Global Press

Georgia

Global PressGlobal PressGlobal PressGlobal Press

USD
2.642
EUR
2.9778
RUR
0.0396
GBP
3.3915

ესპანეთში ვადამდელი საპარლამენტო არჩევნები მიმდინარე წლის 28 აპრილს გაიმართება. ამის შესახებ ესპანეთის მთავრობის თავმჯდომარემ პედრო სანჩესმა განაცხადა.

 

სიტყვით გამოსვლისას პედრო სანჩესმა განაცხადა, რომ ვინაიდან „პარლამენტმა არ მიიღო 2019 წლის ბიუჯეტის პროექტი, მთავრობას ორი ვარიანტი ჰქონდა - წინა მთავრობის მიერ მიღებული ბიუჯეტი გადმოეტანა ან ვადამდელი არჩევნები დაენიშნა“.

 

„მე ინიციატივით გამოვედი პარლამენტის დათხოვნა მოხდეს და ვადამდელი საპარლამენტო არჩევნები 28 აპრილისთვის დაინიშნოს“, - განაცხადა პედრო სანჩესმა.

 

აღსანიშნავია, რომ ესპანეთში მორიგი საპარლამენტო არჩევნები 2020 წელს უნდა გამართულიყო.

რუსეთისა და აშშ-ს პრეზიდენტების დიალოგი სერიოზულ მომზადებას საჭიროებს, ხოლო ნორმალური დიალოგისთვის აშშ-მა უარი უნდა თქვას ულტიმატუმების ენაზე. ამის შესახებ საინფორმაციო სააგენტო „რია ნოვოსტისთვის“ მიცემულ ინტერვიუში აშშ-ში რუსეთის ელჩმა ანატოლი ანტონოვმა განაცხადა.

 

„როგორი რთულიც არ უნდა იყოს ურთიერთობები რუსეთსა და აშშ-ს შორის, ორი პრეზიდენტის შეხვედრები და საუბარი ყოველთვის პოზიტიურ გავლენას ახდენს საერთაშორისო სიტუაციაზე“, - განაცხადა აშშ-ში რუსეთის ელჩმა.

 

ანატოლი ანტონოვის თქმით, „რთულია იმის თქმა თუ სად და როდის იქნება ვლადიმერ პუტინსა და დონალდ ტრამპს შორის კონტაქტი შესაძლებელი“. „ამგვარი შეხვედრა სერიოზულ მომზადებას საჭიროებს. მაქსიმალურად უნდა გაკეთდეს ყველაფერი, რათა ასეთი შეხვედრა შედეგის მომტანი გახდეს“, - აღნიშნა რუსმა დიპლომატმა.

 

აშშ-ში რუსეთის ელჩის განცხადებით, აშშ და რუსეთი, როგორც ორი მსხვილი ბირთვული ზესახელმწიფო და გაერო-ს უშიშროების საბჭოს მუდმივი წევრები, განსაკუთრებულად პასუხისმგებელნი არიან საერთაშორისო მშვიდობასა და უსაფრთხოებაზე.

 

„უსაფრთხოების სფეროში ჩვენ საერთო გამოწვევები გვაქვს, რომელთაგანაც ყველაზე მთავარი საერთაშორისო ტერორიზმია. ამ მიმართულებით რუსეთისა და აშშ-ს ძალისხმევის გაერთიანებაზეა დამოკიდებული მსოფლიოს პრაქტიკულად ყველა ქვეყნის პოლიტიკური და ეკონომიკური განვითარება. ამიტომაც, ორი ქვეყნის ლიდერების შეხვედრა ასე მნიშვნელოვანია“, - დასძინა ანატოლი ანტონოვმა.

თურქეთში, ქალაქ სტამბოლის ერთ-ერთ უბანში 6-სართულიანი სახლი ჩამოინგრა. არსებული ინფორმაციით, საუბარია საცხოვრებელ სახლზე. ადგილზე სამაშველო და სამედიცინო სამსახურები მუშაობენ.

 

როგორც თურქული მედია იუწყება, მაშველებმა ოპერაცია დაიწყეს. ნანგრევებში შესაძლოა, ხალხი იყოს მოყოლილი.

 

საცხოვრებელი სახლის ჩამონგრევის მიზეზები ჯერ უცნობია.

