Global Press

Georgia

Global PressGlobal PressGlobal PressGlobal Press

USD
2.9738
EUR
3.2902
RUR
0.0464
GBP
3.7027

უკრაინის საზღვაო ძალების სამი მცირე ზომის გემის “ბერდიანსკის”, “ნიკოპოლის” და “იანა კაპუს” ოცზე მეტი მეზღვაური რუსი ოკუპანტების მიერ არიან ტყვედ აყვანილი. ამის შესახებ უკრაინის შეიარაღებული ძალების გენერალური შტაბის ხელმძღვანელმა ვიქტორ მუჟენკამ განაცხადა.

 

“მეზღვაურების ბედი უცნობია. გვაქვს მხოლოდ ინფორმაცია იმის თაობაზე, რომ ექვსი მათგანი დაჭრილია. აქედან ორი მძიმედ. რუსეთის ქმედებების შემდეგ ჩვენ დავკარგეთ კავშირი ჩვენს გემებთან. სამივე გემზე სულ 23 ადამიანი იმყოფებოდა”,- განაცხადა მუჟენკამ

 

თავის მხრივ, უკრაინული გემებისთვის ცეცხლის გახსნის საპროტესტოდ კიევში რუსეთის საელჩოსთან შეიკრიბნენ უკრაინის მოქალაქეები, რომლებმაც რუსეთის საზღვაო ძალების აგრესიული ქმედებები გააპროტესტეს. დემონსტრანტებს საელჩოსთან საბურავების დაწვაც სურდათ, თუმცა პოლიციამ ამის უფლება მათ არ მისცა. აღსანიშნავია, რომ რუსეთის საელჩოს მახლობლად მოგვიანებით ცეცხლი გაუჩნდა საელჩოს ერთ-ერთ მანქანას. ადგილზე საელჩოსთან რამდენიმე ასეული უკრაინელი ამ დრომდე რჩება.

 

როგორც ცნობილია, უკრაინის სამხედრო საზღვაო ძალების გემებს, ქერჩის სრუტის დატოვებისას რუსეთის სასაზღვრო ძალების გემმა ცეცხლი გაუხსნა. ამის შესახებ ინფორმაცია უკრაინულმა მხარემ გაავრცელა.

 

არსებული ინფორმაციით, ორი მცირე ზომის საარტილერიო გემი “ბერდიანსკი” და “ნიკოპოლი” ოდესის პორტიდან მარიუპოლში გეგმიურ გადასვლას ახორციელებდნენ. გარდა ამისა, ძალადობრივად იყო შეჩერებული ბუქსირი “იანი კაპუ”. უკრაინული მხარე ასევე იუწყება, რომ აღნიშნული გემები რუსული მხარის მიერ არის დაკავებული. ინციდენტის შედეგად, დაჭრილია 6 უკრაინელი მეზღვაური.

უკრაინის პრეზიდენტი პეტრო პოროშენკო მხარს უჭერს ქვეყანაში საომარი მდგომარეობის შემოღებას.

 

“მე როგორც პრეზიდენტი და უკრაინის შეიარაღებული ძალების მთავარსარდალი მხარს ვუჭერ სამხედრო კომიტეტის გადაწყვეტილებას, უშიშროების საბჭოს სხდომაზე შესაბამისი გადაწყვეტილების გამოტანისა და საომარი მდგომარეობის შემოღებით უკრაინის პარლამენტისთვის მიმართვას”, - განაცხადა უკრაინის პრეზიდენტმა.

 

თავის მხრივ, უკრაინის უშიშროების საბჭოს მდივანმა ალექსანდრე ტურჩინოვმა მხარი დაუჭირა პრეზიდენტის განცხადებას. მისი თქმით, უკრაინაში საომარი მდგომარეობა 69 დღით შეიძლება იქნას შემოღებული.

 

აღნიშნულ ინიციატივას მხარი უკრაინის პარლამენტმა უნდა დაუჭიროს, რომელიც საკითხის განსახილველად დღეს შეიკრიბება.

 

როგორც ცნობილია, უკრაინის სამხედრო საზღვაო ძალების გემებს, ქერჩის სრუტის დატოვებისას რუსეთის სასაზღვრო ძალების გემმა ცეცხლი გაუხსნა. ამის შესახებ ინფორმაცია უკრაინულმა მხარემ გაავრცელა.

