Global Press

Georgia

Global PressGlobal PressGlobal PressGlobal Press

USD
3.0737
EUR
3.6402
RUR
0.0418
GBP
4.0493

ჯანდაცვის მსოფლიო ორგანიზაციის მონაცემებით, მსოფლიოში კორონავირუსით გარდაცვლილთა რიცხვმა 691 ათასს გადააჭარბა.

 

ვირუსის გავრცელებიდან დღემდე, მსოფლიოში კორონავირუსს 691 013 ადამიანი ემსხვერპლა, ხოლო ვირუსით კი 18 142 718 ადამიანი დაინფიცირდა.

 

მხოლოდ ბოლო 24 საათის განმავლობაში კორონავირუსით ინფიცირების 219 862 შემთხვევა გამოვლინდა, 4 278 ადამიანი კი COVID-19-ს ემსხვერპლა.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

საქართველოში კორონავირუსის 2 ახალი შემთხვევა გამოვლინდა, 4 კი გამოჯანმრთელდა. ინფორმაციას დაავადებათა კონტროლის ცენტრი ავრცელებს.

 

ქვეყანაში რეგისტრირებულია კორონავირუსის 1 179 შემთხვევა. გამოჯანმრთელებულთა რაოდენობა 959-ს შეადგენს.

 

ბოლო მონაცემებით, გარდაცვლილია - 17, კარანტინის რეჟიმშია - 6 919, სტაციონარში მეთვალყურეობის ქვეშაა - 251 ადამიანი. უცხოეთიდან სამკურნალოდ გადმოყვანილი საქართველოს 41 მოქალაქე.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

COVID-19-ით გარდაცვლილ ყველა პაციენტს აღენიშნებოდა სხვადასხვა თანმხლები ქრონიკული დაავადება, აბსოლუტურ უმრავლესობას გულ-სისხლძარღვთა სისტემის დაავადებები,- ამის შესახებ „დაავადებათა კონტროლისა და საზოგადოებრივი ჯანმრთელობის ეროვნული ცენტრის“ ანგარიშშია აღნიშნული, რომელიც ქვეყანაში 11 ივლისისთვის არსებულ მდგომარეობას ასახავს.

 

დაავადებათა კონტროლისა და საზოგადოებრივი ჯანმრთელობის ეროვნული ცენტრის ანგარიშის თანახმად, 11 ივლისის მდგომარეობით, საქართველოში COVID-19–ის დიაგნოზით გარდაცვლილთა ჯამური რაოდენობაა 15. კორონავირუსით გარდაცვლილთა ასაკობრივ სტრუქტურაში ჭარბობენ 70 წელს გადაცილებული პაციენტები. სქესის მიხედვით კი შემთხვევები თითქმის თანაბრად გადანაწილდა.

 

გარდაცვლილთა შორის 8 პირი დაინფიცირდა თბილისის, 3 - ქვემო ქართლის, 2 - აჭარის რეგიონში. 2 იყო იმპორტირებული შემთხვევა: ერთი აზერბაიჯანიდან, ხოლო მეორე - სომხეთიდან.

 

ანგარიშის თანახმად, ლეტალური შემთხვევების 93%-ში ძირითადი დაავადება გართულებული იყო პნევმონიით, მათ შორის 78%- ში განვითარდა მწვავე რესპირაციული დისტრეს სინდრომი. სეპტიცემია აღენიშნა გარდაცვლილ პაციენტთა 64%-ს.

 

COVID-19-ით გარდაცვლილ ყველა პაციენტს აღენიშნებოდა სხვადასხვა თანმხლები ქრონიკული დაავადება, აბსოლუტურ უმრავლესობას გულ-სისხლძარღვთა სისტემის დაავადებები, 40%-ს - ფილტვის ქრონიკული დაავადებები.

 

ამასთან, ანგარიშში ნათქვამია, რომ საქართველოში 2020 წლის პირველი 6 თვის პერიოდში გარდაცვლილ პირთა საერთო რაოდენობა ნაკლებია წინა წლებთან შედარებით: 7%-ით 2019 წელთან და 1%-ით 2018 წელთან შედარებით.

