Global Press

Georgia

Global PressGlobal PressGlobal PressGlobal Press

USD
2.7756
EUR
3.1001
RUR
0.0432
GBP
3.5153

„ევროპული საქართველოს“ ინფორმაციით, ჰააგაში საქართველოს მიერ რუსეთის წინააღმდეგ შეტანილ სარჩელზე რუსეთმა საპასუხო სარჩელი მოამზადა, რომელშიც არგუმენტებად მოყვანილია ციტატები სალომე ზურაბიშვილის წიგნიდან.

 

„ევროპული საქართველოს“ პრეზიდენტობის კანდიდატმა დავით ბაქრაძემ დღეს გამართულ პრესკონფერენციაზე მედიას წარუდგინა ამონაწერი საერთაშორისო მართლმსაჯულების სასამართლოდან, რომლითაც, მისი თქმით, დასტურდება, თუ რამდენად სახიფათოა ზურაბიშვილის განცხადებები საქართველოსთვის.

 

„დღეს წარმოდგენილი გვაქვს დოკუმენტი, ნაწილი, ამონაბეჭდი რუსეთის საპასუხო სარჩელიდან და ამ სარჩელში ციტატის და არგუმენტის სახით პირდაპირ არის მითითებული ქალბატონ ზურაბიშვილის წიგნი. კერძოდ, ამ ფრაგმენტში, რომელიც ჩვენ მოვიყვანეთ მითითებული არის 137 – 139 გვერდები, ის მოსაზრებები, რომელიც მას აქვს ჩამოყალიბებული. კიდევ ერთხელ დასტურდება, რომ მისი განცხადებები არის საშიში და დამაზიანებელი საქართველოს ეროვნული უსაფრთხოებისთვის, მისი განცხადებები არის საშიში და დამაზიანებელი საქართველოს გაერთიანების პერსპექტივისთვის. ჩვენ ვირჩევთ პრეზიდენტს, რომელიც უნდა იყოს საქართველოს ერთიანობის და ტერიტორიული მთლიანობის გარანტი, ჩვენ ვირჩევთ პრეზიდენტს, რომელიც უნდა იყოს ჩვენი დეოკუპაციის და დევნილების საკუთარ სახლებში დაბრუნების გარანტი და ამ დროს ხელისუფლება გვთავაზობს კანდიდატს, რომლის ციტატებსაც არგუმენტის სახით იყენებს ოკუპანტი ჰააგის საერთაშორისო სასამართლოში საქართველოს წინააღმდეგ, ჩვენი მთლიანობის წინააღმდეგ და ჩვენი დევნილების დაბრუნების წინააღმდეგ. ეს ფაქტი კიდევ ერთხელ ადასტურებს, რომ საზოგადოებამ არ უნდა დაუშვას ქალბატონი ზურაბიშვილის არჩევა პრეზიდენტად, ვინაიდან ეს ადამიანი უკვე აზიანებს საქართველოს ინტერესს, ხოლო თუ ის იქნება საქართველოს პრეზიდენტი, მის მიერ მიყენებული ზიანი ჩვენი ეროვნული ინტერესებისთვის იქნება განუზომლად უფრო მეტი. დღეს წარმოვადგენთ საჯაროდ ამონაწერს რუსეთის სარჩელიდან, რათა ყველა დარწმუნდეს, რომ ეს არის ფაქტი და მართლაც რუსეთის ფედერაცია, ოკუპანტი საქართველოს საპასუხო სარჩელში იყენებს სწორედ სალომე ზურაბიშვილის ციტატებს“, - განაცხადა დავით ბაქრაძემ.

თბილისიდან რუსთავამდე შესაძლოა, მეტროს ხაზი გაკეთდეს. ამის შესახებ თბილისის მერმა კახა კალაძემ „მწვანე პოლიტიკა - ეკოტრანსპორტის“ პრეზენტაციის დასრულების შემდეგ ჟურნალისტებს განუცხადა.

 

როგორც კალაძემ აღნიშნა, მერია პროექტის განსახორციელებლად კვლევას უკვეთავს, რომელიც რამენიმე თვეში დასრულდება.

