Global Press

Georgia

Global PressGlobal PressGlobal PressGlobal Press

USD
3.2413
EUR
3.546
RUR
0.0412
GBP
4.0127

კორონავირუსის გამო ბოლო ექვსი დღის განმავლობაში, მსოფლიოს 500 უმდიდრესი ადამიანის ქონება 444 მილიარდი დოლარით შემცირდა. ამის შესახებ ინფორმაციას Bloomberg-ი ავრცელებს.

 

გამოცემა S&P Dow Jones Index -ზე დაყრდნობით წერს, რომ ვირუსის გავრცელების მიზეზით მსოფლიო საფონდო ბირჟებმა მაშტაბური დაცემა განიცადეს და 6 ტრილიონი აშშ დოლარი დაკარგეს.

 

Bloomberg - თან ინტერვიუში S&P Dow Jones Index-ის უფროსი ანალიტიკოსი ჰოვარდ სილვერბალტი ამბობს, რომ ინვესტორები შიშობენ კოროვირუსის COVID-19- ის პანდემიაში შესაძლო გადაზრდის გამო.

 

,,მთელს მსოფლიოში საფონდო ბირჟებზე კორექტირების ზონაში ჩადიან, რადგან ინვესტორები შიშობენ, რომ კოროვირუსის COVID-19- ი პანდემიაში გადაიზრდება. მხოლოდ აშშ–ს საფონდო ბირჟამ 6 დღეში დაკარგა დაახლოებით 4 ტრილიონი დოლარი“,- ამბობს S&P Dow Jones Index– ის უფროსი ანალიტიკოსი.

 

ყველაზე დიდი ზარალი Amazon-ის დამფუძნებელმა ჯეფ ბეზოსმა განიცადა. მან 11.9 მილიარდი დოლარი დაკარგა.

 

Microsoft-ის დამფუძნებლის, ბილ გეიტსის ქონება კი 10 მილიარდით შემცირდა.

 

LVMH-ის (Louis Vuitton Moët Hennessy) ხელმძღვანელმა ბერნარ არნომ კი 9.1 მილიარდი დაკარგა.

 

ასევე, 9 მილიარდით შემცირდა Tesla-ს ხელმძღვანელის, ილონ მასკუის ქონება.

 

„დაზარალებულთა“ ათეულში არიან ამერიკელი ბიზნესმენი, Berkshire Hathaway-ის თავმჯდომარე უორენ ბაფეტი, Facebook-ის დამფუძნებელი მარკ ცუკერბერგი, Google-ის დამფუძნებლები ლარი პეიჯი და სერგეი ბრინი და მექსიკელი ბიზნესმენი, Telmex-ის მფლობელი კარლოს სლიმი.

„ანაკლიის განვითარების კონსორციუმის“ გენერალური დირექტორის, ლევან ახვლედიანის განცხადებით, სახელმწიფოსთვის დასაბრუნებელი მიწები კონსორციუმს არ აქვს. როგორც ახვლედიანმა პრესკონფერენციაზე განაცხადა, ღრმაწყლოვანი პორტის მშენებლობისთვის საჭირო მიწები სახელმწიფოს ბალანსზეა.

 

რაც შეეხება პირგასამტეხლოს, ახვლედიანის თქმით, მან არ იცის, რაზე საუბრობს ვიცე-პრემიერი მაია ცქიტიშვილი, როდესაც ამბობს, რომ კონსორციუმს პირგასამტეხლოს თანხის გადახდა მოუწევს.

 

„მიწებთან დაკავშირებით გაფორმებულია აღნაგობა, დასაბრუნებელი არაფერი არ არის იმიტომ, რომ სახელმწიფოს ბალანსზეა ის 340 ჰექტარი. ჩვენ ეს მიწები გადმოგვეცა აღნაგობით. თუ ხელშეკრულება შეწყდება, ავტომატურად აღნაგობის ხელშეკრულებებიც წყდება და ბრუნდება ბალანსზე. პირგასამტეხლოსთან დაკავშირებით მიჭირს საუბარი, რას გულისხმობს ვიცე-პრემიერი. არ მიმიღია კონკრეტული ინფორმაცია ამასთან დაკავშირებით. ხელშეკრულებით იმდენი ჯარიმებია გათვალისწინებული, რომ მთელი ნუსხა არის 3-გვერდიანი, ამიტომ, რომელ ჯარიმებზეა საუბარი ზუსტად ვერ გეტყვით“,- განაცხადა ახვლედიანმა.

 

ცნობისთვის, საქართველოს რეგიონული განვითარების და ინფრასტრუქტურის მინისტრის, მაია ცქიტიშვილის განცხადებით, „ანაკლიის განვითარების კონსორციუმს“ დარიცხული პირგასამტეხლოს გადახდა მოუწევს. მინისტრს არ დაუკონკრეტებია, რა თანხას შეადგენს ამ დროისთვის პირგასამტეხლო, თუმცა აღნიშნა, რომ სახელმწიფომ „ანაკლიის განვითარების კონსორციუმს“ 10 მილიონი დოლარის პირგასამტეხლო უკვე აპატია. ამასთან, ცქიტიშვილის განცხადებით, „ანაკლიის განვითარების კონსორციუმს“ ასევე მოუწევს სახელმწიფოს დაუბრუნოს გადაცემული მიწები და ღრმაწყლოვანი პორტის პროექტი.

