Global Press

Georgia

Global PressGlobal PressGlobal PressGlobal Press

USD
3.0737
EUR
3.6402
RUR
0.0418
GBP
4.0493

ისრაელის პარლამენტმა (ქნესეთი) დაშლის გადაწყვეტილება მიიღო, რის გამოც ქვეყანაში ხელახალი არჩევნები გაიმართება. ამის შესახებ BBC წერს.

 

ამის მიზეზი გახდა ის, რომ პარტია „ლიკუდის“ ლიდერმა და ქვეყნის მოქმედმა პრემიერმინისტრმა ბენიამინ ნეთანიაჰუმ ქვეყნის ისტორიაში პირველად, დანიშნულ დროში კოალიციის ჩამოყალიბება ვერ შეძლო.

 

„ჩვენ მკაფიო და მკვეთრ საარჩევნო კამპანიას ჩავატარებთ, რაც ჩვენ გამარჯვებას მოგვიტანს, ჩვენ გავიმარჯვებთ, საზოგადოება გაიმარჯვებს“, - განაცხადა ნეთანიაჰუმ.

 

კენჭისყრაზე პარლმენტის დათხოვნას მხარი 74-მა დეპუტატმა დაუჭირა, 45 კი წინააღმდეგ წავიდა.

 

ქვეყანაში ახალი საპარლამენტო არჩევნები 17 სექტემბერს ჩატარდება.

 

ისრაელში საპარლამენტო არჩევნები 9 აპრილს გაიმართა.

 

 

 

 

ავღანეთში, ქაბულის თავდაცვის ეროვნულ უნივერსიტეტთან ტერორისტული აქტი მოხდა. თვითმკვლელმა ტერორისტმა თავი მაშინ აიფეთქა, როდესაც შენობიდან კადეტები გამოდიოდნენ. ამის შესახებ ინფორმაციას ავღანური მედია ავრცელებს.

 

ტერაქტს, სულ მცირე, 6 ადამიანი ემსხვერპლა, 6 კი დაშავდა. მომხდარზე პასუხისმგებლობა ჯერჯერობით არც ერთ რადიკალურ დაჯგუფებას არ აუღია.

ეს იყო მეგობრული საუბარი" - ამის შესახებ "დეპუტატმა მუხრან ვახტანგაძემ განაცხადა, რომელსაც ლევან გოგიჩაიშვილთან ცოტა ხნის წინ დაპირისპირება მოუვიდა.

 

ვახტანგაძის თქმით, საკითხი მედიის გასარჩევი არ არის.

 

"ეს არ არის მედიით გასარჩევი თემა. ლევანი და მე მეგობრები ვართ და ეს იყო მეგობრული საუბარი", - განაცხადა მუხრან ვახტანგაძემ.

 

შეგახსენებთ, რომ ცოტა ხნის წინ, დეპუტატებს მიხეილ ყაველაშვილს, მუხრან ვახტანგაძესა და ლევან გოგიჩაიშვილს შორის სიტყვიერი დაპირისპირება მოხდა. აღნიშნული დეპუტატები, მანდატურის სამსახურის წარმომადგენლებმა სხდომათა დარბაზიდან გაიყვანეს.

ჩემი აზრით, უკვე განსაკუთრებული ყურადღების რეჟიმში უნდა გადავიდეს ეს პროცესი, - ასე უპასუხა დარგობრივი ეკონომიკის კომიტეტის თავმჯდომარე რომან კაკულიამ ლარის კურსის გაუფასურებაზე ჟურნალისტების კითხვას. კაკულიას აზრით, აღნიშნულ საკითხზე ეროვნული ბანკის პრეზიდენტი პარლამენტში უნდა მივიდეს და მსჯელობა გაიმართოს. მისივე თქმით, თუ ლარის კურსის გაუფასურების ტენდენცია გაგრძელდა, საჭიროა საზოგადოების ინფორმირება, რაც უპირველესად, ეროვნული ბანკის პრეზიდენტისგან უნდა წამოვიდეს.

 

„20- პუნქტიანი ცვლილება სხვაა, ვიდრე 10 ან 15- პუნქტიანი. ამიტომ ჩემი აზრით, უკვე განსაკუთრებული ყურადღების რეჟიმში უნდა გადავიდეს ეს პროცესი.

