Global Press

Georgia

Global PressGlobal PressGlobal PressGlobal Press

USD
3.1761
EUR
3.5366
RUR
0.045
GBP
3.9161

აშშ-ის კონგრესის წარმომადგენელთა პალატამ მხარი დაუჭირა მიიღო რეზოლუცია, რომელიც დონალდ ტრამპს მოუწოდებს, ირანთან დაკავშირებით სამხედრო მოქმედებები კონგრესს წინასწარ შეუთანხმოს. ინფორმაციას ამის შესახებ ტელეკომპანია CNBC ავრცელებს.

 

დემოკრატ ელისა სლოტკინის მიერ ინიციირებულ რეზოლუციას ხმა 224 კანონმდებელმა მისცა, წინააღმდეგი კი 194 იყო.

 

მიუხედავად იმისა, რომ რეზოლუციას კანონის ძალა არ აქვს, წარმომადგენელთა პალატის თავმჯდომარე ნენსი პელოსი დარწმუნებულია, რომ ტრამპი კონგრესის თანხმობის გარეშე სამხედრო მოქმედებებთან დაკავშირებით გადაწყვეტილებებს ვეღარ მიიღებს.

 

3 იანვარს, გამთენიისას ბაღდადში ირანელი გენერალი ყასემ სულეიმანი მოკლეს. გენერალი სულეიმანი „ალ-ქუდსის“ ძალების მეთაური იყო. „ალ ქუდსი“ ირანის გუშაგთა კორპუსის ქვედანაყოფია, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ასე თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური. ამასთან ერთად, „ისლამური რევოლუციის გუშაგთა კორპუსმა“ აშშ-ს მოუწოდა, თავი შეიკავოს საპასუხო ნაბიჯებისგან.

 

მომხდარს აშშ-ის პრეზიდენტი დონალდ ტრამპმიც გამოეხმაურა და აღნიშნა, რომ ვაშინგტონს სამხედრო დაპირისპირება არ სურს, თუმცა თავდასხმის გამო ირანს ახალ სანქციებს დაუწესებს.

თუ ირანი თავის მუქარას შეასრულებს, აშშ ამას ძალიან სწრაფად და ძლიერად უპასუხებს, - ამის შესახებ აშშ-ის პრეზიდენტი დონალდ ტრამპი Twitter-ზე წერს.

 

„მიიღეთ ეს, როგორც გაფრთხილება. თუ ირანი მიიტანს იერიშს ამერიკელებზე ან ამერიკულ ობიექტებზე, ჩვენ უკვე შევარჩიეთ 52 ირანული ობიექტი (წლების წინ ირანმა მძევლად 52 ამერიკელი აიყვანა). ეს ობიექტები ძალიან მნიშვნელოვანია ირანისა და მისი კულტურისთვის. ჩვენი დარტყმა ძალიან სწრაფი და ძლიერი იქნება. აშშ-ს მუქარის მოსმენა აღარ სურს!“ - წერს ტრამპი.

 

ახლო აღმოსავლეთში მდგომარეობა ირანელი გენერლის ყასემ სულეიმანის მოკვლის შემდეგ დაიძაბა. სულეიმანი ირანის გუშაგთა კორპუსის ქვედანაყოფის „ალ-ქუდსის“ მეთაური იყო, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი. ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს. გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი. ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

აშშ-ის პრეზიდენტი დონალდ ტრამპი აცხადებს, რომ მას ირანთან ომი არ სურს, თუმცა ამერიკელი ხალხის დასაცავად საჭირო გადაწყვეტილებებს ყოველგვარი ყოყმანის გარეშე მიიღებს. BBC-ის ცნობით, ამის შესახებ მან ფლორიდაში სიტყვით გამოსვლისას განაცხადა.

 

„ჩემი ბრძანებით სამხედროებმა მოკლეს ტერორისტი, რომელიც ათასობით ადამიანის, მათ შორის ასობით ამერიკელის მკვლელობაზეა პასუხისმგებელი. ყასემ სულეიმანი მოკლულია და მისი სისხლიანი მმართველობა დასრულებულია. ის ძალიან მასშტაბურ თავდასხმებს გეგმავდა. აშშ მშვიდობისმოყვარე ქვეყანაა, ჩვენ სხვა ქვეყნებთან მშვიდობიანი და ჰარმონიული ურთიერთობების ჩამოყალიბება გვსურს. ჩვენ არ ვეძებთ ომს ან რეჟიმის შეცვლას, მაგრამ როდესაც ამერიკელების უსაფრთხოების და დაცვის საკითხი დგას, მე ყოველგვარი ყოყმანის გარეშე ვმოქმედებ“, - განაცხადა ტრამპმა.

