ბრიტანეთის პრემიერმა ტერეზა მეიმ ევროკავშირის მაღალჩინოსნებთან ბრექსითის შესახებ შეთანხმებაში ცვლილებების შეტანასთან დაკავშირებით კონსენსუსს მიაღწია. შეთანხმებას კენჭი დღეს ბრიტანეთის პარლამენტში უნდა უყარონ, თუმცა, როგორც ევროკომისიის პრეზიდენტმა ჟან კლოდ იუნკერმა განაცხადა, თუ შეთანხმებას მხარს არ დაუჭერს პარლამენტი, ბრიტანეთს ამ შეთანხმების გადახედვის მესამე შანსი აღარ ექნება.

 

თავის მხრივ, ბრიტანეთის ლეიბორისტული პარტიის ლიდერი ჯერემი კორბინი აცხადებს, რომ მოლაპარაკებები ჩაიშალა და ტერეზე მეის მიერ დაპირებული ცვლილებები სინამდვილეში შეთანხმებაში არ არის ასახული.

 

შეგახსენებთ, ბრექსითთან დაკავშირებით ევროკავშირთან მიღწეულ წინა შეთანხმებას მხარი ბრიტანეთის პარლამენტმა არ დაუჭირა, ვინაიდან იგი მოიცავდა სადავო საკითხებს, მათ შორის ირლანდიის საზღვარზე სასაზღვრო-გამშვები პუნქტის განთავსებას.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.