Global Press

Georgia

Global PressGlobal PressGlobal PressGlobal Press

USD
2.6655
EUR
3.0352
RUR
0.0399
GBP
3.3719

აშშ-ს პრეზიდენტმა დონალდ ტრამპმა Facebook-ი, Twitter-ი და Google-ი მისდამი მიკერძოებულ დამოკიდებულებაში და „დემოკრატიული პარტიის“ წარმომადგენლების ინტერესების გატარებაში დაადანაშაულა.

 

„Facebook-ი, Twitter-ი და Google-ი იმდენად მიკერძოებულნი არიან „დემოკრატების“ სასარგებლოდ, რომ ეს უკვე სასაცილოა! სხვათა შორის, Twitter-ი კიდევ უფრო უშლის ხელს ხალხს, შემოუერთდნენ ჩემს ექაუნთს @realDonaldTrump. მათ წაშალეს ბევრი მომხმარებელი და მნიშვნელოვნად შეამცირეს ჩემი გვერდის მოწონების მატების დონე და სიჩქარე“, - დაწერა დონალდ ტრამპმა „ტვიტერის“ საკუთარ გვერდზე.

 

აღსანიშნავია, რომ მიმდინარე წლის ოქტომბერში დონალდ ტრამპმა სოციალური ქსელი Twitter-ის ადმინისტრაცია მისი გვერდის მომწონებელი მომხმარებლების წაშლაში დაადანაშაულა. სოციალური ქსელის ადმინისტრაციამ საპასუხოდ განაცხადა, რომ ბევრი ყალბი ექაუნთი იყო წაშლილი.

 

ამჟამად Twitter-ში დონალდ ტრამპის გვერდს 56,3 მილიონი მომწონებელი ჰყავს.

დონალდ ტრამპისა და ვლადიმერ პუტინის შეხვედრა შეუძლებელია, ვიდრე რუსეთი უკრაინულ გემებსა და მეზღვაურებს არ გაათავისუფლებს. ამის შესახებ ეროვნული უსაფრთხოების საკითხებში აშშ-ს პრეზიდენტის მრჩეველმა ჯონ ბოლტონმა ჟურნალისტებს განუცხადა.

 

„ვიდრე უკრაინული გემები და მათი ეკიპაჟი დაკავებულია, უახლოეს მომავალში ვერ ვხედავ იმის შესაძლებლობას, რომ ასეთი შეხვედრა შედგეს“, - განაცხადა ჯონ ბოლტონმა.

 

შეგახსენებთ, რომ „დიდი ოცეულის“ სამიტზე, რომელიც ბუენოს-აირესში გაიმართა, აშშ-ს პრეზიდენტმა დონალდ ტრამპმა ვლადიმერ პუტინთან დაგეგმილი შეხვედრა გააუქმა, რის მიზეზადაც ქერჩის სრუტეში მომხდარი ინციდენტი დაასახელა.

 

25 ნოემბერს რუსულმა ხომალდებმა ქერჩის სრუტეში ორი უკრაინული კატერი და ბუქსირი დააკავეს. კიევში განმარტავენ, რომ ხომალდები ყველა ნორმის დაცვით მოძრაობდნენ, თუმცა „ეფ ეს ბე“-ში ამტკიცებდნენ, რომ მეზღვაურები სახიფათო მანევრებს ასრულებდნენ, მათ შესაჩერებლად კი რუს სამხედროებს ცეცხლის გახსნა მოუწიათ. შედეგად 6 უკრაინელი მეზღვაური დაიჭრა. 24 უკრაინელი მეზღვაური რუსული მხარის მიერ არის დაკავებული. მათ ბრალი წაუყენეს რუსეთის სახელმწიფო საზღვრის უკანონოდ გადალახვის მუხლით.

ტექსასში, დღეს, აშშ-ს ყოფილ პრეზიდენტს ჯორჯ ბუშს უფროსს დაკრძალავენ. ვაშინგტონის საკათედრო ტაძარში პანაშვიდი გაიმართა, რომელსაც აშშ-ს მოქმედი პრეზიდენტი და პირველი ლედი, ასევე აშშ-ს ყოფილი პრეზიდენტები ბარაქ ობამა, ბილ კლინტონი და ჯიმი კარტერი დაესწრნენ.

