონების მიმართ.

 

APPR-ის დირექტორის, გოჩა მირცხულავას განცხადებით, რეიტიგმა მნიშვნელოვნად უნდა შეუწყოს ხელი პოლიტიკურ, საზოგადოებრივ ჯგუფებსა და პერსონებს, გააკეთონ ცალკეული დასკვნები საკუთარი სტრატეგიული თუ ტაქტიკური ამოცანების განსაზღვრისა და კორექტირებისთვის.

 

2020 წლის ყველაზე გავლენიანი ადამიანები:

 

1. ბიძინა ივანიშვილი

 

2. მიხეილ სააკაშვილი

 

3. უჩა მამაცაშვილი

 

4. ნიკა გვარამია

 

5. გიორგი გახარია, ივანე (ვანო) ჩხარტიშვილი

 

2020 წლის ყველაზე გავლენიანი პოლიტიკოსები ხელისუფლებიდან:

 

1. გიორგი გახარია

 

2. კახა კალაძე

 

3. ირაკლი კობახიძე

 

4. ვახტანგ გომელაური

 

5. არჩილ თალაკვაძე

 

2020 წლის ყველაზე გავლენიანი პოლიტიკოსები ოპოზიციურ ფლანგზე:

 

1. მიხეილ სააკაშვილი

 

2. ნიკა მელია

 

3. მამუკა ხაზარაძე

 

4. გიგა ბოკერია

 

5. გიგი უგულავა

 

2020 წლის ყველაზე გავლენიანი ანალიტიკოსები:

 

1. გია ხუხაშვილი

 

2. ხათუნა ლაგაზიძე

 

3. ნოდარ ხარშილაძე

 

4. გია ნოდია

 

5. ვალერიან გორგილაძე

 

2020 წლის ყველაზე გავლენიანი მაუწყებლები:

 

1. „იმედი"

 

2. „მთავარი არხი"

 

3. „რუსთავი 2"

 

4. „ტვ პირველი"

 

5. „ფორმულა"

 

2020 წლის მთავარი მოვლენები:

 

1. პანდემია

 

2. არჩევნები

 

3. ოპოზიციის ერთობა

 

4. ერთპარტიული პარლამენტი

 

5. 8 მარტის შეთანხმება

 

ხელისუფლების წარმატება 2020 წელს: პანდემიის პირველი ეტაპის მართვა

 

ოპოზიციის წარმატება 2020 წელს: ოპოზიციური ერთობა

 

ხელისუფლების წარუმატებლობა 2020 წელს: პანდემიის მეორე ეტაპის მართვა; არჩევნები;

 

ოპოზიციის წარუმატებლობა 2020 წელს: არჩევნები

 

2020 წელს სახელმწიფოს ხუთი უმთავრესი პრობლემა:

 

1. სუსტი სახელმწიფო ინსტუტიტები;

 

2. სოციალურ- ეკონომიკური მდგომარეობა;

 

3. სასამართლო ხელისუფლება;

 

4. ნეპოტიზმი და პროტექციონიზმი;

 

5. უპერსპექტივბის განცდა;

 

შენიშვნა: კითხვებში არ იყო განმარტებები და თითოეულ რესპოდენტს შესაძლებლობა ჰქონდა საკუთარი აღქმის საფუძველზე გაეცა სასურველი პასუხი. კითხვები რესპოდენტებისთვის გაგზავნილია წერილობითი სახით და პასუხებით მიღებულია ანალოგიური ფორმით.

 

საზოგადოებრივ და პოლიტიკურ ურთიერთობათა აკადემია არ ამხელს რესპონდენტების ვინაობას, თუმცა მათ აქვთ უფლება, სურვილის შემთხვევაში, საჯაროდ განაცხადონ გამოკითხვაში მონაწილეობის შესახებ.

 

ორი პასუხი (პერსონა, მოვლენა) მოცემულია პირველ და მეორე პასუხებს შორის ორხმიანი სხვაობით.

 

სულ შერჩეული რესპოდენტების რაოდენობა 150 (პარლამენტის წევრთა რაოდენობის შესაბამისად). აქტიური რესპოდენტების რაოდენობა - 115. გამოკითხვაში მონაწილეობა არ მიიღო 35-მა სავარაუდო რესპოდენტმა, რომელთაც აკადემიამ კითხვებზე პასუხების გაცემის თხოვნით მიმართა.

 

გამოკითხვის ჩასატარებლად და რეიტინგის შესადგენად ფინანსური ხარჯები არ გაწეულა.

 

APPR პერიოდულად შემოგთავაზებთ სხვადასხვა სახის რეიტინგებსა და გამოკითხვას საზოგადოებისა და სახელმწიფოსთვის აქტუალურ თემებთან დაკავშირებით.

