Global Press

Georgia

Global PressGlobal PressGlobal PressGlobal Press

USD
2.9841
EUR
3.3422
RUR
0.0431
GBP
3.7394

სოფელ ხურვალეთის განაპირას, იმ ტერიტორიაზე, სადაც 7 თებერვალს დე ფაქტო ცხინვალის წარმომადგენლებმა სამეთვალყურეო კოშკურა დაამონტაჟეს, ცოტა ხნის წინ შეიარაღებული ნიღბიანი პირები გამოჩნდნენ.

 

როგორც „გლობალპრესს“ გორის მუნიციპალიტეტის მერმა კონსტანტინე თავზარაშვილმა განუცხადა, ჯერჯერობით მათი გამოჩენის მიზეზი უცნობია.

 

“სამი ნიღბიანი პირი ამ კოშკურიდან დაახლოებით 10 მეტრით აქეთ, საქართველოს ცენტრალური ხელისუფლების მიერ კონტროლირებად ტერიტორიაზე იმყოფება. ჯერჯერობით უცნობია, მათი გამოჩენის მოტივი. ადგილზე იმყოფებიან ქართველი სამართალდამცავები, შსს-ს შიდა ქართლის პოლიციის წარმომადგენლები და ვითარებას აკონტროლებენ. ამ წუთებში დაძაბული ვითარება არ არის“, - განაცხადა გორის მუნიციპალიტეტის მერმა კონსტანტინე თავზარაშვილმა.

 

სოფელ ძუკაანთკარის განაპირას, იმ ადგილზე, სადაც სამეთვალყურეო კოშკურაა განთავსებული, დე ფაქტო რეჟიმის წარმომადგენლებს რამდენიმე წლის განმავლობაში საგუშაგო ჰქონდათ მოწყობილი, სამეთვალყურეო კოშკი კი, მიმდინარე წლის 7 თებერვალს დაამონტაჟეს.

 

სოფელ ხურვალეთის განაპირას შეიარაღებული ნიღბიანი პირების გამოჩენის ამსახველი ფოტო სოციალურ ქსელში ვრცელდება.

ნატო-საქართველოს სწავლების დროს საქართველოს ნატო-ს გენერალური მდივანი, იენს სტოლტენბერგი ეწვევა, - ამის შესახებ გენერალ-მაიორმა ვლადიმერ ჩაჩიბაიამ ნატო-საქართველოს სწავლებაზე საუბრისას განაცხადა.

 

„18-29 მარტს, ნატო-საქართველოს წვრთნისა და შეფასების ერთობლივი ცენტრში (JTEC) „ნატო-საქართველოს სწავლება 2019“ ჩატარდება. ნატო საქართველოს სწავლება არის პერიოდული სწავლება, რომელიც საქართველოსთვის ექსკლუზიურად ხორციელდება. მონაწილეობას იღებს დაახლოებით 20-მდე ქვეყანა. ამ სწავლების დროს მოხდება უნარ-ჩვებების ამაღლება, მაქსიმალურად მოხდება საქართველოს თავდაცვის ძალების პირადი შემადგენლობის და ნატო-ს პირადი შემადგენლობის ინტეგრირება დაგეგმარების პროცესში.

 

თუ წინა სწავლებაზე ძირითადად ნატო-ს წარმომადგენლობა და საერთაშორისო წარმომადგენლობა იყო პასუხისმგებელი სწავლების ჩატარებაზე, ახლა აბსოლუტური პასუხისმგებლობა აკისრია ჩვენს სამხედრო მოსამსახურებს. ეს ხელს შეუწყობს თავდაცვისუნარიანობის ამაღლებას.

 

სწავლების დროს საქართველოში ჩამოდის იენს სტოლტენბერგი, ასევე სხვადასხვა ქვეყნების მაღალი დონის სტუმრები,“ - განაცხადა ვლადიმერ ჩაჩიბაიამ.