 

პანაშვიდზე სიტყვით გამოვიდა აშშ-ს ყოფილი პრეზიდენტი ჯორჯ ბუში უმცროსი. მისი თქმით, ჯორჯ ბუში უფროსი ისტორიაში შევა, როგორც დიდებული პრეზიდენტი.

 

„ისტორიის წიგნებში დაიწერება, რომ ჯორჯ ბუში დიდებული პრეზიდენტი იყო. ის იყო განუმეორებელი დიპლომატი, შესანიშნავი მთავარსარდალი და ჯენტლემენი, რომელიც თავის მოვალეობებს ღირსეულად ასრულებდა“, - განაცხადა ბუშმა უმცროსმა. რომელსაც სიტყვით გამოსვლისას ატირდა.

 

„მამა, ძალიან დაგვაკლდები. შენი ღირსება, გულწრფელობა, შენი სული ჩვენთან დარჩება“, - დასძინა ჯორჯ ბუშმა უმცროსმა.

 

აშშ-ს ყოფილ პრეზიდენტს ტექსასში საპრეზიდენტო ბიბლიოთეკის ტერიტორიაზე დღეს დაკრძალავენ.

აშშ მხარს უჭერს უკრაინაში ახალი საეკლესიო სტრუქტურის შექმნას, - ნათქვამია აშშ-ს სახელმწიფო დეპარტამენტის წარმომადგენლის, რობერტ პალადინოს განცხადებაში.

 

„ამ ეკლესიის შექმნა ისტორიული მოვლენა იყო უკრაინისთვის. აშშ მტკიცედ უჭერს მხარს უკრაინას და მიიჩნევს, რომ აღმსარებლობის თავისუფლებას გარედან რაიმე შეფერხებები არ უნდა შეექმნას. აღმსარებლობის თავისუფლება ყველა უკრაინელზე ვრცელდება“, - განაცხადა აშშ-ს სახელმწიფო დეპარტამენტის წარმომადგენელმა.

 

შეგახსენებთ, რომ გასულ კვირას კიევში, გამაერთიანებელ კრებაზე უკრაინის ადგილობრივი მართლმადიდებელი ეკლესია დაარსდა და მისი წესდება მიიღეს. ახალ ეკლესიას მიტროპოლიტი ეპიფანე უხელმძღვანელებს. უკრაინის ეკლესიის წმინდა სინოდს 12 წევრი ეყოლება.

 

გამაერთიანებელ კრებას ქვეყნის პრეზიდენტი პეტრო პოროშენკო და მთავარეპისკოპოსი ფილარეტი ესწრებოდნენ. კრება პეტრო პოროშენკოსა და მსოფლიო პატრიარქის, ბართლომეოსის ინიციატივით გაიმართა.

აშშ-ს ხელისუფლება ქვეყანაში სახელმწიფო გადატრიალებას ამზადებს.  ამის შესახებ ვენესუელას პრეზიდენტმა ნიკოლას მადურომ განცხადა 

 

„დღეს თეთრი სახლი კოორდინირებას უწევს მცდელობას გაანადგუროს დემოკრატიული ცხოვრება ვენესუელაში და გადატრიალება მოახდინოს დემოკრატიული, თავისუფალი და კონსტიტუციური რეჟიმის წინააღმდეგ“, - განაცხადა ვენესუელას პრეზიდენტმა.

 

ნიკოლას მადუროს თქმით, ის უახლოეს დროში პრესკონფერენციას გამართავს, სადაც აღნიშნული შეთქმულების შესახებ დეტალებს გაასაჯაროებს.

 

შეგახსენებთ, რომ მიმდინარე წლის სექტემბერში გამოცემა The New York Times-მა ინფორმაცია გაავრცელა, რომ დონალდ ტრამპის ადმინისტრაციის წარმომადგენლებმა საიდუმლო შეხვედრა გამართეს ვენესუელელ აჯანყებულებთან, სადაც მადუროს დამხობის შესაძლებლობას განიხილავდნენ.

