Global Press

Georgia

Global PressGlobal PressGlobal PressGlobal Press

USD
3.2345
EUR
3.797
RUR
0.0412
GBP
4.1958

სამეზობლო პოლიტიკისა და გაფართოების საკითხებში ევროკომისრმა, ოლივერ ვარჰელმა და საქართველოს პრემიერ-მინისტრმა გიორგი გახარიამ ხელი მოაწერეს 129 მილიონი ევროს ოდენობის დაფინანსების ხელშეკრულებას, რომელიც დაეხმარება საქართველოს COVID-19-ის ეპიდემიის დაძლევაში.

 

„COVID-19 პანდემიის გამო ევროკავშირი დგას საქართველოს გვერდით. ჩვენ გავაკეთებთ ყველაფერის, რაც შეგვიძლია, რათა შევამსუბუქოთ პანდემიის გავლენა ადამიანების ცხოვრებასა და ბიზნესზე“, - განაცხადა ოლივერ ვარჰელმა.

 

დღეს, ევროკავშირის COVID-19 მხარდაჭერის პაკეტის ფარგლებში ხელმოწერილი ორი დაფინანსების ხელშეკრულება ძირითადი სფეროების გაძლიერებას დაეხმარება:

 

75 მილიონი ევროს ოდენობის გრანტის საშუალებით, ევროკავშირი მხარს დაუჭერს ქვეყნის ანტიკრიზისულ ეკონომიკურ გეგმას, რომლის მიზანია საქართველოს მოქალაქეების დაცვა პანდემიის ზემოქმედებისგან. ღონისძიებები მოიცავს სოციალურ დახმარებას სოციალურად დაუცველი ოჯახებისთვის და ბიზნესის მხარდაჭერას, რათა შენარჩუნდეს სამუშაო ადგილები. ის ასევე ითვალისწინებს ინტენსიური თერაპიის განყოფილებებში საწოლების რაოდენობის გაზრდას, ინფექციების პოტენციური ზრდისთვის მოსამზადებლად.

 

ინტეგრირებული ტერიტორიული განვითარება - ევროკავშირი ამ გეგმას მხარს 54 მილიონი ევროს ოდენობის გრანტით დაუჭერს. იდეა რეგიონების ეკონომიკურ განვითარებას ითვალისწინებს. იმისათვის, რომ საქართველოს ყველა მოქალაქემ ისარგებლოს ეკონომიკური განვითარებით, პროგრამა ფოკუსირდება ურბანული ზონების ინფრასტრუქტურის რეაბილიტაციასა და მშენებლობაზე, ტურიზმის განვითარების წახალისებასა და მცირე და საშუალო კომპანიების მხარდაჭერაზე.

თურქეთის საგარეო საქმეთა მინისტრის, მევლუთ ჩავუშოღლუს განცხადებით, თურქეთი მზად არის, მხარი დაუჭიროს აზერბაიჯანს, როგორც მოლაპარაკებების მაგიდასთან, ასევე ბრძოლის ველზე.

 

თურქეთის საგარეო საქმეთა მინისტრმა ასევე აღნიშნა, რომ მთიანი ყარაბაღის კონფლიქტის გადაჭრის ერთადერთი გზა აზერბაიჯანის ტერიტორიიდან სომხეთის შეიარაღებული ძალების გაყვანაა.

 

„თურქეთი მხარს უჭერს აზერბაიჯანს. სომხეთის ოკუპაციის პრობლემის გადაჭრის დრო დადგა. ამ პრობლემას მხოლოდ ერთი გამოსავალი აქვს. სომხეთი აზერბაიჯანის ტერიტორიიდან უნდა გავიდეს. თუ ეს არ მოხდება, პრობლემა ვერ მოგვარდება. თურქეთი მზად არის, მხარი დაუჭიროს აზერბაიჯანს, როგორც მოლაპარაკებების მაგიდასთან, ასევე ბრძოლის ველზე“, - განაცხადა თურქეთის საგარეო საქმეთა მინისტრმა.