 

ირანელი გენერალი ყასემ სულეიმანი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში მოკლეს.

 

პირველ იანვარს აშშ-ის საელჩომ ბაღდადში მოქალაქეებისთვის საკონსულო მომსახურება შეწყვიტა.

 

31 დეკემბერს ბაღდადში აშშ-ის მიერ ერაყში „ქატაიბ ჰეზბოლას“ ობიექტებზე მიტანილი იერიშის გამო დაწყებული საპროტესტო აქციის მონაწილეებმა აშშ-ის საელჩოზე თავდასხმა განახორციელეს.

 

მანამდე აშშ-ის ქმედებები ერაყის საგარეო საქმეთა სამინისტრომ დაგმო, ირანმა კი, რომელიც „ქატაიბ ჰეზბოლას“ უჭერს მხარს, თავდასხმას „ტერორიზმის ნათელი მაგალითი“ უწოდა. აშშ-ის საჰაერო ძალებმა სირიასა და ერაყში დაჯგუფება „ქატაიბ ჰეზბოლას“ ობიექტებზე იერიში 29 დეკემბერს მიიტანეს.

უკრაინული ავიახაზების თვითმფრინავის კატასტროფაზე საუბრისას ამერიკის პრეზიდენტი მეორე მხარის შეცდომას არ გამორიცხავს. ამის შესახებ დონალდ ტრამპმა თეთრ სახლში ჟურნალისტებს განუცხადა.

 

პრეზიდენტმა აღნიშნა, რომ თავისი ეჭვები აქვს, თუმცა ამაზე საუბარი არ სურს.

 

„მე მაქვს ჩემი ეჭვები, მაგრამ არ მსურს ამაზე საუბარი, რადგან სხვა ადამიანებს თავისი ეჭვები აქვთ. ვინმემ შესაძლოა, დაუშვა შეცდომა მეორე მხარეს, არა ჩვენმა სისტემამ. ზოგი ამბობს, რომ მექანიკური. მე ეს არ ვიცი. მართლაც საშინელი რამ მოხდა“, - განაცხადა ტრამპმა.

 

ამერიკული მედიის ინფორმაციით, ამერიკის ოფიციალური პირები სატელიტის მიერ მოპოვებული მტკიცებულებების საფუძველზე ამბობენ, რომ Boeing 737-800-ის მიმართულებით სარაკეტო დარტყმას ჰქონდა ადგილი.

 

ბრიტანული მედია აღნიშნავს, რომ ავიაკატასტროფა მას შემდეგ მოხდა, რაც ირანმა ერაყში ამერიკული სამხედრო ბაზები დაბომბა.

 

CBS News-ი კი წერს, რომ ამერიკული დაზვერვის ინფორმაციით, სატელიტმა ორი რაკეტის ინფრაწითელი გამოსახულება იპოვა, რომელსაც სხვა, აფეთქების ამსახველი გამოსახულებაც მოჰყვა.

 

ეს ვერსია კატასტროფის პირველივე დღიდან უარყო თავად ირანმა, როდესაც ინფორმაცია იორდანული წყაროებით გავრცელდა.

 

ირანის სამოქალაქო ავიაციის ორგანიზაციამ უკრაინული ლაინერის კატასტროფის გამოძიების პირველი შედეგები 9 იანვარს გამოაქვეყნა. ირანელი სპეციალისტები მიიჩნევენ, რომ ბორტზე ტექნიკური პრობლემები შეიქმნა.

 

თეირანში „უკრაინის საერთაშორისო ავიახაზების“ კუთვნილი Boeing 737 8 იანვარს ჩამოვარდა. ბორტზე 168 მგზავრი და ეკიპაჟის 9 წევრი იყო. ყველა მათგანი დაიღუპა. მსხვერპლთა შორის 7 ქვეყნის მოქალაქეები არიან. კერძოდ, უკრაინელები, ირანელები, კანადელები, შვედები, ავღანელები, გერმანელები და ბრიტანელები.

აშშ-ის პრეზიდენტმა დონალდ ტრამპმა ირანელ გენერალ ყასემ სულეიმანიზე თავდასხმის დაგეგმვა ერაყში ამერიკულ სამხედრო ბაზაზე თავდასხმის შემდეგ დაიწყო, რომლის შედეგადაც რამდენიმე ამერიკელი დაიღუპა. ამის შესახებ Bloomberg-ი საკუთარ წყაროებზე დაყრდნობით წერს.