 

„დღეს წარმოვადგინეთ ძალიან მნიშვნელოვანი პროექტი, რომელიც არის სიახლე ჩვენი ქალაქისთვის და დარწმუნებული ვარ, დედაქალაქის მოსახლეობა იქნება კმაყოფილი ამ პროექტის განხორციელებით. მეტრო არის საზოგადოებრივი ტრანსპორტი, რომლითაც ყველაზე მეტი ადამიანი სარგებლობს. ვიწყებთ 2019 წლიდან ახალ მიმართულებას, მიწისზედა მეტროს განვითარებას სამგორიდან ლილოს მიმართულებით. ამ კონკრეტულ მონაკვეთზე მოეწყობა 8 ახალი მეტროსადგური, ასევე სამგორიდან შესაძლებელი იქნება აეროპორტის მიმართულებით მგზავრობა. პირველ ეტაპზე 6-6 შემადგენლობა იქნება და მოცდის დრო დაახლოებით, 10 წუთი; თუმცა, მომდევნო წლების განმავლობაში მოცდის დროს შევამცირებთ და მატარებლების რაოდენობას გავზრდით ამ მონაკვეთზე. 90 მილიონი ჯდება პროექტის განხორციელება. ვიწყებთ 2019 წლიდან და 2021-2022 წლისთვის იქნება მთლიანად დასრულებული. ასევე, ვმუშაობთ ამ პროექტის მეორე ნაწილზე, ვუკვეთავთ კვლევას, რუსთავის მიმართულებით რამდენად შესაძლებელი და სწორი იქნება ამ პროექტის განხორციელება, ანუ მეტროთი რუსთავთან დაკავშირება. როდესაც გვექნება კვლევის შედეგები, მივიღებთ გადაწყვეტილებას. კვლევას რამდენიმე თვე დასჭირდება“, - განაცხადა კალაძემ.

სამგორი-ლილოს, სამგორი -აეროპორტის მიმართულებით მიწისზედა მეტროს პროექტის ფარგლებში, 8 ახალი სადგური აშენდება, - ამის შესახებ თბილისის მერმა კახა კალაძემ „მწვანე პოლიტიკა - ეკოტრანსპორტის“ პრეზენტაციაზე განაცხადა.

 

როგორც კახა კალაძემ აღნიშნა, მეტროს ეს ხაზი 200 000-ზე მეტ ადამიანს მოემსახურება.

 

„ცენტრალური ხელისუფლების მხარდაჭერითა და თანადგომით თბილისის მერია განახორციელებს ახალ პროექტს, რომელიც 2019 წლის ბოლოს დაიწყება - თბილისში ახალი მიწისზედა მეტროს მშენებლობა სამგორიდან ლილოს მიმართულებით და ასევე სამგორი-აეროპორტი, აეროპორტი-სამგორის მიმართულებით. დარწმუნებული ვარ, რომ ეს არის ერთ-ერთი უმნიშვნელოვანესი პროექტი. დაახლოებით, 8 ახალი სადგური აშენდება ამ პროექტის ფარგლებში, დაიხარჯება 90 მილიონი დოლარი, აქედან 30 მილიონამდე არის მხოლოდ მეტროს ვაგონების ღირებულება, დანარჩენი კი, ინფრასტრუქტურის მოწყობას მოხმარდება. ეს არის ძალიან მნიშვნელოვანი პროექტი, რომელიც 200 000-ზე მეტ ადამიანს მოემსახურება. პირველ ეტაპზე ამ მიმართულებით 6 სრულიად ახალი მოძრავი შემადგენლობა იმოძრავებს და მოცდის შუალედი პირველ ეტაპზე 10 წუთი იქნება, თუმცა, რა თქმა უნდა, მომდევნო წლებში ჩვენ ვაგონების რაოდენობას გავზრდით და მოცდის დროს შევამცირებთ“, - განაცხადა კალაძემ.

 

როგორც თბილისის მერმა „მწვანე პოლიტიკა - ეკოტრანსპორტის“ პრეზენტაციის დასრულების შემდეგ ჟურნალისტებს განუცხადა, სამგორი-ლილო, ლილო-აეროპორტის მიწისზედა მეტროს მშენებლობა 2022 წელს დასრულდება.

 

მისივე თქმით, მერია ამ პროექტის მეორე ნაწილზეც მუშაობს, კერძოდ, ლილო-რუსთავის მიწისზედა მეტროთი დაკავშირებაზე.

