ევროკავშირისა და რუსეთის ურთიერთობების შესახებ ევროპარლამენტის მიერ მიღებული რეზოლუცია რუსეთს მოუწოდებს, შეწყვიტოს აფხაზეთისა და ცხინვალის რეგიონების ოკუპაცია.

 

„ევროპარლამენტი კვლავ ადასტურებს საქართველოს სუვერენიტეტისა და ტერიტორიული მთლიანობის ურყევ მხარდაჭერას. ევროპარლამენტი რუსეთისგან მოითხოვს შეწყვიტოს საქართველოს ტერიტორიების აფხაზეთისა და ცხინვალის რეგიონის/სამხრეთ ოსეთის ოკუპაცია და სრულად სცეს პატივი საქართველოს სუვერენიტეტსა და ტერიტორიულ მთლიანობას. ევროპარლამენტი ხაზს უსვამს იმის აუცილებლობას, რომ რუსეთმა უპირობოდ შეასრულოს 2018 წლის 12 აგვისტოს ცეცხლის შეწყვეტის შესახებ შეთანხმების დებულებები და საქართველოდან ჯარების გაყვანის შესახებ ნაკისრი ვალდებულება“, - ნათქვამია რეზოლუციის იმ ნაწილში, რომელიც საქართველოს ეხება.

 

რეზოლუციაში ასევე ნათქვამია, რომ ევროკავშირი მტკიცედ გმობს ოკუპირებულ ტერიტორიებზე რუსეთის წარმომადგენლების მიერ განხორციელებულ ადამიანის უფლებათა დარღვევებს.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.