რა თქმა უნდა, როდესაც არის არატრანსფარენტული გარემო, როდესაც არის პროექტზე მიზანმიმართული ზეწოლა, ეს არა მხოლოდ პროექტთან მიმართებაში არის შემაფერხებელი, ვფიქრობ რომ, ზოგადად ქვეყნის საინვესტიციო კლიმატზეც უარყოფუთად აისახება, - ამის შესახებ „ანაკლია სითის“ დირექტორმა ქეთი ბოჭორიშვილმა განაცხადა.

 

მისივე თქმით, მნიშვნელოვანია, რომ გამოძიება ტრანსფარენტულად წარიმართოს, რადგან ეს პროცესები ბევრ კითხვას უჩენს როგორც ადგილობრივ ბიზნესს, ისე უცხოელ ინვესტორებს, რაც ქვეყანაზე ნეგატიურად აუსახება.

 

ბოჭორიშვილმა უშუალოდ პროექტთან დაკავშირებულ დეტალებზეც ისაუბრა და აღნიშნა, რომ აქტიურად ხდება საერთაშორისო კომპანიებთან მუშაობა.

 

„ჩვენ ერთი დღეც არ შეგვიჩერები პორტზე და სპეციალურ ინდუსტრიულ ზონაზე მუშაობა. მოლაპარაკებები გვაქვს წამყვან სააერთაშორისო კომპანიებთან, სულ ახლახანს იაპონური კომპანია იყო საქართველოში ჩამოსული, რომელმაც ძალიან პოზიტიურად შეაფასა ეს პროექტი. მოლაპარაკებები გვაქვს ლოგისტიკურ კომპანიებთან, რათა მათთვის ანაკლია რეგიონში შემოსასვლელ პლატფორმად იქცეს. ამასთან, სპეციალური ეკონომიკური ზონა იქნება დიდი შესაძლებლობა ქართული კომპანიებისთვის, რომ გააფართოვონ თავიანთი ბიზნესსაქმიანობა და ექსპორტზე ორიენტირებულები გახდეს“, - აცხადებს ბოჭორიშვილი.

განცხადებები, თითქოსდა ეს საამაყო ინსტიტუტი - ქართული ჯარი 90-იან წლებს უბრუნდება, არის თითოეული ჯარისკაცისთვის შეურაცხმყოფელი - ამის შესახებ საქართველოს თავდაცვის მინისტრმა ლევან იზორიამ სასწავლო ცენტრ „კრწანისში“ ჟურნალისტებთან საუბრისას განაცხადა.

 

თავდაცვის მინისტრი გამოეხმაურა ახალწვეულის ქაზიმ გახრამანოვის მიმართ ფიზიკური ძალადობის ფაქტთან დაკავშირებით გაკეთებულ შეფასებებს სამხედრო ექსპერტებისა და პოლიტიკოსების მხრიდან და აღნიშნა, რომ ეს კრიტიკა დაუმსახურებელია.

 

„ქართული ჯარი ასეთ დაუმსახურებელ კრიტიკას, იმიჯის და ზოგადად ავტორიტეტის შემლახავ დამოკიდებულებას ძალიან სენსიტიურად აღიქვამს. მათ წლების განმავლობაში საკუთარი ქვეყნისთვის ყველაფერი გააკეთეს, იმისთვის, რომ შეიარაღებული ძალები იყოს ინსტიტუციურად ძლიერი და აღიარებული.

 

ეს არ არის მათი ან ჩემი სუბიექტური შეფასება. ეს არის ცივილიზებული სამყაროს აღიარება, რომ გვაქვს მნიშვნელოვანი პროგრესი ჩვენი თავდაცვისუნარიანობის გაძლიერების საქმეში. ეს გუშინ ნატო-ს გენერალური მდივნის წლიურ ანგარიშშიც დადასტურდა.

 

განცხადებები, თითქოსდა ეს საამაყო ინსტიტუტი 90-იან წლებს უბრუნდება არის თითოეული საამაყო ჯარისკაცისთვის შეურაცხმუოფელი.