 

„დღეს წარმოვადგინეთ ძალიან მნიშვნელოვანი პროექტი, რომელიც არის სიახლე ჩვენი ქალაქისთვის და დარწმუნებული ვარ, დედაქალაქის მოსახლეობა იქნება კმაყოფილი ამ პროექტის განხორციელებით. მეტრო არის საზოგადოებრივი ტრანსპორტი, რომლითაც ყველაზე მეტი ადამიანი სარგებლობს. ვიწყებთ 2019 წლიდან ახალ მიმართულებას, მიწისზედა მეტროს განვითარებას სამგორიდან ლილოს მიმართულებით. ამ კონკრეტულ მონაკვეთზე მოეწყობა 8 ახალი მეტროსადგური, ასევე სამგორიდან შესაძლებელი იქნება აეროპორტის მიმართულებით მგზავრობა. პირველ ეტაპზე 6-6 შემადგენლობა იქნება და მოცდის დრო დაახლოებით, 10 წუთი; თუმცა, მომდევნო წლების განმავლობაში მოცდის დროს შევამცირებთ და მატარებლების რაოდენობას გავზრდით ამ მონაკვეთზე. 90 მილიონი ჯდება პროექტის განხორციელება. ვიწყებთ 2019 წლიდან და 2021-2022 წლისთვის იქნება მთლიანად დასრულებული. ასევე, ვმუშაობთ ამ პროექტის მეორე ნაწილზე, ვუკვეთავთ კვლევას, რუსთავის მიმართულებით რამდენად შესაძლებელი და სწორი იქნება ამ პროექტის განხორციელება, ანუ მეტროთი რუსთავთან დაკავშირება. როდესაც გვექნება კვლევის შედეგები მივიღებთ გადაწყვეტილებას. კვლევას რამდენიმე თვე დასჭირდება“, - განაცხადა კალაძემ.

საქართველოში შესაძლოა, ელექტრომობილების ქარხანა აშენდეს. ამის შესახებ პრემიერ-მინისტრმა მამუკა ბახტაძემ „მწვანე პოლიტიკა - ეკოტრანსპორტის“ პრეზენტაციაზე განაცხადა.

 

პრემიერის თქმით, მთავრობა უკვე აწარმოებს მოლაპარაკებებს ორ მსხვილ მწარმოებელთან, რათა საქართველოში ელექტრომობილების ქარხანა აშენდეს. ამასთან, ბახტაძემ ელექტრომობილების ახალი სალიზინგო სქემებისთვის სტიმულის მიცემაზეც ისაუბრა.

 

„ჩვენ ძალიან მნიშვნელოვან ფისკალურ სტიმულს მივცემთ ისეთ სალიზინგო სქემების ამუშავებას საქართველოში, რომლის მიხედვითაც, მომხმარებელი შეიძენს ელექტროავტომობილს და ფაქტობრივად იმ ხარჯის ეკონომიით, რასაც მიიღებს საწვავიდან დანაზოგი სახსრების მეშვეობით, 5 წლიან ვადაში გამოისყიდის ავტომობილს, ფაქტობრივად, დამატებითი ხარჯების გარეშე. ბუნებრივია, ეს ქმნის ძალიან მნიშვნელოვან უპირატესობებს. ეს ნიშნავს იმას, რომ საქართველოში გაგვიჩნდება ბაზარი, საკმაოდ მსხვილი და ჩვენ უკვე ვაწარმოებთ ორ ყველაზე მსხვილ ბრენდთან მოლაპარაკებას, რომ საქართველოში აშენდეს ელექტრომობილების ქარხანა“, - განაცხადა მამუკა ბახტაძემ

2021 წლამდე ქალაქის მასშტაბით ავტობუსის ზოლები, ე.წ. ბასლაინები მოეწყობა. ამის შესახებ თბილისის მერმა კახა კალაძემ „მწვანე პოლიტიკა - ეკოტრანსპორტის“ პრეზენტაციაზე განაცხადა.

 

როგორც კალაძემ აღნიშნა, უკვე ცნობილია ის ადგილები, სადაც ავტობუსის ზოლები მოეწყობა.

 

„პრაქტიკულად უკვე სრულდება სატრანსოპორტო სისტემის განახლებისა და ტრანსპორტზე ხელმისაწვდომობის გაზრდის მიზნით ჩატარებული კვლევა, რომელსაც კომპანია „სისტრა“ აკეთებს. ჩვენ EBRD -ის გან მივიღეთ გრანტი, დაახლოებით 1 მილიონი ჯდება ამ კვლევის ჩატარება, რომელიც იანვარში დაიწყო და წლის ბოლოს დასრულდება. ამის შემდეგ გვექნება ქალაქის სატრანსპორტო მასტერპლანი, რომელიც ჩვენს დედაქალაქის არასდროს ჰქონია. ჩვენ გვეცოდინება როგორ უნდა დაუკავშირდეს ერთმანეთს საზოგადოებრივი ტრანსპორტი - მეტრო ავტობუსი; ასევე გვეცოდინება გვჭირდება თუ არა ჩვენ მიკროავტობუსები ქალაქში და ა.შ. წლის ბოლოს ეს კვლევა დასრულებული იქნება.