მომავალ წელს სამოგზაუროდ, მაღაზიაში და კინოში წასასვლელად, შესაძლოა, კორონავირუსის ვაქცინაციის დამადასტურებელი პასპორტი დაგვჭირდეს – ამის შესახებ ინფორმაციას, CNN ავრცელებს.

 

ტელეკომპანიის ინფორმაციით, რამდენიმე კომპანიამ და ტექნოლოგიურმა ჯგუფმა, უკვე დაიწყო სმარტფონებისთვის ისეთი აპლიკაციების შემუშვება, რომელიც ადამიანებს საშუალებას მისცემს ატვირთონ თავიანთი სამედიცინო ისტორია, კორონავირუსის ტესტის და ვაქცინის გაკეთების შესახებ დეტალებით, რაც შემდგომ შესაძლოა საზღვრების გადალახვისას, სტადიონზე, კონცერტებზე, კინოთეტრებში ან ოფისში შესასვლელად დასჭირდეთ.

 

გარდა ამისა, საერთო ნდობის ქსელმა [Common Trust Network] და მსოფლიო ეკონომიკურმა ფორუმმა უკვე შეთანხმება დადეს ავია–კომპანიებთან, მათ შორის ლუფტჰანზასთან, რომ მგზავრებმა, გამგზავრების წინ, ჯანმრთელობის ისტორია წარმოადგინონ.

 

"საზღვრის გადაკვეთისას კორონავირუსზე ტესტირება ყოველ ჯერზე შეიძლება, მაგრამ ვაქცინაცია არა" – აცხადებს საერთო ნდობის ქსელის წარმომადგენელი ტომას კრამპტონი

 

თავის მხრივ, სტენფორდის ინფექციური დაავადებების სპეციალისტი, ჯული პარსონეტი, ამბობს, რომ მხოლოდ ვაქცინაციის დამადასტურებელი დოკუმენტის წარმოდგენა საკმარისი არ არის, რადგან ვაქცინის გაკეთების მიუხედავად, შესაძლოა ადამიანი ვირუსის მატარებელი იყოს.

 

საერთო ნდობის ქსელი, ჟენევაში არაკომერციული არაკომერციული ორგანიზაციის The Commons Project და მსოფლიო ეკონომიკური ფორუმის ინიციატივა, პარტნიორობდა რამდენიმე ავიაკომპანიასთან, უკვე შეათანხმა, მათ შორის Cathay Pacific, JetBlue, Lufthansa, Swiss Airlines, United Airlines და Virgin Atlantic, ასევე ასობით ჯანდაცვის სისტემა შეერთებულ შტატებში და არუბის მთავრობასთან

 

როგორც CNN წერს, ჯგუფის მიერ შექმნილი CommonPass აპლიკაცია საშუალებას აძლევს მომხმარებლებს ატვირთონ სამედიცინო მონაცემები, როგორიცაა Covid-19 ტესტის შედეგი ან, საბოლოოდ, საავადმყოფოს ან სამედიცინო პერსონალის მიერ ვაქცინაციის დამადასტურებელი საბუთი, ჯანმრთელობის სერტიფიკატის გამომუშავება ან QR კოდის სახით მიიღება. შეიძლება აჩვენოს ხელისუფლებას მგრძნობიარე ინფორმაციის გამოვლენის გარეშე. მოგზაურობისთვის, აპლიკაცია ჩამოთვლის ჯანმრთელობის მარშრუტის მოთხოვნებს თქვენი მარშრუტის საფუძველზე გამგზავრებისა და ჩამოსვლის წერტილებში.

 

"თქვენ შეგიძლიათ შემოწმდეთ ყოველ ჯერზე საზღვრის გადაკვეთისას. თქვენ არ შეგიძლიათ ვაქცინაცია ყოველ ჯერზე საზღვრის გადაკვეთისას", - განუცხადა CNN Business- ს ტომას კრამპტონმა,

 

Commons Project- ის მარკეტინგისა და კომუნიკაციების მთავარმა ოფიცერმა. მან ხაზი გაუსვა მარტივი და ადვილად გადასაცემად სერთიფიკატების, ან "ციფრული ყვითელი ბარათის" აუცილებლობას, რომელიც ვაქცინაციის დამადასტურებელ საბუთად მოიხსენიებს.

 

ასევე მსხვილი ტექნიკური ფირმები ასევე მოქმედებენ. IBM- მა (IBM) შეიმუშავა საკუთარი აპლიკაცია, სახელწოდებით Digital Health Pass, რომელიც საშუალებას აძლევს კომპანიებს და ადგილებს მოირგონ ინდიკატორები, რომლებიც მათ შესასვლელად დასჭირდებათ, მათ შორის კორონავირუსის ტესტები, ტემპერატურის შემოწმება და ვაქცინაციის მონაცემები. ამ ინდიკატორების შესაბამისი სერთიფიკატები ინახება მობილურ საფულეში.

