Global Press

Georgia

Global PressGlobal PressGlobal PressGlobal Press

USD
2.6655
EUR
3.0352
RUR
0.0399
GBP
3.3719

ისრაელის მხარეს სურვილი აქვს, რომ უცხო ქვეყნის საელჩოები იხილონ იერუსალიმში, ეს გასაგებია, თუმც, ქართული მხრიდან ამ საკითხზე ჯერ არაფერი ყოფილა, - ამის შესახებ ჟურნალისტებს ისრაელში საქართველოს ელჩმა პაატა კალანდაძემ განუცხადა.

 

ელჩის პოზიცია საელჩოს იერუსალიმში გადატანასთან დაკავშირებით ასეთია:

 

"ქართული მხრიდან არაფერი ყოფილა საელჩოს გადატანაზე. რა თქმა უნდა, ისრაელურ მხარეს სურვილი აქვს, რომ უცხო ქვეყნის საელჩოები იხილონ იერუსალიმში, ეს გასაგებია. ქართული მხარის პოზიცია არის - თუ შედგება კონსულტაციები ორ მხარეს შორის და ჩვენ როგორც მეგობარი ქვეყნები, კონსულტაციების შემდეგ გამოირკვევა ვის როგორი პოზიცია გვაქვს და რა პოზიციას დავიკავებთ. ერთი შემიძლია დაგარწმუნოთ, რომ ასეთი კონსულტაციების შემთხვევაში როგორც ისრაელური მხარე, ისე ქართული მხარე ამოვალთ ჩვენი უმთავრესი პრინციპებიდან , რაც არის ჩვენი ქვეყნის უსაფრთხოება და ინტერესები",- განაცხადა ელჩმა.

რუსეთის საგარეო საქმეთა მინისტრი სერგეი ლავროვი მიიჩნევს, რომ საქართველოსთან ეკონომიკური ურთიერთობების გაწყვეტა არ გადაჭრის ისეთ პრობლემებს, როგორიც არის საქართველო-ნატო-ს ურთიერთობების გააქტიურება.

 

„წარმოიდგინეთ, ჩვენ გავწყვიტეთ საქართველოსთან ეკონომიკური ურთიერთობები, ხოლო სამხედრო ბაზა მაინც ააშენეს და რა მერე? ფიქრობთ, რომ პასუხი უნდა გავცეთ ამას, რათა ჩვენი „მე“ ვაჩვენოთ? საქართველოს „გაგუდვას“ გვთავაზობთ? რისთვის?“ - განაცხადა სერგეი ლავროვმა რადიოსადგურ „Комсомольская правда“-ს ეთერში ჟურნალისტის კითხვაზე, რომ ნატო-საქართველოს ურთიერთობების გააქტიურების ფონზე რუსეთმა საქართველოს სანქციები უნდა დაუწესოს.

 

სერგეი ლავროვმა ასევე აღნიშნა, რომ საქართველო და რუსეთს შორის აქტიურად ვითარდება ტურიზმი და ვაჭრობა.

 

„ტურისტებით სავსე თვითმფრინავები დაფრინავენ. ვაჭრობა მოწოდების სიმაღლეზეა. თუ არ ვცდები, რუსეთი საქართველოს პირველი სავაჭრო პარტნიორია. რეგულარულად ტარდება ღონისძიებები სამოქალაქო საზოგადოების ხაზით“, - დასძინა ლავროვმა.

ამერიკის შეერთებული შტატების სახელმწიფო დეპარტამენტი სახელმწიფო მდივან მაიკ პომპეოს და საქართველოს არჩეული პრეზიდენტის სალომე ზურაბიშვილის სატელეფონო საუბრის შესახებ განცხადებას ავრცელებს.

 

„სახელმწიფო მდივანმა მაიკლ პომპეომ გუშინ საქართველოს არჩეულ პრეზიდენტს სალომე ზურაბიშვილს დაურეკა და მას არჩევნებში გამარჯვება მიულოცა. მხარეებმა ისაუბრეს აშშ-საქართველოს თანამშრომლობაზე საერთო გლობალური უსაფრთხოების პრიორიტეტებთან დაკავშირებით. ასევე, აშშ-ს ურყევ მხარდაჭერაზე საქართველოს სუვერენიტეტის, დამოუკიდებლობის და ტერიტორიული მთლიანობისადმი და საარჩევნო და სასამართლო რეფორმების მნიშვნელობაზე საქართველოს დემოკრატიული განვითარებისთვის და დასავლური ინტეგრაციისთვის”, - ნათქვამია განცხადებაში.

