Global Press

Georgia

Global PressGlobal PressGlobal PressGlobal Press

USD
3.2117
EUR
3.7763
RUR
0.0413
GBP
4.1678

რუსეთი არასდროს ერევა საკუთარი მეზობლების, და საერთოდ სხვა ქვეყნების, საშინაო საქმეებში, - რუსული მედიის ინფორმაციით, ამის შესახებ რუსეთის პრეზიდენტმა ვლადიმერ პუტინმა ყირგიზეთის პრეზიდენტ სოორონბაი ჟეენბეკოვისთან შეხვედრაზე განაცხადა.

 

შეხვედრაზე ყირგიზეთის პრეზიდენტმა აღნიშნა, რომ ქვეყანაში საპარლამენტო არჩევნების წინ „სხვადასხვა ძალები გააქტიურდნენ", რომლებიც ეწინააღმდეგებიან სტაბილურობას და განვითარებას და საფრთხეს უქმნიან რესპუბლიკის სუვერენიტეტს.

 

„იცით, რომ ზოგადად, ჩვენ არასდროს ვერევით ჩვენი მეზობლების, და საერთოდ სხვა ქვეყნების, შიდა საქმეებში. მაგრამ ყოველთვის მხარს ვუჭერთ მოქმედი ხელისუფლების მცდელობას, დაასტაბილუროს სიტუაცია,“- აღნიშნა პუტინმა.

 

ყირგიზეთში საპარლამენტო არჩევნები 4 ოქტომბერს ტარდება.

პირველად ისტორიაში დღეს ისრაელიდან არაბთა გაერთიანებულ საამიროებში პირდაპირი რეისი განხორციელდება.

 

ისრაელსა და არაბთა გაერთიანებულ საამიროებს შორის ურთიერთობების ნორმალიზების ფარგლებში დავიდ ბენ-გურიონის აეროპორტიდან აბუ-დაბიში ამერიკულ-ისრაელური დელეგაცია გაემგზავრება.

 

დელეგაციის წევრებს შორის არიან ისრაელის ეროვნული უსაფრთხოების საბჭოს ხელმძღვანელი, მეირ ბენ-შაბათი, ეროვნული უსაფრთხოებიოს საკითხებში აშშ-ის პრეზიდენტის მრჩეველი, რობერტ ობრაიენი და აშშ-ის პრეზიდენტის მრჩეველი და სიძე, ჯარედ კუშნერი.

 

13 აგვისტოს ისრაელი და არაბთა გაერთიანებული საამიროები ურთიერთობების სრულ ნორმალიზებაზე შეთანხმდნენ. არაბთა გაერთიანებული საამიროები გახდა მესამე არაბული ქვეყანა, რომელმაც ისრაელთან მშვიდობიანი შეთანხმება გააფორმა. პირველი 1979 წელს ეგვიპტე, მეორე კი 1994 წელს იორდანია იყო. 29 აგვისტოს არაბთა გაერთიანებულმა საამიროებმა ისრაელის წინააღმდეგ 1972 წელს დაწესებული

ისრაელში ანტისამთვრობო აქციაზე 10-მდე ადამიანი დაშავდა. პოლიციამ აქციის 5 მონაწილე დააკავა. მშვიდობიანი მსვლელობა დაპირისპირებაში მას შემდეგ გადაიზარდა, რაც მომიტინგეები პრემიერმინისტრის სასახლის ეზოში შეჭრას შეეცადნენ.

 

მოსახლეობა ბენიამინ ნათანიაჰუს კურუფციასა და ეპიდემიის დროს უკანონო გადაწყვეტილებების მიღებაში ადანაშაულებს და მის გადადგომას მოითხოვს.

ყაზახეთმა სიკვდილით დასჯა სრულად გააუქმა, ამის შესნახებ ინფორმაციას dw.com ავრცელებს.

 

როგორც გამოცემა წერს, ყაზახეთის საგარეო საქმეში აცხადებენ, რომ ქვეყანა ადამიანის სამოქალაქო და პოლიტიკურ უფლებათა საერთაშორისო აქტის მეორე ფაკულტატურ პროტოკოლს შეუერთდა.

