Global Press

Georgia

Global PressGlobal PressGlobal PressGlobal Press

USD
2.6642
EUR
3.0308
RUR
0.0401
GBP
3.3713

ავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი საქართველოს 12 დეკემბერს ეწვევა.

 

ინფორმაციას ამის შესახებ საგარეო საქმეთა სამინისტრო ავრცელებს. ვიზიტის ფარგლებში აპატურაი შეხვედრებს საქართველოს პრემიერ-მინისტრთან, პრეზიდენტთან, საგარეო საქმეთა და თავდაცვის მინისტრებთან გამართავს.

 

ჯეიმს აპატურაი ასევე ნატო-სა და ევროკავშირის შესახებ საინფორმაციო ცენტრში საჯარო ლექციას გამართავს საქართველოს სხვადასხვა უნივერსიტეტის სტუდენტებისთვის.

 

საგარეო უწყებაში აცხადებენ, რომ კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის თბილისში ვიზიტი ადასტურებს ნატო-საქართველოს ურთიერთობებს მაღალ ინტენსივობას და ცხადყოფს, რომ ჩვენს ქვეყანას ნატო-ს დღის წესრიგში განსაკუთრებული ადგილი უკავია.

მთის საერთაშორისო დღეს, საქართველოს მთავრობამ მაღალმთიანი რეგიონების განვითარების 2019-2023 წლების სტრატეგიის მთავარი მიმართულებები წარადგინა. სტრატეგიის პროექტის შესახებ საჯარო კონსულტაციები გაიმართება, რის შემდეგაც მას საქართველოს მთავრობა დაამტკიცებს. სტრატეგიის პროექტის ავტორია საქართველოს რეგიონული განვითარებისა და ინფრასტრუქტურის სამინისტრო გაერო-ს განვითარების პროგრამის (UNDP) და შვეიცარიისა და ავსტრიის მთავრობების მხარდაჭერით.

 

 2016 წელს საქართველომ მიიღო კანონი მაღალმთიანი რეგიონების განვითარების შესახებ, რის შემდეგაც მაღალმთიანი დასახლების სტატუსი საქართველოს 43 მუნიციპალიტეტში მდებარე 1,730 დასახლებას მიენიჭა. 400-ზე მეტმა საწარმომ საგადასახადო შეღავათებით ისარგებლა, ხოლო ფულადი და სხვა სახის დახმარება, რომლის მთლიანმა ოდენობამ 115 მილიონ ლარს გადააჭარბა, 200 ათასზე მეტმა ადამიანმა მიიღო.

 

როგორც UNDP-ში აცხადებენ, მაღალმთიანი რეგიონების განვითარების ახალი სტრატეგიის განხორციელების შედეგად გაიზრდება ამ პროცესის ეფექტიანობა და მდგრადობა, მეტი ყურადღება მიექცევა ადგილობრივ მეწარმეობას, განახლებადი ენერგიის გამოყენებას, ნარჩენების მართვას, ეკო-ტურიზმზს და სხვა სფეროებს, რომლებიც მდგრად განვითარებას განაპირობებენ.

 

მაღალმთიანი რეგიონების განვითარების პოლიტიკის შედეგებით 300 ათასი ადამიანი ისარგებლებს. „მაღალმთიან რეგიონებში საქართველოს მოსახლეობის მხოლოდ 9% ცხოვრობს, მაგრამ მთის ეკონომიკური და სოციალური პოტენციალი გაცილებით მაღალია“, - აღნიშნა მუნხტუია ალთანგერელმა, გაეროს განვითარების პროგრამის (UNDP) მოქმედმა ხელმძღვანელმა საქართველოში.

 

მთის საერთაშორისო დღე გაეროს ინიციატივით 2003 წელს დაწესდა, მაგრამ საქართველო მას პირველად აღნიშნავს. საერთაშორისო დღის წლევანდელი თემაა  #MountainsMatter #მთავარიამთა, რაც კიდევ ერთხელ შეგვახსენებს მთის საკვანძო როლს ჩვენი პლანეტის გადარჩენისათვის აუცილებელი ეკოსისტემისა და მომსახურების შექმნაში.

