Global Press

Georgia

Global PressGlobal PressGlobal PressGlobal Press

USD
3.2641
EUR
3.8226
RUR
0.0427
GBP
4.1539

საქართველოს პროკურატურა მზადყოფნას გამოთქვამს, სახალხო დამცველს თამარ ბაჩალიაშვილის გარდაცვალების საქმეზე მიმდინარე გამოძიების მასალები გამოძიების ნებისმიერ ეტაპზე გააცნოს,- ამის შესახებ საქართველოს პროკურატურის განცხადებაშია აღნიშნული.

 

„საქართველოს პროკურატურა მზადყოფნას გამოთქვამს, სახალხო დამცველის მხრიდან მომართვის შემთხვევაში, სახალხო დამცველს თამარ ბაჩალიაშვილის გარდაცვალების საქმეზე მიმდინარე გამოძიების მასალები გამოძიების ნებისმიერ ეტაპზე გააცნოს. აღნიშნულთან დაკავშირებით პროკურატურის წარმომადგენლებს სახალხო დამცველის აპარატთან შესაბამისი კომუნიკაცია ექნებათ და ომბუდსმენის აპარატის წარმომადგენლებს საშუალება მიეცემათ გაეცნონ სისხლის სამართლის საქმის მასალებს”,-ნათქვამია უწყების განცხადებაში.

ლატვიის, ლიეტუვისა და ესტონეთის ხელისუფლებები ბელარუსის 30 მაღალჩინოსანს, მათ შორის ქვეყნის პრეზიდენტს, ალექსანდრე ლუკაშენკოს სანქციებს დაუწესებენ. ამის შესახებ ლიეტუვის პრეზიდენტმა, გიტანას ნაუსედამ განაცხადა.

 

„დღის მეორე ნახევარში ლიეტუვა, ლატვია და ესტონეთი სასანქციო სიას გამოაქვეყნებენ. ამ სიაში დაახლოებით 30 პირია, თუმცა ეს სია მომავალში გაფართოვდება“, - აღნიშნა ლიეტუვის პრეზიდენტმა.

 

გიტანას ნაუსედამ განაცხადა, რომ სასანქციო სიაში ასევე იქნება შეყვანილი ბელარუსის პრეზიდენტი, ალექსანდრე ლუკაშენკო.

 

„ამ ეტაპზე ჩვენ ჯერ ვსაუბრობთ თანამდებობის პირებისათვის გადაადგილების შეზღუდვაზე. ბატონი ლუკაშენკო ამ სიაშია“, - დასძინა ლიეტუვის პრეზიდენტმა.

 

მასობრივი საპროტესტო გამოსვლები ბელარუსში საპრეზიდენტო არჩევნების წინასწარი შედეგების გამოცხადებას მოჰყვა, რომლის მიხედვითაც, ლუკაშენკომ ხმათა 80 პროცენტი მიიღო. დემონსტრაცია სამართალდამცველებმა ძალის გამოყენებით დაშალეს.

 

17 აგვისტოს ბელარუსის პრეზიდენტმა, ალექსანდრე ლუკაშენკომ ქვეყანაში განმეორებითი საპრეზიდენტო არჩევნების ჩატარება კატეგორიულად გამორიცხა და განაცხადა: „ვიდრე არ მომკლავთ, სხვა არჩევნები არ გაიმართება“. მან ასევე აღნიშნა, რომ განმეორებითი არჩევნების ჩატარება მხოლოდ მაშინ იქნება შესაძლებელი, თუ ქვეყნის კონსტიტუცია შეიცვლება.

ტექნიკური ექსპერტიზა ჩაუტარდა ავტომობილს, მაგრამ სამწუხაროდ, ეს არ აღმოჩნდა ისეთი ავტომობილი, რომელზეც დეტალურად შეგვეძლო მიგვეღო ინფორმაცია, - ამის შესახებ თამარ ბაჩალიაშვილის ოჯახის ადვოკატმა, მიხეილ რამიშვილმა რუსთავის სამხარეო პოლიციაში მიმდინარე ექსპერტიზის დასრულების შემდეგ განაცხადა.

 

რამიშვილის განცხადებით, გამოვლინდა რამდენიმე საინტერესო დეტალი, მათ შორის ის, რომ გადაადგილების პერიოდში მანქანის ოთხივე ფანჯარა დაკეტილი იყო და გამორთული იყო კონდინციონერი.

