Global Press

Georgia

Global PressGlobal PressGlobal PressGlobal Press

USD
3.2345
EUR
3.797
RUR
0.0412
GBP
4.1958

"ევროპული საქართველოს" ერთ-ერთი ლიდერი და მაჟორიტარობის კანდიდატი, ელენე ხოშტარია მარნეულში მომხდარ ინციდენტს ეხმაურება და წერს, რომ ეს ცეცხლთან თამაში და ქვეყნისთვის უკიდურესად საშიში პროცესია.

 

,,ქართულმა ოცნებამ არჩევნების წაგების შიშისა და სასოწარკვეთის ფონზე გადაწყვიტა, ყოველდიურად იძალადოს იმ ადამიანებზე, რომლებიც დისკომფორტს უქმნიან. შეხვედრებზე მისულ ადამიანებზე, კანდიდატებზე, აქტივისტებსა და ჟურნალისტებზე ფიზიკური ძალადობა უკვე ყოველდღიურობა გახდა. არც ერთ ჩვენგანს ამის არ ეშინია, პირიქით, ეს გვაძლიერებს და გვაერთიანებს, მაგრამ ეს არის საშიში ჩვენი ქვეყნისთვის. პოლიტიკური ბრძოლის ხაზი არ უნდა გადიოდეს ძალადობაზე, ერთმანეთის განადგურებაზე, - წერს ელენე ხოშტარია.

 

მისი თქმით, ყველას პასუხისმგებლობა და ვალდებულებაა საქართველოს ისტორიაში "ამ სამარცხვინო ფურცლის" ერთხელ და სამუდამოდ დახურვა.

 

შეგახსენებთ, რომ მარნეულში საღამოს მომხდარი დაპირისპირებისას ენმ-ს საოლქო კომისიის წევრი, ლაშა ქველაძე და მასთან ერთად მყოფი პირები დაშავდნენ. ქველაძე სასწრაფო დახმარებამ საავადმყოფოში გადიაყვნა. დამტვრეულია მისი მანქანაც.

 

რაც შეეხებათ მედიის წარმომადგენლებს, ცოტა ხნის წინ "მთავარი არხის" 4 თანამშრომელს თავს დაესხნენ, ადგილორბივ კორესპონდეტნს თავი აქვს გატეხილი და საავადმყოფოშია გადაყვანილი. დაზიანებულია მთავარი არხის ტექნიკაც. "მთავარი არხის" გარდა თავს დაესხნენ ადგილზე მყოფ საზოგადოებრივი მაუწყებლის გადამღებ ჯგუფსაც. მათ კამერა დაუმტვრიეს და ოპერატორს ფიზიკურად გაუსწორდნენ.

 

მომხდართან დაკავშირებით შინაგან საქმეთა სამინისტრომ გამოძიება ძალადობისა და ჟურნალისტური საქმიანობის ხელისშეშლის ფაქტზე დაიწყო. დაკავებული ამ დრომდე არავინ არაა.

მარნეულში "მთავარის" გადამღებ ჯგუფზე მომხდარ თავდასხმაზე და საოლქო საარჩევნო კომისიასთან მთელი დღის მანძილზე მიმდინარე დაპირისპირებებზე, პასუხისმგებლობას, პარლამენტის ყოფილი თავმჯდომარე ირაკლი კობახიძე, ისევ ოპოზიციას აკისრებს.

 

"ერთადერთი ვისაც არეულობა აწყობს ეს არის ოპოზიცია. მიზეზი არის მარტივი, ეს არის რეიტინგი და ყველა ხედავთ, რომ ეს რეიტინგი უმძიმესია.დღესაც იყო გარკვეული ინციდენტი მარნეულში და ყველას მოვუწოდებთ შეინარჩუნონ სიმშვიდე. თქვენ გახსოვთ, თუ რა სახით წარიმართებოდა "ქართული ოცნების" წინასაარჩევნო კამპანია. ეს იყო აბსოლურტურად მშვიდი, კონსტრუქციული მომავლაზე ორიენტირებული კამპანია." - ამბობს ირაკლი კობახიძე.

