Global Press

Georgia

Global PressGlobal PressGlobal PressGlobal Press

USD
2.642
EUR
2.9778
RUR
0.0396
GBP
3.3915

ამერიკის პრეზიდენტის დონალდ ტრამპის განცხადებით, ნობელის მშვიდობის პრემიის მიღების იმედი არ აქვს. „რაც შემეხება მე, ალბათ, არასოდეს მივიღებ მას, მაგრამ ეს არაფერი. მათ ეს პრემია მისცეს ბარაქ ობამას და მან არც კი იცოდა, რისთვის“, - აღნიშნა დონალდ ტრამპმა თეთრ სახლში ჟურნალისტებთან შეხვედრისას.

 

ამერიკის პრეზიდენტის განცხადებით, იაპონიის პრემიერმინისტრმა სინძო აბემ უთხრა, რომ ნობელის პრემიაზე წარადგინა.

 

„მან მითხრა, რომ იაპონიის სახელით წარგადგინეთ ამ პრემიაზე და ვთხოვ მათ, თქვენ მოგცენ ნებელის მშვიდობის პრემია“, - განაცხადა ტრამპმა.

 

აშშ-ის 44-ე პრეზიდენტმა ბარაქ ობამამ 2009 წელს ნობელის მშვიდობის პრემია „საერთაშორისო დიპლომატიისა და ადამიანებს შორის თანამშრომლობის განმტკიცებისთვის“ მიიღო.

აშშ-ს სენატმა უილიამ ბარი აშშ-ს გენერალური პროკურორის თანამდებობაზე დაამტკიცა. უილიამ ბარის კანდიდატურას მხარი დაუჭირა 52 სენატორმა, ხოლო 36 კი წინააღმდეგ წავიდა.

 

როგორც თეთრი სახლი იუწყება, უილიამ ბარმა აშშ-ს უზენაესი სასამართლოს თავმჯდომარის ჯონ რობერტსისა და აშშ-ს პრეზიდენტის დონალდ ტრამპის თანდასწრებით დადო ფიცი.

 

უილიამ ბარმა განაცხადა, რომ აღნიშნულ თანამდებობაზე მუშაობისას მისი პრიორიტეტი აშშ-ში არჩევნების დაცვა იქნება.

 

აღსანიშნავია, რომ უილიამ ბარი უკვე მუშაობდა გენერალური პროკურორის თანამდებობაზე ჯორჯ ბუში უფროსის ადმინისტრაციაში.

აშშ-ს სენატმა ქერჩის სრუტეში მომხდარი ინციდენტის გამო რუსეთისთვის სანქციების დაწესების თაობაზე კანონპროექტი მოამზადა.

 

კანონპროექტი რუსეთის უშიშროების ფედერალური სამსახურის - ФСБ-ს 24 თანამშრომლის და რუსეთის გემთსაშენი სექტორის წარმომადგენლების მიმართ სანქციების დაწესებას ითვალისწინებს.

 

კანონპროექტში ასევე გაწერილია დებულებები იმის თაობაზე, რომ აშშ-ს ადმინისტრაციამ ანგარიში უნდა წარადგინოს რუსეთის პრეზიდენტის ვლადიმერ პუტინის ფინანსური აქტივების შესახებ და ასევე ოპოზიციური პოლიტიკოსის ბორის ნემცოვის მკვლელობის გამოძიების შესახებ.

 

აღნიშნული კანონპროექტის ავტორები არიან „დემოკრატი“ სენატორი რობერტ მენენდესი და „რესპუბლიკელი“ სენატორი ლინდსი გრემი.

 

კანონპროექტის თანახმად, სანქციები ასევე შეეხება ახლად გამოცემულ რუსულ სუვერენულ ობლიგაციებს, რუსეთის გარეთ მოქმედ რუსულ სახელმწიფო კომპანიებს ენერგეტიკულ სფეროში.

