Global Press

Georgia

Global PressGlobal PressGlobal PressGlobal Press

USD
2.7799
EUR
3.0954
RUR
0.0429
GBP
3.516

რეგიონებში სტიქიის სალიკვიდაციო სამუშაოები გრძელდება. ამის შესახებ ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

 

უწყების ცნობით, სამინისტროს წარმომადგენლები ადგილობრივ თვითმმართველობებთან ერთად სტიქიის სამივე რეგიონში - იმერეთში, გურიასა და სამეგრელოში მუშაობენ. მათივე ინფორმაციით, სამივე რეგიონის ყველა შესაბამისი მუნიციპალური სამსახური ამ დრომდე საგანგებო რეჟიმში მუშაობს.

 

უწყების ცნობით, ფაქტობრივად დასრულებულია ზარალის დადგენის სამუშაოები. რამდენიმე დაზიანებული ობიექტის აღდგენითი სამუშაოები დილიდან მიმდინარეობს იმერეთსა და სამეგრელოში. პარალელურად ხდება საჭირო მასალის მობილიზება და მიწოდება მოსახლეობის იმ ნაწილისთვის, რომელმაც გამოთქვა სურვილი სტიქიისგან მიყენებული ზიანის აღმოფხვრის სამუშაოები თავად აწარმოოს.

 

ასევე, ლანჩხუთის მუნიციპალიტეტში გაზის მიწოდება სრულად აღდგენილია და გრძელდება სამუშაოები ელექტროენერგიის სრულად აღსადგენად.

შიდასახელმწიფოებრივი მნიშვნელობის საგლოლო-ჭიორა-ღების საავტომობილო გზის კმ10-კმ11 მონაკვეთზე მეწყრული პროცესების გააქტიურების გამო, ყველა სახის ავტოტრანსპორტის მოძრაობა აკრძალულია. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.

 

დეპარტამენტის ცნობით, გზის დანარჩენ მონაკვეთებზე ავტოტრანსპორტის მოძრაობა თავისუფალია.

შინაგან საქმეთა სამინისტრო 2 დეკემბერს, რუსთაველის გამზირზე პარტია “ერთიანი ნაციონალური მოძრაობის” მიერ დაგეგმილ აქციაზე დაიცავს იქ შეკრებილი მოქალაქეების უსაფრთხოებას და მართლწესრიგს, - ამის შესახებ ნათქვამია უწყების განცხადებაში.

 

როგორც განცხადებაშია აღნიშნული, რუსთაველის გამზირზე მობილიზებული იქნება საპოლიციო ძალები, რომლებიც მთელი დღის განმავლობაში მოახდენენ პატრულირებას, რათა თავიდან იქნეს აცილებული ნებისმიერი სახის შესაძლო პროვოკაცია და დაცული იყოს როგორც აქციის მონაწილეების, ისე რიგითი მოქალაქეების უსაფრთხოება. „შინაგან საქმეთა სამინისტრო მოუწოდებს აქციის ორგანიზატორებს, დაიცვან მართლწესრიგი და დაემორჩილონ პოლიციის კანონიერ მოთხოვნებს. აქციის მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი“,- ნათქვამია განცხადებაში.

 

შეგახსენებთ, გაერთიანებული ოპოზიცია 2 დეკემბერს, 15:00 საათზე, პარლამენტთან აქციას მართავს.

ქუთაისის საქალაქო სასამართლოში პუბლიცისტ თაკო ჩარკვიანსა და მის მეუღლეზე თავდასხმაში ბრალდებული სამი პირის სასამართლო პროცესი გაიმართა. სამივე პირი ადმინისტრაციული წესით იყვნენ დაკავებული. მოსამართლის გადაწყვეტილებით, გიორგი კერვალიშვილი და დავით ბაიდარაშვილი 700 ლარით დაჯარიმდნენ, დავით მაჭავარიანის ბრალეულობა კი ამ დროისთვის არ დადასტურდა.