ჩვენ გვაქვს მკაფიოდ განსაზღვრული წითელი ხაზები და რუსეთს არ სურს ამის აღიარება, - ამის შესახებ საქართველოს პარლამენტის თავმჯდომარე ირაკლი კობახიძემ ესტონეთის საზოგადოებრივი მაუწყებლისთვის მიცემულ ინტერვიუში განაცხადა.

 

საქართველოს პარლამენტის თავმჯდომარემ ასევე ისაუბრა რუსეთთან ურთიერთობებზე და ხაზგასმით აღნიშნა, რომ პროგრესი რუსეთთან პოლიტიკურ ურთიერთობებში შეზღუდულია.

 

„2012 წლის შემდეგ ჩვენ მივაღწიეთ გარკვეულ პროგრესს რუსეთთან ურთიერთობებში. ეს არის ჰუმანიტარული, სავაჭრო და ეკონომიკური საკითხები, სადაც არის პროგრესი, თუმცა, რაც შეეხება პოლიტიკურ ურთიერთობებს, პროგრესი შეზღუდულია, ვიტყოდი, რომ ნულის ტოლფასია. პირიქით, ჩვენ ვიხილეთ ნეგატიური ასპექტები. სიტუაცია ოკუპირებულ ტერიტორიებზე უფრო რთული გახდა არა მხოლოდ იქ მცხოვრები ქართველებისთვის, არამედ სხვა ეთნიკური ჯგუფის წარმომადგენლებისთვისაც. ჩვენ გვაქვს მკაფიოდ განსაზღვრული წითელი ხაზები და რუსეთს არ სურს ამის აღიარება. ეს წითელი ხაზები ეხება ჩვენი ორი ისტორიული რეგიონის, აფხაზეთისა და „სამხრეთ ოსეთის“ ოკუპაციას და ჩვენს ევროატლანტიკურ მისწრაფებებს“, - განაცხადა ირაკლი კობახიძემ.

 

მისივე თქმით, ევროკავშირი და ნატო ის ძირითადი ინსტიტუტებია, რომლებიც საქართველოს ინტერესებს იცავენ.

 

„ჩვენ მუდმივი კომუნიკაცია გვაქვს ჩვენს მეგობრებთან ევროკავშირში. რა თქმა უნდა, ჩვენ გვესმის ის გამოწვევები, რომელიც უკავშირდება სხვადასხვა გარემოებებს. მივიჩნევთ, რომ ჩვენი ქვეყნის ძირითადი ინტერესები სათანადოდ იქნება დაცული და ევროკავშირი და ნატო ის ძირითადი ინსტიტუტებია, რომლებიც ჩვენს ინტერესებს იცავენ“, - დასძინა ირაკლი კობახიძემ.

საქართველოს პრემიერ-მინისტრი მამუკა ბახტაძე სომხეთის რესპუბლიკის პრეზიდენტ არმენ სარქისიანს შეხვდა. როგორც „გლობალპრესს“ საქართველოს პრემიერ-მინისტრის პრესსამსახურიდან აცნობეს, პირისპირ შეხვედრისას ხაზი გაესვა ორ ქვეყანას შორის არსებულ კეთილმეზობლურ ურთიერთობებსა და სხვადასხვა სფეროში წარმატებულ თანამშრომლობას.

 

პრემიერ-მინისტრმა სომხეთის პრეზიდენტს საქართველოს პრეზიდენტის ინაუგურაციაზე სტუმრობისთვის მადლობა გადაუხადა.

 

მხარეებმა ასევე განიხილეს სავაჭრო-ეკონომიკური კავშირების განვითარების კუთხით არსებული პოტენციალი და საკითხები, რომლებზე მსჯელობაც ორი ქვეყნის მთავრობათაშორისი ეკონომიკური კომისიის ფარგლებში იგეგმება.

 

საუბრისას ყურადღება დაეთმო განათლებისა და კულტურის სფეროში თანამშრომლობას. საქართველოს პრემიერ-მინისტრისა და სომხეთის რესპუბლიკის პრეზიდენტის პირისპირ შეხვედრა მთავრობის ადმინისტრაციაში გაიმართა.

ავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ჯეიმს აპატურაი საქართველოს 12 დეკემბერს ეწვევა.

 

ინფორმაციას ამის შესახებ საგარეო საქმეთა სამინისტრო ავრცელებს. ვიზიტის ფარგლებში აპატურაი შეხვედრებს საქართველოს პრემიერ-მინისტრთან, პრეზიდენტთან, საგარეო საქმეთა და თავდაცვის მინისტრებთან გამართავს.

 

ჯეიმს აპატურაი ასევე ნატო-სა და ევროკავშირის შესახებ საინფორმაციო ცენტრში საჯარო ლექციას გამართავს საქართველოს სხვადასხვა უნივერსიტეტის სტუდენტებისთვის.