 

სომხეთისა და აზერბაიჯანის საზღვარზე ვითარება 27 სექტემბერს დაიძაბა. პრემიერ-მინისტრის, ნიკოლ ფაშინიანის განცხადებით, აზერბაიჯანმა მთიანი ყარაბაღის მიმართლებით საჰაერო და საარტილერიო შეტევა დაიწყო.

 

აზერბაიჯანული მხარის განმარტებით კი, ისინი სომხეთის მხრიდან, მთელი ფრონტის ხაზზე სროლებს პასუხობდნენ. ორივე მხარე იუწყება, რომ დაღუპულია მშვიდობიანი მოსახლეობა.

"ნაციონალური მოძრაობის" წარმომადგენლეი მარნეულის საოლქო საარჩევნო კომისიის წინ აქციას მართავდნენ, როდესაც მათ "ქართული ოცნების" წევრები დაესხნენ თავს.

 

აქვე, აქციის მიზეზი საარჩევნო კომისიის თავმჯდომარის, ამირან გიორგაძის მიერ წევრების თვითნებურად არჩევა იყო.

 

,,გვაგინებდნენ, ფიზიკურად გაგვისწორდნენ... ეს იყო ივანიშვილის დაგეგმილი დაპირისპირება, ზონდერები გამოგვიგზავნა საჩხუბრად. ამ ხალხთან ერთად გავიზარდეთ, მაგრამ იმდენს ვერ ტვინავენ, რომ ხვალ ჩვენ ისევ ერთად უნდა ვიცხოვროთ ამ რაიონში. ვითხოვთ, მშვიდობიანად ჩატარდეს აქციები, - ამბობს აქციის მონაწილე

 

თავად "ქართული ოცნების" წევრები ამბობენ, რომ დაპირისპირება ენმ-ის პროვოცირებულია, თუმცა ამის დასადასტურებლად ფაქტები არ არსებობს. მომხდარს პარლამენტის ყოფილი თავმჯდომარე, ირაკლი კობახიძეც ეხმაურება და ტრადიციულად მომხდარში ოპოზიციას ადანაშაულებს.

 

თავდასხმაზე ეჭვმიტანილი პირები დაკითხვაზე უკვე დაბარებულები არიან.

უფრო მეტი ნატოა საქართველოში და საქართველოც უფრო მეტად არის წარმოდგენილი ნატო-ში, - ამის შესახებ ნატო-ს გენერალურმა მდივანმა იენს სტოლტენბერგმა, ბრიუსელში, საქართველოს პრემიერ-მინისტრ გიორგი გახარიასთან შეხვედრის შემდეგ, ერთობლივ პრესკონფერენციაზე განაცხადა.

 

ნატო-ს გენერალურმა მდივანმა განსაკუთრებით ხაზი გაუსვა სასამართლო სისტემის რეფორმის მნიშვნელობას და დემოკრატიულ ზედამხედველობას უსაფრთხოების ორგანოების ნაწილში.

 

„საქართველო ახლაც გადის წინსვლას და მივესალმებით კიდევ უფრო მეტ აქცენტს რეფორმებზე. ჩვენ ამაზე ვისაუბრეთ შეხვედრის დროს. კარგი ის არის, რომ ვხედავთ საქართველო და ნატო კიდევ უფრო მჭიდროდ თანამშრომლობენ, ვიდრე ადრე და როგორც ვახსენეთ, უფრო მეტი ნატოა საქართველოში და საქართველოც უფრო მეტად არის წარმოდგენილი ნატო-ში. ეტაპობრივად, ნაბიჯ-ნაბიჯ, კიდევ უფრო მეტს ვაკეთებთ ერთად. ახლახანს აქცენტი გავაკეთეთ შავი ზღვის რეგიონზე, საზღვაო პოტენციალის განვითარებაზე, საზღვაო ძალების გაძლიერებაზე, ნატო-ს და გაერთიანებული სამეფოს მხრიდან მხარდაჭერაზე და ასევე, სასაზღვრო ძალების გაძლიერებაზე. ასევე ვაღიარებთ და შეხვედრისას ვახსენეთ, რომ სტრატეგიულად მნიშვნელოვანია შავი ზღვის რეგიონი საქართველოსთვის, ნატო-სთვის და ნატო-ს მოკავშირეებისთვის. ამიტომ, მივესალმებით ყველაფერს, რასაც ერთად გავაკეთებთ ამ მიმართულებით.

