Global Press

Georgia

Global PressGlobal PressGlobal PressGlobal Press

USD
2.9841
EUR
3.3422
RUR
0.0431
GBP
3.7394

ჭყონდიდელმა მიტროპოლიტმა გრიგოლმა (კაცია) მარტვილის, სოფელი ბალდის ღვთისმშობლის შობის სახელობის მონასტრის წინამღვარს არქიმანდრიტ ათენოგენეს მსახურება შეუჩერა.

 

არქიმანდრიტის განცხადებით, მსახურების შეჩერება მიტროპოლიტ პეტრეს (ცაავა) მხარდაჭერას და ღვთიმსახურებაში პატრიარქის მოუხსენიებლობას უკავშირდება.

 

სასულიერო პირის თქმით, მეუფე გრიგოლს შეხვდრისას უთხრა: ვიდრე გარკვეულ კითხვებს პასუხი არ გაეცემა, ვერ შეძლებს საღვთო ლიტურგიისას პატრიარქის მოიხსენიებას.

 

,,მე მივედი მეუფესთან და ვუთხარი, რომ არ შემიძლია ამ პატივში ამ ადამიანების მოხსენიება, ვიდრე ამას არ გამოძიებენ და ეკლესიას პასუხის არ ექნება. შემდეგ ძალოვანები იყვნენ მოსული, გადაგვიღეს. ალბათ, რომ არ მოვიხსენიებდი, ეს გადაიღეს. სამი დღის წინ მეუფემ დაგვიბარა. დაველოდებით მათ პასუხს“ – აცხადებს არქიმანდრიტი ათენოგენე.

 

არქიმანდრიტისთვის მსახურების შეჩერებას ადგილობრივი მრევლი აპროტესტებს. მათი განცხადებით, სხვა სასულიერო პირს მსახურების ჩატარების საშუალებას არ მიცემენ.

ბოლო მონაცემებით, მსოფლიოში კორონავირუსით 6 063 725 ადამიანი დაინფიცირდა, 2 566 048 კი გამოჯანმრთელდა. კორონავირუსის შემთხვევები მსოფლიოს 188 ქვეყანაშია დაფიქსირებული. ამის შესახებ ჯონს ჰოპკინსის უნივერსიტეტის მიერ გამოქვეყნებული სტატისტიკური მონაცემები მეტყველებს.

 

ამ დროისთვის ინფექციას 369 244 ადამიანი ემსხვერპლა. პანდემიას მსოფლიოში ყველაზე მეტი ადამიანი აშშ-ში (103 781) ემსხვერპლა. მეორე ადგილზეა დიდი ბრიტანეთი (38 458), მესამეზე კი - იტალია (33 340).

ნინოობის დღესასწაულთან დაკავშირებით წირვა-ლოცვას სრულიად საქართველოს კათოლიკოს-პატრიარქი, ილია II სიონის საკათედრო ტაძარში აღავლენს. ამის შესახებ საპატრიარქო ტახტის მოსაყდრემ მეუფე შიო მუჯირმა სამების ტაძარში ქადაგების შემდეგ განაცხადა.

 

წმიდა ნინოს ხსენების დღეს საქართველოს მართლმადიდებელი ეკლესია წელიწადში ორჯერ აღნიშნავს: პირველ ივნისს მისი საქართველოში შემოსვლა აღინიშნება, ხოლო 27 იანვარს - გარდაცვალება.

 

რელიგიური სწავლების თანახმად, ქართველთა განმანათლებელი, წმინდა მოციქულთა სწორი, ქალწული ნინო წარმოშობით კაბადოკიიდან იყო. მისი მამა ზაბულონი საფრანგეთის განმანათლებლად მიიჩნევა, წმინდა ნინო ვაზის ჯვრით საქართველოში IV საუკუნეში შემოვიდა, როდესაც ტახტზე მეფე მირიანი და დედოფალი ნანა იმყოფებოდნენ. წმიდა ნინოს ქადაგებით, საქართველოში ქრისტიანობა სახელმწიფო რელიგიად 326 წელს გამოცხადდა.