ვაშინგტონი ცდილობს ვენესუელას შეიარაღებული ძალების ამბოხებისკენ წაქეზებას, - ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა. მარია ზახაროვას თქმით, ეს იმაზე საუბრობს, რომ აშშ-მა ძალის გამოყენებით კონფრონტაციული სცენარი შეარჩია.

 

„აშშ საინფორმაციო-ფსიქოლოგიური ზეწოლის ყველა საშუალებას იყენებს, დაწყებული მანიპულირებიდან დამთავრებული პირდაპირი შანტაჟითა და სიძულვილის გაღვივებით. ზემოქმედების მთავარი ობიექტი ვენესუელას შეიარაღებული ძალებია. მათ ღიად მოუწოდებენ ამბოხებისკენ“, - განაცხადა რუსეთის საგარეო უწყების ოფიციალურმა წარმომადგენელმა.

 

მარია ზახაროვამ ასევე აღნიშნა, რომ „აშშ-ს მთავარი მიზანი სახელმწიფო გადატრიალების განხორციელება და კანონიერი ლიდერის დამხობაა“.

 

„პარალელური სახელმწიფო სტრუქტურების მშენებლობის ფორსირებას აშკარა შედეგი არ მოაქვს, ანტისამთავრობო აქციების მონაწილეების რაოდენობა დასახულ მასშტაბებს არ აღწევს. შიდა ოპოზიციის კონსოლიდირება ვერ ხერხდება, ხოლო თვითგამოცხადებული ხელისუფლების საერთაშორისო მხარდაჭერა სხვადასხვა ნიუანსებითთა განპირობებული“, - დასძინა მან.

ცენტრალურ და სამხრეთ ამერიკაში აშშ-ს გაერთიანებული სარდლობის ხელმძღვანელმა, ადმირალმა კრეიგ ფოლერმა განაცხადა, რომ რუსეთი იქცევა როგორც დაჭრილი, დასუსტებული დათვი, რომელიც ლათინურ ამერიკაში დემოკრატიულ ინტერესებს ესხმის თავს, - ამის შესახებ ინფორმაციას „ამერიკის ხმის“ რუსულენოვანი სამსახური ავრცელებს.

 

„თუკი რუსეთზე ვსაუბრობთ, ყველაფერია შესაძლებელი. ჩვენ უკვე ვიხილეთ, რა ჩაიდინეს რუსებმა სირიაში და მზად უნდა ვიყოთ იმისთვის, რომ ახლო მომავალში იგივე განმეორდება“, - განაცხადა ამერიკელმა ადმირალმა.

 

ცენტრალურ და სამხრეთ ამერიკაში აშშ-ს გაერთიანებული სარდლობის ხელმძღვანელმა ასევე აღნიშნა, რომ რეგიონის არადემოკრატიულ ქვეყნებში, კუბაში, ვენესუელასა და ნიკარაგუაში რუსეთისა და ჩინეთის გავლენა ფიქსირდება.

 

„რუსეთისგან ყველაფერია მოსალოდნელი. ჩვენს ეროვნული თავდაცვის სტრატეგიაში განსაკუთრებულ ყურადღებას ვაქცევთ ჩინეთსა და რუსეთს. თუმცა, ეს ორი განსხვავებული შემთხვევაა. ჩინეთი მზარდი ეკონომიკური ძალაა, რომელსაც კანონიერი უფლება აქვს თავის ბიზნეს-ინტერესებზე მსოფლიო მასშტაბით. ამავდროულად ისინი უარს ამბობენ წესების დაცვაზე. რუსეთი კი, ფაქტობრივად, დაჭრილი, დასუსტებული დათვია, რომელიც იერიშზე გადავიდა და მოსკოვის შემდგომ ნაბიჯებზე პროგნოზს ვერ გავაკეთებ“, - დასძინა კრეიგ ფოლერმა.

თურქეთი გმობს საფრანგეთის პრეზიდენტის ემანუელ მაკრონის გადაწყვეტილებას, საფრანგეთში სომხების გენოციდის მსხვერპლთა ხსოვნის ეროვნული დღის შემოღებაზე, - ამის შესახებ თურქეთის პრეზიდენტის ოფიციალურმა წარმომადგენელმა იბრაჰიმ ქალინმა განაცხადა.