 

ჩვენ ახლა განვიხილავთ, რა შეიძლება გავაკეთოთ დამატებით, რა ელემენტები დავუმატოთ ჩვენს თანამშრომლობას და ეს გულისხმობს, ავიამიმოსვლის მონაცემების გაცვლას. ჩვენ უნდა გავცვალოთ ეს ინფორმაცია, ავიატრაფიკის შესახებ. ეს საქართველოსთვისაც კარგი იქნება და ნატო-ს ალიანსის წევრებისთვისაც.

 

როგორც პრემიერ-მინისტრმა ბრძანა, ვმუშაობთ არსებითი პაკეტის განახლებაზე. ამდენად, ნაბიჯ-ნაბიჯ, ჩვენ კიდევ უფრო მეტს ვაკეთებთ ერთად და არანაკლებ მნიშვნელოვანია, რომ ძალიან მადლობელი ვართ საქართველოსთვის, იმ ძლიერი ერთგულებისთვის, რომელიც ავღანეთში, ჩვენი მისიის ფარგლებში კეთდება. ჩვენს მისიებში, საქართველო, ერთ-ერთი უმაღლესი რანგის წვლილის შემტანია და ნამდვილად მიგვაჩნია, რომ ეს ერთგულება შენარჩუნდეს, იმიტომ, რომ ეს არის საუკეთესო მექანიზმი ჩვენი მხარდაჭერისა და თანამშრომლობისთვის. მივესალმებით მჭიდრო თანამშრომლობას, გვიხარია ის წინსვლა, რომელსაც ქვეყანა ახორციელებს. მოუთმენლად ველით ჩვენი პარტნიორობის გაძლიერებას და ამ მიმართულებით სრული ევროატლანტიკური ინტეგრაციის მოლოდინში ვართ,“ - აღნიშნა ნატო-ს გენერალურმა მდივანმა.

საქართველო ნატოს ერთ-ერთი ყველაზე მნიშვნელოვანი პარტნიორია, ჩვენ შეგვიძლია ყველას ვიამაყოთ იმით, რასაც ერთად ვაკეთებთ და თქვენ შეგიძლიათ იამაყოთ იმით, რასაც ჩვენი ერთობლივი უსაფრთხოებისთვის აკეთებთ და ასევე თქვენი წვლილით ნატოს მისიებში, - ამის შესახებ ნატოს გენერალურმა მდივანმა იენს სტოლტენბერგმა საქართველოს პრემიერ-მინისტრ გიორგი გახარიასთან შეხვედრის შემდეგ გამართულ ერთობლივ პრესკონფერენციაზე განაცხადა.

 

მისივე თქმით, დღევანდელი შეხვედრის დროს ნატოსა და საქართველოს შორის შავი ზღვის რეგიონის უსაფრთხოებასთან დაკავშირებული ახლო თანამშრომლობის საკითხი განიხილეს და ამ თანამშრომლობის კიდევ უფრო გაძლიერებაზე იმსჯელეს.

 

იენს სტოლტენბერგმა ხაზი გაუსვა, რომ ნატო მხარს უჭერს საქართველოს ტერიტორიულ მთლიანობას.

 

„ნატო მხარს უჭერს საქართველოს ტერიტორიულ მთლიანობასა და სუვერენიტეტს მის საყოველთაოდ აღიარებულ საზღვრებში. მოვუწოდებთ რუსეთს, შეწყვიტოს აფხაზეთისა და „სამხრეთ ოსეთის“ რეგიონების აღიარება და გაიყვანოს საკუთარი ჯარი,“- აღნიშნა ნატო-ს გენერალურმა მდივანმა.

