Global Press

Georgia

Global PressGlobal PressGlobal PressGlobal Press

USD
2.9336
EUR
3.2487
RUR
0.0447
GBP
3.5602

ამერიკის პრეზიდენტმა დონალდ ტრამპმა ვენესუელას პარლამენტის თავმჯდომარე ოპოზიციონერი ხუან გუაიდო ქვეყნის დროებით პრეზიდენტად აღიარა.

 

„დღეს მე ოფიციალურად ვაღიარებ ვენესუელას ეროვნული ასამბლეის მეთაურს ხუან გუაიდოს ქვეყნის გარდამავალ პრეზიდენტად. ქვეყნის ხელისუფლების ერთადერთმა შტომ, რომელიც ვენესუელას მოსახლეობამ კანონიერად აირჩია, კონსტიტუციის საფუძველზე, ნიკოლას მადურო უკანონო პრეზიდენტად ცნო, ხოლო პრეზიდენტის პოსტი ვაკანტურად გამოაცხადა. გავაგრძელებ აშშ-ის მთელ ეკონომიკურ და დიპლომატიურ ძალებს, რათა მივაღწიო ვენესუელაში დემოკრატიის აღდგენას“, - ნათქვამია ტრამპის განცხადებაში.

 

დონალდ ტრამპმა გუაიდოსთან მუშაობის მზადყოფნა გამოთქვა.

აშშ-ს უზენაესმა სასამართლომ მხარი დაუჭირა პრეზიდენტ დონალდ ტრამპის ადმინისტრაციის ინიციატივას, რომელიც ზღუდავს შეიარაღებულ ძალებში ტრანსგენდერების მსახურობას.

 

აღნიშნულ გადაწყვეტილებას აშშ-ს უზენაესი სასამართლოს ხუთმა მოსამართლემ დაუჭირა მხარი, ხოლო ოთხი კი წინააღმდეგ წავიდა.

 

აღნიშნული გადაწყვეტილებით, აშშ-ში მამაკაცები და ქალები შეიარაღებულ ძალებში მსახურობას ვერ გაივლიან თუ მათი დარეგისტრირებული სქესი განსხვავდება იმ სქესისგან, რომელიც დაბადებისას იყო დადგენილი.

 

აქამდე ქვედა ინსტანციის სასამართლოები აშშ-ს თავდაცვის უწყებას არ აძლევდნენ აღნიშნული ინიციატივის განხორციელების საშუალებას.

 

აღნიშნული გადაწყვეტილება დონალდ ტრამპმა ჯერ კიდევ 2017 წელს მიიღო. „დემოკრატები“ მას ამის გამო დისკრიმინაციაში ადანაშაულებენ.

აშშ-ს პრეზიდენტმა დონალდ ტრამპმა თავის მომხრეებს შესთავაზა კონგრესში „დემოკრატების“ ლიდერებს - ნენსი პელოზისა და ჩაკ შუმერს, რომლებიც მექსიკასთან საზღვარზე კედლის მშენებლობისთვის დაფინანსების გამოყოფას ეწინააღმდეგებიან, აგურები გაუგზავნონ.

 

„შესანიშნავი იდეა გამიჩნდა, რაც ჩაკ შუმერსა და ნენსი პელოზის სხვა არჩევანს არ დაუტოვებს, გააგზავნეთ მათ ოფისებში აგური და შეახსენეთ, რომ ჩვენ კედელი გვჭირდება“, - დაწერა აშშ-ს პრეზიდენტმა „ფეისბუქის“ საკუთარ გვერდზე.

 

აღნიშნულთან დაკავშირებით საიტი შეიქმნა, სადაც აგურის შესაძენად ფულის გადარიცხვა ხდება. ერთი აგურის შესაძენად მსურველს 20 დოლარის გადარიცხვა შეუძლია.

 

საიტზე აღნიშნულია, რომ ამ აქციის მიზანია 100 000 აგურის გაგზავნა კონგრესში „დემოკრატების“ ლიდერებისთვის.

 

შეგახსენებთ, რომ მექსიკის საზღვარზე მიგრანტების შესაჩერებლად კედლის მშენებლობის გამო უთანხმოების შედეგად, კონგრესმა ბიუჯეტი ვერ დაამტკიცა, რის გამოც აშშ-ის მთავრობამ მუშაობა ნაწილობრივ შეაჩერა.

ამერიკის პრეზიდენტმა დონალდ ტრამპმა ვენესუელას პარლამენტის თავმჯდომარე ოპოზიციონერი ხუან გუაიდო ქვეყნის დროებით პრეზიდენტად აღიარა.