„ანაკლიის განვითარების კონსორციუმი“ მიესალმება საქართველოს პრემიერ-მინისტრის გადაწყვეტილებას ანაკლიის პორტისთვის ფინანსების მოსაზიდად ვადის გახანგრძლივების შესახებ, - ამის შესახებ „ანაკლიის განვითარების კონსორციუმის“ მიერ გავრცელებულ განცხადებაშია აღნიშნული.

 

როგორც განცხადებაშია ნათქვამი, ეს ძალიან მნიშვნელოვანია საერთაშორისო ბანკებთან მოლაპარაკების პროცესის წარმატებით დასრულებისთვის, რათა მოხდეს მთავრობასა და საერთაშორისო ფინანსურ ინსტიტუტებს შორის 8 პუნქტიანი საკითხების სიაზე საბოლოო შეთანხმება.

 

„ანაკლიის განვითარების კონსორციუმი“ მთელი პასუხისმგებლობით აცხადებს, რომ მას სრულად აქვს მობილიზებული პროექტისთვის საჭირო კაპიტალი და ამის ოფიციალური გაცხადება მოხდება მაშინ, როდესაც საქართველოს მთავრობა და საერთაშორისო ფინანსური ინსტიტუტები მიაღწევენ შეთანხმებას. „ანაკლიის განვითარების კონსორციუმი“ მოცემულ ვადებში, მაქსიმალურად ასრულებს საკუთარ ვალდებულებებს, კონსორციუმმა უკვე დაასრულა ყველა საერთაშორისო ტენდერი, გამოავლინა გამარჯვებული სამშენებლო კომპანიები და მზად არის ანაკლიის პორტის მშენებლობის ახალ, კიდევ უფრო აქტიურ ფაზაში გადასასვლელად. რაც შეეხება სამშენებლო ვადებს, თუ შემდეგი ერთი თვის მანძილზე მთავრობასა და ბანკებს შორის მოხდა შეთანხმება მერვე პუნქტთან დაკავშირებით, დარწმუნებით ვაცხადებთ, რომ ანაკლიის პორტი დადგენილ ვადებში - 2020 წლის ბოლოს - 2021 წლის დასაწყისში შეძლებს პირველი გემის მიღებას,“ - აღნიშნულია განცხადებაში.

 

ცნობისთვის, მთავრობა კონსორციუმს ფინანსური დახურვის ვადას, რომელიც 15 ივნისს იწურება, 6 თვით გაუხანგრძლივებს.

„ეიპიემ ტერმინალს ფოთი“ აგრძელებს ღრმაწყლოვანი პორტის მშენებლობის პროექტზე აქტიურ მუშაობას , - ამის შესახებ „ეიპიემ ტერმინალს ფოთის” მიერ გავრცელებულ განცხადებაშია აღნიშნული.

 

„ეიპიემ ტერმინალს ფოთში” იმედს გამოთქვამენ, რომ ყველა საჭირო ნებართვას დროულად მიიღებენ და 2022 წლის მეორე კვარტლის ბოლოს ღრმაწყლოვანი პორტის მშენებლობის პირველი ფაზა დასრულდება.

 

კომპანიის განცხადებით, “ეიპიემ ტერმინალსი“ მიჰყვება ახალი ღრმაწყლოვანი პორტის განვითარების გეგმას პირველ ფაზაში 250 მილიონ დოლარზე მეტი კერძო კაპიტალის და მეორე ფაზაში დამატებით სოლიდური მოცულობის თანხის ინვესტირებით, ნავსადგურის ინფრასტრუქტურისა და ტექნიკური ბაზის მასშტაბური განვითარებისათვის.

 

„აღნიშნული ინვესტიცია სტრატეგიულად მნიშვნელოვან ფოთის საზღვაო ნავსადგურში არის ნათელი მაგალითი ჩვენი ერთგულებისა და რწმენისა საქართველოს, როგორც ქვეყნისა და ცენტრალური აზიის მიმართულებით სატრანსპორტო კორიდორის განვითარების ძალისხმევისადმი. ნავსადგურის გაფართოების პროექტი, რომლის ხარჯიც უმნიშვნელოა ქართველი გადასახადების გადამხდელებისათვის, იქნება ქვეყნისა და რეგიონის ეკონომიკის განვითარების საწინდარი, შესთავაზებს რა ჩვენს მომხმარებლებს საუკეთესო ლოგისტიკურ მომსახურებებს და გამოიყენებს მსოფლიო დონის კომპანიის გამოცდილებასა და რესურსებს, ასევე, შექმნის ათასზე მეტ დამატებით სამუშაო ადგილს და სხვადასხვა ბიზნეს შესაძლებლობას ნავსადგურსა თუ მის გარეთ“, - განმარტავს კელდ ქრისტენსენი, „ეიპიემ ტერმინალს ფოთის“ გენერალური დირექტორი.