 

როგორც ტექნიკური ფირმები ცხადებენ, ვაქცინების ფართოდ გავრცელების შემდეგ, ნორმალიზების დაბრუნების პრობლემის მოგვარების მიზნით, დეველოპერებს ახლა სხვა გამოწვევების დაძლევა მოუწევთ, დაწყებული კონფიდენციალურობის საკითხებიდან, სხვადასხვა ვაქცინების მრავალფეროვნების ეფექტურობამდე. მაგრამ ყველაზე მწვავე გამოწვევა შეიძლება უბრალოდ თავიდან იქნას აცილებული საზოგადოების ჯანდაცვის კრიზისის მოგვარების ტექნიკური მცდელობებისა და კონტაქტების მოკვლევის პროგრამები.

დღეს ჩვენ იმ მოცემულობაში ვცხოვრობთ, სადაც შეიძლება საინფორმაციო მანიპულაციებით, მიზანმიმართული დეზინფორმაციის მსხვრეპლი გახდეს ყველა ჩვენთაგანი. განსაკუთრებით ის პირები, ვინც ინფორმაციის მიღების თვალსაზრისით სოციალურ მედია და ონლაინ პლატფორმებს იყენებს, ანუ ინტერნეტ მომხმარებელი ცრუ ინფორმაციის პოტენციური მსხვრეპლია.

 

რა არის დეზინფორმაცია?

 

დეზინფორმაცია დიდი ხანია რაც არსებობს საზოგადოებაში, მაგრამ ბოლო პერიოდში მისი მაშტაბები და გავრცელების არეალი შეიცვალა. ინტერნეტის საშუალებით ინფორმაცია არა მარტო გაიზარდა, არამედ ის მრავალფეროვანიც კი გახდა. სოციალურმა მედიამ შექმნა ახალი საჯრო სივრცე, რომელიც შერჩეულ აუდიტორიაზე ნებისმიერი მესიჯის გასავრცელებლად გამოიყენება.

 

 

როგორც ევროპის კომისია განმარტავს, დეზინფორმაცია არის: ,,დაზუსტებით ცრუ ან შეცდომაში შემყვან ინფორმაციას, რომელიც 6 Fake news არის ნებისმიერი შეცდომაში შემყვანი ან დამახინჯებული ინფორმაცია.რომელიც შექმნილია, წარმოდგენილია ან ვრცელდება ეკონომიკური მოგებისთვის ან საზოგადოების განზრახ შეცდომაში შეყვანისათვის, რამაც შეიძლება გამოიწვიოს საზოგადოებრივი ზიანი:

 

1. საზოგადოებრივ ზიანში მოიაზრება როგორც დემოკრატიული პროცესებისათვის მიყენებული ზიანი, ასევე ის ზიანიც, რომელიც შეიძლება მიადგეს მოქალაქეების ჯანმრთელობას, გარემოს ან უსაფრთხოებას.

 

2. დეზინფორმაცია ზიანს აყენებს საჯარო დებატებს, ძირს უთხრის მოქალაქეების ნდობას ინსტიტუტებისა და მედიის მიმართ და იწვევს ისეთი დემოკრატიული პროცესების დესტაბილიზაცია, როგორიც არის მაგალითად არჩევნები. დეზინფორმაცია საფრთხეს უქმნის დემოკრატიული პროცესებს, რომლის მიზანიცაა მედიის, სახელმწიფო და დემოკრატიული ინსტიტუტების შერყევა. რაც დემოკრატიისთვის სერიოზული გამოწვევაა.

 

ცრუ ინფორმაციის გავრცელაბა იწვევს პოლარიზაციას, უარეს შემთხვევაში კი - ძალადობრივ კონფლიქტს. დეზინფორმაციის გავრცელები, არა მარტო დემოკრატიული ინსტიტუტები, არამედ ისეთ სფეროები, როგორიციაა საზოგადოების ჯანდაცვა და ტერიტორიული უსაფრთხოებაც კი შეიძლება, აღმოჩნდეს საფრთხის ქვეშ.

 

ბევრი ექსპერტის აზრით, დახურულ და ღია საზოგადოებათა გლობალური დაპირისპირების ონლაინ სამყაროში გადანაცვლებისას, ბრძოლის ამ ველზე უპირიტესობა რუსეთის და ექსტრემისტული დაჯგუფებების მხარესაა, რომლის მიზეზადაც, ხშირად ამ ძალების მიერ დეზინფორმაციისა და ყალბი ამბების ზედმიწევნით გათვლილი კამპანიების გამოყენება სახელდება.

 

სოციალური მედია და ონლაინ პლატფორმები საარჩევნო კამპანიების საწარმოებლად და პოლიტიკური მესიჯების გასავრცელებლად სულ უფრო ხშირად გამოიყენება. რასაც რუსეთი წარმატებით იყენებს, რიგ ქვეყნებში.