 

როდესაც გვესმის განცხადებები, რომ სისტემური ხასიათი მიიღო ასეთი ტიპის დანაშაულებებმა, არის ღიმისლისმომგვრელი სწორედ მათთვის, ვინც წლების განმავლობაში აქ მსახურობდა და იცის რა პრობლემები იყო აქ.

 

ერთეულ შემთხვევებზე რომელიც ყველაგან ხდება, ისეთი განცხადებების გაკეთება თითქოსდა ეს არის სისტემური ხასიათის, არის თითოეული ჩვენგანისთვის დიდი შეურაცხყოფა“, - განაცხადა იზორიამ.

საპარტნიორო ფონდის სუბორდინირებული სესხის არც ერთი თეთრი არაა ათვისებული, - ამის შესახებ ანაკლიის განვითარების კონსორციუმის დირექტორმა ლევან ახვლედიანმა განაცხადა.

 

მისივე თქმით, ამ თანხის ათვისება ხდება მხოლოდ ბანკებთან ფინანსური დახურვის შემდგომ, ისიც გარკვეული პირობებით.

 

„ეს არის სუბორდირებული სესხი, რომელსაც პროექტი გაისტუმრებს დროთა განმავლობაში. ამჟამად თანხები სრულად მობილიზებულია, ბანკებიდან უნდა მივიღოთ 400 მლნ დოლარი, 100 მლნ საპარტნიორო ფონდიდან. დანარჩენი 120 მლნ-დან 70 უკვე ინვესტირებულია პროექტში“, - განაცხადა ახვლედიანმა.

 

„ანაკლიის განვითარების კონსორციუმის" გუნდი სასტუმრო „რედისონში“ ექსპერტებსა და არასამთავრობო ორგანიზაციების წარმომადგენლებს ხვდება და აცნობა ინფორმაციას ჩატარებული სამუშაოების, მიღწევებისა და სამომავლო გეგმების შესახებ.

ანაკლიის ღრმაწყლოვანი პორტის მშენებლობა 2017 წლის 24 დეკემბერს დაიწყო. ამასთან, ის სამუშაოები, რაც 2018 წლის მანძილზე ჩატარდა, ვერანაირად ვერ ჩაითვლება მოსამზადებელ სამუშაოებად,- ამის შესახებ ანაკლიის განვითარების კონსორციუმის დირექტორმა ლევან ახვლედიანმა განაცხადა. მისივე თქმით, სამშენებლო სამუშაოების ნაწილი დაგეგმილზე ადრე ჩატარდა .

 

„სამშენებლო პროცესი მიდის დაგეგმილი გრაფიკის მიხედვით. 600 მლნ დოლარი რაც სჭირდება ამ პროექტს მობილიზებულია. კონსორციუმი ყველაფერს აკეთებს რომ სწრაფად დასრულდეს მოლაპარაკებები, რომლებიც მიმდინარეობს მთავრობასა და ბანკებს შორის“, - განაცხადა ახვლედიანმა.

 

მისივე თქმით, „თიბისი ბანკის“ ირგვლივ განვითარებულმა პროცესებმა ხელი შეუშალა ანაკლიის პროექტს.

 

„უცხოელმა ინვესტორებმა 500 მლნ დოლარის ნდობა უნდა გამოუცხადონ ქვეყანას და კონსორციუმს, შესაბამისად, მნიშვნელოვანია, რომ მთავრობასა და კონსორციუმს შორის არ იყოს დაპირისპირება და პროექტის შემსრულებელებს მხარს უჭერდეს მთავრობა. ამ შემთხვევაში მთავრობაზე არაა სამშენებლო რისკი, ამ რისკს იღებს კონსორციუმი. ჩვენ არ შეგვიწყვეტია ინვესტორებთან მუშაობის პროცესი, თუმცა, ჩემი აზრით, საჭიროა ამ ყველაფრს ნათელი მოეფინოა და დასრულდეს , რათა ჩვენ შევძლოთ პორტის აშენებისთვის შემდეგი ნაბიჯების გადადგმა", - აცხადებს ახვლედიანი.

