Global Press

Georgia

Global PressGlobal PressGlobal PressGlobal Press

USD
3.4363
EUR
4.1187
RUR
0.0454
GBP
4.738

,,არჩევნების შედეგების შემსწავლელი საგამოძიებო კომისია შეიქმნება - ჩვენს სასარგებლოდ 1%-იანი გადახრის აღმოჩენის შემთხვევაში, რიგგარეშე არჩევნები დაინიშნება და მე ჩამოვშორდები პოლიტიკურ საქმიანობას“ - ამის შესახებ მმართველი პარტიის აღმასრულებელმა მდივანმა, ირაკლი კობახიძემ „ქართული ოცნების“ ოფისში გამართულ ბრიფინგზე განაცხადა.

 

„პირველი შეკრებისთანავე საპარლამენტო უმრავლესობა დააინიცირებს 2020 წლის საპარლამენტო არჩევნების შემსწავლელი დროებითი საგამოძიებო კომისიის შექმნას. კომისიის მუშაობაში ჩასართავად მოვიწვევთ ყველა დაინტერესებულ სუბიექტს, მათ შორის დამოუკიდებელ ექსპერტებს, არასამთავრობო ორგანიზაციებს და საერთაშორისო პარტნიორებს. ბუნებრივია, საპარლამენტო პარტიები თავისთავად იქნებიან ჩართული ამ კომისიის მუშაობაში. კომისია უზრუნველყოფს არჩევნების სრულფასოვან შეფასებას სხვადასხვა ინსტრუმენტის, მათ შორის უბნების მასშტაბური გადათვლის გამოყენებით. თუ დაფიქსირდება თუნდაც 1%-იანი გადახრა „ქართული ოცნების“ სასარგებლოდ, „ქართული ოცნება“ რიგგარეშე არჩევნებს გამოაცხადებს. გარდა ამისა, როგორც „ქართული ოცნების“ საარჩევნო შტაბის ხელმძღვანელი, სრული პასუხისმგებლობით ვაცხადებ, რომ ასეთ შემთხვევაში დავტოვებ ყველა პოლიტიკურ თანამდებობას და სრულად ჩამოვშორდები პოლიტიკურ საქმიანობას“, - განაცხადა კობახიძემ.

საპარლამენტო უმრავლესობა ყველა იმ დეპუტატს შეუწყვეტს უფლებამოსილებას, რომელიც მათ განცხადებით მიმართავს. ამის შესახებ „ქართული ოცნების“ აღმასრულებელმა მდივანმა ირაკლი კობაძემ განაცხადა

 

მისივე თქმით, ოპოზიციური პარტიები რომლებიც არ შევლენ პარლამენტში, სახელმწიფო დაფინანსებასა და სხვა შესაბამის პრივილეგიებს ვერ მიიღებენ პარტიები

 

"ჩვენს პარტიაში დღეს შედგა თათბირი ლიდერების მონაწილეობით და მივიღეთ გადაწყვეტილება, რომ საპარლამენტო უმრავლესობა საპარლამენტო მანდატებს მათივე განცხადების საფუძველზე შეუწყვეტეს ყველა იმ დეპუტატს, რომელიც არ ან ვერ შეეწინააღდმეგება ოპოზიციის რადიკალი ლიდერების ამბოხის სცენარს და პარლამენტს წარუდგენს შესაბამის განცხადებას. გარდა ამისა, სახელმწიფო დაფინანსებასა და სხვა შესაბამის პრივილეგიებს ვერ მიიღებენ პარტიები, რომლებიც პარლამენტში არ იქნებიან წარმოდგენილები", - განაცხადა კობახიძემ.

აშშ-ის არჩეულმა პრეზიდენტმა, ჯო ბაიდენმა აშშ-ის თავდაცვის მდივნის პოსტზე ლოიდ ოსტინის კანდიდატურას წარადგენს. ამის შესახებ ინფორმაციას გამოცემა ,,politico“ ავრცელებს

 

როგორც გამოცემა წერს, აშშ-ის სენატის მიერ ლოიდ ოსტინის კანდიდატურის დამტკიცების შემთხვევაშუ, ის აშშ-ის ისტორიაში პირველი ფერადკანიანი თავდაცვის მდივანი გახდება.

