Global Press

Georgia

Global PressGlobal PressGlobal PressGlobal Press

USD
2.8895
EUR
3.2045
RUR
0.0466
GBP
3.7748

ირანის ქალაქ ქერმანში დონალდ ტრამპის ბრძანებით მოკლული გენერალი ყასემ სულეიმანი დაკრძალეს. ამის შესახებ ადგილობრივი სააგენტო ISNA წერს.

 

დაკრძალვის ცერემონიაზე ათასობით ადამიანი შეიკრიბა. ისინი „სიკვდილი ამერიკას“ სკანდირებდნენ.

 

სულეიმანი 7 იანვარს უნდა დაეკრძალათ, თუმცა ცერემონია გადაიდო. ამის მიზეზი კი ის გახდა, რომ მსვლელობისას ჭყლეტა მოხდა, რომელსაც ბოლო მონაცემებით, 56 ადამიანი ემსხვერპლა, 200-ზე მეტი კი დაშავდა.

 

8 იანვარს, გამთენიისას ირანმა გენერლის მკვლელობის საპასუხოდ ერაყში ამერიკულ ბაზაზე სარაკეტო იერიში მიიტანა.

 

ირანელი გენერალი ამერიკელმა სამხედროებმა ბაღდადში 3 იანვარს მოკლეს. 5 იანვარს ირანმა აშშ-ის მიერ გენერალის მოკვლის საკითხზე გაეროს უშიშროების საბჭოს მიმართა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

ირანში „უკრაინის საერთაშორისო ავიახაზების“ კუთვნილი Boeing 737 ჩამოვარდა. ამის შესახებ ირანული მედია იუწყება.

 

ლაინერმა კატასტროფა თეირანის აეროპორტიდან აფრენის შემდეგ მალე განიცადა. ბორტზე 180 მგზავრი და ეკიპაჟის წევრები იყვნენ.

 

წინასწარი ვერსიით, ავიაკატასტროფის მიზეზად ტექნიკური პრობლემა სახელდება. თვითმფრინავის ჩამოვარდნის შემდეგ ხანძარი გაჩნდა. შემთხვევის ადგილზე მაშველები უკვე მივიდნენ. მსხვერპლის შესახებ ოფიციალური ინფორმაცია ჯერ არ გავრცელებულა.

ერაყში, ამერიკულ ბაზაზე მიტანილ სარაკეტო იერიშს პრეზიდენტი დონალდ ტრამპი Twitter-ით გამოეხმაურა და აღნიშნა, რომ ჯერ ყველაფერი კარგადაა.

 

„რაკეტები ირანიდან ერაყში მდებარე ორი სამხედრო ბაზის მიმართულებით გაუშვეს. ახლა მიმდინარეობს ზარალისა და ადამიანებისთვის მიყენებული ზიანის შეფასება. ჯერჯერობით, ყველაფერი კარგადაა! ჩვენ გვყავს ყველაზე ძლიერი და კარგად აღჭურვილი არმია მსოფლიოში“, - წერს ტრამპი.

 

მან აღნიშნა, რომ სარაკეტო თავდასხმების შესახებ განცხადებას დღეს გააკეთებს. განცხადება, ასევე, გაავრცელა ირანის საგარეო საქმეთა მინისტრმაც. მუჰამედ ჯავად ზარიფის თქმით, ირანს ესკალაცია არ სურს.

 

„ირანმა მიიღო და აღასრულა პროპორციული ზომები თავდაცვის მიზნით, რაც გათვალისწინებულია გაერო-ს ქარტიის 51-ე მუხლით და დარტყმა მიიტანა ბაზაზე, საიდანაც განხორციელდა შეიარაღებული თავდასხმა ჩვენი მოქალაქეებისა და მაღალჩინოსნების წინააღმდეგ“, – აღნიშნავს ირანის საგარეო საქმეთა მინისტრი მუჰამედ ჯავად ზარიფი ირანმა.

 

ერაყში ამერიკულ საჰაერო ბაზაზე, რომელიც ქალაქ ერბილეს მახლობლად მდებარეობს, ათამდე ბალოსტიკური რაკეტით თბილისის დროით 02:30 სთ-ზე განახორციელა თავდასხმა.

 

ზარალის და მსხვრეპლის შესახებ, პენტანგონს ოფიციალური ინფორმაცია, ჯერჯერობით, არ გაუვრცელებია.