 

ცნობისთვის, დღეს დილიდან, მარნეულის ცენტრში, საოლქო საარჩევნო კომისიის მიმდებარე ტერიტორიაზე დაპირისპირებები დღის ბოლომდე გრძელდებოდა.

 

"მთავარი არხის" 4 თანამშრომლის გარდა, ფიზიკურად გაუსწორდნენ საზოგადოებრივი მაუწყებლის ჟურნალისტებსაც და სამოქალაქო აქტივისტებსაც.

 

"მთავარის" ჟურნალისტი ჯეიჰუნ მუჰამედალი ყვება, რომ მას 10 ადამიანი ურტყავდა, თუმცა ვინ, მან იდენტიფიცირება ვერ შეძლო.

 

დღის ბოლოს "ქართულმა ოცნებამ" განცხადება გაავრცელა, სადაც დაშავებული "მთავარი არხის" და არც "საზოგადოებრივი მაუწყებლის" ჟურნალისტები ნახსენები არ ყოფილან. ირაკლი კობახიძის მსსგავსად, მმართველა პარტიამაც დაპირისპირებაში "ერთიანი ნაციონალური მოძრაობა" დაადანაშაულა და აღნიშნა, რომ ოპოზიციის ნასვამ მდგომარეობაში მყოფმა აქტივისტებმა სიტყვიერი და ფიზიკური შეურაცხყოფა მათ მხარდამჭერებს მიაყენეს.

„საერთაშორისო გამჭვირვალობა - საქართველო“ გმობს მარნეულში დღეს მომხდარ თავდასხმის ინციდენტებს „მთავარი არხისა“ და „პირველი არხის“ ჟურნალისტებზე, აგრეთვე პოლიტიკურ აქტივისტებზე - განცხადებას ორგანიზაცია Facebook-ზე აქვეყნებს.

 

"არჩევნების მშვიდ და სამართლიან გარემოში ჩატარება საქართველოს მოქალაქეების უმთავრეს ინტერესს წარმოადგენს და ამის უზრუნველყოფის უმთავრესი ვალდებულება მოქმედ ხელისუფლებას ეკისრება. მოვუწოდებთ სამართალდამცავ უწყებებს უზრუნველყონ ინციდენტების სწრაფად, სრულყოფილად და მიუკერძოებლად გამოძიება." - ნათქვამია განცხადებაში.

 

შეგახსენებთ, დღეს მარნეულში "მთავარი არხის" 4 თანამშრომელს თავს დაესხნენ და ფიზიკურად გაუსწორდნენ მათ. ჯეიჰუნ მუჰამედალი ყვება, რომ მას 10 ადამიანი ურტყავდა, ვინ იდენტიფიცირება ვერ შეძლო. ჩვენი ჟურნალისტი მარნეულის საავამდყოფოდან ამ წუთებში კატასტროფის ბრიგადას თბილისში გადმოჰყავს.

„ქართული ოცნება-დემოკრატიული საქართველო“ საღამოს, მარნეულში მომხდარ ინციდენტთან დაკავშირებით განცხადებას ავრცელებს.

 

მმართველი პარტიის განმარტებით, სახელმწიფო დესტაბილიზაციისა და არეულობის მცდელობებს არ დაუშვებს და ყველა პირი, ვინც კანონის ფარგლებს გაცდება, უმკაცრესად დაისჯება.

 

„მარნეულის მუნიციპალიტეტში, “ნაციონალური მოძრაობის” წევრების მხრიდან დღეს საოლქოს ადმინისტრაციაში შეჭრის მცდელობა და ცესკოს ერთ-ერთი თანამშრომლის მიმართ ფიზიკური ძალადობა ვიხილეთ. ადგილზე იმყოფებოდა პოლიცია და აღნიშნული საქმის გამოძიება დაწყებულია.

