Global Press

Georgia

Global PressGlobal PressGlobal PressGlobal Press

USD
3.4363
EUR
4.1187
RUR
0.0454
GBP
4.738

წყალტუბოში შემაჯამებელი ოქმების შესწორება ოპოზიციის გარეშე ხდებოდა - დაპირისპირება საოლქო კომისიაში მას შემდეგ დაიწყო, რაც საოლქო კომისიის თავმჯდომარეს პრეტენზიით მიმართა ენმ-ძალა ერთობაშიას მაჟორიტარობის კანდიდატმა, ნანუკა ჟორჟოლიანმა.

 

საოლქო კომისიის თავმჯდომარის განმარტებით, ოქმებში შესწორება ოპოზიციის გარეშე იმიტომ ხდებოდა, რომ ოპოზიციიდან პროცესზე დასწრების სურვილი არავინ გამოთქვა.

 

"მოხდა შეცდომა" - კახა ნიჟარაძის ამ ფრაზამ ნანუკა ჟორჟოლიანის გაღიზიანება გამოიწვია, რომელიც დაინტერესდა, საიდან გაჩნდა ოლქის ამომრჩეველთა სიაში არჩევნებამდე ერთი დღით ადრე იმაზე 6.000-ით მეტი ამომრჩეველი, ვიდრე ცესკოს მიერ იყო რეგისტრირებული.

 

"იტყუებიან, როცა ამბობენ, რომ ჩვენს წარმომადგენელს დაურეკეს, არავის დაურეკავს ჩემი წარმომადგენლისთვის, არჩევნებამდე ერთი დღით ადრე ზუსტად იმდენი ამომრჩეველი და ხმა დაიმატეს, რამდენიც სჭირდებოდათ, "- თქვა ნანუკა ჟორჟოლიანმა.

 

შეგახსენებთ, ცესკოს ბოლო მონაცემების მიხედვით, წყალტუბოსა და ხონის 22-ე ოლქში ხმები ასე გადანაწილდა:

 

"ოცნება", გივი ჭიჭინაძე - 52.7%

 

ენმ-ძალა ერთობაშია - ნანუკა ჟორჟოლიანი 29.01%

 

ევროპული საქართველო - აკაკი ბობოხიძე 9.76%.

საქართველოს მეოთხე პრეზიდენტი ხელისუფლების ცვლილების მოლოდინშია. გიორგი მარგველაშვილმა საკუთარი არჩევანი ცოტა ხნის წინ დააფიქსირა და აღნიშნა, რომ ის რიგები და მაღალი აქტივობა, რომელიც საარჩევნო უბნებზე ფიქსირდება ნიშნავს, რომ ქვეყანაში ცვლილებები მოხდება და უკვე მეორედ, ხელისუფლება მშვიდობიანად, არჩევნების გზით შეიცვლება.

 

"ველოდები არაორპოლუსიან, არამედ მრავალპარტიულ პარლამენტს, სადაც მოქალააქეების ხმა იქნება და არა პოლიტიკური ინტრიგები - ამბობს გიორგი მარგველაშვილი.

 

მეოთხე პრეზიდენტი შსს-ს დაწყებულ გამოძიებასაც გამოეხმაურა, რომელიც პარლამენტის გადაყენებული თავმჯდომარის განცხადების საფუძველზე დაიწყო და ამბობს, რომ "საბურავების საქმის" შემდეგ ასეთი "50-60 საქმე ახსოვს და სერიოზულ კომენტარს ვერ გააკეთებს"

ძალადობის და დაშინების ადგილი ამ არჩევნებზე არ უნდა იყოს, - ამის შესახებ საქართველოში ამერიკის შეერთებული შტატების ელჩმა კელი დეგნანმა ცენტრალურ საარჩევნო კომისიაში ცესკო-ს თავმჯდომარე თამარ ჟვანიასთან შეხვედრის შემდეგ განაცხადა.

 

მისივე ინფორმაციით, ამერიკის შეერთებული შტატების საელჩოდან არჩევნების პროცესს სახვადასხვა საარჩევნო უბანზე 75 დამკვირვებელი დააკვირდება.