ბოლო 24 საათის განმავლობაში, დიდ ბრიტანეთში კორონავირუსის 670 ახალი შემთხვევა დადასტურდა, 89 პაციენტი კი გარდაიცვალა. ამის შესახებ BBC იტყობინება.

 

პანდემიის დაწყებიდან დღემდე ქვეყანაში კორონავირუსის 306 293 შემთხვევა გამოვლინდა, 46 299 ადამიანი კი გარდაიცვალა.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

საქართველოში კორონავირუსის 3 ახალი შემთხვევა გამოვლინდა, 7 კი გამოჯანმრთელდა. ამის შესახებ ინფორმაცია Stopcov.ge-ზე გამოქვეყნდა. ქვეყანაში რეგისტრირებულია კორონავირუსის 1 171 შემთხვევა. გამოჯანმრთელებულთა რაოდენობა 947-ს შეადგენს. ბოლო მონაცემებით, გარდაცვლილია - 17, კარანტინის

 

რეჟიმშია - 6588, სტაციონარში მეთვალყურეობის ქვეშაა - 323 ადამიანი. უცხოეთიდან სამკურნალოდ გადმოყვანილი საქართველოს 41 მოქალაქე.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

საქართველოში კორონავირუსის იმპორტირებული შემთხვევებიდან ყველაზე დიდი წილი რუსეთზე მოდის, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის“ ანგარიშშია აღნიშნული, რომელიც ქვეყანაში 11 ივლისისთვის არსებულ მდგომარეობას ასახავს.

 

უფრო კონკრეტულად, ანგარიშში აღნიშნულია, რომ იმპორტირებული შემთხვევების რაოდენობა კორონავირუსის 980 აღწერილი შემთხვევიდან 272 იყო, ანუ 27.7%. აღნიშნული რაოდენობიდან, ყველაზე დიდი წილი კი 46.6% (127) რუსეთზე მოდის, 8.4% (23) თურქეთზე, 8% (22) და 7.7% (21), შესაბამისად, აზერბაიჯანსა და სომხეთზე.

 

ამასთან, ანგარიშში საუბარია სამედიცინო პერსონალის ინფიცირების მაჩვენებლებზეც. კერძოდ, 2020 წლის 11 ივლისის მდგომარეობით, საქართველოს მასშტაბით რეგისტრირებულია სამედიცინო მომსახურების მიმწოდებელი სამსახურების თანამშრომელთა COVID-19-ით ინფიცირების 129 შემთხვევა, რაც ქვეყანაში რეგისტრირებული შემთხვევების (980 დადასტურებული შემთხვევა) 13.2%-ს შეადგენს, მათ შორის 111 (86.1%) არის სამედიცინო პერსონალი და 18 (13.9%) - ტექნიკური პერსონალი.

 

„სამედიცინო პერსონალის დაინფიცირების 111 შემთხვევიდან ერთი კლასიფიცირდა, როგორც საზოგადოებაში შეძენილი. შესაბამისად, სამედიცინო მომსახურების მიწოდებისას ინფიცირებული სამედიცინო პერსონალის რაოდენობა საქართველოში განისაზღვრა როგორც 110, რაც ქვეყანაში ინფიცირებულთა საერთო რაოდენობის 11.2%-ია. პროფესიული ჯგუფების მიხედვით, შემთხვევათა ნახევარზე მეტი ექთნებზე მოდის”,-აღნიშნულია ანგარიშში.

საქართველოში კორონავირუსის კიდევ 3 შემთხვევა გამოვლინდა, გამოჯანმრთელდა 3 ადამიანი. მონაცემები stopcov.ge-ზე ახლახანს განახლდა.

 

ქვეყანაში რეგისტრირებულია კორონავირუსის 1182 შემთხვევა. გამოჯანმრთელებულთა რაოდენობა 962-ს შეადგენს.

 

ბოლო მონაცემებით, გარდაცვლილია - 17, კარანტინის რეჟიმშია - 7007, სტაციონარში მეთვალყურეობის ქვეშაა -280 ადამიანი. უცხოეთიდან სამკურნალოდ გადმოყვანილი საქართველოს 41 მოქალაქე.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

 

21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

სასიცოცხლოდ მნიშვნელოვანია, რომ ბრიტანელებმა თავი არ მოიტყუონ იმის ფიქრით, რომ კორონავირუსის პანდემია მორჩა, - განაცხადა დიდი ბრიტანეთის პრემიერ-მინისტრმა, ბორის ჯონსონმა.