 

საგარეო უწყებაში აცხადებენ, რომ კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის თბილისში ვიზიტი ადასტურებს ნატო-საქართველოს ურთიერთობებს მაღალ ინტენსივობას და ცხადყოფს, რომ ჩვენს ქვეყანას ნატო-ს დღის წესრიგში განსაკუთრებული ადგილი უკავია.

მუდმივი ძალისხმევით, პრაგმატული პოლიტიკითა და მოთმინებით, გვჯერა, რომ საბოლოოდ, ჩვენი უმთავრესი საგარეო პოლიტიკის პრიორიტეტი მიღწეული იქნება და საქართველო ევროკავშირისა და ნატოს წევრი გახდება, - ამის შესახებ საქართველოს პარლამენტის თავმჯდომარემ ტალინში, სემინარზე - „შიდაპოლიტიკური განვითარება და საქართველოს საგარეო პოლიტიკის პრიორიტეტები“ სიტყვით გამოსვლისას განაცხადა.

 

როგორც „გლობალ პრესს“ საქართველოს პარლამენტიდან აცნობეს, სემინარში მონაწილეობისას, პარლამენტის თავმჯდომარემ ჩვენი ქვეყნის საგარეო პოლიტიკურ პრიორიტეტებზე, საქართველოში ჩატარებულ საპრეზიდენტო არჩევნებსა და ახლადარჩეულ პრეზიდენტზე, ასევე, კონსტიტუციის ახალ რედაქციაზე ისაუბრა.

 

ირაკლი კობახიძის თქმით, საქართველოს საგარეო პოლიტიკური პრიორიტეტები მკაფიოდაა განსაზღვრული და ეს არის ევროპული და ევროატლანტიკური ინტეგრაცია. მისივე განცხადებით, აღნიშნული მიზნები აისახა სპეციალურ საპარლამენტო რეზოლუციაში და ახლა უკვე, გარანტირებულია კონსტიტუციურ დონეზეც.

 

„კონსტიტუციის ახალი რედაქცია ამბობს, რომ კონსტიტუციურმა ორგანოებმა ყველაფერი უნდა გააკეთონ საქართველოს ევროკავშირსა და ნატოში გაწევრიანების უზრუნველყოფისთვის, რაც იმას ნიშნავს, რომ ეს მიზანი გახდა გარანტირებული კონსტიტუციურ დონეზე. ჩვენ ყველაფერს ვაკეთებთ ამ მიზნის მისაღწევად“,- აღნიშნა პარლამენტის თავმჯდომარემ.

 

მისივე განცხადებით, აღნიშნული მიზნის მიღწევა მოკლევადიან პერსპექტივაში ადვილი არ იქნება და რამდენიმე წელიწადს მოითხოვს.

 

ირაკლი კობახიძემ საქართველოში განხორციელებულ რეფორმებსა და ევროინტეგრაციის კუთხით არსებულ მიღწევებზეც ისაუბრა და აღნიშნა, რომ ამ მიღწევებთან ერთად, ევროპული და ევროატლანტიკური ინტეგრაციის იდეა ჩვენს ქვეყანაში კიდევ უფრო მყარდება.

 

საქართველოს პარლამენტის თავმჯდომარის განცხადებით, მთავარი ეროვნული გამოწვევა რუსეთის ფედერაციას და ჩვენი ქვეყნის ორი ისტორიული რეგიონის ოკუპაციას უკავშირდება. პარლამენტის ცნობით, ირაკლი კობახიძემ იმ პრაგმატულ პოლიტიკაზე ისაუბრა, რომელსაც საქართველო რუსეთთან მიმართებაში ახორციელებს და რომელსაც, მისი თქმით, ფართოდ უჭერენ მხარს დასავლელი პარტნიორები.

 

„აფხაზეთი და ცხინვალის რეგიონი ოკუპირებულია რუსეთის ფედერაციის მიერ. რუსეთის ფედერაციასთან ვახორციელებთ პრაგმატულ პოლიტიკას, რასაც ფართოდ უჭერენ მხარს ჩვენი დასავლელი პარტნიორები. ეს პოლიტიკა 2012 წლიდან შევცვალეთ და მოვახერხეთ, მნიშვნელოვნად გაგვეუმჯობესებინა სტაბილურობასა და უსაფრთხოებასთან დაკავშირებული ვითარება ჩვენს ქვეყანაში. ახლა გვაქვს არა მხოლოდ უფრო მაღალი დონე სტაბილურობისა და უსაფრთხოებისა ჩვენს ქვეყანაში, არამედ, წვლილი შეგვაქვს რეგიონის სტაბილურობასა და უსაფრთხოებაში. საქართველო ასრულებს პოზიტიურ როლს რეგიონში. ვცდილობთ, წვლილი შევიტანოთ გლობალურ მშვიდობასა და უსაფრთხოებაში. აქტიურად ვთანამშრომლობთ დასავლელ პარტნიორებთან, ევროკავშირთან, ნატოსთან და ამ მუდმივი ძალისხმევით, პრაგმატული პოლიტიკითა და მოთმინებით, გვჯერა, რომ საბოლოოდ, ჩვენი უმთავრესი საგარეო პოლიტიკის პრიორიტეტი მიღწეული იქნება და ჩვენ ევროკავშირისა და ნატოს წევრები გავხდებით“,- განაცხადა ირაკლი კობახიძემ.

