Global Press

Georgia

Global PressGlobal PressGlobal PressGlobal Press

USD
2.9841
EUR
3.3422
RUR
0.0431
GBP
3.7394

მტერი ყოველთვის გრძნობდა, რომ ქართველი ერის გულისცემა სწორედ ჩვენს დედა ეკლესიაში იგრძნობოდა და ამიტომაც, ხშირად ის ხდებოდა შეტევის მთავარი სამიზნე, - ამის შესახებ საქართველოს ყოფილი პრემიერ-მინისტრი მამუკა ბახტაძე სოციალურ ქსელში წერს.

 

„ქართველი ერის მრავალსაუკუნოვანი ისტორია არის ბრძოლის ისტორია თავისუფლებისთვის.

 

ამ მრავალსაუკუნოვანი ისტორიის მანძილზე ქართულ ეკლესიას და მის საჭეთმპყრობელებს უამრავი დაბრკოლებისა და განსაცდელის გადატანა მოუწიათ. მტერი ყოველთვის გრძნობდა, რომ ქართველი ერის გულისცემა სწორედ ჩვენს დედა ეკლესიაში იგრძნობოდა და ამიტომაც, ხშირად ის ხდებოდა შეტევის მთავარი სამიზნე.

 

მე, როგორც ქართული მართლმადიდებლური ეკლესიის ერთ რიგით შვილს, მსურს, ვუსურვო უწმინდესსა და უნეტარესს მხნეობა და ჯანმრთელობა“, - წერს ბახტაძე.

საქართველოს ეკლესიის წმინდა სინოდის სხდომის ოქმის თანახმად, მთავარეპისკოპოს იაკობს მღვდელმთავრისათვის შეუფერებელი საქციელის გამო მიეცა გაფრთხილება, ხოლო განმეორების შემთხვევაში მიღებული იქნება მკაცრი ზომები.

 

ოქმში, რომელიც რამდენიმე წუთის წინ გამოქვეყნდა, აღნიშნულია, რომ მთავარეპისკოპოსმა იაკობმა სინანული გამოხატა არაკორექტული საჯარო გამოსვლების გამო.

 

„წმინდა სინოდმა განიხილა მთავარეპისკოპოს იაკობის (იაკობაშვილი) მიერ საჯაროდ გაკეთებული განცხადებები. მთავარეპისკოპოსმა იაკობმა გამოხატა სინანული თავისი არაკორექტული საჯარო გამოსვლების გამო.

 

წმინდა სინოდმა განაჩინა:

 

მთავარეპისკოპოს იაკობს მღვდელმთავრისათვის შეუფერებელი საქციელის გამო მიეცეს გაფრთხილება, ხოლო განმეორების შემთხვევაში მიღებულ იქნას მკაცრი ზომები“, - აღნიშნულია წმინდა სინოდის დღევანდელი სხდომის ოქმში.

საქართველოს ეკლესიის წმინდა სინოდის სხდომის ოქმის თანახმად, სინოდის წევრებმა აღნიშნეს, რომ ეკლესიის ისტორიაში არ არსებობს პატრიარქის მიმართ მიტროპოლიტი პეტრეს მიერ მიყენებული შეურაცხყოფის მსგავსი მაგალითი.

 

როგორც ოქმშია აღნიშნული, რომელიც რამდენიმე წუთის წინ გამოქვეყნდა, საქართველოს კათოლიკოს-პატრიარქმა, ილია მეორემ აღნიშნა, რომ მეუფე პეტრე გამორჩეული მღვდელმთავარი იყო და მისი ამგვარი ცვლილება მეტად სამწუხაროა.