 

ამჟამად "ანაკლიის განვითარების კონსორციუმის" გუნდი სასტუმრო „რედისონში“ ექსპერტებსა და არასამთავრობო ორგანიზაციების წარმომადგენლებს ხვდება და ინფორმაციას აცნობს ჩატარებული სამუშაოების, მიღწევებისა და სამომავლო გეგმების შესახებ.

კარგად გვესმის, რომ ორმხრივი საინვესტიციო შეთანხმების არსებობა არის ერთ-ერთი ყველაზე მნიშვნელოვანი გადაწყვეტილება იაპონიის ინვესტორებისთვის მომავალში ინვესტიციების განსახორციელებლად ქვეყნის შერჩევის დროს და ეს გვაძლევს იმედს, რომ უახლოეს მომავალში ხელშეკრულების ხელმოწერა ხელს შეუწყობს ჩვენი ეკონომიკური ურთიერთობების გაღრმავებას”, - განაცხადა საქართველოს ეკონომიკისა და მდგრადი განვითარების მინისტრმა გიორგი ქობულიამ იაპონიაში საქართველო - იაპონიის ბიზნესფორუმზე მოხსენებით გამოსვლისას.

 

გიორგი ქობულიას განცხადებით, საქართველოსა და იაპონიას შორის ორმხრივი საინვესტიციო ხელშეკრულების მოლაპარაკებებმა საბოლოო ეტაპს მიაღწია და შეთანხმების ძირითად ტექსტზე მხარეები უკვე შეთანხმდნენ.

 

ეკონომიკისა და მდგრადი განვითარების მინისტრის შეფასებით, ხანგრძლივი თანამშრომლობის მანძილზე იაპონიამ საკუთარი თავი წარმოაჩინა, როგორც საქართველოს მზარდი წამყვანი პარტნიორი, რომელიც დროულად და ეფექტურად ახორციელებს დახმარებას იაპონიის სახელმწიფო ორგანიზაციების - JICA-ს, JETRO-ს, NEXI-ს და სხვა ინსტიტუციების მეშვეობით ქვეყნის განვითარების პრიორიტეტებთან სრულ თანხვედრაში.

 

“საქართველო შეუჩერებლად ყალიბდება რეგიონში სტაბილურ მოთამაშედ, სულ უფრო უახლოვდება ევროპას და წარმატებულ, მშვიდობიან და სტაბილურ დემოკრატიად განიხილება. შესაბამისად, ჩვენი სურვილია, რომ იაპონიამ აღგვიქვას რეგიონში საიმედო ბიზნესპარტნიორად და ქვეყნად, სადაც უზრუნველყოფილია სტაბილური პოლიტიკური და ეკონომიკური კლიმატი”, - განაცხადა გიორგი ქობულიამ.

 

იაპონიის მხრიდან საქართველოს მხარდაჭერის მასშტაბზე საუბრისას, ეკონომიკისა და მდგრადი განვითარების მინისტრმა ხაზი გაუსვა შეთანხმებას შავი ზღვისა და კასპიის ზღვის აღმოსავლეთ-დასავლეთის ჩქაროსნული ავტომაგისტრალის მშენებლობის პროექტის გადამწყვეტი საერთაშორისო ლოგისტიკის ქსელის მეორე ეტაპის შესახებ.

 

აღნიშნულ დოკუმენტს ხელი ორი ქვეყნის მთავრობებს შორის 2018 წელს მოეწერა. იაპონიის მხარე იაპონიის საერთაშორისო თანამშრომლობის სააგენტოს (JICA) მეშვეობით 343 მილიონ აშშ დოლარს გამოყოფს.