 

კომპანიის განცხადებით, ფოთის საზღვაო ნავსადგურის გაფართოების გეგმა, რომელიც საქართველოს მთავრობას წარედგინა, მოიცავს მშენებლობისა და განვითარების ორ ეტაპს. პირველი ეტაპი გულისხმობს 1,700 მეტრი სიგრძის მოლოსა და მრავალფუნქციური ნავმისადგომის მოწყობას ზომებით 400მ. [სიგრძე] - 13.5მ. [სიღრმე]. აღნიშნულ ნავმისადგომს შეეძლება 9,000 TEU-მდე მოცულობის გემების მიღება და ის შექმნის ნაყარი ტვირთებისა და დამატებით 150,000 TEU-ს დამუშავების შესაძლებლობას. მეორე ეტაპით გათვალისწინებულია 300 მეტრი სიგრძის საკონტეინერო ნავმისადგომის აშენება, რომელზეც 3 თანამედროვე STS (გემი-ნავმისადგომი) ტიპის ამწე განთავსდება. აღნიშნული ინფრასტრუქტურის წყალობით გაორმაგდება ფოთის საზღვაო ნავსადგურის საკონტეინერო გამტარუნარიანობა და გადააჭარბებს 1 მილიონ TEU-ს წელიწადში.

 

„დარწმუნებული ვართ მთავრობის მხარდაჭერაში და გავაგრძელებთ ჩვენს თანამშრომლობას ოფიციალურ სტრუქტურებთან, რათა ფოთის საზღვაო ნავსადგურმა შეინარჩუნოს კავკასიისა და მის მიღმა მდებარე რეგიონის სატრანსპორტო კარიბჭის სტატუსი“ ,- დასძინა კელდ ქრისტენსენმა.

 

მშენებლობის სავარაუდო ვადები განისაზღვრება 24-30 თვით, რაც მოითხოვს მჭიდრო თანამშრომლობას საქართველოს მთავრობასთან და მათ მხარდაჭერას, რათა ყველა საჭირო ნებართვა მიღებულ იქნას დროულად. და თუ ეს ასე იქნება, რისი მოლოდინიც გვაქვს, პროექტის პირველი ფაზა დასრულდება 2022 წლის მეორე კვარტლის ბოლოს.

 

მათივე ინფორმაციით, “ეიპიემ ტერმინალსი“, “ეი. პი. მოლერ–მერსკის“ ჯგუფის წევრი გლობალური კომპანიაა, რომელიც მსოფლიოში წარმოდგენილია 74 მოქმედი პორტების და ტერმინალების ქსელით და 117 სახმელეთო მომსახურების ოპერაციებით, რომელსაც 58 ქვეყანაში ახორციელებს. „მერსკი“ საქართველოში წარმოდგენილია 1994 წლიდან, როცა მისი შვილობილი კომპანია „სილენდი“ (SeaLand) პირველად ჩაერთო ფოთის საზღვაო ნავსადგურის გავლით ჰუმანიტარული ტვირთების გადაზიდვაში.

მეორადი ქაღალდი, მუყაო, მინა, ალუმინი, საბურავები, ზეთი, ხის მეორადი ნარჩენები და ელექტროტექნიკა - ეს იმ პროდუქტების მცირე ჩამონათვალია, რომელთა გადამუშავების შდეგად მოსახლეობისთვის საჭირო და ყოველდღიური მოხმარებისათვის მნიშვნელოვანი პროდუქტები მიიღება.

 

ალბათ საზოგადოების, არც თუ ისე დიდიმა ნაწლმა იცის, რომ საქართველოში სხვადასხვა მეორადი ნარჩენების გადამუშავების, რამდენიმე კომპანია უკვე წლებია არსებობს, სადაც ცდილობენ, რომ ადგილობრივი პროდუქციით იმპორტირებული ჩაანაცვლონ.

 

„გლობალ პრესი“, რადენიმე კომპანიის წარმომადგენელს გაესაუბრა, რომლებიც ნარჩენების გადამამუშავებელი სექტორის განვითარებასა და დარგში არსებულ პრობლემებზე საუბრობენ.

 

მაგალითად, კომპანია „კრიალა“, სადაც მეორადი ქაღალდისგან ჰიგიენურ ქაღალდს აწარმოებენ იმპორტირებული პროდუქტი უკვე 30 - 40%-ით ჩაანაცვლეს.

 

კომპანიის წარმომადგენლის მიხეილ ხუციშვილის თქმით, საქართველოში პრობლემაა ნედლეულის სიმცირე, რომლის მოგვარების შემთხვევაშიც ნარჩენების გადამამუშავებელი სექტორი უფრო მეტად განვითარდება.

 

„კომპანიაში სულ დასაქმებულია 300-მდე ადამიანი და კეთდება ქართული საქმე. რაც შეეხება პრობლემებს ნედლეულის ნაკლებობის პრობლემაა. არიან ისეთი კომპანიები, რომლებიც აგროვებენ მაკულატურას და გააქვთ ექსპორტზე, როცა შეიძლება ეს ნედლეული აქ გამოვიყენოთ. საზღვარგარეთ იმიტომ გააქვთ, რომ თუ საქართველოში მისი საბაზრო ღირებულება მაქსიმუმ 30 თეთრია, მაგალითად, თურქეთში ის 50 თეთრი ღირს და შესაბამსად კერძო კომპანია, რომელსაც კომერციული ინტერესები აქვს თურქეთში გაიტანს ნარჩენებს. ბევრ ქვეყანაში მიღებული პრაქტიკაა, რომ ნარჩენების ქვეყნის გარეთ გატანა არ შეიძლება და მისი გამოყენება ქეყნის შიგნით უნდა მოხდეს. ამ მიმართულებით, რომ განვითარდეს სექტორი ეს დიდი ხელშეწყობა იქნება ჩვენთვის. რეალურად საქართველოში გვაქვს იმ ნედლეულის გადამუშავების რესურსი, რაც ქავეყნის აგრეთ გადის“, - აცხადებს მიხეილ ხუციშვილი.