 

აღნიშნული გადაწვეტილება, ყზახეთის პრეზიდენტმა კასიმ-ჟომარტ ტოკაევმა, გაეროს გენერალური ასამბლეის 75-ე სესიის ზოგად პოლიტიკურ დებატებზე ვიდომიმართვისას გამოაცხადა. მან გამოსვლისას აღნიშნა, რომ ყაზახეთი მოწოდებულია შეასრულოს ცხოვრების ძირითადი უფლებები და ადამიანის ღირსება.

 

აღსანისშნავია, რომ ყაზახეთში სიკვდილით დასჯაზე მორატორიუმი 2003 წლიდან მოქმედებს. ამასთანავე, სიკკვდილის დასჯა, როგორც სისხლისსამართლებრივი სასჯელი, არ გაუქმებულა და მისი აღსრულება მორატორიუმის მოხსნიდან ერთი წლის განმავლობაშ გახდებოდა შესაძლებელი.

 

ასევე აღსანიშნავია, რომ ყაზახეთში, 2004 წლიდან სამუდამო პატიმრობა გამოიყენება სიკვდილით დასჯის ნაცვლად.

 

dw.com ინფორმაციით ქვეყანაში, მხოლოდ ერთი სიკვდილის დასჯის განაჩენია, ეს არის ,,ალმა-ატას მსროლელი“ რუსლან კულეკბაევი, რომელიც დამანშავედ ცნეს ალმა-ატაში 2016 წელს 10 ადამიანის დახვრეტაში

იაპონიის პრემიერ-მინისტრმა გადადგომის შესახებ განაცხადა. შინზო აბეს თქმით, ის მოვალეობის შესრულებას გააგრძელებს, სანამ ლიბერალურ-დემოკრატიული პარტია მის შემცვლელს არ დაასახელებს. ამის შესახებ ადგილობრივი მედია წერს.

 

გავრცელებული ინფორმაციით, პოლიტიკოსმა ეს გადაწყვეტილება ჯანმრთელობის მდგომარეობის გაუარესების გამო მიიღო. შინზო აბე მრავალი წელია წყლულოვანი კოლიტითაა დაავადებული. ამის გამო ის 2007 წელსაც გადადგა, თუმცა შემდეგ მისი მდგომარეობა გაუმჯობესდა და 2012 წელს აბე კვლავ პრემიერ-მინისტრად აირჩიეს.

 

2020 წლის აგვისტოში აბე იაპონიის ისტორიაში მთარობის მეთაურის პოსტზე ყველაზე ხანგრძლივი ვადით მყოფი პრემიერი გახდა.

ლიბანის ინფორმაციის მინისტრმა, მანალ აბდელ სამადმა თანამდებობა დატოვა, - ამის შესახებ Reuters-ი წერს.

 

მინისტრს გადაწყვეტილების შესახებ მეტი დეტალი არ უთქვამს, თუმცა, როგორც გამოცემა წერს, ეს ბეირუთში მომხდარ აფეთქებას უკავშირდება.

 

ძლიერი აფეთქება ბეირუთის პორტში 4 აგვისტოს საღამოს მოხდა, რამაც ქალაქში შენობების ნგრევა გამოიწვია. ბოლო მონაცემებით, დაღუპულია 158 ადამიანი. ქალაქის გუბერნატორმა, მარვან აბუდმა განაცხადა, რომ მომხდარი აფეთქების შედეგად, 300 ათასი ადამიანი თავშესაფრის გარეშე დარჩა.

 

მომხდარს ლიბანში ანტისამთავრობო აქციები მოჰყვა. მოქალაქეები ხუთი დღის წინ მომხდარ აფეთქებას აპროტესტებენ, ხელისუფლებას გულგრილობაში ადანაშაულებენ და მთავრობის გადადგომას მოითხოვენ.

ინდოეთის მთავრობის გადაწყვეტილებით, ახალი კორონავირუსის გავრცელების პრევენციისთვის, მარტში დახურული ტაჯ მაჰალის ტაძარი ვიზიტორებისთვის კვლავ გაიხსნა, - ამის შესახებ BBC წერს.