 

„ეს არჩევნები ძალიან მნიშვნელოვანია საქართველოსთვის. მთავარია მშვიდი ატმოსფერო და თავისუფალი არჩევნი ხალხისთვის. ვიმყოფებოდი ცენტრალურ საარჩევნო კომისიაში, რომელმაც ძალიან დიდი სამუშაო გასწია არჩევნების ადმინისტრირების და ორგანიზების კუთხით, განსაკუთრებით იმ ფონზე, რასაც ქმნის პანდემია. მიიღეს ყველანაირი ზომა რათა თითოეულმა მოქალაქემ მისცეს ხმა უსაფრთხოდ. ყველამ უნდა დააფასოს ეს მართლაც მნიშვნელოვანი კარგი სამუშაო, რომელიც გასწია საარჩევნო კომისიამ ამ კუთხით. ჩვენ დავაკვირდებით არჩევნების პროცესს, საელჩოდან გვყავს 75 თანამშრომელი, რომლებიც სხვადასხვა უბნებზე დააკვირდებიან საარჩევნო პროცესებს. მნიშვნელოვანია, რომ არ უნდა იყოს დაშინებისა და ძალადობის ადგილი და რა თქმა უნდა, ასეთ შემთხვევებს დავაკვირდებით. გავამახვილებთ ამაზე ყურადღებას. გთხოვთ, ატაროთ ნიღბები, დაიცვათ სოციალური დისტანცია. ყველას გთხოვთ მიხვიდეთ არჩევნებზე და მისცეთ ხმა",- განაცხადა დეგნანმა.

 

კელი დეგნანმა ცენტრალური საარჩევნო კომისია უკვე დატოვა. ის მარნეულში გაემგზავრა.

რუსთაველის გამზირზე, პარლამენტის შენობის წინ, ოპოზიციის მიერ დაანონსებული საპროტეტსტო აქცია დაიწყო.

 

აქციაზე გამომსვლელი სხვადასხვა პოლიტიკური პარტიებისა და გაერთიანებების წარმომადგენლები ვადამდელ საპარლამენტო არჩევნებს ითხოვენ. ენმ-ს ერთერთმა ლიდერმა ხატია დეკანოიძემ შეკრებილებს მიმართა და უთხრა, რომ ეს ბრძოლა, რომელიც დღეს დაიწყო, არ შეწყდება მანამ, სანამ ხელახალი საპარლამენტო არჩევნები არ დაინიშნება.

 

,,მადლობა მინდა ვუთხრა ყველა ადამიანს, ვინც მხარი დამიჭირა მე, ჩემს პარტიას და სხვა ოპოზიციურ პარტიებს. ჩვენ დავპირდით ამ ხალხს, რომ აუცილებად ვიცხოვრებდით თავისუფალ ქვეყანაში, რადგან არჩევნებით შევცვლიდით ამ ხელისუფლებას და ახლა ბიძინა ივანიშვილს ჰგონია, რომ თავისუფლება წაგვართვა. მაგრამ არავის ეგონოს, რომ ჩვენ დავთანხმდებით იმას, რასაც ისინი გვთავაზობენ, ეს ბრძოლა არ შეწყდება მანამ, სანამ არ ჩატარდება ხელახალი არჩევნები და ჩვენ აუცილებლად ჩავატარებთ ხელახალ არჩევნებს დემოკრატიული და სამართლიანი ცესკოს პირობებში, - თქვა ხატია დეკანოიძემ.

 

შეგახსენებთ, ოპოზიციამ აქცია პარლამენტის შენობასთან მას შემდეგ დააანონსა, რაც ცესკომ გამოაქვეყნა შედეგები, რომელიც ოპოზიციისა და საზოგადოების უმრავლესობის შეფასებით, არ ასახავს რეალობას.

10:00 საათის მონაცემებით, ამომრჩევლის აქტივობამ საქართველოს მთელ ტერიტორიაზე 8.33 % შეადგინა.