მიდგომა, რომ უცხოელები და ქართველები საკუთრების უფლებასთან მიმართებაში თანაბარუფლებიანები არიან, მართალი არ არის. მართალი არ არის საერთაშორისო სამართლითაც სხვადასხვა ქვეყნების გამოცდილებიდან გამომდინარე, - ამის შესახებ იუსტიციის უმაღლესი საბჭოს არამოსამართლე წევრმა, ანა დოლიძემ „ინტერპრესნიუსთან“  საუბრისას განაცხადა

 

დოლიძე გამოეხმაურა საქართველოს საკონსტიტუციო სასამართლოს მიერ მიღებულ გადაწყვეტილებას, სასოფლო-სამეურნეო დანიშნულების მიწაზე მორატორიუმის მოხსნის თაობაზე და განაცხადა, რომ სასამართლომ მცდარი გადაწყვეტილება მიიღო. კერძოდ, როგორც დილიძემ განმარტა, ახლა საკონტიტუციო სასამართლო 2012 წელს მის მიერ მიღებულ მცდარ პოზიციას დაეყრდნო, როდესაც თქვა რომ „არ შეიძლება განვასხვავოთ უცხოელი და ქართველი საკუთრების უფლებასთან მიმართებაში“. დოლიძის პოზიციაა, რომ უცხოელებს შეიძლება დაუწესდეს შეზღუდვები, თუმცა აქ გამონაკლისია ექსპატრიანტები. მისი თქმით, ექსპატრიანტებს (ამ შემთხვევაში საქართველოდან წასული ბერძნები), რომლებსაც საქართველოში სამშობლო და ფუძე ჰქონდათ, პარლამენტის ორგანული კანონის მიხედვით, საკუთარი სახლ-კარის დაბრუნების შესაძლებლობა უნდა მიეცეთ.

 

„2012 წლიდან იწყება საკონსტიტუციო სასამართლოს ეს პოზიცია, რომ არ შეიძლება განვასხვავოთ უცხოელი და ქართველი საკუთრების უფლებასთან მიმართებაში, სრულუფლებიანი სუბიექტი არისო. მაშინ შეცდა საკონტიტუციო და ახლაც შეცდა, როდესაც ავტომატურად გაიზიარა ის ძველი გადაწყვეტილება(ანუ 2012 წლის გადაწყვეტილება) იმიტომ, რომ ეს მიდგომა - თანაბარუფლებიანები არიან უცხოელები და ქართველები საკუთრების უფლებასთან მიმართებაში - არ არის მართალი. მართალი არ არის საერთაშორისო სამართლითაც სხვადასხვა ქვეყნების გამოცდილებიდან გამომდინარე. უამრავი მაგალითი არსებობს ახალი ზელანდიით დაწყებული, სადაც ახლა დარეგულირდა არათუ მიწის, არამედ ბინების გაყიდვა, დამთავრებული მეზობელი სერბეთით, სადაც შეზღუდვებია დაწესებული უცხოელების მიერ ზოგადად, უძრავი ქონების შეძენაზე. ანუ საკონსტიტუციო სასამართლომ არ გაითვალისწინა ჩვენი კონტექსტი, სამართლებრივი პრინციპები როგორ განვითარდა ამ ბოლო პერიოდის განმავლობაში და ავტომატურად დაეყრდნო თავის ძველ პრეცედენტს. ეს არ იყო სწორი. მეორე, რაც ძალიან მნიშვნელოვანია, თუ რატომ არ იყო სწორი - პირველ ორ გადაწყვეტილებაში საქმე გვაქვს უცხოელებთან. ამ შემთხვევაში კი საქმე გვაქვს ექსპატრიანტებთან, ანუ საქართველოდან წასული ადამიანებთან. ეს ბერძნები ცხოვრობდნენ აქ და ასეთი ხალხი ძალიან ბევრია. მათ სამშობლო საქართველოში ჰქონდათ, შესაბამისად ჰქონდათ საკუთრება. უამრავი ხალხია ისეთი ვინც 1990-იან წლებში აქედან წავიდა, ახლა კი ექსპატრიანტები თამაშგარე დარჩნენ. მათ აქ ფუძე, ბინა ჰქონდათ და ასეთი ბევრია. ჩემი პოზიციაა, რომ პარლამენტი, როდესაც მიიღებს შესაბამის ორგანულ კანონს, იქ უფლებები უნდა მისცეს კონკრეტულად ამ ჯგუფებს, ანუ ექსპატრიანტებს“, - განაცხადა დოლიძემ.

 

მისივე განმარტებით, საქმე იმაშია, რომ სასოფლო სამეურნეო დანიშნულების მიწებზე მორატორიუმი მოხსნის თაობაზე საკონსტუტუციო სასამართლოს გადაწყვეტილება 17 დეკემბრის მერე რომ გამოეტანა, იქნებოდა უაზრო, ვინაიდან უკვე კონსტიტუციის ახალი რედაქცია შედის ძალაში.

