Global Press

Georgia

Global PressGlobal PressGlobal PressGlobal Press

USD
2.7559
EUR
3.0907
RUR
0.0429
GBP
3.4702

აშშ-ს მხრიდან ანაკლიის პორტისადმი გამოჩენილი ყურადღება მეტყველებს იმაზე, რომ ანაკლიის პორტს არა მხოლოდ ეკონომიკური, არამედ უსაფრთხოების განზომილება აქვს, - ამის შესახებ რეგიონული განვითარებისა და ინფრასტქრუქტურის მინისტრმა მაია ცქიტიშვილმა ჟურნალისტებს აშშ-ს სახელმწიფო მდივნის, მაიკ პომპეოს მიერ ანაკლიის პორტთან დაკავშირებით გაკეთებული განცხადების კომენტირებისას განუცხადა.

 

როგორც მინისტრი აცხადებს, სახელმწიფოს უპრეცენდენტო მხარდაჭერას ანაკლიის პორტის მიმართ, სხვა ფაქტორებთან ერთად პროექტში ამერიკული კომპანიის მონაწილეობაც განსაზღვრავს.

 

„ძალიან მახარებს ის, რომ აშშ-ს ხელისუფლება მაღალ შეფასებას აძლევს იმ განვითარების მიმართულებას, რომელიც საქართველოს მთავრობას აქვს და აქედან გამომდინარე, ანაკლიის პორტისადმი გამოჩენილი ყურადღება აშშ-ს მხრიდან, მეტყველებს იმაზე, რომ ამ პორტს არა მხოლოდ ეკონომიკური განზომილება აქვს, არამედ აქვს უსაფრთხოების განზომილება. იცით, რომ „ანაკლიის განვითარების კონსორციუმის“ ერთ-ერთი მსხვილი დამფუძნებელი არის ამერიკული კომპანია და სწორედ ეს ფაქტორი, რომ კონსორციუმის წევრი არის როგორც, ქართული, ისე ამერიკული კომპანია, ასევე პორტის მნიშვნელობა, იქ და ისეთი სახით, რა სახითაც იგეგმება, განსაზღვრავს სახელმწიფოს მხრიდან ასეთ უპრეცედენტო მხარდაჭერას,“ - განაცხადა ცქიტიშვილმა.

 

მისივე თქმით, მისი დღევანდელი განცხადება, რომ მთავრობა „ანაკლიის განვითარების კონსორციუმს" ფინანსური დახურვის ვადას მეექვსედ, ამჯერად 6 თვის ვადით გადაუვადებს მაიკ პომპეოს განცხადებას არ უკავშირდება.

 

„ჩემი დღევანდელი კომენტარი არანაირად არ უკავშიდება მაიკ პომპეოს განცხადებას. გადავადება ის პროცესია, რომელშიც ვიმყოფებით არათუ 21 მაისიდან, არამედ 2018 წლის დეკემბრიდან, როდესაც საფინანსო ინსიტუტებისგან მივიღეთ მოთხოვნები კონტრაქტში ცვლილებებთან დაკავშირებით,“ - განაცხადა მაია ცქიტიშვილმა.

 

შეგახსენებთ, რომ აშშ-ს სახელმწიფო მდივანმა მაიკ პომპეომ გუშინ, საქართველოს პრემიერ-მინისტრ მამუკა ბახტაძესთან შეხვედრის შემდეგ გამართულ ერთობლივ ბრიფინგზე იმედი გამოთქვა, რომ ანაკლიის პორტის პროექტის განხორციელებას საფრთხე არ შეექმნება და აღნიშნა, რომ „პორტის პროექტი თავიდან აარიდებს საქართველოს რუსეთისა და ჩინეთის ეკონომიკის ზეგავლენას, ვინაიდან მათ არ აქვთ კეთილი სურვილები მთელი გულით“.