 

მომავალი კვირიდან უნდა დავიწყოთ იმაზე ფიქრი, თუ რა ფორმატში მოვისმინოთ ეროვნული ბანკის პოზიცია იმასთან დაკავშირებით, თუ რა პროცესებთან გვაქვს საქმე, რათა უფრო მეტი სიცხადე შემოვიდეს. დაახლოებით 20 პუნქტით არის ცვლილება და თუ ეს მზარდი ტენდენცია გაგრძელდა, საჭიროა საზოგადოების მეტი ინფორმირებულობა, რაც ეროვნული ბაკისგან უნდა წამოვიდეს.

 

ეროვნული ბანკის დაბარების საკითხი სწორედ მაშინ დგება, როდესაც ვხედავთ ინფლაციის გარდაუვალი ცვლილების საშიშროებას. ეს ამ ეტაპზე გამოკვეთილი არ არის, მაინც სარწმუნო მიმაჩნია ის, რასაც ამბობს ეროვნული ბანკი. ჩემი გამოცდილებაც იმას მეუბნება, რომ დარეგულირებადია ასეთი ცვლილება. არ გვაქვს იმის ილუზია, რომ ხარვეზის გარეშე მიმდინარეობს ჩვენი ეკონომიკა, მაგრამ ყოველ შემთხვევაში საგანგაშო სხვა სიტყვაა და საყურადღებო - სხვა. პროცესი არის საყურადღებო და არავითარ შემთხვევაში - საგანგაშო," - განაცხადა რომან კაკულიამ.

 

კითხვაზე, შედგება თუ არა ამ საკითხზე კობა გვენეტაძის საკომიტეტო მოსმენა, რომან კაკულიამ უპასუხა, რომ ეს საფინანსო - საბიუჯეტო კომიტეტის პრეროგატივაა.

 

"ამ ეტაპზე მოდით, ეს დავუტოვოთ საფინანსო- საბიუჯეტო კომიტეტს. მისი პრეროგატივაა. მას ძალიან კომპეტენტური ხელმძღვანელი ჰყავს და არამგონია, რომ მას რაიმე ელემენტი გამოეპაროს,"- აღნიშნა რომან კაკულიამ.

მიხეილ სააკაშვილის საექსტრადიციო პროცედურები საქართველოს პროკურატურას დაწყებული აქვს და ეს სამართლებრივი პროცედურები არ შეწყვეტილა, - ამის შესახებ პროკურორმა კოკა კაციტაძემ განაცხადა. საქართველოს გენერალურ პროკურატურაში მიხეილ სააკაშვილის ექსტრადირებასთან დაკავშირებით კომენტარი გაკეთდა.

 

„რაც შეეხება მოქალაქეობის საკითხს, მისი მოქალაქეობის დაკარგვის, ან აღდგენის ფაქტი მის მიმართ სისხლისსამართლებრივ დევნასთან და საექსტრადიციო პროცედურებთან არავითარ კავშირი არ არის და მიმდინარე პროცესზე ვერავითარ ზეგავლენას ვერ მოახდენს. სასამართლოს მიერ მსჯავრდებულ მიხეილ სააკაშვილს აუცილებლად მოუწევს ქართული მართლმსაჯულების წინაშე წარდგომა და ჩადენილი დანაშაულებისთვის პასუხისგება! საზოგადოებას შევახსენებთ, რომ ის მსჯავრდებულია სანდრო გირგვლიანის საქმეზე, ასევე მსჯავრდებულია პარლამენტის წევრის, ვალერი გელაშვილის ცემის ფაქტზე, ხოლო ბრალდებულია და სასამართლო პროცესები მიმდინარეობს სახელმწიფო სახსრების გაფლანგვის, 7 ნოემბრის აქციის დარბევისა და ტელეკომპანია „იმედის“ უკანონოდ ჩამორთმევის საქმეებზე. პროკურატურა გააგრძელებს სამართლებრივ პროცედურებს სააკაშვილის ექსტრადირებასთან დაკავშირებით“, - განაცხადა კოკა კაციტაძემ.

დეპუტატებს მიხეილ ყაველაშვილს, მუხრან ვახტანგაძესა და ლევან გოგიჩაიშვილს შორის სიტყვიერი დაპირისპირება მოხდა.