 

გამოცემის ინფორმაციით, მკვლელობის დაგეგმვაში ტრამპის რამდენიმე მაღალჩინოსანი მრჩეველი იღებდა მონაწილეობას, რომლებიც საშობაო არდადეგების გამო აშშ-ის სხვადასხვა ქალაქებში იმყოფებოდნენ. ისინი ერთმანეთთან დაცული სატელეფონო ხაზით ეკონტაქტებოდნენ.

 

ტრამპმა საკუთარი გეგმების შესახებ კონგრესს საიდუმლოს დაცვის გამო არ შეატყობინა. თავდასხმის შესახებ არც ეროვნული უსაფრთხოების სამინისტროს ხელმძღვანელობამ და არც უცხო ქვეყნების მეთაურებმა იცოდნენ.

 

გენერალთან გამოსამშვიდობებელი პროცესია დღეს ბაღდადში მიმდინარეობს.

 

გენერალ ყასემ სულეიმანი ირანის გუშაგთა კორპუსის ქვედანაყოფის „ალ-ქუდსის“ მეთაური იყო, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი. ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი. ირანის მთავრობამ გენერლის მკვლელობას „ომის გამოცხადება“ უწოდაო და აშშ-ს შურისძიებით დაემუქრა.

ირანთან დაძაბულობის ფონზე აშშ ახლო აღმოსავლეთში დამატებით 3 000 სამხედროს გაგზავნის. ინფორმაციას CNN-ი პენტაგონის წარმომადგენელზე დაყრდნობით ავრცელებს. დამატებითი ძალები სწრაფი რეაგირების 82-ე საჰაერო-სადესანტო დივიზიაში ირიცხებიან.

 

მანამდე პენტაგონის ხელმძღვანელმა მაიკ ესპერმა განაცხადა, რომ ბაღდადში აშშ-ის საელჩოზე იერიშის შემდეგ რეგიონში 750 სამხედროს გააგზავნიდა.

 

აშშ-ის პრეზიდენტი მიიჩნევს, რომ ერაყში ირანის გაძლიერება კარგად არ დასრულდება.

 

ირანელი გენერალი ყასემ სულეიმანი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში მოკლეს.

 

პირველ იანვარს აშშ-ის საელჩომ ბაღდადში მოქალაქეებისთვის საკონსულო მომსახურება შეწყვიტა.

 

31 დეკემბერს ბაღდადში აშშ-ის მიერ ერაყში „ქატაიბ ჰეზბოლას“ ობიექტებზე მიტანილი იერიშის გამო დაწყებული საპროტესტო აქციის მონაწილეებმა აშშ-ის საელჩოზე თავდასხმა განახორციელეს.

 

მანამდე აშშ-ის ქმედებები ერაყის საგარეო საქმეთა სამინისტრომ დაგმო, ირანმა კი, რომელიც „ქატაიბ ჰეზბოლას“ უჭერს მხარს, თავდასხმას „ტერორიზმის ნათელი მაგალითი“ უწოდა. აშშ-ის საჰაერო ძალებმა სირიასა და ერაყში დაჯგუფება „ქატაიბ ჰეზბოლას“ ობიექტებზე იერიში 29 დეკემბერს მიიტანეს.

„სანამ აშშ-ის პრეზიდენტი ვარ ირანს ბირთვული იარაღის ქონის უფლება არასოდეს ექნება“, - ამის შესახებ დონალდ ტრამპმა ირანში განვითარებულ მოვლენებისადმი მიძღვნილ სპეციალურ ბრიფინგზე განაცხადა. მის მიმართვას BBC ავრცელებს.

 

აშშ-ის პრეზიდენტმა ხაზგასმით აღნიშნა, რომ ვაშინგტონს სამხედრო ძალის გამოყენება არ სურს, თუმცა ერაყში სამხედრო ბაზებზე ირანის მიერ განხორციელებული თავდასხმის საპასუხოდ თეირანს ახალ სანქციებს დაუწესებს.

 

ტრამპმა განაცხადა, რომ თავდასხმების შედეგად არავინ დაღუპულა და ბაზებმა მინიმალური ზარალი განიცადეს. პრეზიდენტის თქმით, ირანმა უკან დახევა გადაწყვიტა, რაც მთელი მსოფლიოსთვის ძალიან კარგია.

