Global Press

Georgia

Global PressGlobal PressGlobal PressGlobal Press

USD
2.6793
EUR
3.0515
RUR
0.042
GBP
3.5182

მთავარი პროკურატურის ინფორმაციით, ჩანაწერის გავრცელება, რომელშიც პროკურატურის ყოფილი მაღალჩინოსანი,მირზა სუბელიანი სკანდალურ განცხადებებს აკეთებს, პირადი ცხოვრების ამსახველი კადრების გასაჯაროების მუქარით, სპეციალური პენიტენციური სამსახურის თანამშრომელს მოსთხოვეს.

 

აღნიშნულ საქმეზე მთავარ პროკურატურაში განცხადება რამდენიმე წუთის წინ გაკეთდა.

 

“საქართველოს მთავარი პროკურატურა კიდევ ერთხელ განმარტავს, რომ აუდიოჩანაწერზე, რომელშიც სავარაუდოდ ფიგურირებს მ.ს., ვ.ჯ. და დ.ც, საგამოძიებო მოქმედებები დაიწყო 2018 წლის 12 ოქტომბერს, ვიდრე ჩანაწერი ერთ-ერთი მედიასაშუალების ეთერში გადაიცემოდა.

 

გამოძიება ამ ეტაპზე მიმდინარეობს სისხლის სამართლის საქმეზე პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების შესაძლო გადამეტების ფაქტებზე, საქართველოს სისხლის სამართლის კოდექსის 150-ე მუხლის პირველი ნაწილით, 1571-ე მუხლის პირველი ნაწილით, 158-ე მუხლის პირველი და მე-2 ნაწილებითა და 333-ე მუხლის პირველი ნაწილით გათვალისწინებული დანაშაულის ნიშნებით.

 

საქმეზე გამოძიება დაიწყო სპეციალური პენიტენციური სამსახურის თანამშრომლის ი.პ.-ს განცხადების საფუძველზე, რომლის თანახმადაც მიმდინარე წლის 12 ოქტომბერს, მასზე განხორციელდა შანტაჟი და ზეწოლა: პირადი ცხოვრების ამსახველი კადრების გასაჯაროების მუქარით მოქალაქე ი.პ.-ს მოსთხოვეს პატიმარ მ.ს-ს შეხვედრების ფარული ჩანაწერების გავრცელება.

 

გამოძიების ფარგლებში, ი.პ-სგან ამოღებულია მეხსიერების ბარათი, რომელიც შეიცავს რამდენიმე ფარულ ჩანაწერს, მათ შორის იმ ფაილსაც, რომელიც გუშინ გავრცელდა მედიასაშუალებით. ყველა ჩანაწერზე ავთენტიკურობის დადგენის მიზნით ჩატარდება შესაბამისი ექსპერტიზები.

 

დაწყებული გამოძიების ფარგლებში ტარდება ყველა აუცილებელი საგამოძიებო და საპროცესო მოქმედება, როგორც ამ დანაშაულთან შემხებლობაში მყოფი ყველა პირის გამოსავლენად, აგრეთვე მედიასაშუალებით გავრცელებულ ფარულ აუდიოჩანაწერში გახმოვანებულ შესაძლო დანაშაულებრივ ფაქტებთან დაკავშირებით.

 

იმავდროულად, ამოღებული აუდიოჩანაწერების პირველად ანალიზზე დაყრდნობით, გამოძიება ინტენსიურად განიხილავს პირთა ჯგუფის მიერ კონკრეტული შინაარსის საუბრების ორგანიზების ვერსიას მათი შემდგომი გავრცელების მიზნით

 

. გამოძიების ინტერესებიდან გამომდინარე, პროკურატურა ამ ეტაპზე არ ასაჯაროებს გამოძიების პროცესში მოპოვებულ ყველა აუდიოჩანაწერს. თუმცა, მაღალი საზოგადოებრივი ინტერესიდან გამომდინარე, პროკურატურა ინტენსიურად მოახდენს საზოგადოების ინფორმირებას გამოძიების მიმდინარეობის შესახებ”, - განაცხადეს პროკურატურაში.