 

„ჩვენ მტკიცედ ვგმობთ პრეზიდენტ ემანუელ მაკრონის განცხადებას, 24 აპრილის სომხების გენოციდის ხსოვნის ეროვნულ დღედ შემოღების თაობაზე. სომხების გენოციდის შესახებ მტკიცება პოლიტიკური სიცრუეა, ისტორიულ ფაქტებს ეწინააღმდეგება და სამართლებრივი საფუძვლები არ აქვს“, - განაცხადა თურქეთის პრეზიდენტის ოფიციალურმა წარმომადგენელმა.

 

იბრაჰიმ ქალინმა ასევე აღნიშნა, რომ „ანკარა არ მიიღებს მაკრონის მისწრაფებას, პოლიტიკური მოვლენა ისტორიულ ინსტრუმენტად აქციოს“.

 

შეგახსენებთ, რომ ოფიციალური ანკარა მიუღებლად მიიჩნევს ტერმინის, გენოციდის გამოყენებას 1915 წლის მოვლენებთან დაკავშირებით.

იტალიის ვიცე-პრემიერის, ეკონომიკის მინისტრის ლუიჯი დი მაიოს განცხადებით, იტალიის მთავრობა რუსეთისთვის დაწესებული სანქციების გადახედვას აპირებს.

 

ლუიჯი დი მაიომ ხაზგასმით აღნიშნა, რომ რუსეთთან მიმართებაში სასანქციო რეჟიმი მნიშვნელოვან ზიანს აყენებს იტალიურ ბიზნესს.

 

მისი თქმით, თუ კომპანიები დიდ ზარალს განიცდიან რუსეთისთვის დაწესებული სანქციების გამო, მაშინ სასანქციო პოლიტიკის გადახედვა უნდა მოხდეს.

 

„ჩვენ ვებრძვით რუსეთისთვის დაწესებულ სანქციებს, მაგრამ არა იმიტომ, რომ რუსები ან ამერიკელები გვიყვარს, არამედ იმიტომ, რომ იტალიის ინტერესებს ვიცავთ“, - აღნიშნა იტალიის ვიცე-პრემიერმა.

 

შეგახსხენებთ, რომ იტალიის კოალიციურმა მთავრობამ რუსეთისთვის დაწესებული სანქციების გაუქმების აუცილებლობა ე.წ. სამთავრობო კონტრაქტში გაწერა, რომელიც „მოძრაობამ 5 ვარსკვლავი“ და პარტია „ლეგამ“, რომლის ლიდერიც მატეო სალვინია, მინისტრთა კაბინეტის ფორმირებამდე დადეს.

უკრაინის პარლამენტმა კონსტიტუციაში ცვლილებები მიიღო, რომელიც ქვეყნის ნატო-სა და ევროკავშირისკენ კურსის განმტკიცებას გულისხმობს.

 

შესაბამის კანონპროექტს მხარი 334-მა დეპუტატმა დაუჭირა.

 

კანონის მიხედვით, კონსტიტუციის პრეამბულაში დაფიქსირდება დებულება „უკრაინელი ხალხის ევროპულ იდენტობაზე და უკრაინის ევროპული და ევროატლანტიკური კურსის შეუქცევადობაზე“.

 

კონსტიტუციაში შეტანილი ცვლილებების თანახმად, უკრაინის პრეზიდენტი ევროკავშირსა და ნატო-ში გაწევრიანების სტრატეგიული კურსის გარანტი გახდება.

 

კანონის თანახმად, ქვეყნის პარლამენტი უფლებამოსილი იქნება განსაზღვროს შიდა და საგარეო პოლიტიკის საფუძვლები და ევროკავშირსა და ნატო-ში გაწევრიანების სტრატეგიული კურსი, ხოლო მთავრობა კი მის რეალიზებას უზრუნველყოფს.

საფრანგეთის პრეზიდენტმა ემანუელ მაკრონმა გადაწყვეტილება მიიღო, საფრანგეთში 24 აპრილი სომხების გენოციდის მსხვერპლთა ხსოვნის ეროვნულ დღედ გამოაცხადოს. ამის შესახებ ემანუელ მაკრონმა საფრანგეთში სომხური ორგანიზაციების საკოორდინაციო საბჭოს წევრებთან შეხვედრაზე განაცხადა.

 

ემანუელ მაკრონის თქმით, 1915 წლიდან საფრანგეთი გენოციდს უწოდებს იმას, რაც არის: „კაცობრიობის წინაშე დანაშაული, რომელიც 2001 წელს კანონით იყო აღიარებული“.