 

არსებული ინფორმაციით, ორი მცირე ზომის საარტილერიო გემი “ბერდიანსკი” და “ნიკოპოლი” ოდესის პორტიდან მარიუპოლში გეგმიურ გადასვლას ახორციელებდნენ. გარდა ამისა, ძალადობრივად იყო შეჩერებული ბუქსირი “იანი კაპუ”. უკრაინული მხარე ასევე იუყწყება, რომ აღნიშნული გემები რუსული მხარის მიერ არის დაკავებული. სროლის შედეგად, დაჭრილია 6 უკრაინელი მეზღვაური. ოფიციალური კიევის ინფორმაციით, რუსეთის მხრიდან აგრესიული ქმედებები პირველად 25 ნოემბრის დილას განხორციელდა, როცა სამი უკრაინული გემი ოდესიდან მარიუპოლისკენ მიემართებოდა. თავდაცვის უწყების ცნობით, რუსული გემი უკრაინულს განგებ შეეჯახა. უკრაინული მხარის ინფორმაციით, გემების გადაადგილება წინასწარ იყო დაგეგმილი.

რუსეთის ფედერალური უსაფრთხოების სამსახურის (ФСБ) სასაზღვრო კონტროლის კატერებმა ქერჩის სრუტეში უკრაინულ ხომალდებს ცეცხლი გაუხსნეს. ამის შესახებ ინფორმაციას  უკრაინის საზღვაო ქვეითი ძალები ავრცელებენ.

 

გავრცელებული ცნობით, რუსეთის ძალებმა ხომალდებს ცეცხლი მაშინ გაუხსნა, როდესაც უკრაინული ხომალდები უკრაინის შიდა ტერიტორიულ წყლებში იყვნენ.

 

სროლის შედეგად საარტილერიო კატერმა „ბორდიანსკიმ“ კურსი დაკარგა, დაიჭრა ერთი ადამიანიც. უკრაინული მხარის ცნობით, რუსეთმა ცეცხლი უკრაინულ მხარეზე დანაკლისის დატოვებას ისახავდა მიზნად.

 

25 ნოემბრის დილიდან ქერჩის სრუტეში რუსეთსა და უკრაინას შორის ურთიერთობა დაიძაბა. უკრაინის სამხედრო საზღვაო ძალების გიურზას კლასის დაჯავშნული ხომალდები ქერჩის სრუტისკენ დილით გადაადგილდებოდნენ. მათი მისია დანარჩენი სამი უკრაინული ხომალდის გამაგრება იყო, რომლებიც იმავე მიმართულებით დილის შვიდ საათზე გაცურდნენ. რუსეთმა ეს საზღვრის დარღვევად და პროვოკაციად შეაფასა.

 

უკრაინული მხარე ირწმუნება, რომ საარტილერიო კატერები - „ბორდიანსკი“ და „ნიკოპოლი“, ასევე საბუქსირო გემი „იანი კაპუ“ ოდესის პორტიტად მარიოპოლში გეგმურად გადადიოდნენ, რის შესახებ წინასწარ იყო ცნობილი. რუსულმა გემმა კი ბუქსირი დააზიანა.

 

უკრაინის საგარეო უწყებაში აცხადებენ, რომ რუსეთმა გაეროს საზღვაო წესი დაარღვია.

 

ქერჩის სრუტე სამოქალაქო გემებისთვის უსაფრთხოების მიზნით დაიკეტა.

ქუთაისის "ტორპედომ" პენალტების სერიაში "გაგრა" დაამარცხა და საქართველოს თასის მფლობელი მე-4 გახდა.

 

მატჩი მართლაც დრამატული გამოდგა, "გაგრა" 2:0-ს იგებდა, მაგრამ "ტორპედომ" ანგარიშის გათანაბრება და პენალტების სერიაში გამარჯვების მოპოვება მოახერხა.

 

სლოვაკი თავდამსხმელი ლაჩნი შეცვლაზე 54-ე წუთზე შევიდა, დუბლი შეასრულა, თერთმეტმეტრიანების სერიაშიც გამოიჩინა თავი და მატჩის საუკეთესო მოთამაშედ აღიარეს.

 

აღსანიშნავია, რომ უკანასკნელ 19 მატჩში "ტორპედო" არ დამარცხებულა.