 

თუმცა, “ნაციონალური მოძრაობის” აქტივმა ძალადობა არ იკმარა და ამჯერად, საღამოს საათებში, ალკოჰოლური ზემოქმედების ქვეშ მყოფი მათი აქტივისტები “ქართული ოცნების” ოფისთან მივიდნენ და ჩვენს მხარდამჭერებზე როგორც სიტყვიერად, ისე ფიზიკურად ძალადობა დაიწყეს, რის შემდეგაც ვითარება გართულდა და კონფლიქტი ორმხრივ დაპირისპირებაში გადაიზარდა.

 

სახელმწიფო დესტაბილიზაციისა და არეულობის მცდელობებს არ დაუშვებს და ყველა პირი, ვინც კანონის ფარგლებს გაცდება, უმკაცრესად დაისჯება.

 

როგორც ჩანს, “ნაციონალური მოძრაობა” საბოლოოდ დაადგა წინასაარჩევნო კამპანიაში პროვოკაციებისა და ძალადობის გზას, რასაც განსაკუთრებული დაფიქრება, მოთმინება და ანალიზი სჭირდება.

 

ყველას მოგიწოდებთ, რომ მათ ქმედებებს საკადრისი პასუხი გავცეთ არა ფიზიკური, არამედ მშვიდობიანი, არჩევნების გზით. ჩვენ ვართ პასუხისმგებლიანი გუნდი, რომელიც 2012 წლის პირველ ოქტომბერს, ძალადობრივი რეჟიმის პირობებში მშვიდობიანი გზით, არჩევნების მეშვეობით მოვიდა ხელისუფლებაში და მტრულ ძალებს არჩევნებით კიდევ ერთხელ დავამარცხებთ“, - ნათქვამია განცხადებაში.

მარნეულში მომხდარ ინციდენტთან დაკავშირებით, სადაც დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს შინაგან საქმეთა სამინისტრომ გამოძიება დაიწყო.

 

როგორც ჟურნალისტებს ქვემო ქართლის პოლიციის დეპარტამენტის დირექტორმა ლაშა გოგნიაშვილმა განუცხადა, გამოძიება დაიწყო ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით.

 

შსს-ს წარმომადგენლის განმარტებით, მომხდართან დაკავშირებით სამართალდამცველებს ჯერჯერობით არავინ დაუკავებიათ.

 

მისვე განმარტებით, პოლიციას თავდამსხმელთა შესახებ ჯერჯერობით სრული ინფორმაცია არ აქვს და დამნაშავე პირთა დასადგენად მიმდინარეობს გამოძიება.

 

„გამოძიება მყისიერად დავიწყეთ გივი ქველაძის ჯანმრთელობის დაზიანების ფაქტზე 126-ე მუხლით. რაც შეეხება ჯეიჰუნ მუჰამედ ალის ცემის ფაქტს, გამოძიება დავიწყეთ სსკ-ის 154-ე მუხლით, რაც ჟურნალისტურ საქმიანობაზე ხელის შეშლას გულისხმობს. მიმდინარეობს აქტიური ოპერატიული სამძებრო და საგამოძიებო მოქმედებები დანაშაულის ჩამდენ პირთა დაკავების მიზნით. შსს- ყველაფერს აკეთებს, ვინაიდან დაცული იყოს საზოგადოებრივი წესრიგი, როგორც ქალაქ მარნეულში ასევე მთელ საქართველოში ყველანაირი საგამოძიებო მოქმედებები მყისიერად ჩატარდება“, - განაცხადა ლაშა გოგნიაშვილმა.

 

მისვე განმარტებით, მაშინ, როდესაც გივი ქველაძეზე თავდასხმის ფაქტი მოხდა, ადგილზე სამართალდამცველები არ იმყოფებოდნენ.