 

„შესაბამისად იძულებული იყო, რომ ამ პერიოდში გამოეტანა გადაწყვეტილება. ავტომატურად დაეყრდნო 2012 წლის ძველ პრეცედენტს, სადაც საერთოდ სხვა შემთხვევა იყო. აქ ექსპატრიანტები გვყავს და იქ უცხოელები. ის იყო მცდარი თავის დროზე, იმიტომ, რომ საერთაშორისო სამართალი ბევრად წინ არის წასული იმის მერე და მიწის რესურსზე უზარმაზარი რეგულირება მიდის სხვადასხვა ქვეყანაში. ამის გაუთვალისწინებლობა იყო ძალიან მცდარი მიდგომა სასამართლოს მხრიდან“, - განაცხადა ანა დოლიძემ.

 

შეგახსენებთ, 7 დეკემბერს, საკონსტიტუციო სასამართლოს პლენუმმა არაკონსტიტუციურად გამოაცხადა სასოფლო-სამეურნეო დანიშნულების მიწების უცხოეთის მოქალაქეებზე გასხვისებასთან დაკავშირებით საქართველოს პარლამენტის მიერ დაწესებული მორატორიუმი.

სურსათის ეროვნული სააგენტოს ორგანიზებით, კაჭრეთში, სასტუმრო „ამბასადორში“ ჟურნალისტებთან შეხვედრა გაიმართა. მედიასემინარის ფარგლებში, სააგენტოს მცენარეთა დაცვის სპეციალისტების მიერ, წარმოდგენილი იყო ინფორმაცია 2018 წელს აზიურ ფაროსანასთან ბრძოლის ღონისძიებების და შედეგების შესახებ.

 

სურსათის ეროვნული სააგენტოს უფროსი ზურაბ ჩეკურაშვილის განცხადებით, მავნებლის საწინააღმდეგო ღონისძიებები მომავალ წელსაც სახელმწიფო სტრატეგიის შესაბამისად განხორციელდება. მავნებელთან ბრძოლის პროგრამის ფარგლებში, გაგრძელდება ფართომასშტაბიანი მონიტორინგი, შეწამვლითი ღონისძიებები, საინფორმაციო კამპანია, სამეცნიერო-კვლევითი საქმიანობა.

 

„ამ პროცესში უმნიშვნელოვანესია მედიის როლი და მოსახლეობის ინფორმირებულობის გაზრდა, რაც ხელს შეუწყობს მოსახლეობის ჩართულობის უზრუნველყოფას“, - განაცხადა ზურაბ ჩეკურაშვილმა.

 

მიმდინარე წელს მავნებლის საწინააღმდეგოდ თერმული ნისლის ტექნოლოგიით და ცივი შესხურებით, სამეგრელოს, გურიის იმერეთის რეგიონებსა და აჭარაში 790 ათასამდე ჰექტარი ფართობი დამუშავდა. სამუშაოებმა 27 მუნიციპალიტეტის 523 სოფელი მოიცვა. მონიტორინგის მიზნით, მთელის ქვეყნის მასშტაბით განთავსდა 8000 მდე ფერომონი (მავნებლის მისაზიდი). ტყის პერიმეტრებსა და სოფლების ტერიტორიებზე დამონტაჟდა 100 ათასამდე „მოიზიდე და გაანადგურე“ სადგურები. განხორციელდა აქტიური საინფორმაციო კამპანია, რაც მავნებელთან ბრძოლის ერთ-ერთი მთავარი მიმართულებაა. სახელმწიფოს მიერ გატარებული ღონისძიებების შედეგად, დასავლეთ საქართველოში მავნებლის პოპულაცია შემცირდა, მისი გავრცელების არეალი შენარჩუნდა ძველ საზღვრებში და არ გავრცელდა აღმოსავლეთ საქართველოში.

ადვოკატ მიხეილ რამიშვილის სარჩელი, რომლითაც ის ქორეპისკოპოს იაკობს პატივის, ღირსებისა და საქმიანი რეპუტაციის შელახვისთვის უჩიოდა, თბილისის საქალაქო სასამართლომ დააკმაყოფილა. აღნიშნული ინფორმაცია "გლობალ პრესს" მიხეილ რამიშვილმა მიაწოდა.

 

როგორც ის განმარტავს, მოსამართლე ირაკლი კოპალიანის გადაწყვეტილებით, ქორეპისკოპოს იაკობს მიხეილ რამიშვილთან დაკავშირებული ცილისმწამებლური განცხადების საჯაროდ უარყოფა და მორალური ზიანის ანაზღაურებისთვის სიმბოლურად 1 ლარის გადახდა დაეკისრა.