 

შეგახსენებთ, რომ 25 ნოემბერს რუსულმა ხომალდებმა ქერჩის სრუტეში ორი უკრაინული კატერი და ბუქსირი დააკავეს. კიევში განმარტავენ, რომ ხომალდები ყველა ნორმის დაცვით მოძრაობდნენ, თუმცა „ეფ ეს ბე“-ში ამტკიცებდნენ, რომ მეზღვაურები სახიფათო მანევრებს ასრულებდნენ, მათ შესაჩერებლად კი რუს სამხედროებს ცეცხლის გახსნა მოუწიათ. შედეგად 6 უკრაინელი მეზღვაური დაიჭრა. 24 უკრაინელი მეზღვაური რუსული მხარის მიერ არის დაკავებული. მათ ბრალი რუსეთის სახელმწიფო საზღვრის უკანონოდ გადაკვეთის მუხლით წაუყენეს.

აშშ-ს პრეზიდენტმა დონალდ ტრამპმა განაცხადა, რომ ხელს მოაწერს განკარგულებას მექსიკასთან საზღვარზე საგანგებო მდგომარეობის შემოღების თაობაზე. დონალდ ტრამპმა ასევე მოაწერა ხელი 2019 წლის ფედერალური ბიუჯეტის კანონს, რომელშიც კედლის მშენებლოსთვის არა 5.7 მილიარდი, არამედ 1.4 მილიარდი აშშ დოლარია გამოყოფილი.

 

საგანგებო მდგომარეობის შემოღება აშშ-ს პრეზიდენტს საშუალებას მისცემს, საჭირო თანხები კონგრესის გვერდის ავლით მოიზიდოს. შეგახსენებთ, რომ დღეს საინფორმაციო სააგენტო “ბლუმბერგის” მიერ გავრცელებული ინფორმაციით, მექსიკასთან საზღვარზე საგანგებო მდგომარეობის გამოცხადების შემდეგ აშშ-ს პრეზიდენტი დონალდ ტრამპი საზღვარზე კედლის მშენებლობისთვის საერთო ჯამში 8 მილიარდი აშშ დოლარის მოძიებას აპირებს.

 

აშშ-ს პრეზიდენტის ადმინისტრაციაში წყაროს ინფორმაციით, 3.5 მილიარდი აშშ დოლარი მოძიებული იქნება პენტაგონის საჭიროებებისთვის ობიექტების მშენებლობის ფონდიდან, ხოლო 2.5 მილიარდი აშშ დოლარი და 600 მილიონი აშშ დოლარი მოძიებული იქნება თავდაცვისა და ხაზინის დეპარტამენტების ფონდებიდან, რომელიც გამოყოფილი იყო ნარკოტიკების ბრუნვასთან ბრძოლისთვის.

აშშ-ს პრეზიდენტი დონალდ ტრამპი 2019 წლის ფედერალური ბიუჯეტის კანონპროექტს ხელს მოაწერს და მექსიკასთან საზღვარზე საგანგებო მდგომარეობას გამოაცხადებს. ამის შესახებ ინფორმაციას თეთრი სახლის პრესსამსახური ავრცელებს.

 

„პრეზიდენტი ტრამპი ხელს მოაწერს კანონპროექტს ფედერალური მთავრობის დაფინანსების თაობაზე. ის ასევე მიიღებს სხვა ზომებს, მათ შორის საგანგებო მდგომარეობის გამოცხადებას, რათა შეაჩეროს ჩვენს საზღვრებზე ჰუმანიტარული კრიზისი. პრეზიდენტი ასრულებს თავის დანაპირებს ააშენოს კედელი, დაიცვას ჩვენი საზღვრები და ჩვენი დიადი ქვეყანა“, - განაცხადა თეთრი სახლის ოფიციალურმა წარმომადგენელმა სარა სანდერსმა.

 

2019 წლის ფედერალური ბიუჯეტის კანონპროექტი უკვე დაამტკიცა აშშ-ს კონგრესის სენატმა და წარმომადგენელთა პალატამ. პროცედურის თანახმად, ის ახლა აშშ-ს პრეზიდენტს გადაეგზავნება ხელმოსაწერად. აღსანიშნავია, რომ ამ კანონპროექტში მექსიკასთან საზღვრის მშენებლობისთვის 1,4 მილიარდი დოლარია გამოყოფილი.