 

„პირველ თემას რაც შეეხება, მაშინ იქ შსს-ს წარმომადგენლები არ იყვნენ. შეტყობინების შესვლისთანავე ოპერატიული ჯგუფები მყისიერად გამოცხადნენ და დავიწყეთ შესაბამისი ღონისძიებები, როგორც საგამოძიებო, ისე სამძებრო“, - განაცხადა მან.

ჩვენ არავის მივცემთ იმის უფლებას, რომ ძალადობრივი ინციდენტებით ჩრდილი მიაყენონ წინასაარჩევნო კამპანიას, - ამის შესახებ საქართველოს პარლამენტის თავმჯდომარემ არჩილ თალაკვაძემ ჟურნალისტებთან საუბრისას განაცხადა.

 

მისივე თქმით, კამპანიის ძალადობით გადაფარვა, მხოლოდ იმ ადამიანის ინტერესში შედის, რომელსაც სამართლიან არჩევნებში გამარჯვების იმედი არ აქვს.

 

„რაც შეეხება წინასაარჩევნო კამპანიას, სამწუხაროა, რომ ჩვენი ოპონენტები პროგრამების წარდგენის ნაცვლად, კანდიდატების წარდგენის ნაცვლად და მაჟორიტარების დასახელების ნაცვლად, ჩართულები არიან პროვოკაციებში. მე მაინც გირჩევთ, რომ თავი შევიკავოთ ყველამ წინასწარი შეფასებებისგან. მე მინდა გითხრათ, რომ ხელისუფლების და ჩვენი გუნდის ინტერესებში ასეთი ტიპის ინციდენტები და კამპანიის გადაფარვა ასეთი ძალადობით, ნამდვილად არ შედის და ეს არის იმ ადამიანების ინტერესში, ვისაც არ აქვს იმედი სამართლიან არჩევნებში გამარჯვების და რაიმე შედეგის მიღების“, - განაცხადა თალაკვაძემ.

 

ამასთან, პარლამენტის თავმჯდომარემ აღნიშნა, რომ როგორც ჩანს წინასაარჩევნო კამპანია მშვიდ კონსტრუქციულ პირობებში მიმდინარეობს.

"მთავარი არხის" გენერალური დირექტორი, ნიკა გვარამია, მარნეულში იმ საავადმყოფოში ჩავიდა, სადაც ჩვენი ჟურნალისტია გადაყვანილი, რომელსაც ცოტა ხნის წინ მარნეულში ფიზიკურად გაუსწორდნენ.

 

გვარამია ამბობს, რომ ფიზიკურ თავდასხმებზე პასუხები ყველას უნდა მოეთხოვოს.

 

"ჩვენ უკვე ვხედავთ რაზეა გადასულია ხელისუფლება, ჟურნალისტების ცემაზე, დიდი ხანია ვხედავთ რასაც ჩადიან, მაგრამ ეხლა უკვე თვალნათვლივ დავინახეთ ამათი მხრიდან . ჩვენი ჟურნალისტის ცემას, დამტვრეული კამერის, დამტვრეული მიკროფონის და მანქანის გამო ღერა-ღერა და წვეთ-წვეთად ამოგიღებთ შხამად ამ ყველაფერს. გპირდებით, რომ ხვალიდანვე ამ საქციელს, თითქოს ჩვენ თვითონ ვცემეთ ჩვენი ჯგუფი, ყველაფერს წვეთ-წვეთად ამოგიღებთ. ფიზიკურ თავდასხმებზე პასუხები უნდა მოვთხოვო ყველას, იქ იყო პოლიციაც, დააგვიანა სასწრაფომაც, ანუ ეს უკვე არის სამოქალაქო დაპირისპრება და მათ ცემას არავის ვაპატიებთ. ქართული ოცნების სპიკერს, რომელიც ხვალ გამოვა და იტყვის, რომ ჩვენ ვცემეთ ჩვენი ჟურნალისტი, აი მას ამოვგლეჯ ენას პირველივეს" - ამბობს გვარამია.