 

პოლონური გამოცდილება დეზინფორმაციასთან ბრძოლაში?

 

დეზინფორმაციის მსხვრეპლი დანარჩენ მსოფლიოს მსგავდ არის საქართველოც, განსაკუთრებით იმ პირობებში, როდესაც გყავს ისეთი მეზობელი როგორიც არის რუსეთი, რომლიც ცდილობს თავისი გავლენ გააძლიეროს საქართველოზე, ამით კი დაიმორჩილოს ქვეყანა.

 

დეზინფორმაციის გავრცელების საპასუხო ღონისძიებებთან დაკავშირებით ევროავშირისა და მისი წევრი სახელმწიფოების გამოცდილების შესწავლა, მაგალითად პოლონეთის მაგალითის გაზიარება ჩვენი ქვეყნისთვის მნიშვნელოვანია, რადგან ისინიც განიცდიან რუსული აგრესიის დეზინფორმაციული კამპანიების გავლენას.

 

პოლონეთში, სულ უფრო მზარდია სოციალური ქსელების მეშვეობით დეზინფორმაციის გავრცელება, როგორც ხელისუფლების სასარგებლოდ, ისე მის საწინააღმდეგოდ. ონლაინ კამპანიის ნაწილია ყალბი, გაზვიადებული განაცხადები და გაყალბებული ციტატები. 2019 წლის ევროპის პარლამენტის არჩევნების წინ ანტიევროპული, ანტიამერიკული, ანტისემიტური და ანტიგერმანული სენტიმენტები უფრო ხილვადი გახდა. იმავე პერიოდში Facebook-ითა და Twitter-ით ხშირად ვრცელდებოდა ე.წ. „უსარგებლო ამბები“ („junk news“), გაიზარდა კოორდინირებული ტროლების აქტივობები. კერძოდ კი, სოციალურ მედიაში ჩნდებოდა პოსტები და კომენტარები კონკრეტული საკითხის, ან პოლიტიკური ფიგურის მხარდასაჭერად თუ საწინააღმდეგოდ. კოორდინირებული კამპანიების წარმოებაში შემჩნეულები იყვნენ თავად ხელისუფლების წარმომადგენლებიც. მაგალითად, მმართველი პარტიის, „უფლება და სამართლიანობის“ (PrawoiSprawiedliwość(PiS)) მიერ დანიშნული იუსტიციის მინისტრის მოადგილე, ლუკას პიებიაკი იძულებული გახდა, 2019 წლის აგვისტოში თანამდებობიდან გადამდგარიყო მას შემდეგ, რაც ცნობილი გახდა, რომ იუსტიციის მინისტრის მოადგილე აწარმოებდა კოორდინირებულ ონლაინ კამპანიას იმ მოსამართლეების წინააღმდეგ, რომლებიც აკრიტიკებდნენ სასამართლოში მთავრობის მიერ განხორციელებულ ცვლილებებს. ეს კამპანია „aferahejterska-ს“, ანუ „Hate Speech Affair-ის“ სახელითაა ცნობილი. აღნიშნულ ფაქტს წინ უძღოდა მთავრობის ოპონენტების მიერ მინისტრის მოადგილის დადანაშაულება იმაში, რომ ის მოწინააღმდეგეებზე თავდასხმისთვის იყენებდა ტროლების ქარხანას. გამომძიებელმა ჟურნალისტებმა სხვა მსგავსი კოორდინირებული ტროლების აქტივობებიც გამოავლინეს. მათ შორის, Facebook-ის გვერდების მეშვეობით წარმოებული კოორდინირებული კამპანიები, რომლებიც მიზნად ისახავდა მემარჯვენე ფრთის კანდიდატების (far-right candidates) გაძლიერებას და სექსუალური უმციროსებობის წინააღმდეგ მიმართული, ანტიიმიგრაციული და ანტისემიტური შინაარსის კამპანიების წარმოებას. გარდა ამისა, პოლონეთი უცხოური გავლენის ოპერაციების სამიზნეც გახდა. კონკრეტულად, ასეთი სახის ოპერაციები რუსეთის და რუსეთთან დაკავშირებული წარმომადგენლების მიერ განხორციელდა. მკვლევრები მიიჩნევენ, რომ რუსული დეზინფორმაციის კამპანიები სოციალურ მედიაში 2013 წლიდან გააქტიურდა, იმ მიზნით, რომ პოლონეთისა და უკრაინის, პოლონეთისა და რუსეთის ურთიერთობებში დაძაბულობა წარმოექმნა.