 

როგორც ცესკო-ს სპიკერმა ანა მიქელაძემ ბრიფინგზე განაცხადა, ამ დროისთვის საარჩევნო უბნებზე ხმის მიცემის პროცესი მშვიდ ვითარებაში მიმდინარეობს.

 

„10:00 საათის მონაცემებით, ამომრჩეველთა აქტივობამ შეადგინა 8.33%, რაც 292 587 ამომრჩეველია. ყველაზე მაღალი აქტივობა დაფიქსირდა მე-19 საარჩევნო ოლქში, რაჭა-ლეჩხუმის და სვანეთში - 11%. ხოლო ყველაზე დაბალი აქტივობა აჭარის რეგიონში 7,3%,- განაცხადა მიქელაძემ.

საქართველოს პრეზიდენტმა, სალომე ზურაბიშვილმა, ხმის მიცემის შემდეგ მოქალაქეებს მოუწოდა, რომ ყველა მივიდეს არჩევნებზე, რათა ავაშენოთ ქვეყანა, რომელზეც ვოცნებობთ.

 

"ჩვენ დღეს ხმას ვაძლევთ იმისთვის, რომ ავაშენოთ ის ქვეყანა, რომელზეც ყველანი ვოცნებობთ. ეს არის ევროპული და დემოკრატიული ქვეყანა. დღეს მოქალაქეები ხმას აძლევენ პანდემიის პირობებში, თუმცა მე მინდა ყველას მოვუწოდო, მოვიდნენ არჩევნებზე - დაცულია ყველა ნორმა", - ამბობს ზურაბიშვილი.

 

შეგახსენებთ, რომ საარჩევნო უბნების გახსნისთანავე საარჩევნო უბანზე მივიდა "ოცნების" თავმჯდომარე, ბიძინა ივანიშვილი, ოჯახთან ერთად. ცნობისთვის, საარჩევნო

 

უბნებზე ხმის მიცემა 08:00-ზე დაიწყო და 20:00-მდე გაგრძელდება.

საქართველოს ყოფილი პრემიერმინისტრი, გიორგი კვირიკაშვილი, საარჩევნო დღეს Facebook-პოსტით ეხმიანება და მას "ოცნების" სიხარბეს უწოდებს.

 

2020 წლის საპარლამენტო არჩევნები: მმართველი პარტიის პოლიტიკური სიხარბე, გადაჭიმული სიმები და ბეწვის ხიდი, რომელიც შესაძლოა ძალიან ძვირად დაუჯდეს ხელისუფლებასაც და ქვეყანასაც.

 

"როდესაც გაქვს პანდემიით გამოწვეული უმძიმესი ეკონომიკური კრიზისი და, შესაბამისად, ურთულესი სოციალური ფონი ქვეყნის შიგნით, ცხელი კონფლიქტი და სახიფათო ნიშნულს მიღმა გაზრდილი გეოპოლიტიკური რისკები სამხრეთ კავკასიაში, ტექტონიკური ძვრები მსოფლიოში, რომელსაც პირდაპირი ზეგავლენა ექნება ჩვენს ქვეყანაზეც, და ასეთ დროს ნახევარ ნაბიჯსაც კი არ დგამ ეროვნული კონსოლიდაციისკენ, ჩართულობითი პოლიტიკისკენ, პასუხისმგებლობის გადანაწილებისკენ და პოლარიზაციის შემცირებისკენ - ეს, უპირველეს ყოვლისა, საღად მოაზროვნე ადამიანების იმედგაცრუებას იწვევს, ეს არა მარტო პოლიტიკურად არაპრაგმატულია, არამედ სახიფათო შედეგის მომტანია, თუ უახლოეს პერიოდში არა, საშუალოვადიან პერსპექტივაში - გარდაუვალად", - წერს კვირიკაშვილი

 

აშშ-ის ელჩი საქართველოში, კელი დეგნანი, მარნეულის საარჩევნო უბნებზე მივიდა. ინფორმაციას საელჩოს Facebook-გვერდი ავრცელებს.