 

მისივე შეფასებით, რუსეთის ფედერაციასთან გარკვეული წარმატების მიღწევა მოხერხდა, თუმცა, რაც შეეხება პოლიტიკურ პროგრესს, ამ მხრივ პროგრესი არ არის.

 

„რუსეთის ფედერაციასთან გარკვეული წარმატების მიღწევა მოვახერხეთ, რაც ჰუმანიტარულ, სავაჭრო, სატრანსპორტო, ზოგადად, ეკონომიკურ ურთიერთობას უკავშირდება. თუმცა, რაც შეეხება პოლიტიკურ პროგრესს, ამ მხრივ, უბრალოდ ნულია. არ გვაქვს არანაირი პოლიტიკური პროგრესი და ტენდენცია ნეგატიურია. ოკუპირებულ რეგიონებში ადამიანის უფლებათა ძალიან სერიოზული დარღვევების მოწმე ვართ, ადამიანთა გატაცება და მკვლელობაც კი, რეგულარულად ხდება. საერთაშორისო საზოგადოებამ ამ პრობლემას განსაკუთრებული ყურადღება უნდა მიაქციოს. არის დარღვევების სხვა შემთხვევებიც: მაგალითად, ქართველ ბავშვებს, რომლებიც აფხაზეთსა და ცხინვალის რეგიონში ცხოვრობენ, არ შეუძლიათ განათლების მშობლიურ ენაზე მიღება. ეს მას ნიშნავს, რომ მათ აღარ აქვთ განათლების მიღების საშუალება, რადგან მათი უმეტესობა სხვა ენაზე არ საუბრობს. ასე რომ, ვითარება საკმაოდ მძიმეა, ადამიანის უფლებები დარღვეულია და ეს მდგომარეობა უნდა გამოსწორდეს“,- განაცხადა პარლამენტის თავმჯდომარემ.

 

მისივე თქმით, პრობლემაა მცოცავი ანექსია. პარლამენტის ინფორმაციით, ირაკლი კობახიძემ კიდევ ერთხელ აღნიშნა, რომ საერთაშორისო საზოგადოებამ რუსეთის ფედერაციის მხრიდან აგრესიის შესაჩერებლად, ხმა უნდა აიმაღლოს.

 

„საერთაშორისო საზოგადოებამ ხმა უნდა აიმაღლოს, რომ ეს აგრესია შეაჩეროს რუსეთის ფედერაციის მხრიდან. 2008 წელს, როდესაც საქართველოსა და რუსეთის ფედერაციას შორის ომი მოხდა, ადამიანთა უმრავლესობა, ალბათ, არ ელოდა, იგივე შეიძლებოდა, სხვა ქვეყნებშიც განმეორებულიყო, მაგრამ რამდენიმე წლის შემდეგ, იმავე მოხდა უკრაინაში. ახლა ჩვენ მოწმენი ვართ მოვლენების პრობლემატური განვითარებისა უკრაინაში, აზოვის ზღვაში. ასე რომ, ფრთხილად უნდა ვიყოთ, როდესაც ვსაუბრობთ რუსეთის ფედერაციის შესაძლო აგრესიაზე და იმედი გვაქვს, რომ გვექნება ძლიერი მხარდაჭერა საერთაშორისო საზოგადოების მხრიდან ამ კუთხით“,- განაცხადა ირაკლი კობახიძემ.

 

სემინარში მონაწილეობა ესტონეთის პოლიტიკური, სამეცნიერო და აკადემიური წრეების წარმომადგენლებმა მიიღეს.

 

საქართველოს პარლამენტის თავმჯდომარისა და თანხმლები დელეგაციის ვიზიტი ესტონეთში დღეს დაიწყო. დელეგაციის შემადგენლობაში საპარლამენტო უმრავლესობის ლიდერი არჩილ თალაკვაძე და ესტონეთის პარლამენტთან მეგობრობის ჯგუფის ხელმძღვანელი, ნინო წილოსანი შედიან.