 

"მოსამართლემ ახლა გამოაცხადა გადაწყვეტილების სარეზოლუციო ნაწილი, რომლითაც ჩემი სარჩელი მთლიანად დაკმაყოფილდა. საუბარია ჩემი პატივისა და ღირსების შელახვასთან დაკავშირებულ განცხადებაზე. ქორეპისკოპოსმა იაკობმა ცილისმწამებლური განცხადება გააკეთა ტელეკომპანია "იბერიას" საინფორმაციო გადაცემაში, სადაც ცილი დამწამა, ვითომ, მე ვიყავი მეუფე პეტრეს მაბეზღარა, ვიყავი ჩანერგილი აგენტი გიორგი მამალაძისა და გირგვლიანის საქმეში, ასევე ინფორმაცია მიმქონდა დათა ახალაიასთან, რაც მოსამართლემ ცილისწამებად ჩათვალა და დააკისრა ქორეპისკოპოს იაკობს ყველაფრის საჯაროდ უარყოფა, ისევე როგორც საჯაროდ დამდო ბრალი და ცილი დამწამა.

 

რაც შეეხება მორალური ზიანის ანაზღაურებას, სიმბოლურად ერთი ლარი მოვითხოვე, რადგან ღირსება და პატივი შეუფასებელია. მოსამართლემ ქორეპისკოპოს იაკობს ერთი ლარის სიმბოლურად გადახდა დააკისრა. დიდი მადლობა მოსამართლე ბატონ ირაკლი კოპალიანს, რომელიც არაფერს შეუშინდა", - განაცხადა რამიშვილმა.

 

პროცესს არ დასწრები თავადა ქორეპისკოპოსი იაკობი.

 

"მორიგებაც მინდოდა და მისი ნახვაც, რაში მწამებდა ცილს, მაგრამ ყოველთვის მემალებოდა", - აღნიშნა მიხეილ რამიშვილმა.

პრეზიდენტის ადმინისტრაცია კიდევ ერთხელ აპროტესტებს “სახელმწიფო დაცვის სპეციალური სამსახურის შესახებ“ კანონში დაგეგმილ ცვლილებების პროექტს, რომლის ერთ-ერთი სიახლე ისაა, რომ სახელმწიფო მეთაურს სახელმწიფო დაცვა სიცოცხლის ბოლომე აღარ შეუნარჩუნდება.

 

კანონპროექტი დღეს პირველი მოსმენით იურიდიულ საკითხთა კომიტეტს სახელმწიფო დაცვის სამსახურის უფროსმა ანზორ ჩუბინიძემ წარუდგინა.

 

როგორც კომიტეტის სხდომაზე პრეზიდენტის საპარლამენტო მდივანმა ანა ნაცვლიშვილმა განაცხადა, პრეზიდენტი ცვლილებებს არ ეთანხმება და ეს არის “იმ სამწუხარო ტენდენციის გაგრძელება, რომელსაც წლებია ინსტიტუტის შელახვისა და დაკნინების მიმართულებით ვუყურებთ“.

 

“ჩვენ ქვეყანაში წლების განმავლობაში ვხედავთ თანმიმდევრულ, მიზანმიმართულ და კარგად გააზრებულ საკანონმდებლო პოლიტიკას, რომელიც სახელმწიფოს მეთაურის უფლებამოსილებების შეკვეცისა და მთლიანად წაღებისაკენ არის მიმართული. ვხედავთ ნაბიჯების გადადგმას, რომ ამ მნიშვნელოვანი პოზიციის უფუნქციობას გაესვას ხაზი. ეს საკანონმდებლო ინიციატივა ზუსტად ჯდება ამ კონტექსტში. ერთ-ერთი ბოლო საკანონმდებლო ცვლილებება, რომელიც განხორციელდა არის ის, რომ სახელმწიფოს მეთაურს სახელმწიფო ჯილდოს მინიჭების უფლებამოსილება აღარ დაუტოვეს, თუ ამაში პრემიერ-მინისტრი და პარლამენტის თავმჯდომარე არ ჩაერევა. ამ თანმიმდევრულობითა და პრინციპულობით საკანონმდებლო ორგანოს ქვეყნისთვის საჭირო საკითხებზე რომ ეზრუნა, ალბათ, ცოტა უკეთესი მდგომარეობა იქნებოდა“, - განაცხადა ანა ნაცვლიშვილმა პარლამენტის იურიდიულ საკითხთა კომიტეტის სხდომაზე.

 

მისივე შეფასებით, არის სერიოზული საკითხები, რაც სახელმწიფო დაცვის სპეციალური სამსახურის მიერ მომზადებულ კანონპროექტში გააზრებული არ არის.

