დიდი ბრიტანეთის პარლამენტი ქვეყნის ევროკავშირიდან გამოსვლის ვადის გადავადებას დღეს უყრის კენჭს.

 

დიდი ბრიტანეთის მთავრობაში განაცხადეს, რომ საუბარი შეიძლება იყოს მოკლევადიან გადავადებაზე ან კიდევაც ეს გადავადება შესაძლოა, უფრო ხანგრძლივი აღმოჩნდეს. ყველაფერი იმაზე იქნება დამოკიდებული დაუჭერს თუ არა მხარს პარლამენტი დიდ ბრიტანეთსა და ევროკავშირს შორის მიღწეულ შეთანხმებას Brexit-ის თაობაზე 20 მარტამდე.

 

შეგახსენებთ, რომ პარლამენტმა უკვე ორჯერ არ დაუჭირა მხარი ამ შეთანხმებას.

 

იმ შემთხვევაში თუ პარლამენტი მხარს დაუჭერს Brexit-ის შესახებ შეთანხმებას, მაშინ 29 მარტისთვის დაგეგმილი გასვლა 30 ივნისისთვის იქნება გადავადებული.

 

თავის მხრივ ბრიტანეთის პრემიერმა ტერეზა მეიმ განაცხადა, რომ იმ შემთხვევაში თუ პარლამენტარები მხარს არ დაუჭერენ შეთანხმებას, საჭირო იქნება უფრო ხანგრძლივი გადავადება.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.