 

„ამ ავტომობილს არ ჰქონდა კომპიუტერული მახსოვრობა და ისეთი რანგის კომპიუტერი, რომ ინფორმაცია ბოლომდე მიგვეღო. იყო ერთი საინტერესო რამ, ამ სიცხეში, ივლისის თვეში, გადაადგილებისას კონდიციონერი იყო გამორთული, დაკეტილი იყო ოთხივე ფანჯარა. ეს უფრო მეტ ეჭვს ბადებს, რომ ეს ავტომობილი თავისით არ ახორციელებდა გადაადგილებას, ეს იყო გაჩერებული ავტომობილი, გამორთული იყო ყველაფერი და ფანჯრებიც იყო დაკეტილი. გარდა ამისა, აღმოვაჩინეთ, რომ გვერდითა მჯდომი მგზავრის მხარე გარეთა მხრიდან იყო დაზიანებული, რომელზეც მამამ თქვა, რომ ეს გამორიცხული იყო და წინა დღეებშიც არ ყოფილა დაზიანებული“, - აღნიშნა მიხეილ რამიშვილმა.

 

მისივე თქმით, ავტომობილს არ გააჩნია იმის მონაცემები, დადგინდეს რამდენი ხანი იდგა აღმოჩენის ადგილზე.

 

,,ბუქსირის გამოყენება ვერ დადასტურდა იმ თვალსაზრისით, რომ გარკვეული პერიოდი არის გასული და ზუსტი პასუხი ექსპერტიზამ ვერ გაგვცა. ავტომობილის გასაღებზე მეხსიერების ბარათი არ არის, რამაც მამის მხრიდან აღშფოთება გამოიწვია იმიტომ, რომ წინა დღეზეც ჰქონდა გასაღებზე მეხსიერების ბარათი. უკანა მხარეს აღმოვაჩინეთ თმა, სადაც ცხედარი იყო აღმოჩენილი, ეს თმა ამოვიღეთ და დაილუქა. ამ ავტომობილს არ გააჩნია იმის მონაცემები, რომ დადგინდეს რამდენი ხანი იდგა. ზეთი ავტომობილში იყო ახალი გამოცვლილი, მაგრამ ბოლოს როდის იყო დაქოქილი, ეს მონაცემები არ აღირიცხება,“ - განაცხადა მიხეილ რამიშვილმა.

თამარ ბაჩალიაშვილის ავტომობილს ექსპერტიზა დასრულდა. პროცედურას გარდაცვლილის მამა ოჯახის ადვოკატთან, მიხეილ რამიშვილთან ერთად ესწრებოდა. ავტომობილს ექსპერტიზა სამხარაულის ბიუროს ექსპერტებმა ჩაუტარეს, ასევე პროცესში მონაწილეობდა „ჰიუნდაის“ ტექნიკური ჯგუფი. როგორც გარდაცვლილის მამა აცხადებს, ექსპერტიზა დაგვიანებით ჩატარდა.

 

„ტექნიკური ექსპერტიზა ჩაუტარდა ავტომობილს, მაგრამ ეს არ აღმოჩნდა ისეთი ავტომობილი, რომელზეც შეგვეძლო ძირფესვიანად მიგვეღო ინფორმაცია, იმიტომ რომ მას არ ჰქონდა კომპიუტერული მახსოვრობა. სიცხეში, ივლისის თვეში გადაადგილებისას, რატომღაც კონდენციონერი იყო გამორთული“, - აცხადებს ოჯახის ადვოკატი მიხეილ რამიშვილი.

 

გარდაცვლილი 23 წლის პროგრამისტის მამის განცხადებით, მანქანის მარჯვენა კარი ოდნავ დაზიანებულია.

 

„აღმოვაჩინე, რომ მანქანის მარჯვენა კარი ოდნავ შეჭეჭყილია. ყიდვის დროს მანქანას ეს დაზიანება არ ჰქონდა“, - აცხადებს ჯუმბერ ბაჩალიაშვილი.

 

საქმის პროკურორის ლაშა კოტრიკაძის განცხადებით, მოხდა დალუქული ავტომობილის გახსნა, რათა ექსპერტებს საჭირო ინფორმაცია მიეღოთ და ნიმუშები აეღოთ.

 

„დასმულია უამრავი კითხვა, მაგალითად აღჭურვილი იყო თუ არა ავტომანქანა ჯიპიეს ან სხვა მოწყობილობით, როგორ მუშაობს მანქანის ჩამკეტი და გამხსნელი მექანიზმი და რა მდგომარეობაში იყო შემთხვევის ადგილზე ავტომობილის სამუხრუჭე სისტემა. ასევე შემთხვევის ადგილზე დატოვებული ორი პარალელური კვალი, შეესაბამება თუ არა წარმოდგენილ ავტომობილს“, - განაცხადა კოტრიკაძემ.