 

მიღებული ზომები

 

გამოიკვეთა რამდენიმე მიმართულება, სადაც პროგრესი შეიმჩნევა. ესენია: კიბერუსაფრთხოება, სამოქალაქო ორგანიზაციების მიერ წარმოებული აქტივობები (ფაქტებისგადამოწმება, ანალიტიკა, აქტივობები მედიაწიგნიერების კუთხით) და საერთაშორისო პროექტები, რომლებშიც პოლონეთი მონაწილეობს. პოლონეთი ატარებს გამოძიებებს მათ მიმართ, ვინც ეჭვმიტანილია რუს აგენტებთან ყალბი და გაზვიადებული შინაარსის შექმნაში.პოლონეთის ხელისუფლებამ შექმნა სტრატეგიული დოკუმენტები კიბერუსაფრთხოებაზე და წლის მარტში კიბერუსაფრთხოების სფეროში დანიშნა მთავრობის წარმომადგენელი.თუმცა შეინიშნება კოორდინაციის ნაკლებობა საინფორმაციო საფრთხეების მიმართ. ექსპერტები ფიქრობენ, რომ პოლონეთს არა აქვს რუსული ჩარევის საპასუხო სტრატეგია. არასამთავრობო სექტორი მნიშვნელოვან როლს ასრულებს სამოქალაქო საზოგადოების დეზინფორმაციისგან დაცვაში. სამოქალაქო ორგანიზაციებმა საკუთარი პლატფორმები მოქალაქეებისთვის სწორი ინფორმაციის სხვადასხვა ვებგვერდებისა და ბლოგების საშუალებით მისაწოდებლად გამოიყენეს. კვლევებისა და ანალიტიკის გარდა, ჟურნალისტებმა მნიშვნელოვანი ყურადღება დაუთმეს პოლონეთის ყოველდღიურ ცხოვრებაში დეზინფორმაციის გავრცელებას და მისი გამოსავლენი კამპანიები წამოიწყეს. ტვიტერის გვერდი სახელწოდებით „Disinfo_ Digest“ პოლონეთში ჰიბრიდული ომის საწინააღმდეგო აქტივობების ჰაბი გახდა.აღნიშნული ჯგუფი ცდილობს გარე ძალების მიერ განხორციელებული კიბერ-აქტივობების გამოვლენას. „Disinfo_Digest-ის“ სოციალური მედიის მონიტორინგის პროგრამა, რეგიონის ანალიტიკოსებს შორის მისაბაძ მაგალითად მიიჩნევა.

 

ფაქტების გადამოწმება

 

 

პოლონეთში იქმნება სხვადასხვა ორგანიზაცია და ჯგუფები, რომლებიც ფაქტების გადამოწმებასა და რუსულ დეზინფორმაციასთან შეპასუხებაზე მუშაობენ. ასეთი ორგანიზაციები და ჯგუფებია მაგალითად: OKO.press, დემაგოგი (Demagog), მედიათავისუფლების მეთვალყურე (The Observatory of Media Freedom), Stopfake, Infoops, პოლონეთში რუსეთის მეხუთე კოლონა (Russian Fifth Column in Poland), პროპაგანდისა და დეზინფორმაციის ანალიზის ცენტრი (The Centre for Propaganda and Disinformation Analysis). ეს ორგანიზაციები რეგულარულად ახორციელებენ ფაქტების გადამოწმებას. მათი ძირითად მიზანია პოლიტიკოსებისა და სხვა საჯარო პირების მიერ გაკეთებული განცხადებების გადამოწმება, კომენტარებისა და ანალიზის მომზადება, როგორც ქვეყნის შიდა პოლიტიკურ პროცესებზე, ასევე ქვეყნის საგარეო ურთიერთობებზე, მათ შორის, პოლონეთის საწინააღმდეგო პროპაგანდასა და დეზინფორმაციასთან დაკავშირებით.

 

საერთაშორისო პროექტებში მონაწილეობა

 

პოლონეთი აფინანსებს და მონაწილეობს ნატოს სტრატეგიული კომუნიკაციის განვითარების ცენტრის (NATO’s Strategic Communications Center of Excellence _ STRATCOMCOE) საქმიანობაში. აღნიშნული ჯგუფი საინფორმაციო ოპერაციების საპასუხოდ მუშაობს. პოლონეთის ხელისუფლება ციფრული თავდაცვის საკითხებზე ნატოსთან და ევროკავშირთან თანამშრომლობს. წლების წინ პოლონეთის ხელისუფლება აფინანსებდა სამოქალაქო საზოგადოების ჯგუფებს, რომლებიც ევროპაში დეზინფორმაციის საფრთხეებზე მუშაობდნენ

 

როგორ უნდა ებრძოლოს საზოგადოება და სახელმწიფო დეზინფორმაციას?

 

საქართვეოლოს სტრატეგიული ანალიზის ცენტირს თანადამფუძნებლის შალვა ძებისაშვილი თქმით როცა დეზინფორმაციის უკან სახელმწიფო დგას, რეაგირების დონე, ხარისხი და მასშტაბიც სხვანაირი იქნება და პრდაპირ უნდა ხდებოდეს საპასუხო ღონისძიებების დაგეგმვა სახელმწიფოს მაღალი კოორდინაციის და მედია თუ სხვა რელევანტური საზოგადოებრივი ჯგუფების აქტიური მონაწილეობით.