 

ვენესუელა ბოლო წლებში ყველაზე მწვავე სოციალურ-ეკონომიკურ კრიზისს განიცდის. ადგილი აქვს ჰიპერინფლაციასა და ეროვნული ვალუტის დევალვაციას. მიმდინარე წლის იანვრიდან ოქტომბრის ჩათვლით ინფლაციამ 287 ათასი პროცენტი შეადგინა.

შეშფოთებული ვართ მრავალრიცხოვანი დარღვევებით, რომელიც არჩევნებისას ვიხილეთ, თუმცა ახლა ყურადღებით ვაკვირდებით თუ როგორ იქნება იმპლემენტირებული ახალი კონსტიტუცია, - ამის შესახებ აშშ-ს სახელმწიფო დეპარტამენტის წარმომადგენელმა ბრიუსელში, ნატო-ს საგარეო საქმეთა მინისტრების მინისტერიალის ფარგლებში გამართულ ბრიფინგზე განაცხადა.

 

„აშშ მკაფიოდ უჭერს მხარს 2008 წლის ბუქარესტის სამიტის დეკლარაციას, რომელიც ადასტურებს საქართველოს ნატო-ში მომავალს. საქართველომ უზარმაზარი ნაბიჯი გადადგა რეფორმების განხორციელებაში, განსაკუთრებით თავდაცვის სფეროში. საქართველოს წვლილი საერთაშორისო რეფორმებში უზარმაზარია. ჩვენ მოხარულნი ვართ, რომ საპრეზიდენტო არჩევნებმა შეუფერხებლად ჩაიარა. შეშფოთებულნი ვართ მრავალრიცხოვანი დარღვევებით, რომელიც არჩევნებისას ვიხილეთ, თუმცა ახლა ყურადღებით ვაკვირდებით თუ როგორ იქნება იმპლემენტირებული ახალი კონსტიტუცია და ვფიქრობ, მომავალი წლის დასაწყისი საქართველოში დემოკრატიული ინსტიტუტებისთვის ტესტი იქნება“, - განაცხადა აშშ-ს სახელმწიფო დეპარტამენტის წარმომადგენელმა.

აშშ-ს ადმინისტრაცია ზომებს მიიღებს საუდის არაბეთის იმ წარმომადგენლების მიმართ, ვინც ჟურნალისტ ჯამალ ხაშოგის მკვლელობაშია გარეული. ამის შესახებ აშშ-ს სახელმწიფო მდივანმა მაიკ პომპეომ განაცხადა.

 

„პრეზიდენტი დონალდ ტრამპი განწყობილია დაიცვას აშშ და ამავდროულად პასუხი აგებინოს მათ, ვინც ჯამალ ხაშოგის საზარელი მკვლელობა ჩაიდინა“, - განაცხადა აშშ-ს სახელმწიფო მდივანმა.

 

მაიკ პომპეო ასევე გამოეხმაურა აშშ-ს სენატის მიერ მიღებულ რეზოლუციას, რომელშიც ხაშოგის მკვლელობაზე პასუხისმგებლობა საუდის არაბეთის მემკვიდრე პრინცს მოჰამედ ბინ სალმანს დაეკისრა.

 

„ჩვენ, რა თქმა უნდა, ვნახეთ სენატის კენჭისყრის შედეგები. ყოველთვის დიდი პატივისცემით ვეპყრობით იმას, რასაც საკანონმდებლო ხელისუფლება აკეთებს. ჩვენ გვესმის მათი შეშფოთება და ძალისხმევას არ ვიშურებთ ავუხსნათ მათ თუ რატომ ვატარებთ იმ პოლიტიკას, რომელსაც ვატარებთ“, - აღნიშნა მაიკ პომპეომ.

 

მისივე თქმით, პრეზიდენტმა ტრამპმა მკაფიოდ განაცხადა, რომ მნიშვნელოვანია არა მხოლოდ ხაშოგის მკვლელობაში დამნაშავე პირების პასუხისგებაში მიცემა, ასევე ამერიკელი მოქალაქეების დაცვა საუდის არაბეთთან მტკიცე ალიანსის შენარჩუნებით.

