ბრაზილიაში გადაუღებელი წვიმისგან გამოწვეულ წყალდიდობასა და მეწყერს ბოლო მონაცემებით 53 ადამიანი ემსხვერპლა. ამის შესახებ Associated Press-ი წერს.
სტიქიამ მინას-ჟეიერასის შტატი დააზარალა. იქ 19 ადამიანი დაკარგულად მიიჩნევა, დაახლოებით 20 000 კი ევაკუირებულია.
შტატის გუბერნატორმა გუსტავო ზემამ 99 ქალაქში საგანგებო მდგომარეობა გამოაცხადა.
ავსტრალიაში, ქუინსლენდის შტატში წყალდიდობის გამო, ათასზე მეტი ადამიანის ევაკუაცია განხორციელდა.
როგორც შტატის საგანგებო სიტუაციების მართვის სამსახურის წარმომადგენელმა განაცხადა, ბოლო 24 საათის განმავლობაში 18 სამაშველო ოპერაცია ჩატარდა, რომლის შედეგად 1 100 ადამიანის ევაკუირება მოხდა.
ქუინსლენდის შტატის პრემიერის ანასტასია პალაშუკის განცხადებით, წყალდიდობის შედეგად რამდენიმე ათასი სახლი დაიტბორა.
ტროპიკულმა შტორმა „ფლორენსმა“ ამერიკაში 7 ადამიანი იმსხვერპლა, - ამის შესახებ ადგილობრივი მედია იუწყება. მანამდე ვრცელდებოდა ინფორმაცია, რომ შტორმის შედეგად, რომელიც ჩრდილოეთ კაროლინის სანაპიროს დაატყდა თავს, ხუთი ადამიანი გარდაიცვალა, რომელთა შორის ერთი ბავშვია. ერთი ადამიანი კი დაშავდა.
930 ათასამდე ადამიანი ელექტროენერგიის გარეშეა დარჩენილი. სამხრეთ კაროლინის ტერიტორიაზე შტორმმა წყალდიდობები გამოიწვია. სტიქიას ეროვნული გვარდიის ათი ათასამდე სამხედრო მოსამსახურე და სამოქალაქო პირი წყლის ტრანსპორტით, ვერტმფრენებითა და კატერებით ებრძვიან.
პარასკევს „ფლორენსის“ სიჩქარე ტროპიკულ შტორმამდე შემცირდა, რომლის სიჩქარეც საათში 110 კილომეტრს შეადგენს.