 

როგორც ისინი აცხადებენ, მათ ჩხუბი არ დაუწყიათ, უბრალოდ, აეროპორტში ჩოჩქოლის ხმა მოესმათ, რა დროსაც გასაშველებლად მივიდნენ, თუმცა რას მოჰყვა კონფლიქტი, მათთვის უცნობია.

 

მათი თქმით, პოლიტიკური ნიშნით დევნა გამორიცხულია, რადგან ისინი აეროპორტში შეფერხებული რეისის გამო იმყოფებოდნენ.

 

როგორც აღნიშნულმა პირებმა განაცხადეს, ისინი ბარსელონადან ჩამოფრინდნენ და ბარგს ელოდებოდნენ, რადგან გუშინ უამინდობის გამო, ბარგის თვითმფრინავიდან ჩამოტვირთვა ვერ მოხერხდა.

 

ადმინისტრაციული წესით დაჯარიმებულები აპირებენ გადაწყვეტილება სააპელაციო სასამართლოში გასააჩივრონ. მომდევნო პროცესი დამატებითი მტკიცებულებების წარმოდგენისთვის 12 დეკემბერს ჩაინიშნა.

 

შეგახსენებთ, შს სამინისტრომ ქუთაისის დავით აღმაშენებლის სახელობის საერთაშორისო აეროპორტში, თაკო ჩარკვიანსა და მის მეუღლე ჯონი გიგანზე თავდასხმის ფაქტზე 1 პირი ძალადობის ბრალდებით სისხლის სამართლის წესით, ხოლო 3 პირი წვრილმანი ხულიგნობის ბრალდებით ადმინისტრაციული წესით დააკავეს.

 

სისხლის სამართლის წესით დაკავებულის პროცესი კი ჯერ არ გამართულა.

პარიზში საპროტესტო აქციების დროს პოლიციასა და მანიფესტანტებს შორის შეტაკების შედეგად 65 ადამიანი დაშავდა, აქედან 11 პოლიციელია. საწვავზე ფასების ზრდის საწინააღმდეგო “ყვითელი ჟილეტების” აქცია დღეს დილით დაიწყო.

 

სამართალდამცველებს ბლოკირებული ჰქონდათ ქალაქის ცენტრალური ნაწილის ქუჩები.

 

პოლიციის კორდონების გარღვევის მცდელობისას სამართალდამცველებმა ცრემლსადენი გაზი და წყლის ჭავლი გამოიყენეს. ბოლო ინფორმაციით, ქალაქის ცენტრში თავი მოიყარა 5 ათასმა მანიფესტანტმა. ფრანგული მედია ასევე ავრცელებს კადრებს, სადაც მანიფასტანტების ჯგუფმა ცეცხლი წაუკიდა ავტომობილებს.

 

საფრანგეთის შს სამინისტროს ინფორმაციით, დაკავებულია 158 ადამიანი.

თბილისის საკრებულო ქუთაისის აეროპორტში მომხდარ ინციდენტს ეხმაურება, სადაც პუბლიცისტ თაკო ჩარკვიანს და მის მუეღლეს თავს დაესხნენ. განცხადებაში აღნიშნულია, რომ საკრებულოს თანამშრომელი დავით მაჭავარიანი, რომელიც მომხდარ ინციდენტში ფიგურირებს, ჩხუბში მონაწილე პირებს აშველებს და ფიზიკურ შეურაცხყოფას არავის აყენებს.

 

თბილისის საკრებულოს განცხადებით, მომხდართან დაკავშირებით გადაწყვეტილების მიღება არა კერძო პირების მოთხოვნებიდან, არამედ კანონის შესაბამისად მოხდება.

 

„გვინდა ქუთაისის აეროპორტში მომხდარ ინციდენტს გამოვეხმაუროთ, რომელშიც თბილისის საკრებულოს თანამშრომელი დავით მაჭავარიანი ფიგურირებს. პირველ რიგში აღვნიშნავთ, რომ ჩვენთვის ყოველგვარი ძალადობა, ვისი მხრიდანაც არ უნდა მოდიოდეს იგი, მიუღებელია, თუმცა უნდა ითქვას, რომ გავრცელებულ ვიდეომასალაში ნათლად ჩანს, რომ საკრებულოს თანამშრომელი ჩხუბში მონაწილე პირებს აშველებს და ფიზიკურ შეურაცხყოფას არავის აყენებს.