არლამენტის თავმჯდომარის, ირაკლი კობახიძის განცხადებით, თუ მირზა სუბელიანის მხრიდან მუქარა იქნება, მმართველ გუნდს ამ მუქარის არ ეშინია. ამის შესახებ ირაკლი კობახიძემ პარლამენტის ბიუროს სხდომაზე „ევროპული საქართველოს“ ერთ-ერთი ლიდერის, სერგი კაპანაძის საპასუხოდ განაცხადა.

 

მისივე თქმით, მმართველმა გუნდმა დაამტკიცა, რომ მას არც მუქარის ეშინია და არც შანტაჟის. ამასთან, ირაკლი კობახიძის თქმით, ვერც საგამოძიებო კომისიამ და ვერც პროკურატურამ 100%-იანი სიზუსტით ვერ დაადგინა, ხორავას ქუჩაზე მოკლულ დავით სარალიძეს სასიკვდილო ჭრილობები ვინ მიაყენა.

 

„რაც შეეხება კონკრეტულად მირზა სუბელიანის საკითხს, ჩვენ ვამბობდით, რომ თქვენი მესიჯი იყო ეს, რომ თითქოს ჩვენ გვეშინია მუქარის, შანტაჟის. ჩვენ დავამტკიცეთ, რომ არც მუქარის გვეშინია, არც შანტაჟის გვეშინია და ეს ადამიანი დღეს ზის იქ, სადაც ზის. შესაბამისად, მომავალშიც ბუნებრივია, იგივე მიდგომა იქნება. თუ იქნება მუქარა მაგალითად, მირზა სუბელიანის მხრიდან, ჩვენ ამ მუქარის არ გვეშინია და ზუსტად ვმოქმედებთ ჩვენი პრინციპების შესაბამისად იმიტომ, რომ არავის არ ეშინია მუქარის. რაც შეეხება კონკრეტულ საქმეს, რომელსაც იძიებდა საგამოძიებო კომისია, ჭეშმარიტება არის ისევ იგივე, რაც დადგინდა ჯერ პროკურატურის მიერ და შემდეგ საგამოძიებო კომისიის მიერ. როგორც ვერ დაადგინა 100%-იანი სიზუსტით პროკურატურამ, თუ სასიკვდილო ჭრილობის მიმყენებელი ვინ იყო ამ საქმეში, ასევე ვერ დაადგინეთ ვერც თქვენ. ეს არის აქ მთავარი გარემოება. დანარჩენი, ბუნებრივია, ჩვენ გვაქვს ჩვენი როლი, თუ ვინმე რამეს დააშავებს, თუ ვინმეს აქვს კონკრეტული გადაცდომა, ამაზე გპირდებით, რომ პარლამენტი არცერთ შემთხვევაში არ დახუჭავს თვალს,“ - განაცხადა ირაკლი კობახიძემ.

„ევროპული საქართველო“ მიიჩნევს, რომ გუშინ გამოქვეყნებულ ჩანაწერებთან დაკავშირებით, პარლამენტში შს მინისტრი და მთავარი პროკურორი უნდა მივიდნენ. როგორც კაპანაძემ პარლამენტის თავმჯდომარეს დღევანდელ ბიუროს სხდომაზე განაცხადა, შს მინისტრმა და მთავარმა პროკურორმა საკანონმდებლო ორგანოში ყველა კითხვას პასუხი უნდა გასცენ.

 

„აქ ხართ შეკრებელი პარლამენტის ხელმძღვანელობა. გუშინ რაც მოისმინეთ, რა შემაძრწუნებელი ინფორმაციაც მიიღო საქართველოს საზოგადოებამ, პარლამენტის როლი რაიმე მაინც უნდა იყოს? თურმე გვყავს რაღაც შეიარაღებული დაჯგუფებები, რომლებიც ხალხს აწამებენ, პრობლემებს აგვარებენ. თქვენი ხელისუფლებაში მოსვლის შემდეგ საქმეები თურმე ასე ყოფილა გამყარებული. თურმე, მირზა სუბელიანი წინასწარ შეთანხმებული განაჩენით ზის და იცის რამდენი ხანი იქნება და როდის გავა. თურმე მთელი იერარქიაა ამაში ჩარეული შსს-ს და პროკურატურის. საგამოძიებო კომისიამ დასკვნა მიიღო და თქვენ ამ დასკვნის წინააღმდეგი წახვედით. რა უნდა იყოს პარლამენტის როლი? „ქართული ოცნების“ წარმომადგენლები მაინტერესებს პარლამენტის მუნდირის დაცვას თუ აპირებენ? იმ ადამიანებს, ვინც გამოდიოდნენ და ამბობდნენ - მირზა სუბელიანი ხომ ზის ციხეში და სამართალი დადგაო, ცოტა მაინც თუ რცხვენიათ? მესამე კითხვა მაქვს, უბრალოდ, ჩემთვის მაინტერესებს, როგორ ახსენებთ ამ კონტექსტში 9 წელს და სად ჩაჯდება 9 წელი? ალბათ ჩაჯდება, რადგან პასუხში 9 წელი, ფაშიზმი, აუცილებლად იქნება. მართლა გაგცემთ პასუხს ამომრჩეველი 28 ოქტომბერს. აღდგომა და ხვალეო“, - მიმართა უმრავლესობის წევრებს კაპანაძემ.