 

დიდი ბრიტანეთის პრემიერმა აღნიშნა, რომ მეორე ტალღის თავიდან ასაცილებლად საჭიროა სოციალური დისტანცირების დაცვა, ხელების რეგულარული დაბანვა და საზოგადოებრივ ტრანსპორტსა და მაღაზიებში პირბადის ტარება.

 

„არ მოდუნდეთ, დაიცავით დისციპლინა, განაგრძეთ მითითებების შესრულება და სიმპტომები გაქვთ, ჩააბარეთ ტესტი“, - აღნიშნა ბორის ჯონსონმა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ანგარიშის თანახმად, რომელიც 11 ივლისისთვის არსებულ მდგომარეობას ასახავს, საქართველოში COVID-19-ით სამედიცინო მომსახურების მიმწოდებელი სამსახურების 129 თანამშრომელი დაინფიცირდა, რაც ქვეყანაში რეგისტრირებული შემთხვევების (980 დადასტურებული შემთხვევა) 13.2%-ს შეადგენს.

 

უფრო კონკრეტულად, 129 შემთხვევიდან 111 (86.1%) არის სამედიცინო პერსონალი, ხოლო- 18 (13.9%) - ტექნიკური პერსონალი.

 

„სამედიცინო პერსონალის დაინფიცირების 111 შემთხვევიდან ერთი კლასიფიცირდა, როგორც საზოგადოებაში შეძენილი. შესაბამისად, სამედიცინო მომსახურების მიწოდებისას ინფიცირებული სამედიცინო პერსონალის რაოდენობა საქართველოში განისაზღვრა როგორც 110, რაც ქვეყანაში ინფიცირებულთა საერთო რაოდენობის 11.2%-ია.”,-აღნიშნულია ანგარიშში.

 

რაც შეეხება სამედიცინო პერსონალის ინფიცირების შემთხვევათა განაწილებას პროფესიული ჯგუფების მიხედვით, მათ შორის 62 ექთანია, 31- ექიმი, 16-უმცროსი სამედიცინო პერსონალი და 1 ეპიდემიოლოგი. ლეტალურად დასრულდა 1 შემთხვევა (70 წლის ექთანი ქალი, ქვემო ქართლი).

 

ანგარიშის თანახმად, სამედიცინო პერსონალის შემთხვევაში დაავადებულთა საშუალო ასაკი 46 წელია, ასაკობრივი დიაპაზონი 19-72 წელი. სქესის მიხედვით, დაინფიცირებულ სამედიცინო მომსახურების მიმწოდებელთა 85.5% იყო ქალი, 14.5% - კაცი.

 

ამასთან, სამედიცინო პერსონალის ინფიცირება მეტწილად ჰოსპიტალურ დაწესებულებებში მოხდა, მათ შორის 52% ე.წ. „კოვიდ კლინიკებშია“ დაფიქსირებული.

იტალიელმა მეცნიერებმა დაადასტურეს ვარაუდი იმის შესახებ, რომ ადამიანებს შეუძლიათ კორონავირუსით თავიანთი ცხოველები დააინფიცირონ. ამის შესახებ Deutsche Welle წერს.

 

სპეციალისტები ასეთ დასკვნამდე მას შემდეგ მივიდნენ, რაც ჩრდილოეთ იტალიაში, კერძოდ კი ლომბარდიაში 540 ძაღლი და 277 კატა გამოიკვლიეს. ეს ცხოველები ინფიცირებულებთან ერთად ეპიდემიისგან განსაკუთრებით დაზარალებულ რეგიონში ცხოვრობდნენ. ძაღლების 3,4%-სა და კატების 3,9%-ს ანტისხეულები აღმოაჩნდათ.

 

შესაძლებელია თუ არა, რომ ადამიანები ცხოველებისგან დაინფიცირდნენ, ჯერჯერობით უცნობია.

დიდი ბრიტანეთის ჯანდაცვის მინისტრი მეთ ჰენკოკი აცხადებს, რომ შეშფოთებულია ევროპაში კორონავირუსის მეორე ტალღის დაწყებით და თუკი სიტუაცია გაუარესდება, ხელისუფლება კარანტინის ხელახლა დაწესებას არ დააყოვნებს.

