Global Press

Georgia

Global PressGlobal PressGlobal PressGlobal Press

USD
2.642
EUR
2.9778
RUR
0.0396
GBP
3.3915

ვენესუელას დროებითმა პრეზიდენტმა ხუან გუაიდომ ვენესუელას ცენტრალურ უნივერსიტეტში მორიგი საპროტესტო აქცია გამართა. გამოსვლისას მან განაცხადა, რომ გამარჯვება ახლოსაა და ნიკოლას მადუროს დამხობა დროის ამბავია.

 

„ვენესუელა ჩვენია და მას არავის დავუთმობთ. ჩვენ იქამდე გავაგრძელებთ ბრძოლას სანამ საბოლოო შედეგს არ მივაღწევთ. დღითი-დღე სულ უფრო მეტი ადამიანი ტოვებს მადუროს და ჩვენ გვიერთდება“, - განაცხადა ხუან გუაიდომ.

 

შეგახსენებთ, რომ გუაიდოს 40-ზე მეტი ქვეყანა უჭერს მხარს. მათ შორისაა: აშშ, კანადა, ბრიტანეთი, გერმანია და საქართველო.

კატალონიაში ერთმანეთს 2 მატარებელი შეეჯახა. ამის შესახებ ინფორმაციას „ევრონიუსი“ ავრცელებს. შემთხვევის შედეგად დაიღუპა მემანქანე ქალი, რამდენიმე მგზავრი კი დაშავდა.

 

სამგზავრო მატარებლების შეჯახება სან-ვინსენტე-დე-კასტელეტისა და მონრესის პროვინციებს შორის მოხდა. სარკინიგზო კომპანია Renfe-ს ოფიციალური წარმომადგენლის, ანტონიო კარმონას განცხადებით, გაუგებარია თუ რატომ აღმოჩნდა ორი მატარებელი ერთ ლიანდაგზე.

იაპონიის პრემიერ-მინისტრმა სინძო აბემ განაცხადა, რომ რუსეთთან აქტიურ მოლაპარაკებებს განაგრძობს, რომლის მიზანია სამშვიდობო ხელშეკრულების გაფორმებაა. ამის შესახებ სინძო აბემ მმართველი „ლიბერალურ-დემოკრატიული პარტიის“ სხდომაზე განაცხადა.

 

„70 წლის განმავლობაში გადაუჭრელი პრობლემა მომავალმა თაობებმა მემკვიდრეობით არ უნდა მიიღონ. სრულად განწყობილი ვარ პრეზიდენტ პუტინთან ერთად დავასრულო ეს პრობლემა და მსურს აქტიური მოლაპარაკებები განვაგრძო სამშვიდობო ხელშეკრულების გასაფორმებლად“, - განაცხადა იაპონიის პრემიერ-მინისტრმა.

 

შეგახსენებთ, რომ გასულ წელს რუსეთის პრეზიდენტმა და იაპონიის პრემიერ-მინისტრმა სინგაპურში შეთანხმებას მიაღწიეს სამშვიდობო ხელშეკრულებაზე მოლაპარაკებების აქტივიზების შესახებ.

საპატრიარქოსთან მიმდინარე აქციას, რომელსაც დეკანოზ გიორგი მამალაძის ოჯახის წევრები მართავენ, ხორავას ქუჩაზე მოკლული დავით სარალიძის მამა, ზაზა სარალიძე შეურთდა. ზაზა სარალძემ ოჯახის მიმართ სოლიდარობა ამ ფორმით გამოხატა.

 

აქცია საპატრიარქოს შენობის წინ რამდენიმე დღეა მიმდინარეობს. დეკანოზის ოჯახის წევრებს გაშლილი აქვთ კარავი და მათი მთავარი მოთხოვნაა, გიორგი მამალაძის ზიარება. ხოლო დღეს 2 წელი გავიდა დეკანოზის დაკავებიდან.