 

როგორც ამერიკული მედია წერს, თავდაცვის მდივნის კანდიდატურას 11 დეკემბერს წარადგენს.

 

ასევე გამოცემა ,,politico“ წერს, რომ ლოიდ ოსტინი გადამდგარი გენერალია. ის აშშ-ის შეიარაღებული ძალების ცენტრალურ სარდლობას 2013-2016 წლებში ხელმძღვანელობდა.

 

ცნობისთვის, როგორც აერიკული მედია წერს, 3 ნოემბრის აშშ-ს საპრეზიდენტო არჩევნებში ჯო ბაიდენმა საარჩევნო კოლეგიის წევრთა 306 ხმა მიიღო, რაც საჭირო ხმების რაოდენობას(270) აღემატება

სრულიად სომეხთა კათალიკოსმა გარეგინ მეორემ, სომხეთის პრემიერ-მინისტრს, ნიკოლ ფაშინიანს გადადგომისკენ მოუწოდა. ამის შესახებ ინფორმაციას ადგილობრივი მედია ავრცელებს.

 

სომეხთა პატრიარქმა, ასევე პარლამენტს მოწოდებს საზოგადოების მოთხოვნები გაითვალისწინონ და ახალი პრემიერი აირჩიონ

 

,,პრემიერ-მინისტრს შევხვდით. საზოგადოებაში მზარდი დაძაბულობის, შიდა და გარე გამოწვევებისა და პრემიერ-მინისტრისადმი დაბალი საზოგადოებრივი ნდობის გათვალისწინებით, მას გადადგომისკენ მოვუწოდეთ, რათა თავიდან ავიცილოთ შესაძლო შეტაკებები და მოვლენების ტრაგიკული განვითარება.

 

მოვუწოდებ პარლამენტს, საზოგადოების მოთხოვნები გაითვალისწინონ, ახალი პრემიერი აირჩიონ და ეროვნული თანხმობის მთავრობა ჩამოაყალიბონ,“ - განაცხადა სრულიად სომეხთა კათალიკოსმა გარეგინ მეორემ

 

ცნობისთვის, 10 ნოემბერს სომხეთის პრემიერ-მინისტრმა ნიკოლ ფაშინიანმა, მთიან ყარაბაღში საომარი მოქმედებების შეწყვეტა გამოაცხადა. როგორც ფაშინიანმა განაცხადა, მან შეთანხმებას ხელი რუსეთისა და აზერბაიჯანის პრეზიდენტებთან ერთად მოაწერა.

 

შეთანხმების მიხედვით, სომხეთი და აზერბაიჯანი მთიან ყარაბაღში რუსი მშვიდობისმყოფელების განლაგებაზე შეთანხმდნენ.

საქართველოს სახელმწიფო უსაფრთხოების სამსახურის განცხადებით, ცხელი ხაზით მიღებული ინფორმაციის თანახმად, მიმდინარე წლის 7 დეკემბერს, ოკუპირებულ აფხაზეთში, უკანონო პატიმრობაში მყოფ ირაკლი ბებუას, 9 წლით თავისუფლების აღკვეთა, უკანონოდ მიესაჯა.

 

უწყების ინფორმაციით, აღნიშნულ ფაქტზე დაუყოვნებლივ მოხდა ჟენევის საერთაშორისო დისკუსიების თანათავმჯდომარეების ინფორმირება. ამოქმედებულია ყველა არსებული მექანიზმი და აქტიურად მიმდინარეობს მუშაობა საერთაშორისო პარტნიორებთან.

 

ირაკლი ბებუას, ისევე როგორც ოკუპირებულ ტერიტორიებზე, უკანონო პატიმრობაში მყოფი, საქართველოს მოქალაქეების უპირობო გათავისუფლების საკითხი, მკაცრად დადგება მიმდინარე წლის 10-11 დეკემბერს დაგეგმილი ჟენევის საერთაშორისო დისკუსიების მორიგ რაუნდზე.