 

 

,,პირველ რიგში რა თქმა უნდა უნდა განისაზღვროს დეზინფორმაციის მოცულობა მასშტაბი და მისი წყარო, ანუ არის თუ არა დეზინფორმაციის გამავრცელებელი კერძო ორგანიზაცია, მედია საშუალება თუ სხვა სახის ორგანიზაციული სტრუქტურა. განსაკუთრებით მნიშვნელოვანია დეზინფორმაციის უკან მკაფიოდ სახელმწიფო უწყებების ან მათდამი დაქვემდებარებული მედიასაშუალებების თუ ორგანიზაციების იდენტიფიცირება. ამ შემთხვევაში - ანუ როცა დეზინფორმაციის უკან სახელმწიფო დგას, რა თქმა უნდა რეაგირების დონე, ხარისხი და მასშტაბიც სხვანაირი იქნება და პრდაპირ უნდა ხდებოდეს საპასუხო ღონისძიებების დაგეგმვა სახელმწიფოს მაღალი კოორდინაციის, და მედია თუ სხვა რელევანტური საზოგადოებრივი ჯგუფების (ორგანიზაციების) აქტიური მონაწილეობით.

 

სახელმწიფოს უსაფრთხოების ერთერთ მნიშვნელოვან ნაწილს წარმოადგენს ინფორმაციული უსაფრთხოება და სტრატეგიული კომუნიკაციები. შესაბამისად ექნება თუ არა არამეგობრულ თუ მტრულ პროპაგანდას ადგილი, სახელმწიფო მუდამ უნდა ახორციელებდეს პოლიტიკის ფორმირებას საინფორმაციო სფეროში და არსებულ დეზინფორმაცია-პროპაგანდაზე რეაგირების დაგეგმვა, განხორციელება და შედეგების მონიტორინგს შესაბამისი უწყებათშორისი ფორმატის ფარგლებში (მაგ. უშიშროების/უსაფრთხოების საბჭო).

 

ამავე ფორმატში უნდა არსებობდეს სპეციალისტებით დაკომპლეტებული მუდმივმოქმედი სამუშაო ჯგუფი,რომელიც სხვადასხვა უწყებებისგან შემდგარი პირების მიერ ახორციელებს საინფორმაციო პოლიტიკის შემუშავება ,განხორციელების კოორდინაციას და მონიტორინგს. ამავე ჯგუფის ფარგლებში უნდა ხებოდეს მუდმივი პერიოდულობით მედიასაშუალებებთან და საზოგადოებრივ ჯგუფებთან მუშაობა (ინფორმირრება პროპაგანდის წყაროების, გამოყენებული მედია სივრცეების, მიზნებისა და თემების შესახებ).

 

საკუთრივ მედია საშუალებების დახმარებით მუდმივად უნდა ხებოდეს ე.წ. თვით- შემოწმება მცდარი ინფორმაციის არაგანზრახ გავრცელების საშიშროების შემცირების მიზნით.

 

საერთაშორისო პარტნიორებთან , როგორც სახელმწიფო დონეზე ასევე საერთაშორისო მედია საშუალებებთან როგორც ორმხრივ ფორმატში ასევე მრავალმხრივ ფორმატში რელევანტურ საკითხებთან დაკავშირებით მუდმივი კონსულტაციებისა და სამუშაო შეხვერების ჩატარება დეზინფორმაციის წყაროების, სფეროებისა და მიზნების მუდმივი განახლების და მონიტორინგის მიზნით.“ - ამბობს შალვა ძებისაშვილი

ახალი სტანდარტით, 2020 წლის III კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.2 პროცენტული პუნქტით გაიზარდა და 17 პროცენტი შეადგინა,- ამის შესახებ “საქსტატის“ მიერ გამოქვეყნებულ ანგარიშშია აღნიშნული, რომელიც ახალი მეთოდოლოგიით დათვლილ მოსახლეობის ეკონომიკური აქტივობის მაჩვენებლებს ასახავს

 

 

ასევე „საქსტატის“ ინფორმაციით, ახალი სტანდარტის დანერგვით გამოწვეული მონაცემთა გადაანგარიშების შედეგად, ადრე გამოქვეყნებულ მონაცემებთან შედარებით გაიზარდა უმუშევრობის დონე და შემცირდა დასაქმების დონის მაჩვენებელი. საქსტატის მიხედვით, 0.3%-ით გაზრდილია აქტიურობის დონე (სამუშაო ძალის მონაწილეობის დონე) წინა წლის შესაბამის პერიოდთან შედარებით ქალაქის ტიპის დასახლებებში, ხოლო სოფლის ტიპის დასახლებებში შემცირებულია 3.6%-ით.