პარლამენტის სხდომათა დარბაზი ქუჩა და სახულიგნო ადგილი არ არის. რა თქმა უნდა, ძალიან კარგი იქნება, ამას თუ შეიგნებს ზოგიერთი პირი, - ამის შესახებ პარლამენტის პირველმა ვიცე-სპიკერმა თამარ ჩუგოშვილმა ჟურნალისტებს განუცხადა, რითაც გამოეხმაურა გუშინ სხდომათა დარბაზში დეპუტატებს შორის დაპირისპირებას. მისივე განცხადებით, თუკი დეპუტატები ეთიკის საბჭოს მიმართავენ, ნელ-ნელა დამკვიდრდება პრეცედენტი, რომ ასეთი ქცევა მიუღებელია.

 

„ეთიკის საბჭო დაკომპლექტებულია ისე, რომ მაქსიმალურად დაბალანსებულია. უმრავლესობა საკმაოდ მცირე დოზით არის მასში წარმოდგენილი. ვეცადეთ, რომ დაკომპლექტების დროს ბალანსი შეგვენარჩუნებინა, რათა საბჭოს მიუკერძოებლობასთან დაკავშირებით კითხვები არ გაჩენილიყო. ამ საბჭოს ჩამოყალიბებაში ოპოზიციაც აქტიურად იყო ჩართული ღია მმართველობის ფარგლებში.

 

რაც შეეხება გუშინდელ მოვლენებს, მე ზოგადად ძალიან მაწუხებს ასეთი სცენები. ძალიან არ მინდა, რომ ჩვენი მოსახლეობა საქართველოს პარლამენტში ხედავდეს იმას, რასაც გუშინ ყველა ერთად ვხედავდით. ეს ძალიან დამაზიანებელია ინსტიტუტის იმიჯისთვის. ჩვენ ძალიან ბევრს ვაკეთებთ იმისთვის, რომ ამ ინატიტუტის იმიჯი შევქმნათ და თითოეული ასეთი გამოხტომით, ეს ნაბიჯები აზრს კარგავს იმიტომ, რომ მოსახლეობა უყურებს ამ აურზაურს. პირადად ჩემთვის ეს ძალიან მტკივნეულია. თუ დეპუტატები მიმართავენ ეთიკის საბჭოს, ნელ- ნელა პრეცედენტი დამკვიდრდება, რომ ასეთი ქცევა მიუღებელია და პარლამენტის სხდომათა დარბაზი ქუჩა და სახულიგნო ადგილი არ არის. რა თქმა უნდა, ძალიან კარგი იქნება, ამას თუ შეიგნებს სხვადასხვა პირი,"- განაცხადა თამარ ჩუგოშვილმა.

 

შეგახსენებთ, გუშინ პარლამენტში ერთმანეთს სიტყვიერად გიგა ბოკერია და გია ვოლსკი დაუპირისპირდნენ. ვოლსკიმ ბოკერიას ყეყეჩი უწოდა, ბოკერიამ კი - „ცეკას“ ინსტრუქტორი და ვიგინდარა.

ადგილობრივი მოსახლეობისათვის, ვინც კოტე აფხაზის ქუჩაზე, ან მიმდებარე ქუჩაზე ცხოვრობს და ჰყავს ავტომობილი, მათთვის პარკირება იქნება უფასო. ასევე, პარკირება უფასო იქნება შშმ პირთათვის, A კატეგორიის ტაქსის მძღოლებისთვის და ელექტრომობილების მფლობელთათვის, - ამის შესახებ დედაქალაქის მერმა კახა კალაძემ დედაქალაქის მერიაში მიმდინარე მთავრობის სხდომაზე განაცხადა.

 

კახა კალაძემ კოტე აფხაზისა და მიმდებარე ტერიტორიებზე პირველი აგვისტოდან განსახორციელებელ პროექტზე ისაუბრა და აღნიშნა, რომ გარდა მოწესრიგებული პარკირების სისტემისა, აღნიშნულ ტერიტორიებზე იმოძრავებს ახალი MAN- ის ტიპის ავტობუსები, რათა მოძრაობა უფრო მოწესრიგებული და კომფორტული იყოს მოსახლეობისათვის.