 

უკანონოდ დაკავებულ მოქალაქეს ე.წ. „გამოძიება“ ე.წ. „სახელმწიფო სიმბოლოს“ შეურაცხყოფას, დამამძიმებელ გარემოებებში სხვისი ქონების განზრახ განადგურებას და იარაღის, საბრძოლო მასალების, ასაფეთქებელი ნივთიერებების და მოწყობილობების უკანონო შეძენას, გადაცემას, რეალიზაციას, ტრანსპორტირებასა და ტარებას ედავება.

 

ბებუა 1-ელ ოქტომბერს დააკავეს.

11 დეკემბერს დანიშნულ, ახალარჩეული პარლამენტის პირველ სხდომას პრეზიდენტი სალომე ზურაბიშვილი გახსნის.

 

სხდომას დაესწრება ცესკოს თავმჯდომარე. პირველ სხდომაზე შეიძლება მოწვეულ იყნენ სახელმწიფოსა და საზოგადოების წარმომადგენლები.

 

პარლამენტი პირველ სხდომაზე უფლებამოსილია მუშაობას შეუდგეს, თუ მას დაესწრება (რეგისტრაცია გაიარა) ახალარჩეული პარლამენტის სრული შემადგენლობის უმრავლესობა. პარლამენტის წევრთა რეგისტრაციას, ცესკოს მიერ გაცემული დროებითი მოწმობების საფუძველზე, პარლამენტის აპარატი განახორციელებს.

 

პარლამენტის პირველ სხდომაზე, დროებითი ხმის დამთვლელი კომისია და დროებითი სამანდატო კომისია აირჩევა.

 

დროებითი ხმის დამთვლელი კომისია ხელმძღვანელობს ბიულეტენების მომზადებას, დარიგებასა და კენჭისყრის პროცესს, თვალყურს ადევნებს და ითვლის ხმებს ღია ან ფარული კენჭისყრის დროს. დროებითი ხმის დამთვლელი კომისია საქმიანობას წყვეტს ახალარჩეული პარლამენტის პირველ სხდომაზე დამტკიცებული დღის წესრიგის ამოწურვისთანავე.

 

რაც შეეხება პარლამენტის დროებით სამანდატო კომისიას, მას უფლებამოსილება საპროცედურო საკითხთა და წესების კომიტეტის დაკომპლექტებისთანავე უწყდება.

 

პარლამენტის პირველ სხდომაზე ცესკოს თავმჯდომარე პარლამენტს აცნობებს არჩევნების შედეგებს და პარლამენტის დროებით სამანდატო კომისიას გადასცემს პარლამენტის წევრთა უფლებამოსილების ცნობისათვის საჭირო დოკუმენტაციას (საარჩევნო ოქმებს, მასალებს არჩევნების შედეგების, მათი ჩატარების სისწორის, შემოსული საჩივრების თაობაზე, განცხადებებს საარჩევნო კანონმდებლობის დარღვევის გამოვლენილი ფაქტების შესახებ და პარლამენტის წევრის სტატუსთან შეუთავსებელი საქმიანობის შესახებ).

 

 

პარლამენტის დროებითი სამანდატო კომისია აღნიშნულ დოკუმენტაციას შეისწავლის და შედეგებს მოახსენებს პარლამენტს, რომელიც დადგენილებით ცნობს პარლამენტის წევრთა უფლებამოსილებას პარლამენტის დროებითი სამანდატო კომისიის მიერ წარდგენილი ერთიანი სიით.

 

პარლამენტი სრულ უფლებამოსილებას იძენს პარლამენტის წევრთა სრული შემადგენლობის ორი მესამედის უფლებამოსილების ცნობის მომენტიდან. ამ მომენტიდან უფლებამოსილება უწყდება წინა მოწვევის პარლამენტს.

 

თუკი იმ პარლამენტის წევრთა რაოდენობა, რომელთა უფლებამოსილებაც ცნო პარლამენტმა, პარლამენტის სრული შემადგენლობის ორ მესამედზე ნაკლებია, პარლამენტის პლენარული სხდომა შეწყდება.