 

ოჯახის წევრები აღნიშნავენ, რომ ბრალდება, რომელიც დეკანოზს აქვს წარდგენილი, არ შეესაბამება სიმართლეს და გიორგი მამალაძმ შეთქმულების მსხვერპლია. ოჯახი იმედოვნებს, რომ აღნიშნულ საქმეზე სამართლიან გადაწყვეტილებას სტრასბურგის სასამართლო გამოიტანს.

რუსეთისა და აშშ-ს პრეზიდენტების დიალოგი სერიოზულ მომზადებას საჭიროებს, ხოლო ნორმალური დიალოგისთვის აშშ-მა უარი უნდა თქვას ულტიმატუმების ენაზე. ამის შესახებ საინფორმაციო სააგენტო „რია ნოვოსტისთვის“ მიცემულ ინტერვიუში აშშ-ში რუსეთის ელჩმა ანატოლი ანტონოვმა განაცხადა.

 

„როგორი რთულიც არ უნდა იყოს ურთიერთობები რუსეთსა და აშშ-ს შორის, ორი პრეზიდენტის შეხვედრები და საუბარი ყოველთვის პოზიტიურ გავლენას ახდენს საერთაშორისო სიტუაციაზე“, - განაცხადა აშშ-ში რუსეთის ელჩმა.

 

ანატოლი ანტონოვის თქმით, „რთულია იმის თქმა თუ სად და როდის იქნება ვლადიმერ პუტინსა და დონალდ ტრამპს შორის კონტაქტი შესაძლებელი“. „ამგვარი შეხვედრა სერიოზულ მომზადებას საჭიროებს. მაქსიმალურად უნდა გაკეთდეს ყველაფერი, რათა ასეთი შეხვედრა შედეგის მომტანი გახდეს“, - აღნიშნა რუსმა დიპლომატმა.

 

აშშ-ში რუსეთის ელჩის განცხადებით, აშშ და რუსეთი, როგორც ორი მსხვილი ბირთვული ზესახელმწიფო და გაერო-ს უშიშროების საბჭოს მუდმივი წევრები, განსაკუთრებულად პასუხისმგებელნი არიან საერთაშორისო მშვიდობასა და უსაფრთხოებაზე.

 

„უსაფრთხოების სფეროში ჩვენ საერთო გამოწვევები გვაქვს, რომელთაგანაც ყველაზე მთავარი საერთაშორისო ტერორიზმია. ამ მიმართულებით რუსეთისა და აშშ-ს ძალისხმევის გაერთიანებაზეა დამოკიდებული მსოფლიოს პრაქტიკულად ყველა ქვეყნის პოლიტიკური და ეკონომიკური განვითარება. ამიტომაც, ორი ქვეყნის ლიდერების შეხვედრა ასე მნიშვნელოვანია“, - დასძინა ანატოლი ანტონოვმა.

ეს არის შანტაჟის ენა და ფსიქოლოგიური ძალადობის გამოვლინება, რომ საქართველოს ეკლესიას აიძულონ, მიიღოს რუსეთის მართლმადიდებელი ეკლესიისთვის სასურველი გადაწყვეტილება, - ამის შესახებ ფოთისა და ხობის მიტროპოლიტმა გრიგოლმა მოსკოვის საპატრიარქოს საგარეო საქმეთა განყოფილების ხელმძღვანელის, ილარიონ ალფეევის განცხადების შეფასებისას აღნიშნა.

 

როგორც მიტროპოლიტმა გრიგოლმა „ამერიკის ხმასთან“ ინტერვიუში განაცხადა, სჯერა, რომ საქართველოს ეკლესია გონივრულ, კანონიკურ სამართალზე დაფუძნებულ გადაწყვეტილებას მიიღებს.