 

„მღვდელმთავრებმა იმსჯელეს მიტროპოლიტ პეტრეს (ცაავა) მიერ, კათოლიკოს-პატრიარქის ილია II-ისა და წმინდა სინოდის მიმართ საჯაროდ არაერთგზის გაკეთებული შეურაცხმყოფელი განცხადებების თაობაზე. წმინდა სინოდის წევრებმა აღნიშნეს, რომ ეკლესიის ისტორიაში ჩვენ ვერ ვნახავთ პატრიარქის შეურაცხყოფის მსგავს მაგალითს. უწმინდესმა ბრძანა, რომ მეუფე პეტრე იყო გამორჩეული მღვდელმთავარი, იგი იყო ახალშექმნილი ხევის პირველი ეპისკოპოსი და მეტად სამწუხაროა მისი ამგვარი ცვლილება.

 

წმინდა სინოდის მღვდელმთავრებმა კათოლიკოს-პატრიარქის არაერთგზის შეურაცხყოფის, დაუსაბუთებელი ბრალდებების, ხშირ შემთხვევაში ცილისწამებებისა და სხვა კანონიკური დარღვევების გამო, ერთხმად მოუწოდეს მეუფე პეტრეს სინანულისაკენ. მიტროპოლიტმა პეტრემ არ სცნო თავი დამნაშავედ და არ დაეთანხმა სინოდის მოწოდებას მონანიების თაობაზე.

 

წმინდა სინოდმა განაჩინა:

 

მიტროპოლიტ პეტრეს, მოციქულთა 55-ე კანონის საფუძველზე (სადაც ნათქვამია, რომ მკაცრად ისჯება სასულიერო დასის წევრი (კლერიკოსი),[1] რომელიც შეურაცხყოფს საკუთარ ეპისკოპოსს) აეკრძალოს მღვდელმოქმედება, განთავისუფლდეს ეპარქიის მმართველობისა და წმინდა სინოდის წევრობისაგან და გამწესებულ იქნას მონასტერში მოსანანიებლად“, - ნათქვამია წმინდა სინოდის დღევანდელი სხდომის ოქმში.

კარგი იქნებოდა, წინასწარ უფრო მეტი ინფორმაცია გვქონოდა და გვემსჯელა ამ საკითხის დადებითი და უარყოფითი მხარეების შესახებ, იმისთვის, რომ ნებსით თუ უნებლიედ მტრის წისქვილზე არ დავასხათ წყალი - ამის შესახებ ჟურნალისტებს ფოთელმა მიტროპოლიტმა მეუფე გრიგოლმა წმინდა სინოდის გადაწყვეტილების შეფასებისას განუცხადა.

 

კითხვაზე, დაუჭერდა თუ არა მეუფე პეტრეს მღვდელმთავრობიდან გადაყენებას მხარს, სინოდის სხდომას რომ დასწრებოდა, მეუფე გრიგოლმა უპასუხა, რომ ის არასდროს არავის წინააღდმეგ არ მისცემს ხმას და საკითხის უკეთესად შესწავლას მოითხოვდა.

 

„მე მოვითხოვდი საკითხის უკეთესად შესწავლას. მე არასდროს არავის წინააღმდეგ არ მივცემ ხმას, მომხრე ვარ, რომ უფრო სიღრმისეულად მოხდეს საკითხების განხილვა და ჩვენს წინაშე დავაყენოთ ჩვენი საკლესიო ერთობა, რომელიც სასიცოცხლოდ საჭიროა პატარა ერისთვის, როგორიც საქართველოა,“– განაცხადა მეუფე გრიგოლმა.

 

მისივე თქმით, მღვდელმთავრის გადაყენების მასშტაბის გადაწყვეტილებას წინ მეტი ინფორმაცია და მოსამზადებელი სამუშაო უნდა უძღოდეს.