 

დავით მაჭავარიანი თბილისის საკრებულოში, სხვადასხვა პოზიციებზე, 2007 წლიდან მუშაობს. იგი გაწონასწორებული, მშვიდი და წესიერი ადამიანია.

 

ცალსახად ვაცხადებთ, რომ თბილისის საკრებულო გადაწყვეტილებას მხოლოდ კანონის შესაბამისად და არა კერძო პირების მოთხოვნებიდან გამომდინარე მიიღებს,“ - ნათქვამია განცხადებაში.

 

გავრცელებული ინფორმაციით, ჩხუბში, რომელიც თაკო ჩარკვიანსა და მის მეუღლეზე თავდასხმის გამო დაიწყო, თბილისის საკრებულოს პროტოკოლის სამსახურის უფროსი დავით მაჭავარიანი მონაწილეობს. „რუსთავი 2“-ის ინფორმაციით, სოციალურ ქსელში აღნიშნული ჩხუბის ვიდეო კადრები გავრცელდა, სადაც სწორედ დავით მაჭავარიანი ფიგურირებს.

მიუხედავად სესხების პატიების პროექტის მასშტაბურობისა, აღნიშნული პროცესი დაპირებისამებრ 15 დეკემბერს დაიწყება და 31 დეკემბერს დასრულდება, - ამის შესახებ ფინანსთა მინისტრის მოადგილემ, ლაშა ხუციშვილმა განაცხადა.

 

მისი თქმით, ამჟამად ინტენსიურად მიმდინარეობს მოსამზადებელი სამუშაოები სიების ფორმირების მიმართულებით.

 

„ამასთან, სესხების პატიების პროექტში დამატებით 10-მდე სესხის გამცემი ორგანიზაცია ჩაერთო, რომლებსაც საწყის ეტაპზე თანამშრომლობის სურვილი არ ჰქონდათ. ამ ეტაპზე, მათი მხრიდან ჩამოსაწერი სესხების მონაცემების მოწოდება მიმდინარეობს. ყველა ჩამოსაწერ სესხზე ინფორმაცია ასახული იქნება ერთიან ბაზაში, რომელიც უახლოეს პერიოდში განთავსდება სპეციალურად ამ პროექტისთვის შექმნილ ვებგვერდზე",- განაცხადა ლაშა ხუციშვილმა.

 

როგორც მან აღნიშნა, თითოეულ მოქალაქეს ექნება შესაძლებლობა, გადაამოწმოს საკუთარი თავი აღნიშნულ ბაზაში. ასევე, მოქალაქეებს უკვე შეუძლიათ მიმართონ იმ საფინანსო ორგანიზაციებს, ვისი ვალიც მათ აქვთ.

94 წლის ასაკში აშშ-ს ყოფილი პრეზიდენტი ჯორჯ ბუში უფროსი გარდაიცვალა. ამის შესახებ ინფორმაციას ამერიკული მედია აშშ-ს 41-ე პრეზიდენტის გარემოცვაზე დაყრდნობით ავრცელებს.

 

ჯორჯ ჰერბერტ უოკერ ბუში ამერიკის შეერთებული შტატების რიგით 41-ე პრეზიდენტი 1989-1993 წლებში იყო „რესპუბლიკური“ პარტიიდან. 1971-1973 წლებში ის აშშ-ს ელჩი იყო გაერო-ში. 1976-1977 წლებში ჯორჯ ბუში ცენტრალურ სადაზვერვო სამმართველოს ხელმძღვანელობდა, ხოლო რონალდ რეიგანის ადმინისტრაციაში კი აშშ-ს ვიცე-პრეზიდენტის პოსტს იკავებდა.