 

„ეს არის შანტაჟის ენა და ფსიქოლოგიური ძალადობის გამოვლინება, რომ საქართველოს ეკლესიას აიძულონ, მიიღოს რუსეთის მართლმადიდებელი ეკლესიისთვის სასურველი გადაწყვეტილება. ალფეევი არაა კერძო პირი. ჩათვალეთ, რომ მან გაახმოვანა რუსეთის ეკლესიის პოზიცია ამ სიტყვებით. ეს საკითხი არაა დახურული, მსჯელობის პროცესი გრძელდება, იხარშება. არა მხოლოდ ჩვენთან, სხვა ეკლესიებშიც არსებობს აზრთა სხვადასხვაობა. მჯერა, რომ საბოლოოდ მივიღებთ გონივრულ, კანონიკურ სამართალზე დაფუძნებულ გადაწყვეტილებას, რომელიც არ შეუწყებს ხელს მართლმადიდებელ ეკლესიაში ახალი დიდი სქიზმის განვითარებას“, - აცხადებს მეუფე გრიგოლი.

 

მიტროპოლიტი გრიგოლი ყურადღებას ამახვილებს უკრაინის ავტოკეფალიის საკითხის პოლიტიკურ შემადგენელზე და ამბობს, რომ მასში სახიფათო ნაღმებია დამალული.

 

„ამ საკითხში იმდენად ძლიერია პოლიტიკური შემადგენელი, რომ რელიგიურს ტოლს არ უდებს. იქნებ, საზოგადოების აზრი შეგვესწავლა და ის გაგვეზიარებინა? ეს თემა იმდენად დიდი მნიშვნელობის მატარებელია, მისი გავლენა აისახება არა მხოლოდ ეკლესიის ცხოვრებაზე, არამედ, ზოგადად, ქვეყნის ცხოვრებაზე. მით უმეტეს, ჩვენი სახელმწიფოს სპეციფიკის გათვალისწინებით, სადაც ეკლესიას ძალიან ძლიერი პოლიტიკური გავლენა აქვს. უნდა ვივარაუდოთ, რომ სამომავლო სერიოზულ საფრთხეებს შეიცავს ეს გადაწყვეტილება, რომელმაც, შეიძლება, საქართველო დააბრუნოს იმ წიაღში, საიდანაც გამოვედით, მაგრამ ბოლომდე არ დაგვიღწევია თავი. ესაა საბჭოთა მენტალიტეტის, საბჭოური ისტორიის წიაღი. ჩვენ დამოუკიდებელი ვართ პოლიტიკურად, მაგრამ ეს პროცესია. ბოლომდე არ ვართ წარსული გავლენებისგან თავისუფალი“,- აცხადებს მიტროპოლიტი გრიგოლი.

 

მისივე განცხადებით, „რუსეთი, თუ საჭიროდ ჩათვლის, ჩაერევა ამ საკითხში, მისი ინტერესებიდან გამომდინარე“.

 

„თუმცა, ამ საკითხის დაკავშირება უკრაინის ეკლესიის ავტოკეფალიასთან არ იქნებოდა სწორი, რადგან რუსეთის ასეთი დამოკიდებულება არ შეიძლება იქცეს ჩვენი პოზიციების განმაპირობებლად. ჩვენ სიმართლის მხარეს ვართ, თუ კონიუნქტურის მხარეს? ერთია სიფრთხილე, მაგრამ ეს ტერიტორიები, ფაქტობრივად, არ კონტროლდება საქართველოს მიერ. იქ რუსული ჯარი დგას და ვიდრე ეს ასეა, მე არაფერ განსაკუთრებულ სიკეთეს არ ველი საქართველოსთვის“,- აცხადებს მიტროპოლიტი გრიგოლი.

 

მოსკოვის საპატრიარქოს საგარეო საქმეთა განყოფილების ხელმძღვანელმა ილარიონ ალფეევმა, დაახლოებით ერთი კვირის წინ განაცხადა, რომ „საქართველოს ეკლესია მხარს ვერ დაუჭერს უკრაინის ავტოკეფალიას, რადგან თბილისში კარგად ესმით, რა ემუქრება საქართველოს ასეთი გადაწყვეტილების მიღების შემთხვევაში“.