 

„1-ელი აგვისტოდან შედის ძალაში საპილოტე პროექტის განხორციელება - ყოფილი ლესელიძის და აბანოთუბნის მიმდებარე ქუჩებზე. ეს ძალიან მნიშვნელოვანი რეფორმა არის. ყველაფერი დალაგებული და გადაწყვეტილია. ტარიფები უკვე დამტკიცებულია საკრებულოს მიერ. ყველაზე მთავარი და მნიშვნელოვანი არის მოსახლეობის ინფორმირება. მინდა, ვიცე-მერს ირაკლი ხმალაძეს დავავალო, რომ დავამყაროთ კომუნიკაცია მოსახლეობასთან ამ რეფორმასთან დაკავშირებით. გარდა ამისა, ჩვენ განვათავსებთ სპეციალურ ჯიხურებს იმისთვის, რომ მოსახლეობას ჰქონდეს სრულყოფილი ინფორმაცია, ნებისმიერ ადამიანს ექნება შესაძლებლობა მივიდეს, დასვას შეკითხვები და მიიღოს სრული ინფორმაცია ამ პარკირებასთან დაკავშირებით.

 

ადგილობრივი მოსახლეობისათვის ვინც, კოტე აფხაზის ქუჩაზე, ან მიმდებარე ქუჩებზე ცხოვრობს და ჰყავს ავტომობილი, მათთვის პარკირება იქნება უფასო. ისინი არ გადაიხდიან არაფერს. ასევე ელექტრომობილების მფლობელებისთვის პარკირება იქნება უფასო. შშმ პირთათვის იქნება განსაზღვრული სპეციალური ადგილები, რომლებიც იქნება ასევე უფასო. A კატეგორიის ტაქსის მძღოლებისთვის იქნება უფასო ადგილები“, - განაცხადა კახა კალაძემ.

 

მერმა ტარიფებზეც ისაუბრა და აღნიშნა, რომ ზონები A,B,C კატეგორიებად იქნება დაყოფილი და თითოეულს თავისი ფასი ექნება.

 

„პირველ აგვისტომდე ფასიან პარკირების ზონებზე შესაბამისი მონიშვნები დაიხაზება, განთავსდება საგზაო ნიშნებიც. ფასიანი პარკირება A,B,C კატეგორიებად იქნება დაყოფილი. საფასური A ზონაში 1 საათი - 1 ლარი; B ზონაში - 2ლარი; C ზონაში - 3ლარი.

 

ამ ქუჩაზე ჩვენ დავამატეთ ახალი ,,MAN”- ის ტიპის ავტობუსები, იმისთვის, რომ საზოგადოებრივი ტრანსპორტი მოძრაობდეს და გადაადგილება იყოს მოსახლეობისათვის უპრობლემო“ , - განაცხადა კახა კალაძემ.

ჰონგ-კონგში ​ექსტრადიციის შესახებ კანონპროექტს ისევ აპროტესტებენ. ამის შესახებ BBC წერს.

 

დემონსტრანტებმა სამთავრობო შენობების პიკეტირება მოახდინეს. პარლამენტი იძულებული გახდა ამ საკითხზე მსჯელობა გადაედო. ექსტრადიციის კანონში ცვლილებების მიღების შემდეგ მძიმე დანაშაულში ბრალდებულთა ჩინეთში, ტაივანსა და მაკაუში გაგზავნა შესაძლებელი გახდება.

 

ამ მასშტაბის საპროტესტო აქცია ჰონგ-კონგში 2014 წლის "ქოლგების მოძრაობის" შემდეგ არ ჩატარებულა.

 

ჰონგ-კონგს დიდი ბრიტანეთის კოლონიის სტატუსი 1997 წელს ჩამოერთვა და ჩინეთის შემადგენლობაში იმ პირობით შევიდა, რომ ფართო ავტონომია ექნებოდა, გარდა თავდაცვითი და საგარეო საკითხებისა, ის დამოუკიდებლად მიიღებდა გადაწყვეტილებებს.