 

აღსანიშნავია, რომ ამა წლის აპრილს მისი მეუღლე აშშ-ს ყოფილი პირველი ლედი ბარბარა ბუში გარდაიცვალა. მისი უფროსი ვაჟი ჯორჯ ბუში უმცროსი აშშ-ს 43-ე პრეზიდენტი იყო, ხოლო მისი კიდევ ერთი შვილი ჯებ ბუში წლების განმავლობაში ფლორიდას შტატის გუბერნატორი იყო.

სახალხო დამცველი 2017 წლის 1 დეკემბერს ხორავას ქუჩაზე მომხდარ, არასრულწლოვან დავით სარალიძის მკვლელობის ფაქტზე მიმდინარე გამოძიების ერთ წელიწადს აჯამებს. ნინო ლომჯარია წუხილს გამოთქვამს იმასთან დაკავშირებით, რომ საზოგადოებას და დაზარალებულებს ბევრ კითხვაზე დღემდე არ აქვთ პასუხები.

 

როგორც განცხადებაშია აღნიშნული, სახალხო დამცველმა დაადგინა, რომ არასრულწლოვანთა მკვლელობის საქმის ეფექტიანი გამოძიება არ მომხდარა. ომბუდსმენის შეფასებით, სახელმწიფომ არ ჩაატარა გადაუდებელი, შესაძლო და გონივრული საგამოძიებო მოქმედებები მტკიცებულებების მოპოვების მიზნით და ამრიგად, მისივე პოზიციით, სახეზე იყო სავარაუდო დანაშაულის ნიშნები გამოძიებაზე პასუხისმგებელი პირების მხრიდან.

 

„ერთი წელი გავიდა იმ ტრაგედიიდან, რომელსაც ხორავას ქუჩაზე ორი არასრულწლოვნის გარდაცვალება მოჰყვა. ამ შემთხვევამ და შემდგომმა მოვლენებმა დიდი გავლენა მოახდინეს მიმდინარე საზოგადოებრივ პროცესებზე და სხვადასხვა კუთხით წარმოაჩინეს სამართალდამცავ სისტემაში რეფორმის განხორციელების აუცილებლობა.

 

საზოგადოებისთვის ცნობილია, რომ სახალხო დამცველის აპარატმა, არასრულწლოვანთა სამართლებრივი ინტერესების განსაკუთრებული პრიორიტეტულობისა და საკითხის მომეტებული სიმწვავიდან გამომდინარე, საგამონაკლისო დაშვებით, სრულად შეისწავლა ე.წ. ხორავას ქუჩის საქმე, საქმესთან დაკავშირებული სხვა სისხლის სამართლის საქმეების გამოძიების მასალები, განახორციელა საპარლამენტო კომისიის ძირითადი სხდომების მონიტორინგი, შეისწავლა კომისიის საქმიანობის შედეგები და პარლამენტის დადგენილება, შეხვდა ბრალდებულ არასრულწლოვნებს, ბრალდებულების/ამჟამად მსჯავრდებულებისა და დაზარალებულების ოჯახის წევრებს.

 

ყველა ზემოაღნიშნული ინფორმაციის სრულყოფილი შესწავლისა და გაანალიზების შედეგად, სახალხო დამცველმა დაადგინა, რომ არ მოხდა არასრულწლოვანთა მკვლელობის საქმის ეფექტიანი გამოძიება. სახელმწიფომ არ ჩაატარა გადაუდებელი, შესაძლო და გონივრული საგამოძიებო მოქმედებები მტკიცებულებების მოპოვების მიზნით და ამრიგად, სახეზე იყო სავარაუდო დანაშაულის ნიშნები გამოძიებაზე პასუხისმგებელი პირების მხრიდან.

 

სამწუხაროდ, საქართველოს პროკურატურამ არ გაიზიარა სახალხო დამცველის რეკომენდაცია, რომ გამოძიება სავარაუდოდ ჩადენილ სამოხელეო დანაშაულის კვალიფიკაციით დაწყებულიყო, ასევე, საქართველოს პარლამენტის მიერ მიღებული დადგენილებით პროკურატურას გამოძიებაზე პასუხისმგებელ პირთა მიმართ მხოლოდ სამსახურებრივი შემოწმების ჩატარების და არა გამოძიების დაწყების რეკომენდაცია მიეცა. შედეგად, მთავარმა პროკურატურამ დაიწყო სამსახურებრივი შემოწმება, რომელიც ამ დროისთვის კვლავ გრძელდება.