 

დაპირისპირების მიზეზი უცნობია, თუმცა სიტუაციის განსამუხტად აღნიშნული დეპუტატები, მანდატურის სამსახურის წარმომადგენლებმა სხდომათა დარბაზიდან გაიყვანეს. ამის შემდგომ ხმაური დეპუტატების ოთახში გაგრძელდა. დაპირისპირების მონაწილე პირთა პოზიციები ამ ეტაპზე უცნობია.

თუ დავინახეთ, რომ ჭავჭავაძის გამზირზე სარეაბილიტაციო სამუშაოები დროში იწელება და მთლიანი ქუჩის რეაბილიტაცია სრულად ვერ მოხერხდება, ჩვენ დავამთავრებთ ამ პირველ ნაწილს, რაც დაწყებულია და შემდგომ მომდევნო წლებში გადავალთ სხვაზე, - ამის შესახებ თბილისის მერმა კახა კალაძემ ჟურნალისტებს ჭავჭავაძის გამზირზე სარეაბილიტაციო სამუშაოების დათვალიერების შემდეგ განუცხადა. როგორც კალაძემ აღნიშნა, მიწის ქვეშ კომუნიკაციები, 8 მეტრის სიღრმეზე უნდა გამოიცვალოს.

 

„ჭავჭავაძის გამზირის პირველი ეტაპის სამუშაოები დღეს დაიწყო. მოძრაობა გადაიკეტა ვარაზისხევის ამოსასვლელიდან ატენის ქუჩამდე და არის ალტერნატიული მარშრუტი, სადაც შესაძლებელია კეკელიძის ქუჩის გავლით გადაადგილება. პირველი ეტაპის სამუშაოები ეს არის მიწიქვეშა კომუნიკაციები, რომელიც არის ძალიან მძიმე მდგომარეობაში. განახლდება როგორც საკანალიზაციო, ისე სანიაღვრე სისტემა. ელექტროსადანები, რომელიც ჰაერშია, დაგეგმილია მათი მიწისქვემოთ ჩატანა, მთლიანად იქნება მოწერიგებული, როგორც ნორმალურ განვითარებულ ქალაქებშია. კიდევ ერთხელ მინდა ბოდიში მოვუხადო დედაქალაქის მოსახლეობას შექმნილი დისკომფორტისთვის, მაგრამ მგონი, ყველა ვთანხმდებით იმაზე, რომ ასეთი პროექტები შეზღუდვების გარეშე შეუძლებელია განხორციელდეს. ვადებს რაც შეეხება, პირველი ეტაპის სამუშაოები 3 თვის განმავლობაში უნდა დამთავრდეს. ყველაზე დიდი პრობლემა არის ის, რომ ქსელი რომელიც არის განთავსებული მიწის ქვემოთ რეალურად არავინ იცის მისი არსებული მდგომარეობა. ერთი ვიცით, რომ არის დაზიანებული. იგივე მდგომარეობაა მელიქიშვილზე, ამიტომ GWP-სთან ერთად დავიქირავეთ უცხოელი ექსპერტები და მათი ზედამხედველობის ქვეშ მიმდინარეობს სამუშაოები. როგორც გვეუბნებიან ის მილები, რომელის ცვლილებაც უნდა განხორციელდეს, განთავსებულია 8 მეტრის სიღრმეზე, როდესაც დაიწყება სამუშაოები გაიხსნება ყველაფერი, მერე მარტივი იქნება. ამიტომ გადავწყვიტეთ სამუშაოებს ეტაპობრივად გავყოლოდით. თუ დავინახეთ, რომ დროში იწელება და მთლიანი ქუჩის რეაბილიტაცია სრულად ვერ მოხერხდება, ჩვენ დავამთავრებთ ამ პირველ ნაწილს, რაც არის დაწყებული და შემდგომ მომდევნო წლებში გადავალთ სხვაზე, თუ ვერ მოვასწრებთ იმ შემთხვევაში",- განაცხადა კალაძემ.

„ოპოზიციისთვის ისეთი მოცემულობაა, უკეთესს რომ ვერ ინატრებდა,"- ამის შესახებ დარგობრივი ეკონომიკის კომიტეტის თავმჯდომარე რომან კაკულიამ ჟურნალისტებს განუცხადა, რითაც გამოეხმაურა ეკონომიკის მინისტრის ნათია თურნავას განცხადებას ფოთის ღრმაწყლოვან ნავსადგურთან დაკავშირებით. კაკულიას შეფასებით, სამინისტროს მხრიდან არასასურველი შეცდომა იქნა დაშვებული, თუმცა მისი თქმით, კარგია, რომ მყისიერი რეაგირება მოხდა.

