საქართველოში COVID-19-ს კიდევ ერთი პაციენტი ემსხვერპლა. კორონავირუსით გარდაცვლილ პაციენტთა რაოდენობა 28-მდე გაიზარდა.

 

59 წლის ქალი ბათუმიდან ქუთაისის ინფექციურ საავადმყოფოში რამდენიმე დღის განმავლობაში მკურნალობდა. შეყვანის დროსვე პაციენტის მდგომარეობა მძიმე იყო.

 

კლინიკის სამედიცინო დირექტორის, ნოდარ მაღლაფერიძის განცხადებით, პაციენტს თანმდევი დაავადებები, ასევე ორმხრივი პნევმონია ქონდა.

 

„რამდენიმე საათის წინ გარდაიცვალა 59 წლის ქალბატონი, რომელიც მძიმე მდგომარეობაში იმყოფებოდა. პაციენტს თანმხლები დაავადებები ჰქონდა, რის გამოც, მისი გადარჩენა ვერ მოხერხდა",- განაცხადა მაღლაფერიძემ.

 

ქუთაისში, ჯამში კორონავირუსის შედეგად 3 ადამიანი გარდაიცვალა.

 

დღეს საქართველოში კორონავირუსის 296 ახალი შემთხვევა გამოვლინდა, 60 პაციენტი კი გამოჯანმრთელდა.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.