 

მიუხედავად გაწეული დიდი ძალისხმევისა როგორც სახალხო დამცველის, ასევე, საპარლამენტო საგამოძიებო კომისიის მხრიდან, საზოგადოებას არა აქვს ინფორმაცია პროკურატურის მიმართ პარლამენტის მიერ გაცემული რეკომენდაციების შესრულების მდგომარეობაზე. მიგვაჩნია, რომ გამოძიების მიმართ მაღალი საზოგადოებრივი ინტერესიდან გამომდინარე, პროკურატურამ უნდა დააკმაყოფილოს საზოგადოებაში არსებული კითხვები და გაასაჯაროოს ინფორმაცია გამოძიებისა და მოკვლევის მიმდინარეობის შესახებ. შესაბამისად, სახალხო დამცველი მოუწოდებს მთავარ პროკურატურას:

 

1. ყოველი თვის ბოლოს წარმოუდგინოს საზოგადოებას როგორც მიმდინარე სამსახურებრივი შემოწმების შედეგები, ასევე, ინფორმაცია სახალხო დამცველის წინადადებასა და საპარლამენტო საგამოძიებო კომისიის დასკვნაში გამოკვეთილ ხარვეზებზე გატარებული ღონისძიებების შესახებ;

 

2. სახალხო დამცველის აპარატს მიეცეს მიმდინარე სამსახურებრივი შემოწმების მასალების პერიოდულად სრულყოფილი გაცნობის შესაძლებლობა;

 

წარდგენილი მოთხოვნები ემსახურება საზოგადოების მიმართ ანგარიშვალდებულების აღსრულების ლეგიტიმურ მიზანსა და სამართალდამცავი ორგანოების საქმიანობის საჯარო კონტროლს. რამდენადაც, სწორედ ნაკლები გამჭვირვალობა და ანგარიშვალდებულება იწვევს მსგავს უხეშ დარღვევებს საგამოძიებო მოხელეთა მხრიდან, რომელიც საბოლოოდ, არსებითად აზიანებს ადამიანის ფუნდამენტურ უფლებას,“ - ნათქვამია განცხადებაში.

ჩვენი მშვიდობის, ჩვენი სტაბილურობის, ჩვენი შვილების მომავლის დასაცავად ხვალ ყველანი რუსთაველის გამზირზე! - ამის შესახებ საქართველოს ყოფილმა პრეზიდენტმა მიხეილ სააკაშვილმა „ფეისბუქის“ საკუთარ გვერდზე გავრცელებულ ვიდეომიმართვაში განაცხადა.

 

მისივე თქმით, შეუძლებელია, საქართველოში თითქმის 900 000 ხმა აიღო და არჩევნები არ მოიგო.

 

„დღეს ქუთაისის აეროპორტში თაკო ჩარკვიანს და მის მეუღლეს, რომლებიც აცილებდნენ თავის შვილს უცხოეთში, დაესხნენ თავს ხელისუფლების მიგზავნილი ექვსი პროვოკატორი, მოძალადე და კრიმინალი. მათ უნდათ, რომ ჩვენ დაგვაშინონ, მაგრამ ივანიშვილი თვითონ არის შეშინებული. თითქმის 100 000 ბიულეტენია ოფიციალურად გაბათილებული, რომლის აბსოლუტური უმრავლესობას ვაშაძისთვის მიცემული ხმები წარმოადგენს. ამავე დროს, „კარუსელების“ მეშვეობით ჩაყრილია მინიმუმ 200 000 ხმა. „ძველი ბიჭებისა“ და „კარუსელების“ მეშვეობით მოხდა ეგზიტპოლების მანიპულირება. ჩვენ ავიღეთ თითქმის 900 000 ხმა. თეორიულადაც შეუძლებელია, რომ საქართველოში აიღო 900 000 ხმა და არ მოიგო, იმიტომ, რომ ასეთია მოსახლეობის რაოდენობა. 2016 წელს „ქართულმა ოცნებამ“ ბევრად ნაკლები ხმით აიღო საკონსტიტუციო უმრავლესობა. მეგობრებო, ჩვენ ეს არჩევნები მოგვპარეს. ამიტომ ჩვენ იმაზე კი არ უნდა ვიკამათოთ, ვინ რაღაც არასწორად გააკეთა ან როგორი არასწორი ტაქტიკა აირჩია. ყველაფერი იყო სწორად. თქვენ არჩევნები მოიგეთ! მე ძალიან ვამაყობ გრიგოლ ვაშაძით!“ - განაცხადა სააკაშვილმა.