ირანმა,ერაყში მდებარე აშშ-ის სამხედრო ბაზებზე სარაკეტო თავდასხმა განახორციელა, - ინფორმაციას ,,როიტერსი" ავრცელებს. სააგენტო აშშ-თავდაცვის დეპარტამენტის ინფორმაციაზე დაყრდნობით ავრცელებს ინფორმაციას, რომ აშშ-ს საჰაერო ბაზებზე ათამდე ბალისტიკური რაკეტამ დაარტყა, სამიზნე კი ერაყის ჩრდილოეთით, ქალაქ ერბილეს მახლობლად მდებარე ბაზა ,,აინ ალ-ასადი’’ და ,,ირბილი" იყო.

 

ირანის სახელმწიფო ტელევიზიების ინფორმაციით ,,ირანის ისლამური რევოლუციური გვარდიის კორპუსმა" დაადასტურა, რომ მათ ყასემ სულეიმანის მკვლელობისთვის შურისძიების მიზნით განახორციელეს ბაზებზე დარტყმა.

 

BBC-ის ინფორმაციით, პენტაგონი ზარალის და მსხვრეპლის შესახებ ოფიციალურ ინფორმაცია, ჯერჯერობით, არ გაუვრცელებია. თეთრი სახლის სპიკერის ჯონათან ჰოფმანის განცხადებით, პრეზიდენტმა თავდასხმის შესახებ ინფორმაცია უკვე მიიღო.

 

,,ჩვენ მივიღეთ ინფორმაცია ერაყში აშშ-ის ობიექტებზე სარაკეტო თავდასხმების შესახებ. პრეზიდენტი აკვირდება მიმდინარე მდგომარეობას და კონსულტაციებს უწევს თავის ეროვნული უსაფრთხოების გუნდს", - განაცხადა სპიკერმა.

 

მისივე თქმით, ყველა საჭირო ზომა იქნება მიღებული აშშ-ის პერსონალის, პარტნიორების და მოკავშირეების დასაცავად. მან, ასევე, აღნიშნა, რომ ზარალის შეფასების მიზნით, შესაბამისი სამუშაობი ხორციელდება.

 

ახლო აღმოსავლეთში სიტუაცია მას შემდეგ დაიძაბა, რაც ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზეა პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

ირანში გენერალ ყასემ სულეიმანის დაკრძალვაზე ჭყლეტაში 35 ადამიანი დაიღუპა, 48 კი დაშავდა. ამის შესახებ ადგილობრივ მედიაზე დაყრდნობით Guardian-ი წერს.

 

შემთხვევა გენერლის მშობლიურ ქალაქ ქერმანში სამგლოვიარო მსვლელობის დაწყების შემდეგ მოხდა. თეირანში სამგლოვიარო პროცესიას მილიონი ადამიანი დაესწრო.

 

5 იანვარს ირანმა აშშ-ის მიერ გენერალის მოკვლის საკითხზე გაეროს უშიშროების საბჭოს მიმართა.

 

ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა. დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

ირანის პარლამენტმა პენტაგონისა და აშშ-ის არმიის ტერორისტულ ორგანიზაციებად აღიარებას მხარი ერთხმად დაუჭირა. ამის შესახებ ადგილობრივი მედია წერს.

 

პარლამენტის გადაწყვეტილება ირანელი გენერლის ყასემ სულეიმანის მკვლელობას უკავშირდება. სხდომა დღეს დილით გაიმართა. შეთავაზებას 206-მა დეპუტატმა ხელი უკვე მოაწერა.

 

5 იანვარს ირანმა აშშ-ის მიერ გენერლის მოკვლის საკითხზე გაეროს უშიშროების საბჭოს მიმართა.

 

ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა. დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

ავსტრალიის ჩრდილო-აღმოსავლეთ ნაწილში 10 000-მდე აქლემს დახოცავენ. როგორც ადგილობრივი მედია წერს, ამის მიზეზი ისაა, რომ ცხოველები ტყის ხანძრის პირობებში ძალიან ბევრ წყალს სვამენ და აგრეთვე მოსახლეობასა და ინფრასტრუქტურას საფრთხეს უქმნიან.

 

გარემოს დაცვისა და წყლის რესურსების დეპარტამენტის განცხადებით, აქლემების მართვის ტრადიციული მეთოდები უშედეგო აღმოჩნდა.

 

მიწის მფლობელები აქლემებს გასაყიდად იშინაურებდნენ, თუმცა როგორც დეპარტამენტში განმარტავენ, ხანძრის პირობებში ცხოველების მართვა შეუძლებელი გახდა.

 

გავრცელებული ცნობით, აქლემები ინფრასტრუქტურას აზიანებენ და ცდილობენ წყალი მოიპოვონ, რის გამოც მოსახლეობაში ქაოსს ქმნიან.