 

“ღრმად ვარ დარწმუნებული, რომ პოზიტიური დინამიკა და თანხვედრი სახელმწიფოთაშორისი თანამშრომლობა ბიზნესებს შორის ურთიერთობების გაღრმავების მყარი საფუძველია და ჩვენი პერსპექტიული ბაზრისადმი დამატებით ნდობას შექმნის”, - განაცხადა გიორგი ქობულიამ და აღნიშნა, რომ „საქართველოში მიესალმებიან ინვესტორებს, განსაკუთრებით, იაპონურ კომპანიებს, რადგან ტექნოლოგიასა და კაპიტალთან ერთად იაპონიის ბიზნესი საქართველოში ბიზნესის წარმოების უნიკალურ ბიზნესკულტურასაც შემოიტანს და დანერგავს”.

 

“იმედი მაქვს, რომ შესაძლებლობა გექნებათ, მიიღოთ ღრმა და ყოვლისმომცველი ინფორმაცია საქართველოში არსებული კონკრეტული ბიზნესშესაძლებლობების შესახებ და უკეთესად გაეცნოთ ჩვენს ქვეყანაში ინვესტირების უპირატესობებს. მინდა ეს შესაძლებლობა გამოვიყენო და მოგიწვიოთ ჩვენს ქვეყანაში, რათა თავად გაეცნოთ, თუ რა შეგვიძლია შემოგთავაზოთ, აირჩიოთ მრავალრიცხოვანი პოტენციური პროექტებიდან სასურველი და გააფართოვოთ თქვენი ბიზნესი საქართველოში”, - განაცხადა ეკონომიკისა და მდგრადი განვითარების მინისტრმა.

 

ბიზნესფორუმი, რომელშიც 150 - ზე მეტი, მათ შორის, 30-მდე ქართული კომპანია იყო წარმოდგენილი, საქართველოს პრემიერ-მინისტრის იაპონიაში ვიზიტის ფარგლებში გაიმართა.

 

ინფორმაციას ეკონომიკის სამინისტრო ავრცელებს.

პროექტის სირთულიდან გამომდინარე, თანხების მობილიზებისთვის საჭირო აღმოჩნდა უფრო მეტი დრო, ვიდრე ჩვენ გვქონდა გათვალისწინებული. ამ ობიექტური მიზეზების გამო ორჯერ მივმართეთ მთავრობას, რომელმაც ორჯერ გაითვალისწინა ეს ობიექტური მიზეზები და გადაგვივადა თანხის მობილიზების ვადა,- ამის შესახებ “ანაკლიის განვითარების კონსორციუმის“ დირექტორმა ლევან ახვლედიანმა განაცხადა.

 

ახვლედიანმა აღნიშნა, რომ კონსორციუმი ყველაფერს აკეთებდა სამშენებლო სამუშაოების დროულად შესასრულებლად.

 

„მინდა ხაზი გავუსვა, რომ არ დაგვიანებულიყო სამშენებლო გრაფიკი, ჩვენ ამიტომ გადავწყვიტეთ, რომ გაცილებით მეტი თანხების ინვესტიცია მოგვეხდინა. დაგვეწყო სამშენებლო სამუშაოები იმისათვის, რომ პორტის გახსნა მაქსიმალურად არ დაგვიანებულიყო",- განაცხადა ახვლედიანმა.

 

„ანაკლიის განვითარების კონსორციუმის" გუნდი სასტუმრო „რედისონში“ ექსპერტებსა და არასამთავრობო ორგანიზაციების წარმომადგენლებს ხვდება და აცნობს ინფორმაციას ჩატარებული სამუშაოების, მიღწევებისა და სამომავლო გეგმების შესახებ.

საქართველოს სახელმწიფო უსაფრთხოების სამსახური ახალ ზელანდიაში მომხდარ ტერაქტთან დაკავშირებით სტრატეგიულ პარტნიორებთან თანამშრომლობს, რათა მოხდეს დეტალური ინფორმაციის მიღება დაკავებული პირებისა და ამოღებული იარაღის შესახებ, - ამის შესახებ სახელმწიფო უსაფრთხოების სამსახურის განცხადებაშია ნათქვამი.

 

მათივე ინფორმაციით, უცხოურ მედიაში გამოქვეყნდა ახალ ზელანდიაში მომხდარი ტერორისტული აქტის დროს გამოყენებული ცეცხლსასროლი იარაღის მჭიდების ფოტოსურათები.