 

მისივე თქმით, დღეს აშშ-ის სახელმწიფო დეპარტამენტმა გამოაქვეყნა განცხადება, სადაც საუბარია იმაზე, რომ ამ არჩევნებს არ ჰქონდა არაფერი საერთო თავისუფალ არჩევნებთან.

 

„მათ პრაქტიკულად არ აღიარეს ამ არჩევნების ლეგიტიმურობა. იგივე ხდება ევროპაშიც - არ აღიარებენ ლეგიტიმურობას. ნუ დაგაბნევთ ცალკეული მოლოცვები, დასავლეთი გვეუბნება - თუ რამის თავი გაქვთ, გამოდით და დაამტკიცეთ, როგორც ეს 2003 წელს მოხდა, როგორც სომეხმა ხალხმა მიმდინარე წლის აპრილში. თუ ჩვენ ამ ძალადობას დედის რძესავით შევირგებთ, ძალადობა გაგრძელდება და ძალმომრეობა შეუქცევად ხასიათს მიიღებს. ამიტომ ჩვენი მშვიდობის, ჩვენი სტაბილურობის, ჩვენი შვილების მომავლის დასაცავად ხვალ ყველანი რუსთაველის გამზირზე! ჩვენ უკან დამხევები არ ვართ, ჩვენ ბოლომდე ვიბრძოლებთ! მე თქვენთან ერთად ბოლომდე ვიბრძოლებ თქვენთვის, და არა ჩვენთვის, არა სკამებისთვის, მე ნამდვილად არაფერი არ მინდა, მაგრამ ახლა წყდება საქართველოს ყოფნა-არყოფნის საკითხი. ნურაფრის ნუ შეგეშინდებათ. ჩავკიდოთ ერთმანეთს ხელები, ვაჩვენოთ ჩვენი ერთიანობა! ვაჩვენოთ ჩვენი ბრძოლისუნარიანობა! ბრძოლა გამარჯვებამდე! აბა, თქვენ იცით!“ - განაცხადა საქართველოს ყოფილმა პრეზიდენტმა.

ზუსტად ამ ადგილზე, სადაც ჩემმა შვილმა სული დალია, პირობას ვდებ არავის გავახარებ, არც ერთ მკვლელს და არც ერთ ხელის დამფარებელს, ყველა კანონის წინაშე აგებს პასუხს, - ამის შესახებ ჟურნალისტებთან ხორავას ქუჩაზე მოკლული დავით სარალიძის მამამ, ზაზა სარალიძემ იმ ფარდულთან განუცხადა, სადაც მისი შვილი სასიკვდილოდ დაჭრეს.

 

როგორც ის აღნიშნავს, სანამ მისი შვილის მკვლელობაში მონაწილე პირები არ დაისჯებიან, გაჩერებას არ აპირებს.

 

„ჩემს შვილს დავუდე პირობა და აქაც ვდებ პირობას, სანამ ჩემი შვილის მკვლელები პასუხისგებაში არ იქნებიან მიცემული, მანამდე არ გავჩერდები, ან მომკლან", - აცხადებს შვილმოკლული მამა.

 

როგორც მან ჟურნალისტებთან აღნიშნა, ადგილზე, სადაც მისი შვილი მოკლეს, მესამედ იყო.