 

ბათუმი. "ანგისა"

 

ტორპედო - გაგრა 2:2 (პენ, 4:2)

 

გოლები: 0:1 სპანდერაშვილი (37), 0:2 ხაბეიშვილი (49), 1:2 ლაჩნი (75), 2:2 ლაჩნი (89, პენ)

 

გაგრა: შევჩუკი, ხოსიტაშვილი, ხაბელაშვილი (ლომსაძე 87), სამხარაძე (ივანიაძე 119), გ. გაფრინდაშვილი, სულთანიშვილი, კილაძე, თ. გაფრინდაშვილი, ცაცკრიალაშვილი (კასრელიშვილი 81), კაკიაშვილი, სპანდერაშვილი (მათიაშვილი 65)

 

ტორპედო: კვასხვაძე, გეგეჭკორი, კობახიძე, აზაცკი, ხურცილავა, ცინცაძე (კუხიანიძე 92), გიგაური (წიქარიძე 70), დოლიძე, ქიმაძე (ლაჩნი 54), კუტალია, კაპანაძე (დაფე 46)

ბრიუსელში, ევროკავშირის წევრი ქვეყნების მეთაურთა რიგგარეშე სამიტზე დიდი ბრიტანეთის ევროკავშირიდან გასვლის შესახებ შეთანხმება დაამტკიცეს. ამის შესახებ „ტვიტერის“ პირად გვერდზე ევროპული საბჭოს პრეზიდენტმა დონალდ ტუსკმა დაწერა. „ევროკავშირის 27 წევრმა ქვეყანამ დაამტკიცა შეთანხმება და პოლიტიკური დეკლარაცია ევროკავშირსა და დიდ ბრიტანეთს შორის მომავალი ურთიერთობის შესახებ“, - წერს ტუსკი.

 

სამიტზე, რომელიც საათზე ნაკლებ დროს გაგრძელდა, ორი მთავარი დოკუმენტი მიიღეს. მოსალოდნელია, რომ „ბრექსითის“ შესახებ დოკუმენტთა პაკეტის მხარდაჭერის შემდეგ, ლიდერები შეხვდებიან დიდი ბრიტანეთის პრემიერმინისტრ ტერეზა მეის, რომელსაც თავისი გადაწყვეტილების შესახებ აცნობებენ. ევროკავშირის ლიდერების სამიტის შემდეგ, „ბრექსითის“ შესახებ გადაწყვეტილება ევროპარლამენტმა და დიდი ბრიტანეთის პარლამენტმა უნდა დაამტკიცონ.

საფრანგეთში, საწვავის ფასების ზრდის გამო გამართულ „ყვითელი ჟილეტების“ საპროტესტო აქციაში 106 ათასმა ადამიანმა მიიღო მონაწილეობა. ამის შესახებ „ფრანსპრესს“ ქვეყნის შსს-ში განუცხადეს.

 

მათივე ცნობით, პარიზში რვა ათასი ადამინი გამოვიდა. ელისეს მინდვრებზე პოლიციასთან აქციის წევრთა შეტაკება მოხდა, რა დროსაც სამართალდამცველებმა წყლის ჭავლი და ცრემლსადენი გაზი გამოიყენეს. დაკავებულია 130 ადამიანი, მათგან 70-მდე პარიზში. დაშავდა 24 ადამიანი, რომელთაგან 5 პოლიციელია.

 

ქვეყნის პრეზიდენტმა ემანუილ მაკრონმა პოლიციას ადეკვატური რეაქციისთვის მადლობა გადაუხადა.

პარიზში, სადაც დილიდან საწვავის ფასების ზრდის საწინააღმდეგო აქცია მიმდინარეობს, ვითარება დაძაბულია. როგორც პარიზის პოლიციაში იუწყებიან, სამართალდამცველებსა და აქციის მონაწილეებს შორის შეტაკების შედეგად 35 ადამიანია დაკავებული. შეტაკებები ძირითადად პარიზის ცენტრში შანზ-ელიზეზე მოხდა, სადაც ახლაც იმყოფებიან აქციის მონაწილეები. ისინი საფრანგეთის პრეზიდენტის რეზიდენციისკენ გეგმავენ წასვლას, თუმცა სამთავრობო უწყებებისკენ მიმავალი ქუჩები სამართალდამცველებს აქვთ ბლოკირებული.