 

„ოპოზიციისთვის ისეთი მოცემულობაა, უკეთესს რომ ვერ ინატრებდა და იმედია, დღის განმავლობაში გამოიყენებენ. რეალობა არის ის, რომ ალბათ, ძალიან არასასურველი შეცდომა იქნა დაშვებული უწყების მხრიდან. თუ რაიმე სხვასთან გვაქვს საქმე, ალბათ, მინისტრი გაერკვევა. ძალიან სასიამოვნოა, რომ ამაზე მყისიერი რეაგირება მოხდა. ცხადია, ამაში საამაყო არაფერია, მაგრამ გაზვიადებაც არ შეიძლება. ანაკლიის პორტი არის ცალკე თემა, რომელსაც აქვს ერთადერთი გამოწვევა - კონკურენტუნარიანობა და ამასთან დაკავშირებით, განახლებადი ინფორმაციის მიწოდება ზოგადად ინვესტორებისთვის, რომელთაც არ უნდა შეეპაროთ ეჭვი, რომ ეს არის კონკურენტუნარიანი პროექტი. ეს არის ანაკლიის პორტის მთავარი გამოწვევა და არა მთავრობის მიერ არასაკმარისი ყურადღება. მოდით, გავყოთ ერთმანეთისგან ანაკლიის პორტისადმი დამოკიდებულება და ის არასასიამოვნო ინციდენტი, რომელიც მოხდა ფოთის პორტთან. ფოთის პორტსაც ვერავინ აუკრძალავს განვითარებას, თუმცა კანონიერების ფარგლებში. თავისთავად ცხადია, ანაკლიის პორტის შემთხვევაში იმიტომ გამოიკვეთა სიტყვა - ღრმაწყლოვანი, რომ ეს თავის თავში მოიცავდა იმ უნიკალურ შესაძლებლობებს, რომელიც იმ ტერიტორიასთან არის დაკავშირებული. ცხადია, ეს არ უნდა დაიკარგოს. მთავრობა ყველაფერს გააკეთებს ამისათვის. იმედია კონსორციუმიც სათანადოდ შეასრულებს მის წინაშე არსებულ მოთხოვნებს. მოდით, ნუ ავწევთ დიდ აჟიოტაჟს, რომლის საფუძველიც დღეს არ არსებობს,"- განაცხადა რომან კაკულიამ.

თბილისის საჯარო საბავშვო ბაგა-ბაღებში 2019-2020 სასწავლო-სააღმზრდელო წლისთვის აღსაზრდელთა მიღების მიზნით, ელექტრონული რეგისტრაცია 2019 წლის 12 ივნისს დაიწყება.

 

რეგისტრაცია ორ ეტაპად, თბილისის საბავშვო ბაგა-ბაღების მართვის სააგენტოს ვებგვერდზე www.kids.org.ge წარიმართება.

 

პირველი ეტაპის რეგისტრაცია 12 ივნისს, 12:00 საათზე დაიწყება და რეგისტრაციას შეძლებენ: სოციალურად დაუცველი ოჯახების შვილები; სსიპ „სახელმწიფო ზრუნვის სააგენტოს“ ფილიალის, ჩვილ ბავშვთა სახლის ბენეფიციარები, „სახელმწიფო ზრუნვის სააგენტოს“ (შესაბამისი უფლებამოსილების მქონე დაწესებულების) მოწერილობის საფუძველზე; სპეციალური საგანმანათლებლო საჭიროების მქონე ბავშვები; იმ ოჯახის ბავშვები, რომელთა შვილები სარგებლობენ იმავე სკოლამდელი აღზრდის დაწესებულების მომსახურებით;ქალაქ თბილისის მუნიციპალიტეტის ტერიტორიაზე 2015 წლის 13-14 ივნისს მომხდარი სტიქიის შედეგად დაზარალებული ოჯახების ბავშვები, ქალაქ თბილისის მუნიციპალიტეტის მერიის შესაბამისი სტრუქტურული ერთეულების ან/და საჯარო სამართლის იურიდიული პირების შუამდგომლობის საფუძველზე; მარტოხელა მშობლის სტატუსის მქონე პირთა შვილები.