ახალარჩეული პარლამენტის პირველი სხდომა 2020 წლის 11დეკემბერს გაიმართება. შესაბამის გაბკარგულებას, საქართველოს პრეზიდენტმა, სალომე ზურაბიშვილმა ხელი დღეს მოაწერა.’

 

განკარგულების მიხედვით, პირველი სხდომა 11 დეკემბერს, 12:00 საათზეა დანიშნული.

 

ცნობისთვის, საქართველოში საპარლამენტი არჩევნები 31 ოქტომბერს გაიმართა. ცენტრალური საარჩევნო კომისიის ოფიციალური მონაცემების მიხედვით, პროპორციული ხმები მიხედვით საპარლამენტო მანდატები შემდეგნაირად გადანაწილდა:

 

ევროპული საქართველო - 5 მანდატი

 

ნაციონალური მოძრაობა - ძალა ერთობაშია - 36 მანდატი

 

პატრიოტთა ალიანსი 4 მანდატი

 

ლეიბორისტული პარტია - 1 მანდატი

 

მოქალაქეები - ალეკო ელისაშვილი 2 მანდატი

 

გიორგი ვაშაძე -სტრატეგია აღმაშენებელი - 4 მანდატი

 

გირჩი - 4 მანდატი

 

ქართული ოცნება - დემოკრატიული საქართველო - 60 მანდატი

 

ლელო - 4 მანდატი

 

ასევე, 30 საპარლამენტო მანდატი მიიღო ,,ქართულმა ოცნებამ“, რომელიც მაჟორიტარი კანდიდატები იყვნენ, აქვე აღსანიშნავია, რომ მართველი გუნდის ყველა მაჟორიტარი კანდიდატი, საპარლამენტო არჩევნების მეორე ტურში მარტო მონაწილეობა, ოპოზიციონერმა კანდიდატებმა უარი განაცხადეს მონაწილეობაზე.

 

,,ქართულმა ოცნებას“ პარლამენტში სულ 90 მანდატი აქვს

 

შეგახსენებთ, რომ ოპოზიცია პარლამენტში შესვლაზე უარს აცხადებენ, რადგან აცხადებენ, რომ არჩევნები გაყალბებულია და ხელხალ არჩევნების გამართვას მოითხოვენ

სხალთის ეპარქიის ეპისკოპოსს, მეუფე სპირიდონს კორონავირუსი დაუდასტურდა- ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე, სოციალური ქსელში ,,facebook’’ წერს

 

,,მეუფე სპირიდონს დაუდასტურდა კოვიდ ვირუსი და მკურნალობს საავადმყოფოში. მალე გამოჯანმრთელებას ვუსურვებ“ - წერს დეკანოზი ანდრია ჯაღმაიძე

 

ბოლო მონაცემებით, საქართველოში კორონავირუსი 164 976 ადამიანს დაუდასტურდა, 137 499 პაციენტი კი გამიჯანმრთელდა, ხოლო 1 540 ადამიანი გარდაიცვალა

24 საათის განმავლობაში საქართველოში 36 კოვიდინფიცირებული გარდაიცვალა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

 

გასული დღე-ღამის განმავლობაში ქვეყანაში 2 501 ახალი შემთხვევა დადასტურდა, 3 988 ადამიანი კი გამოჯანმრთელდა.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ბოლო 24 საათში საქართველოში კორონავირუსით ინფიცირების რეკორდულად მაღალი - 2 501 ახალი შემთხვევა დადასტურდა, დამატებით 3 988 ადამიანი გამოჯანმრთელდა, ხოლო 36 პაციენტი გარდაიცვალა - ამის შესახებ ინფორმაცია Stopcov.ge-ზე ცოტა ხნის წინ განახლდა.

 

Stopcov.ge-ს მონაცემებით საქართველოში:

 

კორონავირუსით ინფიცირებულია - 164 976

 

გამოჯანმრთელებულია - 137 499

 

გარდაცვლილია - 1 540

 

კარანტინის რეჟიმში რჩება - 1 267 კოვიდ სასტუმროში მყოფი პირები - 3 744 სტაციონარში მეთვალყურეობის ქვეშ - 6 963 მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.