 

პარლამენტში წარდგენილი საკანონმდებლო ცვლილებებით, პრეზიდენტს, ასევე პრემიერ-მინისტრსა და პარლამენტის თავმჯდომარეს უფლებამოსილების ვადის ამოწურვის შემდეგ სახელწიფო დაცვა მხოლოდ ერთი წლით შეუნარჩუნდებათ. ერთი წლის გასვლის შემდეგ კი, აღნიშნულ პირებს სახელმწიფო დაცვა მთავრობის გადაწყვეტილებით გაუგრძელდებათ, თუ არსებობს საკმარისი მონაცემები, რომ მათ სიცოცხლესა და ჯანმრთელობას საფრთხე ემუქრება.

ჯანმრთელობის მსოფლიო ორგანიზაციის საქართველოს წარმომადგენლობის განცხადებით, თამბაქოს კონტროლის ჩარჩო კონვენცია და ევროკავშირთან ასოცირების შეთანხმება საქართველოს რეკომენდაციას უწევს, თამბაქოს ყველა პროდუქტზე გადასახადები გაზარდოს.

 

მათივე განცხადებით, საქართველოს მოსახლეობის 32%-ზე მეტი თამბაქოს მომხმარებელია, რის გამოც ყოველწლიურად, დაახლოებით, 11 400 ადამიანი იღუპება.

 

„თამბაქოთი გამოწვეული სიკვდილიანობის, დაავადებების, პროდუქტიულობის კლების და სხვა ტვირთის გამო საქართველო ყოველწლიურად კარგავს 825 მილიონ ლარს, რაც მთლიანი შიდა პროდუქტის 2.4%-ია. 2017 წელს, გაეროს განვითარების პროგრამის მიერ, საქართველოში თამბაქოს კონტროლის საინვესტიციო შემთხვევის კვლევის თანახმად, თამბაქოზე გადასახადების ზრდა საქართველოში, 15 წლიან პერსპექტივაში თამბაქოს მოწევის მაჩვენებელს 27%-ით შეამცირებს, გადაარჩენს 35 000 ადამიანის სიცოცხლეს და მოიტანს სარგებელს 2.2 მილიარდი ლარის მოცულობით. ამ შედეგის მისაღწევად, საქართველომ უნდა უპასუხოს რამდენიმე გამოწვევას თამბაქოს პროდუქტების დაბეგვრის სფეროში“, - აცხადებს ჯანმრთელობის მსოფლიო ორგანიზაცია.

 

მათივე შეფასებით, საქართველოში სერიოზულ პრობლემას წარმოადგენს თამბაქოს პროდუქტების არათანაბარი დაბეგვრა, კერძოდ, სხვაობა უფილტრო და ფილტრიან სიგარეტების გადასახადებს შორის, რაც, მათივე შეფასებით, თამბაქოს ინდუსტრიას შესაძლებლობას აძლევს, გადასახადს გვერდი აუაროს.

 

„აღნიშნული მწეველთა ნაწილს, ნაცვლად იმისა, რომ თამბაქოზე თავის დანებებით სარგებელი მიიღოს, მისი მოხმარების შემცირების გამო, თამბაქოს ერთი პროდუქტის მეორეთი ჩანაცვლებისკენ უბიძგებს. საქართველოს მთავრობის ინიციატივით, ამ სფეროში შერეული დაბეგვრის სისტემის შემოღებითა (იმავდროულად ფიქსირებული აქციზის მაღალი წილის შენარჩუნებით) და გადასახადების ზრდით მიღწეული პროგრესის მიუხედავად, თამბაქოს ნაწარმზე გადასახადები და ფასები რეგიონში კვლავაც ერთ-ერთი დაბალია. გადასახადების ზრდამ მოწევაზე თავის დანებებისკენ მწეველთა მხოლოდ ნაწილს უბიძგა, ამიტომაც აღნიშნული პოლიტიკა კიდევ უფრო გასაძლიერებელია, რათა მწეველებს ამ სახიფათო პროდუქტზე თავის დანებების სერიოზული მოტივაცია გაუჩნდეთ. გადასახადების გაზრდა თავიდან აგვაცილებს უამრავი არამწეველის, განსაკუთრებით კი ახალგაზდების მხრიდან თამბაქოს მოხმარების დაწყებასაც. გაიზრდება როგორც საბიუჯეტო შემოსავლები, ასევე უამრავი ოჯახის დანაზოგი“, - ნათქვამია განცხადებაში.

 

ჯანდაცვის მსოფლიო ორგანიზაციის განცხადებით, თამბაქოზე გადასახადების ზრდა ერთ-ერთი საუკეთესო „მოგება-მოგების“ პოლიტიკაა.