 

მისივე თქმით, ნატო მიესალმება საქართველოს მიერ მიღწეულ პროგრესს.

 

„მივესალმებით პროგრესს, რასაც საქართველო რეფორმების განხორციელების კუთხით აღწევს. თქვენმა ქვეყანამ შეიარაღებული ძალების მოდერნიზებისა და დემოკრატიის გაძლიერების კუთხით მნიშვნელოვან პროგრესს მიაღწია და მოგიწოდებთ, გააგრძელოთ თქვენი ყველა შესაძლებლობის გამოყენება იმისთვის, რომ ნატოს კიდევ უფრო დაუახლოვდეთ და მისი წევრობისთვის მოემზადოთ“,- აღნიშნა სტოლტენბერგმა.

 

მან საპარლამენტო არჩევნების მაღალი სტანდარტებით ჩატარების აუცილებლობასაც გაუსვა ხაზი.

 

„იმედი გვაქვს, რომ საქართველოში არჩევნები უმაღლესი საერთაშორისო სტანდარტების დაცვით ჩატარდება. ეს მნიშვნელოვანია ნატოსთვის და საქართველოსთვის,“- აღნიშნა ნატო-ს გენერალურმა მდივანმა.

საქართველო უკვე წარმატებულია და აძლიერებს ქვეყნის დემოკრატიულობას. ამ მიმართულებით მოგიწოდებთ სრულად გამოიყენოთ ყველა შესაძლებლობა, რადგან კიდევ უფრო დაახლოვდეთ ნატოსთან და მოემზადოთ წევრობისთვის, - ამის შესახებ ნატოს გენერალურმა მდივანმა იენს სტოლტენბერგმა საქართველოს პრემიერ-მინისტრთან გიორგი გახარიასთან შეხვედრის შემდეგ გამართულ პრესკონფერენციაზე განაცხადა.

 

ის იმედოვნებს, რომ საქართველოს არჩევნებს უმაღლეს საერთაშორისო სტანდარტებით ჩაატარებს.

 

„ჩემთვის დიდი პატივია მოგესალმოთ ნატოს სათაო დაწესებულებაში. მე ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს და ჩემთვის დიდი სიამოვნებაა, რომ მივესალმები საქართველოს საგარეო საქმეთა სამინისტროს ნატოს სათაო დაწესებულებაში. ეს იმას ადასტურებს, რომ პოლიტიკურად მნიშვნელოვანია ჩვენი პარტნიორეობა თქვენთვის და ჩვენთვის. საქართველო ჩვენი ერთ-ერთი ყველაზე მნიშვნელოვანი პარტნიორია. ჩვენ უსაფრთხოების სფეროში და ბევრ სხვა მიმართულებით ძალიან მჭიდროდ ვთანამშრომლობთ, მათ შორის სწავლებებში ავღანეთის მისიაში. ჩვენ ყველას შეგვიძლია ვიყოთ ამაყნი ამისთვის და თქვენც შეგიძლიათ ამაყობდეთ იმ წვლილის გამო, რომელიც შეგაქვთ ნატოს უსაფრთხოებაში, ნატოს მისიების წარმატებაში. ჩვენი შეხვედრის განმავლობაში ჩვენ ასევე ვისაუბრეთ საქართველოსა და ნატოს შორის თანამშრომლობაზე შავი ზღვის უსაფრთხოების სფეროში. მოკავშირეები ვთანხმდებით, რომ კიდევ უფრო მეტად ვითანამშრომლოთ, ერთმანეთს გავუზიაროთ ავიატრასების, რადარების მონაცემები, ვითანამშრმლოთ ერთობლივი წვრთნების განმავლობაში შავი ზღვის რეგიონში.