 

ნარჩენების გადამამუშავებელ სეტორში არსებულ პრობლემებზე საუბრობენ კომპანია "ჯეო მულჩშიც“, კომპანიის წარმომადგენლის ანა ცხადაძის თქმით უმჯობესი იქნება შეიქმნას ნარჩენების შემგროვებელი და გამანაწილებელი ორგანიაცია, რათა კომპანიებისთვის ნარჩენების შეგროვება დიდ ხარჯებთან არის დაკავშირებული.

 

„აღნიშნული სექტორის განვითარება ბევრი მიმართულებითაა მნიშვნელოვანი, თუმცა დღესდღეობით არსებობს პრობლემებიც, მაგალითად, ნომერ პირველი პრობლემაა ნედლეული. ხშირად, რომც გვაჩუქონ ნედლეული ჭირს რეგიონში წასვლა და მისი ტრანსპორტირება, ამიტომ ვფიქრობ საკანონმდებლო დონეზე უნდა დარეგულირდეს,რომ, მაგალითად, შეიქმნას ორგანიზაცია, რომელიც ყველანაირ ნარჩენს თვითონ შეაგროვებს და მერე გაანაწილებს კომპანიებზე ვინც ამა, თუ იმ პროდუქტს გადაამუშავებენ“,- აღნიშნავს ანა ცხადაძე.

 

შეგახსენებთ, რომ "ჯეო მულჩი“ ამიერკავკასიაში, ერთადერთი კომპანიაა, სადაც მეორადი ხის ნარჩენებისგან ორგანულ მულჩს აწარმოებენ. მულჩი ტყესა და ქალაქში სანიტარული ჭრების შედეგად დარჩენილი და გამოუყენებელი ხეებისგან მიიღება, რაც მცენარეებისთვის სასიცოცლოდ მნიშვნელოვანი და სუფთა პროდუქტია.

 

მულჩირების ძირითადი მიზნი კი მოსავლიანობის ზრდა და ბაღებსა და სკვერებში მიწის განაყოფიერებაა.

 

ნარჩენების გადამამუშავებელ სექტორს წარმოადგენს კომპანია „თი ერ სი“, სადაც საბურავებს გადაამუშავებენ და მისგან კაუჩუკის გრანულებს აწარმოებენ.

 

როგორც კომპანიის აღმასრულებელი დირექტორი ზურაბ ბაზღაძე ჩვენთან საუბრისას ამბობს, აღნიშნული სექტორის განვითარებისთვის მნიშვნელოვანია, რომ პროდუქციის შემომტანმა კომპანიამ უზრუნველყოს სხვადასხვა პროდუქტის, მათ შორის საბურავის გადამუშავების თანხა.

 

 

„საბურავის გადამამუშავებელი კომპანა საქართველოში ერთადერთია ჩვენი, ასე რომ ჩვენ ორგანიზაციას დიდი მნიშვნელობა აქვს გარემოს დაცვის მიმართულებით. მესამე წელია, რაც ბააზრზე ვართ და 2 000 ტონაზე მეტი საბურავის ნარჩენი გადავამუშავეთ რისგნაც კაუჩუკის გრანულებს. კაუჩუკის გრანულები გამოიყენება სპორტული ინფრასტრუქტურის მოწყობაში და ასევე რეზინის აღდგენაში. ჩვენ 3 წლის მანძილზე 2 500 ტონაზე მეტი კაუჩუკის გრანული გამოუშვით და ჩავანაცვლეთ იმპორტირებული 60% -ით.

 

დღეს საქართველოში საბურავების გადამუშავება არ განეკუთვნება მომგებიან ბიზნესს, რდაგან შემომტანი არ უზრუნელყოფს საბურავების გადამუშავების თანხას. ანუ აუცილებელია, რომ საკანონმდებლო დონეზე იქნას მიღწეული, რომ თვითონ შემომტანმა უზრუნველყოს საბურავის გადამუშავების თანხა და არა ჩვენ“, - აცხადებს ზურაბ ბაზღაძე.

 

შეგახსენებთ, რომ რამდენიმე დღის წინ საქართველოს ნარჩენების მართვის ასოციაიამ გამოფენა მოაწყო, სადაც წარმოდგენილი იყვნენ ნარჩენების შემგროვებელი და გადამამუშავებელი 15-მდე კომპანია.

 

 

 

 

 

დაუჯერებელია, რომ 28 დღის განმავლობაში ხელისუფლებაში ამის შესახებ არავინ არაფერი არ იცოდა, - ამის შესახებ „ანაკლიის განვითარების კონსორციუმის" გენერალურმა დირექტორმა ლევან ახვლედიანმა ჟურნალისტებს ფოთში ახალ ღრმაწყლოვან ნავსადგურთან დაკავშირებით ეკონომიკის მინისტრის განცხადების კომენტირებისას განუცხადა.