 

„ის, რაც ახლა მოხდა, ეს არც ჩემთვის იყო ცნობილი და საერთოდ, არ არის ხოლმე წინასწარ ცნობილი სინოდის სხდომაზე განსახილველი საკითხების ნუსხა. ერთი რამე შემიძლია გითხრათ, რომ ამ ვითარებაში, როცა საქართველოს ჰყავს გარე და შიდა მტერი, როცა ასეთი ურთულესი გამოწვევების წინაშე ვიმყოფებით, ეკლესია ჩვენი არსებული რეალობიდან და მისი სპეციფიკიდან გამომდინარე საკმაოდ მნიშვნელოვანი ორგანიზმი და ინსტიტუციაა და მასზე ბევრი რამაა დამოკიდებული ჩვენი ქვეყნის როგორც სადღეისო, ასევე სამომავლო ჭრილში. ამას მოფრთხილება და დაფიქრებული მიდგომა სჭირდება. კარგი იქნებოდა, რომ ყოფილიყო კიდევ უფრო მეტი ინფორმაცია, წინდაწინ ამის შესახებ გვემსჯელა და განგვეხილა ამ საკითხის დადებითი და უარყოფითი მხარეები, იმისთვის, რომ ნებსით თუ უნებლიედ მტრის წისქვილზე არ დავასხათ წყალი. იმედს ვიქონიებ, რომ კარგად იფიქრა სინოდის ყველა წევრმა და დარწმუნებულები არიან თავისი გადაწყვეტილების სისწორეში“, - განაცხადა მეუფე გრიგოლმა.

 

გარდა ამისა, მეუფე გრიგოლი მიესალმება დეკანოზ მამალაძესთან დაკავშირებით წმინდა სინოდის მიერ მიღებულ გადაწყვეტილებას.

ქუთაის-გაენათის ეპარქიის მმართველად, მეუფე იოანე გამრეკელი დაინიშნა.

 

ამის შესახებ განცხადება ახალქალაქისა და კუმურდოს, მიტროპოლიტმა, მეუფე ნიკოლოზმა გააკეთა.

 

“გურია ნიუსის” ინფორმაციით, დღეს სინოდის სხდომაზე, ქუთაის-გაენათის ეპარქიის მმართველად ორ კანდიდატურა _ მეუფე იოანე გამრეკელი და მეუფე მელქისედეკი იყო დასახელებული.

ახალქალაქის და კუმურდოს მიტროპოლიტის, მეუფე ნიკოლოზის (ფაჩუაშვილი) განცხადებით, თუ დეკანოზ გიორგი მამალაძეს ხელისუფლება გაათავისუფლებს, მერე საეკლესიო თვალსაზრისით მოხდება მისი ბრალის დადგენა.

 

მისივე თქმით, სინოდის არც ერთ წევრს შეწყალების თხოვნაზე განსხვავებული აზრი არ ჰქონია.

 

„მამალაძის საკითხი იყო პირველი საკითხი სინოდის სხდომაზე. პატრიარქის წინადადება იყო, რომ მიგვემართა ხელისუფლებისთვის თხოვნით; რა თქმა უნდა, ჩვენ არ დაგვისჯია და ჩვენ არ ჩაგვისვია ციხეში, ამიტომ ხელისუფლებას მივმართეთ თხოვნით, რომ პრეზიდენტმა შეიწყალოს. ამაზე სინოდის არც ერთ წევრს განსხვავებული აზრი არ ჰქონია.

 

რაც შეეხება მამალაძის მოქმედებას, თუ მოხდება და ხელისუფლება გაათავისუფლებს, შემდეგ ვიმსჯელებთ, გვექნება მასთან საუბრები განხილვები, ბრალის დადგენა საეკლესიო თვალსაზრისით, როგორც სასულიერო პირის მოქმედება. ოღონდ ეს მომავლის საქმეა. ახლა ჩვენ ერთსულოვნად ყველამ მივიღეთ გადაწყვეტილება, რომ ვითხოვოთ მამა გიორგის შეწყალება“, - განაცხადა მეუფე ნიკოლოზმა.