 

მაშინდელი ლიდერები საზოგადოებას დაჰპირდნენ, რომ ჰონგ-კონგი, მაკაო და შეერთების შემთხვევაში ტაივანი, შეინარჩუნებდა პრინციპს - „ერთი ქვეყანა, ორი სისტემა.“

უკრაინის პრეზიდენტმა ვოლოდიმირ ზელენსკიმ 15 გუბერნატორი თანამდებობიდან გადააყენა. ადგილობრივი მედიის ინფორმაციით, ამ ცვლილების შესახებ დღეს გამართულ ბრიფინგზე პრეზიდენტის ადმინისტრაციის ხელმძღვანელმა რუსლან რიაბოშაპკამ განაცხადა.

 

რუსლან რიაბოშაპკას განცხადებით, ზელენსკიმ თანამდებობები ჩერნიგოვსკის, ხმელნიცკის, ხერსონის, ტერნოპოლის, სუმსკის, პოლტავსკის, ოდესის, ნიკოლაევსკის, ლვოვსკის, კიროვოგრადსკის, კიევის, ივანო-ფრანსკოვსკის, ზაპოროჟიის, კარპატების, ვოლენსკის გუბერნატორებს დაატოვებინა.

 

ამ გადაწყვეტილების მიზეზი პრეზიდენტის ადმინისტრაციის ხელმძღვანელს არ დაუზუსტებია.

უკრაინის მართლმადიდებელი ეკლესიის საპატიო პატრიარქი ფილარეტი ამბობს, რომ არ ეთანხმება ავტოკეფალიის შესახებ ტომოსს, ვინაიდან მიღებამდე დოკუმენტის შინაარსი მისთვის უცნობი იყო.

 

უკრაინული მედიის ინფორმაციით, ამის შესახებ ფილარეტმა უკრაინული ინტელიგენციის ფორუმზე განაცხადა.

 

„ჩვენ ამ ტომოსს არ მივიღებთ, ვინაიდან მისი შინაარსი არ ვიცოდით. ტომოსის შინაარსი რომ გვცოდნოდა, 15 დეკემბერს ავტოკეფალიას მხარს არ დავუჭერდით. ჩვენ ერთი დაქვემდებარებიდან მეორეში გადასვლა არ გვსურს. მოსკოვის საპატრიარქო მოსკოვის ინტერესებს ემსახურება, უკრაინის მართლმადიდებელი ეკლესია - ბერძნებს. ვინ უნდა ემსახუროს უკრაინას?“ - განაცხადა ფილარეტმა.

 

მისივე თქმით, უკრაინული ეკლესია მოსკოვისა და კონსტანტინეპოლისგან დამოუკიდებელი უნდა იყოს.

 

2018 წლის ნოემბრის ბოლოს კონსტანტინეპოლმა უკრაინაში ეკლესიის ავტოკეფალიის შესახებ ტომოსის ტექსტი დაამტკიცა. გადაწყვეტილება სტამბოლში გამართული მსოფლიო საპატრიარქოს სინოდის სხდომაზე მიიღეს.

 

11 ოქტომბერს კონსტანტინეპოლის პატრიარქმა გამოთქვა მზადყოფნა უკრაინის ეკლესიისათვის ავტოკეფალიის მინიჭების თაობაზე მას შემდეგ, რაც ის შეიქმნება. პასუხად რუსეთის მართლმადიდებელმა ეკლესიამ შეწყვიტა ურთიერთობა მსოფლიო პატრიარქთან.

 

კონსტანტინეპოლის საპატრიარქოს მიერ უკრაინის ეკლესიისთვის ავტოკეფალიის მინიჭების შესაძლებლობას მართლმადიდებელ სამყაროში დაპირისპირება მოჰყვა. 15 ოქტომბერს, რუსეთის მართლმადიდებელმა ეკლესიამ კონსტანტინეპოლის პატრიარქთან ევქარისტიული კავშირი გაწყვიტა.