ჩინეთის დაავადებათა კონტროლისა და პროფილაქტიკის ცენტრის დირექტორმა, გაო ფუმ კორონავირუსის წარმოშობის ახალი ვერსია დაასახელა, რომლის მიხედვითაც, ვირუსი ქალაქ უხანის ბაზრობაზე არ გაჩენილა. ამის შესახებ გამოცემა Daily Mail-ი წერს.

 

„თავიდან ჩვენ ვფიქრობდით, რომ ვირუსი ზღვის პროდუქტების ბაზრობაზე გაჩნდა, მაგრამ ანალიზებით ეს არ დადასტურდა. სამაგიეროდ, ჩვენ აღმოვაჩინეთ ვირუსის კვალი ჩამდინარე წყლის ნიმუშებში. შესაბამისად, არაა გამორიცხული, რომ ვირუსი უხანის ბაზრობაზე გამოჩენამდეც არსებობდა“, - განაცხადა გაო ფუმ.

საუკუნო ცხოვრება ეს არის შეცნობა უფლისა, ანუ მადლის მოხვეჭა. მხოლოდ სულიწმიდის მადლით ხდება ეს, ვერანაირი ჩვენი პირადი მეცადინეობით მარტო ამას ჩვენ ვერ მივაღწევთ, ამისთვის არის ეკლესიური ცხოვრება , - ამის შესახებ საპატრიარქო ტახტის მოსაყდრემ მეუფე შიო მუჯირმა სამების საკათედრო ტაძარში საკვირაო ქადაგებისას განაცხადა.

 

როგორც მეუფე შიომ აღნიშნა, დღეს ეკლესია პირველი მსოფლიო კრების წმინდა მამებს მოიხსენიებს, ასევე მოციქულთა სწორებს - მირიან მეფეს და დედოფალ ნანას.

 

მეუფე შიომ ქადაგებისას პირველი მსოფლიო კრების და არიოზის სწავლების შესახებ ისაუბრა. ქადაგებისას მან ასევე საუკუნო ცხოვრებაზე და ღმერთის შემეცნებაზე გაამახვილა ყურადღება.

 

„საუკუნო ცხოვრება ეს არის შეცნობა, შემეცნება ღმერთის. ეს არის მთავარი რამ ჩვენს სარწმუნოებაში. თუ გვინდა სულის გადარჩენა, ჩვენ უნდა ვიღვაწოთ შემეცნებისათვის, შეცნობისთვის, მაგრამ რა არის შეცნობა? ადამიანური ცხოვრებიდან რომ ავიღოთ, როდის ვამბობთ ჩვენ, რომ ვიცნობთ ადამიანს კარგად? მრავალ ადამიანს ვიცნობთ, მაგრამ სიღრმისეულად, ღრმად როდის ვიცნობთ ჩვენ ადამიანს? - როდესაც მასთან ერთად დიდი ხნის განმავლობაში ვცხოვრობთ, ან ჩვენი ოჯახის წევრია, მეგობარი, ან მრავალი რამ გაგვივლია ერთად. ვიცით, იგი რას ფიქრობს, რას გრძნობს, რა სურს მას, რა სტკივა, რა უხარია და ა.შ. მაშინ ვამბობთ ჩვენ ვიცით, ვინ არის ეს ადამიანი სინამდვილეში. ასევე არის ღმერთის შეცნობაც. ჩვენ შეგვიძლია ვთქვათ, რომ ვიცნობთ უფალს, როცა ჩვენ ვიცით რა სურს ღმერთს, რას ფიქრობს იგი, რა ჰნებავს მას ჩვენთან მიმართებაში, რა მოსწონს უფალს, რა არ მოსწონს. ამის შემეცნება არის სულის ცხონება, სულის გადარჩენა. ეს არ არის უბრალოდ თეორიული ცოდნა დოგმატების ან ეკლესიის სწავლების, ეს არ არის საკმარისი. აქ სულ სხვა რამ იგულისხმება. აქ იგულისხმება ის მდგომარეობა, როდესაც ადამიანის სულში სულიწმიდის მადლი დაივანებს, როდესაც უფალი ცხოვრობს ჩვენს სულში. მაშინ შეგვიძლია, ჩვენ ვთქვათ, რომ ვიცნობთ უფალს და უფალი გვიცნობს ჩვენ ასევე.

