Global Press

Georgia

Global PressGlobal PressGlobal PressGlobal Press

USD
3.1761
EUR
3.5366
RUR
0.045
GBP
3.9161

Facebook-მა თავისი პლატფორმიდან 418 ქართული ანგარიში (39 პროფილი, 344 გვერდი, 13 ჯგუფი და 22 Instagram-ანგარიში) გააუქმა, რომლებიც ჩართულნი იყვნენ "კოორდინირებულ არაავთენტურ ქცევაში", რაც პროსახელისუფლებო, ანტიოპოზიციური და ანტიდასავლურ ნარატივში გამოიხატებოდა.

 

Facebook მიერ განცხადებაში ნათქვამია, რომ აღნიშნული გვერდები საკუთარ თავს სხვადასხვა გზით ნიღბავდნენ, სოციალური ქსელის მიერ ჩატარებულმა გამოძიებამ დაადგინა, რომ გაუქმებული გვერდები საქართველოს ხელისუფლებასთან არიან დაკავშირებულები.

 

                                         

 

 ეს გვერდები პოზიციონირებდნენ, როგორც ახალი ამბების სააგენტოები და იმიტირებდნენ პოლიტიკურ პარტიებს, საჯარო პირებსა და მედიებს. გვერდების ადმინასტრატორები და ანგარიშების მფლობელები, როგორც წესი, ადგილობრივ ახალ ამბებსა და პოლიტიკურ საკითხებზე პოსტავდნენ, მაგალითად, როგორიცაა არჩევნები, სამთავრობო პოლიტიკა, მაღალჩინოსნები, ოპოზიციისა და ადგილობრივი აქტივისტური ჯგუფების კრიტიკა. მიუხედავად იმისა, რომ ამ ანგარიშების უკან მდგომი ადამიანები ცდილობდნენ, დაეფარათ თავიანთი იდენტობა და კოორდინირებული მუშაობა, ჩვენი გამოძიებით ეს აქტივობები საქართველოში მოქმედ სარეკლამო კომპანია პანდასა და ქართული ოცნების ხელისუფლებას უკავშირდება,"- წერია Facebook-ს განცხადებაში.

 

                                              

 

Facebook-ის ცნობით, 442 300 ანგარიში მიყვებოდა გაუქმებული გვერდებიდან ერთს ან რამდენიმეს და, დაახლოებით, 52 000 ანგარიში გაწევრიანებული იყო გაუქმებული ჯგუფებიდან ერთში ან რამდენიმეში და, დაახლოებით, 2 100 ადამიანს ჰქონდა გამოწერილი ერთი ან რამდენიმე გაუქმებული Instagram-ანგარიშიდან.

 

რაც შეეხება რეკლამას, 316 000 დოლარია დახარჯული Facebook-სა და Instagram-ზე სხვადასხვა სახის რეკლამირებისთვის.

 

Facebook-ის პოლიტიკის მიხედვით, სოციალური მედიის გიგანტი აუქმებს არაავთენტურ ქმედებებში ჩართულ ანგარიშებს, რომელთა მიზანიც საზოგადოების შეცდომაში შეყვანა და მანიპულაციური ხერხებით მათ შეხედულებებზე გავლენის მოხდენაა. სულ რამდენიმე შემთხვევა იყო, როდესაც ორგანიზაციამ მსგავსი ოპერაციები პირდაპირ ქვეყნების მთავრობებს დაუკავშირა, მათ შორის, რუსეთისა და ჩინეთის შემთხვევებში.

აშშ-ის პრეზიდენტმა დონალდ ტრამპმა ოფიციალურად დაიწყო თავისი მეორე, 2020 წლის წინასაარჩევნო კამპანია ფლორიდიას შტატის ქალაქ ორლანდოში გამართულ მიტინგზე.

 

როგორც „როიტერსი“ წერს, მან თავი წარმოადგინა იგივე ამბოხებულ პოლიტიკოსად, რომელმაც შეაჯანჯღარა ვაშინგტონის ისტებლიშმენტი ოთხი წლის წინ და მსხვერპლად, რომელსაც „დემოკრატები“ ჩამოგდებას უპირებენ.