 

აღსანიშნავია, რომ ჯეიჰუნ მუჰამედალის გარდა, თავს დაესხნენ "მთავარი არხის" კიდევ 3 თანამშრომელს. დაზიანებულია "მთავარი არხის" კამერა და მიკროფონი.

სახალხო დამცველის აპარატი მარნეულში განვითარებულ მოვლენებთან დაკავშირებით განცხადებას ავრცელებს. მათი თქმით, აპარატის წარმომადგენლები ადგილზე სიტუაციის გასაცნობად მიდიან.

 

ომბუდსმენი აცხადებს, რომ უკვე ჰქონდათ კომუნიკაცია შინაგან საქმეთა სამინისტროსთან და მათი თქმით, გდაწყებულია გამოძიება ჟურნალისტური საქმიანობის ხელშეშლის მუხლით.

 

,,იმედს ვიტოვებთ, გამოძიება წარიმართება ოპერატიულად და მოხდება პასუხისმგებელ პირთა სწრაფი იდენტიფიცირება. აღნიშნული მნიშვნელოვანი წინაპირობა იქნება საზოგადოებრივი წესრიგისა და არჩევნების მშვიდობიან გარემოში ჩატარების უზრუნველსაყოფად, - წერია განცხადებაში.

 

ომბუდსმენი აცხადებს, რომ მათ ხელთ არსებული პირველადი ინფორმაციით, განხორციელდა ფიზიკური ძალადობა რამდენიმე ადამიანის მიმართ, მათ შორის არის სადამკვირვებლო ორგანიზაციის წარმომადგენელი გიორგი მუმლაძე და მედიის წარმომადგენლები (ტელეკომპანია მთავარი, საზოგადოებრივი მაუწყებელი).

 

შეგახსენებთ, რომ ცოტა ხნის წინ "მთავარი არხის" 4 თანამშრომელს თავს დაესხნენ, ადგილორბივ კორესპონდეტნს თავი აქვს გატეხილი და საავადმყოფოშია გადაყვანილი. დაზიანებულია მთავარი არხის ტექნიკაც.

 

"მთავარი არხის" გარდა თავსდაესხნენ ადგილზე მყოფ საზოგადოებრივი მაუწყებლის გადამღებ ჯგუფსაც.

ყველაფერი ჩვენი სამართალდამცავების წინ მოხდა - ამბობს "მთავარი არხის" ჟურნალისტი, რომელსაც მარნეულში თავს დაესნნენ და ამ წუთებში საავადმყოფოშია გადაყვანილი, მას მწვავე ტკივილი აქვს თავსი არეში.

 

"ნახევარი საათი ასფალტზე ვეგდე, სასწრაფო არ მოვიდა. მე უბრალოდ თავს ვუშველე, ხეში შემაყოფინეს თავი და 10 ადამიანი მირტყამდა" - ამბობს ჯეიჰუნ მუჰამედალი.

 

მასთან "მთავარი არხის" დირექტორი ნიკა გვრამია ჩავიდა, რომელიც ამ წუთებში საავამდყოფოში ჟურნალისტთან ერთად იმყოფება.

 

არხის 2 ოპერატორსა და 2 ჟურნალისტს ფიზიკურად გაუსწორდნენ.

 

შეგახსენებთ, დაპირსპირება უმიზეზოდ, მას შემდეგ მოხდა, რაც ჟურნალისტი "ქართული ოცნების" წევრების ჩასაწერად მივიდა. დღესვე თავს დაესხნენ საზოგადოებრივი მაწუყებლის გადამღებ ჯგუფსაც.

მარნეულში „მთავარი არხის“ 2 ჟურნალისტს და 2 ოპერატორს, ასევე საზოგადოებრივი მაუწყებლის ოპერატორს ფიზიკურად გაუსწორდნენ.