საგარეო საქმეთა მინისტრის მოადგილემ ლაშა დარსალიამ ბრიფინგი გამართა ჟენევაში გაეროს განყოფილებასთან და სხვა საერთაშორისო ორგანიზაციებთან აკრედიტებული დიპლომატიური წარმომადგენლობებისთვის. ამის შესახებ ინფორმაციას საგარეო საქმეთა სამინისტრო ავრცელებს.

 

საგარეო საქმეთა მინისტრის მოადგილემ ჟენევაში აკრედიტებული დიპლომატიური კორპუსის წარმომადგენლებს ინფორმაცია მიაწოდა საქართველოს ოკუპირებულ ტერიტორიებზე ბოლო დროს განვითარებულ უკანონო პროცესებზე, რუსეთსა და საქართველოს შორის ევროკავშირის, გაეროს, ეუთოს შუამავლობითა და აშშ-ის მონაწილეობით მიმდინარე ჟენევის საერთაშორისო მოლაპარაკებებსა და საქართველოს სამშვიდობო პოლიტიკაზე. ლაშა დარსალიამ ვრცლად განიხილა რუსეთის მხრიდან აფხაზეთისა და ცხინვალის რეგიონების უკანონო ოკუპაციისა და ეთნიკური წმენდის პოლიტიკის მძიმე შედეგები. ყურადღება გაამახვილა რუსეთის ფედერაციის მიერ 2008 წლის 12 აგვისტოს ცეცხლის შეწყვეტის შეთანხმების დარღვევებსა და საქართველოს ოკუპირებული რეგიონების მილიტარიზაციაზე. ისაუბრა საოკუპაციო ხაზზე მავთულხლართებისა და ხელოვნური ბარიერების აღმართვის უკანონო პროცესზე. შეხვედრაზე განსაკუთრებული აქცენტი გაკეთდა არჩილ ტატუნაშვილის, გიგა ოთხოზორიასა და დავით ბაშარულის სიცოცხლის ხელყოფის ფაქტებზე და ხაზი გაესვა ამ საქმეებზე მართლმსაჯულების აღსრულების საჭიროებას. მინისტრის მოადგილემ აღნიშნა, რომ ადგილზე ჰუმანიტარული და ადამიანის უფლებების კუთხით შექმნილი რთული მდგომარეობა ნათლად მიუთითებს ოკუპირებულ ტერიტორიებზე ადამიანის უფლებათა დაცვის საერთაშორისო მექანიზმების დაშვების აუცილებლობას. ლაშა დარსალიამ დიპლომატიური კორპუსის წარმომადგენლებს ინფორმაცია მიაწოდა ჟენევის საერთაშორისო მოლაპარაკებების მიმდინარეობაზე. მან ხაზი გაუსვა დღის წესრიგის მთავარ საკითხებზე არსებითი შედეგების მიღწევის მნიშვნელობას, როგორიცაა რუსეთის მიერ ძალის არგამოყენების ვალდებულების დადასტურება და შესრულება, ადგილზე უსაფრთხოების საერთაშორისო მექანიზმების შექმნა, იძულებთ გადაადგილებულ პირთა და ლტოლვილთა უსაფრთხო და ღირსეული დაბრუნება. მინისტრის მოადგილემ უცხოელ დიპლომატებს გააცნო საქართველოს სამშვიდობო პოლიტიკის ძირითადი მიმართულებები და პრიორიტეტები. მან ხაზი გაუსვა რუსეთ-საქართველოს კონფლიქტის მშვიდობიანი დარეგულირების პროცესში საერთაშორისო თანამეგობრობის აქტიური და ქმედითი ჩართულობის აუცილებლობას, რათა შესაძლებელი გახდეს მდგრადი მშვიდობისა და უსაფრთხოების მიღწევა. შეხვედრაზე განცხადებები გააკეთეს სხვადასხვა ქვეყნების დელეგაციებმა. მათ ერთსულოვნად გამოხატეს საქართველოს სუვერენიტეტის, ტერიტორიული მთლიანობისა და საქართველოს ოკუპირებული რეგიონების მიმართ არაღიარების პოლიტიკის მტკიცე მხარდაჭერა. ჟენევაში აკრედიტებული დიპლომატიური კორპუსის წარმომადგენლებმა დადებითად შეაფასეს საქართველოს მთავრობის პოლიტიკა კონფლიქტის მშვიდობიანი დარეგულირების მიმართულებით.

საქართველოს საგარეო საქმეთა მინისტრი დავით ზალკალიანი ეუთო-ს საგარეო საქმეთა მინისტრთა საბჭოს 25-ე სესიაში მონაწილეობს, რომელიც 6-7 დეკემბერს, მილანში მიმდინარეობს.

