Global Press

Georgia

Global PressGlobal PressGlobal PressGlobal Press

USD
3.0552
EUR
3.4463
RUR
0.0424
GBP
3.8159

აშშ-ის კონგრესის წარმომადგენელთა პალატამ მხარი დაუჭირა მიიღო რეზოლუცია, რომელიც დონალდ ტრამპს მოუწოდებს, ირანთან დაკავშირებით სამხედრო მოქმედებები კონგრესს წინასწარ შეუთანხმოს. ინფორმაციას ამის შესახებ ტელეკომპანია CNBC ავრცელებს.

 

დემოკრატ ელისა სლოტკინის მიერ ინიციირებულ რეზოლუციას ხმა 224 კანონმდებელმა მისცა, წინააღმდეგი კი 194 იყო.

 

მიუხედავად იმისა, რომ რეზოლუციას კანონის ძალა არ აქვს, წარმომადგენელთა პალატის თავმჯდომარე ნენსი პელოსი დარწმუნებულია, რომ ტრამპი კონგრესის თანხმობის გარეშე სამხედრო მოქმედებებთან დაკავშირებით გადაწყვეტილებებს ვეღარ მიიღებს.

 

3 იანვარს, გამთენიისას ბაღდადში ირანელი გენერალი ყასემ სულეიმანი მოკლეს. გენერალი სულეიმანი „ალ-ქუდსის“ ძალების მეთაური იყო. „ალ ქუდსი“ ირანის გუშაგთა კორპუსის ქვედანაყოფია, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ასე თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური. ამასთან ერთად, „ისლამური რევოლუციის გუშაგთა კორპუსმა“ აშშ-ს მოუწოდა, თავი შეიკავოს საპასუხო ნაბიჯებისგან.

 

მომხდარს აშშ-ის პრეზიდენტი დონალდ ტრამპმიც გამოეხმაურა და აღნიშნა, რომ ვაშინგტონს სამხედრო დაპირისპირება არ სურს, თუმცა თავდასხმის გამო ირანს ახალ სანქციებს დაუწესებს.

უკრაინის პრეზიდენტის განცხადებით, უკრაინული ავიახაზების თვითმფრინავი, რომელიც თეირანში ჩამოვარდა, შესაძლოა სარაკეტო იერიშის შედეგია, თუმცა ეს ჯერ დადასტურებული არ არის.

 

ვოლოდიმირ ზელენსკის თქმით, გამოძიების შედეგებს ის აშშ-ის სახელმწიფო მდივანთან, მაიკ პომპეოსთან განიხილავს.

 

„ეს ვერსია გამორიცხული არ არის, თუმცა ჯერ არ დადასტურებულა“, - დაწერა ზელენსკიმ Facebook-ზე

 

„ყველა საერთაშორისო პარტნიორს მოვუწოდებთ, განსაკუთრებით აშშ-ს, კანადას და დიდ ბრიტანეთს - მტკიცებულება და მონაცემი შემთხვევის გამოძიების შესახებ შექმნილ კომისიას გადასცენ“, - დაამატა უკრაინის პრეზიდენტმა.

 

ზელენსკიმ თვითმფრინავის კატასტროფის საკითხი 9 იანვარს ირანელ კოლეგასთან განიხილა. ჰასან როუჰანიმ აღნიშნა, რომ ირანი უკრაინელ ექსპერტებს ყველა საჭირო მონაცემზე წვდომის საშუალებას მისცემს.

 

კანადის და დიდი ბრიტანეთის პრემიერმინისტრებმა თვითმფრინავის ჩამოგდებაში ირანი დაადანაშაულეს. მანამდე კი ამერიკულმა მედიამ დაზვერვის არაოფიციალურ ინფორმაციაზე დაყრდნობით დაწერა, რომ Boeing 737-800 სარაკეტო იერიშის შედეგად ჩამოვარდა.

 

ირანის სამოქალაქო ავიაციის ორგანიზაციამ უკრაინული ლაინერის კატასტროფის გამოძიების პირველი შედეგები 9 იანვარს გამოაქვეყნა. ირანელი სპეციალისტები მიიჩნევენ, რომ ბორტზე ტექნიკური პრობლემები შეიქმნა.