 

2021 წლამდე ქალაქის მასშტაბით ავტობუსის ზოლები, ე.წ. ბასლაინები მოეწყობა იმისთვის, რომ ავტობუსით, საზოგადოებრივი ტრანსპორტით გადაადგილება იყოს სწრაფი და კომფორტული. უკვე გვაქვს სქემები. ჩვენთან ერთად მუშაობს საერთაშორისო საფინანსო ორგანიზაციების ექსპერტები და მათი დახმარებით უკვე მთელი ქალაქის მასშტაბით შემუშავებულია კონკრეტული ადგილები, სადაც ავტობუსისთვის სწრაფი გადაადგილების ზოლები უნდა გაკეთდეს“, - განაცხადა კახა კალაძემ.

საქართველოს მთავრობამ შეიმუშავა გეგმა, რომლის მიხედვითაც შემდეგი 10 წლის განმავლობაში საქართველოში მოქმედი ავტოპარკის 90% ჩანაცვლდება ელექტრომობილებით, - ამის შესახებ საქართველოს პრემიერ-მინისტრმა მამუკა ბახტაძემ „მწვანე პოლიტიკა - ეკოტრანსპორტის“ პრეზენტაციაზე განაცხადა. მისი თქმით, მწვანე ეკონომიკა არის რეფორმების მთავარი ქვაკუთხედი.

 

„2 თვის წინ, ზუსტად ამ ადგილას, მე გავაკეთე პრეზენტაცია ჩვენი ხედვის შესახებ, რომელიც უკავშირდება მწვანე პოლიტიკას და მწვანე ეკონომიკას. მწვანე ეკონომიკა არის ჩვენი რეფორმების მთავარი ქვაკუთხედი. ეს ხედვა მოიცავს ძალიან ბევრ მიმართულებას როგორიც არის სოფლის მეურნეობა, საწვავის სტანდარტი, ტრანსპორტი და ა.შ. საქართველოს მთავრობამ შეიმუშავა გეგმა, რომლის მიხედვითაც, შემდეგი 10 წლის განმავლობაში საქართველოში მოქმედი ავტოპარკის 90% ჩანაცვლდება ელექტრომობილებით. ეს არის ძალიან ამბიციური გეგმა, თუმცა, ამავდროულად, ეს გეგმა დიდ უპირატესობას მოუტანს საქართველოს“, - განაცხადა ბახტაძემ.

ტუბერკულოზისა და ფილტვის დაავადებათა ეროვნული ცენტრის დირექტორის, ზაზა ავალიანის ინფორმაციით, მიუხედავად იმისა, რომ საქართველოში ტუბერკულოზის საერთო კლების ტენდენცია შეინიშნება, დაავადების ე.წ წამალგამძლე ფორმები მაინც რჩება, რის გამოც, მისი გავრცელების თავიდან აცილების მიზნით, შესაძლოა, დაავადებული პირის იზოლაციის საჭიროება დადგეს.

 

როგორც ზაზა ავალიანმა „ინტერპრესნიუსს“ განუცხადა, საქართველოში ტუბერკულოზის სხვადასხვა ფორმით დაახლოებით, 3 000 ადამიანია დაავადებული, თუმცა 2017 წლის 1-ელი იანვრიდან, რაც „ტუბერკულოზის კონტროლის შესახებ“ კანონით, ტუბერკულოზის გადამდები ფორმით დაავადებული ადამიანების არანებაყოფლობითი იზოლაცია უნდა დაწყებულიყო, მსგავსი ფაქტი ჯერ არ დაფიქსირებულა.

 

„პრობლემის არსი მდგომარეობს იმაში, რომ მართალია, საქართველოში ტუბერკულოზის საერთო კლების ტენდენცია შეინიშნება, მაგრამ სამწუხაროდ, მაინც რჩება ე.წ წამალგამძლე ფორმების არსებობა. ეს დადსტურებული ფაქტია და თუ ის გადამდები ფორმითაა, უკვე საზოგადოებისთვის ქმნის საფრთხეს.