 

„დღეს მე ოფიციალურად ვაღიარებ ვენესუელას ეროვნული ასამბლეის მეთაურს ხუან გუაიდოს ქვეყნის გარდამავალ პრეზიდენტად. ქვეყნის ხელისუფლების ერთადერთმა შტომ, რომელიც ვენესუელას მოსახლეობამ კანონიერად აირჩია, კონსტიტუციის საფუძველზე, ნიკოლას მადურო უკანონო პრეზიდენტად ცნო, ხოლო პრეზიდენტის პოსტი ვაკანტურად გამოაცხადა. გავაგრძელებ აშშ-ის მთელ ეკონომიკურ და დიპლომატიურ ძალებს, რათა მივაღწიო ვენესუელაში დემოკრატიის აღდგენას“, - ნათქვამია ტრამპის განცხადებაში.

 

დონალდ ტრამპმა გუაიდოსთან მუშაობის მზადყოფნა გამოთქვა.

აშშ-ს კონგრესის წარმომადგენელთა პალატამ ხმათა უმრავლესობით კანონი მიიღო, რომელიც ქვეყნის პრეზიდენტს ნატო-დან გამოსვლას უკრძალავს. აღნიშნულ კანონპროექტს მხარი დაუჭირა წარმომადგენელთა პალატის 357 წევრმა, ხოლო 22 კი წინააღმდეგ წავიდა.

 

როგორც დოკუმენტის ავტორმა „დემოკრატმა“ კონგრესმენმა ჯიმ პანეტამ აღნიშნა, კანონპროექტი „ნატო-ს მხარდაჭერის შესახებ“ ითვალისწინებს ალიანსიდან გამოსვლის ნებისმიერი მცდელობის აკრძალვას და კრძალავს საბიუჯეტო თანხების ხარჯვას აღნიშნული ნაბიჯის განსახორციელებლად.

 

„გარდა ამისა, ინიციატივა მხარს უჭერს ნატო-ს წევრების მისწრაფებას მშპ-ს სულ მცირე 2% მოახმარონ თავდაცვის ხარჯებს“, - აღნიშნა კონგრესმენმა.

კომპანია „Facebook“-მა რამდენიმე ასეული ანგარიშისა და გვერდის გაუქმების შესახებ განაცხადა, რომლებიც საეჭვო ქმედებებში იყვნენ ეჭვმიტანალი. ამის შესახებ „ბი-ბი-სი“ იუწყება. კომპანიის განცხადებით, ეს გვერდები, შესაძლოა, რუსეთთან და რუსულ საინფორმაციო სააგენტო „სპუტნიკთან“ იყვნენ დაკავშირებული.

 

„ჩვენ აღმოვაჩინეთ ორი ოპერაცია, რომელიც რუსეთიდან მომდინარეობდა: პირველი ეხებოდა მთელ რიგ ქვეყნებს, მეორე კი - უკრაინას. ჩვენ ამ ოპერაციებს შორის რამე სახის კავშირი ვერ აღმოვაჩინეთ, მაგრამ მათში მსგავსი ტაქტიკა გამოიყენებოდა - ექაუნთების ქსელის შექმნა, რომელიც გაურკვევლობას ქმნიდა, თუ ვინ იყვნენ და რას საქმიანობდნენ“, - განაცხადა კომპანიამ.

 

კომპანიის განცხადების თანახმად, პირველი ოპერაცია ეხებოდა ბალტიის ქვეყნებს, ცენტრალურ აზიას, კავკასიას, ცენტრალურ და აღმოსავლეთ ევროპას. მის აღსაკვეთად წაიშალა 364 გვერდი და ანგარიში „Facebook“-ში, რომლებიც პოზიციონირებდნენ, როგორც დამოუკიდებელი ახალი ამბების რესურსები. კომპანიამ აღმოაჩინა, რომ ეს გვერდები და ანგარიშები დაკავშირებული იყვნენ მოსკოვის საინფორმაციო სააგენტო „სპუტნიკის“ თანამშრომლებთან. ასევე აღმოჩნდა, რომ ცალკეული გვერდები რეგულარულად აშუქებდნენ ნატოს მიმართ უკმაყოფილების თემებს, საპროტესტო მოძრაობებს.

 

მათივე ინფორმაციით, წაშლილ გევრდებს 790 ათასი ხელმომწერი ჰყავდათ, მათი რეკლამირებისთვის კი დახარჯული იყო 135 ათასი აშშ დოლარი.

ვენესუელის ოპოზიციის ლიდერმა 35 წლის ხუან გუაიდომ ათასობით ადამიანის წინაშე თავი პრეზიდენტად გამოაცხადა. ეროვნული ასამბლეის თავმჯდომარემ ფიციც დადო და არმიას მოუწოდა ხალხის მხარეს გადავიდეს. ხუან გუაიდო ოპოზიციის მიერ კონტროლირებული ეროვნული ასამბლეის თავმჯდომარე 5 იანვარს აირჩიეს.