 

„ის მომგებიანია როგორც ჯანმრთელობისთვის, ისე ბიუჯეტისთვის. ჯანმრთელობის მსოფლიო ორგანიზაცია და სხვა საერთაშორისო სააგენტოები ქვეყნებს მოუწოდებენ ყურადღება მიაქციონ და გაითვალისწინონ მტკიცებულებები და არა თამბაქოს ინდუსტრიისეული შეცდომაში შემყვანი არგუმენტები. არსებობს ძალიან მყარი მტკიცებულებები იმის შესახებ, რომ თამბაქოზე მაღალი გადასახადები და ფასები მნიშვნელოვნად ამცირებს მის მოხმარებას, ეს უფრო შესამჩნევია დაბალი და საშუალო შემოსავლების მქონე ქვეყნებში, ვიდრე მაღალშემოსავლიანებში. გამოთვლილია, რომ თამბაქოზე სააქციზო გადასახადის გასამმაგება დაბალი და საშუალოშემოსავლიანი ქვეყნების უმრავლესობაში აორმაგებს სიგარეტის ფასებს და დაახლოებით, 40%-ით ამცირებს ამ პროდუქტების მოხმარებას. მთავრობებისთვის თამბაქოს დაბეგვრა „მოგება-მოგების“ პოლიტიკის ერთ-ერთი საუკეთესო ვარიანტია, რითაც დამატებითი შემოსავლების გენერირებაც მოხდება და მოხმარებაც შემცირდება. სულ უფრო მეტი ქვეყანა წარმოადგენს მტკიცებულებებს, რომ თამბაქოს ნაწარმზე გადასახადების ზრდა, რომელიც საცალო ფასებს 10%-ით ზრდის, 2%-დან 8%-მდე ამცირებს მოხმარებას. დაბალშემოსავლიან ქვეყნებში, თამბაქოს აქციზური განაკვეთის გაორმაგება სიგარეტის გადასახადიდან შემოსავლებს 30%-ზე მეტით ზრდის“, - აღნიშნავს ორგანიზაცია.

 

მათივე შეფასებით, თამბაქოს გადასახადები ღარიბ მოსახლეობას და ახალგაზრდებს იცავს.

 

„თამბაქოს ინდუსტრიის და მასთან დაკავშირებული მხარეების მტკიცებით, თამბაქოზე გადასახადის ზრდას ჯანმრთელობასა და შემოსავლებზე ასეთი კარგი ეფექტი არ ექნება, რადგან თურმე დრამატულად გაიზრდება უკანონო ვაჭრობა და მწეველები არალეგალური პროდუქტების მოხმარებაზე გადავლენ. თუმცა, რეალური მტკიცებულებების თანახმად, უკანონო ვაჭრობის პრევენცია და კონტროლი უპირველესად კანონის ადმინისტრირების საკითხია და ქვეყნებს შორის ფასების სხვაობის ზრდა ყოველთვის არ იწვევს პირდაპირ უკანონო ვაჭრობის ზრდას.

 

2004 წლამდე, როდესაც რეგიონში თამბაქოზე გადასახადები საქართველოში ერთ-ერთი ყველაზე დაბალი იყო, კონტრაბანდის და არალეგალური ბაზრის წილი დაახლოებით, 50%-ს შეადგენდა. მაგრამ მომდევნო წლებში, როდესაც მთავრობამ ამ პროდუქტზე გადასახადები პრაქტიკულად, რამდენჯერმე გაზარდა და ზოგადად, კანონის აღსრულება და კორუფციასთან ბრძოლა გააძლიერა, ძალიან მალე არალეგალური ბაზრის მოცულობა თითქმის განულდა, საბიუჯეტო შემოსავლები კი, შესამჩნევად გაიზარდა“, - აღნიშნავს ჯანდაცვის მსოფლიო ორგანიზაცია.