დეპუტატი ვიქტორ ჯაფარიძე პროკურატურის ყოფილ მაღალჩინოსან მირზა სუბელიანთან როგორც შეხვედრას, ასევე საუბრის იმ შინაარსს ადასტურებს, რომელიც ჩანაწერებით გავრცელდა.

 

როგორც „global press“ ჯაფარიძემ განუცხადა, მირზა სუბელიანს ის რამდენჯერმე, თავად დაკავებულის ოჯახის თხოვნით შეხვდა. მისივე თქმით, პენიტენციურ დაწესებულებაში შესული იყო, როგორც პარლამენტის წევრი.

 

რაც შეეხება სუბელიანის მიერ გაკეთებულ სკანდალურ განცხადებებს, დეპუტატის თქმით, მისი საუბარი სერიოზულად არ ჩაუთვლია.

 

„მე მირზას საუბარი არ ჩავთვალე სერიოზულად. არც ახლა ვუყურებ სერიოზულად. ამიტომაც არვითარი რეგირება არ მომიხდენია. ყველაფერი არასერიოზულია. რას ლაპარაკობს ნორმალურს?! როგორ წარმოგიდგენიათ, ბანდა ჰყავდა, ჯარი ჰყავდა მირზა სუბელიანს და ვერავინ დაინახა? არასერიოზულია ეს ყველაფერი“, - განაცხადა ჯაფარიძემ.

 

ტელეკომპანია „რუსთავი 2“ სავარაუდოდ, ხორავას ქუჩაზე მოკლული მოზარდების საქმეზე დანაშაულის შეუტყობინებლობის ბრალდებით დაკავებული მირზა სუბელიანის ფარულ აუდიოჩანაწერს ავრცელებს.

 

ტელეკომანიის ინფორმაციით, ჩანაწერი გლდანის #8 სასჯელაღსრულების დაწესებულებაშია გაკეთებული და მასთან ერთად საკანში „ქართული ოცნების“ დეპუტატი მესტიიდან, ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი დათო ცუხიშვილი იმყოფება.

 

„რუსთავი 2“-ის ინფორმაცით, ჩანაწერების მიხედვით, სავარაუდოდ, მირზა სუბელიანი საუბრობს, რომ ის საკუთარი ნებით ჩაჯდა ციხეში და გაურიგდა ხელისუფლებას, მაგრამ სუბელიანი უკმაყოფილებას გამოთქვამს მმართველი გუნდის დამოკიდებულებით და ამბობს, რომ ხელისუფლება ჯეროვნად ვერ აფასებს მის ერთგულებას.

ანკარაში ირანის საელჩოდან ტერაქტის საფრთხის გამო ევაკუაცია განხორციელდა. ამის შესახებ ტელეარხი Haberturk იუწყება.

 

მისი ინფორმაციით, პოლიციაში შევიდა ანონიმური შეტყობინება იმის შესახებ, რომ თვითმკვლელი ტერორისტი საელჩოზე შეტევას ამზადებს. საელჩოს სრული პერსონალი, მათ შორის ირანის ელჩიც, ევაკუირებულია.

 

საელჩოს შენობის წინ უსაფრთხოების ზომებია გაძლიერებული, მიმდებარე ქუჩები გადაკეტილია.

თურქეთის სასამართლომ ამერიკელი მღვდლი, ენდრიუ ბრანსონი გაათავისუფლა. ამის შესახებ თურქული მედია წერს.