 

„მათზე დატანილი იყო სიმბოლოები და წარწერები სხვადასხვა ენაზე, მათ შორის ქართულ ენაზეც. საქართველოს სახელმწიფო უსაფრთხოების სამსახური უკვე თანამშრომლობს სტრატეგიულ პარტნიორებთან, რათა მოხდეს დეტალური ინფორმაციის მიღება მომხდარი ტერორისტული აქტის დროს დაკავებული პირებისა და ამოღებული იარაღის შესახებ. სახელმწიფო უსაფრთხოების სამსახური უსამძიმრებს ახალი ზელანდიის მოსახლეობას მომხდარი ტერორისტული აქტის გამო“, - აღნიშნულია სუს-ის განცხადებაში.

 

შეგახსენებთ, რომ ახალ ზელანდიაში ორ მეჩეთში მომხდარი სროლის შედეგად, 40 ადამიანი დაიღუპა. Daily Mail ახალ ზელანდიაში, მეჩეთებზე თავდამსხმელის იარაღის ფოტოს აქვეყნებს, რომელსაც სხვადასხვა ადამიანთან ერთად, ქართულ ენაზე, დავით სოსლანისა და დავით აღმაშენებლის სახელებიც აწერია. როგორც გამოცემა აღნიშნავს, იარაღზე დატანილია იმ ადამიანების სახელები, რომლებმაც წარსულში „მასობრივი მკვლელობები ჩაიდინეს“.

„ჩვენ ვაპირებდით მხარი დაგვეჭირა იმ გენერალური გეგმისთვის, რომელიც შეიმუშავა „სითი ინსტიტუტმა“ და არა კალაძე-ივანიშვილის ბიზნეს გეგმისთვის", - ამის შესახებ დღეს საკრებულოში გამართულ პრესკონფერენციაზე ფრაქცია „ნაციონალური მოძრაობის“ წევრმა ლევან ხაბეიშვილმა განაცხადა.

 

მისივე თქმით, თბილისის განვითარების ახალ გენერალურ გეგმაში საუბარი არის ათასობით კონკრეტულ მისამართზე, სადაც გამწვანების ზონები იცვლება საცხოვრებელ ზონად.

 

„ჩვენ ვაპირებდით ექსპერტების მიერ ნამუშევარი გენგეგმის და არა კახა კალაძის პირადი დეველოპერების მიერ შექმნილის მხარდაჭერას. წარმოდგენილი გვაქვს დოკუმენტაცია, რომლითაც საუბარი არის ათასობით კონკრეტულ მისამართზე, სადაც გამწვანების ზონები საცხოვრებელი ზონით იცვლება. ანუ, სადაც დღეს არის გამწვანება დღევანდელი მოქმედი გენერალური გეგმით, ახალი გენერალური გეგმით იქ მივიღებთ მრავალსართულიან კორპუსებს. მე წამოვიღე რამოდენიმე კონკრეტული შემთხვევა, თუ რისთვის კეთდება ეს გენერალური გეგმა. პირველ რიგში უნდა ითქვას, რომ ის არის სიკეთის მომტანი ოლიგარქი ივანიშვილისთვის", - განაცხადა ხაბეიშვილმა.

 

ხაბეიშვილმა თქმით, მის ხელთ არსებული რუკებით ბოტანიკურ ბაღში 14 500 კვადრატულ მეტრ ტერიტორიას „რეკრეაციული ზონა 2“-ის სტატუსი აქვს.

 

ხაბეიშვილის განცხადებით, მათ მოიძიეს რამდენიმე შემთხვევა, როდესაც „ქართული ოცნების“ შემომწირველებს სარეკრეაციო ზონაში ეძლევათ საცხოვრებელი კორპუსების აშენების უფლება.

 

ხაბეიშვილმა მოუწოდა უმრავლესობას, ნუ მიიღებენ მონაწილეობას დანაშაულებრივ ქმედებაში და საკრებულოს დღევანდელ სხდომაზე ნუ დაუჭერენ მხარს გენგეგმის დამტკიცებას.

