Global Press

Georgia

Global PressGlobal PressGlobal PressGlobal Press

USD
3.2117
EUR
3.7763
RUR
0.0413
GBP
4.1678

აშშ-ში, ლოს-ანჯელესის ზოოპარკის თანამშრომლებმა, შეყვარებული ლომების წყვილი ერთ დღეს დააძინეს. ამის შესახებ ინფორმაცია ზოოპარკის Facebook-ზე გავრცელდა.

 

21 წლის ლომები ჰუბერტი და კალისა აშშ-ის სხვადასხვა ქალაქებში დაიბადნენ და ერთმანეთს პირველად Woodland Park Zoo-ში შეხვდნენ, სადაც მათი „რომანი“ დაიწყო.

 

2014 წელს წყვილი ლოს-ანჯელესის ზოოპარკში გადმოიყვანეს. ზოოპარკის თანამშრომლები აცხადებენ, რომ ლომების ეს წყვილი ზოოპარკში პოპულარობით სარგებლობდა. 2020 წლის 30 ივლისს ზოოპარკის ვეტერინარებმა ცხოველებს ევთანაზია ერთ დღეს ჩაუტარეს. მიზეზი ლომების ჯანმრთელობის მდგომარეობის გაუარესება გახდა. ვეტერინარები აცხადებენ, რომ გადაწყვეტილება იმიტომ მიიღეს, რომ ლომები ერთმანეთის გარეშე ვერ გაძლებდნენ.

 

ზოოპარკის თანამშრომლების ცნობით, ლომები ტყვეობაში საშუალოდ 17 წელს ცოცხლობენ, ველურ ბუნებაში 10-14 წელს.

 

  

კამბოჯის ერთ-ერთ ყველაზე პოპულარულ ტურისტულ დანიშნულებაში, ქალაქ სიემ რიპში ძაღლის ხორცით ვაჭრობა აიკრძალა. ამის შესახებ France 24 იტყობინება.

 

გამოცემის ინფორმაციით, პროვინცია, სადაც ქვეყნის ყველაზე ცნობილი ღირშესანიშნაობა, კომპლექსი ანგკორ-ვატი მდებარეობს, ქვეყანაში ძაღლის ხორცით ვაჭრობის ცენტრს წარმოადგენდა, ამიტომ ცხოველთა უფლებების დამცველი ორგანიზაციები გადაწყვეტილებას მიესალმებიან და იმედს გამოთქვამენ, რომ სიემ რიპის მაგალითს მალე მთელი კამბოჯა გაიზიარებს.

 

კანონმდებლობა აკრძალვის დარღვევისთვის ჯარიმას ითვალისწინებს: 5 წელი ციხეში და ფულადი ჯარიმა 1 700-დან 12 200 აშშ დოლარამდე.

 

აზიის ქვეყნებში ძაღლის ხორცი პროტეინის იაფფასიან წყაროს წარმოადგენს. კამბოჯაში ყოველწლიურად ხორცის გამო 3 მილიონამდე ძაღლს ხოცავენ. სიემ რიპში ძაღლის ხორცისგან დამზადებული კერძების დაგემოვნება 20 რესტორანში შეიძლებოდა. მათი ფასი 2.5-დან 10 აშშ დოლარამდე მერყეობს.

 

რამდენიმე დღის წინ ძაღლის ხორცით ვაჭრობა ინდოეთის ერთ-ერთ შტატშიც აკრძალეს.

ავსტრალიაში, შტატ კვინსლენდის ქალაქ მარუჩიოდორაში კატამ 12 წუთი ჩართულ სარეცხის მანქანაში გაატარა და გადარჩა. ამის შესახებ Daily Mail წერს.

 

ორი წლის კატის ოსკარის მფლობელი ამანდა მერედიტი აცხადებს, რომ გაიგო უცნაური კნავილის მსგავსი ხმა მას შემდეგ, რაც მისმა ქმარმა სარეცხის მანქანა ჩართო. ქალმა იფიქრა რომ ხმა კარადიდან ისმოდა. კნავილის ხმა ისევ ისმოდა, ქალმა კატის ძებნა დაიწყო. ორი წლის ოსკარი ჩართულ სარეცხის მანქანაში იჯდა და პატრონს შუშიდან შეშინებული უყურებდა.