 

მსოფლიო პატრიარქმა ბართლომემ უკრაინის მართლმადიდებელ ეკლესიას ავტოკეფალიის აღიარების ტომოსი 6 იანვარს გადასცა.

საქართველომ საკუთარ მაგალითზე იცის, რამდენად მნიშვნელოვანია შეკავების პოლიტიკა, თავდაცვის ძლიერი სისტემა და უმაღლესი კატეგორიის პროფესიული უნარები, - ამის შესახებ აშშ-ის სახელმწიფო მდივანმა მაიკლ პომპეომ საქართველოს პრემიერ-მინისტრ მამუკა ბახტაძესთან შეხვედრის შემდეგ, ერთობლივ ბრიფინგზე განაცხადა.

 

სახელმწიფო მდივნის შეფასებით, მნიშვნელოვანია, რომ საქართველოს მთლიანი შიდა პროდუქტის (მშპ) წილობრივად 2% თავდაცვის სფეროში არსებულ საჭიროებებზე იხარჯება უკვე.

 

“ნატო-ს ყველა მოკავშირეს მოვუწოდეთ ამ სამიზნე ორიენტირის დაცვა. საქართველოს ნაბრძოლი აქვს მისი ტერიტორიული მთლიანობის შესანარჩუნებლად რუსეთის აგრესიის წინააღმდეგ, რუსეთის მიერ საქართველოს ტერიტორიების უკანონო ოკუპაციის წინააღმდეგ და რუსეთის მხრიდან სამშვიდობო შეთანხმების შეუსრულებლობის მომსწრე გახდა. რუსეთის აგრესიულობა არის იმ მიზეზთაგანი, რის გამოც ვამაყობთ ჩვენი სამხედრო მხარდაჭერით, რაც საქართველოს თავდაცვის სისტემის მზაობის პროგრამას ხმარდება. ჩვენ ქვეყანას წვრთნისა და აღჭურვის პროგრამის ფარგლებშიც ვეხმარებით, რათა საქართველოს ტერიტორიების დაცვა გახდეს შესაძლებელი. საბოლოო ჯამში ამ ძალისხმევით მთელი რეგიონის უსაფრთხოება მიიღწევა, რაც კარგია საქართველოსთვის, ამერიკის შეერთებული შტატებისთვის და მთელი მსოფლიოსთვის”, - განაცხადა მაიკლ პომპეომ.

 

ინფორმაციას საქართველოს პრემიერ-მინისტრის პრესსამსახური ავრცელებს.

დღევანდელი საუბრისას მოვუწოდე საქართველოს, გააუმჯობესოს სასამართლოს სისტემა, -ამის შესახებ აშშ-ის სახელმწიფო მდივანმა მაიკლ პომპეომ საქართველოს პრემიერ-მინისტრ მამუკა ბახტაძესთან შეხვედრის შემდეგ, ერთობლივ ბრიფინგზე განაცხადა.

 

„დღევანდელი საუბრისას მოვუწოდე საქართველოს გააუმჯობესოს სასამართლოს სისტემა და დაარწმუნოს (დაადასტუროს), რომ მისი დემოკრატია მოიცავს თავისუფალსა და სამართლიან არჩევნებს.

 

პრემიერ-მინისტრთან აგრეთვე მქონდა შანსი, განმეხილა საქართველოს პარლამენტის პასუხისმგებლობა და დავრწმუნებულიყავი, რომ სახელმწიფო სააგენტოები მუშაობენ კანონიერად და ასრულებენ იმას, რასაც საკუთარ მოქალაქეებს დაჰპირდნენ“, - განაცხადა მაიკლ პომპეომ.