 

აღსანიშნავია, რომ განსაკუთრებული საგანმანათლებლო საჭიროებისა და მარტოხელა მშობლის სტატუსის მქონე მშობლების ბავშვების რეგისტრაცია არ მოხდება ელექტრონულად და აუცილებელი იქნება შესაბამისი დოკუმენტების წარდგენა საბავშვო ბაგა-ბაღების მართვის სააგენტოში.

 

რეგისტრაციის მეორე ეტაპი კი 19 ივნისს, 12:00 საათზე დაიწყება და ელექტრონულად დარეგისტრირებას შეძლებს ყველა სხვა აპლიკანტი, რომელიც არ შედის პირველ ეტაპზე დასარეგიტრირებელთა კატეგორიებში. ამასთან, რეგისტრაცია შესაძლებელია მხოლოდ ერთ საჯარო ბაგა-ბაღში.

 

აღსანიშნავია, რომ რეგისტრაციის გავლას შეძლებს ყველა ის ბავშვი, რომელიც სასწავლო-სააღმზრდელო წლის დასაწყისში (და არა რეგისტრაციის მომენტში) იქნება 2 წლის.

 

წელს საბავშვო ბაღების ჩამონათვალს დაემატება 4 ახლად აშენებული საბავშვო ბაღი, რომელიც მიმდინარე წლის შემოდგომაზე გაიხსნება, შედეგად, თავისუფალი ადგილების რაოდენობა წელს 15 000 იქნება.

ეს კიდევ უფრო მძიმე სურათს იძლევა და არწმუნებს ქვეყნის შიგნით და გარეთ ინვესტორებს, რომ ამ ქვეყანაში არ ღირს არაფრის კეთება, - ასე აფასებს „ევროპული საქართველოს" წევრი, დეპუტატი ზურაბ ჭიაბერაშვილი ფოთის ღრმაწყლოვან ნავსადგურთან დაკავშირებით ეკონომიკის მინისტრის, ნათია თურნავას განცხადებას.

 

ჭიაბერაშვილის შეფასებით, აღნიშნული კიდევ ერთხელ ადასტურებს თუ როგორი არაკომპეტენტური და უნიათო ხელისუფლება ჰყავს საქართველოს, რაც ქვეყანაში ზოგად საინვესტიციო მიმართულებაზეც აისახება.

 

„ჯოხის გადატეხა ეკონომიკის სამინისტროს რომელიღაც სტრუქტურული ერთეულის ხელმძღვანელზე კიდევ უფრო აღმაშფოთებელია. პრაქტიკულად, ანაკლიის პორტი, იქ მიმდინარე საკითხები, მათ შორის ფოთის პორტთან დაკავშირებული, არამხოლოდ ეკონომიკის მინისტრის, არამედ მთელი მთავრობის ყურადღების ქვეშ უნდა იყოს. რასაც დღეს ამბობენ, რომ თურმე, ქვედა დონის ბიუროკრატი გასცემს რაღაცა ნებართვას, რაც მთავრობამ არ იცოდა, ეს კიდევ უფრო მძიმე სურათს იძლევა და არწმუნებს ქვეყნის შიგნით და გარეთ ინვესტორებს, რომ ამ ქვეყანაში არ ღირს არაფრის კეთება“, - განაცხადა ზურაბ ჭიაბერაშვილმა.

 

ეკონომიკისა და მდგრადი განვითარების მინისტრის, ნათია თურნავას განცხადებით, ფოთში ახალ ღრმაწყლოვან ნავსადგურთან დაკავშირებით გაცემული დოკუმენტი გაუქმებულია. როგორც ნათია თურნავამ განაცხადა, ასევე თანამდებობიდან გადაყენებულია მშენებლობის და ტექნიკური ზედამხედველობის სააგენტოს ხელმძღვანელი, რომელმაც აღნიშნული დოკუმენტი გასცა.