 

23 წლის თამარ ბაჩალიაშვილი თეთრიწყაროს ტყეში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა. თბილისში, ქვემო ფონიჭალაში მცხოვრები თამარ ბაჩალიაშვილი ვიდეოკამერებმა ბოლოს სოფელ ხაიშთან დააფიქსირეს. გოგო ნაცრისფერი ჰუნდაის მარკის მანქანით გადაადგილდებოდა.

თბილისის ,,ლოკომოტივი“ ევროპა ლიგის მეორე საკვალიფიკაციო რაუნდში მოსკოვის ,,დინამოს“ დაუპირისპირდება

 

უეფას ევროპალიგის კენჭისყრა დღეს, 31 აგვისტოს გაიმართა, შვეიცარიის ქალაქ ნიონში. კენჭისყრის შედეგად 1 მატჩიანი დაპირისპირება თბილისში, 17 სექტემბერს გაიმართება

 

როგორც ცნობილია, 27 აგვსტოს თბილისის ,,ლოკომოტივმა“ ევროპა ლიგის პირველ რაუნდში რუმინული ,,უნივერსტატია კრაიოვა“ 2:1 დაამარცხა

თამარ ბაჩალიაშვილის მამის, ჯუმბერ ბაჩალიაშვილის განცხადებით, მისი შვილის კუთვნილი მეხსიერების ბარათი, რომელიც ავტომობილის გასაღებს ეკეთა, დაკარგულია.

 

მისივე თქმით, ეს მეხსიერების ბარათი ყველაფერს თავდაყირა დააყენებდა, რადგან მთელი ისტორია, ყველაფერი ამ „ფლეშკაზე" იყო შენახული“.

 

„დაკარგულია „ფლეშკა“, რომელსაც ხელიდან არ უშვებდა ბავშვი. ერთი რამ, რაც ძალიან მაინტერესებდა, გასაღებზე „ფლეშკა“ არ არის. როგორც 12 რიცხვიდან, 18 რიცხვამდე თავისი პირადი კომპიუტერის მონაცემები წაშლილია, იგივე არის ესეც, ეჭვი გეპარებათ ვინმეს? ვიღაც ადამიანი ცდილობს ყველა კვალის წაშლას. ამასთან დაკავშირებით ხმას არ იღებს არავინ, ელოდებიან შემკვეთი რას იტყვის და ისე მოიქცევიან. აღმოჩენის დროს ეკეთა, ახლა აღარ არის, ყოველთვის ჰქონდა ეს „ფლეშკა“. ეს ყველაფერს თავდაყირა დააყენებდა, თამუნას მთელი ისტორია, ყველაფერი ამ „ფლეშკაში" იყო შენახული“, - განაცხადა ჯუმბერ ბაჩალიაშვილმა.

 

შეგახსენებთ, რომ რუსთავის სამხარეო პოლიციაში, გარდაცვლილი 23 წლის პროგრამისტის, თამარ ბაჩალიაშვილის ავტომობილის ექსპერტიზა დასრულდა. დღევანდელ ექსპერტიზას „ჰიუნდაის" წარმომადგენლები, ლევან სამხარაულის სახელობის სასამართლო ექსპერტიზის ეროვნული ბიუროს დამოუკიდებელი ექსპერტები და ექსპერტ-კრიმინალისტები ესწრებოდნენ.

თამარ ბაჩალიაშვილის ბუნდოვან ვითარებაში გარდაცვალების საქმეში სახალხო დამცველი კითხვის ნიშნებს ხედავს. ნინო ლომჯარიას თქმით, ის უახლოეს დღეებში გეგმავს დაღუპულის ოჯახთან შეხვედრას.

 

,,ჩვენთვის არ არის ხელმისაწვდომი საქმის მასალები. აქედან გამომდინარე, შეფასებებს საქმის გარემოებებთან დაკავშირებით ვერ გავაკეთებ. მე ვხედავ, რომ ოჯახი სერიოზულ უკმაყოფილებებს გამოთქვამს გამოძიების მისამართით და ძალიან მნიშვნელოვანი იქნება შეხვედრა. იმედია, იქ იქნება ადვოკატიც, რომ სამართლებრივ საკითხებზეც ვისაუბრით. სახალხო დამცველსაც აქვს თავისი ლიმიტები, ამიტომ მნიშვნელოვანია შევჯერდეთ, როგორ და რა ფორმით შეიძლება ჩავერთო აღნიშნული საქმის გამოძიების პროცესში, - განმარტავს ლომჯარია.