 

ახალი სტანდარტის მიხედვით დასაქმების დონე 13-15 პროცენტული პუნქტით დაბალია ძველ სტანდარტთან შედარებით. ახალი სტანდარტის დანერგვით მნიშვნელოვნად შემცირდა თვითდასაქმებულთა წილი დასაქმებულთა საერთო რაოდენობაში (2019 წელს 49.7%-დან შემცირდა 30.7%-მდე). ამასთან, ახალი სტანდარტის დანერგვით შემცირდა ასევე მოსახლეობის ეკონომიკური აქტიურობის დონე, რაც დაკავშირებულია თვითდასაქმებულთა მნიშვნელოვანი ნაწილის გადაკვალიფიცირებასთან.

 

 

ცნობისთვის, შრომის საერთაშორისო ორგანიზაციის ახალი სტანდარტით, თვითდასაქმებულად აღარ ითვლებიან საკუთარ ოჯახურ მეურნეობაში მომუშავე პირები, რომლებიც არ არიან ბაზარზე ორიენტირებულები და სასოფლო სამეურნეო პროდუქციას უმეტესწილად საკუთარი მოხმარებისათვის აწარმოებენ. აღნიშნული სტატუსის მქონე პირები უმუშავართა კატეგორიაში და სამუშაო ძალის გარეთ მოსახლეობაში გადაკვალიფიცირდნენ.

ელენე ხოშტარიამ "ევროპული საქართველოს" ბრიფინგზე დაადასტურა, რომ პარტიას ტოვებს. მისი თქმით, დამოუკიდებელ პოლიტიკურ ცხოვრებას იწყებს.

 

ბრიფინგამდე ელენე ხოშტარიამ განმარტა, რომ მისი ეს გადაწყვეტილება თანაგუნდელებთან კონფლიქტს არ უკავშირდება.

 

"მინდა, დავიწყო მადლობით "ევროპული საქართველოს" მიმართ. ესაა გუნდი, რომელშიც მე პრაქტიკულად დავიწყე პოლიტიკური ცხოვრება... პოლიტიკური ციკლის ამ ეტაპზე მე მივიღე გადაწყვეტილება, რომ დავიწყო დამოუკიდებელი პოლიტიკური ცხოვრება. მინდა, ხაზგასმით აღვნიშნო, რომ არ გადავდივარ არც ერთ სხვა პარტიაში და ასევე ძალიან მყარად ვრჩები ოპოზიციურ ერთობაში. სათქმელიც არ არის, რომ არც კი განვიხილავ პარლამენტში შესვლის საკითხს. ჩემი პოლიტიკური პოზიციები რჩება აბსოლუტურად იგივე, უბრალოდ, მე მაქვს ახალი გეგმები პოლიტიკურ ცხოვრებაში - ახალი პლატფორმის შექმნა, ახალი ძალის შექმნა. ივანიშვილის რეჟიმთან ბრძოლისთვის მნიშვნელოვანია, როგორც წინააღმდეგობის მოძრაობა, აქტივიზმი, ასევე, მტკიცე, ერთიანი, პოლიტიკური პროცესი და მე ორივე მიმართულებით ვაპირებ ბრძოლის გაგრძელებას", - თქვა ხოშტარიამ

 

 

,,ერთიანი ნაციონალური მოძრაობის“ თავმჯდომარეობის კანდიდატი ნიკა მელია გახდა. გამარჯვებული მას შემდეგ გახდა, რაც ფეისბუქზე ხმის მიცემა შეწყდა.

 

ნიკა მელიამ ხმების 64.9%, ლევან ვარშალომიძემ კი 35.1% მიიღო.

 

ნიკა მელიას ოფიციალურად პარტიის თავმჯდომარედ კვირას, ნაციონალური მოძრაობს პარტიის ყრილობაზე აირჩევენ.

 

ლევან ვარშალომიძემ, ნიკა მელიას გამარჯვება ფეისბიუქით, უკვე მიულოცა ,,ნიკა მელიას გამარჯვებას ვულოცავ! ჩვენი პარტიის წევრებსა და მხარდამჭერებს არჩევნებში მონაწილეობისათვის მადლობა მინდა გადავუხადო! ახლა მომავალი გამარჯვებების დროა, ამიტომ ყველამ ერთად უნდა შევძლოთ ჩვენი ქვეყნის გადარჩენა და განვითარება.“ - წერს ლევან ვარშალომიძე

 

ცნობისთვის, ახალი თავმჯდომარის არჩევის აუცილებლობა მას შემდეგ დადგა, რაც გრიგოლ ვაშაძემ 15 დეკემბერს პარტია დატოვა. ენმ-ს პოლიტსაბჭომ 2 კანდიდატი - ლევან ვარშალომიძე და ნიკა მელია წარადგინა.