 

ბრანსონს სასამართლომ მისცა უფლება, სურვილის შემთხვევაში, დატოვოს თურქეთი და აშშ-ში დაბრუნდეს. მისი ადვოკატის თქმით, პასტორი თურქეთს დატოვებს.

 

ამერიკელი მღვდელი 2016 წლის დეკემბრიდან თურქეთშია დაპატიმრებული. 16 აგვისტოს სამხედრო გადატრიალების მცდელობაში ბრალდებული ამერიკელი პასტორი იზმირის სასამართლომ შინაპატიმრობაში დატოვა.

 

ვაშინგტონმა ანკარას პასტორის გათავისუფლება რამდენჯერმე მოსთხოვა, რაზეც უარი მიიღო. ამის გამო აშშ-მა თურქეთის შინაგან საქმეთა და იუსტიციის მინისტრებს სანქციები დაუწესა და თურქეთს ალუმინისა და ფოლატის იმპორტზე გადასახადი გაუზარდა, რასაც თურქული ლირის კატასტროფული გაუფასურება მოჰყვა.

 

ენდრიუ ბრანსონი ქურთულ მეამბოხე ჯგუფთან და ასევე, გაძევებულ მუსლიმ სასულიერო პირ, ფეტჰულა გიულენის მიმდევრებთან სავარაუდო კავშირების გამო დააპატიმრეს. გიულენი თურქეთს ტერორისტად ჰყავს გამოცხადებული.

 

ბრანსონმა ყველა ბრალდება უარყო. შეერთებულმა შტატებმა თურქეთს მისი გათავისუფლება არაერთხელ სთხოვა. სექტემბერში, თურქეთმა განაცხადა, რომ ბრანსონს გიულენის ექსტრადიციის სანაცვლოდ გაათავისუფლებდა, რომელიც პენსილვანიაში ცხოვრობს.

 

ბრანსონი, მეუღლესთან ერთად, თურქეთში, ქალაქ იზმირში, 23 წლის განმავლობაში ცხოვრობდა და ქრისტიანული ეკლესიის მოძღვარი იყო.

საქართველოს ფეხბურთელთა ეროვნულმა ნაკრებმა ერთა ლიგაზე მესამე გამარჯვება მოიპოვა. საქართველოს ნაკრებმა ამჯერად შინ, „დინამო არენაზე“ ანდორის ნაკრები 3:0 დაამარცხა.

 

მეტოქის კარში პირველი გოლი 31-ე წუთზე ვაკო ყაზაიშვილმა გაიტანა. მეორე ბურთი 84-ე წუთზე ისევ ყაზაიშვილმა გაიტანა, ხოლო გადამწყვეტი, მესამე გოლი საქართველოს ნაკრების ფეხბურთელმა ჯაბა ჯანკავამ დამატებით წუთებზე გაიტანა.

 

აღნიშნული გამარჯვებით საქართველოს ნაკრები ჯგუფში 9 ქულით პირველ ადგილზეა.

მოვუწოდებთ რუსეთის ხელისუფლებას, პატივი სცეს 2008 წლის ცეცხლის შეწყვეტის ხელშეკრულებას, გააუქმოს ოკუპირებული რეგიონების „დამოუკიდებლობის აღიარება“ და გაიყვანოს საკუთარი ჯარები ომამდელ პოზიციებზე, - ამის შესახებ საოკუპაციო ხაზთან მყოფმა აშშ-ის სახელმწიფო მდივნის თანაშემწის მოადგილემ ჯორჯ კენტმა განაცხადა, რომელიც დღეს საოკუპაციო ხაზთან იმყოფებოდა. მის განცხადებას საქართველოში აშშ-ს საელჩო ავრცელებს.