 

„მესამედ ვარ ამ ადგილზე მოსული, ვერ ამოვდივარ, რადგან თავიდან მიდგება თვალწინ ეს ტრაგედია.

 

აგერ იდგა წითელი მანქანა, წინ ბავშვი მოუკლეს და რეაგირება არ მოუხდენია. ეს რისხვა სად წაუვა? თან ორი შვილის მამა ყოფილა.

 

ფარდული დანგრეული რომ იყო, მას შემდეგ გავიგე, რაც ამ პროცესებში ჩავერთე.

 

დღეს ერთი წელი გავიდა, რაც კონკრეტულად ამ ფარდულში სასტიკი მკვლელობა მოხდა ჩემი შვილის და ლევან დადუნაშვილის. დღეს ის ხალხი მოკვდა ამ ბიჭებთან ერთად, ვინც კი ჩვენს მიმართ ტალახი ისროლა იქიდან გამომდინარე, რომ მკვლელები გადაეფარათ", - განაცხადა სარალიძემ.

„ეცადეთ დარჩეთ ადამიანობის ფარგლებში და ქალზე მაინც არ აღმართოთ ხელი,“ - ამის შესახებ გაერთიანებული ოპოზიციის „ძალა ერთობაშია“ პრეზიდენტობის ყოფილმა კანდიდატმა გრიგოლ ვაშაძემ ბრიფინგზე განაცხადა, რითაც გამოეხმაურა თაკო ჩარკვიანსა და მის ქმარზე თავდასხმის ფაქტს. გრიგოლ ვაშაძის თქმით, აღნიშნული თავდასხმა ხელისუფლების, სუს-ის და კრიმინალების მიერ არის მართული. მან ხელისუფლებას კანონიერების ფარგლებში მოქმედებისკენ მოუწოდა.

 

„28 ნოემბერს გავიღვიძეთ კრიმინალურ ზონაში, სადაც აღარც პოლიტიკური პროცესია, აღარც კონსტიტუცია, აღარც არჩევნები ტარდება და ყველაფერს განაგებენ სუს-ის მიერ ორგანიზებული კრიმინალების ბანდები. დღეს ქუთაისში თაკო ჩარკვიანს და მის ოჯახს თავს დაესხნენ გალიებიდან გამოშვებული „ბანდერლოგები“ და მიაყენეს ფიზიკური შეურაცხყოფა. ეს არის ორგანიზებული კამპანია. არ გეგონოთ, რომ ეს იყო იზოლირებული მოვლენა. ისინი დილიდან მიზანმიმართულად ელოდებოდნენ ოჯახს აეროპორტში. ეს დაშინების კამპანია არის მართული ე.წ. ხელისუფლების მიერ, პოლიტიკური პოლიციის მიერ, რომელიც თავის თავს სუს-ს ეძახის და მასთან შეზრდილი კრიმინალების მიერ.

 

მინდა გითხრათ, რომ არავის არ ეშინია თქვენი. მეორეც, მინდა გითხრათ, რომ ყველა ჩვენ მიერ დასახულ გეგმას აუცილებლად განვახორციელებთ, მესამე - არც ერთი ჩვენი მხარდამჭერის, არც ერთი შტაბის აქტივისტისა და ხელმძღვანელის და ასევე, არც ერთი ჩვენი ამომრჩეველის დაშინების უფლებას არ მოგცემთ. ყველა ასეთ ფაქტს მივიტანთ არასამთავრობო ორგანიზაციებთან და საერთაშორისო თანამეგობრობასთან. დამიჯერეთ, ამის საშუალება მაქვს.

 

ჩვენ კანონმორჩილი ხალხი ვართ. კონსტიტუციის და კანონმდებლობის ფარგლებში, იგივეს მოვითხოვთ ე.წ. ხელისუფლებისგან - ნუ დაკარგავთ ადამიანის სახეს. ეცადეთ დარჩეთ ქართველობის და ადამიანობის ფარგლებში და ქალზე მაინც არ აღმართოთ ხელი,“ - განაცხადა გრიგოლ ვაშაძემ.

ექსკლუზიური

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?