საქართველოს მე-10 მოწვევის პარლამენტმა, მინისტრთა კაბინეტს და სამთავრობო პროგრამას ნდობა გამოუცხადა.

 

ერთ პარტიულმა პარლამენტმა, გიორგი გახარიასა და მის მიერ წარდგენილ მინისტრობის კანდიდატებს 85 ხმით დაუჭირა მხარი, არცერთის წინააღმდეგ, რომლის შემდგომ სახელმწიფო ჰიმნი შესრულდა.

 

განხილვა პარლამენტის რიგგარეშე სესიაზე, მხოლოდ ფრაქცია “ქართული ოცნების“ წევრების მონაწილეობით წარიმართა.

 

გიორგი გახარიას, მინისტრთა კაბინეტის ახალი სახე მხოლოდ იუსტიციის მინისტრი, გოჩა ლორთქიფანიძეა, ყველა სხვა თანამდებობაზე გახარიამ პარლამენტს წინა კაბინეტის მინისტრები შესთავაზა.

 

საქართველოს მთავრობის მინისტრთა კაბინეტი შემდეგი შემადგენლობით დაამტკიცდა:

 

პრემიერ-მინისტრი - გიორგი გახარია

 

იუსტიციის მინისტრი - გოჩა ლორთქიფანიძე

 

რეგიონული განვითარებისა და ინფრასტრუქტურის მინისტრი - მაია ცქიტიშვილი

 

ეკონომიკისა და მდგრადი განვითარების მინისტრი - ნათია თურნავა

 

შინაგან საქმეთა მინისტრი - ვახტანგ გომელაური

 

საგარეო საქმეთა მინისტრი - დავით ზალკალიანი

 

ფინანსთა მინისტრი - ივანე მაჭავარიანი

 

გარემოს დაცვისა და სოფლის მეურნეობის მინისტრი - ლევან დავითაშვილი

 

თავდაცვის მინისტრი - ირაკლი ღარიბაშვილი

 

განათლების, მეცნიერების, კულტურისა და სპორტის მინისტრი - მიხეილ ჩხენკელი

 

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი - ეკატერინე ტიკარაძე

 

შერიგებისა და სამოქალაქო თანასწორობის საკითხებში სახელმწიფო მინისტრი - თეა ახვლედიანი

,,თუ არ გვეხმარებით ქვეყნისთვის ძალზედ მწვავე დროს, რეალური, გლობალური კრიზისების დროს, მაშინ ხელს მაინც ნუ შეგვიშლით“ - ამის შესახებ პრემიერ-მინისტრობის კანდიდატმა, გიორგი გახარიამ პარლამენტში სიტყვით გამოსვლისას განაცხადა

 

მისივე თქმით, იმის მიუხედავად, რომ ზოგს შეეშინდა, ზოგი ვერ გაერკვა, ზოგი მართლა ვერ მოერია ამბიციებსა და საკუთარი ვიწრო პარტიული ამბიციები ქვეყნის ინტერესებზე მაღლა დააყენა, ჩვენ ქვეყანას ვერ გავაჩერებთ.

 

„სამწუხაროა, რომ პარლამენტში ოპოზიცია არ არის წამოდგენილი. ჯანსაღ დისკუსიაში და დავაში ყოველთვის უფრო ადვილად იბადება სიმართლე და სწორი გზა. იმის მიუხედავად, რომ ზოგს შეეშინდა, ზოგი ვერ გაერკვა, ზოგი მართლა ვერ მოერია ამბიციებსა და საკუთარი ვიწრო პარტიული ამბიციები ქვეყნის ინტერესებზე მაღლა დააყენა, ჩვენ ქვეყანას ვერ გავაჩერებთ. ამ უპასუხისმგებლო ქმედებებს ვერ ავყვებით.

 

როდესაც ჩვენ აქ ოპოზიციის გარეშე ვსაუბრობთ, ყველას კარგად უნდა გვესმოდეს, რომ ჩვენი პასუხისმგებლობა ორმაგდება. ორმაგდება მარტივი მიზეზის გამო - იმიტომ, რომ ჩვენი მოქალაქეების წინაშე პასუხისმგებლობის ის წილი, რაც მათზე უნდა ყოფილიყო, ჩვენზე გადმოდის. ეს უნდა იყოს აბსოლუტურად სწორად უნდა იყოს გააზრებული და ამ პოზიციიდან შეგვიძლია მარტივად ვთქვათ, რომ თუ არ გვეხმარებით ქვეყნისთვის ძალზედ მწვავე დროს, რეალური, გლობალური კრიზისების დროს, მაშინ ხელს მაინც ნუ შეგვიშლით. ხელს მაინც ნუ შეგვიშლით მარტივი საკითხებით. არავინ არ არის კრიტიკის წინააღმდეგი, არავის არავის კრიტიკის არ ეშინია" - განაცხადა გიროგი გახარიამ.

ექსკლუზიური

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?