 

შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა. ბოლო მონაცემებით, მსოფლიოში ინფიცირებულთა საერთო რაოდენობამ 67 მილიონს გადააჭარბა მათგან გამოჯანმრთელდა 46 მილიონი ადამიანი და გარდაიცვალა 1,5 მილიონზე მეტი.

კორონავირუსით კიდევ ერთი სასულიერი პირი, დეკანოზი დავით ქვლივიძე გარდაიცვალა. ამის შესახებ ინფორმაციას საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე, ავრცელებს

 

,,სამწუხაროდ დეკანოზი დავით ქვლივიძე გარდაიცვალა. კორონავირუსით დაინფიცირებამ გამოიწვია მისი ჯანმრთელობის მდგომარეობის დამძიმება, იგი მკურნალობდა საავადმყოფოში. ვუსამძიმრებ მის ოჯახს და ახლობლებს“ - წერს facebook-ზე დეკანოზი ანდრია ჯაღმაიძე

 

 

 

 

 

საქართველოს სტატისტიკის სამსახურის მონაცემებით, ერთი წლის განმავლობაში საკვებ პროდუქტებზე და მედიკამენტებზე ფასების მნიშვნელოვანი მატება ფიქსირდება, ასევე ფასების მატება ფიქსირდება სამედიცინო მომსახურეობაზე.

 

საკვებ პროდუქტებზე, ერთი წლის განმავლობაში ყველაზე მეტად ფასების მატება ფიქსირდება წიწიბურაზე, რომელიც 45.13%-თ გაძვირდა, ზეითუნის ზეთი 35.93%-ით და ხმელ ლობიოზე 25.77%-ით

 

დანარჩენ საკვებ პროდუქტებზე ფასების მატება ასეთია(ყველაზე მეტად გაძვირებული პროდუქტები): მწვანე ლობიო - 28.77%; შესქელებული რძე და რძის შემცვლელი პროდუქტები - 19.54 %; ხორბლის პური - 19.20%; მაკარონი და მაკარონის ნაწარმი - 17.19%; მაიონეზი - 17.89%; ფორთოხალი - 17.24%; ვერმიშელი - 16.20% მოშუშული ხორცის კონესრვი - 15.76%; მარგარინი 15.72 %; მოხარშული ძეხვი - 15.35%; შებოლილი ძეხვი - 14.18%; ბრინჯი - 12.11%; იმერული ყველა - 11.42%; ხორბლის ფქვილი - 11.39%; ქათმის ხორცი - 9.22%

 

ასევე საქტატის მონაცემებით, ქვეყანში ერთი წლის განმავლობაში მედკამენტებზე ფასების მატება ფიქსირდება, ასევე ფასებმა მოიმატა სტომატოლოგიურ და სამედიცინო მომსახურეობაზე

 

მედიკამეტებზე ფასების მატების მაჩვენებელი შემდეგია:

 

ტკივილგამაყუჩებელი მედიკამენტები - 27.22%; თერმომეტრი - 20.65%; წნევის საზომი აპარატი - 13.25%; ბამბა - 12.72%; სისხლძარღვთა გამაფართოებელი მედიკამენტები - 12.15%; ვიტამინები - 11.43%; ანტიბიოტიკები - 9.85%; საჭმლის მოსანელებელი სისტემის პრეპარატები - 8.69 %; ანთების საწინააღმდეგო პრეპარატები - 6.75%,

 

სტომატოლოგიური მომსახურეობა: კბილის ამოღება - 32. 55%; კბილის დაბჟენა – 16.74%;

 

სამედიცინო მომსახურებაზე ფასების მატება შემდეგნაირია:

 

სისხლის ანალიზის აღებაზე - 9.92 % -ით; სამშობიარო მომსახურეობა - 8.26%; ექოსკანირება - 6.43%; თერაპევტის კონსულტაცია - 5.81%; სავადმყოფოს მომსახურეობა - 4.40%; ქირურგიული მომსახურეობა - 1.46%;

 

ხოლო 2020 წლის ნოემბერში წლიური ინფლაციის დონემ 3.8% შეადგინა

ექსკლუზიური

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?