უკრაინის საგარეო საქმეთა მინისტრი პავლო კლიმკინი უკრაინის მხრიდან საქართველოს პოზიციაზე ეკლესიის ავტოკეფალიის აღიარებისა და არაღიარების შემთხვევაში, ამ ეტაპზე პრობლემას ვერ ხედავს. ამის შესახებ კლიმკინმა „ამერიკის ხმასთან“ ინტერვიუში განაცხადა.

 

როგორც კლიმკინი ამბობს, უკრაინის ავტოკეფალიის აღიარება საქართველოს მხრიდან მხოლოდ დროის საკითხია. „საქმე ისაა, რომ ეს მხოლოდ დროის საკითხია. გვჯერა, რომ თანდათან მოვიპოვებთ აღიარებას ყველა მართლმადიდებელი ეკლესიის მხრიდან. ვინც ახლა ამბობს, რომ ეს რთულია, შეუძლებელია ან შესაძლებელია, ასი პროცენტით ვარ დარწმუნებული, რომ მათ აღიარებასაც მივიღებთ და რა თქმა უნდა, მათ შორისაა საქართველოს ეკლესიაც. მახსოვს, ჩემი შეხვედრა საქართველოს კათოლიკოს-პატრიარქთან ილია II -სთან. ეს ძალიან თბილი და ადამიანური შეხვედრა იყო და მან თქვა, რომ უკრაინას უნდა ჰქონდეს თავისი ავტოკეფალური ეკლესია. მითხრა: „აქამდე თქვენ უნდა მიხვიდეთ, მაგრამ ამისთვის უნდა იბრძოლოთ“, - განაცხადა კლიმკინმა.

ვფიქრობ, პედაგოგიური ინსტიტუტის დახურვა ძალიან დიდი შეცდომა იყო, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა ტელეკომპანია „იმედის“ ეთერში განაცხადა.

 

როგორც მიხეილ ბატიაშვილი განმარტავს, ინსტიტუცია, რომელიც ბევრ სახელოვან პედაგოგს აძლევდა განათლებას, არ უნდა დახურულიყო.

 

„დღეს როცა ვსაუბრობთ ამდენი პრობლემაა, იგივე კვალიფიკაცია, დახმარება სჭირდება ჩვენს პედაგოგებს, მითუმეტეს, ასეთი ინსტიტუტის გაუქმებით რა უნდა მიგვეღო? ეს იყო ინსტიტუცია, რომელიც მართლა ძალიან ბევრ სახელოვან პედაგოგს ამზადებდა. ეს იგივეა, ფეხბურთელებს სტადიონი აღარ მივცეთ და ფეხბურთის თამაში მოვთხოვოთ“, - განაცხადა მიხეილ ბატიაშვილმა.

ცენტრალურ და სამხრეთ ამერიკაში აშშ-ს გაერთიანებული სარდლობის ხელმძღვანელმა, ადმირალმა კრეიგ ფოლერმა განაცხადა, რომ რუსეთი იქცევა როგორც დაჭრილი, დასუსტებული დათვი, რომელიც ლათინურ ამერიკაში დემოკრატიულ ინტერესებს ესხმის თავს, - ამის შესახებ ინფორმაციას „ამერიკის ხმის“ რუსულენოვანი სამსახური ავრცელებს.

 

„თუკი რუსეთზე ვსაუბრობთ, ყველაფერია შესაძლებელი. ჩვენ უკვე ვიხილეთ, რა ჩაიდინეს რუსებმა სირიაში და მზად უნდა ვიყოთ იმისთვის, რომ ახლო მომავალში იგივე განმეორდება“, - განაცხადა ამერიკელმა ადმირალმა.