 

როგორც „გლობალ პრესს“ საქართველოს საგარეო საქმეთა სამინისტროდან აცნობეს, უწყების ხელმძღვანელი ეუთო-ს მინისტერიალის ფარგლებში პლენარულ სესიაზე სიტყვით გამოვა. მათივე ცნობით, საკუთარ გამოსვლაში დავით ზალკალიანი ყურადღებას გაამახვილებს რუსეთ-საქართველოს კონფლიქტზე, საქართველოს ოკუპირებულ რეგიონებში შექმნილ მძიმე მდგომარეობაზე, როგორც ადამიანის უფლებების დაცვის, ასევე უსაფრთხოების თვალსაზრისით.

 

აღსანიშნავია, რომ ეუთო-ს მინისტთა საბჭოს სხდომაზე ასევე მიიღებენ საქართველოს მეგობართა ჯგუფის ერთობლივ განცხადებას, რომელიც ასევე შეეხება საქართველოს ტერიტორიების ოკუპაციასა და მის თანმდევ შედეგებს.

 

საქართველოს საგარეო უწყების ხელმძღვანელის შეფასებით ეუთო-ს ფარგლებში საქართველოს მეგობართა ჯგუფი წარმოადგენს უმნიშვნელოვანეს ფორმატს იმისათვის, რომ საქართველოს საკითხი, მიუხედავად რუსეთის წინააღმდეგობისა, კვლავ აქტიურად იდგეს ორგანიზაციის დღის წესრიგში.

 

„ეუთო-ს მინისტერიალს ჩვენ გამოვიყენებთ იმისთვის, რომ საქართველოს წინაშე არსებული გამოწვევები, კერძოდ უსაფრთხოების კუთხით და ოკუპირებულ ტერიტორიებზე შექმნილი სიტუაცია იყოს ადეკვატურად შეფასებული. მოგეხსენებათ, რომ ეუთო-ს მინისტერიალზე უკვე წლებია რუსეთის ფედერაციის არაკონსტრუქციული დამოკიდებულების გამო ვერ ხერხდება საქართველოსთან დაკავშირებით დეკლარაციის მიღება რადგან ეუთო-ში მოქმედებს კონსესუსის პრინციპი, თუკი ერთი ქვეყანა წინააღმდეგია გადაწყვეტილება არ არის მიღებული, ამიტომ ჩვენ მუდმივად გვიხდება ამ პრობლემასთან გამკლავება. უკვე რამდენიმე წელია ეუთო-ში არსებობს საქართველოს მეგობარი ქვეყნების ჯგუფის ფორმატი, სწორედ ამ ჯგუფში ვცდილობთ რომ მოხდეს ჩვენთვის აქტუალური საკითხების შეფასება. ბუნებრივია, წელსაც ამ მიმართულებით მნიშვნელოვანი საქმიანობა არის განხორციელებული. მოლოდინი გვაქვს რომ საქართველოს მეგობარი ქვეყნების ჯგუფის მიერ იქნება მიღებული შესაბამისი განცხადება სადაც ყველა ეს პრობლემა იქნება ადეკვატურად ასახული“, - აღნიშნა ზალკალიანმა.

 

აღსანიშნავია, რომ ეუთო-ს მინისტრთა საბჭოს სხდომის ფარგლებში გაიმართება სუამის მინისტერიალი და ასევე პირველად გაიმართება სუამი-კანადის ფორმატით შეხვედრა, რა დროსაც მონაწილეები ერთობლივ განცხადება მიიღებენს.

 

საგარეო საქმეთა სამინისტროს ცნობით, დავით ზალკალიანი ასევე შეხვედრებს გამართავს ეუთო-ს სხვადასხვა ინსტიტუტების წარმომადგენლებთან და კოლეგა მინისტრებთან. მათ შორის შეხვდება ორგანიზაციის გენერალურ მდივანს- ტომას გრემინგერს, ODIHR-ის დირექტორს-დინგიბიორგ გისლადოტირის და ჟენევის მოლაპარაკებების თანა-თავმჯდომარეებს რუდოლფ მიხალკას, ჯიჰან სულთანოღლუს და ტოივო კლაარს.

საქართველოს პარლამენტის თავმჯდომარემ, ირაკლი კობახიძემ ესტონეთში ვიზიტი დაიწყო. ამის შესახებ „გლობალპრსს“ საქართველოს პარლამენტიდან აცნობეს.

 

მათივე ინფორმაციით, ვიზიტის ფარგლებში პირველი შეხვედრა ირაკლი კობახიძემ ესტონეთის პარლამენტის (რიიგიკოგუს) თავმჯდომარესთან, ეიკი ნესტორთან გამართა.