 

“ქართველი ხალხის გადასაწყვეტია, ვის მიანდობს ქვეყნის მართვას. ამერიკის შეერთებულ შტატებს არ ყავს რჩეული კანდიდატი, ან რჩეული პარტია. ჩვენ ვითანამშრომლებთ ნებისმიერ პარტიასთან, რომელსაც კანონიერად აირჩევს ქართველი ხალხი. ჩვენ ყურადღებას ვამახვილებთ საარჩევნო პროცესის სამართლიანობაზე და არა შედეგზე", - ამბობს დეგნანი.

 

შეგახსენებთ, რომ კელი დეგნანი დღეს დილით ცესკოშიც მივიდა.

საქართველოს პრეზიდენტი, სალომე ზურაბიშვილი, კოტე აფხაზის ქუჩაზე მდებარე ერთერთ საარჩევნო უბანზე ხმის მისაცემად მივიდა.

 

შეგახსენებთ, რომ საარჩევნო უბნების გახსნისთანავე საარჩევნო უბანზე მივიდა "ოცნების" თავმჯდომარე, ბიძინა ივანიშვილი, ოჯახთან ერთად.

 

ცნობისთვის, საარჩევნო უბნებზე ხმის მიცემა 08:00-ზე დაიწყო და 20:00-მდე გაგრძელდება.

ცენტრალური საარჩევნო კომისიის მიერ ამ ეტაპზე დათვლილი 3735 უბნის მონაცემების მიხედვით, „ქართულ ოცნება-დემოკრატიულ საქართველოს“ 48.05 %-იანი, „ერთიან ნაციონალურ მოძრაობას” 27.07 %-იანი მხარდაჭერა აქვს.

 

დანარჩენი პარტიების რეიტინგი ასე ნაწილდება:

 

"ევროპული საქართველო - მოძრაობა თავისუფლებისთვის" - 3.79%

 

"საქართველოს პატრიოტთა ალიანსი" - 3.18%

 

"სტრატეგია აღმაშენებელი” - 3.15 %

 

„ლელო - 3.17 %

 

„გირჩი“ – 2.92 %

 

„ალეკო ელისაშვილი-მოქალაქეები“ - 1.34 %

 

"საქართველოს ლეიბორისტული პარტია" – 1,1 %

 

"ნინო ბურჯანაძე-ერთიანი საქართველო-დემოკრატიული მოძრაობა" - 0.58 %.

ევროკავშირის ელჩი საქართველოში, კარლ ჰარცელი, ამბობს, რომ პანდემიის მიუხედავად, ხალხი აუცილებლად უნდა მივიდეს არჩევნებზე.

 

ჰარცელის თქმით, რომ ევროკავშირის დამკვირვებლები დეტალურ ინფორმაციას აგროვებენ და ხვალ შეფასებებს შემოგვთავაზებენ.

 

"დღეს გრძელი და უმნიშვნელოვანესი დღე იქნება - გამარჯვებულმა პარტიამ 4 წელი უნდა მართოს ქვეყანა. მე მექნება შეხვედრები დამკვირვებლებთან და ცესკოსთან", - ამბობს კარლ ჰარცელი.

 

შეგახენებთ, რომ ამერიკის ელჩი საქართველოში, კელი დეგნანი, დღეს ცესკოში მივიდა.

ქუთაისში არჩევნები ხმაურის და დარღვევების ფონზე დაიწყო. 41-ე საარჩევნო უბანზე მისულ დამკვირვებლებს უბანი გახსნილი და კომისიის წევრების მხრიდან ფუნქცია-მოვალეობები გადანაწილებული დახვდათ.

 

საარჩევნო უბნის წარმომადგენლები ამბობენ, რომ კომისიის წევრები "ქართულ ოცნებასთან" არიან გარიგებულები.

 

"მოვედი უბანზე 06:30-ზე, უბანი დამხვდა გახსნილი, პოზიციები გადანაწილებული ჰქონდათ, არაფერში მონაწილეობა არ მიგვიღია", - ამბობს ერთერთი დამკვირვებელი.

 

შეგახსენებთ, რომ საარჩევნო უბნებზე ხმის მიცემა 08:00-ზე დაიწყო და 20:00-მდე გაგრძელდება.

ექსკლუზიური

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?