 

„ფრანგი სომხების ისტორია საფრანგეთის ისტორიაა. სომხების გენოციდი ჩვენი მეხსიერების ნაწილია, რომელსაც პატივი უნდა მივაგოთ ჩვენს რესპუბლიკაში“, - განაცხადა ემანუელ მაკრონმა.

 

საფრანგეთის ლიდერმა ასევე აღნიშნა, რომ თურქეთის პრეზიდენტი რეჯეფ თაიფ ერდოღანი ამ საკითხზე საფრანგეთის ხედვას არ იზიარებს და ის განაგრძობს დიალოგს, რათა ისტორიული ფაქტები მიიტანოს ერდოღანისადმი.

 

შეგახსენებთ, რომ სომხეთში ყოველ წელს 24 აპრილს სომხების გენოციდის მსხვერპლთა ხსოვნის დღეს აღნიშნავენ.

კატალონიაში ერთმანეთს 2 მატარებელი შეეჯახა. ამის შესახებ ინფორმაციას „ევრონიუსი“ ავრცელებს. შემთხვევის შედეგად დაიღუპა მემანქანე ქალი, რამდენიმე მგზავრი კი დაშავდა.

 

სამგზავრო მატარებლების შეჯახება სან-ვინსენტე-დე-კასტელეტისა და მონრესის პროვინციებს შორის მოხდა. სარკინიგზო კომპანია Renfe-ს ოფიციალური წარმომადგენლის, ანტონიო კარმონას განცხადებით, გაუგებარია თუ რატომ აღმოჩნდა ორი მატარებელი ერთ ლიანდაგზე.

თურქეთი მიესალმება რუსეთის პრეზიდენტის გადაწყვეტილებას, თურქეთის მოქალაქეთა გარკვეული კატეგორიისთვის სავიზო რეჟიმის გამარტივების თაობაზე. ამის შესახებ ქვეყნის საგარეო საქმეთა სამინისტროს პრესმდივანმა ჰამი აქსოიამ განაცხადა.

 

კრემლის ლიდერის ბრძანებით, ამიერიდან რუსეთში შესვლა უვიზოდ შეეძლებათ თურქეთის სპეცპასპორტების მქონე მოქალაქეებს, რომლებიც ქვეყანაში მოკლევადიანი მივლინებით აპირებენ შესვლას, ასევე, პროფესიონალ მძღოლებს, რომლებიც საერთაშორისო ავტოგადაზიდვებს ახორციელებენ.

 

2015 წლის ნოემბერში ვლადიმერ პუტინმა თურქეთის წინააღმდეგ სპეციალური ეკონომიკური ზომების ფარგლებში, მასთან უვიზო რეჟიმი შეწყვიტა. გამონაკლისის დაშვება მოხდა მხოლოდ 2017 წლის მაისში.

უკრაინის პრეზიდენტმა პეტრო პოროშენკომ განაცხადა, რომ სახელმწიფო სასაზღვრო სამსახურს მიმართავს, არ დაუშვას ქვეყანაში ეუთო-ს სადამკვირვებლო მისიიის შემადგენლობაში მყოფი რუსეთის მოქალაქეები.

 

„მე, როგორც მთავარსარდალი, სახელმწიფო სასაზღვრო სამსახურის მიმართ ბრძანებას გავცემ 31 მარტის საპრეზიდენტო არჩევნებზე ქვეყნის ტერიტორიაზე არ შემოუშვან ეუთო-ს სადამკვირვებლო მისიიის შემადგენლობაში მყოფი რუსეთის მოქალაქეები“, - განაცხადა პეტრო პოროშენკომ სატელევიზიო ინტერვიუში.

 

აღსანიშნავია, რომ გუშინ უკრაინის პარლამენტში კანონპროექტი შევიდა, რომელიც რუსეთის წარმომადგენლებს უკრაინის საპრეზიდენტო და საპარლამენტო არჩევნებში საერთაშორისო სადამკვირვებლო მისიებში მონაწილეობას უკრძალავს.

 

კანონპროექტის მიხედვით, პირი, რომელიც იმ სახელმწიფოს მოქალაქეა, რომელიც უკრაინის პარლამენტმა აგრესორად ან ოკუპანტად სცნო არ შეიძლება დამკვირვებელი იყოს უკრაინის ტერიტორიაზე გამართულ არჩევნებში.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

ევროკავშირი

არქივი

« « » » თებერვალი 2018
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?