25 წლის თამარ გამრეკელაშვილის მკვლელობის საქმეზე ბრალდებულ მამინაცვალს, ვეფხია ბაქრაძეს თბილისის საქალაქო სასამართლომ უვადოდ თავისუფლების აღკვეთა შეუფარდა. აღნიშნული გადაწყვეტილება მოსამართლე ლავრენტი მაღლაკელიძემ რამდენიმე წუთის წინ გამოაცხადა. რაც შეეხება დანაშაულის შეუტყობინებლობისთვის დაკავებულ თეიმურაზ ბაქრაძეს, მას 2 წლით თავისუფლების აღკვეთა შეეფარდა. შეგახსენებთ, რომ თაკო გამრეკელაშვილი მიმდინარე წლის 13 აპრილს, თბილისში, ბარნოვის ქუჩაზე მოკლეს. მას ყელი ჰქონდა გამოჭრილი. აღნიშნულ დანაშაულზე სამართალდამცავებმა მოკლულის მამინაცვალი, ვეფხია ბაქრაძე 14 აპრილს, თელეთში დააკავეს. ის მიმალვაში იმყოფებოდა. გამოძიება 11 პრიმა 109-ე მუხლით მიმდინარეობს, რაც ოჯახში ძალადობის ნიადაგზე ჩადენილ განზრახ მკვლელობას დამამძიმებელ გარემოებაში გულისხმობს. აღნიშნული მუხლი 16-დან 20 წლამდე ან უვადო პატიმრობას ითვალისწინებს. სამართალდამცველებმა ბარნოვის ქუჩაზე მომხდარი მკვლელობის საქმეზე კიდევ ერთი პირი, ბრალდებულ ვეფხია ბაქრაძის ბიძაშვილი, თემურ ბაქრაძე დაკავეს. მას ბრალი დანაშაულის შეუტყობინებლობისსთვის აქვს წაყენებული. ჩადენილი დანაშაული 2-დან 4 წლამდე ვადით თავისუფლების აღკვეთას ითვალისწინებს.

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

 

„ მოხარული ვარ, რომ საქართველოს პარლამენტთან ერთად აღვნიშნავთ ადამიანის უფლებათა დაცვის დღეს. ეს ძალიან მნიშვნელოვანი დღეა როგორც საქართველოსთვის, ისე ევროკავშირისთვის. ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში. ეს ყველამ ძალიან კარგად იცის. საქართველო ერთი მხრივ, მოწინავე ქვეყანაა ადამიანის უფლებების დაცვის განვითარების მიმართულებით, მაგალითად, სახალხო დამცველის სისტემის განვითარების სფეროში, მაგრამ ასევე ქვეყანა სერიოზული გამოწვევების წინაშს დგას ხშირად და ეს არის ყურადღება მოსაქცევი. ასევე მინდა აღვნიშნო, რომ საქართველომ დიდ პროგრესს მიაღწია რეგიონული თანამშრომლობის განვითარების მხრივ, ასევე ეს ეხება სახალხო დამცველის აპარატს, მაგრამ ველოდებით იმას, რომ ადამიანის უფლებების მონიტორინგის და სტანდარტების დაცვის სისტემა იქნება ბოლომდე დაცული და კიდევ უფრო მეტად განვითარდება. გუშინ ვიმსჯელეთ ამ საკითხზე ერთ-ერთ ღონისძიებაზე და შევთანხმდით, რომ საქართველოს ჯერ კიდევ დიდი გზა აქვს გასავლელი", - განაცხადა ელჩმა.

სპეციალური საიტი - vali.ge, რომელიც საბანკო დავალიანებების ჩამოწერასთან დაკავშირებით შეიქმნა, დღეს ამოქმედდება. როგორც მთავრობის სხდომის დაწყებამდე პრემიერ-მინისტრმა მამუკა ბახტაძემ განაცხადა, პირველი ორი დღის განმავლობაში საიტზე ჩაეშვება „საქართველოს ბანკის“, „თიბისი ბანკისა“ და „ლიბერთი ბანკის“ ბაზები.

 

„მე განვაცხადე, რომ 15 დეკემბრიდან 30 დეკემბრის ჩათვლით, პერიოდულად მოხდებოდა ჩვენი მოქალაქეების ამოღება ამ ე.წ. შავი სიიდან. დღეს, 18:00 საათზე ჩაეშვება ვებსაიტი, სადაც ჩვენი მოქალაქეების ნაწილი შეძლებს დარეგისტრირდეს. ამ შემთხვევაში ჩვენ ვსაუბრობთ რამდენიმე მსხვილ კერძო ორგანიზაციაზე, კერძოდ, დღეს და ხვალ აიტვირთება ბაზები, სადაც წარმოდგენილნი იქნებიან „საქართველოს ბანკის“, „თიბისი ბანკისა“ და „ლიბერთი ბანკის“ მომხმარებლები. მუშაობა მიმდინარეობს 24-საათიან რეჟიმში. ინფორმაცია არის ძალიან მასშტაბური და ფონდი „ქართუ“ ძალიან აქტიურად მუშაობს ამ საკითხზე. 15 დეკემბრიდან მიმდინარე წლის ბოლომდე ჩვენი მოქალაქეების ამოღება მოხდება ე.წ. შავი სიიდან და ჩვენი მოქალაქეების დიდი ნაწილი შეხვდება ახალ წელს ამ მტკივნეული პრობლემის გარეშე“, - განაცხადა მამუკა ბახტაძემ

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა და დაცვისსტანდარტების განუხრელი გაუმჯობესება, – ამის შესახებ პარლამენტის თავმჯდომარემ ირაკლი კობახიძემ ადამიანის უფლებათა დაცვის დღისადმი გამართული კონფერენციაზე განაცხადა.