 

თეირანში „უკრაინის საერთაშორისო ავიახაზების“ კუთვნილი Boeing 737 8 იანვარს ჩამოვარდა. ბორტზე 168 მგზავრი და ეკიპაჟის 9 წევრი იყო. ყველა მათგანი დაიღუპა. მსხვერპლთა შორის 7 ქვეყნის მოქალაქეები არიან. კერძოდ, უკრაინელები, ირანელები, კანადელები, შვედები, ავღანელები, გერმანელები და ბრიტანელები.

უკრაინული ავიახაზების თვითმფრინავის კატასტროფაზე საუბრისას ამერიკის პრეზიდენტი მეორე მხარის შეცდომას არ გამორიცხავს. ამის შესახებ დონალდ ტრამპმა თეთრ სახლში ჟურნალისტებს განუცხადა.

 

პრეზიდენტმა აღნიშნა, რომ თავისი ეჭვები აქვს, თუმცა ამაზე საუბარი არ სურს.

 

„მე მაქვს ჩემი ეჭვები, მაგრამ არ მსურს ამაზე საუბარი, რადგან სხვა ადამიანებს თავისი ეჭვები აქვთ. ვინმემ შესაძლოა, დაუშვა შეცდომა მეორე მხარეს, არა ჩვენმა სისტემამ. ზოგი ამბობს, რომ მექანიკური. მე ეს არ ვიცი. მართლაც საშინელი რამ მოხდა“, - განაცხადა ტრამპმა.

 

ამერიკული მედიის ინფორმაციით, ამერიკის ოფიციალური პირები სატელიტის მიერ მოპოვებული მტკიცებულებების საფუძველზე ამბობენ, რომ Boeing 737-800-ის მიმართულებით სარაკეტო დარტყმას ჰქონდა ადგილი.

 

ბრიტანული მედია აღნიშნავს, რომ ავიაკატასტროფა მას შემდეგ მოხდა, რაც ირანმა ერაყში ამერიკული სამხედრო ბაზები დაბომბა.

 

CBS News-ი კი წერს, რომ ამერიკული დაზვერვის ინფორმაციით, სატელიტმა ორი რაკეტის ინფრაწითელი გამოსახულება იპოვა, რომელსაც სხვა, აფეთქების ამსახველი გამოსახულებაც მოჰყვა.

 

ეს ვერსია კატასტროფის პირველივე დღიდან უარყო თავად ირანმა, როდესაც ინფორმაცია იორდანული წყაროებით გავრცელდა.

 

ირანის სამოქალაქო ავიაციის ორგანიზაციამ უკრაინული ლაინერის კატასტროფის გამოძიების პირველი შედეგები 9 იანვარს გამოაქვეყნა. ირანელი სპეციალისტები მიიჩნევენ, რომ ბორტზე ტექნიკური პრობლემები შეიქმნა.

 

თეირანში „უკრაინის საერთაშორისო ავიახაზების“ კუთვნილი Boeing 737 8 იანვარს ჩამოვარდა. ბორტზე 168 მგზავრი და ეკიპაჟის 9 წევრი იყო. ყველა მათგანი დაიღუპა. მსხვერპლთა შორის 7 ქვეყნის მოქალაქეები არიან. კერძოდ, უკრაინელები, ირანელები, კანადელები, შვედები, ავღანელები, გერმანელები და ბრიტანელები.

ოპოზიციურ ძალთა ბლოკის ლიდერი ასლან ბჟანია სოხუმში ჩავიდა და დე ფაქტო პრეზიდენტის ადმინისტრაციის შენობასთან შეკრებილებს შეუერთდა. ოპოზიციის წარმომადგენლები და მათი მხარდამჭერები მას აპლოდისმენტებით შეხვდნენ. ამის შესახებ ინფორმაციას „სპუტნიკი" ავრცელებს.

 

სააგენტო ინფორმაციით, ამ დროისთვის ადმინისტრაციის შენობასთან ვითარება მშვიდია. თუმცა, ოპოზიციის წარმომადგენლები, რომლებიც შენობაში შეიჭრნენ, მის დატოვებას არ აპირებენ.

 

ასლან ბჟანია 2019 წლის აპრილში მოსკოვის საავადმყოფოში მძიმე მდგომარეობით გადაიყვანეს. მასთან ერთად საავადმყოფოში, იმავე სიმპტომებით, მისი დაცვის ორი თანამშრომელიც მოხვდა.

ბოლო ინფორმაციით, ოპოზიციის წარმომადგენლებმა და მათმა მომხრეებმა ე.წ. პრეზიდენტის ადმინისტრაციის შენობის ბლოკირება განახორციელეს. ამის შესახებ ადგილიდან „რია ნოვოსტი“ იუწყება.