 

მსოფლიოში ერთ-ერთი ყველაზე პოპულარული ტურისტული ღირსშესანიშნაობა დღის განმავლობაში მხოლოდ 5 000 ვიზიტორს მიიღებს და სავალდებულო იქნება უსაფრთხოების ზომების დაცვა. პანდემიამდე მას დღეში 70 ათასამდე ადამიანი სტუმრობდა

 

. ვიზიტორებს ბილეთების ელექტრონულად შეძენა, თერმოსკრინინგის გავლა, პირბადის ტარება და დისტანციის დაცვა მოუწევთ.

 

ქალაქ აგრაში მდებარე მარმარილოს მავზოლეუმი ტაჯ მაჰალი, რომელიც იუნესკოს ისტორიული ძეგლების მემკვიდრეობის სიაშია, კორონავირუსის გამო ვიზიტორებისთვის 17 მარტს დაიხურა.

 

ინდოეთის ტურიზმის სამინისტროს ოფიციალური სტატისტიკით, 2018 წელს ტაჯ მაჰალს 6,5 მილიონი ვიზიტორი სტუმრობდა.

 

ინდოეთში ახალი კორონავირუსით ინფიცირების საერთო მაჩვენებელმა 5.4 მილიონს გადააჭარბა. სულ ქვეყანაში 87 ათასამდე კოვიდინფიცირებული გარდაიცვალა.

 

ინდოეთში კოვიდინფიცირების პირველი შემთხვევა 30 იანვარს გამოვლინდა.

ჩრდილოეთ კორეაში წყალდიდობის შედეგად სავარაუდოდ ქვეყნის ძირითადი ბირთვული კომპლექსი სამეცნიერო-კვლევითი ცენტრი იონბიონი დაიტბორა. ინფორმაციას ამის შესახებ ჯგუფ 38 North-ის მკვლევრებმა გაავრცელეს.

 

მათ სატელიტური ფოტოები შეისწავლეს და დაადგინეს, რომ ცენტრის გვერდით მდინარეში წყლის დონემ იმატა. რამდენიმე დღეში გადაღებულ სურათებზე კი ჩანს, რომ წყლის დონემ დაიწია და ბირთვული ობიექტი არ დააზიანა.

 

ანგარიშის ავტორები აღნიშნავენ, რომ ბირთვული რეაქტორი, რომელსაც შესაძლოა პლუტონიუმის წარმოებისთვის იყენებენ, უკვე რამდენიმე თვეა არ მუშაობს.

ლიბანის დედაქალაქში ანტისახელისუფლებო გამოსვლებისას სულ მცირე 728 ადამიანი დაშავდა, 19 აქტივისტი კი დააკავეს. ამის შესახებ Al Jazeera წერს.

 

8 აგვისტოს ბეირუთის ცენტრში ათასობით ადამიანი შეიკრიბა, რათა პორტში მომხდარი აფეთქების დროს დაღუპულების ხსოვნისთვის პატივი მიეგო. მოგვიანებით აქცია ანტისახელისუფლებო გამოსვლაში გადაიზარდა, დემონსტრანტების ნაწილი კი ჯერ საგარეო საქმეთა, შემდეგ კი ეკონომიკისა და ენერგეტიკის სამინისტროების შენობებში შეიჭრა. დედაქალაქის ცენტრში შეტაკებების დროს ერთი სამართალდამცველი დაიღუპა.

 

ძლიერი აფეთქება ბეირუთის პორტში 4 აგვისტოს საღამოს მოხდა, რამაც ქალაქში შენობების ნგრევა გამოიწვია. ბოლო მონაცემებით, დაღუპულია 158 ადამიანი. ქალაქის გუბერნატორმა, მარვან აბუდმა განაცხადა, რომ მომხდარი აფეთქების შედეგად, 300 ათასი ადამიანი თავშესაფრის გარეშე დარჩა.

ჩინეთში ოჯახმა 38 წლის წინ დაკარგულ შვილი დაიბრუნა. ბავშვი 2 წლის იყო როდესაც გაიტაცეს. ამის შესახებ Daily Mail წერს.

 

გამოცემის ცნობით ოჯახი პროვინცია შენსიში სოფლად ცხოვრობდა. 2 წლის ვაჟი 1982 წლის 12 მაისს მოულოდნელად დაიკარგა. დედამ აღმოაჩინა, რომ დილით ბავშვი სახლში არ იყო. ბავშვის ძებნაში მთელი სოფელი ჩაერთო, თუმცა გაუჩინარებული ბიჭი ვერ იპოვეს.