 

ცენტრალურ და სამხრეთ ამერიკაში აშშ-ს გაერთიანებული სარდლობის ხელმძღვანელმა ასევე აღნიშნა, რომ რეგიონის არადემოკრატიულ ქვეყნებში, კუბაში, ვენესუელასა და ნიკარაგუაში რუსეთისა და ჩინეთის გავლენა ფიქსირდება.

 

„რუსეთისგან ყველაფერია მოსალოდნელი. ჩვენს ეროვნული თავდაცვის სტრატეგიაში განსაკუთრებულ ყურადღებას ვაქცევთ ჩინეთსა და რუსეთს. თუმცა, ეს ორი განსხვავებული შემთხვევაა. ჩინეთი მზარდი ეკონომიკური ძალაა, რომელსაც კანონიერი უფლება აქვს თავის ბიზნეს-ინტერესებზე მსოფლიო მასშტაბით. ამავდროულად ისინი უარს ამბობენ წესების დაცვაზე. რუსეთი კი, ფაქტობრივად, დაჭრილი, დასუსტებული დათვია, რომელიც იერიშზე გადავიდა და მოსკოვის შემდგომ ნაბიჯებზე პროგნოზს ვერ გავაკეთებ“, - დასძინა კრეიგ ფოლერმა.

საქართველოს მორაგბეთა ეროვნულმა ნაკრებმა ევროპის ჩემპიონატის პირველ მატჩში რუმინეთი სტუმრად, ქალაქ კლუჟში, ანგარიშით 18:9 დაამარცხა.

 

„ბორჯღალოსნებმა“ მეტოქეს 2 ლელო დაუდეს, დანარჩენი ქულები კი 1 გარდასახვითა და 1 ჯარიმით მოიპოვეს. საქართველოს ნაკრები შემდეგ შეხვედრას თბილისში, ავჭალის სტადიონზე ესპანეთის წინააღმდეგ გამართავს.

 

ამ გამარჯვებით „ბორჯღალოსნებმა“ ანთიმოზ ივერიელის გარდამავალი თასიც მოიპოვეს.

პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა შვედეთის სამეფოს საგანგებო და სრულუფლებიან ელჩს, ულრიკ ტიდესტრომს პარლამენტში უმასპინძლა.

 

გაცნობით შეხვედრაზე მხარეებმა საქართველო-შვედეთს შორის არსებული ურთიერთობების მიმართულებები განიხილეს და კომიტეტსა და საელჩოს შორის სამომავლო თანამშრომლობის პრიორიტეტები განსაზღვრეს.

 

ირაკლი სესიშვილის თქმით, შვედეთი საქართველოს მთელი რიგი მიმართულებით დახმარებას და მხარდაჭერას უწევს

 

„შვედეთი საქართველოს გამორჩეული მეგობარი ქვეყანაა, რომელიც მთელი რიგი მიმართულებით დახმარებას და მხარდაჭერას გვიწევს. შვედი ექსპერტები აქტიურად ჩართულნი არიან იმ პროექტებში, რომლებიც სხვადასხვა სფეროში ჩვენი ქვეყნის ინტერესებს ემსახურება. შეხვედრაზე შვედ დიპლომატს თავდაცვისა და უსაფრთხოების მიმართულებით მიმდინარე რეფორმების პროცესზე ინფორმაცია გავაცანი და საპარლამენტო დონეზე სამომავლო თანამშრომლობის გაგრძელებაზე შევთანხმდით“, - განაცხადა ირაკლი სესიაშვილმა შეხვედრის დასრულების შემდეგ.

