ყველა წეს-ჩვეულების, რომელიც აქამდე გვქონდა, ახლა, ერთდროულად გამოყენება არ არის საჭირო. ეტაპობრივად დადგება ამის დრო, როცა ერთმანეთს ხელს ისევ ჩამოვართმევთ, გადავკოცნით და მოვეფერებით, მაგრამ ამ ეტაპზე თავი უნდა შევიკავოთ, რადგან ეს უთოფო ომია, რომელიც არ ვიცით საიდან შემოგვიტევს, - ამის შესახებ პირველი საუნივერსიტეტო კლინიკის დირექტორმა, ლევან რატიანმა „POSTV“-ის ეთერში განაცხადა.

 

„ერთი სახელმწიფო ამ ბრძოლაში გამარჯვებული ვერ იქნება, რადგან ეპიდემია ამ ეტაპზე გლობალურ პრობლემას წარმოადგენს. ამ პრობლემას დინამიურობა ახასიათებს, ანუ მდგომარეობა როგორ შეიცვლება, ღმერთის გარდა არვინ იცის. საქართველოს მდგომარეობა ძალიან გვახარებს, მაგრამ ცხოვრება მაინც ცუდ გარემოში გვიწევს, რადგან მეზობელ სახელმწიფოებში ჯერჯერობით ვირუსი კვლავ ბობოქრობს, აქედან გამომდინარე, ომი ნაწილობრივ ქართულმა საზოგადოებამ მოვიგეთ, მაგრამ დიდი სიფრთხილე გვმართებს, რომ ეს პროცესი შევინარჩუნოთ“, - აღნიშნა ლევან რატიანმა.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.