 

შეგახსენებთ, რომ იმის გამო, რომ „დემოკრატები“ უარს ამბობდნენ ბიუჯეტში 5.7 მილიარდი აშშ დოლარი გაეწერათ მექსიკასთან საზღვარზე კედლის მშენებლობის დასაფინანსებლად, აშშ-ს ისტორიაში ყველაზე ხანგრძლივ „შათდაუნს“, ფედერალური მთავრობის მუშაობის შეჩერებას ჰქონდა ადგილი, რომელიც 35 დღე გაგრძელდა.

გამოკითხული ამერიკელების 25% მიიჩნევს, რომ „ღმერთს დონალდ ტრამპის გაპრეზიდენტება“ სურდა. აღნიშნულს ცხადყოფს ტელეარხი Fox News-ის მიერ ჩატარებული გამოკითხვა.

 

კითხვაზე, „გჯერათ თუ არა, რომ ღმერთს სურდა, რომ დონალდ ტრამპი პრეზიდენტი გამხდარიყო?“, გამოკითხული ამერიკელების 25%-მა დადებითად უპასუხა, 62%-მა უარყოფითი პასუხი მისცა, ხოლო 14%-მა განაცხადა, რომ დარწმუნებული არ არიან.

 

შეგახსენებთ, რომ 31 იანვარს თეთრი სახლის პრესმდივანმა სარა სანდერსმა განაცხადა, რომ დონალდ ტრამპი პრეზიდენტი იმიტომ გახდა, რომ ეს ღმერთს სურდა.

 

„ვფიქრობ, ღმერთი თითოეულ ჩვენთაგანს გვიხმობს სხვადასხვა დროს ამა თუ იმ როლის შესასრულებლად და ჩემი რწმენით, ღმერთს სურდა, რომ დონალდ ტრამპი პრეზიდენტი გამხდარიყო და ზუსტად ამიტომაც ის იქ არის, სადაც არის“, - განაცხადა სარა სანდერსმა.

 

თეთრი სახლის ოფიციალურმა წარმომადგენელმა ასევე აღნიშნა, რომ „ტრამპმა უზარმაზარი სამუშაო განახორციელა მორწმუნეებისთვის მნიშვნელოვანი საკითხების გადასაწყვეტად“.

ნიკოლას მადუროს მთავრობის დიპლომატიური ბლოკადა უკეთესია, ვიდრე ვენესუელაში სამხედრო ინტერვენცია, - ამის შესახებ კოლუმბიის პრეზიდენტმა ივან დუკემ ვაშინგტონში ვუდრო ვილსონის სახელობის ცენტრში სიტყვით გამოსვლისას განაცხადა.

 

„დიპლომატიური ბლოკადა უფრო ეფექტური საშუალებაა, რომლის მიზანია ბოლო მოეღოს მადუროს დიქტატურას. ეს საშუალება უკეთესია, ვიდრე სამხედრო ინტერვენციის ნებისმიერი ფორმა“, - განაცხადა ივან დუკემ.

 

კოლუმბიის პრეზიდენტის აზრით, შემდეგი ნაბიჯი გადადგმული უნდა იყოს დროებითი პრეზიდენტის ხუან გუაიდოს საერთაშორისო მხარდაჭერის საფუძველზე.

 

„ვენესუელას სამხედროებმა უარი უნდა თქვან დიქტატორისთვის ერთგულების შენარჩუნებაზე და ქვეყნის კონსტიტუციას უნდა ემსახურონ“, - აღნიშნა მან.

 

ივან დუკემ ასევე აღნიშნა, რომ მადუროს მთავრობის დიპლომატიური ბლოკადა წარმატებული აღმოჩნდა.

 

„მას უკვე არ აქვს ის ძალაუფლება. მას არ აქვს საერთაშორისო მხარდაჭერა. ყველა პრეზიდენტად გუაიდოს აღიარებს. ეროვნული ასამბლეა ქვეყნის ერთადერთი ლეგიტიმური ორგანოა“, - დასძინა კოლუმბიის პრეზიდენტმა.