 

ქალმა მანქანის გათიშვა წურვის რეჟიმის ჩართვამდე მოასწრო. ვიდრე კარი განიბლოკა, კატამ სარეცხის მანქანაში კიდევ ორი წუთი გაატარა (ჯამში 12 წუთი).

 

მომდევნო 24 საათი ოსკარმა ვეტერინარულ კლინიკაში დაჰყო. მას დაჟეჟილობები აქვს და ვეტექიმმა ანთების საწინააღმდეგო აბები დაუნიშნა. პატრონის თქმით ოსკარი რეაბილიტაციის პროცესს გადის.

თბილისში, ცხოველთა მონიტორინგის სამსახურის თანამშრომლებმა პითონი დაიჭირეს. ინფორმაცია ამის შესახებ უწყების Facebook-ზე გავრცელდა.

 

არსებული ინფორმაციით, ქვეწარმავალი ერთ-ერთ მოქალაქეს გაექცა, რის შესახებაც მან მონიტორინგის სამსახურს შეატყობინა. სპეციალისტები აღნიშნავენ, რომ მახრჩობელა გველი საფრთხეს შეუქმნიდა როგორც ადამიანებს, ასევე ქალაქში ბინადარ ცხოველებს.

 

„საპატრულო პოლიციამ მყისიერად დაიწყო მოსახლეობის ევაკუაცია და "გრძელი ღამეც" დაიწყო. დავანგრიეთ მრავალი კედელი, მაქსიმალურად, გავასუფთავეთ უზარმაზარი ტერიტორია ავეჯისა და ნივთებისგან ფანრის შუქზე თითქმის შიშველი ხელებით. არ დაგვიტოვებია არცერთი კუთხე, არც კუნჭული და მთავარი ,,დამნაშავეც" გამოვიჭირეთ. ჩვენ ბედნიერები, ცოტათი ამაყებიც დავბრუნდით ბაზაზე, წინ კიდევ ბევრი საქმეა“, - წერენ მონიტორინგის სამსახურში.

მსოფლიოში ყველაზე ასაკოვანი კატა 31 წლისა მოკვდა. Daily Mail-ის ცნობით, მეინ-კუნის ჯიშის კატა, სახელად რაბლი დიდი ბრიტანეთის ქალაქ ექსეტერში ცხოვრობდა.

 

მისი პატრონის, 51 წლის მიშელ ჰერითეჯის განცხადებით, კატა მას დაბადების დღეზე, 20 წლის იუბილეზე აჩუქეს და მას შემდეგ რაბლი მიშელთან ცხოვრობდა. მიშელის თქმით, კატა არ ავადმყოფობდა, უბრალოდ სახლიდან წავიდა და აღარ დაბრუნებულა.

 

მსოფლიოში ყველაზე ასაკოვანი კატის წოდება რაბლმა შარშან მოიპოვა. წინა რეკორდსმენი, ტეხასის შტატში მცხოვრები კატა სახელად სკუტერი, 2016 წელს, 30 წლისა მოკვდა.

ინდოეთის შტატ ნაგალანდში ძაღლის ხორცის იმპორტი და გაყიდვა აიკრძალა. ამის შესახებ BBC წერს.

 

გამოცემის ინფორმაციით, შტატის ხელმძღვანელობამ ასეთი გადაწყვეტილება ცხოველთა უფლებათა დამცველი ორგანიზაციების კამპანიის შემდეგ მიიღო. ორგანიზაციებში კი ეს ინდოეთში ძაღლების მიმართ სისასტიკის აღკვეთისთვის გადამწყვეტ ნაბიჯად შეაფასეს.

 

ამასთან, რამდენიმე სამოქალაქო ორგანიზაციამ გადაწყვეტილება გააკრიტიკა და შტატის კვების კულტურაზე თავდასხმად შეაფასა.

 

ინდოეთის ნაწილებში ძაღლის ხორცის ჭამა აკრძალულია, მაგრამ ქვეყნის ჩრდილოეთ-აღმოსავლეთის გარკვეულ რეგიონებში ეს დელიკატესად ითვლება.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?