 

მათივე ცნობით, ტრამპისთვის პრიორიტეტული თემებიც იგივეა - ბრძოლა მასობრივი უკანონო იმიგრაციის, ასევე მტრულად განწყობილი მედიის წინააღმდეგ.

 

როგორც ტრამპი აცხადებს, „დემოკრატები“ რადიკალურად შეცვლიან პოლიტიკას, შეეცდებიან იმიგრანტების სტატუსის ლეგალიზაციას, რათა მომავლისთვის გაზარდონ საკუთარი ამომრჩევლის რაოდენობა.

 

„მიგვაჩნია, რომ ჩვენი ქვეყანა უნდა იყოს თავშესაფარი კანონმორჩილი ადამიანებისთვის და არა დამნაშავეებისთვის. 2020 წელს, ნებისმიერი „დემოკრატისთვის“ ხმის მიცემა ეს არის რადიკალური სოციალიზმის ზრდა და ამერიკული ოცნების დანგრევა“, - განაცხადა დონალდ ტრამპმა გუშინ გამართულ მიტინგზე.

 

„დემოკრატიულ პარტიაში“ კანდიდატად დასახელებისთვის წინასწარ ეტაპზე ოცამდე კანდიდატი იბრძვის. მათგან ბევრი სოციოლოგიური გამოკითხვებით ტრამპს რეიტინგით უსწრებს იმ შტატებში, სადაც ძირითადი ბრძოლაა მოსალოდნელი.

კანადაში აცხადებენ, რომ საარჩევნო პროცესის უსაფრთხოებისთვის Microsoft-ი და Facebook-ი კიდევ უფრო კონკრეტულ ნაბიჯებს გადადგამენ. ამის შესახებ Reuters-ი წერს.

 

Microsoft-ი და Facebook-ი უკვე შეთანხმდნენ, რომ ოქტომბერში კანადაში დაგეგმილ არჩევნებში ყალბ ამბებს და ბოტებს გამოუცხადებენ ბრძოლას.

 

მანამდე არჩევნებში ჩარევასთან ბრძოლის განყოფილება (War Room) Facebook-მა არაერთ ქვეყანაში, მათ შორის ამერიკის შეერთებულ შტატებში, ბრაზილიასა და ინდოეთში შექმნა. ერთ-ერთი ბოლო იყო ევროკავშირიც, რომლის მიზანიც ევროპარლამენტის არჩევნების ფონზე დეზინფორმაციის გავრცელების წინააღმდეგ ბრძოლა იყო.

 

არაერთი ქვეყნის წინასაარჩევნო კამპანიისას Facebook-ი დეზინფორმაციისა და შეურაცხმყოფელი მასალების გავრცელებას ვერ უმკლავდება. ბოლო რამდენიმე წელიწადში Facebook-ი საარჩევნო სუბიექტების ინტერესების პოპულარიზაციისა და პროპაგანდისთვის მნიშვნელოვან ინსტრუმენტად იქცა.

 

Facebook-ის 15 წლიან ისტორიაში სოციალური ქსელი არაერთი გამოწვევის წინაშე დადგა. მათ შორის ყველაზე რეზონანსული Cambridge Analytica-სთან დაკავშირებული ისტორია იყო. ამ კომპანიამ არალეგალურად მიიღო წვდომა სოცქსელის 87 მილიონი მომხმარებლის მონაცემებზე, რომ ის პოლიტიკური რეკლამისთვის გამოეყენებინა. 

აშშ-ის წარმომადგენელთა პალატის იურიდიულმა კომიტეტმა პრეზიდენტ დონალდ ტრამპის წინააღმდეგ წაყენებული ორი ბრალდება დაამტკიცა, რითაც „დემოკრატებმა“ „რესპუბლიკელი“ პრეზიდენტი იმპიჩმენტის ზღვარზე დააყენეს, - ამის შესახებ „როიტერსი“ იუწყება.

 

აღნიშნულმა კომიტეტმა 23 ხმით 17-ის წინააღმდეგ დაამტკიცა იმპიჩმენტის მუხლები, რომელიც ტრამპის მიერ სამსახურეობრივი უფლებამოსილების ბოროტად გამოყენებასა და გამოძიებისთვის ხელის შეშლას შეეხება.