„მეუფე იაკობმა დღეს პატრიარქს ჩააბარა ძალიან სერიოზული აღსარება და ჩვენგანაც ითხოვა შენდობა თავისი საქციელისათვის,“ - ამის შესახებ მეუფე ნიკოლოზმა ჟურნალისტებს წმინდა სინოდის სხდომის დასრულების შემდეგ განუცხადა. მისივე შეფასებით, მეუფე იაკობის ბრალდებები ხელისუფლების ყოფილ და მოქმედ წარმომადგენლებთან დაკავშირებით უსამოვნო და არაკორექტული იყო.

 

„რაც შეეხება მეუფე იაკობს, სამწუხარო ამბავია ესეც. ყველამ ნახეთ და მოისმინეთ მისი განცხადება, რომელიც იყო ძალიან უსიამოვნო, არაკორექტული ყველა თვალსაზრისით. პატრიარქმა დღეს ასეთი კომენტარი გააკეთა, რომ მეუფე იაკობმა გამოიჩინა ძალიან დიდი სულიერება, გადადგა ქორეპისკოპოსის და საფინანსო საბჭოს ხელმძღვანელის თანამდებობიდან. გარდა ამისა, მეუფე იაკობმა დღეს პატრიარქს ჩააბარა ძალიან სერიოზული აღსარება, რომლის შესახებაც არავითარი კომენტარის გაკეთება არ შეიძლება და ჩვენგანაც ითხოვა შენდობა თავისი საქციელისათვის,“ - განაცხადა მეუფე ნიკოლოზმა.

 

მისივე ინფორმაციით, წმინდა სინოდის სხდომაზე მეუფე იაკობის მიერ გაკეთებული განცხადებების შესახებ საუბარი არ ყოფილა.

 

„ის, რაც მეუფე იაკობმა განაცხადა, გარდა იმისა, რომ არაკორექტული ფორმით იყო, თავისი შინაარსით ეს არის განხილვის საგანი და სწრაფად ამის განხილვა შეუძლებელია, მაგრამ დღეს ამის შესახებ არ ყოფილა საუბარი. ამ საკითხზე მსჯელობა იქნება, ოღონდ შესაბამისი ფორმით, ეს არ არის უბრალო საკითხი,“ - განაცხადა მეუფე ნიკოლოზმა.

 

შეგახსენებთ, ბოდბელი მთავარეპისკოპოსის, მეუფე იაკობის თქმით, გიორგი კვირიკაშვილი, გიორგი გახარია და ვახტანგ გომელაური მას პატრიარქის გადაყენებაში დახმარებას სთხოვდნენ.

მეუფე ნიკოლოზის ცნობით, ჭყონდიდის ეპარქიის მღვდელმთავრად წალკელი ეპისკოპოსი გრიგოლ კაცია დაინიშნა.

 

“რაც შეეხება მეუფე პეტრეს განცხადებებს, საერთოდ, მხილება ცილისწამებისგან განსხვავდება, იმიტომ, რომ მხილებისას ჯერ არგუმენტები იქნება წარმოდგენილი, მერე გაკეთდება დასკვნები. ცილისწამებაა, როცა ჯერ ამბობ და მერე პირდები საზოგადოებას, სინოდს, რომ წარმოადგენ მტკიცებულება. ეს არის ღირსეული საქციელი“, _ განაცხადა მეუფე ნიკოლოზ ფაჩუაშვილმა

ჩრდილოეთ ამერიკის ეპისკოპოსის, მეუფე საბას განცხადებით, მეუფე პეტრეს სკანდალური განცხადება დაუსაბუთებელი ბრალდებაა.

 

როგორც მეუფე საბამ წმინდა სინოდის სხდომის დასრულების შემდეგ, საპატრიარქოსთან მყოფ მედიის წარმომადგენლებს განუცხადა, მეუფე პეტრემ ეს ბრალდება უნდა დაასაბუთოს.