 

საბედნიეროდ, ისეთი ტიპის ბენეფიციარები, ვის შემთხვევაშიც არანებაყოფლობითი იზოლაცია უნდა მომხდარიყო, არ გამოვლენილა. პროგრამამ მეტ-ნაკლებად, ყველას მიხედა. ცხადია, ტუბერკულოზის მკურნალობა ასეთი მარტივი არ არის, რადგან ეს გარკვეულ სოციალურ საკითხებთან არის შეჭიდებული. ამ პროგრამამ თავისი გარკვეული საქმე უკვე გააკეთა და მოსახლეობა გააფრთხილა, რომ თუ იქნება გადაცდომა, თუ იქნება მცდელობა, რომ თავი აარიდონ მკურნალობას, მათ არანებაყოფლობით იზოლაციაში ყოფნა მოუწევთ, რათა არ დაასნებოვნონ საზოგადოების სხვა წევრები“, - აღნიშნა ზაზა ავალიანმა.

 

ზაზა ავალიანის ინფორმაციით, ტუბერკულოზის გადამდები ფორმით დაავადებულ ადამიანს შეუძლია, წლის განმავლობაში, 10-15 ადამიანი დაასნებოვნოს და ეს გახდა ერთ-ერთი მიზეზი, რის გამოც ტუბერკულოზით დაავადებულის არანებაყოფლობით იზოლაციასთან დაკავშირებული რეგულაცია მიიღეს. მისივე განმარტებით, პირის არანებაყოფლობით იზოლაციაში მოთავსებასთან დაკავშირებით გადაწყვეტილებას სასამართლო იღებს, ხოლო თუ მის აღსრულებაზე ტუბერკულოზით დაავადებულმა პირმა უარი თქვა, ზაზა ავალიანის განმარტებით, საქმეში სამართალდამცავი ორგანოები ერთვებიან.

 

ამასთან, ტუბერკულოზისა და ფილტვის დაავადებათა ეროვნული ცენტრის დირექტორის ინფორმაციით, მიუხედავად იმისა, რომ საქართველოში ტუბერკულოზთან ბრძოლის ერთიანი ქსელი არსებობს, რომელიც როგორც ჩვენს, კონკრეტულ რეფერალურ ცენტრს, ასევე 10 რეგიონულ ცენტრსა და 64 ტუბსაწინააღმდეგო კაბინეტს მოიცავს, შეიძლება შეიქმნას ერთიანი სტრუქტურა, სადაც ტუბერკულოზით დაავადებული პირების არანებაყოფლობითი იზოლაცია მოხდება, თუმცა, ზაზა ავალიანის თქმით, ამჟამად არსებული რესურსი საკმარისია.

იანვარ-სექტემბერში 10 უმსხვილესი საექსპორტო ქვეყნის წილმა საქართველოს მთლიან ექსპორტში 71.8 პროცენტი შეადგინა. ამის შესახებ „ინტერპრესნიუსს“ სტატისტიკის ეროვნული სამსახურიდან აცნობეს. მათივე ინფორმაციით, უმსხვილესი პარტნიორი სამეული შემდეგნაირად გამოიყურება: აზერბაიჯანი (343.0 მლნ. აშშ დოლარი), რუსეთი (314.7 მლნ. აშშ დოლარი) და სომხეთი (199.2 მლნ. აშშ დოლარი).

 

ამასთან, საქსტატის ცნობით, 2018 წლის იანვარ-სექტემბერში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 64.9 პროცენტი შეადგინა. პირველ სამეულში შედის: თურქეთი(1 059.3 მლნ. აშშ დოლარი), რუსეთი (675.6 მლნ. აშშ დოლარი) და ჩინეთი (647.9 მლნ. აშშ დოლარი).

 

ასევე, 2018 წლის იანვარ-სექტემბერში ათი უმსხვილესი სავაჭრო პარტნიორი ქვეყნის წილმა

 

საქართველოს მთლიან საგარეო სავაჭრო ბრუნვაში 65.9 პროცენტი შეადგინა. უმსხვილესი სავაჭრო პარტნიორებია თურქეთი (1 253.9 მლნ. აშშ დოლარი), რუსეთი (990.3 მლნ. აშშ დოლარი) და ჩინეთი (810.7 მლნ. აშშ დოლარი). ხოლო, 2018 წლის იანვარ-სექტემბერში, სასაქონლო ჯგუფებიდან, საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 375.3 მლნ. აშშ დოლარით, რაც მთელი ექსპორტის 15.3 პროცენტს შეადგენს. მეორე ადგილს იკავებს მსუბუქი ავტომობილების ექსპორტი, 279.5 მლნ. აშშ დოლარით (მთლიანი ექსპორტის 11.4 პროცენტი), ხოლო მესამე ადგილზეა ფეროშენადნობები, 271.9 მლნ. აშშ დოლარი (1 1.1 პროცენტი).