 

როგორც ლევან ახვლედიანი განმარტავს, ცალსახაა, რომ არსებობენ ძალები, მათ შორის ხელისუფლებაში, რომლებიც ანაკლიის პორტის ხელის შეშლის მიზნით მიზანმიმართულ ნაბიჯებს დგამენ.

 

„მე გამოვრიცხავ, რომ ამაზე მთელი ხელისუფლების ძალისხმევა იყოს მიმართული, მაგრამ განვითარებული მოვლენები ის, რომ 2 მაისს გაცემული ნებართვა ამდენი ხნის განმავლობაში იყო დაფარული, ცხადყოფს და ადასტურებს იმ ფაქტს, რომ არსებობენ ძალები, როგორც ქვეყნის შიგნით, ხელისუფლებაშიც, ისე ქვეყნის გარეთ, რომლებიც მიზანმიმართულად იბრძვიან, რომ ხელი შეუშალონ ანაკლიის პორტის პროექტს. ეს ცალსახაა“, - აცხადებს ახვლედიანი.

 

შეგახსენებთ, რომ ეკონომიკისა და მდგრადი განვითარების მინისტრის ნათია თურნავას განცხადებით, ფოთში ახალ ღრმაწყლოვან ნავსადგურთან დაკავშირებით გაცემული დოკუმენტი გაუქმებულია. როგორც ნათია თურნავამ განაცხადა, ასევე თანამდებობიდან გადაყენებულია მშენებლობის და ტექნიკური ზედამხედველობის სააგენტოს ხელმძღვანელი, რომელმაც აღნიშნული ნებართვა გასცა.

 

„პირველ რიგში უნდა ვთქვა, რომ ეს დოკუმენტი, რომელიც გაიცა, არ წარმოადგენს სამშენებლო ნებართვას. ეს არის ე.წ. მიწათსარგებლობის წინასწარი პირობების დოკუმენტი, რომელიც გაიცა ერთ-ერთი ჩვენი სააგენტოს კერძოდ, მშენებლობის და ტექნიკური ზედამხედველობის სააგენტოს უფროსის ბრძანებით ისე რომ, ეს საკითხი არ ყოფილა შეთანხმებული არც ერთ მოქმედ მთავრობის წევრთან და არც ჩემთან პირადად“, - განაცხადა თურნავამ.

ჩვენ ამ დავას გავაგრძელებთ საერთაშორისო სასამართლოში. არ დავუთმობთ არცერთ ნაბიჯს და გამოვააშკარავებთ ყველა იმ თანამდებობის პირის და პოლიტიკოსის ქმედებას, რომელიც მიზანმიმართულად ებრძოდა ანაკლიის პროექტს, - ამის შესახებ „თიბისი ბანკისა“ და პარტია „ლელოს“ დამფუძნებელმა მამუკა ხაზარაძემ ჟურნალისტებს განუცხადა, რითაც გამოეხმაურა ხელისუფლების გადაწყვეტილებას „ანაკლიის კონსორციუმთან“ ხელშეკრულების გაწყვეტის თაობაზე.

 

ხაზარაძის თქმით, ანაკლიის პორტის პროექტის ჩაშლაში მონაწილეობას პარტია „ქართული ოცნების“ თავმჯდომარე ბიძინა ივანიშვილი, პრემიერ-მინისტრი გიორგი გახარია და ინფრასტრუქტურის მინისტრი მაია ცქიტიშვილი იღებდნენ. ხაზარაძის თქმით, ანაკლიის პორტის პროექტის ჩაშლის გეგმაში ზემოხსენებული თანამდებობის პირების გარდა, სხვა ადამიანებიც მონაწილეობდნენ, რომელთა ვინაობას საერთაშორისო სასამართლო დავაში გაამხელს. მისივე თქმით, მას ამის დამადასტურებელი დოკუმენტაცია აქვს.

 

„ტყუილია, რომ კონსორციუმი არ ასრულებდა ვალდებულებებს. დღესაც კი არსებობს ინვესტორი და ყველა ის მოთხოვნა, რომელიც კონტრაქტით იყო გათვალისწინებული, მთელი პასუხისმგებლობით ვაცხადებ, რომ შესრულებული იყო. სახელმწიფომ ამ ე.წ. გადავადებებით თვალი აუხვია საზოგადოებას და პარალელურად გააგრძელა დესტრუქციული ნაბიჯები, რომელიც ეწინააღმდეგებოდა ამ პროექტის განხორციელებას. ყველა ამ საკითხზე იქნება საკმაოდ სერიოზული დავა. არსებობს უზარმაზარი ტომები ჩვენი მთავრობის წევრების ქმედებებისა, რომლებიც ანაკლიის პროექტზე ორკესტრირებულ შეტევას ახორციელებდნენ.

 

ეს არის ის უუნარო მთავრობა, რომელმაც ზამთრის კურორტების სეზონი ჩააგდო. მათ იმის უნარიც კი არ აქვთ, რომ წყლის პრობლემა გადაწყვიტონ. შესაბამისად, როგორ შეიძლება ისინი გვესაუბრონ ასეთი დიდი პროექტის ან გაჩერებაზე, ან ახალი ტენდერის გამოცხადებაზე?! ქართველი ხალხის, საზოგადოების ერთადერთი გამოსავალი არის ის, რომ „ქართულ ოცნებას“ გავუწყვიტოთ ხელშეკრულება ისევე, როგორც დღეს გაუწყვიტეს მათ ინვესტორებს. 75 მილიონი დოლარის ინვესტიციაა ჩადებული ამ პროექტში,“ - განაცხადა ხაზარაძემ.