 

„ვფიცავ, რომ როგორც პრეზიდენტის მოვალეობის შემსრულებელი ძალაუფლებას გადავიბარებ, რომ ვუზრუნველყოთ უზურპაციის, მოღალატე მთავრობის დასასრული და თავისუფალი არჩევნების ჩატარება,“ - განაცხადა ხუან გუაიდომ.

 

ვიდრე ის ხალხის წინაშე, როგორც პრეზიდენტი ფიცს დადებდა, კარკასის ქუჩებში მადუროს ხელისუფლების მოწინააღმდეგეებმა მასშტაბური მსვლელობები მოაწყვეს.

 

აქცია მალევე გადაიზარდა პოლიციასთან შეტაკებაში. სამართალდამცველებმა დემონსტრანტების წინააღმდეგ ცრემლსადენი გაზი და რეზინის ტყვიები გამოიყენეს. შეტაკებების შედეგად 14 დემონსტრანტი დაიღუპა.

 

თავად მადურო ძალაუფლების დათმობას არ აპირებს და შეერთებულ შტატებს ქვეყნის შიდა საქმეებში ჩარევაში, ოპოზიციას კი გადატრიალების მოწყობაში ადანაშაულებს. მას შემდეგ, რაც დონალდ ტრამპმა ოპოზიციის ლიდერი პრეზიდენტად ცნო, ნიკოლა მადურომ ვაშინგტონთან ყველა სახის ურთიერთობის გაწყვეტის შესახებ გამოაცხადა და ამერიკელ დიპლომატებს ქვეყნის დასატოვებლად სამი დღე მისცა.

 

მასშტაბური პროტესტის მიზეზი ნავთობის სიმდიდრით რიგით მეხუთე ქვეყანაში ვენესუელაში ეკონომიკური კრიზისი, კორუფცია, რეკორდული ინფლაცია და უშუქობა გახდა. ბოლო წლებში ქვეყანაში პირველადი მოხმარების ნივთების შოვნაც კი პრობლემას წარმოადგენდა. გაეროს მონაცემებით 2014 წლის შემდეგ ქვეყანა 3 მილიონზე მეტმა ადამიანმა დატოვა.

აშშ-ის პრეზიდენტმა დონალდ ტრამპმა „შათდაუნის“ (მთავრობის მიერ მუშაობის შეწყვეტა) შესაჩერებლად ახალი გეგმა წარადგინა. ტრამპი კვლავ ითხოვს მექსიკის საზღვარზე კედლისმშენებლობისთვის ბიუჯეტიდან 5,7 მილიარდი დოლარის გამოყოფას, თუმცა სანაცვლოდ მზად არის, მიიღოს კანონი, რომელიც გარკვეული კატეგორიის მიგრანტებს დეპორტაციისგან დაიცავს.

 

მისივე განცხადებით, მიგრანტები, რომლებიც აშშ-ში მშობლებთან ერთად ბავშვობაში ჩავიდნენ, მოქალაქეობას მიიღებენ. დემოკრატები ტრამპის განცხადებას ეწინააღმდეგებიან და მას მიგრანტების თემის მოგვიანებით განხილვისკენ მოუწოდებენ.

 

შეგახსენებთ, რომ აშშ-ში უკვე 29-ე დღეა, რაც „შათდაუნი“ (მთავრობის მიერ მუშაობის შეწყვეტა) გრძელდება. კერძოდ, აშშ-ს პრეზიდენტმა დონალდ ტრამპმა განაცხადა, რომ აშშ-ს ფედერალური მთავრობა მუშაობას არ განაახლებს, ვიდრე „დემოკრატები“ კონგრესში მექსიკასთან საზღვარზე კედლის აშენებისთვის დაფინანსებას არ გამოყოფენ. შედეგად დაახლოებით 800 000 ადამიანს ხელფასის გარეშე უწევს მუშაობა.

აშშ კვლავ მოელის ჩრდილოეთ კორეის ხელისუფლებისგან კონკრეტულ ნაბიჯებს კორეის ნახევარკუნძულის დენუკლეარიზაციის კუთხით, - ამის შესახებ აშშ-ს ვიცე-პრეზიდენტმა მაიკ პენსმა განაცხადა.

 

„მაშინ, როდესაც აშშ-ს პრეზიდენტმა დონალდ ტრამპმა იმედისმომცემი დიალოგი დაიწყო ჩრდილოეთ კორეის სახელმწიფო საბჭოს თავმჯდომარე კიმ ჩენ ინთან, ჩვენ კვლავ მოველით ჩრდილოეთ კორეისგან კონკრეტულ ნაბიჯებს ბირთვული შეიარაღების ლიკვიდირების კუთხით, რაც საფრთხეს უქმნის ჩვენს ხალხს და რეგიონში ჩვენს მოკავშირეებს“, - განაცხადა აშშ-ს ვიცე-პრეზიდენტმა.