 

,,globalpress" ინფორმაციით, დაპირისპირება მას შემდეგ მოხდა, რაც ჟურნალისტი "ქართული ოცნების" წევრების ჩასაწერად მივიდა.

 

ჟურნალისტს თავი აქვს გატეხილი, ის მძიმე მდგომარეობაშია და ადგილზე სასწრაფოს მისვლას ელოდება. სასწრაფო დახმარების განცხადებით, ადგილზე მხოლოდ 2 ჯგუფი ჰყავთ და ამ დროისთვის თავისუფალი არცერთი არაა, რომ დაზარალებული ჟურნალისტი საავადმყოფოში გადაიყვანონ.

 

დაზიანებულია "მთავარი არხის" კამერა და მიკროფონი.

 

საზოგადოებრივი მაუწყებლის ინფორმაციით კი, მარნეულში საქართველოს პირველი არხის გადამღები ჯგუფის კამერა დაამტვრიეს და ოპერატორს ფიზიკურად გაუსწორდნენ.

 

მათივე ცნობით, შემთხვევა „ქართული ოცნებისა“ და ნაციონალური მოძრაობის“ აქტივისტებს შორის შეხლა-შემოხლის დროს მოხდა.

 

დაპირისპირება მარნეულში "ქართული ოცნების" და "ერთიანი ნაციონალური მოძრაობის" წევრებს შორის მოხდა. "ოცნების" მხარდამჭერები თავს საოლქო კომისიაში ენმ-ს წევრს, ლაშა ქველაძეს და მის მანქანაში მსხდომ პირებს დაესხნენ.

 

ლაშა ქველაძე საავადმყოფოშია გადაყვანილი,  დამტვრეულია მისი მანქანა.

 

ადგილზე იმყოფებოდა პოლიციაც.

 

მარნეულში ვითარება რამდენიმე საათის წინაც დაძაბული იყო."ენმ"-სა და "ოცნების" წარმომადგენლები ერთმანეთს ფიზიკურადაც დაუპირისპირდნენ, ამის მიზეზი კი საოლქო კომისიის წევრების არჩევა გახდა. ოპოზიცია ხელისუფლებას კომისიების საკუთარი წევრებით დაკომპლექტებაში სდებს ბრალს.

 

მომხდარს ირაკლი კობახიძე გამოეხმაურა და ტრადიციულად ყველაფერში ოპოზიცია დაადანაშაულა. მისი თქმით, "ენმ"-ს წევრმა კომისიის წარმომადგენელს პერანგი შემოახია.

 

აღნიშნულთან დაკავშირებით განცხადება გაავრცელა ცენტრალურმა საარჩევნო კომისიამაც და აღნიშნა, რომ ადგილზე საოლქო კომისიის წევრს სცემეს, არაუფლებამოსილი პირები კი კომისიაში შეჭერას ცდილობდნენ. ცესკო გავრცელებულ ბრალდებებს უარყოფს და აცხადებს, რომ გმობს ძალადობასა და საოლქო საარჩევნო კომისიაზე ზეწოლის მცდელობას.

 

აღსანიშნავია, რომ დღესვე მარნეულის საკრებულოს თავმჯდომარე, ამირან გიორგაძე "მთავარი არხის" გადამღებ ჯგუფს დაუპირისპირდა. საჯარო მოხელე სიტყვიერ შეურაცხყოფაზე მას შემდეგ გადავიდა, რაც ჟურნალისტის კითხვამ გააღიზიანა.

მარნეულში, „ქართული ოცნებისა“ და „ნაციონალური მოძრაობის“ აქტივისტები ერთმანეთს სიტყვიერად და ფიზიკურად კიდევ ერთხელ დაუპირისპირდნენ.

 

არსებული ინფორმაციით, დაპირისპირების შედეგად, რამდენიმე ადამიანი დაშავდა, მათ შორის არიან "ენმ"-ს აქტივისტები.