 

საუკუნო ცხოვრება ეს არის შეცნობა უფლისა, ანუ მადლის მოხვეჭა. მხოლოდ სულიწმიდის მადლით ხდება ეს. ვერანაირი ჩვენი პირადი მეცადინეობით მარტო ამას ჩვენ ვერ მივაღწევთ. ამისთვის არის ეკლესიური ცხოვრება, აუცილებელია მცნებების შესრულება. მცნებენის შესრულებით ადამიანი ნელ-ნელა გულისხმა-ჰყოფს, რომ ის უძლურია სასუფეველი დაიმკვიდროს, თვითონ მოიხვეჭოს მადლი, საუკუნო ცხოვრება თვითონ დაიმკვიდროს მაცხოვრს გარეშე. შესაბამისად, მდაბლდება და ამ სიმდაბლის შედეგად მასთან მოდის სულიწმიდის მადლი და ის იმკვიდრებს საუკუნო ცხოვრებას. ეს არის უმთავრესი ჩვენს სარწმუნოებაში.

 

თუ გახსოვთ, კათოლიკოს-პატრიარქმა ილია მეორემ ამაღლების დღესასწაულზე სიხარულის თაობაზე იქადაგა, მან თქვა, რომ ადამიანი სიხარულისთვის არის შექმნილი. აქ საუბარია სულიერ სიხარულზე, ჭეშმარიტ სიხარულზე, რომელსაც უფალი იესო ქრისტე საუბრობს. ეს არის მიზანი ჩვენი ცხოვრების. ღერთმა ინებოს, რომ ჩვენ ვიაროთ სულის გადარჩენის გზით, უფლის მცნებების გზით, რათა მოვიხვეჭოთ მადლი სულისა წმიდისა.

 

ამ დიდ გზაზე ჩვენი მანათობლები, ჩვენი დიდი მოძღვრები არიან ჩვენი წმინდა მამები, ჩვენი დიდი წინაპრები, როგორც პირველი მსოფლიო კრების წმინდა მამები, ასევე ჩვენი დიდი წინაპრები, მოციქულთა სწორი - მეფე მირიანი, დედოფალი ნანა, რომელთა ლოცვითაც შეგვიწყალოს და გვაცხოვნოს ჩვენ უფალმან“, - განაცხადა მეუფე შიომ.

 

მეუფე შიომ მრევლს შეახსენა, რომ ხვალ ნინოობაა და კათოლიკოს პატრიარქი წირვას სიონის საკათედრო ტაძარში აღავლენს.

 

„ხვალ არის ნინოობა. წმინდა ნინოს საქართველოში შემობრძანების დღესასწაული და სრულიად საქართველოს კათოლიკოს პატრიარქი ილია მეორე წირვას აღავლენს სიონის საპატრიარქო ტაძარში დილის 10:00 საათზე", - აღნიშნა მეუფე შიომ.

საქართველოში კორონავირუსით კიდევ 26 ადამიანი დაინფიცირდა, 5 კი გამოჯანმრთელდა. ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.

 

საერთო ჯამში ქვეყანაში კორონავირუსი 783 ადამიანს დაუდასტურდა, აქედან 605 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი.

 

კარანტინის რეჟიმში 2 966 ადამიანი რჩება, სტაციონარში მეთვალყურეობის ქვეშ კი - 250.