 

შეგახსენებთ, რომ აქამდე თეთრ სახლში განაცხადეს, რომ აშშ და ჩრდილოეთ კორეა განაგრძობენ თანამშრომლობას, რომლის მიზანია კორეის ნახევარკუნძულის დენუკლეარიზაცია.

ვენესუელას დედაქალაქში, კარაკასში საპროტესტო აქციების დროს 30 ადამიანი დააკავეს. ამის შესახებ ინფორმაციას გამოცემა El Nacional ავრცელებს.

 

პოლიციელებმა და ეროვნული გვარდიის წევრებმა მანიფესტანტები ცრემლსადენი გაზისა და რეზინის ტყვიების გამოყენებით დაარბიეს.

 

დაუდასტურებული ინფორმაციით, დარბევისას ერთი მანიფესტანტი დაიღუპა.

 

საპროტესტო აქციები ვენესუელას სხვა ქალაქებშიც მიმდინარეობს. კერძოდ, ქალაქ პუერტო-კაბელიოში ანტისამთავრობო პროტესტის მონაწილეებმა ცეცხლი წაუკიდეს პოლიციის განყოფილებას.

 

შეგახსენებთ, რომ დღეს ვენესუელაში ოპოზიცია და მთავრობის მხარდამჭერები მასშტაბურ მსვლელობებს გამართავენ.

აშშ-ს პრეზიდენტის დონალდ ტრამპისა და ჩრდილოეთ კორეის ლიდერის კიმ ჩენ ინის მეორე შეხვედრა მიმდინარე წლის თებერვალში გაიმართება. ამის შესახებ თეთრი სახლის ოფიციალურმა წარმომადგენელმა სარა სანდერსმა განაცხადა.

 

შეგახსენებთ, რომ გუშინ ტრამპი თეთრ სახლში ჩრდილოეთ კორეის მუშაკთა პარტიის ცენტრალური კომიტეტის ვიცე-პრეზიდენტს კიმ იონ ჩხოლსს შეხვდა.

 

„დონალდ ტრამპის შეხვედრა კიმ იონ ჩხოლთან 1 საათი და 30 წუთი გაგრძელდა. მხარეებმა დენუკლეარიზაციისა და ორი ქვეყნის ლიდერებს შორის მეორე შეხვედრის გამართვის საკითხები განიხილეს. ეს შეხვედრა თებერვლის ბოლოს გაიმართება. პრეზიდენტი მოუთმენლად ელოდება კიმ ჩენ ინთან შეხვედრას. შეხვედრის ჩატარების ადგილი მოგვიანებით იქნება გამოცხადებული“, - განაცხადა სარა სანდერსმა.

 

შეგახსენებთ, რომ დონალდ ტრამპსა და კიმ ჩენ ინს შორის პირველი შეხვედრა გასული წლის 2 ივლისს სინგაპურში შედგა. შეხვედრის შედეგად მხარეებმა ერთობლივი განცხადება მიიღეს, რომელშიც ოფიციალურმა ფხენიანმა კორეის ნახევარკუნძულის დენუკლეარიზაციისთვის საჭირო ნაბიჯების განხორციელების მზაობა დააფიქსირა.

ვენესუელას საგარეო საქმეთა მინისტრი ხორხე არეასი მიიჩნევს, რომ აშშ-ს სახელმწიფო მდივანი მაიკ პომპეო თავისი განცხადებებით ვენესუელაში სახელმწიფო გადატრიალების განხორციელებას ხელს უწყობს.

 

„სახელმწიფო მდივანი მაიკ პომპეო, რომელსაც არ სურს შეარბილოს დანაშაულებრივი ეკონომიკური ბლოკადა და საერთაშორისო აგრესია ვენესუელას წინააღმდეგ, ახლა უკვე ღიად უწყობს ხელს სახელმწიფო გადატრიალებას და მაგალითად ვენესუელას კონსტიტუცია მოჰყავს, რომელიც მან, როგორც ჩანს, არ იცის“, - განაცხადა ვენესუელას საგარეო უწყების ხელმძღვანელმა.

 

ხოსე არეასმა ასევე აღნიშნა, რომ ვენესუელა საკუთარი დემოკრატიისადმი პატივისცემას ითხოვს.

 

„მაშინ, როდესაც ნიკოლას მადურო აშშ-სთან დიალოგისკენ მიისწრაფის, სახელმწიფო მდივანი პომპეო და სხვა ექსტრემისტები ცდილობენ ქვეყანაში დესტაბილიზაცია გამოიწვიონ და ძალადობას აქეზებენ. ვენესუელელი ხალხი საკუთარ სუვერენიტეტსა და კონსტიტუციას დაიცავს“, - აღნიშნა მან.

ექსკლუზიური

არქივი

« « » » აგვისტო 2019
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?