 

მანამდე გავრცელებული ინფორმაციით, ოპოზიცია, რომელიც რაულ ხაჯიმბას გადადგომას მოითხოვს, მასთან ხუთკაციანი დელეგაციის გაგზავნას აპირებს.

 

ოპოზიციონერი „დეპუტატის“ დიმიტრი დბარის განცხადებით, ვიდრე ხაჯიმბა არ გადადგება, არსად წასვლას არ აპირებენ. „ახლა მასთან ხუთი კაცის გაგზავნას ვაპირებთ. ჩვენ ბოლომდე ვიდგებით“, - განაცხადა დბარმა.

საქართველოს პარლამენტის თავმჯდომარის მოადგილემ კახა კუჭავამ უკრაინის საელჩოში გახსნილ სამძიმრის წიგნში, რომელიც 8 იანვარს თეირანთან, „უკრაინული საერთაშორისო ავიახაზების“ კუთვნილი თვითმფრინავის - „ბოინგ 737-800“-ის კატასტროფასთან დაკავშირებით გაიხსნა, ჩანაწერი გააკეთა.

 

„ეს დიდი ტრაგედიაა როგორც უკრაინისთვის, ისე ყველა იმ ქვეყნისთვის, რომელთა მოქალაქეები დაიღუპნენ ამ ტრაგედიის შედეგად. ჩვენ მოვედით, რომ მოგვესამძიმრა საქართველოს პარლამენტის, საქართველოს ხალხის სახელით უკრაინელი ხალხისათვის. შესაბამისად, ჩანაწერი გავაკეთეთ სამძიმრის წიგნში“, - განაცხადა საქართველოს პარლამენტის თავმჯდომარის მოადგილემ.

 

9 იანვარი უკრაინაში გლოვის დღედ არის გამოცხადებული „უკრაინის საერთაშორისო ავიახაზების" თვითმფრინავის ჩამოვარდნის შედეგად გარდაცვლილთა ხსოვნის საპატივსაცემოდ.

სოხუმში მომიტინგეები დე ფაქტო პრეზიდენტის ადმინისტრაციის შენობაში შეიჭრნენ. მათ ფანჯრის მინები ჩაამსხვრიეს და შენობის შიგნით შეღწევა მოახერხეს.

 

როგორც აფხაზური მედია წერს, ერთ-ერთი მომიტინგე ოპოზიციის მხარდამჭერებს მოუწოდებს, შენობას ზიანი არ მიაყენონ. მედია ასევე იუწყება, რომ აქციის მონაწილეებსა და შენობის ადმინისტრაციის დაცვის წევრებს შორის ფიზიკური დაპირიპირება მოხდა.

 

სოხუმში, ოპოზიციის მომხრეების საპროტესტო აქცია დღეს დილით დაიწყო. ისინი ე.წ. პრეზიდენტის არჩევნების შედეგების ბათილად ცნობას ითხოვენ.

 

აქცია დრამატული თეატრის შენობის წინ დაიწყო და მოგვიანებით ე.წ.პრეზიდენტის ადმინისტრაციის შენობასთან გაგრძელდა. ცოტა ხნით ადრე, ოკუპირებული აფხაზეთის „უზენაესმა სასამართლომ“ საკასაციო საჩივრის მოსმენა დაიწყო ყოფილი ე.წ. საპრეზიდენტო კანდიდატის, ოპოზიციური პარტია „ამცახარას“ ლიდერის, ალხას კვიცინიას სარჩელზე. სარჩელი გულისხმობს, რომ გადაწყვეტილება „სახელმწიფოს მეთაურის არჩევის შესახებ“ გამოცხადდეს ბათილად.

 

აფხაზეთში ე.წ. საპრეზიდენტო არჩევნების მეორე ტური გასული წლის 8 სექტემბერს გაიმართა, სადაც დე ფაქტო საარჩევნო კომისიის მონაცემებით, ამჟამინდელმა დე ფაქტო პრეზიდენტმა, რაულ ხაჯიმბამ 47.39%-ით გაიმარჯვა, მოსახლეობის 46,17%-მა კი ხმა ალხას კვიცინიას მისცა. „ამცახარა“ „არჩევნების“ შედეგებს არ აღიარებს და მის გაბათილებას ითხოვს.

