სერბეთის მართლმადიდებლური ეკლესიის წინამძღვარი, პატრიარქი ირინეუსი კორონავირუსით გარდაიცვალა. ამის შესახებ Reuters-ი წერს, რომლის შესახებაც ქვეყნის პრეზიდენტმა ალექსანდრე ვუჩიჩმა განაცხადა.

 

„ჩემთვის დიდი პატივი იყო, რომ გიცნობდით. ისეთი დიდი ადამიანები, როგორიც თქვენ ხართ, არასდროს ეძლევიან დავიწყებას,“- წერს სერბეთის ლიდერი Instagram-ის გვერდზე.

 

შეგახსენებთ, რომ გუშინ ცნობილი გახდა, რომ 90 წლის სერბეთის პატრიარქის ირინეოსის ჯანმრთელობის მდგომარეობა უკიდურესად დამძიმდა.

 

პატრიარქს კორონავირუსი 4 ნოემბერს დაუდასტურდა, რომლის შემდგომ ბელგრადის სამხედრო კლინიკაში გადაიყვანეს.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.