 

საფრანგეთის შს სამინისტროში აღნიშნეს, რომ საპროტესტო აქციებზე პარიზის მასშტაბით დღეს 8 000 ადამიანი გამოვიდა. აქციის მონაწილეები შანზ-ელიზეზე იმპროვიზირებულ ბარიკადებს აგებენ.

 

შეგახსენებთ, რომ დღეს პოლიციამ მათ წინააღმდეგ ცრემლსადენი გაზი და წყლის ჭავლი გამოიყენა. გასულ შაბათს საფრანგეთის მასშტაბით საწვავის ფასის ზრდასთან დაკავშირებით საპროტესტო აქციები დაიწყო. საპროტესტო მოძრაობა „ყვითელი ჟილეტები“ სოციალურ ქსელებში შეიქმნა. ქვეყნის მასშტაბით აქციის მონაწილეები ავტომაგისტრალების ბლოკირებას ახდენენ. აღსანიშნავია, რომ საფრანგეთში ერთი წლის განმავლობაში ბენზინის ფასი 10-15%-ით გაიზარდა, ხოლო დიზელი კი 24%-ით. 1 ლიტრი საწვავის ფასი 1,6-1,7 ევროს აღემატება. „ყვითელი ჟილეტების“ მოძრაობა საფრანგეთის მთავრობისგან ასევე მოითხოვს საწვავზე გადასახადების შემცირებას.

მწამებლებს საქართველოს არ დავუთმობთ. ქართველ ხალხს არავინ აღარ უნდა უღალატოს. კოჰაბიტაცია იყო ღალატი, ამ კრიმინალების გამოცხადება მთავარ ოპოზიციურ ძალად იყო ღალატი, - ამის შესახებ „პატრიოტთა ალიანსის“ ლიდერმა ირმა ინაშვილმა, თავისუფლების მოედანზე გამართულ აქციაზე განაცხადა. მან აქციაზე შეკრებილ მოქალაქეებს მოუწოდა, ხმა სალომე ზურაბიშვილს მისცენ.

 

„ჩვენ დღეს საქართველოს ვიცავთ ყველანი. როცა ჩვენ ვამბობთ „არა ნაციონალურ მოძრაობას“ - ჩვენ ვამბობთ, არა პატიმრების წამებას. არა ახალგაზრდების ქუჩაში მოკვლას, არა ქონების წართმევას, არა ჩვენი ქვეყნის მიწების ჩაბარებას. საქართველო ქართველი ხალხისაა, ბოკერიები და სააკაშვილები არ გამოსწორდებიან. ჩვენ ყველა უნდა გავერთიანდეთ, მივიდეთ არჩევნებზე და მხარი დავუჭიროთ სალომე ზურაბიშვილს. იცოდეს ქალბატონმა სალომემ, რომ მას ირჩევს არა „ქართული ოცნება“, არამედ ქართველი ხალხი. ქალბატონი სალომე პასუხისმგებელია ქართველი ხალხის წინაშე, ქართველ ხალხს არავინ აღარ უნდა უღალატოს. კოჰაბიტაცია იყო ღალატი, ამ კრიმინალების გამოცხადება მთავარ ოპოზიციურ ძალად იყო ღალატი. ჩვენ ვართ მთავარი ოპოზიციური ძალა თქვენთან ერთად. დღეს ყველა ვიცავთ ჩვენი შვილების მომავალს, არავისთვის დასათმობი საქართველო ჩვენ არ გვაქვს. საქართველოს მწამებლებს არ დავუთმობთ. ამიტომ, არა „ნაციონალურ მოძრაობას“, არა წარსულში დაბრუნებას. ჩვენი ქვეყანა უნდა ავაშენოთ, გავაერთიანოთ. აფხაზებსაც უნდა ველაპარაკოთ, ოსებს ველაპარკოთ. ყველგან უნდა ჩავიდეთ, მოსკოვი იქნება თუ ბრიუსელი. სოხუმშიც ჩავალ იმიტომ, რომ გაერთიანდეს ჩვენი პატარა ქვეყანა“,- განაცხადა ინაშვილმა.

საქართველოს ნაკრებმა ამხანაგურ მატჩში ტონგას 20:9 სძლია.

 

ანგარიში მე-5 წუთზე საჯარიმოთი ტაკულამ გახსნა. შემდეგ ბორჯღალოსნების იერიშმა შედეგი ვერ გამოიღო, მე-17 წუთზე კი სტუმრებმა ისევ გამოიყენეს საჯარიმო.