 

ირაკლი კობახიძემ კონფერენციის მონაწილეებს ადამიანის უფლებათა დაცვის საერთაშორისო დღე მიულოცა და აღნიშნა, რომ 70 წლის წინ ამ დღეს მიიღეს ადამიანის უფლებათა საყოველთაო დეკლარაცია, რაც მნიშვნელოვანი მოვლენა იყო და მეორე მსოფლიო ომის დროს განვითარებული მოვლენების გამოძახილი – ადამიანის უფლებისა და ღირსების ხელყოფის ტოტალური ფაქტების გამო.

 

საქართველოს პარლამენტის თავმჯდომარის განცხადებით, ადამიანის უფლებათა საყოველთაო დეკლარაციამ თავისი ფუნქცია სათანადოდ შეასრულა.

 

„დღეს თანამედროვე ცივილიზებული სამყარო ეფუძნება იმ ღირებულებებს, რომელიც ასახულია ადამიანის უფლებათა საყოველთაო დეკლარაციაში. მინდა კიდევ ერთხელ მოგილოცოთ ეს დღე. ჩვენთვის უმთავრესი პრიორიტეტია, ისეთი სახელმწიფოს მშენებლობა, რომელიც ეფუძნება ადამიანის ღირსებას, ადამიანის ძირითად უფლებებს. ჩვენ ვართ ამ პრინციპების ერთგული. ამ პრინციპების ერთგულია საქართველოს პარლამენტი და ჩვენ ვმოქმედებთ ამ სულისკვეთების შესაბამისად. საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა და დაცვის სტანდარტების განუხრელი გაუმჯობესება“, – განაცხადა ირაკლი  კობახიძემ.

 

კობახიძის თქმით, ადამიანის უფლებათა დაცვის კუთხით საქართველო ლიდერი ქვეყანაა რეგიონში, თუმცა მიღწეულით არ კმაყოფილდებიან და მათი ამოცანაა ადამიანის უფლების დაცვის სტანდარტების შემდგომი დახვეწა.

 

„საჭიროა კონკრეტულად ადამიანის უფლებების მარეგულირებელი ნორმების გაუმჯობესება. ასევე, საჭიროა ადამიანის უფლებების დაცვის ინსტიტუციური მექნიზმების მუდმივი სრულყოფა“, – აღნიშნა კობახიძემ.

 

პარლამენტის თავმჯდომარემ ყურადღება გაამახვილა მართლმსაჯულების სისტემის შემდგომი დახვეწის აუცილებლობაზე.

პრემიერ-მინისტრის, მამუკა ბახტაძის განცხადებით, პურის ფასის ზრდა შესაძლოა არასამართლიან კონკურენციასთან იყოს დაკავშირებული. ბახტაძემ შესაბამის ორგანოებს დაავალა, უმოკლეს ვადაში დაადგინონ თუ რა ხდება ამ მიმართულებით.

 

„მინდა შევეხო დღევანდელ ინფორმაციას, რომ მოხდება პურის ფასის მკვეთრი ზრდა. არსებობს მოსაზრება, რომ ჩვენ შეიძლება საქმე გვქონდეს არასამართლიან კონკურენციასთან. მინდა შესაბამის ორგანოებს მივმართო, უმოკლეს ვადებში შეისწავლონ ეს სიტუაცია და მოამზადონ ანგარიში რასთან გვაქვს საქმე. საქართველო არის საბაზრო ეკონომიკა, ჩვენ ვართ ღია ეკონომიკა, მაგრამ არასამართლიანი კონკურენციის კეთების საშუალებას ვერავის მივცემთ“, - განაცხადა პრემიერმა

ექსკლუზიური სიახლეები
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » დეკემბერი 2018
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31

ამინდი

უმეტესად ღრუბლიანი

7°C

თბილისი

უმეტესად ღრუბლიანი

სინესტე: 70%

ქარი: 6.44 km/h

  • 16 დეკემბერი 2018

    ნაწილობრივ ღრუბლიანი 9°C 0°C

  • 17 დეკემბერი 2018

    ღრუბლიანი 2°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

დაბრუნდეს თუ არა რუსეთი დიდი რვიანში?