 

ჟურნალისტების კითხვაზე, აპირებს თუ არა ის პირგასამტეხლოს გადახდას, მამუკა ხაზარაძემ უპასუხა, რომ ამ კითხვებზე პასუხს სასამართლო გასცემს.

 

„ყველა ამ კითხვას პასუხს გასცემს სასამართლო. ჩვენ ამ წერტილს ველოდებოდით. ამიტომ ჯარიმა და ეს საკითხები შეინახონ თავისთვის. ეს იქნება ძალიან სერიოზული დავა იმიტომ, რომ ისინი წავიდნენ ჩვენი სახელმწიფოს ინტერესების წინააღმდეგ,“ - აღნიშნა ხაზარაძემ.

„ანაკლიის განვითარების კონსორციუმი“ მისი ერთ-ერთი პოტენციური ინვესტორის, Meridian Capital Limited-ის შესახებ მედიაში გავრცელებულ ინფორმაციას ეხმაურება და აცხადებს, რომ მედიაში კომპანიის შესახებ მცდარი ინფორმაცია ვრცელდება.

 

„ანაკლიის განვითარების კონოსორციუმის“ განცხადების თანახმად, Merdian Capital Limited (Meridian) არ არის მისი ერთადერთი პოტენციური ინვესტორი, რომელთანაც აწარმოებს მოლაპარაკებებს კაპიტალში ინვესტირების თაობაზე და მოლაპარაკებები ამერიკულ საინვესტიციო ფონდთანაც მიმდინარეობს. ამასთან, კონსორციუმი „მერიდიანის“ საქმიანობის შესახებაც ავრცელებს ინფორმაციას.

 

„გლობალპრესი“ „ანაკლიის განვითარების კონსორციუმის“ განცხადებას უცვლელად გთავაზობთ:

 

„Merdian Capital Limited (Meridian) არის მსხვილი საერთაშორისო საინვესტიციო ჯგუფი, დივერსიფიცირებული საინვესტიციო პორტფელით, რაც მოიცავს სამომხმარებლო პროდუქტებს, უძრავ ქონებას, ტურიზმისა და მასპინძლობის სექტორს, ინფრასტრუქტურასა და ბუნებრივ რესურსებს. „მერიდიანი” ყაზახური წარმომავლობის ჯგუფია, რომლის სათაო ოფისიც ჰონგ კონგში მდებარეობს და რომელსაც მსოფლიოს სხვადასხვა წერტილში აქვს ოფისები, ასევე ყავს შვილობილი ორგანიზაციები.

 

„მერიდიანს“ და მასთან აფილირებულ კომპანიებს აქვთ საქმიანობის მრავალმხრივი გამოცდილება - როგორც ცენტრალური აზია-კასპიის რეგიონში, ისე მსოფლიოს მასშტაბით - მათ შორის აღმოსავლეთ ევროპაში, აზიასა და ამერიკაში - რაც მოიცავს ინვესტიციებს ინფრასტრუქტურისა და სატრანსპორტო სექტორში. „მერიდიანის“ გლობალურ ინვესტიციებსა და პროექტებს შორის არის: ცათამბჯენი მანჰეტენზე ნიუ იორკში (ნიუ იორკი, აშშ), რომელიც მანჰეტენის ერთ-ერთ წამყვან დეველოპერთან, Extell-თან ერთად განავითარა; მსოფლიო კლასის აქტივები ტურიზმისა და მანპინძლობის სექტორში, მათ შორის: Meridian Adventure Dive Resort and Marina Club (ინდონეზია), Four Seasons Bora Bora (ფრანგული პოლინეზია), Hidden Bay Teos (იზმირი, თურქეთი); Food Union - ბალტიისპირული რძის პრუდუქტებისა და ნაყინის მწარმოებელი კომპანია, ოპერაციებით ლატვიაში, ესტონეთში, ლიტვაში, დანიაში, ნორვეგიაში, რუსეთში, ბელორუსიაში, ჩინეთსა და რუმინეთში; Novaport - ფლობს და ოპერირებს 14 რეგიონალურ აეროპორტს რუსეთში.

 

წარსულში მერიდიანმა გაასხვისა თავისი წინა ინვესტიციები (გაზისა და ნავთობის კომპანია - ლონდონის ბირჟაზე), Morgan Stanley-ზე (მსხვილი უძრავი ქონების კომპანია სანკტ-პეტერბურგში) და ფრანგულ Danone-ზე.

 

მეტი ინფორმაცია მერიდიანის, მისი მენჯმენტის, პორტფელისა და პროფილის შესახებ შეგიძლიათ იხილოთ კომპანიის ოფიციალურ ვებ ვერდზე: https://www.meridiancapitallimited.com/

 

კონსორციუმი განმარტავს, რომ „მერიდიანი“ არ არის მისი ერთადერთი პოტენციური ინვესტორი, რომელთანაც აწარმოებს მოლაპარაკებებს კაპიტალში ინვესტირების თაობაზე. კონსორციუმი ასევე მოლაპარაკებებში იმყოფება მსხვილ ამერიკულ საინვესტიციო ფონდთან, რომელიც აგრეთვე წარედგინა საქართველოს მთავრობას, რათა განხილული იქნას, როგორც პოტენციური ინვესტორი ანაკლიის პორტში ინვესტირებისათვის.