 

26-ე წუთზე გიორგაძემ ლელო გაიტანა, აბჟანდაძემ გარდასახვა გამოიყენა და პირველი ტაიმი 7:6 დასრულდა.

 

მეორე ტაიმის დასაწყისში ტონგა ისევ წინ გაიჭრა - 9:7, ხოლო მსაჯმა გორგაძე გააძევა. 51-ე წუთზე აბჟანდაძემ საჯარიმო ვერ გამოიყენა. თუმცა, 55-ე წუთზე მან საჯარიმო უკვე უზადოდ შეასრულა და ჩვენი გუნდი დაწინაურდა.

 

65-ე წუთზე არბიტრმა კვირიკაშვილი გააძევა, ტაკულამ კი საჯარიმო გააცუდა. სამაგიეროდ არ გააცუდა აბჟანდაძემ და კაცნაკლული საქართველოს ნაკრები 13:9 დაწინაურდა.

 

ბოლოს ჟვანიამ დიდებული ლელო დადო, აბჟანდაძემ გარდასახვა გამოიყენა და საქართველოს ნაკრებმა გაიმარჯვა.

პატრიარქის ლოცვა-კურთხევაა, ყველა ადამიანმა 28 ნოემბრის საპრეზიდენტო არჩევნებში მიიღოს მონაწილეობა. ამის შესახებ არქიმანდრიტმა იოანემ საკვირაო ლიტურგიის დამთავრების შემდეგ განაცხადა. "მისმა უწმინდესობამ ოთხშაბათის არჩევნებთან დაკავშირებით გვთხოვა გამოგვეცხადებინა, რომ ყველამ მიიღოს მონაწილეობა ამ არჩევნებში", - განაცხადა არქიმანდრიტმა იოანემ.

 

საქართველოში საპრეზიდენტო არჩევნების მეორე ტური 28 ნოემბერს ჩატარდება. მეორე ტურში ამომრჩეველმა არჩევანი „ქართული ოცნების“ მიერ მხარდაჭერილ სალომე ზურაბიშვილსა და „გაერთიანებული ოპოზიციის“ კანდიდატ გრიგოლ ვაშაძეს შორის უნდა გააკეთოს.

2019 წლის 1 იანვრიდან ახალი პროექტი „აწარმოე უკეთესი მომავლისათვის“ იწყება და ინიციატივა გამყოფი ხაზების გასწვრივ ვაჭრობის წახალისებას ითვალისწინებს.

 

პროგრამის ბენეფიციარები შეუძლია გახდნენ - აფხაზეთის ავტონომიურ რესპუბლიკაში ან ცხინვალის რეგიონში (ყოფილი სამხრეთ ოსეთის ავტონომიური ოლქის ტერიტორიებზე) ლეგიტიმურად მცხოვრები 18 წელს მიღწეული ფიზიკური პირი; აგრეთვე, საქართველოს კანონმდებლობის შესაბამისად რეგისტრირებული მეწარმე სუბიექტი, რომელიც საქმიანობას ლეგიტიმურად ახორციელებს აფხაზეთის ავტონომიურ რესპუბლიკაში ან ცხინვალის რეგიონში (ყოფილი სამხრეთ ოსეთის ავტონომიური ოლქის ტერიტორიებზე), აგრეთვე 18 წელს მიღწეული საქართველოს მოქალაქე ფიზიკური პირი და საქართველოს კანონმდებლობის შესაბამისად რეგისტრირებული მეწარმე სუბიექტი, რომელიც საქმიანობას ახორციელებს საქართველოს კონტროლირებად ტერიტორიაზე.

 

აღნიშნულ პროექტს ეკონომიკის დოქტორი რატი აბულაძე დადებითად აფასებს და ამბობს, რომ მისალმებელია გამყოფი ხაზების ორივე მხარეს შორის ნდობის, მშვიდობისა და კეთილდღეობის მიღწევისკენ სწრაფვა.

 

„საქართველოს მთავრობის მიერ წარმოდგენილი საგრანტო პროგრამა კონსტრუქციული სახის და ჰუმანიტარული ამოცანებისაა. ითვალისწინებს გამყოფი ხაზების გასწვრივ ვაჭრობის წახალისებას (7 - 35 ათასი ლარის ფარგლებში), აფხაზეთსა და ცხინვალის რეგიონში წარმოშობილი/წარმოებული საქონლისთვის შიდა ქართულ ბაზარსა და საგარეო ბაზრებზე წვდომის ხელშეწყობას, ინდივიდუალური და ერთობლივი ბიზნეს ინიციატივების წახალისებას. ასევე, აღნიშნული რეგიონებში პროდუქციის მიწოდებას.