ჩვენ ამ დავას გავაგრძელებთ საერთაშორისო სასამართლოში. არ დავუთმობთ არცერთ ნაბიჯს და გამოვააშკარავებთ ყველა იმ თანამდებობის პირის და პოლიტიკოსის ქმედებას, რომელიც მიზანმიმართულად ებრძოდა ანაკლიის პროექტს, - ამის შესახებ „თიბისი ბანკისა“ და პარტია „ლელოს“ დამფუძნებელმა მამუკა ხაზარაძემ ჟურნალისტებს განუცხადა, რითაც გამოეხმაურა ხელისუფლების გადაწყვეტილებას „ანაკლიის კონსორციუმთან“ ხელშეკრულების გაწყვეტის თაობაზე.

 

ხაზარაძის თქმით, ანაკლიის პორტის პროექტის ჩაშლაში მონაწილეობას პარტია „ქართული ოცნების“ თავმჯდომარე ბიძინა ივანიშვილი, პრემიერ-მინისტრი გიორგი გახარია და ინფრასტრუქტურის მინისტრი მაია ცქიტიშვილი იღებდნენ. ხაზარაძის თქმით, ანაკლიის პორტის პროექტის ჩაშლის გეგმაში ზემოხსენებული თანამდებობის პირების გარდა, სხვა ადამიანებიც მონაწილეობდნენ, რომელთა ვინაობას საერთაშორისო სასამართლო დავაში გაამხელს. მისივე თქმით, მას ამის დამადასტურებელი დოკუმენტაცია აქვს.

 

„ტყუილია, რომ კონსორციუმი არ ასრულებდა ვალდებულებებს. დღესაც კი არსებობს ინვესტორი და ყველა ის მოთხოვნა, რომელიც კონტრაქტით იყო გათვალისწინებული, მთელი პასუხისმგებლობით ვაცხადებ, რომ შესრულებული იყო. სახელმწიფომ ამ ე.წ. გადავადებებით თვალი აუხვია საზოგადოებას და პარალელურად გააგრძელა დესტრუქციული ნაბიჯები, რომელიც ეწინააღმდეგებოდა ამ პროექტის განხორციელებას. ყველა ამ საკითხზე იქნება საკმაოდ სერიოზული დავა. არსებობს უზარმაზარი ტომები ჩვენი მთავრობის წევრების ქმედებებისა, რომლებიც ანაკლიის პროექტზე ორკესტრირებულ შეტევას ახორციელებდნენ.

 

ეს არის ის უუნარო მთავრობა, რომელმაც ზამთრის კურორტების სეზონი ჩააგდო. მათ იმის უნარიც კი არ აქვთ, რომ წყლის პრობლემა გადაწყვიტონ. შესაბამისად, როგორ შეიძლება ისინი გვესაუბრონ ასეთი დიდი პროექტის ან გაჩერებაზე, ან ახალი ტენდერის გამოცხადებაზე?! ქართველი ხალხის, საზოგადოების ერთადერთი გამოსავალი არის ის, რომ „ქართულ ოცნებას“ გავუწყვიტოთ ხელშეკრულება ისევე, როგორც დღეს გაუწყვიტეს მათ ინვესტორებს. 75 მილიონი დოლარის ინვესტიციაა ჩადებული ამ პროექტში,“ - განაცხადა ხაზარაძემ.

 

ჟურნალისტების კითხვაზე, აპირებს თუ არა ის პირგასამტეხლოს გადახდას, მამუკა ხაზარაძემ უპასუხა, რომ ამ კითხვებზე პასუხს სასამართლო გასცემს.

 

„ყველა ამ კითხვას პასუხს გასცემს სასამართლო. ჩვენ ამ წერტილს ველოდებოდით. ამიტომ ჯარიმა და ეს საკითხები შეინახონ თავისთვის. ეს იქნება ძალიან სერიოზული დავა იმიტომ, რომ ისინი წავიდნენ ჩვენი სახელმწიფოს ინტერესების წინააღმდეგ,“ - აღნიშნა ხაზარაძემ.

„ანაკლიის განვითარების კონსორციუმის“ დირექტორის ლევან ახვლედიანის განცხადებით, კონსორციუმი მთავრობის წინააღმდეგ დავას ანაკლიის ღრმაწყლოვანი პორტის პროექტის საკითხზე საარბიტრაჟო სასამართლოში გეგმავს. ამის შესახებ ახვლედიანმა დღეს გამართულ ბრიფინგზე განაცხადა. როგორც მან აღნიშნა, კითხვის ქვეშ დგას პროექტის ბედი და ზიანდება ქვეყნის ინტერესი.