 

მამა შვილს სხვა ქალაქებშიც ეძებდა, ცდილობდა ინფორმაციის მოპოვებას ბავშვის შესახებ. დაკარგული ბავშვის დედას ნერვული აშლილობის ნიადაგზე ფსიქოლოგიური პრობლემები დაეწყო.

 

38 წლის შემდეგ, პოლიციამ დაკარგული შვილის 70 წლის მშობლებს აცნობა, რომ მათი ვაჟი ნაპოვნია. მისი პოვნა ბაზაში არსებული დნმ-ის ანალიზით მოხდა. უკვე 40 წლის ასაკში ცზინ შუი სხვა სახელით და გვარით, ცოლთან და ორ შვილთან ერთად ოჯახიდან 1000 კილომეტრის მოშორებით ცხოვრობდა.

 

ჩინეთში ბავშვებით ვაჭრობის პრობლემა მწვავედ დგას. გამოცემის ცნობით, ქვეყანაში ყოველ წელს სხვადასხვა ასაკის 70 ათასამდე ბავშვი იკარგება.

ერაყის შეიარაღებულ ძალებში აცხადებენ, რომ თურქული უპილოტო თვითმფრინავის თავდასხმას უსაფრთხოების ძალების ორი მაღალჩინოსანი და მათი მძღოლი ემსხვერპლა, - ამის შესახებ Aljazeera წერს.

 

ერაყის არმიის ცნობით, შემთხვევა ქვეყნის ჩრდილოეთით მდებარე იმ სასაზღვრო პერიმეტრში მოხდა, სადაც ანკარა, ბოლო კვირების განმავლობაში პოზიციებს იმყარებს და უპირისპირდება იმ მებრძოლებს, რომელთაც თურქეთი ტერორისტებად მიიჩნევს.

 

ეს პირველი შემთხვევაა, როცა ჩრდილოეთ ერაყში (სადაც ანკარა ქურთისტანის მუშათა პარტიის (PKK) წინააღმდეგ ოპერაციას ახორციელებს) იერიშისას ერაყის რეგულარული ძალების წევრები მოკლეს.

 

თურქეთს, მომხდართან დაკავშირებით, განცხადება ამ დრომდე არ გაუკეთებია.

 

ქურთისტანის მუშათა პარტია, რომელსაც თურქეთი, აშშ და ევროკავშირი ტერორისტულ ორგანიზაციად მიიჩნევს, თითქმის 40 წლის განმავლობაში აწარმოებს ომს თურქეთის წინააღმდეგ და ქურთებისთვის მეტ უფლებებს მოითხოვს. ამ ბრძოლას დღემდე ათობით ათასი ადამიანი ემსხვერპლა.

ლიბანის ხელისუფლებამ ქვეყნის დედაქალაქი ბეირუთი კატასტროფის ზონად გამოაცხადა. ამის შესახებ ინფორმაციის მინისტრმა, მანალ აბდელ სამად ნაჟდმა განაცხადა.

 

მინისტრის თქმით, ბეირუთში ორი კვირის განმავლობაში საგანგებო მდგომარეობის რეჟიმი იმოქმედებს.

 

„თავდაცვის საბჭო უშუალოდ იქნება პასუხისმგებელი უსაფრთხოების უზრუნველყოფაზე. მთავრობა ასევე გადადგამს ყველა ნაბიჯს, რათა ექსპორტისა და იმპორტის ოპერაციების მდგრადობა უზრუნველყოს“, - აღნიშნა მინისტრმა.

 

ძლიერი აფეთქება ბეირუთის პორტში 4 აგვისტოს საღამოს მოხდა. მომხდარი აფეთქების შედეგად დაღუპულთა რაოდენობა 100-მდე გაიზარდა, დაშავებულია 4 000 ადამიანი.

 

ლიბანის ხელისუფლება მსხვერპლის ზრდას ელოდება, რადგან ბევრი ადამიანი დაკარგულად ითვლება. შენობების ნანგრევებში ცხედრებს ამ დრომდე პოულობენ.ბეირუთში საავადმყოფოები გადავსებულია და პაციენტებს პირველად სამედიცინო დახმარებას ექიმები ქუჩებში უწევენ.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?