 

"ქართული ოცნების" მხარდამჭერები "ნაციონალური მოძრაობის მხარდამჭერებსა და საოლქო კომისიის წევრს, ლაშა ქველაძეს თავს აქციის გამართვის შემდეგ დაესხნენ

 

. ,,გლობალპრესის" ინფორმაციით, ლაშა ქველაძე დაახლოებით 10-მდე ადამიანი დაესხა თავს. ისინი მას ფიზიკურად გაუსწორნენ, ქველაძემ დაზიანებები სახის არეში მიიღო და ამ წუთებში ის სასწრაფო დახმარებას საავადმყოფოში გადაჰყავს.

 

 

დამტვრეულია მისი კუთვნილი მანქანაც.

 

 

არსებული ინფორმაციით, ფიზიკურად მანქანაში მსხდომ 3 ადამიანს გაუსწორდნენ და თავმდამსხმელებს შორის საკრებულოს წევრი, ამირან გიორგაძე იყო.

 

ადგილზე მობილიზებულები არიან სამართალდამცავები.

 

მარნეულში ვითარება რამდენიმე საათის წინაც დაძაბული იყო."ენმ"-სა და "ოცნების" წარმომადგენლები ერთმანეთს ფიზიკურადაც დაუპირისპირდნენ, ამის მიზეზი კი საოლქო კომისიის წევრების არჩევა გახდა. ოპოზიცია ხელისუფლებას კომისიების საკუთარი წევრებით დაკომპლექტებაში სდებს ბრალს.

 

მომხდარს ირაკლი კობახიძე გამოეხმაურა და ტრადიციულად ყველაფერში ოპოზიცია დაადანაშაულა. მისი თქმით, "ენმ"-ს წევრმა კომისიის წარმომადგენელს პერანგი შემოახია.

 

აღნიშნულთან დაკავშირებით განცხადება გაავრცელა ცენტრალურმა საარჩევნო კომისიამაც და აღნიშნა, რომ ადგილზე საოლქო კომისიის წევრს სცემეს, არაუფლებამოსილი პირები კი კომისიაში შეჭერას ცდილობდნენ. ცესკო გავრცელებულ ბრალდებებს უარყოფს და აცხადებს, რომ გმობს ძალადობასა და საოლქო საარჩევნო კომისიაზე ზეწოლის მცდელობას.

მთიან ყარაბაღში კონფლიქტის გაუარესების გამო, სომეხი ერის არსებობას საფრთხე შეექმნა. ამის შესახებ სომხეთის პრემიერ-მინისტრმა ნიკოლ ფაშინიანმა რუსეთის ტელეკომპანია „რასია 1“-ზე საუბრისას განაცხადა.

 

მან მსოფლიო საზოგადოებას მოუწოდა, დაგმოს ბაქოსა და ანკარას ქმედებები და მოითხოვოს თურქეთისგან გავიდეს რეგიონიდან.

 

„ვინაიდან, თურქეთის სამხედრო ყოფნა სამხრეთ კავკასიაში კარგს არაფერს გვიქადის“, - განაცხადა ფაშინიანმა.

 

მისივე თქმით, თურქეთის მაღალი რანგის სამხედროები აზერბაიჯანის ტერიტორიაზე იმყოფებიან და საბრძოლო მოქმედებებს ხელმძღვანელობენ.

 

მისივე განცხადებით, სომხეთი ფლობს ინფორმაციას, რომ თურქეთის არმიის ქვედანაყოფები ნახჩევანში იმყოფებიან.

 

ფაშინიანის თქმით, მთიანი ყარაბაღის პრობლემა მხოლოდ მოლაპარაკებებით უნდა გადაწყდეს და მოლაპარაკებები ეუთოს მინსკის ჯგუფის თანათავმჯდომარეთა დონეზე უნდა გაგრძელდეს, მაგრამ მანამდე უნდა შეწყდეს ძალადობა.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?