 

„10 წელი გავიდა მას შემდეგ, რაც რუსეთმა საქართველოს ტერიტორიების ოკუპაცია მოახდინა. მე დღეს აქ ჩამოვედი, რათა შევახსენო ქართველ ხალხს, რომ აშშ მათ გვერდით არის და რომ მსოფლიოს ახსოვს, თუ რა მოხდა აქ. საერთაშორისო თანამეგობრობა არ ცნობს საოკუპაციო ხაზს როგორც საერთაშორისო საზღვარს. ჩვენ არასოდეს შევეგუებით საქართველოს სუვერენიტეტის დარღვევის ხარჯზე მისი ტერიტორიული საზღვრების შეცვლის მცდელობებს. საქართველოს მოსახლეობა კვლავ ოკუპაციის პირობებში ცხოვრობს და შრომობს. ეს რეგიონები საქართველოს ნაწილს წარმოადგენენ. შეშფოთებულები ვართ საქართველოს მოქალაქეების დაკავებებით, არასათანადო მოპყრობითა და გარდაცვალების ფაქტებით და ვუთანაგრძნობთ მათ ოჯახებს. მხარს ვუჭერთ ჩვენს ქართველ მეგობრებს და მოვუწოდებთ რუსეთის ხელისუფლებას, პატივი სცეს 2008 წლის ცეცხლის შეწყვეტის ხელშეკრულებას, გააუქმოს ამ რეგიონების „დამოუკიდებლობის აღიარება“ და გაიყვანოს საკუთარი ჯარები ომამდელ პოზიციებზე. ასევე მოვუწოდებთ რუსეთის ხელისუფლებას, ხელი შეუწყოს აქ მცხოვრები ადამიანებისთვის პირველადი საჭიროების ჰუმანიტარული დახმარების მიწოდებას. აშშ კვლავ მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას და საქართველოს ხელისუფლებასთან ჩვენს სტრატეგიულ პარტნიორობას“, - ნათქვამია განცხადებაში.

ფრაქცია „ქართული ოცნება-მრეწველების“ და ივანე ჯავახიშვილის სახელობის თბილისის სახელმწიფო უნივერსიტეტის ინოვაციური განათლების ცენტრის ინიციატივით, სხვადასხვა უმაღლესი სასწავლებლის სტუდენტების მონაწილეობით, პარლამენტში იურიდიულ საკითხთა კომიტეტის მოდელირებული სხდომა გაიმართა.

 

ახალგაზრდებს ფრაქციის თავმჯდომარე, სიმონ ნოზაძე მიესალმა, რომელმაც კანონშემოქმედებით პროცესებში სტუდენტების ჩართულობას და ზოგადად, აღნიშნული ფორმატის შეხვედრის მნიშვნელობაზე ისაუბრა. მისი განცხადებით, შეხვედრა საერთაშორისო პროექტის „მსოფლიოს სტუდენტური დებატური მოძრაობის“ ანალოგიურ ღონისძიებას წარმოადგენს, სადაც თავის მხრივ, დებატების გამართვის რეგიონულ, ევროპულ და მსოფლიო ჩემპიონატებს ატარებენ.

 

„დღეავანდელი შეხვედრით გვინდა, ხელი შევუწყოთ არა მხოლოდ კანონშემოქმედებით პროცესებში სტუდენტების ჩართულობას, არამედ გვსურს კიდევ ორი ამოცანა დავისახოთ მიზნად. ერთი ის, რომ მსოფლიო ჩემპიონატისთვის დავიწყოთ გუნდის შექმნაზე მუშაობა და მეორე, გვინდა, რომ თქვენ, ახალგაზრდებმა გემო გაუგოთ პოლიტიკურ საქმიანობას და იგრძნოთ, რომ რამდენიმე წელში თქვენ შეგეძლებათ აქტიურ პოლიტიკურ ცხოვრებაში მონაწილეობის მიღება. ჩვენ ქვეყანას დიდი მომავალი აქვს და ეს მომავალი თქვენ გიკავშირდებათ“, - განაცხადა სიმონ ნოზაძემ.

 

პარლამენტის წევრმა ახალგაზრდებს რეგინული ჩემპიონატის გამართვის ინიციატივითაც მიმართა, რომელშიც მონაწილეობის მიღების შესაძლებლობა ქართველ სტუდენტებთან ერთად სომეხ, აზერბაიჯანელ, თურქ და რუს ახალგაზრდებსაც მიეცემათ.

 

მოდელირებული კომიტეტის სხდომა კონკრეტული საკითხების განხილვით გაგრძელდა. ახალგაზრდებმა მათ მიერ მომზადებულ მედიაციის, გარემოს დაცვის საკითხებზე და სისხლის სამართლის კოდექსის 115-ე მუხლზე (თვითმკვლელობამდე მიყვანა) მოხსენებები წარმოადგინეს და პოლიტიკური დებატები გამართეს.