უკვე თვალშისაცემია, რომ სწორედ ქართული არასამთავრობო ორგანიზაციები მოქმედებენ კლანური პრინციპით", - აღნიშნული შინაარსის პოსტი სოციალურ ქსელში ქუთაისის სააპელაციო სასამართლოს თავმჯდომარემ დიმიტრი გვრიტიშვილმა გამოაქვეყნა.

 

როგორც გვრიტიშვილი წერს, არასამთავრობო ორგანიზაციები საზოგადოებას „თვალში ნაცარს აყრიან“ და არასწორ ინფორმაციას ავრცელებენ, თითქოს მოსამართლეთა კორპუსმა აშშ-ს სახელმწიფო დეპარტამენტი გააკრიტიკა.

 

დიმიტრი გვრიტიშვილის განცხადებას „გლობალპრესი“ უცვლელად გთავაზობთ:

 

„რიგში ჩადგნენ არასამთავრობოები (განსაკუთრებით ეკა გიგაური და გიორგი მშვენიერაძე) და მათი მეგობრები, რუპორები ანა დოლიძე და ნაზი ჯანეზაშვილი, რომ მორიგ ჯერზე შეაყარონ „თვალში ნაცარი“ საზოგადოებას, თითქოს ჩვენ აშშ-ს სახელმწიფო დეპარტამენტი გავაკრიტიკეთ. საუბარია დეპარტამენტის მიერ გამოქვეყნებულ ყოველწლიურ ანგარიშზე ჩვენ მიერ გამოთქმულ მოსაზრებებზე.

 

ვინც კარგად მოგვისმინა გუშინ, ძალიან ადვილად მიხვდებოდა ჩვენი კრიტიკის ადრესატს.

 

ჩვენ ყურადღება გავამახვილეთ იმ გარემოებაზე, რომ ანგარიში ძირითადად ეფუძნება ქართული „ობიექტური“, „მიუკერძოებელი“ არასამთავრობო ორგანიზაციების „კვლევებს“ და „ანგარიშებს“.

 

ანუ, დეპარტამენტი პრობლემად აღიქვამს თავად იმ ფაქტს, რომ არასამთავრობო სექტორი საუბრობს სისტემური პრობლემების არსებობაზე სასამართლოში.

 

ჩვენ აბსოლუტურად ვაცნობიერებთ საქართველოს სტრატეგიული პარტნიორი ქვეყნის - აშშ-ის სამთავრობო უწყების სტატუსს და მადლიერებით ვაფასებთ აშშ-ის როლს საქართველოს დემოკრატიული განვითარების და უსაფრთხოების დაცვის უწყვეტ პროცესში.

 

თუმცა, ეს არ გვიკრძალავს - აზრი გამოვთქვათ ანგარიშში ასახული ინფორმაციის წყაროზე და ეს არავინ უნდა აღიქვას შეურაცხყოფად, რადგან აზრის გამოხატვის თავისუფლება სწორედ დემოკრატიული საზოგადოების ფუნდამენტური ღირებულებაა.

 

და ჩვენ შევაფასეთ სწორედ ეს წყარო - ქართული არასამთავრობო ორგანიზაციები, როგორც აბსოლუტურად პოლიტიზირებული და საკუთარ მანდატს გაცდენილი, მიკერძოებული სუბიექტები. უკვე თვალშისაცემია, რომ სწორედ ქართული არასამთავრობო ორგანიზაციები მოქმედებენ კლანური პრინციპით: აბა ბოლოს როდის გახსოვთ, რომ მათგან რომელიმე ორგანიზაციამ განსხვავებული პოზიცია დააფიქსირა? ვერ გაიხსენებთ, იმიტომ, რომ ქართული არასამთავრობო სექტორი ფაქტობრივად წარმოდგენილია რამდენიმე ადამიანით, რომლებიც ყოველთვის ერთ აზრზე არიან და ერთ ხმაში საუბრობენ.