 

ცნობისთვის, გუშინ, 30 აგვისტოს ბუნდოვან ვითარებაში დაღუპული თამარ ბაჩალიაშვილის ოჯახის წევრებმა გენერალურ პროკურატურასთან აქცია გამართეს. აქციაზე ბაჩალიაშვილის დედამ თქვა, რომ მისი შვილი სავარაუდოდ გარკვეულ ტრანზაქციებში, ყარაბაღში იარაღის შესატანად გამოიყენეს , რის შემდეგაც ის მოიშორეს. თეონა თამაზაშვილის თქმით თამარის სიკვდილი სწორედ უშიშროების სამსახურთან და იმ ქართველ მაღალჩინოსნებთანაა დაკავშირებული, რომლებიც იარაღის საერთაშორისო ვაჭრობით ხეირობდნენ.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, შატილის გზაზე მომხდარი ავარიის შედეგად დაშავებული პაციენტების მდგომარეობა კვლავ მძიმეა, თუმცა დადებითი დინამიკით. რატიანის თქმით, გამოჯანმრთელებამდე მათ ძალიან მძიმე გზის გავლა მოუწევთ.

 

მისივე თქმით, მედპერსონალი ყველაფერს აკეთებს იმისთვის, რომ მათი სიცოცხლე შენარჩუნდეს.

 

„ორ პაციენტთან ლიკვიდირებულ იქნა ტრავმის შედეგად გამოწვეული დაზიანებები. მათი მდგომარეობა ამ ეტაპზე რჩება მძიმედ, თუმცა დადებითი დინამიკით. განმეორებით ჩატარებული კლინიკურ-ლაბორატორიული კვლევების შედეგად უარყოფითი დინამიკა არ ვლინდება, თუმცა, მინდა გითხრათ, რომ მათ აქვთ ძალიან მძიმე გზა გასავლელი გამოჯანმრთელებამდე. ამისთვის ჩვენი კლინიკის მედპერსონალი ყველაფერს აკეთებს, რომ სამივე დაშავებულის სიცოცხლე შენარჩუნდეს“, - განაცხადა ლევან რატიანმა.

 

შეგახსენებთ, 23 აგვისტოს, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა. შემთხვევის შედეგად, 17 ადამიანი გარდაიცვალა, 3 კი დაშავდა. იხილეთ ვიდეო: “გამოჯანმრთელებამდე რთული გზაა გასავლელი“ - ლევან რატიანი შატილის გზაზე დაშავებულთა მდგომარეობას აფასებს

კლინიკა „სითი მედიკალში“ ექიმების მხრიდან პაციენტზე სავარაუდო ძალადობის ფაქტთან დაკავშირებით საგამოძიებო მოქმედებები ჩატარდა.

 

პაციენტის ოჯახის წევრები კლინიკის მედპერსონალს 77 წლის ქალზე ძალადობაში ადანაშაულებენ.

 

„პირდაპირი მნიშვნელობით ძალადობას ვუსვამთ ხაზს, საგამოძიებო უწყება თვითონ იყო შესული და აპირებენ ექსპერტიზასაც. ველოდებით კამერების გახსნას, რომ ნახონ და გადმოგვცენ ინფორმაცია. ჩვენ არ გვიშვებენ კამერებამდე, ასეთი პროტოკოლიაო. მინდა კამერები გაიხსნას, რომ ნამდვილად დამტკიცდეს, რატომ არის ჩალურჯებები“, - განაცხადა პაციენტის ახლობელმა რუსუდან ხარაბაძემ.

 

აღნიშულ ფაქტს არ ადასტურებს კლინიკა „სითი მედიკალის“ დირექტორი ნიკა მენთეშაშვილი და აცხადებს, რომ ბრალდება სიმართლეს არ შეესაბამება.

 

„კამერებიდან აიღეს ჩანაწერი. ვინც არ არის აპარატულ სუნთქვაზე, იმან დაადასტურა, რომ არაფერი ყოფილა. მე თვითონ ვუყურე ჩანაწერებს, მე იქ ვერაფერი დავინახე, არ ვიცი პოლიცია რას დაინახავს. სრული პასუხისმგებლობით ვაცხადებ,რომ სიმართლეს არ შეესაბამება ეს განცხადება“, - განაცხადა ნიკა მენთეშაშვილმა.