 

კონსორციუმი აგრძელებს აქტიურ მუშაობას, მათ შორის საქართველოს მთავრობასთან, რომ შეასრულოს სახელშეკრულებო ვალდებულებები და მიაღწიოს ფინანსურ დახურვას, რაც საჭიროა პროექტის წარმატებით განხორციელებისთვის,”-აღნიშნულია განცხადებაში.

დადგა ნდობის მომენტი, გაჩნდა ეჭვი - რა გარანტია არსებობს, რომ მსგავსი რამ არ მოხდება მომავალში, - ამის შესახებ ჟურნალისტებს „ანაკლიის განვითარების კონსორციუმის" გენერალურმა დირექტორმა ლევან ახვლედიანმა ფოთში ახალი ღრმაწყლოვანი პორტის მშენებლობის გარშემო განვითარებული მოვლენების კომენტირებისას განუცხადა.

 

როგორც ახვლედიანი აცხადებს, ანაკლიის პორტის ინვესტორების მხრიდან საკმაოდ დიდი შეშფოთება მოჰყვა გუშინ გავრცელებულ ინფორმაციას ფოთში ახალი პორტის მშენებლობის შესახებ, მითუმეტეს იმ ფონზე, რომ ეს ინფორმაცია 21 მაისს ანაკლიის პორტთან დაკავშირებით გამართულ სამმხრივ შეხვედრაზე არ გაჟღერებულა.

 

„გუშინ გვირეკავდნენ ინვესტორი ბანკები და გამოთქვამდნენ დიდ შეშფოთებას, იყვნენ შოკირებულნი. განსაკუთრებით იმიტომ, რომ ნებართვა 2 მაისს გაიცა და ამის შესახებ 21 მაისს გამართულ შეხვედრაზე არაფერი თქმულა. ეს ინვესტორების ნდობას აზიანებს როგორც მთავრობის, ისე პროცესის მიმართ. ახლა მთავრობამ ყველაფერი უნდა გააკეთოს, რომ ეს ნდობა აღადგინოს და კვლავ კონსტრუქციული მოლაპარაკების რეჟიმში დავბრუნდეთ", - განაცხადა ლევან ახვლედიანმა.

 

ამასთან, ლევან ახვლედიანის თქმით, არ შეიძლება ტოლობის ნიშანი დაისვას ფოთისა და ანაკლიის პორტს შორის, რამდენადაც ანაკლიის პორტს სტრატეგიული დატვირთვა აქვს ქვეყნის მომავალი განვითარებისთვის.

 

შეგახსენებთ, გუშინ ფოთში ახალი ღრმაწყლოვანი ნავსადგურის მშენებლობის ნებართვის მიღებასთან დაკავშირებით „ეიპიემ ტერმინალს ფოთმა“ განცხადება გაავრცელა.

 

დღეს ეკონომიკისა და მდგრადი განვითარების მინისტრმა ნათია თურნავამ განაცხადა, რომ ფოთში ახალ ღრმაწყლოვან ნავსადგურთან დაკავშირებით გაცემული დოკუმენტი გაუქმებულია. როგორც ნათია თურნავამ განაცხადა, ასევე თანამდებობიდან გადაყენებულია მშენებლობის და ტექნიკური ზედამხედველობის სააგენტოს ხელმძღვანელი, რომელმაც აღნიშნული ნებართვა გასცა.

 

„დოკუმენტი, რომელიც გაიცა, არ წარმოადგენს სამშენებლო ნებართვას. ეს არის ე.წ. მიწათსარგებლობის წინასწარი პირობების დოკუმენტი, რომელიც გაიცა ერთ-ერთი ჩვენი სააგენტოს კერძოდ, მშენებლობის და ტექნიკური ზედამხედველობის სააგენტოს უფროსის ბრძანებით ისე რომ, ეს საკითხი არ ყოფილა შეთანხმებული არც ერთ მოქმედ მთავრობის წევრთან და არც ჩემთან პირადად.

 

გარდა ამისა, როგორც გაირკვა, იქ არის პროცედურული დარღვევები, რითიც არის გაცემული ეს დოკუმენტი. აქედან გამომდინარე, დღეს მივიღეთ გადაწყვეტილება და გაუქმდა ეს დოკუმენტი, ასევე სააგენტოს ხელმძღვანელი გადაყენებულია დაკავებული თანამდებობიდან“, - განაცხადა თურნავამ.

„ანაკლიის განვითარების კონსორციუმის“ დირექტორის ლევან ახვლედიანის განცხადებით, კონსორციუმი მთავრობის წინააღმდეგ დავას ანაკლიის ღრმაწყლოვანი პორტის პროექტის საკითხზე საარბიტრაჟო სასამართლოში გეგმავს. ამის შესახებ ახვლედიანმა დღეს გამართულ ბრიფინგზე განაცხადა. როგორც მან აღნიშნა, კითხვის ქვეშ დგას პროექტის ბედი და ზიანდება ქვეყნის ინტერესი.