 

მომავალ კვირაში დოკუმენტს კენჭს წარმომადგენელთა პალატა უყრის, სადაც უმრავლესობას „დემოკრატები“ წარმოადგენენ.

 

„დემოკრატები“ აცხადებენ, რომ დონალდ ტრამპმა ძალაუფლება ბოროტად გამოიყენა, როდესაც სატელეფონო საუბრის დროს უკრაინის პრეზიდენტ ვლადიმერ ზელენსკიზე ზეწოლას ახდენდა და სთხოვდა, პოლიტიკური მოწინააღმდეგის, ჯო ბაიდენისა და მისი შვილის წინააღმდეგ კორუფციის საქმეზე გამოძიება დაეწყო.

 

მათივე მტკიცებით, ტრამპმა გაყინა უკრაინისათვის განკუთვნილი სამხედრო დახმარება, 400 მილიონი აშშ დოლარი, რათა ამ გზით დაეყოლიებინა ზელენსკი თეთრ სახლში შეხვედრის დროს ბაიდენის წინააღმდეგ გამოძიების დაწყების შესახებ ოფიციალური განცხადება გაეკეთებინა.

 

დემოკრატები ასევე აცხადებენ, რომ დონალდ ტრამპი აიძულებდა უკრაინის ხელისუფლებას, დაეწყოთ გამოძიება მოსაზრების გარშემო, რომლის თანახმადაც, აშშ-ის 2016 წლის არჩევნებში არა რუსეთი, არამედ უკრაინა ჩაერია.

 

რაც შეეხება გამოძიებისთვის ხელის შეშლის ბრალდებას, დემოკრატები ამტკიცებენ, რომ აშშ-ის პრეზიდენტმა ადმინისტრაციის ყოფილ და მოქმედ თანამშრომლებს, მათ შორის, სახელმწიფო მდივან მაიკ პომპეოს, დაავალა იმპიჩმენტის საკითხე დაწყებულ გამოძიებასთან არ ეთანამშრომლათ.

ბრაზილიამ რამდენიმე ქვეყანას უვიზო რეჟიმი დაუწესა. დღეიდან ამერიკის შეერთებული შტატების, კანადის, იაპონიისა და ავსტრალიის მოქალაქეები ლათინური ამერიკის ქვეყანაში ბიომეტრიული პასპორტის მეშვეობით იმოგზაურებენ. უვიზო რეჟიმის ფარგლებში ისინი ბრაზილიაში 90 დღის გატარებას შეძლებენ, თუმცა საჭიროების შემთხვევაში ვადის გახანგრძლივების უფლება 180 დღემდე ექნებათ. 4 ქვეყნისთვის უვიზო რეჟიმის დაწესების გეგმის შესახებ ბრაზილიის ხელისუფლებამ განცხადება ჯერ კიდევ მარტში, პრეზიდენტ ჟაირ ბოლსონარუს თეთრ სახლში ვიზიტამდე ცოტა ხნით ადრე გააკეთა.

ვენესუელის დე ფაქტო პრეზიდენტი ნიკოლას მადურო 2020 წლის ბოლოსთვის დაგეგმილი საპარლამენტო არჩევნების ვადამდე ჩატარების წინადადებით გამოდის. ინფორმაციას ამის შესახებ სააგენტო Reuters-ი ავრცელებს.

 

წინა საპარლამენტო არჩევნები ვენესუელაში 2015 წელს ჩატარდა. მათი შედეგებით მიხედვით, ქვეყნის ეროვნულ ასამბლეაში ადგილების უმრავლესობა ოპოზიციურმა ბლოკმა „დემოკრატიული ერთიანობის მრგვალმა მაგიდამ“ მიიღო, პარლამენტის თავმჯდომარე კი ამ ბლოკში შემავალი ერთ-ერთი პარტიის „ხალხის ნების“ წარმომადგენელი ხუან გუაიდო გახდა.

 

2019 წლის 30 აპრილს ხუან გუაიდომ სამხედროებს და ვენესუელის მოქალაქეებს ნიკოლას მადუროს ხელისუფლების დამხობისკენ ღიად მოუწოდა.