 

მანამდე ცნობილი გახდა, რომ ავსტრალიაში ტყის ხანძრებისგან ნახევარი მილიარდი ცხოველი მოკვდა. ტყის ხანძრები ავსტრალიაში გასული წლის სექტემბრიდან მძვინვარებს. სტიქიას 24 ადამიანი ემსხვერპლა. 1500-ზე მეტი სახლი და 5 მილიონი ჰექტარი ტყე ხანძარმა გაანადგურა.

ირანის ქალაქ კერმანში, გენერალ ყასემ სოლეიმანის დაკრძალვა მიმდინარეობს, რომელსაც ათიათასობით ადამიანი ესწრება. ქალაქის ცენტრში, მომიტინგეებს ირანის რევოლუციური გვარდიის ლიდერმა, ჰოსეინ სალამმა მიმართა.

 

„ჩვენ შურს ვიძიებთ, ჩვენ მათ ცეცხლის ალში გავხვევთ“, - განაცხადა სალამმა, რასაც ხალხის მხრიდან შეძახილები „სიკვდილი ისრაელს!“ მოჰყვა.

 

ამერიკის მიმართულებით მუქარა ეროვნული უსაფრთხოების საბჭოს ლიდერმაც გააჟღერა.

 

„თუ სასწრაფოდ და საკუთარი ნებით ამერიკის ჯარები რეგიონს არ დატოვებენ, მათ გვამებს ჰორიზონტალურად გაიყვანენ“, - განაცხადა ალი შამხანიმ.

 

აქციის პარალელურად ირანის პარლამენტმა კანონი მიიღო, რომლის მიხედვითაც პენტაგონი და მისი მოკავშირეები „ტერორისტებად“ გამოაცხადა.

პენტაგონის ინფორმაციით, ირანთან ომის შემთხვევაში აშშ „შეიარაღებული კონფლიქტის კანონებს დაიცავს“. ქვეყნის თავდაცვის მდივანს მარკ ესპერს პრესკონფერენციაზე კითხვა ირანის კულტურულ ღირშესანიშნაობებთან დაკავშირებით დაუსვეს, რაზეც მან განაცხადა, რომ მათი დაცვა „შეიარაღებული კონფლიქტის კანონია“.

 

შეგახსენებთ, გუშინ, აშშ-ის პრეზიდენტმა დონალდ ტრამპმა გააჟღერა მუქარა ირანის კულტურული ღირსშესანიშნაობების მიმართულებით.

 

„მათ აქვთ უფლება დახოცონ, აწამონ და დატანჯონ ჩვენი ხალხი, გამოიყენონ ბომბები, რომ ააფეთქონ ჩვენი ხალხი და ჩვენ არ გვაქვს უფლება შევეხოთ მათ კულტურულ ღირსშესანიშნაობებს? ასე არ გამოვა“, - განაცხადა ტრამპმა.

ნატო ირანელი გენერლის ყასემ სოლეიმანის საკითხთან დაკავშირებით აშშ-ის გვერდით დგას. ამის შესახებ ალიანსის გენერალურმა მდივანმა იენს სტოლტენბერგმა განაცხადა.

 

ინფორმაციას „ალ ჯაზირა ავრცელებს“. „ჩვენ ვართ ერთიანი, ვგმობთ რა ირანის მხარდაჭერას სხვადასხვა ტერორისტული დაჯგუფებების მიმართ. ახალი კონფლიქტი არავის ინტერესში არ არის. ასე, რომ ირანმა თავი უნდა შეიკავოს შემდგომი ძალადობისა და პროვოკაციებისგან“, - განაცხადა სტოლტენბერგმა.

 

ცნობისთვის, ალიანსის გადაწყვეტილებით, ერაყში ნატო-ს საწვრთნელი მისია წყდება. იენს სტოლტენბერგის გადაწყვეტილებით, აღნიშნული გადაწყვეტილება „საკუთარი ხალხის დასაცავად საჭირო უსაფრთხოების ზომებს უკავშირდება“.

 

შეგახსენებთ, 3 იანვარს, აშშ-მა ერაყის დედაქალაქის აეროპორტზე თავდასხმა განახორციელა, რა დროსაც, სხვა სამხედრო მეთაურებთან ერთად, ირანელი გენერალი, „ყუდსის ძალების“ ხელმძღვანელი ყასემ სოლეიმანი დაიღუპა.

უფალს ვუთხრათ, რომ გვჭირდება მადლი ღვთისა,- ამის შესახებ პატრიარქმა ილია მეორემ საშობაო ლიტურგიაზე, ქადაგებისას განაცხადა.