 

„მთავრობის დღევანდელი გადაწყვეტილებიდან გამომდინარე, პრაქტიკულად აღარ გვრჩება სხვა გამოსავალი, თუ არა მივმართოთ საარბირტაჟო სასამართლოს. არის იურიდიული პროცესები, რომელიც გასავლელია და დავძრავთ. პროცესების დასრულებისთანავე იქნება მიმართული საარბიტრაჟო სასამართლოში. სამწუხაროდ, ის ფაქტი, რომ ასეთი მნიშვნელოვანი პროექტი, რომლის განხორციელებასაც შეუძლია ეკონომიკური გარდატეხა შეიტანოს ჩვენი ქვეყნის განვითარებაში, ამ პროექტისთვის არ იყო ყველაფერი გაკეთებული, რაც შეიძლებოდა გაკეთებულიყო. არ იყო გადადგმული მცირედი ნაბიჯები და არ იყო განხილული ის დათმობები, რომელიც ჩვენ წინაპირობად წავაყენეთ, რომლის დაკმაყოფილების შემთხვევაში შეიძლებოდა პროექტის წარმატებით განხორციელება. ეს რა თქმა უნდა, კითხვის ნიშნის ქვეშ აყენებს მთავრობის მოტივაციას ამ პროექტთან მიმართებაში, აყენებს კითხვის ნიშნის ქვეშ ამ პროექტის ბედს, რომელზეც პასუხი გაუცემელია. ისევ და ისევ ზიანდება ეს პროექტი, ზიანდება ჩვენი ქვეყნის ინტერესი“, - განაცხადა ახვლედიანმა.

„თიბისი ბანკი“ ეხმაურება რუსეთის ფედერაციის გადაწყვეტილებას, საქართველოში 8 ივლისიდან რუსული ავიაკომპანიების ფრენების აკრძალვასთან დაკავშირებით, რაც შეიძლება მოკლევადიან პერპექტივაში უარყოფითად აისახოს ტურიზმში მომუშავე ქართული კომპანიების საქმიანობაზე.

 

„თიბისი ბანკი“ მზად არის თითოეულ კლიენტთან და პარტნიორთან, რომელიც ტურიზმის ინდუსტრიაში საქმიანობს, ინდივიდუალურად იმუშაოს და მათ საჭიროების მიხედვით მხადაჭერა გაუწიოს.

 

შესაბამისი შეხვედრები ბანკში ორშაბათიდან, 24 ივნისიდან დაიწყება“, - ნათქვამია „თიბისი ბანკის“ განცხადებაში.

ანაკლიის პორტი შეჩერების პირასაა!!! - ამის შესახებ ბიზნესმენი მამუკა ხაზარაძე სოციალურ ქსელში წერს, რომლითაც ეხმაურება ანაკლიის განვითარების კონსორციუმის განცხადებას. კონსორციუმმა განცხადება იმ ინფორმაციასთან დაკავშირებით გაავრცელა, რომლის მიხედვით, ფოთში ახალი ღრმაწყლოვანი პორტის მშენებლობაზე ნებართვა გაიცა.

 

„დღეს მასობრივი ინფორმაციის საშუალებებით შევიტყვეთ ამა წლის 2 მაისს საქართველოს ეკონომიკისა და მდგრადი განვითარების სამინისტროს მიერ ქალაქ ფოთში“ ახალი ღრმაწყლოვანი, მრავალფუნქციური ნავსადგურის მშენებლობის ნებართვის გაცემის შესახებ. (ნებართვა გაცემულია „სს კორპორაცია ფოთის საზღვაო ნავსადგურის“ – „ეიპიემ ტერმინალსის“ შვილობილი კომპანიის სასარგებლოდ) „ანაკლიის განვითარების კონსორციუმის“, მისი პარტნიორებისა და ინვესტორებისთვის ეს ინფორმაცია შოკისმომგვრელია, რადგან აღნიშნული ბრძანება გაიცა 2 მაისს, ხოლო 21 მაისს მთავრობამ კონსორციუმთან ერთად მოლაპარაკებები გამართა საერთაშორისო ფინანსურ ინსტიტუტებთან (EBRD, ADB, AIIB და OPIC თან) ანაკლიის ღრმაწყლოვანი პორტის დაფინანსების თაობაზე და ამ ფაქტის შესახებ მთავრობის მხრიდან არანაირი ინფორმაცია არ გაჟღერებულა. „ანაკლიის განვითარების კონსორციუმის“ საერთაშორისო პარტნიორების მიერ უკვე გამოითქვა მწვავე შეფასებები აღნიშნულ ფაქტთან და მის დამალვასთან დაკავშირებით. შესაბამისად, „ანაკლიის განვითარების კონსორციუმი“ და ანაკლიის პორტის პროექტში მონაწილე მხარეები მიიჩნევენ, რომ თუ მთავრობის მხრიდან ამ ფაქტს არ მოჰყვა მყისიერი და რადიკალური რეაგირება, ანაკლიის პორტის პროექტი შეჩერდება“- ნათქვამია კონსორციუმის მიერ გავრცელებულ განცხადებაში.

ექსკლუზიური

ევროკავშირი

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?