პორტის პროექტი გაზრდის საქართველოს ურთიერთობას თავისუფალ ეკონომიკებთან და თავიდან აარიდებს საქართველოს რუსეთისა და ჩინეთის ეკონომიკის ზეგავლენას. მათ არ აქვთ კეთილი სურვილები მთელი გულით, - ამის შესახებ აშშ-ს სახელმწიფო მდივანმა მაიკლ პომპეომ ვაშინგტონში,საქართველოს პრემიერ-მინისტრთან მამუკა ბახტაძესთან ერთობლივ ბრიფინგზე განაცხადა. მან ასევე იმედი გამოთქვა, რომ საქართველო დაასრულებს პორტის პროექტს.

 

მისივე თქმით, აშშ-ის მთელი მთავრობის სახელით აცხადებს, რომ საქართველოს არ მოაკლდება ამერიკის შეერთებული შტატების მხარდაჭერა ნატო-ში გაწევრიანების გზაზე.

 

“იმედი მაქვს, რომ ის კვლავ მჭიდრო მეგობრული სულისკვეთებით წარიმართება და საერთო ვალდებულებებს დაეფუძნება. საქართველომ ლიდერის როლი იკისრა ნატო-ს ასპირანტი მოკავშირის რანგში და ალბათ ეს იმ მიზეზთაგანია, რის გამოც მჭიდროდ ვთანამშრომლობთ“, - განაცხადა პომპეომ.

უსაფრთხოების სფეროში საქართველო-აშშ-ის თანამშრომლობის დონე დღეს უპრეცედენტო ნიშნულზეა,- ამის შესახებ საქართველოს პრემიერ-მინისტრმა მამუკა ბახტაძემ აშშ-ის სახელმწიფო მდივან მაიკლ პომპეოსთან შეხვედრის შემდეგ ერთობლივ ბრიფინგზე განაცხადა.

 

მთავრობის მეთაურმა ხაზგასმით აღნიშნა, რომ საერთაშორისო ასპარეზზე საქართველო ამერიკის ერთგული პარტნიორია.

 

“ჩვენმა მეგობრობამ დროის ქარტეხილებს გაუძლო, ხოლო ჩვენი კავშირები ბრძოლაში გამობრძმედილია. ავღანეთში ჩვენ გვერდში ვუდგავართ ამერიკის შეერთებულ შტატებს და ნატოს მოკავშირეებს, სადაც საქართველო არის ერთ-ერთი უმსხვილესი წვლილის შემტანი მტკიცე მხარდაჭერის მისიაში მებრძოლთა რაოდენობის თვალსაზრისით. ჩვენი ურყევი გადაწყვეტილებაა, გავაგრძელოთ მნიშვნელოვანი წვლილის შეტანა ჩვენი საერთო ევროატლანტიკური უსაფრთხოების უზრუნველყოფის საქმეში. საქართველოს თავსებადობა ნატოსთან იზრდება, ხოლო ქვეყნის მთლიანი შიდა პროდუქტის 2% ხმარდება თავდაცვის სფეროს - შედეგად, საქართველოს აქვს ყველა პრაქტიკული ინსტრუმენტი, რათა მოემზადოს ჩრდილოატლანტიკური ალიანსის წევრობისთვის”, - განაცხადა მამუკა ბახტაძემ.

 

პრემიერ-მინისტრმა ამერიკის შეერთებულ შტატებს ნატოში ინტეგრაციის გზაზე საქართველოს მხარდაჭერისთვის მადლობა გადაუხადა.

 

“თავდაცვის სფეროში ჩვენი თანამშრომლობა ეხმარება საქართველოს შეიარაღებული ძალების მოდერნიზაციაში და თავდაცვისუნარიანობის განმტკიცებაში. ჩვენ დიდად ვაფასებთ აშშ-ის მხრიდან საქართველოს თავდაცვის მზადყოფნის პროგრამის, ასევე აშშ-საქართველოს სხვა ორმხრივი ინიციატივების მხარდაჭერას, რომელთაც არსებითი მნიშვნელობა აქვს საქართველოს ტერიტორიების დაცვის და ქვეყნის თავდაცვისუნარიანობის განმტკიცების საქმეში”, - აღნიშნა პრემიერმა.