 

„უმსხვილესი საიმპორტო სასაქონლო ჯგუფი 2018 წლის იანვარ-სექტემბერში წარმოდგენილი იყო ნავთობისა და ნავთობპროდუქტების სახით, რომლის იმპორტმა 644.4 მლნ. აშშ დოლარი და მთელი იმპორტის 9.7 პროცენტი შეადგინა. მეორე ადგილს იკავებდა მსუბუქი ავტომობილების იმპორტი 438.0 მლნ. აშშ დოლარით (იმპორტის 6.6 პროცენტი), ხოლო მესამე ადგილზეა სპილენძის მადნები და კონცენტრატები, 296.0 მლნ. აშშ დოლარით (იმპ ორტის 4.4 პროცენტი)”, - აღნიშნულია სტატისტიკურ მონაცმებში.

ეკონომიკისა და მდგრადი განვითარების სამინისტრო ტექინსპექტირების 10-ვე ცენტრს გამოძიების დასრულებამდე საქმიანობის ლიცენზიას შეუჩერებს, - ამის შესახებ ჟურნალისტებს ეკონომიკის მინისტრის მოადგილე აკაკი საღირაშვილმა განუცხადა.

 

მინისტრის მოადგილის თქმით, მათთვის ძალიან მნიშვნელოვანია ტექინსპექტირების ეს რეფორმა ჩატარდეს გამჭვირვალედ და საზოგადოების ინტერესების დაცვით. მისივე განმარტებით, სამინისტრო მადლობას უხდის ფინანსთა სამინისტროს საგამოძიებო სამსახურს, რომელმაც დროული და მყისიერი რეაგირება მოახდინა მათ მიმართვაზე და გამოავლინა ტექინსპექტირების ცენტრებში არსებული დარღვევები.

 

"ამ ეტაპზე ჩვენ ვგეგმავთ ავამოქმედოთ შეჩერების მექანიზმი 10-ვე ცენტრის მიმართ, ხოლო გამოძიების შედეგებიდან გამომდინარე, არ გამოვრიცხავთ, რომ შემდგომ ეტაპზე საერთოდ მათი საქმიანობის ლიცენზიის გაუქმების საკითხი დავაყენოთ. თავის დროზე ჩვენ ყველას შევუწყეთ ხელი, რათა მათი ცენტრები მოეყვანათ ტექნიკური რეგლამენტით გათვალისწინებულ ნორმებთან. სამწუხაროდ, როგორც ჩანს, ყველა ცენტრმა არ დაიცვა კეთილსინდისიერი თამაშის წესები. ასეთი ცენტრების მიმართ ჩვენ ყოველთვის ვიქნებით მკაცრი და კანონის მოთხოვნათა შესაბამისად ვიმოქმედებთ", - განაცხადა მინისტრის მოადგილემ.

 

მისივე თქმით, სამინისტრო გეგმავს ტექნიკურ რეგლამენტში შეიტანოს ცვლილება, რათა ცენტრებზე მონიტორინგის უფრო ეფექტური მექანიზმები დანერგონ.

 

როგორც მინისტრის მოადგილემ აღნიშნა, სულ ქვეყანაში ტექინსპექტირების 40 ცენტრი არსებობს.

 

ფინანსთა სამინისტროს საგამოძიებო სამსახურმა ავტოსატრანსპორტო საშუალებებზე ტექნიკური ინსპექტირების ყალბი ანგარიშების გაცემის ფაქტები გამოავლინა. უწყების ცნობით, თბილისში, სამეგრელო-ზემო სვანეთის, იმერეთის, კახეთისა და მცხეთა-მთიანეთის რეგიონებში, გამოვლინდა ტექნიკური ინსპექტირების განმახორციელებელი 10 ცენტრი, რომლის თანამშრომლები როგორც მუნიციპალური, ასევე, კერძო მფლობელობაში არსებული ავტოსატრანსპორტო საშუალებების შემოწმებისას, მიუხედავად მათი ვიზუალური ან/და ტექნიკური დაზიანებებისა, ტექნიკური ინსპექტირების დადებითად გავლის ყალბ ანგარიშებს გასცემდნენ. მათივე ცნობით, გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე და 221-ე მუხლის მეოთხე ნაწილებით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.