 

მან 2015 წელს გაფორმებული ბირთვული შეთანხმებაც ახსენა და გაერთიანებულ სამეფოს, რუსეთს, საფრანგეთსა და ჩინეთს ხელშეკრულების ნარჩენებიდან გასვლისკენ მოუწოდა. „ყველამ ერთად უნდა ვიმუშაოთ ირანთან ახალი ხელშეკრულების გასაფორმებლად, რომელიც მსოფლიოს უფრო უსაფრთხოს და მშვიდობიანს გახდის“, - განაცხადა ტრამპმა.

 

პრეზიდენტმა ასევე აღნიშნა, რომ ნატოს ხელმძღვანელობას ახლო აღმოსავლეთში მიმდინარე მოვლენებში უფრო აქტიურ მონაწილეობას სთხოვს.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ირანული სახელმწიფო მედიის ცნობით, ერაყში ამერიკულ სამხედრო ბაზაზე სარაკეტო იერიშის შედეგად არანაკლებ 80 „ამერიკელი ტერორისტი“ დაიღუპა, ხოლო ბაზაზე განთავსებული ვერტმფრენები და სხვა აღჭურვილობა ძალინ დაზიანდა.

 

ამასთან, „ისლამური რევოლუციის გუშაგთა კორპუსის“ მაღალჩინოსანი წარმომადგენლის განცხადებით, ირანი მზადაა იერიში კიდევ 100 ამერიკულ ობიექტზე მიიტანოს, თუ ვაშინგტონი საპასუხო ზომების მიღებას გადაწყვეტს.

 

როგორც ირანში განაცხადეს, ეს სარაკეტო დარტყმები აშშ-ის მიერ ირანელი გენერლის ყასემ სულეიმანის ლიკვიდაციისთვის შურისძიებას წარმოადგენს. ამასთან, „ისლამური რევოლუციის გუშაგთა კორპუსმა“ განცხადება გაავრცელა და აშშ- მოუწოდა, თავი შეიკავოს საპასუხო ნაბიჯებისგან.

 

5 იანვარს ირანმა აშშ-ის მიერ გენერალის მოკვლის საკითხზე გაეროს უშიშროების საბჭოს მიმართა.

 

ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა. დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

აშშ და მისი მოკავშირეები ერაყის შეიარაღებული ძალებისთვის წვრთნებს წყვეტენ. მიზეზი აშშ-ის მიერ ირანელი გენერლის მოკვლის შემდეგ გაზრდილი დაძაბულობაა. ამის შესახებ Reuters-ი გერმანული მხარის წერილზე დაყრდნობით იტყობინება.

 

გერმანიის ოფიციალური პირების თქმით, აშშ-ის გენერალ-ლეიტენანტმა პეტ უაიტმა ეს გადაწყვეტილება ერაყში განლაგებული სამხედროებისთვის უსაფრთხოების ნორმების გაზრდის აუცილებლობის მიზნით მიიღო.

 

„ამრიგად, ერაყის უსაფრთხოებისა და შეიარაღებული ძალების წარმომადგენლებისთვის სწავლება დროებით შეჩერებულია, - ნათქვამია წერილში, რომელიც გერმანელმა გენერალმა ერიხ პფეფერმა ბუნდესტაგის საგარეო კომიტეტს გაუგზავნა.

 

აქვე აღნიშნულია, რომ დირექტივა სავალდებულოა ყველა პარტნიორისთვის, რომელიც სწავლებაში მონაწილეობს. გერმანიას ერაყში აშშ-ის ხელმძღვანელობით მიდინარე ოპერაციის ფარგლებში 120 ჯარისკაცი ჰყავს.

 

ირანთან დაძაბულობის ფონზე აშშ ახლო აღმოსავლეთში დამატებით 3 000 სამხედროს გაგზავნის.

 

პრეზიდენტი დონალდ ტრამპი აცხადებს, რომ მას ირანთან ომი არ სურს, თუმცა ამერიკელი ხალხის დასაცავად საჭირო გადაწყვეტილებებს ყოველგვარი ყოყმანის გარეშე მიიღებს. მანამდე ირანი შურისძიებით დაიმუქრა.

 

ირანელი გენერალი ყასემ სულეიმანი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში მოკლეს. ამას წინ უძღონდა ერაყში ამერიკის საელჩოზე თავდასხმა.