 

„პირველ რიგში უნდა ვთქვა, რომ ეს დოკუმენტი, რომელიც გაიცა, არ წარმოადგენს სამშენებლო ნებართვას. ეს არის ე.წ. მიწათსარგებლობის წინასწარი პირობების დოკუმენტი, რომელიც გაიცა ერთ-ერთი ჩვენი სააგენტოს კერძოდ, მშენებლობის და ტექნიკური ზედამხედველობის სააგენტოს უფროსის ბრძანებით ისე რომ, ეს საკითხი არ ყოფილა შეთანხმებული არც ერთ მოქმედ მთავრობის წევრთან და არც ჩემთან პირადად.

 

გარდა ამისა, როგორც გაირკვა, იქ არის პროცედურული დარღვევები, რითიც არის გაცემული ეს დოკუმენტი. აქედან გამომდინარე, დღეს მივიღეთ გადაწყვეტილება და გაუქმდა ეს დოკუმენტი, ასევე სააგენტოს ხელმძღვანელი გადაყენებულია დაკავებული თანამდებობიდან“, - განაცხადა თურნავამ.

ფოთში ახალ ღრმაწყლოვან ნავსადგურთან დაკავშირებით გაცემული ნებართვა პროცედურული დარღვევებით არის გაცემული, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

 

მისივე განმარტებით, ფოთში ახალი ღრმაწყლოვანი ნავსადგურის მშენებლობის ნებართვის დოკუმენტი გაუქმებულია, ასევე თანამდებობიდან გადაყენებულია მშენებლობის და ტექნიკური ზედამხედველობის სააგენტოს ხელმძღვანელი, რომელმაც აღნიშნული ნებართვა გასცა.

 

„პირველ რიგში უნდა ვთქვა, რომ ეს დოკუმენტი, რომელიც გაიცა, არ წარმოადგენს სამშენებლო ნებართვას. ეს არის ე.წ. მიწათსარგებლობის წინასწარი პირობების დოკუმენტი, რომელიც გაიცა ერთ-ერთი ჩვენი სააგენტოს კერძოდ, მშენებლობის და ტექნიკური ზედამხედველობის სააგენტოს უფროსის ბრძანებით ისე რომ, ეს საკითხი არ ყოფილა შეთანხმებული არც ერთ მოქმედ მთავრობის წევრთან და არც ჩემთან პირადად.

 

გარდა ამისა, როგორც გაირკვა, იქ არის პროცედურული დარღვევები, რითიც არის გაცემული ეს დოკუმენტი. აქედან გამომდინარე, დღეს მივიღეთ გადაწყვეტილება და გაუქმდა ეს დოკუმენტი, ასევე სააგენტოს ხელმძღვანელი გადაყენებულია დაკავებული თანამდებობიდან“, - განაცხადა თურნავამ.

 

შეგახსენებთ, ფოთში ახალი ღრმაწყლოვანი ნავსადგურის მშენებლობის ნებართვის მიღებასთან დაკავშირებით „ეიპიემ ტერმინალს ფოთმა“ განცხადება გუშინ გააავრცელა.

არაერთხელ გვითქვამს, რომ ანაკლიის პორტი წარმოადგენს ჩვენთვის სტრატეგიული მნიშვნელობის ობიექტს, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

 

მისივე თქმით, ამ პროექტს გააჩნია უპრეცედენტო მხარდაჭერა ხელისუფლებისგან, დაწყებული 300 მლნ ლარიანი ინფრასტრუქტურით, დასრულებული 70- მილიონიანი მიწის გამოსყიდვით და 100 მლნ დოლარის დამატებითი დაფინანსებით, ასევე სრული იურიდიული მხარდაჭერით.

 

„ჩვენ აქტიურად ვმუშაობთ, მათ შორის საერთაშორისო ბანკებთან და გვაქვს დიდი იმედი, რომ კერძო ინვესტორი, „ანაკლიის განვითარების კონსორციუმი“ შეასრულებს თავის თავზე აღებულ ვალდებულებებს ასეთი მხარდაჭერის ფონზე და ჩვენ მოვუწოდებთ მას, რომ ნუ ეძებს სხვადასხვა მიზეზებს და კონცენტრირდეს არსებული ვალდებულებების შესრულებაზე, რათა ანაკლიის უმნიშვნელოვანესი პროექტი დროულად დაიწყოს და დროულად დავიწყოთ მშენებლობა“, - განაცხადა ნათია თურნავამ.

ექსკლუზიური

არქივი

« « » » აგვისტო 2019
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?