ჯორჯ ფლოიდის მკვლელობით გამოწვეული საპროტესტო აქციების გამო 25 დიდ ამერიკულ ქალაქში კომენდანტის საათი გამოცხადდა. ინფორმაციას ამის შესახებ ტელეკომპანია CNN-ი ავრცელებს.

 

მისი ცნობით, ღამის საათებში გადაადგილება შეზღუდულია შემდეგ ქალაქებში: ლოს-ანჯელესი და ბევერლი-ჰილზი (კალიფორნია), დენვერი (კოლორადო), მაიამი (ფლორიდა), ატლანტა (ჯორჯია), ჩიკაგო (ილინოისი), ლუისვილი (კენტუკი), მინეაპოლისი და სენტ-პოლი (მინესოტა), როჩესტერი (ნიუ-იორკი), ცინცინატი, კოლუმბუსი, დეიტონი, ტოლედო და კლივლენდი (ოჰაიო), პორტლენდი და იუჯინი (ორეგონი), ფილადელფია და პიტსბურგი (პენსილვანია), ჩარლსტონი და კოლუმბია (სამხრეთ კაროლინა), ნეშვილი (ტენესი), სოლტ-ლეიკ-სიტი (იუტა), სიეტლი (ვაშინგტონი) და მილუოკი (ვისკონსინი).

 

ჯორჯ ფლოიდი 25 მაისს მოკლეს. სოციალურ ქსელებში გავრცელდა ვიდეო, რომელშიც პოლიციელი მუხლს აჭერს ყელზე 46 წლის აფროამერიკელს, ხოლო დაკავებული ხრიალებს და ითხოვს, სუნთქვის საშუალება მისცენ.

 

ჯორჯ ფლოიდის მკვლელობას საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს.

აშშ-ის პრეზიდენტმა, დონალდ ტრამპმა შტატების ხელისუფლებას მოუწოდა, მკაცრად იმოქმედონ ძალადობრივი საპროტესტო აქციების აღკვეთის მიზნით.

 

„შტატების საზღვრის გადაკვეთა ძალადობის წაქეზების მიზნით ფედერალური დანაშაულია! ლიბერალმა გუბერნატორებმა და მერებმა უფრო მკაცრად უნდა იმოქმედონ, ან ფედერალური მთავრობა გააკეთებს იმას, რაც უნდა გაკეთდეს, რაც ჩვენი სამხედროების შეუზღუდავი ძალის გამოყენებას მოიცავს და რასაც უამრავი დაპატიმრება მოჰყვება!“ - დაწერა დონალდ ტრამპმა Twitter-ზე.

 

მინეაპოლისში ჯორჯ ფლოიდის მკვლელობის გამო აშშ-ის რამდენიმე ქალაქში გამართულ დემონსტრაციებს არეულობა და დემონსტრანტების პოლიციასთან დაპირისპირება მოჰყვა.

 

ჯორჯ ფლოიდი 25 მაისს მოკლეს. სოციალურ ქსელებში გავრცელდა ვიდეო, რომელშიც პოლიციელი მუხლს აჭერს ყელზე 46 წლის აფროამერიკელს, ხოლო დაკავებული ხრიალებს და ითხოვს, სუნთქვის საშუალება მისცენ.

 

ჯორჯ ფლოიდის მკვლელობას საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს. 30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს.

რუსეთი რეალურად მარტო ლუგარის ლაბორატორიას კი არ ესხმის თავს და მარტო ლუგარში კი არ უნდა შესვლა, რუსეთს უნდა შესვლა საქართველოს ევროატლანტიკურ დღის წესრიგში, ამის შესახებ საქართველოს პარლამენტის თავმჯდომარე არჩილ თალაკვაძემ გადაცემაში „ქრონიკა“ განაცხადა.