 

მეტიც: მათი ლექსიკა ერთი-ერთში ემთხვევა გარკვეული პოლიტიკური ჯგუფების ლექსიკას!

 

ეს არიან ადამიანები, რომლებიც სასამართლო სისტემაში არსებულ ყოველგვარ დადებით დინამიკას ჩქმალავენ; უგულებელყოფენ მსოფლიოში მე-3 ადგილზე მყოფი კვლევითი ორგანიზაცია „Ipsos France“-ის კვლევას და სამაგიეროდ, უდავო მტკიცებულებით ძალას და კვლევის სტატუსს ანიჭებენ კაპიტანი გიგაურის მიერ დაქირავებული ოლიკო შერმადინის მიერ შედგენილი ჭორების კრებულს ვითომდა კორუფციის არსებობის თაობაზე, რომელიც 7 ადამიანის გამოკითხვას ეფუძნება. ამ 7-დან 5 ადამიანი ინკოგნიტოა და განაწყენებული სასამართლოს დღევანდელი მენეჯმენტის მიმართ!

 

ესენი არიან ადამიანები, რომლებიც არაფრად აგდებენ სასამართლო კორპუსის - 300-მდე მოსამართლის ნებას, როცა იუსტიციის უმაღლესი საბჭოს წევრებს გვიწოდებენ „კლანს“, რადგან ამ კორპუსმა აბსოლუტურად ლეგიტიმურად გადმოგვცა წარმომადგენლობის მანდატი 2017 წელს. და როცა მოსამართლეებმა 2019 წლის 26 იანვრის კონფერენციაზე კვლავ დაგვიდასტურეს ამ მანდატის ლეგიტიმაცია, სულ „კომუნისტები“ ეძახეს მოქმედ მოსამართლეებს ჯანეზაშვილმა და მისმა მეგობარმა არასამთავრობოებმა!

 

და რაღა გასაკვირია, რომ ჩვენ გავაკრიტიკოთ ასეთი არასამთავრობო ორგანიზაციები და არ ვირწმუნოთ მათ მიერ გაცემული ინფორმაციის სისწორე?

 

ამიტომ, არასამთავრობოების და ჯანეზაშვილ-დოლიძის დღევანდელი გამოხტომებიც არის უსინდისო პროვოკაცია, მცდელობა იმისა, რომ შეცდომაში შეიყვანონ საზოგადოება და როგორმე შუღლი ჩამოაგდონ აშშ-ის მთავრობასა და საქართველოს მოსამართლეებს შორის!

 

ვერ ეღირსებიან! ჩვენ გავაგრძელებთ ნაყოფიერ თანამშრომლობას ჩვენს ამერიკელ პარტნიორებთან“, - წერს სოციალურ ქსელში დიმიტრი გვრიტიშვილი.

საქართველოსთან ექსპორტისა და ინვესტიციების დაზღვევის საკითხზე შეთანხმებაზე ხელმოწერის შემდეგ, იაპონიის ექსპორტისა და ინვესტიციების სადაზღვევო კომპანიის NEXI პრეზიდენტმა მასაფუმი ნაკადამ კომენტარი გააკეთა.

 

ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

 

„ეს დიდი წარმატებაა. გვწამს, რომ ამ შეთანხმებით ხელს შევუწყობთ სამომავლოდ იაპონური კომპანიების საქმიანობის დაწყებასა და გაფართოებას საქართველოში. ასევე მჯერა, რომ დღევანდელ ფორუმში მონაწილე რამდენიმე იაპონური კომპანია შეძლებს საქართველოში ბიზნესსაქმიანობის დაწყებასა და გაფართოებას,” - განაცხადა NEXI - ის პრეზიდენტმა.

 

შეთანხმებაზე ხელმოწერა საქართველოსა და იაპონიის ექსპორტისა და ინვესტიციების სადაზღვევო კომპანიას შორის საქართველოს პრემიერ-მინისტრის იაპონიაში ვიზიტის ფარგლებში განხორციელდა.

ექსკლუზიური

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?