 

ვენესუელაში ვითარება განსაკუთრებით იანვარში დაიძაბა, როდესაც აშშ-ის მხარდაჭერილმა ოპოზიციის ლიდერმა, ხუან გუაიდომ საკუთარი თავი ვენესუელის დროებით პრეზიდენტად გამოაცხადა.

 

გუაიდოს ლეგიტიმურობა მსოფლიოს 20-ზე მეტმა ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად ცნო.

აშშ-ის სენატმა ერთხმად მიიღო რეზოლუცია, რომელიც 1915 წელს ეთნიკურად სომეხი მოქალაქეების მასობრივ ხოცვას გენოციდად აღიარებს, - ამის შესახებ ინფორმაციას „როიტერსი“ ავრცელებს.

 

რეზოლუციაში წერია, რომ ოსმალეთის იმპერიის მიერ 1915-1923 წლებში 1,5 მილიონი სომეხის მკვლელობა გენოციდია.

 

ფაქტს სომხეთის პრემიერ-მინისტრი ნიკოლ ფაშინიანი სოციალურ ქსელ „ტვიტერში“ გამოეხმაურა. მან აშშ-ის სენატს მადლობა გადაუხადა და აღნიშნა, რომ მე-20 საუკუნის პირველი გენოციდის 1.5 მილიონი მსხვერპლისთვის ეს პატივის მიგებაა და ასევე პრევენციისკენ გადადგმული თამამი ნაბიჯია „#აღარასოდეს!“- წერს ფაშინიანი.

 

თურქეთის საგარეო საქმეთა მინისტრმა მევლუთ ჩავუშოღლუმ კი სენატის აღნიშნული გადაწყვეტილება დაგმო და „პოლიტიკური შოუ“ უწოდა. კომენტარი გააკეთა თურქეთის პრეზიდენტის პრეს-სპიკერმა იბრაჰიმ კალინმაც და განაცხადა, რომ ანკარა ამ ნაბიჯს „მკაცრად გმობს.“

მექსიკის პრეზიდენტი ამერიკის მიმართულებით მიმავალი მიგრანტების რაოდენობის შესამცირებლად საკუთარ თვითმფრინავს გაყიდის.

 

ანდრეს მანუელ ლოპეზ ობრადორის განმარტებით, თვითმფრინავის გაყიდვით მიღებულ შემოსავალს გაჭირვებულ მოქალაქეებს დაურიგებს და ამით არალეგალური მიგრაციის შეკავებას შეეცდება. მექსიკის პრეზიდენტმა აღნიშნული ინიციატივა მას შემდეგ გამოთქვა, რაც თეთრ სახლთან შეთანხმებას მიაღწია. შეთანხმების თანახმად, ოფიციალური ვაშინგტონი მეხიკოს ტარიფებს არ დაუწესებს იმ შემთხვევაში, თუ ის ცენტრალური ამერიკიდან მიგრანტთა ნაკადის შემცირებას შეეცდება.

 

მექსიკის პრეზიდენტის განკარგულებაში არსებული Boeing 787 Dreamliner 2016 წელს 218 მილიონ დოლარად არის შეძენილი, თუმცა ახლა ის 150 მილიონ დოლარად არის შეფასებული.

ვენესუელის ოპოზიციისა და ხელისუფლების წარმომადგენლები ქვეყანაში შექმნილი პოლიტიკური კრიზისის შესახებ ნორვეგიაში მოლაპარაკებებს გამართავენ. ამის შესახებ ინფორმაციას Reuters-ი ოპოზიციასთან დაახლოებულ წყაროებზე დაყრდნობით ავრცელებს.

 

წყაროს ცნობით, ორმა დელეგაციამ ერთმანეთისგან დამოუკიდებლად მიიღო მიწვევა ნორვეგიელი დიპლომატებისგან.

 

შეხვედრაზე ხელისუფლების ინტერესებს ვენესუელის კომუნიკაციისა და ინფორმაციის მინისტრი ხორხე როდრიგესი წარადგენს. ოპოზიციის მხრიდან კი, სავარაუდოდ, ეროვნული ასამბლეის წარმომადგენლის მოადგილე სტალინ გონსალესი იქნება.