 

„მთავრობის დღევანდელი გადაწყვეტილებიდან გამომდინარე, პრაქტიკულად აღარ გვრჩება სხვა გამოსავალი, თუ არა მივმართოთ საარბირტაჟო სასამართლოს. არის იურიდიული პროცესები, რომელიც გასავლელია და დავძრავთ. პროცესების დასრულებისთანავე იქნება მიმართული საარბიტრაჟო სასამართლოში. სამწუხაროდ, ის ფაქტი, რომ ასეთი მნიშვნელოვანი პროექტი, რომლის განხორციელებასაც შეუძლია ეკონომიკური გარდატეხა შეიტანოს ჩვენი ქვეყნის განვითარებაში, ამ პროექტისთვის არ იყო ყველაფერი გაკეთებული, რაც შეიძლებოდა გაკეთებულიყო. არ იყო გადადგმული მცირედი ნაბიჯები და არ იყო განხილული ის დათმობები, რომელიც ჩვენ წინაპირობად წავაყენეთ, რომლის დაკმაყოფილების შემთხვევაში შეიძლებოდა პროექტის წარმატებით განხორციელება. ეს რა თქმა უნდა, კითხვის ნიშნის ქვეშ აყენებს მთავრობის მოტივაციას ამ პროექტთან მიმართებაში, აყენებს კითხვის ნიშნის ქვეშ ამ პროექტის ბედს, რომელზეც პასუხი გაუცემელია. ისევ და ისევ ზიანდება ეს პროექტი, ზიანდება ჩვენი ქვეყნის ინტერესი“, - განაცხადა ახვლედიანმა.

„ანაკლიის განვითარების კონსორციუმის“ გენერალური დირექტორის, ლევან ახვლედიანის განცხადებით, სახელმწიფოსთვის დასაბრუნებელი მიწები კონსორციუმს არ აქვს. როგორც ახვლედიანმა პრესკონფერენციაზე განაცხადა, ღრმაწყლოვანი პორტის მშენებლობისთვის საჭირო მიწები სახელმწიფოს ბალანსზეა.

 

რაც შეეხება პირგასამტეხლოს, ახვლედიანის თქმით, მან არ იცის, რაზე საუბრობს ვიცე-პრემიერი მაია ცქიტიშვილი, როდესაც ამბობს, რომ კონსორციუმს პირგასამტეხლოს თანხის გადახდა მოუწევს.

 

„მიწებთან დაკავშირებით გაფორმებულია აღნაგობა, დასაბრუნებელი არაფერი არ არის იმიტომ, რომ სახელმწიფოს ბალანსზეა ის 340 ჰექტარი. ჩვენ ეს მიწები გადმოგვეცა აღნაგობით. თუ ხელშეკრულება შეწყდება, ავტომატურად აღნაგობის ხელშეკრულებებიც წყდება და ბრუნდება ბალანსზე. პირგასამტეხლოსთან დაკავშირებით მიჭირს საუბარი, რას გულისხმობს ვიცე-პრემიერი. არ მიმიღია კონკრეტული ინფორმაცია ამასთან დაკავშირებით. ხელშეკრულებით იმდენი ჯარიმებია გათვალისწინებული, რომ მთელი ნუსხა არის 3-გვერდიანი, ამიტომ, რომელ ჯარიმებზეა საუბარი ზუსტად ვერ გეტყვით“,- განაცხადა ახვლედიანმა.

 

ცნობისთვის, საქართველოს რეგიონული განვითარების და ინფრასტრუქტურის მინისტრის, მაია ცქიტიშვილის განცხადებით, „ანაკლიის განვითარების კონსორციუმს“ დარიცხული პირგასამტეხლოს გადახდა მოუწევს. მინისტრს არ დაუკონკრეტებია, რა თანხას შეადგენს ამ დროისთვის პირგასამტეხლო, თუმცა აღნიშნა, რომ სახელმწიფომ „ანაკლიის განვითარების კონსორციუმს“ 10 მილიონი დოლარის პირგასამტეხლო უკვე აპატია. ამასთან, ცქიტიშვილის განცხადებით, „ანაკლიის განვითარების კონსორციუმს“ ასევე მოუწევს სახელმწიფოს დაუბრუნოს გადაცემული მიწები და ღრმაწყლოვანი პორტის პროექტი.