 

პსტუდენტურ ღონისძიებას სტუდენტური პარლამენტის, მთავარი პროკურატურის და განათლების, მეცნიერების, კულტურისა და სპორტის სამინისტროს წარმომადგენლები დაესწრნენ.

ე.წ. აფხაზეთის ეკლესიის „მეთაური“ ბესარიონ აპლია მსოფლიო პატრიარქის გადაწყვეტილებას უკრაინის ეკლესიისთვის ავტოკეფალიის მინიჭების შესახებ უგუნურ და ამერიკელებისა და ევროპელების მიერ ინსპირირებულს უწოდებს. ამის შესახებ მან „რია ნოვოსტის“ განუცხადა.

 

„მართლადიდებელი ეკლესია ერთია და წესები, რომლებიც მართლმადიდებელ სამყაროში არსებობს, ყველასთვისაა განკუთვნილი. ვინც ისინი ანათემას გადასცა, მათვე უნდა გადაწყვიტონ აპატიონ თუ არა. პატიებისთვის კი საჭიროა მონანიება. სინანულის წერილი არ არის. როგორ შეეძლო მათთვის ანათემის მოხსნა ბართლომეოსს, რომელსაც მათთან არავითარი კავშირი არ აქვს? სწორედ ეს არის რუსეთის მართლმადიდებელი ეკლესიის კანონიკურ ტერიტორიაზე შეჭრა. სახეზეა კანონიკური ნორმებისა და სამოციქული დადგენილებების დარღვევა. კონსტანტინოპოლმა საკუთარ თავზე აიღო ასეთი უგუნური მიდგომა მართლმადიდებლური საკითხის გადასაწყვეტად“, - აღნიშნა ბესარიონ აპლიამ.

 

მისი თქმით, თუკი საეკლესიო ვითარებაში რამე საკითხი წამოიჭრება, ეს კანონიკურმა ადამიანებმა უნდა გადაჭრან, რომლებიც უკრაინის ეკლესიაში არიან. „რუსეთი ხომ არ ართმევს უკრაინას ავტონომიას?! ამ კონფქლიქტში აფხაზეთი მოსკოვს და პატრიარქ კირილს უჭერს მხარს. ჩვენ, აფხაზები კირილზე ვსაუბრობთ, როგორც დიდ ბატონზე, მამასა და ქართული აგრესიისგან დამცველზე. ქართულ აგრესიას თან სდევდა სწორედ ასეთი უხეში დარღვევები. ჩვენ არ შეგვიძლია განათლება ქართულ ენაზე. ჩვენ ვიცავთ მართლმადიდებლობის სიმართლეს, სიმართლე კი - რუსეთის მხარესაა“, - აცხადებს ე.წ. ეკლესიის მეთაური.

ხუთშაბათს, კონსტანტინოპოლის საპატრიარქოს სინოდმა განხეთქილებაში მყოფ უკრაინის მართლმადიდებელი ეკლესიის კიევის საპატრიარქოს მეთაურს ფილარეტ დენისენკოს და მთავარეპისკოპოს მაკარი მალეტიჩს, უკრაინის ეკლესიისთვის ავტოკეფალიის მინიჭების მიზნით, ანათემა მოუხსნა. თუმცა, ეს გადაწყვეტილება უკანონოა - განუცხადეს „რია ნოვოსტის“ საბერძნეთის საეკლესიო წრეებში.

 

„გადაწყვეტილება სინოდის სხდომაზე მიიღეს. ეს გაკეთდა მომავალში ავტოკეფალიის მინიჭების მიზნით, რადგან სქიზმატებს ავტოკეფალიას ვერ მიანიჭებენ“, - განაცხადა რესპონდენტმა. მისი თქმით, კანონიკური ჩინის დაბრუნება უკანონოა, რადგან ეს სასულიერო პირები განკვეთა რუსეთის მართლმადიდებელმა ეკლესიამ. მისივე თქმით, ავტოკეფალიის მინიჭება შესაძლებელია მხოლოდ კანონიკური ეკლესიისთვის, რომელსაც კანონიკური სინოდი ჰყავს.