 

როგორც პატრიარქმა აღნიშნა, უფალი ადამიანების ვედრებას შეისმენს.

 

„დღეს ცა და ქვეყანა გალობს, დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება. დიდება უფალს. დღეს უფალმა ცანი მოსდრიკნა და ციდან გარდამოვიდა კრავი ღვთისა, უფალი ჩვენი იესო ქრისტე. რით შევეგებოთ, რა ვუთხრათ? ვუთხრათ, რომ გაჭირვებული ვართ, ვუთხრათ, რომ გვჭირდება მადლი ღვთისა. ყველაფერი უნდა ვუთხრათ უფალს. უფალი შეისმენს ვედრებასა ჩვენსა,“- განაცხადა პატრიარქმა და მრევლი დალოცა.

შენ გვასწავლე, იესო, რომ სიყვარულშია ხსნა, რომ სიმდაბლეშია - სიმაღლე, სიმარტივესა და უბრალოებაში, - სიდიადე; მოყვასის მსახურებაში, - სიხარული; გაცემაში, - შეძენა და დათმენაში,- გამარჯვება; რომ მტრის სიყვარულშია სიყვარულის სისრულე და სხვისთვის თავგანწირვაშია საკუთარი სულის პოვნა...,-ამის შესახებ სრულიად საქართველოს კათოლიკოს პატრიარქის ილია მეორეს საშობაო ეპისტოლეშია ნათქვამი.

 

პატრიარქი საშობაო ეპისტოლეში იესო ქრისტეს და ღვთისმშობელს საქართველოს მფარველობას სთხოვს.

 

"შენი განხორციელებისათვის, მხსნელო, დედამიწაც განემზადა და გიძღვნა ქალწულთა მშვენება, დედათა სიქადული, - წმინდა მარიამი.

 

გიხაროდენ, ურჩეულესო ჭურჭელო, ყოველთა ნათესავთა შორის სანატრელო (ლუკ. 1.48);

 

გიხაროდენ, დედაო ღვთისა, ევას ცრემლთა აღმხოცო; ცხოვრების ხეო, სიცოცხლის ნაყოფის მომცემო;

 

გიხაროდენ, ცოცხალო ტაძარო ღვთისაო, ჩვენს ლოცვათა უფლისადმი აღმწევნელო.

 

უფლის განგებამ ინება, რომ შენი მზრუნველობით ჩვენც ღვთის ერი გავმხდარიყავით საუკუნეთა მანძილზე მრავალფერ განსაცდელთაგან ვნებულმა მცირე სამწყსომ შენი მფარველობით გაუძლო ათას ქარტეხილთ და დარჩა ქრისტეს ერთგული. დღესაც შენ გსასოებს ჩვენი დამაშვრალი ერი, მრავალთაგან მრავალჯერ ნაღალატები და ჯვარცმული, მაგრამ მაინც გაუტეხელი და ღვთის მოიმედე",-ნათქვამია ეპისტოლეში.

 

საშობაო ეპისტოლეში ილია მეორე უფალს ავედრებს და სთხოვს, რომ ერს უფლის სიყვარული, სასოება და შიში განუმტკიცოს.

 

"ჩვენც, მონანი და მხევალნი შენნი, მოგმართავთ ცისა და ქვეყნის დედოფალს: კვლავაც შეეწიე უძლურებათა ჩვენთა, შეგვავედრე ძესა შენსა და ღმერთსა ჩვენსა, რათა ყოველნი მკვიდრნი იბერიისანი, შეცდომილნი ძენი და ასულნი ჩვენნი, გზასა ჭეშმარიტებისასა შეუდგნენ; ბოროტმზრახველთა, მოშურნეთა და მაჭირვებელთა გულნი ლმობიერ-ჰყავ და დაამშვიდე; დამნაშავეთ სინანული მიეც; საპყრობილეთა შინა მყოფთ, - თავისუფლების სიხარული; უსამართლოთ, - სამართალი; მშიერთ, - პური; შიშველთ, - სამოსელი; უპავართ, - სარჩო-საბადებელი; კეთილად მუშაკთ, - ღირსი სასყიდელი;...

 

ურვათა მრავალთა დამტევნელო, ყოვლადუბიწოო ღვთისმშობელო, ნუგეში-ეც მტირალთ, ყოველივე სასიკეთოდ წარუმართე მადლიერებით ჭირთა დამთმენილთ, ჭაბუკთა და ყრმათა სიმხნე მიჰმადლე და სულიერად განსწავლე, სნეულნი განკურნე, მხცოვანნი შთამომავალთა კეთილდღეობით გაახარე, უცხოეთში მყოფნი თანამემამულენი სამშობლოში მშვიდობით დააბრუნე, იქ დარჩენილნი კი უფლის სადიდებლად და სამშობლოს საკეთილდღეოდ აღვაწე.