მიუხედავად იმისა, რომ სამართლებრივი რეფორმები, რომლებიც არეგულირებენ საქართველოში უზენაესი სასამართლოს მოსამართლეების დანიშვნის საკითხს, მართლმსაჯულების სფეროს დამოუკიდებლობის გაუმჯობესებისაკენ გადადგმული მნიშვნელოვანი ნაბიჯია, ისინი მაინც ვერ უზრუნველყოფენ მკაფიოდ განსაზღვრულ და ობიექტურ კრიტერიუმებზე დაფუძნებულ მიუკერძოებელ პროცესს, რომელიც თავისუფალი იქნება მიკერძოებული პოლიტიკის გავლენისგან,- ამის შესახებ ნათქვამია ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) დღეს გამოქვეყნებულ მონიტორინგის მეორე ანგარიშში.

 

როგორც ანგარიშშია აღნიშნული, მოსამართლეების დანიშვნის საბოლოო პლენარული კენჭისყრის პროცესი გაიმართა პოლიტიკური კრიზისის დროს, ოპოზიციის ბოიკოტისა და გადავადების ფართოდ გავრცელებული მოთხოვნის ფონზე. ანგარიშის თანახმად, პროცესის გაგრძელების შესახებ გადაწყვეტილება, მიმდინარე პოლიტიკური გარემოს მიუხედავად ეჭვქვეშ აყენებს ხელისუფლების გულწრფელობას, განცხადებულ მიზანთან დაკავშირებით, რომ პროცესი იყოს ღია და გამჭვირვალე, რომელიც მოიპოვებდა ფართო პოლიტიკურ მხარდაჭერას და გააძლიერებდა საზოგადოების ნდობას სასამართლო სისტემისადმი.

 

"ჩვენ გვთხოვეს, განგვეხორციელებინა საქართველოში მოსამართლეთა დანიშვნის პროცესის დამოუკიდებელი შეფასება ქვეყნაში მიმდინარე პოლიტიკური მოვლენების კრიტიკულ პერიოდში. ჩვენ განვსაზღვრეთ რიგი ხარვეზებისა, რომლებზეც ვიმედოვნებ გავაგრძელებ მუშაობას საქართველოს ხელისუფლებასთან ახლო მომავალში. ჩვენი რეკომენდაციებით მიზნად ვისახავთ ხელი შევუწყოთ მოსამართლეების დანიშვნის შესახებ საკანონმდებლო ჩარჩოს გაუმჯობესებას და გარდა ამისა, ნებისმიერ გადაწყვეტილებას სისტემასთან დაკავშირებით, რომლებიც მიღებულ უნდა იქნას კოლეგიალურ გარემოსა და დიალოგის რეჟიმში”, - განაცხადა ODIHR-ის დირექტორმა ინგიბორგ სოლრუნ გისლადოტირმა.

 

"იუსტიციის უმაღლეს საბჭოში კანდიდატურების წარდგენის პროცესის და დანიშვნის პროცესის შესახებ პირველ ანგარიშის დასრულების შემდეგ, ODIHR-ის მონიტორინგის ჯგუფი აკვირდებოდა იუსტიციის უმაღლესი საბჭოს მიერ ნომინირებული 20 კანდიდატის გასაუბრებას, კომიტეტის ხმის მიცემისა და საბოლოო პლენარული კენჭისყრის პროცესს. მიუხედავად რამდენიმე პოზიტიური ასპექტისა, მათი საბოლოო შეფასებით, არც იუსტიციის უმაღლეს საბჭოს და არც პარლამენტს არ მიუღიათ შესაბამისი ზომები შერჩევის პროცესის დროს ობიექტურობის, სამართლიანობის ან შესაბამისობის უზრუნველსაყოფად.

 

დადებით მხარედ შეიძლება აღინიშნოს, რომ გასაუბრება იუსტიციის უმაღლეს საბჭოსა და პარლამენტში ზოგადად იყო ღია და გამჭვირვალე, რაც იძლეოდა კანდიდატებისა და ზოგადად პროცესის საჯარო შესწავლის საშუალებას. პარლამენტმა ასევე მოიწვია პროცესში მონაწილე ძირითადი ორგანიზაციები, მათ შორის ომბუდსმენის ოფისის, სამოქალაქო საზოგადოების, სამართლებრივი საზოგადოების და აკადემიური წრეების წარმომადგენლები, რომლებმაც ხელი შეუწყეს გასაუბრების ხარისხსა და ღიაობას.