 

წყარომ, ასევე, გამოთქვა აზრი, რომ უკრაინის ავტოკეფალიას არავინ აღიარებს. თუმცა, მისი აზრით, მისი აღიარება შეუძლიათ ალბანეთის, ფინეთისა და ესტონეთის ეკლესიებს, რომლებსაც „პრობლემები აქვთ“ რუსეთის მართლმადიდებელ ეკლესიასთან.

უკრაინული მედია მოსფლიო საპატრიარქოს წმინდა სინოდის უკრაინის მართლმადიდებელი ეკლესიისთვის ავტოკეფალიის მინიჭების შესახებ მიღებულ გადაწყვეტილებას აქვეყნებს.

„მისი უწმინდესობის, მოსფლიო პატრიარქის თავმჯდომარეობით, 9-დან 11 ოქტომბრის ჩათვლით შეიკრიბა წმინდა სინოდი.

წმინდა სინოდმა სრულად და ხანგრძლივად განიხილა უკრაინაში უკრაინის საეკლესიო საქმე პატრიარქის ეგზარქების მისი უწმინდესობის პამფილიის არქიეპისკოპოსის დანიელის და ედმონტონის ეპისკოპოსის ილარიონის თანდასწრებით და ფართო განხილვის შედეგად მიიღო გადაწყვეტილება:

დადასტურდეს უკვე მიღებული გადაწყვეტილება იმის შესახებ, რომ მსოფლიო საპატრიარქო შეუდგეს უკრაინის ეკლესიისთვის ავტოკეფალიის მინიჭებას.

აღდგეს დღეისთვის კიევში არსებული მსოფლიო საპატრიარქოს ერთ-ერთი სტაუროპიგია, რომელიც იქ ყოველთვის არსებობდა. (სტაუროპიგია – სტატუსი, რომელიც ენიჭება მართლმადიდებლურ მონასტრებს, ლავრებს და საძმოებს, ასევე ტაძრებსა და სასულიერო სკოლებს, რომლებიც მათ ადგილობრივი საეპარქიო ხელისფლებისგან დამოუკიდებლებს ხდის და აქვემდებარებს უშუალოდ პატრიარქს ან სინოდს – რედ. )

მივიღოთ და განვიხილოთ აპელაციის შესახებ ფილარეტ დენისენკოს, მაკარი მალეტიჩის და მათი მიმდევრების თხოვნა, რომლებიც აღმოჩნდნენ სქიზმაში არა დოგმატური მიზეზებით, კონსტანტინოპოლის პატრიარქის კანონიკური პრეროგატივების შესაბამისად მიღებული იყოს ასეთი მიმართვები იერარქებისგან და სხვა მღვდელმსახურებისგან ყველა ავტოკეფალური ეკლესიებიდან. ამგვარად, ზემოხსენებული პირები კანონიკურად აღდგნენ თავის საეპისკოპოსო ან სამღვდელო პატივში, ასევე აღდგა მათივე ერთგული ადამიანების ურთიერთობა ეკლესიასთან.

გაუქმდეს 1686 წლის სინოდალური წერილის ვალდებულება, რომელიც გაიცა იმ დროისთვის არსებული ვალდებულებებიდან გამომდინარე, რომელიც იკონომიით მოსკოვის პატრიარქს აძლევდა უფლებას, ხელი დაესხა უკრაინის მიტროპოლიტისთვის, რომელიც აირჩეოდა სასულიერო პირთა და მისი ეპარქიის მორწმუნეთა კრებაზე, რომელსაც უნდა მოეხსენებინა მსოფლიო პატრიარქი როგორც პირველიერარქი ყველა ღმრთისმსახურების დროს, ეღიარებინა და დაედასტურებინა თავისი კანონიკური დამოკიდებულება კონსტანტინოპოლის დედა ეკლესიისადმი.

მიემართოს ყველა ჩართულ მხარეს მოწოდებით, თავი შეიკავონ ეკლესიების, მონასტრების და სხვა ქონების მიტაცებისგან, ასევე სხვა ძალისმიერი ქმედებებისგან და შურისძიებისგან, რათა გაიმარჯვოს ქრისტეს სიყვარულმა და მშვიდობამ.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » მარტი 2019
ორშ სამ ოთხ ხუთ პარ შაბ კვი
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

ყველა გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?