 

„ადამიანმა შეიძლება ყველაფერი თქვას, მაგრამ როდესაც მას არ აქვს დასაბუთება, ეს არის ცილისწამება და ბრალდება. როდესაც ხდებოდა მეუფე პეტრესთან დაკავშირებით მისი საკითხის განხილვა, ჩვენ ვცდილობდით, რომ მას გამოეთქვა სინანული, რადგანაც თუკი არის ეკლესიაში პრობლემები, მან უნდა ისაუბროს ამაზე სინოდზე. მან დაარღვია ამით კანონიკური კუთხე და სინოდის ნაცვლად საჯაროდ როდესაც მიდის საუბარი და თანაც დაუსაბუთებელი ბრალდებები, ჩვენგან იყო მისადმი მოთხოვნა, რომ მას შენდობა ეთხოვა. მაგრამ გადაგვიჭრა ყველა გზა. მე ვიყავი პირადად ერთ-ერთი მათგანი, რომელიც ვაპირებდი დავჩოქილიყავი წმინდა სინოდის მღვდელმთავრების წინაშე და მეთხოვა, რომ მიგვეცა შანსი მეუფე პეტრესთვის, მაგრამ მან გადაჭრა ყველა გზა“, - განაცხადა ჩრდილოეთ ამერიკის ეპისკოპოსმა მეუფე საბამ.

 

კითხვაზე: რა არის მეუფე პეტრეს განცხადების მიზანი? მეუფე საბამ განაცხადა, რომ ეს მედიამ მას უნდა ჰკითხოს.

 

„ის ბრალდება, რომელსაც აყენებს, უნდა დაასაბუთოს“, - ბრძანა მეუფე საბამ და დასძინა, რომ მეუფე პეტრეს გადაყენების საკითხს წმინდა სინოდის წევრებმა ერთხმად დაუჭირეს მხარი.

მიმაჩნია, რომ პატრიარქმა მღვდელმთავრობიდან უსამართლოდ გადამაყენა, - ამის შესახებ ჟურნალისტებს სინოდის სხდომიდან გამოსვლის შემდეგ, მღვდელმთავრობიდან გადაყენებულმა პეტრემ განუცხადა.

 

"დღეს წმინდა სინოდმა მიიღო უპრეცედენტო გადაწყვეტილება. პირადად პატრიარქმა, სინოდის თავმჯდომარემ მიმაჩნია, რომ უსამართლოდ გადამაყენა მღვდელმთავრობიდან. მიზეზი არის საქართველოს ეკლესიაში მამათმავლობის ცოდვის მხილება“, - განაცხადა მღვდელმთავრობიდან გადაყენებულმა პეტრემ და შეკითხვაზე, თუ ვინ ამხილა, აღნიშნა, რომ სინოდის თავმჯდომარეს გულისხმობდა.

წმინდა სინოდი მსჯავრდებულ დეკანოზ გიორგი მამალაძის შეწყალების საკითხზე პრეზიდენტს შუამდგომლობით მიმართავს.

 

მეუფე პეტრეს ინფორმაციით, ამის შესახებ სინოდმა გადაწყვეტილება ერთსულოვნად მიიღო.

 

„დეკანოზ გიორგი მამალაძის შუამდგომლობა ერთსულოვნად გაითვალისწინა წმინდა სინოდმა და გადაწყვიტა უშუამდგომლოს პრეზიდენტთან გასათავისუფლებლად“, - განაცხადა მეუფე პეტრემ.

ჭყონდიდელი მიტროპოლიტი მეუფე პეტრე მღვდელმთავრობიდან გადააყენეს. ამის შესახებ მეუფე პეტრემ სინოდის სხდომიდან გამოსვლის შემდეგ ჟურნალისტებს განუცხადა.

 

მისი განცხადებით, აღნიშნულის მიზეზი ის გარემოება გახდა, რომ მან პატრიარქი ამხილა.

ექსკლუზიური

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?