 

ხაზგასასმელია ინიციატივების ფარგლებში წარმოდგენილი კომპონენტები, კერძოდ: მომსახურების კომპონენტები და სერვისები, ინფრასტრუქტურის პირობები და სივრცე, საშეღავათო რეჟიმის მექანიზმები და სტატუსი, სავაჭრო ოპერაციები და წესები, ფინანსური ინსტრუმენტები და საკანონმდებლო ინიციატივები.

 

ყურადსაღებია ის გარემოებაც, რომ ინიციატივების ხორცშესხმისათვის (ტრადიციული პოლიტიკისამებრ) ახალ-ახალი სტრუქტურები არ უნდა შეიქმნას და მხოლოდ არსებული უწყებებით უნდა იქნას მიღწეული მიზანიც და შედეგიც. მმართველობითი ეპიზოდებიდან გვახსოვს მიუღწეველი მიზნები და ბიუჯეტით სარჩენი „არაეფექტიანი“ სტრუქტურები.

 

ჯამში, აღვნიშნავ, რომ შთამბეჭდავია წარმოდგენილი ინიციატივების სახელმწიფოებრივი მნიშვნელობა შერიგებისა და ინტეგრირების მიმართულებით. აღსანიშნია, პროგრამით გათვალისწინებული ახალი სავაჭრო-ეკონომიკური შესაძლებლობები. მისალმებელია გამყოფი ხაზების ორივე მხარეს შორის ნდობის, მშვიდობისა და კეთილდღეობის მიღწევისკენ სწრაფვა“, - აღნიშნას აბულაძე.

ხანგრძლივი ავადმყოფობის შემდეგ, 79 წლის ასაკში, ქართული პანტომიმის სკოლის ფუძემდებელი, მსახიობი და რეჟისორი ამირან შალიკაშვილი გარდაიცვალა.

 

პანაშვიდი თეატრში 27–28 ნოემბერს, 16:00 საათზე გაიმართება, 29 ნოემბერს, 14:00 საათზე, ამირან შალიკაშვილს პანტომიმის თეატრიდან გამოასვენებენ.

 

გამოჩენილი რეჟისორი, მსახიობი, ქართული პანტომიმის ჟანრის ფუძემდებელი და პანტომიმის თეატრის დამაარსებელი 1939 წლის 22 მარტს ქალაქ კოკანდში (უზბეკეთი) დაიბადა. 1960 წელს დაამთავრა თბილისის კულტსაგანმანათლებლო სასწავლებლის სარეჟისორო ფაკულტეტი, 1964 წელს – თბილისის სახელმწიფო თეატრალური ინსტიტუტი დრამის მსახიობის სპეციალობით. 1961 წლიდან არის ქართული პროფესიონალური პანტომიმის სკოლის ფუძემდებელი. 1965–1969 წლებში იყო მუსკომედიის, ხოლო 1969–1973 წლებში — მარჯანიშვილის სახელობის თეატრის მსახიობი. 1973–1975 წლებში იყო ფილარმონიის პანტომიმის დასის ხელმძღვანელი. 1975 წლიდან არის პანტომიმის სახელმწიფო თეატრის დამაარსებელი და მის შემდეგ დირექტორი და სამხატვრო ხელმძღვანელი. ასევე არის თბილისის სახელმწიფო თეატრალურ ინსტიტუტში პანტომიმის განხრის დამაარსებელი (1978). 1999 წლიდან არის ბათუმის სახელმწიფო ხელოვნების ინსტიტუტის პანტომიმის სარეჟისორო და სამსახიობო სახელოსნოს ხელმძღვანელი. არის ავტორი წიგნებისა „პანტომიმა დუმილის პოეზიაა“ (1999), „დუმილის შემდეგ“ (2004), „ხილვები ფიროსმანზე“ (2004), „ცრემლიანი შემოდგომა“ (I, 2005; II, 2006).

ექსკლუზიური

არქივი

« « » » სექტემბერი 2019
ორშ სამ ოთხ ხუთ პარ შაბ კვი
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?