 

ნატოს მხარდაჭერა საქართველოს მიმართ, ტერიტორიული მთლიანობისა და სუვერენიტეტის მიმართ, არის საერთაშორისოდ აღიარებული საზღვრების ფარგლებში. ჩვენ ვაღიარებთ აფხაზეთისა და “სამხრეთ ოსეთის” რეგიონებს საქართველოს შემადგენლობაში და მივესლამებით იმ წინსვლას, რომელსაც საქართველომ მიაღწია. თქვენი ქვეყანა უკვე წარმატებულია და აძლიერებს ქვეყნის დემოკრატიულობას. ამ მიმართულებით მოგიწოდებთ სრულად გამოიყენოთ ყველა შესაძლებლობა, რადგან კიდევ უფრო დაახლოვდეთ ნატოსთან და მოემზადოთ წევრობისთვის. ჩვენ იმედი გვაქვს საქართველოში არჩევნები უმაღლეს საერთაშორისო სტანდარტებით ჩატარდება. ეს მნიშვნელოვანია როგორც საქართველოსთვის, ასევე ნატოსთვის. დიდი მადლობა ჩამობრძანებისთვის, შეხვედრისთვის და მადლობა თქვენი პირადი ერთგულებისთვის ალიანსის მიმართ. საქართველოს პარტნიორობა ჩვენთვის უსაფრთხოების გარანტიაა“, - განაცხადა იენს სტონტელბერგმა.

საქართველოში კორონავირუსით დღეს მეორე ადამიანი გარდაიცვალა. ინფორმაცია ცოტა ხნის წინ მთავრობის მიერ შექმნილ გვერდზეც გამოქვეყნდა.

 

ჯერჯერობით უცნობია, რომელ საავადმყოფოში მკურნალობდა პაციენტი.

 

საქართველოში კორონავირუსით კიდევ 314 ადამიანი დაინფიცირდა. ამ დროისთვის ქვეყანაში კორონავირუსის 5 866 შემთხვევაა დადასტურებული, გამოჯანმრთელებულია 2 324 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე. 

სომხეთის თავდაცვის სამინისტრო იძულებული იქნება მთიანი ყარაბაღის კონფლიქტის ესკალაციის მსვლელობისას, ფართო რადიუსის განადგურების იარაღი გამოიყენოს, -ამის შესახებ უწყების პრესსპიკერმა შუშან სტეპანიანმა განაცხადა.

 

„თავდაცვის სამინისტრო გაფრთხილებას ავრცელებს, როლის თანახმადაც სომხეთის შეიარაღებული ძალები იძულებული იქნება გამოიყენოს საცეცხლე გამანადგურებელი საშუალებები და ფართო რადიუსის სამხედრო ტექნიკა, რომელიც განკუთვნილია ცოცხალი ძალის, მოძრავი და უძრავი ქონების, სამხედრო ტექნიკის დიდ ფართობებზე განადგურებისთვის“, - განაცხადა სტეპანიანმა.

 

მისი თქმით, ეს განპირობებულია იმით, რომ აზერბაიჯანის ჯარი იყენებს მძიმე საბრძოლო სისტემებს, მსხვილკალიბრიან არტილერიას, დანადგარ „სმერჩს“.

 

,,ეს ცვლის საბრძოლო მოქმედებების ლოგიკასა და მასშტაბებს“, - განაცხადა პრესმდივანმა.

"ევროპულმა საქართველომ" საარჩევნო სიის პირველი ოცეული წარადგინა.

 

როგორც პარტიის ლიდერმა, დავით ბაქრაძემ საპარლამენტო გუნდის პრეზენტაციაზე განაცხადა, სიაში მათი წარმომადგენლები რიგითობის მიხედვით არ არიან გადანაწილებული, რაც ნიშნავს, რომ თავად ამომრჩეველი გადაწყვეტს, ვინ შევიდეს პარლამენტში.