 

2019 წლის 30 აპრილს ხუან გუაიდომ სამხედროებს და ვენესუელის მოქალაქეებს ნიკოლას მადუროს ხელისუფლების დამხობისკენ ღიად მოუწოდა.

 

ვენესუელაში ვითარება განსაკუთრებით იანვარში დაიძაბა, როდესაც აშშ-ის მხარდაჭერილმა ოპოზიციის ლიდერმა, ხუან გუაიდომ საკუთარი თავი ვენესუელის დროებით პრეზიდენტად გამოაცხადა.

 

გუაიდოს ლეგიტიმურობა მსოფლიოს 20-ზე მეტმა ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად ცნო. ვენესუელის კრიზისის შესახებ ვრცელ სტატიას შეგიძლიათ ამ ბმულზე გაეცნოთ.

აშშ-ის პრეზიდენტმა დონალდ ტრამპმა განაცხადა, რომ მზად არის სამხედრო მოქმედებების დასაწყებად, რათა ხელი შეუშალოს ირანს ბირთვული იარაღის მიღებაში. ამასთან, ტრამპმა ღიად დატოვა კითხვა, დაუჭერს თუ არა მხარს ძალის გამოყენებას სპარსეთის ყურიდან ნავთობის მიწოდების დასაცავად, რასაც აშშ-ის ღრმა რწმენით, ასევე ირანი უქმნის საფრთხეს.

 

აშშ-სა და ირანს შორის ურთიერთობები ძალიან დაიძაბა ტანკერებზე კოორდინირებული თავდასხმების შემდეგ მაისში და ერთი კვირის წინ, რაშიც შეერთებული შტატებიც და საუდის არაბეთიც ირანს ადანაშაულებენ. ირანი კი ბრალდებებს უარყოფს.

აშშ-ის გეოგრაფიული სახელების მინიჭების საბჭომ უკრაინის დედაქალაქის, კიევის ინგლისური სახელწოდება შეცვლა და Kiev-დან Kyiv-ად გადააკეთა. ამის შესახებ ინფორმაციას აშშ-ში მდებარე კიევის საელჩო Facebook-ზე ავრცელებს.

 

ცვლილება 17 ივნისიდან ამოქმედდება. საბჭომ გადაწყვეტილება ერთხმად მიიღო, მას კი ამ საკითხის განხილვის თხოვნით აშშ-ში უკრაინის საელჩომ მიმართა.

 

 

აშშ-მა რუსეთის წინააღმდეგ სანქციების ახალი პაკეტი მოამზადა, რომელიც ინგლისის ქალაქ სოლსბერიში მამა-შვილი სკრიპალების მოწამვლას უკავშირდება. „დოიჩე ველეს“ ინფორმაციით, ამის შესახებ ამერიკის სახელმწიფო მდივნის მოადგილე ანდრეა თომპსონმა სენატის საერთაშორისო საკითხთა კომიტეტის სხდომაზე დემოკრატი სენატორის რობერტ მენენდესის კითხვის საპასუხოდ განაცხადა.

 

პოლიტიკოსმა მოითხოვა ინფორმაცია იმის შესახებ, ამ დრომდე თუ რატომ არ მოხდა ახალი სასანქციო ზომების მიღება აშშ-ის კონგრესის მხრიდან. თომპსონის ინფორმაციით, სახელმწიფო დეპარტამენტში სანქციები გააანალიზეს, გადაიდგა პირველი ნაბიჯები მისი იმპლემენტაციისთვის და შესაბამისი ინფორმაცია გადაეგზავნა სახელმწიფო მდივანს მაიკ პომპეოსა და პრეზიდენტ დონალდ ტრამპს. მანვე დასძინა, რომ საჯარიმო ზომების პაკეტის მიღების შესახებ გადაწყვეტილება - ეს არის რუსეთთან დაკავშირებით ამერიკის გაცილებით ფართო სტრატეგიის ნაწილი.

ექსკლუზიური

ევროკავშირი

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?