 

განგვიმტკიცე სიყვარული, სასოება და შიში უფლისა, ერთგული მსახურება ეკლესიისა, მამულისა და მოყვასისა. მოგვმადლე გული წმინდა და სული წრფელი, გონება ნათელი და შემეცნების სიღრმე, სხეული ჯანსაღი და უვნებელი. გვაშორე მუცლადღებულ ყრმათა კვლა და თვითმკვლელობები.

 

აღადგინე, დალოცე და განამტკიცე საზღვარნი საქართველოისანი, და მას შინა მკვიდრნი დაიცევ “ შიმშილისაგან, სრვისა, ძრვისა, ცეცხლისა, მახვილისა, ზედა მოსვლისაგან მტერთასა“, სტიქიონთა ვნებისაგან და ყოველი ბოროტი ძალის მანქანებისაგან; დალოცე და განამტკიცე ოჯახები ჩვენი და აკურთხე იგინი შვილთა სიმრავლითა და ნაყოფთა სიუხვითა.

 

გევედრებით, მეოხ-ეყავ მართლმადიდებლობით აღსრულებულთა ჩვენთა წინაპართა, - მეფე-დედოფალთა, კათოლიკოს-პატრიარქთა, სამშობლოს ერთგულთა და თავდადებულთა მონათა და მხევალთა შენთა, მომხსენიებელთა გარეშე დარჩენილთა ყოველთა; გევედრები შორებელთა და მახლობელთათვის, რომელნი შეწევნასა ჩვენსა შემოვედრებულ არიან, რათა ყოველნი შემოქმედმან სავანესა მართალთათვის გამზადებულსა დააწესოს.

 

არ განგვეშორო დედაო, არცა ჟამსა მას მეორედ მოსვლისა ძისა შენისასა და ჩვენ მსასოებელთა შენთა, მეოხ გვეყავ წინაშე მისა, რათა მართალთა თანა ვიხარებდეთ და ვადიდებდეთ დამბადებელსა ჩვენსა, ყოველთა შემწყნარებელსა და სიყვარულსა დაუსრულებელსა, - მამასა და ძესა და წმინდასა სულსა აწ და მარადის და უკუნითი უკუნისამდე, ამინ.

 

ბეთლემს შობილო ქრისტე ღმერთო, ამ დიდებულ ღამეს, სულითა და გონებით შენსკენ მოლტოლვილნი, კანდლად გინთებთ ჩვენს ლოცვა-ვედრებასა და ქება-დიდებას; ოქროს, გუნდრუკისა და მურის ნაცვლად ძღვნად მოგართმევთ ჩვენს გულებს, სიყვარულსა და ერთგულებას, კრძალვითა და თაყვანისცემით მოგეგებებით და ვხმობთ:

 

დიდება შენს მობრძანებას, ყრმაო, მშვიდობის მთავარო! (ეს.9,5)

 

დიდება შენს გარდამოსვლას, უფალო საბაოთ! (ეს. 37,16)

 

დიდება შენს მოვლინებას, ადონაი უფალო! (ეზ. 37.3)

 

გაკურთხებთ და აღგამაღლებთ შენ საუკუნითგან უკუნისამდე და ვაკურთხებთ მშობელსა შენსა, დედათა შორის კურთხეულს (ლუკა 1.42).

 

და კიდევ ერთხელ შეგთხოვთ, მოჰფინე შენი მშვიდობა, შენი წყალობა, ურწმუნოებით დამძიმებულ მშფოთვარე მსოფლიოს; ავის და კარგის გარჩევის უნარი და სიბრძნე მოგვეც და შენი სასუფევლის მკვიდრნი გაგვხადე.

 

„ქრისტე იშვების, - ადიდებდეთ! ქრისტე ზეცით, - მიეგებვოდეთ! ქრისტე ქვეყანასა ზედა, - ამაღლდით... კვალად ბნელი დაიხსნების, კვალად ნათელი მოიქცევის... ძველნი წარხდეს, აჰა, იქმნა ყოველივე ახალ“ (გრ. ღვთისმეტყევლი), გიხაროდეთ, რამეთუ ჩვენთან არს ღმერთი!",- ნათქვამია ეპისტოლეში.

ექსკლუზიური

არქივი

« « » » იანვარი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?