 

თუმცა, ის ფაქტი, რომ პარლამენტმა გადამწყვეტი როლი ითამაშა მოსამართლეების დანიშვნის პროცესში და რომ პროცესი არ იყო დაცული მიკერძოებული პოლიტიკისაგან, ეწინააღმდეგება საერთაშორისო კარგ პრაქტიკას. დამკვირვებლები აღნიშნავდნენ, რომ პოლიტიკური სპექტრის სხვადასხვა მხარეს მდგომი პარლამენტის წევრები იყენებდნენ გასაუბრებებს, როგორც პოლიტიკურ პლატფორმას და ინტერვიუებით ვერ მოხდა ბევრი კანდიდატის შესაბამისობის შესახებ საზოგადოებაში ფართოდ გავრცელებული შეშფოთების ჩაწყნარება.

 

ODIHR-მა დაიწყო ზემოხსენებული პროცესის მონიტორინგი საქართველოს ომბუდსმენის მოთხოვნის საფუძველზე. ყველა დამკვირვებელი მკაცრად ემორჩილებოდა მიუკერძოებლობის პრინციპს. აგრეთვე უზრუნველყოფილი იყო მათი ჩაურევლობა თავად პროცესში. მონიტორინგის ჯგუფის მუშაობა დაიწყო 2019 წლის ივნისში და მოიცავდა იუსტიციის უმაღლესი საბჭოს წინაშე 49 და იურიდიულ კომიტეტის წინაშე 20 კანდიდატის ინტერვიუებზე დაკვირვებას. ისინი ასევე ყურადღებით აკვირდებოდნენ 2019 წლის დეკემბერში პარლამენტის საბოლოო კენჭისყრის სესიას", - ნათქვამია ინფორმაციაში.

საქართველოს რეგიონული განვითარების და ინფრასტრუქტურის მინისტრის, მაია ცქიტიშვილის განცხადებით, „ანაკლიის განვითარების კონსორციუმს“ დარიცხული პირგასამტეხლოს გადახდა მოუწევს.

 

მინისტრს არ დაუკონკრეტებია, რა თანხას შეადგენს ამ დროისთვის პირგასამტეხლო, თუმცა აღნიშნა, რომ სახელმწიფომ „ანაკლიის განვითარების კონსორციუმს“ 10 მილიონი დოლარის პირგასამტეხლო უკვე აპატია.

 

ამასთან, მისივე განცხადებით, „ანაკლიის განვითარების კონსორციუმს“ ასევე მოუწევს სახელმწიფოს დაუბრუნოს გადაცემული მიწები და ღრმაწყლოვანი პორტის პროექტი.

 

„პირგასამტეხლოსთან დაკავშირებით უკვე იქნა ნაპატიები 10 მილიონ დოლარზე მეტი პირგასამტეხლო, რა თანხაც უკვე გაწეული შეღავათია სახელმწიფოს მხრიდან. დღეის მდგომარეობით კონსორციუმს აქვს კიდევ დარიცხული გარკვეული პირგასამტეხლო და შესაბამისად, ამ პირგასამტეხლოს ანაზრაურების საკითხი, ისევე, როგორც შემდგომი იურიდიული პროცედურები, ბუნებრივია, იქნება დაწყებული. რა თქმა უნდა, ეს გულისხმობს იმასაც, რომ კონსორციუმმა უნდა მოახდინოს სახელმწიფოს მხრიდან გადაცემული მიწების დაბრუნება, ბუნებრივია, უნდა მოხდეს საპროექტო დოკუმენტაციის დაბრუნება სახელმწიფოსთვის. მთელი ეს პროცედურები გაწერილია ხელშეკრულებაში და ზედმიწევნით მივყვებით ხელშეკრულების მოთხოვნებს“, - განაცხადა ცქიტიშვილმა.

 

შეგახსენებთ, რომ საქართველოს მთავრობა „ანაკლიის განვითარების კონსორციუმთან“ ხელშეკრულებას წყვეტს და შესაბამისი სამართლებრივი პროცედურების გატარებას იწყებს. აღნიშნულ საკითხზე მთავრობის დღევანდელ სხდომაზე იმსჯელეს და გადაწყვეტილება მიიღეს.

ექსკლუზიური

არქივი

« « » » ივლისი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?