 

„ეს განცხადებები, რბილის ძალის გამოყენება და პროვოკაციები არის საოკუპაციო პოლიტიკის ნაწილი. რუსეთს მარტო ლუგარში კი არ უნდა შესვლა, მას უნდა შესვლა ყველაფერში, რაზეც საქართველოს წარმატებები დგას და დღეს, ეს ყველაზე მეტად დგას ჯანდაცვის სისტემაზე და ლუგარი არის საქართველოს ჯანდაცვის ნაწილი. რუსეთი რეალურად მარტო ლუგარის ლაბორატორიას კი არ ესხმის თავს და მარტო ლუგარში კი არ უნდა შესვლა, რუსეთს უნდა შესვლა საქართველოს ევროატლანტიკურ დღის წესრიგში, უნდა შესვლა და ჩარევა საქართველოს დემოკრატიაში, რუსეთს უნდა შესვლა საქართველოს ტერიტორიული კონფლიქტების მოგვარებაში - ოკუპირებული აქვს ორი რეგიონი და ამით ხელს უშლის ქვეყნის განვითარებას. რუსეთს უნდოდა და მომავალშიც მოუნდება ზეგავლენა მოახდინოს საქართველოს დემოკრატიულ არჩევნებზეც და ჩვენ ძალიან ფრთხილად უნდა ვიყოთ, რომ პრორუსულმა ძალებმა არ ისარგებლონ იმ დესტრუქციით, რასაც ეგრეთწოდებული „პროდასავლური ოპოზიცია” აკეთებს დღეს“, - განაცხადა არჩილ თალაკვაძემ.

 

პარლამენტის თავმჯდომარის განცხადებით, ლუგარის ლაბორატორია იყო კოვიდის წინააღმდეგ წარმატების შემქმნელი ერთ-ერთი მნიშნელოვანი რგოლი და ლუგარის ლაბორატორიაზე შეტევა რუსეთის მხრიდან, პირდაპირ უდრის რუსეთის საოკუპაციო პოლიტიკას.

 

მისივე თქმით, ის ფაქტი, თუ როგორ იყენებს რუსეთი რბილ ძალას საქართველოში, უნდა იყოს ძლიერი არგუმენტი გადაწყვეტილების მისაღებად დასავლური პოლიტიკური წრეებისთვის, საქართველოს ევროპულ და ევროატლანტიკურ სტრუქტურებში გაწევრიანებასთან დაკავშირებით.

 

„მე მინდა დაგარწმუნოთ, რუსეთი საქართველოს მომავალს ვერ შექმნის, ჩვენს მომავავალს ვქმნით ჩვენ, ჩვენს სტრატეგიულ პარტნიორებთან ერთად, საქართველო გააგრძელებს თავისი დემოკრატიის გაძლიერებას, საქართველო გააგრძელებს თავისი ინსტიტუტების გაძლიერებას. ჩვენ შევეცდებით, რომ განვითარების მშვიდობიანი გზით მოვაგვაროთ კონფლიქტები, აღვადგინოთ ტერიტორიული მთლიანობა. საქართველო აუცილებლად გაწევრიანდება ევროკავშირსა და ნატოში - ეს დროის საკითხია“, - აღნიშნა არჩილ თალაკვაძემ.

ოზურგეთის მუნიციპალიტეტის სოფელ გურიანთაში ექვსი წლის ბიჭი, სახლიდან დაახლოებით ერთ კილომეტრში გარდაცვლილი იპოვეს.

 

არსებული ინფორმაციით, ის წყლის გუბეში ჩავარდა და დაიხრჩო. ბავშვს ოჯახი დილიდან ეძებდა. შემდეგ კი პოლიციას მიმართა.