 

პარტიის გუნდს წარმოადგენენ:

 

გიგი უგულავა, ტარიელ ნაკაიძე, გოჩა გურგუჩიანი, ლევან თარხნიშვილი, ზურაბ ჩილინგარაშვილი, არსენ კარაპეტიანი, ახმედ იმამყულიევი, ირინე აფხაზავა, გიორგი კანდელაკი, ზურაბ ჭიაბერაშვილი, მაია კაციტაძე, გიორგი ღვინიაშვილი, სერგო რატიანი, ელენე ოზაშვილი, მალხაზ პატარაია, ირაკლი კიკნაველიძე, მარიამ რამინაშვილი, ოთარ კახიძე, ირაკლი აბესაძე, ლელა ქებურია, გიგა ბოკერია, აკაკი ბობოხიძე, ნინო გოგუაძე, ზაზა კედელაშვილი, ზურაბ ბუცხრიკიძე, ირმა ნადირაშვილი, გიგი წერეთელი, სერგი კაპანაძე, ხათუნა გოგორიშვილი, არმაზ ახვლედიანი, ელენე ხოშტარია, შალვა შავგულიძე და დავით ბაქრაძე.

 

"ჩვენი პარტია შედგება იმ ადამიანებისგან, ვისაც აქვს ცოდნაც, კომპეტენციაც, ერთგულებაც, გაკეთებული საქმის გამოცდილებაც და დაშვებული შეცდომების გააზრების უნარიც. ამ ყველაფერთან ერთად, ჩვენ გუნდს კიდევ ერთი გამორჩეული თვისება აქვს, რომელიც მას ყველა სხვა პარტიისგან განასხვავებს საქრათველოში. ალბათ, მიაქციეთ ყურადღება, ჩვენი წარდგენა არ ყოფილა რიგითი ნომრების მიხედვით, იმიტომ, რომ ეს არის პარტია „ევროპული საქართველოს“ გადაწყვეტილება. ჩვენ არ ვართ ის პარტია, სადაც კაბინეტებში იწერება სიები, ჩვენ არ ვართ ის პარტია, სადაც ერთი, ორი, ან ხუთი ადამიანი წყვეტს, ვინ უნდა იყოს პარლამენტში. ჩვენ არ ვართ პარტია, სადაც ადამიანები თანამდებობებს ინაწილებენ ისე, რომ ხალხს აზრს არ ეკითხებიან. ჩვენ ვართ პარტია, სადაც ყველაფერს გადაწყვეტს ამომრჩევლის და ხალხის აზრი. ამიტომ, ძირითადი პრინციპი ჩვენი პარტიის დაკომპლექტების, ეს არის პარტიული კონკურენცია. ეს ადამიანები, ეს გუნდი და კიდევ ბევრი სხვა, იბრძოლებს ყველგან, თითოეულ ოლქში, თოთოეულ უბანში, თითოეულ რაიონში და პარლამენტში გავლენ მათგან ყველაზე ღირსეულნი, ვისაც მხარს დაუჭერს ხალხი, ვისაც მხარს დაუჭერს მოსახლეობა, ვისი ხილვაც თქვენ მოგინდებათ პარლამენტში, ის იქნება თქვენი დეპუტატი და არა ის, ვისაც გადაწყვეტს კაბინეტში შეკეტილი ერთი, ან ორი ადამიანი,“ - განაცხადა ბაქრაძემ.

ყარაბაღში დაპირისპირების შედეგად, კიდევ 26 ჯარისკაცი გარდაიცვალა, დაღუპული მეომრების რაოდენობა კი ჯამში 84-ია - ინფორმაციას ამის შესახებ რეგიონის თავდაცვის მინისტრი ავრცელებს.

 

Al Jazeera-ს ცნობით გარდაცლილია 11 მოქალაქეც - 9 აზერბაიჯანის, ხოლო ორი სომხეთიდან. თუ Al Jazeera-ს ინფორმაცია სწორია, გამოდის რომ ჯამში, მხოლოდ დღეს, გარდაცვლილია 95 ადამიანი.