 

აღნიშნულ ფაქტზე შინაგან საქმეთა სამინისტრომ გამოძიება სსკ-ის 126-ე მუხლით (ძალადობა) და 187-ე მუხლით (ნივთის დაზიანება ან განადგურება) დაიწყო.

პირველად ისტორიაში დღეს ისრაელიდან არაბთა გაერთიანებულ საამიროებში პირდაპირი რეისი განხორციელდება.

 

ისრაელსა და არაბთა გაერთიანებულ საამიროებს შორის ურთიერთობების ნორმალიზების ფარგლებში დავიდ ბენ-გურიონის აეროპორტიდან აბუ-დაბიში ამერიკულ-ისრაელური დელეგაცია გაემგზავრება.

 

დელეგაციის წევრებს შორის არიან ისრაელის ეროვნული უსაფრთხოების საბჭოს ხელმძღვანელი, მეირ ბენ-შაბათი, ეროვნული უსაფრთხოებიოს საკითხებში აშშ-ის პრეზიდენტის მრჩეველი, რობერტ ობრაიენი და აშშ-ის პრეზიდენტის მრჩეველი და სიძე, ჯარედ კუშნერი.

 

13 აგვისტოს ისრაელი და არაბთა გაერთიანებული საამიროები ურთიერთობების სრულ ნორმალიზებაზე შეთანხმდნენ. არაბთა გაერთიანებული საამიროები გახდა მესამე არაბული ქვეყანა, რომელმაც ისრაელთან მშვიდობიანი შეთანხმება გააფორმა. პირველი 1979 წელს ეგვიპტე, მეორე კი 1994 წელს იორდანია იყო. 29 აგვისტოს არაბთა გაერთიანებულმა საამიროებმა ისრაელის წინააღმდეგ 1972 წელს დაწესებული

რუსეთში კორონავირუსის შემთხვევების რაოდენობა 1 მილიონს მიუახლოვდა. რუსეთის ჯანდაცვის უწყების მონაცემებით, ქვეყანაში გასული დღე-ღამის განმავლობაში კორონავირუსის 4 993 ახალი შემთხვევა დადასტურდა, 83 ადამიანი კი გარდაიცვალა.

 

პანდემიის დაწყებიდან დღემდე რუსეთში კორონავირუსის 995 319 შემთხვევა გამოვლინდა, 809 387 ადამიანი გამოჯანმრთელდა, 17 176 - გარდაიცვალა.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

თვალწინ არის ყველაფერი, კვალის წაშლა, ხელის დაფარება. ძალიან დაგვიანდა ექსპერტიზა, უკვე 45 დღე გავიდა, - ამის შესახებ თამარ ბაჩალიაშვილის მამამ, ჯუმბერ ბაჩალიაშვილმა რუსთავის პოლიციაში, მისი შვილის კუთვნილი ავტომობილის ექსპერტიზის დაწყებამდე განაცხადა.

 

ჯუმბერ ბაჩალიაშვილის განცხადებით, ის იმედგაცრუებულია, რადგან ავტომობილის აღმოჩენიდან 1 კვირის თავზე უკვე ითხოვდნენ ექსპერტიზას.

 

„ფაქტს ვხედავთ, მანამდე რაც ხდებოდა. ახლაც ნახავთ როგორი ექსპერტიზა ჩატარდება, გავიგებთ ცოტა ხანში. იმედი არ მაქვს, იმედგაცრუებული ვარ ამაზეც, ავტომობილის აღმოჩენიდან 1 კვირაში უკვე ვითხოვდით ექსპერტიზას. ხომ ხედავთ, თვალწინ არის ყველაფერი - კვალის წაშლა, ხელის დაფარება. ძალიან დაგვიანდა ექსპერტიზა, 45 დღე გავიდა უკვე, დროს სპეციალურად წელავენ და ვის აფარებენ ხელს არ ვიცი,” - აღნიშნა ჯუმბერ ბაჩალიაშვილმა.

 

შეგახსენებთ, რომ ამ წუთებში თამარ ბაჩალიაშვილის კუთვნილ ავტომობილს ექსპერტიზა უტარდება. დღევანდელ ექსპერტიზას „ჰიუნდაის" წარმომადგენლები, ლევან სამხარაულის სახელობის სასამართლო ექსპერტიზის ეროვნული ბიუროს დამოუკიდებელი ექსპერტები და ექსპერტ-კრიმინალისტები ატარებენ.

ექსკლუზიური

არქივი

« « » » სექტემბერი 2019
ორშ სამ ოთხ ხუთ პარ შაბ კვი
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?