 

„ვფიქრობ, ხედავთ, რომ ევროპაში კორონავირუსის მეორე ტალღა დაიწყო, ყველაფერს გავაკეთებთ ქვეყანაში უსაფრთხოების დასაცავად და იმისთვის, რომ ამ ტალღის ჩვენს ნაპირებამდე მოღწევა აღვკვეთოთ,“- აღნიშნა მეთ ჰენკოკმა Sky News-სთან ინტერვიუში.

 

მისივე თქმით, „კოვიდ 19“-ით ინფიცირების შემთხვევები მხოლოდ ესპანეთში არ იზრდება.

 

„ეს მხოლოდ ესპანეთს არ ეხება, კიდევ ბევრი ქვეყანაა, სადაც შემთხვევები მატულობს და ჩვენ მტკიცედ გვაქვს გადაწყვეტილი, რომ ქვეყნის უსაფრთხოების დასაცავად ყველაფერს გავაკეთებთ,“- აღნიშნა ბრიტანეთის ჯანდაცვის მინისტრმა.

 

შეგახსენებთ, ბრიტანეთის მთავრობის გადაწყვეტილებით, ქვეყანაში ესპანეთიდან ჩასული მოქალაქეებისთვის 2-კვირიანი სავალდებულო კარანტინი დაწესდა. აღნიშნულ ნაბიჯს ოფიციალური მადრიდის უკმაყოფილება მოჰყვა.

აშშ-ის პრეზიდენტი დონალდ ტრამპი კიდევ ერთხელ აცხადებს, რომ „ჰიდროქსიქლოროქინის“ კორონავირუსის დასამარცხებლად გამოყენება ეფექტურია.

 

„ჩემი გადასახედიდან და მის შესახებ ბევრი რამის წაკითხვისა და უამრავი ცოდნის დაგროვების შემდეგ, ვფიქრობ, საწყის ეტაპზე ის ძალიან ეფექტური უნდა იყოს. არ მგონია, მისი მიღებით რამეს კარგავდეთ, თუმცა პოლიტიკური თვალსაზრისით ის არცთუ ძალიან პოპულარული ჩანს,“- აღნიშნა დონალდ ტრამპმა.

 

პრეზიდენტის თქმით, კოვიდ 19-ის სამკურნალოდ „ჰიდროქსიქლოროქინის“ გამოყენებაზე უარს მხოლოდ იმიტომ ამბობენ, რომ მისი გამოყენების რეკომენდაცია მან გასცა.

 

„როდესაც მე რაღაცის რეკომენდაციას ვიძლევი, ისინი აცხადებენ, „არ გამოიყენოთ ეს", - აღნიშნა დონალდ ტრამპმა.

 

სოციალურმა ქსელმა Twitter-მა დონალდ ტრამპის უფროს შვილს საკუთარ გვერდზე დროებით პოსტების გამოქვეყნების ფუნქცია დაუბლოკა. კომპანიამ ეს გადაწყვეტილება მას შემდეგ მიიღო, რაც უმცროსმა ტრამპმა ვიდეო გააზიარა, სადაც პრეპარატ „ჰიდროქსიქლოროქინის“ სარგებლობის შესახებ არის საუბარი. Twitter-ში განმარტავენ, რომ ვიდეოს გაზიარებით დაირღვა რეგულაციები, რომელიც Covid 19-ის შესახებ არასწორი ინფორმაციის გავრცელებას კრძალავს.

 

შეგახსენებთ, დონალდ ტრამპმა მიმდინარე წლის მაისში განაცხადა, რომ მან „ჰიდროქსიქლოროქინი“ პროფილაქტიკის მიზნით 14 დღის განმავლობაში მიიღო და პრეპარატს არანაირი გვედრითი ეფექტები არ გამოუვლენია. მალარიის საწინააღმდეგო პრეპარატი „ჰიდროქსიქლოროქინი“ კორონავირუსის სამკურნალო საშუალებად დამტკიცებული არ არის.

ექსკლუზიური

არქივი

« « » » აგვისტო 2019
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?