 

ცნობისთვის, აზერბაიჯანის საგარეო საქმეთა მინისტრმა ადგილობრივ სააგენტოებთან მოწინააღმდეგეების დანაკარგზე ისაუბრა და თქვა, რომ განადგურდა 22 სომხური ტანკი, 15 სარაკეტო იარაღი, 8 საარტილერიო დანაყოფი. ამასთან, დაიღუპა და დაშავდა 550-ზე მეტი ადამიანი.

 

აღსანიშნავია, რომ ადგილობრივი მედიის ცნობით, დღეს გაეროში ყარაბაღის კონფლიქტზე დახურული სხდომა გაიმრეთება. აქვე კი შეგახსენებთ რომ საერთაშორისო საზოგადოება მოუწოდებს მხარეებს შეწყვიტონ დაპირსპირება.

 

შეგახსენებთ, ფართომასშტაბიანი სამხედრო დაპირისპირება მთიან ყარაბაღში 2020 წლის 27 სექტემბერს განახლდა. თურქეთი სრულ მხარდაჭერას უცხადებს აზერბაიჯანს ყარაბაღის განახლებულ კონფლიქტში და სომხეთს მოუწოდებს, სასწრაფოდ შეწყვიტოს სამხედრო მოქმედებები რეგიონში.

სომხეთის მთავრობის გადაწვეტილებით, სამობილიზაციო რეზერვში მყოფი 18-დან 55წლამდე ასაკის მამაკაცების ქვეყნიდან გასვლა შეიზღუდა. ინფორმაციას ადგილობრივი მედია ავრცელებს

 

როგორც მედია წერს, მამაკაცებს, ქვეყნის დატოვების შესაძლებლობა ექნება, მხოლოდ კომისარიატის წერილობითი ნებართვის საფუძველზე

 

,,მთავრობის გადაწვეტილების საფუძველზე, შეიზღუდა მამაკაცების ქვეყნიდან გასვლა, რომლებიც ირიცხებიან საობილიზაციო რეზერვში: რიგითების, უმცროსი და უფროსი სერჟანტების 48 წლამდე, უმცროსი ოფიცრების შემადგენლობას 50 წლამდე და უმაღლესი წოდების ოფიცრებს 55წლამდე“ - ნათქვამია სომხეთის მთავრობის დადგენილებაში

 

როგორც ცნობილია, 27 სექტემბერს, სომხეთის მთავრობის გადაწვეტილებით, ქვეყანაში საომარი და საყოველთაო სამხედრო მობილიზაცია გამოცხადდა.

 

სომხეთის პრემიერ-მინისტრის, ნიკოლ ფაშინიანის განცხადებით, აზერბაიჯანმა მთიან ყარაბაღის მიმართულებით საჰაერო და საარტილერიო შეტევა დაიწყო.

 

აზერბაიჯანული მხარის განმარტებით კი, ისინი სომხეთის მხრიდან, მთელი ფრონტის ხაზზე სროლებს პასუხობდენ. ორივე მხარის განცხადებით შეტაკებისას დაღუპულია მშვიდობიანი მოქალაქეები

შიდა ქართლში კოვიდინფიცირების 9 ახალი შემთხვევიდან 7 რეგიონში მცხოვრებია. ყველა მათგანი გადაყვანილია კოვიდკლინიკებში, მათი ჯანმრთელობის მდგომარეობა სტაბილურია.

 

კოვიდდადებითი პაციენტები ხეჩინაშვილის კლინიკის, ნადარბეზევისა და რუსთავის კლასტერის კონტაქტებია.

 

ბოლო 24 საათის განმავლობაში ლუგარის ლაბორატორიაში 172 ნიმუში იყო გაგზავნილი, ხოლო 178 პირი თვითიზოლაციის რეჟიმშია გადაყვანილი. სულ რეგიონში 40 დადასტურებული შემთხვევაა.

 

საქართველოში კორონავირუსით კიდევ 314 ადამიანი დაინფიცირდა.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?