 

აშშ-ის ქმედებები ერაყის საგარეო საქმეთა სამინისტრომ დაგმო, ირანმა კი, რომელიც „ქატაიბ ჰეზბოლას“ უჭერს მხარს, თავდასხმას „ტერორიზმის ნათელი მაგალითი“ უწოდა. აშშ-ის საჰაერო ძალებმა სირიასა და ერაყში დაჯგუფება „ქატაიბ ჰეზბოლას“ ობიექტებზე იერიში 29 დეკემბერს მიიტანეს.

ერაყის დედაქალაქში, აეროპორტთან მომხდარ ოპერაციას ამერიკის პრეზიდენტი, დონალდ ტრამპი „ტვიტერის“ საკუთარ გვერდზე გამოეხმაურა. მისი თქმით, ირანს ომი არასდროს მოუგია.

 

„ირანს არასოდეს მოუგია ომი, მაგრამ ასევე არასდროს წაუგია მოლაპარაკებებში“,-დაწერა ამერიკის პრეზიდენტმა.

 

CNN-ის ინფორმაციით, ტრამპმა მოლაპარაკებებთან მიმართებაში სავარაუდოდ, ბარაკ ობამასთან გაფორმებული ბირთვული ხელშეკრულება იგულისხმა.

 

ეს ბაღდადის აეროპორტში ოპერაციის შემდეგ ტრამპის მეორე პოსტია „ტვიტერში“. თავდაპირველად, მან აშშ-ის დროშა გამოაქვეყნა, კომენტარის გარეშე.

 

დღეს მომხდარ ინციდენტს სახელმწიფო მდივანი, მაიკ პომპეოც გამოეხმაურა. მისი თქმით, სულეიმანის ლიკვიდაციამ „ათობით, თუ არა ასობით“ ამერიკელის სიცოცხლე იხსნა.

 

შეგახსენებთ, აშშ-მა ბაღდადის საერთაშორისო აეროპორტში საჰაერო თავდასხმა განახორციელა, რის შედეგადაც სხვა სამხედრო პირებთან ერთად ირანის ე.წ. ჩრდილოვანი გენერალი ყასემ სულეიმანი დაიღუპა.

ერაყში, ამერიკულ ბაზაზე მიტანილ სარაკეტო იერიშს პრეზიდენტი დონალდ ტრამპი Twitter-ით გამოეხმაურა და აღნიშნა, რომ ჯერ ყველაფერი კარგადაა.

 

„რაკეტები ირანიდან ერაყში მდებარე ორი სამხედრო ბაზის მიმართულებით გაუშვეს. ახლა მიმდინარეობს ზარალისა და ადამიანებისთვის მიყენებული ზიანის შეფასება. ჯერჯერობით, ყველაფერი კარგადაა! ჩვენ გვყავს ყველაზე ძლიერი და კარგად აღჭურვილი არმია მსოფლიოში“, - წერს ტრამპი.

 

მან აღნიშნა, რომ სარაკეტო თავდასხმების შესახებ განცხადებას დღეს გააკეთებს. განცხადება, ასევე, გაავრცელა ირანის საგარეო საქმეთა მინისტრმაც. მუჰამედ ჯავად ზარიფის თქმით, ირანს ესკალაცია არ სურს.

 

„ირანმა მიიღო და აღასრულა პროპორციული ზომები თავდაცვის მიზნით, რაც გათვალისწინებულია გაერო-ს ქარტიის 51-ე მუხლით და დარტყმა მიიტანა ბაზაზე, საიდანაც განხორციელდა შეიარაღებული თავდასხმა ჩვენი მოქალაქეებისა და მაღალჩინოსნების წინააღმდეგ“, – აღნიშნავს ირანის საგარეო საქმეთა მინისტრი მუჰამედ ჯავად ზარიფი ირანმა.

 

ერაყში ამერიკულ საჰაერო ბაზაზე, რომელიც ქალაქ ერბილეს მახლობლად მდებარეობს, ათამდე ბალოსტიკური რაკეტით თბილისის დროით 02:30 სთ-ზე განახორციელა თავდასხმა.

 

ზარალის და მსხვრეპლის შესახებ, პენტანგონს ოფიციალური ინფორმაცია, ჯერჯერობით, არ გაუვრცელებია.

ამერიკის შეერთებული შტატების სახელმწიფო მდივანი, მაიკ პომპეო ევროპულ ქვეყნებს აკრიტიკებს და აცხადებს, რომ აშშ-მა გენერალ ყასიმ სულეიმანის ლიკვიდაციით, ევროპელების სიცოცხლეებიც იხსნა.