ევროპული ქვეყნების მხრიდან ირანის მხარდამჭერი ქმედებები აშშ-სა და ევროკავშირს შორის უთანხმოებების გაღრმავებას გამოიწვევს. ამის შესახებ აშშ-ს ვიცე-პრეზიდენტმა მაიკ პენსმა ვარშავაში მიმდინარე საერთაშორისო კონფერენციაზე, ახლო აღმოსავლეთის შესახებ განაცხადა.

 

„ევროპაში ზოგიერთი პარტნიორი ცდილობს მექანიზმების შექმნას, რათა გვერდი აუარონ ირანისთვის ჩვენს მიერ დაწესებულ სანქციებს. ეს ინსტრუმენტი მცდელობაა აშშ-ს სანქციების დარღვევა მოხდეს“, - განაცხადა აშშ-ს ვიცე პრეზიდენტმა.

 

მაიკ პენსის აზრით, „ამგვარი მიდგომა გააძლიერებს ირანს, დაასუსტებს ევროკავშირს და გააღრმავებს უთანხმოებას ვაშინგტონსა და ბრიუსელს შორის“. აშშ-ს ვიცე-პრეზიდენტმა ხაზგასმით აღნიშნა, რომ სანქციები გამკაცრდება, თუ ირანი არ იტყვის უარს თავის დესტაბილიზაციის გამომწვევ ქმედებებზე.

კოლუმბიის პრეზიდენტმა ივან დუკემ ნიკოლას მადუროს რეჟიმი სიმსივნეს შეადარა, რომლითაც ვენესუელა დაავადებულია. ამის შესახებ კოლუმბიის პრეზიდენტმა ტელეკომპანია CNN-სთვის მიცემულ ინტერვიუში განაცხადა.

 

„მადუროს დიქტატურა ვენესუელას სხეულზე სიმსივნეს წარმოადგენს. ეს არის დიქტატურა, რომელმაც გაანადგურა ხელისუფლების დამოუკიდებელი შტოები, საბაზრო ეკონომიკა. ეს არის დიქტატურა, რომლის გამო ხალხი სიღარიბეში ცხოვრობს და შიმშილობს. მსოფლიო თანამეგობრობამ გაიაზრა, რომ ვენესუელას განკურნების და გადარჩენის ერთადერთი გზა მადუროს წასვლაა“, - განაცხადა კოლუმბიის პრეზიდენტმა.

 

ივან დუკემ ასევე აღნიშნა, რომ მადუროს ადმინისტრაცია უკვე აგონიაშია.

 

„მივიჩნევ, რომ ნიკოლას მადურო არის ადამიანი, რომელმაც კაცობრიობის წინააღმდეგ დანაშაული ჩაიდინა. დღეს ვენესუელაში მხოლოდ ერთი ლეგიტიმური პრეზიდენტია და ეს ხუან გუაიდოა“, - დასძინა მან.

მექსიკასთან საზღვარზე საგანგებო მდგომარეობის გამოცხადების შემდეგ აშშ-ს პრეზიდენტი დონალდ ტრამპი საზღვარზე კედლის მშენებლობისთვის საერთო ჯამში 8 მილიარდი აშშ დოლარის მოძიებას აპირებს.  ამის შესახებ ინფორმაციას წყაროზე დაყრდნობით სააგენტო Bloomberg ავრცელებს.

 

აშშ-ს პრეზიდენტის ადმინისტრაციაში წყაროს ინფორმაციით, 3.5 მილიარდი აშშ დოლარი მოძიებული იქნება პენტაგონის საჭიროებებისთვის ობიექტების მშენებლობის ფონდიდან, ხოლო 2.5 მილიარდი აშშ დოლარი და 600 მილიონი აშშ დოლარი მოძიებული იქნება თავდაცვისა და ხაზინის დეპარტამენტების ფონდებიდან, რომელიც გამოყოფილი იყო ნარკოტიკების ბრუნვასთან ბრძოლისთვის.

 

აღნიშნულს ასევე დაემატება 1.4 მილიარდი აშშ დოლარი, რომელიც უკვე ჩადებულია 2019 წლის ბიუჯეტის კანონპროექტში, რომელიც გუშინ მიიღო კონგრესმა და პრეზიდენტს გადაეგზავნა ხელმოსაწერად.