ფინანსთა სამინისტროს საგამოძიებო სამსახურმა ავტოსატრანსპორტო საშუალებებზე ტექნიკური ინსპექტირების ყალბი ანგარიშების გაცემის ფაქტები გამოავლინა, - ამის შესახებ „GLOBAL PRESS“ საგამოძიებო სამსახურიდან აცნობეს.

 

მათივე ინფორმაციით, საქართველოს ფინანსთა სამინისტროს საგამოძიებო სამსახურის თანამშრომლებმა, ბოლო პერიოდში მიღებული ოპერატიული ინფორმაციების საფუძველზე დაიწყეს გამოძიება საქართველოს მასშტაბით, სხვადასხვა რეგიონში მდებარე ტექნიკური ინსპექტირების ცენტრების მიერ, საქართველოს მთავრობის დადგენილებით დამტკიცებული ტექნიკური რეგლამენტის მოთხოვნათა დარღვევით, ტექნიკურად გაუმართავ ავტოსატრანსპორტო საშუალებებზე, ტექნიკური ინსპექტირების დადებითი ანგარიშების კანონდარღვევით გაცემის ფაქტებზე.

 

გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, თბილისში, სამეგრელო-ზემო სვანეთის, იმერეთის, კახეთისა და მცხეთა-მთიანეთის რეგიონებში, გამოვლინდა ტექნიკური ინსპექტირების განმახორციელებელი 10 ცენტრი, რომლის თანამშრომლები როგორც მუნიციპალური, ასევე, კერძო მფლობელობაში არსებული ავტოსატრანსპორტო საშუალებების შემოწმებისას, მიუხედავად მათი ვიზუალური ან/და ტექნიკური დაზიანებებისა, ტექნიკური ინსპექტირების დადებითად გავლის ყალბ ანგარიშებს გასცემდნენ.

 

საგამოძიებო სამსახურის თანამშრომლებმა, სასამართლოს განჩინებების საფუძველზე, ტექნიკური ინსპექტირების ზემოაღნიშნულ ცენტრებში შესაბამისი საგამოძიებო მოქმედებები განახორციელეს. ამ ეტაპზე, ტარდება შესაბამისი ექსპერტიზები.

 

გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე და 221-ე მუხლის მეოთხე ნაწილებით, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.

წმინდა სინოდის სხდომაზე გადაწყდება, რა პოზიცია ექნება საქართველოს მართლმადიდებელ ეკლესიას უკრაინის ეკლესიის ავტოკეფალიასთან დაკავშირებით, - ამის შესახებ „ინტერპრესნიუსს“ პატრიარქის მდივანმა დეკანოზმა მიქაელ ბოტკოველმა განუცხადა, რომელმაც კომენტარი გააკეთა თუ რატომ არ აფიქსირებს საქართველო ამ დრომდე თავის პოზიციას ამ საკითხზე.

 

მამა მიქაელის თქმით, იმის გამო, რომ საქართველოს ტერიტორიის 20% რუსეთის მიერაა ოკუპირებული, ამიტომ არასწორია საქართველოს მართლმადიდებელმა ეკლესიამ უპირობოდ მხარი დაუჭიროს კონსტანტინოპოლის ეკლესიას.

 

მისივე განცხადებით, ქართული ეკლესია პოზიციის დაფიქსირებისგან თავს შეიკავებს, ვიდრე რუსეთისა და კონსტანტინოპოლის საპატრიარქოების პოზიციები საფუძვლიანად არ იქნება ჩამოყალიბებული და არგუმენტები საეკლესიო სამართლის ნორმებით გამყარებული.

 