პარიზის საპროტესტო აქციაზე ხალხი გაიძახის “ჩვენ გვინდა ტრამპი!”, მიყვარს საფრანგეთი“, - ასე გამოეხმაურა პარიზში მიმდინარე საწვავზე ფასების ზრდის საწინააღმდეგო აქციას აშშ-ს პრეზიდენტი დონალდ ტრამპი.

 

„კლიმატის შესახებ პარიზის შეთანხმება საფრანგეთისთვის კარგად არ მუშაობს. მთელი საფრანგეთის მასშტაბით ადგილი აქვს პროტესტს და შეტაკებას. ხალხს არ უნდა დიდი ფულის გადახდა ძირითადად მესამე მსოფლიოს ქვეყნებისთვის იმისთვის, რაც თითქოს გარემოს დაცვას ემსახურება. ხალხი გაიძახის „ჩვენ გვინდა ტრამპი!”. მიყვარს საფრანგეთი”, - დაწერა დონალდ ტრამპმა “ტვიტერის” საკუთარ გვერდზე.

 

შეგახსენებთ, რომ მიმდინარე წლის ივნისში აშშ-ის პრეზიდენტმა დონალდ ტრამპმა პარიზის კლიმატის შეთანხმებიდან ქვეყნის გასვლის შესახებ განაცხადა. კლიმატის შესახებ პარიზის შეთანხმება ატმოსფეროში ნახშიროჟანგის გავრცელებას ზღუდავს, ასევე 2020 წლამდე განვითარებადი ქვეყნების ეკოლოგიური პრობლემების მოგვარებისთვის 100 მილიარდი დოლარის გამოყოფას ავალდებულებს წევრ ქვეყნებს.

აშშ-ს პრეზიდენტი დონალდ ტრამპი და პირველი ლედი მელანია ტრამპი აშშ-ს კაპიტოლიუმს ეწვივნენ, სადაც აშშ-ს ყოფილი პრეზიდენტის ჯორჯ ბუშ უფროსის ცხედარია დასვენებული.

 

აშშ-ს პრეზიდენტისა და პირველი ლედის გარდა კაპიტოლიუმში ჯორჯ ბუშთან გამოსამშვიდობებელ ცერემონიაზე ვიცე-პრეზიდენტი მაიკ პენსი, ამერიკელი კონგრესმენები, ასევე უზენაესი სასამართლოს მოსამართლეები მივიდნენ.

 

როგორც თეთრ სახლში მომუშავე ჟურნალისტებმა აღნიშნეს, დონალდ ტრამპის მისვლა კაპიტოლიუმის შენობაში დაგეგმილი არ იყო.

 

აღსანიშნავია, რომ ჯორჯ ბუშის ცხედარი ჰიუსტონიდან დღეს გადმოასვენეს ვაშინგტონში.

 

აშშ-ს ყოფილი პრეზიდენტი ჯორჯ ბუში უფროსი 94 წლის ასაკში 1-ელ დეკემბერს გარდაიცვალა.

აშშ-ს სენატმა საუდელი ჟურნალისტის ჯამალ ხაშოგის მკვლელობაზე პასუხისმგებლობა საუდის არაბეთის მემკვიდრე პრინცს მოჰამედ ბინ სალმანს დააკისრა. ამის შესახებ ნათქვამია აშშ-ს სენატის მიერ მიღებულ რეზოლუციაში. სენატის მიერ მიღებულ რეზოლუციაში ასევე აღნიშნულია, რომ ყველა ის პირი, ვისაც კავშირი აქვს ჯამალ ხაშოგის მკვლელობასთან, პასუხისგებაში უნდა იქნეს მიცემული.