 

შეხვედრაზე ორმხრივ ურთიერთობებზე ისაუბრეს და საქართველოსა და ესტონეთში მიმდინარე პროცესები მიმოიხილეს. საუბარი შეეხო ჩვენს ქვეყანაში ჩატარებულ საპრეზიდენტო არჩევნებსა და საქართველოს კონსტიტუციის ახალი რედაქციის ამოქმედებას. ირაკლი კობახიძემ ესტონელ კოლეგას ქვეყნის უმთავრეს კანონში ასახული ძირითადი ცვლილებები გააცნო.

 

„ვისაუბრეთ ორმხრივ ურთიერთობებზე. მოხარულები ვართ, რომ ესტონეთსა და საქართველოს შორის ძალიან მეგობრული ურთიერთობები და თანამშრომლობაა. ჩვენს კოლეგას, მეგობრებს, მადლობა გადავუხადეთ მხარდაჭერისთვის, რომელსაც ესტონეთის მხრიდან ვგრძნობთ. ასევე, მიმოვიხილეთ ის პროცესები, რომელიც ვითარდება საქართველოში, ასევე, ესტონეთში. ესტონეთში მალე ტარდება საპარლამენტო არჩევნები და საუბარი ამ საკითხებსაც შეეხო. ასევე, ვისაუბრეთ ჩვენს საპრეზიდენტო არჩევნებზე, კონსტიტუციის ამოქმედებაზე და იმ ცვლილებებზე, რომლებიც მოჰყვება კონსტიტუციის ამოქმედებას“,- განაცხადა შეხვედრის დასრულების შემდეგ საქართველოს პარლამენტის თავმჯდომარემ.

 

ესტონეთის მხრიდან, საქართველოს სრული მხარდაჭერა დაადასტურა რიიგიკოგუს თავმჯდომარემ.

 

„ძალიან წარმატებული შეხვედრა იყო. მოხარული ვარ, რომ ჩემი კარგი კოლეგა, საქართველოს პარლამენტის თავმჯდომარე ტალინში იმყოფება. მივულოცე საქართველოს კონსტიტუციის ახალი რედაქციის ამოქმედება, საქართველოს ახალი პრეზიდენტის არჩევა და წარმატებები ვუსურვე პრეზიდენტს. ვისაუბრეთ საპარლამენტო დემოკრატიის შესახებ. დარწმუნებული ვარ, რომ ეს არის ქვეყნის მართვის საუკეთესო გზა. ხანდახან, რთულია, მაგრამ კარგი შედეგები აქვს. ჩვენს ქვეყნებს ძალიან თბილი და მეგობრული ურთიერთობა აკავშირებთ. ჩვენ საქართველოსა და ქართველი ხალხის გვერდით ვართ. ესტონეთი სრულად უჭერს მხარს საქართველოს ევროკავშირსა და ნატოში ინტეგრაციის გზაზე“,- აღნიშნა ეიკი ნესტორმა.

 

შეხვედრის დასრულების შემდეგ, საქართველოს პარლამენტის თავმჯდომარემ ესტონეთის პარლამენტის შენობა დაათვალიერა და სტუმრების წიგნში ჩანაწერი გააკეთა. ირაკლი კობახიძე იმყოფებოდა პლენარულ სხდომათა დარბაზშიც, სადაც მას და დელეგაციის წევრებს, ესტონელი დეპუტატები მიესალმნენ.

შინაგან საქმეთა მინისტრი გიორგი გახარია სამუშაო ვიზიტით, 11-12 დეკემბერს, სტრასბურგში იმყოფებოდა. როგორც „გლობალ პრესს“ შინაგან საქმეთა სამინისტროდან აცნობეს, ვიზიტის ფარგლებში შინაგან საქმეთა მინისტრმა შეხვედრები გამართა ევროპის საბჭოს გენერალური მდივნის მოადგილე გაბრიელა ბატტაინი დრაგონისთან, ევროპის საბჭოს საპარლამენტო ასამბლეის გენერალურ მდივან ვოიჩეკ სავიცკისთან, ადამიანის უფლებათა ევროპული სასამართლოს პრეზიდენტ გუიდო რაიმონდისთან, ვენეციის კომისიის მდივანთან ტომას მარკერტთან და ადამიანის უფლებათა კომისართან დუნია მიატოვიჩთან.

 

სამუშაო ვიზიტის მიზანი ევროპელი პარტნიორებისთვის შინაგან საქმეთა სამინისტროში მიმდინარე რეფორმების - „სისტემური განახლების“ კონცეფციის გაცნობა იყო, რაც საპოლიციო დანაყოფებში მუშაობის თვისობრივად ახალი მეთოდების და თანამედროვე სტანდარტების დანერგვას უკავშირდება. შეხვედრების ფარგლებში, ასევე განიხილებოდა ადამიანის უფლებათა დაცვის კუთხით სამინისტროს პოლიტიკა, გატარებული ღონისძიებები და მიღწეული შედეგები.