 

ინფორმაციას პრემიერის პრესსამსახური ავრცელებს.

მე იმედს გამოვთქვამ, რომ საქართველო დაასრულებს პორტის პროექტს, - ამის შესახებ აშშ-ს სახელმწიფო მდივანმა მაიკლ პომპეომ ვაშინგტონში, საქართველოს პრემიერ-მინისტრთან მამუკა ბახტაძესთან ერთობლივ ბრიფინგზე განაცხადა.

 

„პროექტი გაზრდის საქართველოს ურთიერთობას თავისუფალ ეკონომიკებთან და თავიდან აარიდებს საქართველოს რუსეთისა და ჩინეთის ეკონომიკის ზეგავლენას. მათ არ აქვთ კეთილი სურვილები მთელი გულით“, - განაცხადა პომპეომ.

საქართველოს ძალისხმევა მიძლიერებს რწმენას და პრეზიდენტ ტრამპისა და აშშ-ის მთელი მთავრობის სახელით ვაცხადებ, რომ თქვენ არ მოგაკლდებათ ამერიკის შეერთებული შტატების მხარდაჭერა ნატო-ში გაწევრიანების გზაზე, - ამის შესახებ აშშ-ის სახელმწიფო მდივანმა მაიკლ პომპეომ საქართველოს პრემიერ-მინისტრ მამუკა ბახტაძესთან შეხვედრის შემდეგ, ერთობლივ ბრიფინგზე განაცხადა.

 

აშშ-ის საელმწიფო მდივანმა ისაუბრა სტრატეგიული პარტნიორობის ქარტიის 10 წლის იუბილესთან დაკავშირებით და აღნიშნა, რომ საიუბილეო დეკლარაციაში, რომელიც დღეს გამოიცემა, განსაზღვრულია ორმხრივი ურთიერთობების სამომავლო მიმართულებები.

 

“იმედი მაქვს, რომ ის კვლავ მჭიდრო მეგობრული სულისკვეთებით წარიმართება და საერთო ვალდებულებებს დაეფუძნება. საქართველომ ლიდერის როლი იკისრა ნატო-ს ასპირანტი მოკავშირის რანგში და ალბათ ეს იმ მიზეზთაგანია, რის გამოც მჭიდროდ ვთანამშრომლობთ. პრეზიდენტმა ტრამპმა ყველა ერს მოუწოდა მეტი ძალისხმევა გამოიჩინონ იმისათვის, რომ გლობალური გამოწვევები იქნეს დაძლეული. საქართველო ამ მოწოდებას პირნათლად ასრულებს ავღანეთში ტერორიზმთან ბრძოლის კონტექსტში. ახლა, როცა თქვენს წინაშე ვსაუბრობთ 32 მამაცმა ქართველმა მეომარმა იცის, რომ ყველაფერი დათმეს იმისათვის, რომ ამერიკელ ჯარისკაცებთან ერთად მხარდამხარ იბრძოლონ მშვიდობისთვის. ჯამში 870 ქართველ ჯარისკაცს აქვს წვლილი შეტანილი იქ ნატო-ს სამშვიდობო მისიაში. ავღანეთის გარდა, საქართველო ყველაფერს აკეთებს იმისათვის, რომ მისმა ძალებმა ნატო-ს ჯარებთან ინტეგრაცია უნაკლოდ მოახდინონ. ამ მიმართულებით დამატებითი წინსვლა ჩვენს სტრატეგიულ მიზნებსაც განამტკიცებს, რადგან ალიანსი განაგრძობს საქართველოსთან თანამშრომლობას შავი ზღვის რეგიონული ინიციატივის ფორმატშიც”, - აღნიშნა მაიკლ პომპეომ.

 

ინფორმაციას საქართველოს პრემიერ-მინისტრის პრესსამსახური ავრცელებს.

ექსკლუზიური

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?