ევროპარლამენტმა დღეს მიღებული რეზოლუციით აღიარა, რომ რუსეთი ჩინეთთან, ირანთან და ჩრდილოეთ კორეასთან ერთად, ევროპაში დეზინფორმაციის მთავარი წყაროა. დოკუმენტს მხარი დაუჭირა 489 დეპუტატმა, წინააღმდეგი იყო 148, 30-მა დეპუტატმა კი თავი შეიკავა. ამის შესახებ ევროპარლამენტის პრესსამსახური იუწყება.

 

ევროპარლამენტი რეზოლუციით გმობს ამ ქვეყნების ყველა აგრესიულ ქმედებებს, რომლებიც „ცდილობენ საფრთხე შეუქმნან ევროპული დემოკრატიის საფუძველსა და პრინციპებს, ასევე აღმოსავლეთ პარტნიორობის ყველა ქვეყნის სუვერენიტეტს“.

 

აღნიშნული დოკუმენტით, ევროპარლამენტარები წევრ სახელმწიფოებს მოუწოდებენ, სამართლებრივი ბაზის შექმნის საკითხი განიხილონ როგორც ევროკავშირის, ისე საერთაშორისო დონეზე ჰიბრიდული ომების დასაძლევად.

 

რეზოლუციით ევროპარლამენტარები გამოდიან მოწოდებით, მოხდეს ცნობიერების ამაღლება რუსეთის სადეზინფორმაციო კამპანიის შესახებ. ისინი ევროკავშირს მოუწოდებენ, გააფართოვოს სტრატეგიული კომუნიკაციების საკითხებში თავისი ოპერატიული ჯგუფი სრულფასოვან სტრუქტურად, რომელიც 2015 წელს შეიქმნა, რათა მოაგვაროს რუსეთის მტრულ პროპაგანდასთან დაკავშირებული პრობლემა.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.