„ეს არის უაღრესად მნიშვნელოვანი საკითხი, საკითხი, რომელიც ძალიან მძიმე შედეგებს შემოიტანს მართლმადიდებელ ეკლესიებს შორის ურთიერთობებში, თუ რა თქმა უნდა, ორ დიდ საპატრიარქოს შორის ეს კრიზისი კიდევ უფრო გაღრმავდება და რთულ ფორმებს მიიღებს. ამ ეტაპზე ჩვენ ვისმენთ ორ ეკლესიას შორის დავას ტერიტორიულ საზღვრებთან დაკავშირებით. კონსტანტინოპოლის ეკლესია ასაბუთებს, რომ მას აქვს უფლება ერთპიროვნულად მიიღოს გადაწყვეტილებები უკრაინასთან მიმართებაში და მოსკოვის საპატრიარქო ეწინააღმდეგება კონსტანტინოპოლის საპატრიარქოს ამ პოზიციას. მათ შორის დავა კანონიკური სამართლის ნორმებით უნდა გადაწყდეს, ეს უცილობელია. იმის გამო, რომ საქართველოს ტერიტორიის 20% რუსეთის მიერაა ოკუპირებული, უპირობოდ მხარი დავუჭიროთ კონსტანტინოპოლის ეკლესიას, არასწორია. ვიდრე არგუმენტები საფუძვლიანად არ იქნება ჩამოყალიბებული და საეკლესიო სამართლის ნორმებით არ იქნება ეს პოზიცია გამყარებული, მანამდე ჩვენ, რა თქმა უნდა, პოზიციის დაფიქსირებისგან თავს შევიკავებთ. ამავე დროს, დაველოდებით სხვა მართლმადიდებელი ეკლესიების პოზიციების დაფიქსირებას – როგორ ფიქრობენ ისინი და რა პოზიცია მიაჩნიათ მათ მართებულად. ამ პოზიციებში კარგად გარკვევის და შეჯერების შემდეგ, ამაზე უკვე წმინდა სინოდი იმსჯელებს, თუ რა პოზიცია უნდა დაიკავოს საქართველოს მართლმადიდებელმა ეკლესიამ. ეს საკითხი აუცილებლად წმინდა სინოდის სხდომაზე უნდა გადაწყდეს, რადგან მღვდელმთავრებმა აუცილებლად უნდა დააფიქსირონ თავიანთი პოზიცია ამ საკითხზე“, – განაცხადა მამა მიქაელმა.

 

დეკანოზისთვის ამ ეტაპზე უცნობია, თუ როდის გაიმართება წმინდა სინოდის სხდომა. მამა მიქაელი არ გამორიცხავს, რომ თუ აუცილებლობა იქნება, სინოდის სხდომის მოწვევა შეიძლება დაჩქარდეს.

საქართველო არ აჩვენებს მზაობას ერთობლივი მუშაობისთვის აფხაზეთთან და სამხრეთ ოსეთთან საზღვრებზე დაძაბულობის შემცირების კუთხით. ამის შესახებ ნათქვამია რუსეთის საგარეო უწყების ოფიციალური წარმომადგენლის მარია ზახაროვას განცხადებაში.

 

„იმისათვის, რომ დაკავებებს ადგილი არ ჰქონდეს, საჭიროა ხალხის ინფორმირება ახალი საზღვრის ხაზებზე და მათი გადაკვეთის წესებზე. საქართველო-აფხაზეთის და საქართველო-სამხრეთ ოსეთის ინციდენტების პრევენციისა და მათზე რეაგირების მექანიზმები ცხადყოფენ, რომ იქ, სადაც დაყენებულია ღობეები და საინფორმაციო სტენდები, უნებლიე დარღვევების რაოდენობა მცირდება, შესაბამისად ასევე მცირდება დაკავებების რაოდენობა. სამწუხაროდ, ქართველი პარტნიორები ჯერ კიდევ მზად არ არიან მონაწილეობა მიიღონ ერთობლივ მუშაობაში, რაც რეალურად შეამცირებს დაძაბულობას საზღვრისპირა ტერიტორიაზე. აფხაზეთის და სამხრეთ ოსეთის ძალისხმევა, რომლებიც ცალმხრივად აყენებენ გამაფრთხილებელ ნიშნებს და ღობეები, საკმარისი არ არის ამგვარი ინციდენტების ეფექტური პრევენციისთვის“, - ნათქვამია განცხადებაში.

 

რუსეთის საგარეო უწყებაში აღნიშნავენ, რომ „საზღვრები საქართველო და აფხაზეთს შორის და საქართველო და სამხრეთ ოსეთს შორის არაერთგვაროვნად არის ინტერპრეტირებული“.

 

„ხალხი, რომელიც სახელმწიფო საზღვრის სხვადასხვა მხარეს აღმოჩნდა, დამნაშავე არ არის და უფლება აქვთ მოითხოვონ, რომ ცხოვრების ახალი პირობები გასაგები და ნათელი იყოს, ვინაიდან ცხოვრება გრძელდება: ადგილობრივი მოსახლეობა, როგორც ადრე, დაკავებულია მიწათმოქმედებით, ნათესავებთან მიმოსვლით. პერიოდულად, ხშირად ისე რომ არ იციან, კვეთენ ახალი სახელმწიფო საზღვრების ხაზებს“, - აღნიშნულია განცხადებაში.

ექსკლუზიური

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?