 

„ბრიტანელებმა, ფრანგებმა, გერმანელებმა, ყველამ უნდა გააცნობიეროს ჩვენ რა გავაკეთეთ, ამერიკელებმა რა გააკეთეს, მათ ადამიანები იხსნეს ევროპაშიც...ეს მთელი მსოფლიოსთვის დადებითი მოვლენა იყო“, - განაცხადა პომპეომ „ფოქს ნიუსის“ ეთერში.

 

მისივე თქმით, სულეიმანი და მისი სამხედრო მოკავშირეები თავდასხმებს გეგმავდნენ.

 

„ჩვენ დეტალების შესახებ ბევრს ვერ ვისაუბრებთ, თუმცა საკმარისია იმის თქმა, რომ ამერიკელმა ხალხმა უნდა იცოდეს,რომ პრეზიდენტ ტრამპის გადაწყვეტილებამ სულეიმანის განადგურების შესახებ გადაარჩინა ამერიკელების სიცოცხლე“, - განაცხადა პომპეომ.

 

„მე, ორი დღე რეგიონში ჩვენს პარტიონებთან საუბარში გავატარე. მათ ვუზიარებდი ინფორმაციას ჩვენი ქმედებების შესახებ, რას ვაკეთებთ, რატომ ვაკეთებთ. მათი დახმარება გვსურდა. მათ არაჩვეულებრივად გაიგეს, ხოლო როცა სხვა რეგინებში დავიწყეთ საუბარი ჩვენს პარტნიორებთან ყველაფერი არც ისე კარგად იყო. სიმართლე გითხრათ, ევროპელები არ აღმოჩნდნენ დახმარებისთვის მზად ისე, როგორც მინდოდა ყოფილყვნენ“,-განაცხადა პომპეომ.

 

შეგახსენებთ, რომ ორი დღის წინ ბაღდადის აეროპორტში აშშ-ის მიერ დაგეგმილ დარტყმას 9 ადამიანი ემსხვერპლა, მათ შორის ყასიმ სულეიმანი, რომელიც ირანის ერთ-ერთი უმაღლესი მაღალჩინოსანია. სწორედ სულეიმანს უკავშირდება ახლო აღმოსავლეთში ირანული გავლენების გაზრდა. ამერიკის პრეზიდენტის დონალდ ტრამპის თქმით, აშშ-მა მსოფლიოს „ნომერ პირველი“ ტერორისტის ლიკვიდაცია მოახდინა. ამასთან, ირანი და მასთან დაკავშირებული ჯგუფები შურისძიებით იმუქრებიან. გაზრდილი დაძაბულობების ფონზე, კი პენტაგონმა რეგიონში დამატებითი ჯარები გააგზავნა.

აშშ-მ ირანელი გენერალ-მაიორის, „ქუდსის ძალების“ მეთაურის ესკორტზე ბაღდადის აეროპორტში საჰაერო დარტყმა განახორციელა, რის შედეგადაც მოკლულია ქასემ სულეიმანი, - ამის შესახებ ინფორმაციას პენტაგონი ავრცელებს.

 

„დარტყმის მიზანი ირანის სამომავლო თავდასხმის გეგმების ჩაშლა იყო ,“- ნათქვამია პენტაგონის მიერ გავრცელებულ განცხადებაში.

 

ქასემ სულეიმანის სიკვდილი „ირანის რევოლუციურმა გვარდიამაც“ დაადასტურა.

 

ერაყის გასამხედროებული ძალების ინფორმაციით, ბადღადის საერთაშორისო აეროპორტში განხორციელებული სარაკეტო თავდასხმის დროს ირანული ელიტური ქვედანაყოფის „ქუდსის ძალების“ ლიდერი გენერალ-მაიორი ქასემ სულეიმანი და ერაყელი საბრძოლო დაჯგუფების მეთაური აბუ მაჰდი ალ-მუჰანდისი დაიღუპნენ.

 

აშშ-ის ოფიციალურმა პირებმა, რომლებმაც ვინაობის გამჟღავნება არ ისურვეს, „როიტერსთან“ საუბარში განაცხადეს, რომ თავდასხმის სამიზნე ირანთან დაკავშირებული ორი პირი იყო.

 

სულეიმანი „ქუდსის ძალების“ მეთაური 1998 წელს გახდა. მას ლიბანში დაჯგუფება „ჰეზბოლას“, სირიის პრეზიდენტ ბაშარ ასადის მთავრობისა და ერაყში შიიტური დაჯგუფების მხარდაჭერაში ადანაშაულებდნენ.

ექსკლუზიური

ევროკავშირი

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?