 

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

აშშ-ის პრეზიდენტი, დონალდ ტრამპი ჯორჯ ფლოიდის მკვლელობასთან დაკავშირებით თეთრ სახლთან გამართულ საპროტესტო აქციას გამოეხმაურა. აშშ-ის პრეზიდენტმა აღნიშნა, რომ აქცია პროფესიულად მართული იყო და არაფერი საერთო ჰქონდა ჯორჯ ფლოიდის ხსოვნასთან.

 

„გუშინ ღამით, აშშ-ის საიდუმლო სამსახურმა თეთრ სახლთან დიდებული სამუშაო გასწია. ისინი არა მხოლოდ პროფესიულად, არამედ ძალიან ცივსისხლიანადაც მოქმედებდნენ. თეთრ სახლში ვიმყოფებოდი და თითოეულ ნაბიჯს ვაკვირდებოდი. მინდა გითხრათ, რომ არასდროს მიგვრძნია თავი უფრო უსაფრთხოდ. მათ „პროტესტის მონაწილეებს“ ბღავილის ნება დართეს, თუმცა როგორც კი ვინმე გამყოფ ხაზს მიუახლოვდებოდა, სწრაფად რეაგირებდნენ. წინა ხაზზე საიდუმლო სამსახურის ახალბედა აგენტები იდგნენ. პროფესიულად ორგანიზებული დიდი ბრბო შეიკრიბა თეთრ სახლთან, თუმცა ვერავინ გაბედა ახლოს მოსვლა. ეს რომ გაეკეთებინათ, მათ ყველაზე ავი ძაღლებითა და ყველაზე საშიში იარაღით მიესალმებოდნენ. სულ მცირე მძიმედ დაშავდებოდნენ. საიდუმლო სამსახურის აგენტები მზად იყვნენ რეაგირებისთვის. როგორც გუშინ იხილეთ, ისინი ძალიან ცივსისხლიანად და პროფესიულად მოქმედებდნენ. მადლობას ვუხდი მათ!“ - განაცხადა დონალდ ტრამპმა.

 

ჯორჯ ფლოიდი 25 მაისს მოკლეს. სოციალურ ქსელებში გავრცელდა ვიდეო, რომელშიც პოლიციელი მუხლს აჭერს ყელზე 46 წლის აფროამერიკელს, ხოლო დაკავებული ხრიალებს და ითხოვს, სუნთქვის საშუალება მისცენ. ჯორჯ ფლოიდის მკვლელობას საპროტესტო აქციები მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს.

 

30 მაისს ფლოიდის საქმეზე დაკავებულ ყოფილ პოლიციელს ბრალი წინასწარი განზრახვის გარეშე მკვლელობის მუხლით წაუყენეს.

 

საქართველოში რეგისტრირებულ დაცული ადგილწარმოშობის დასახელებებს ღვინო „ახოები“ დაემატა.

 

„ახოები“ წითელი მშრალი ღვინოა. მიკროზონა მდებარეობს გურჯაანის მუნიციპალიტეტის სოფელ კარდენახის ადმინისტრაციულ ტერიტორიაზე. „ახოები“ წითელი შეიძლება დამზადდეს მხოლოდ ახოების მიკროზონაში მოწეული საფერავის ან ბუდეშურისებური საფერავის ჯიშის ყურძნიდან და დაუშვებელია სხვა ჯიშების გამოყენება.

 

ინტელექტუალური საკუთრების ეროვნულ ცენტრს „საქპატენტი“ გეოგრაფიული აღნიშვნის რეგისტრაციის მოთხოვნით ა(ა)იპ „კარდენახის ღვინომ“ მიმართა. ამით ადგილწარმოშობის დასახელების ღვინოების რაოდენობა 24-მდე გაიზარდა.

 

წარმოების სპეციფიკაციის დაცვასა და ადგილწარმოშობის დასახელების მართებულად გამოყენებაზე სახელმწიფო კონტროლს ახორციელებს ღვინის ეროვნული სააგენტო, საქართველოს კანონმდებლობით დადგენილი წესის შესაბამისად.

ექსკლუზიური

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?