მოსამართლეთა უვადოდ განმწესების პროცესის შეჩერების ინიციატივით სწორედ წარსულს აბრუნებენ, იმ ,,სააკაშვილის“ წარსულს, როცა უფლებამოსილების ვადა დამოკლეს მახვილივით ეკიდა მოსამართლის თავზე, - ასე ეხმაურება იუსტიციის უმაღლესი საბჭოს მოსამართლე წევრი, დიმიტრი გვრიტიშვილი „ქართული ოცნების“ დეპუტატების იმ ინიციატივას, რომელიც მოსამართლეთა უვადოდ განმწესებაზე პროცესის შეჩერებას გულისხმობს.

 

„გარდა იმისა, რომ მოსამართლეთა უვადოდ დანიშვნების მორატორიუმის ინიციატივა ანტიკონსტიტუციური და დისკრიმინაციულია, პარადოქსულიცაა შემდეგი თვალსაზრისით:

 

ინიციატორები თავს იწონებენ პროგრესულობით, ,,სამართლიანობის აღდგენის“ განზრახვით, ჩვენ ხომ ,,სააკაშვილის დროინდელ გადმონაშთებს“, ,,ანასხლეტებს“ გვიწოდებენ, რომლებიც წარსულს უნდა ჩაბარდნენ!

 

არადა, ამ ინიციატივით სწორედ წარსულს აბრუნებენ, იმ ,,სააკაშვილის“ წარსულს, როცა უფლებამოსილების ვადა დამოკლეს მახვილივით ეკიდა მოსამართლის თავზე!

 

მართლაც პროგრესული ყველა სუბიექტი ერთხმად აღიარებს, რომ მოსამართლის უვადოდ დანიშვნა მისი დამოუკიდებლობის ძირითადი წინაპირობაა. სწორედ ამიტომ მოიწონა ვენეციის კომისიამ საქართველოში 2017 წელს განხორციელებული საკონსტიტუციო რეფორმა, რომლის ძირითადი, ისტორიული მიღწევა ყველა დონის (მათ შორის - უზენაეს) სასამართლოში მოსამართლეთა უვადოდ დანიშვნის წესის შემოღებაა.

 

ამიტომ, თვალთმაქცობს ის, ვინც ამტკიცებს, რომ წარსულის შემობრუნებით და განსაზღვრული ვადით მოსამართლეთა დანიშვნების აღდგენით მიიღწევა პროგრესი. აბსურდია!

 

მიჩნდება განცდა, რომ მათ არ სურთ საქართველოში დამოუკიდებელი მოსამართლეების არსებობა! ურჩევნიათ ვადით მოწყვლადი მოსამართლეები, რომლებიც ანგარიშს გაუწევენ მავანთ, უფლებამოსილების ვადის გაგრძელებისათვის.

 

დარწმუნებული ვარ, რომ ხელისუფლება, რომელმაც მანამდე არნახული, უპრეცედენტო გარანტიები შექმნა სასამართლოს დამოუკიდებლობისათვის, არ დაუშვებს იმ წარსულის დაბრუნებას, რომელსაც თავად ამ ინიციატივის ავტორებიც კი მიიჩნევენ უარყოფითად და ,,გადმონაშთად“! „, - წერს დიმიტრი გვრიტიშვილი „ფეისბუქის“ საკუთარ გვერდზე.

 

შეგახსენებთ, „ქართული ოცნების“ დეპუტატი ეკა ბესელია პარლამენტს თანამოაზრე კოლეგებთან ერთად მომზადებულ საკანონმდებლო ინიციატივას სთავაზობს, რომელიც პირველ და მეორე ინსტანციის სასამართლოებში მოსამართლეთა უვადოდ განმწესების პროცესის შეჩერებას გულისხმობს. კანონპროექტს ხელს აწერენ: - გედევან ფოფხაძე, ალექსანდრე ერქვანია, ზვიად კვაჭანტირაძე, კობა ნარჩემაშვილი, ლევან კობერიძე, დავით ჭიჭინაძე, ოთარ ჩრდილელი, ეკა ბესელია და ლევან გოგიჩაიშვილი.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

ევროკავშირი

არქივი

« « » » თებერვალი 2018
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?