 

„აშშ-ს სენატმა ერთხმად განაცხადა, რომ მემკვიდრე პრინცი მოჰამედ ბინ სალმანი პასუხისმგებელია ჯამალ ხაშოგის მკვლელობაზე. ეს ძლიერი მესიჯია, რაც ჩვენს ღირებულებებზე მეტყველებს“, - განაცხადა სენატის საგარეო ურთიერთობების კომიტეტის თავმჯდომარემ ბობ კორკერმა.

 

აღსანიშნავია, რომ აშშ-ს სენატმა ასევე მიიღო რეზოლუცია, რომელშიც აშშ-ს ხელისუფლებას მოუწოდებს, შეწყვიტოს საუდის არაბეთისთვის დახმარების გაწევა იემენში მიმდინარე შეიარაღებულ კონფლიქტში.

 

რეზოლუციებს შემდეგ ეტაპზე აშშ-ს წარმომადგენლობითი პალატა უყრის კენჭს.

აშშ შავ ზღვაში სამხედრო ხომალდის გაგზავნას გეგმავს, - ამის შესახებ ინფორმაციას ტელეარხი CNN ავრცელებს.

 

ტელეარხის ინფორმაციით, ამერიკელმა სამხედროებმა აშშ-ს სახელმწიფო დეპარტამენტს სთხოვეს, თურქეთს შეატყობინონ შავ ზღვაში ამერიკული სამხედრო ხომალდის შესაძლო შესვლის თაობაზე.

 

აღსანიშნავია, რომ აშშ-ს მხრიდან ეს ქმედება შავი ზღვის რეგიონში რუსეთის მიერ განხორციელებული აგრესიული ქმედებების ფონზე ხდება, რამაც ქერჩის სრუტეში უკრაინის საზღვაო ძალების გემებისა და მეზღვაურების დაკავება გამოიწვია.

 

შეგახსენებთ, რომ 25 ნოემბერს რუსულმა ხომალდებმა ქერჩის სრუტეში ორი უკრაინული კატერი და ბუქსირი დააკავეს. კიევში განმარტავენ, რომ ხომალდები ყველა ნორმის დაცვით მოძრაობდნენ, თუმცა „ეფ ეს ბე“-ში ამტკიცებდნენ, რომ მეზღვაურები სახიფათო მანევრებს ასრულებდნენ, მათ შესაჩერებლად კი რუს სამხედროებს ცეცხლის გახსნა მოუწიათ. შედეგად 6 უკრაინელი მეზღვაური დაიჭრა. 24 უკრაინელი მეზღვაური რუსული მხარის მიერ არის დაკავებული. მათ ბრალი წაუყენეს რუსეთის სახელმწიფო საზღვრის უკანონოდ გადალახვის მუხლით.

მექსიკაში თავდასხმის შედეგად ექვსი პოლიციელია მოკლული, - ამის შესახებ ინფორმაციას ხალისკოს შტატის პროკურატურა ავრცელებს.

 

„ლა-უერტას მუნიციპალიტეტში თავდასხმის შედეგად პოლიციის ექვსი თანამშრომელია მოკლული, ერთი კი დაჭრილი. დაწყებულია გამოძიება“, - ნათქვამია უწყების განცხადებაში.

 

პროკურატურის ინფორმაციით, შემთხვევის ადგილზე სამართალდამცველების ოპერაცია მიმდინარეობს.

 

აღსანიშნავია, რომ ხალისკოს შტატის ტერიტორიაზე ერთ-ერთი ყველაზე მძლავრი მექსიკური ნარკოკარტელი „ხალისკო-ახალი თაობა“ მოქმედებს. 2015 წელს, ამ ნარკოკარტელის წევრების მიერ პატრულზე თავდასხმის შედეგად 15 პოლიციელი დაიღუპა.

ექსკლუზიური სიახლეები
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » დეკემბერი 2018
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31

ამინდი

უმეტესად ღრუბლიანი

1°C

თბილისი

უმეტესად ღრუბლიანი

სინესტე: 95%

ქარი: 6.44 km/h

  • 19 დეკემბერი 2018

    ღრუბლიანი 2°C 0°C

  • 20 დეკემბერი 2018

    ღრუბლიანი 4°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

დაბრუნდეს თუ არა რუსეთი დიდი რვიანში?