 

ევროპის საბჭოში გამართულ შეხვედრებზე დადებითად შეფასდა შინაგან საქმეთა სამინისტროში ადამიანის უფლებათა დაცვის დეპარტამენტის შექმნა და მისი საქმიანობა.

 

მხარეებმა, ასევე, განიხილეს სხვა აქტუალური საკითხები, რაც უკავშირდება ოკუპირებულ ტერიტორიებზე და მათ მიმდებარედ, წლების მანძილზე, მოსახლეობის ეთნიკური ნიშნით შევიწროებას, ადამიანის უფლებების დარღვევის მძიმე ფაქტებს და საერთაშორისო სადამკვირვებლო მისიების სათანადო ფუნქციონირებისთვის ხელის შემშლელ ფაქტორებს.

ნატო-ს საგარეო საქმეთა მინისტერიალის ფარგლებში საქართველოს საგარეო საქმეთა მინისტრი დავით ზალკალიანი ნატო-ს გენერალურ მდივანს იენს სტოლტენბერგს შეხვდა.

 

როგორც „გლობალ პრეს“ საგარეო საქმეთა სამინისტროდან აცნობეს, მინისტრის შეფასებით, შეხვედრამ უაღრესად პოზიტიურად ჩაიარა და საქართველომ კიდევ ერთხელ მიიღო უაღრესად პოზიტიური შეფასებები როგორც უშუალოდ მინისტერიალის ჩართულობის, ასევე საქართველოს ინტეგრაციულ პროცესებთან დაკავშირებით.

 

„ძალიან კარგი შეხვედრა იყო, გამომდინარე იქიდან, რომ ჩვენ ჯერ კიდევ შეხვედრამდე გვქონდა მისი უაღრესად პოზიტიური შეფასებები და მოლოდინები საქართველოსთან დაკავშირებით, კერძოდ, მინისტერიალის კონტექსტში და იმ თემებზე, რომელიც დაკავშირებულია ევროატლანტიკურ სივრცეში საქართველოს ინტეგრაციულ პროცესებთან. ძალიან პოზიტიური შეფასება გვაქვს ყველა იმ რეფორმებთან დაკავშირებით, რომელიც ხორციელდება თავდაცვის, უსაფრთხოების, დემოკრატიზაციის, სახელმწიფო ინსტიტუტების გაძლიერების კუთხით. კიდევ ერთხელ აღინიშნა, რომ საქართველოს აქვს ყველა პრაქტიკული ინსტრუმენტი ალიანსში წევრობისთვის. შესაბამისად, საუბარი შეეხება ნატო-ში ინტეგრაციასთან ჩვენს მოლოდინებს, ბუნებრივია, აუცილებელია, რომ ნატო-ს სამიტის გადაწყვეტილებები ითარგმნოს პრაქტიკულ განზომილებაში და ჩვენ კიდევ ერთი ნაბიჯით წავიწიოთ ინტეგრაციის პროცესში“, - განაცხადა დავით ზალკალიანმა შეხვედრის კომენტირებისას.

 

მისივე თქმით, გენერალურ მდივანთან შეხვედრაზე, ისევე, როგორც ნატო-ს მინისტერიალის ფარგლებში, როგორც ორმხრივ, ასევე მრავალმხრივ ფორმატებში საუბარი შეეხება საქართველოს ოკუპირებულ რეგიონებში შექმნილ ვითარებას, რუსეთის ფედერაციის აგრესიას რეგიონში.

 

საქართველოს საგარეო საქმეთა მინისტრი დავით ზალკალიანი ბრიუსელში იმყოფება, სადაც 4-5 დეკემბერს მიმდინარეობს ნატოს საგარეო საქმეთა მინისტერიალი. აღსანიშნავია, რომ მინისტერიალის ფარგლებში გაიმართება ჩრდილოატლანტიკური საბჭოს შეხვედრა საქართველოსა და უკრაინასთან.

ექსკლუზიური სიახლეები
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » დეკემბერი 2018
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31

ამინდი

უმეტესად ღრუბლიანი

1°C

თბილისი

უმეტესად ღრუბლიანი

სინესტე: 95%

ქარი: 4.83 km/h

  • 19 დეკემბერი 2018

    ღრუბლიანი 2°C 0°C

  • 20 დეკემბერი 2018

    ღრუბლიანი 4°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

დაბრუნდეს თუ არა რუსეთი დიდი რვიანში?