 

შეგახსენებთ, რომ გუშინ თეთრი სახლის ოფიციალურმა წარმომადგენელმა სარა სანდერსმა განაცხადა, რომ პრეზიდენტი მექსიკასთან საზღვარზე საგანგებო მდგომარეობას გამოაცხადებს. აღსანიშნავია, რომ ამ შემთხვევაში დონალდ ტრამპს საზღვარზე კედლის მშენებლობის დასაფინანსებლად თანხის მოძიებისთვის კონგრესის თანხმობა არ დასჭირდება.

ჰუმანიტარული დახმარება, რომელიც აშშ-მა ვენესუელელ ხალხს გამოუგზავნა, გაფუჭებული და მოწამლული პროდუქტებისგან შედგება, - ამის შესახებ ვერნესუელას ე.წ. პრეზიდენტმა ნიკოლას მადურომ Euronews-სთვის მიცემულ ინტერვიუში განაცხადა.

 

ნიკოლას მადუროს თქმით, ჰუმანიტარული დახმარების მიწოდებით ქვეყნის ოპოზიციასა და აშშ-ს ხელისუფლებას ვენესუელას დამცირება სურთ.

 

„საზღვარგარეთ ჩვენს ანგარიშებზე აშშ-მა 10 მილიარდზე მეტი აშშ დოლარი გაყინა. ფაქტობრივად, ჩვენ საშუალებას არ გვაძლევენ ქვეყანაში მედიკამენტებისა და საკვების იმპორტირება განვახორციელოთ“, - განაცხადა მადურომ.

 

მან ასევე აღნიშნა, რომ ჰუმანიტარული დახმარების მიწოდების მიზანი მოსახლეობის მოწამვლაა.

 

„მას შემდეგ, რაც მათ ჩვენი 10 მილიარდი აშშ დოლარი გაყინეს, ისინი აცხადებენ, რომ 20 მილიონი აშშ დოლარის ოდენობის პროდუქტს გვიგზავნიან, რომელიც არის გაფუჭებული და მოწამლული. პროდუქტები კანცეროგენულ ქიმიურ ელემენტებს შეიცავენ. მათ საჭირო კონტროლი ვერ გაიარეს, რამაც თვით კოლუმბიაში მოწამვლის რიგი შემთხვევები გამოიწვიეს“, - დასძინა ნიკოლას მადურომ.

აშშ-ს პრეზიდენტმა დონალდ ტრამპმა „დემოკრატები“ მორიგი „შათდაუნის“ მოახლოებაში დაადანაშაულა. მორიგი „შათდაუნი“, ფედერალური უწყებების ფუნქციონირების შეჩერება, ამერიკაში შესაძლოა, უკვე 15 თებერვალს დადგეს.

 

„დემოკრატები“ ძალიან ცოტა ფულს გვთავაზობენ კედლის მშენებლობისთვის, რომელიც ასე საჭიროა. ახლა კი, დამატებით, უეცრად გვთავაზობენ შევზღუდოთ ძალადობრივი დანაშაულისთვის მსჯავრდებულების რაოდენობა, რომელთა მოთავსება შეიძლება ციხეებში. როდესაც ამგვარ საშინელ შეთავაზებებს აკეთებენ, უკვე მგონია, რომ მათ „შათდაუნი“ სჭირდებათ“, - დაწერა დონალდ ტრამპმა „ტვიტერის“ საკუთარ გვერდზე.

 

გუშინ, თეთრმა სახლმა და აშშ-ს კონგრესის წარმომადგენლებმა განაცხადეს, რომ ბიუჯეტის შესახებ მოლაპარაკებები ჩიხშია შესული.

 

კანონმდებლები ვერ თანხმდებიან იმის თაობაზე, თუ რა თანხა შეუძლია კონგრესს გამოყოს მექსიკის საზღვართან კედლის მშენებლობისთვის. პრეზიდენტი ტრამპი ამ მიზნებისთვის 2019 წლის ბიუჯეტში 5 მილიარდზე მეტი აშშ დოლარის გამოყოფას მოითხოვს, ხოლო კონგრესი მზად არის გაცილებით ნაკლები თანხები გამოყოს.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

ევროკავშირი

არქივი

« « » » თებერვალი 2018
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?