Global Press

Georgia

Global PressGlobal PressGlobal PressGlobal Press

USD
3.2345
EUR
3.797
RUR
0.0412
GBP
4.1958

ბალტიისპირეთის ქვეყნებმა: ლიეტუვამ, ლატვიამ და ესტონეთმა ბელარუსის პრეზიდენტი, ალექსანდრე ლუკაშენკო პერსონა ნონ გრატად გამოაცხადა. ამის შესახებ ინფორმაციას lefigaro ავრცელებს.

 

გამოცემის ინფორმაციით, ბალტიისპირეთის ქვეყნებმა ე.წ. შავ სიაში, ასევე 29 ბელარუსი მაღლჩინოსანი შეიყვანა

 

როგორც გამოცემა წერს, ბალტიისპირეთის ქვეყნების ე.წ. შავ სიაში მოხვდნენ ბელარუსის საარჩევნო კომისიისა და შინაგან საქმეთა სამინისტროს მაღალჩინოსნები

 

,,ეს მესიჯია, რომ ჩვენ უფრო მეტი უნდა გავაკეთოთ და მხოლოდ განცხადებებით არ უნდა შემოვიფარგლოთ. საჭიროა კონკრეტული ნაბიჯების გადადგმა“ - განაცხადა ლიეტუვის საგარეო საქმეთა მინისტრმა, ლინას ლინკევიჩუსმა

 

როგორც ცნობილია, ბელარუსში მასობრივი საპროტესტო ქციები მიმდინარეობს, რომელიც 9 აგვისტოს საპრეზიდენტო არჩევნების წინასწარი შედეგების გამოქვეყნებას მოჰყვა.

 

დემოსტრანტები და დასავლერი ლიდერები, ლუკაშენკოს განმეორებითი არჩვნების ჩატარებისკენ მოუწოდებენ, თუმცა 17 აგვისტოს ბელარუსის პრეზიდენტმა, ალექსანდრე ლუკაშენკომ ქვეყანაში განმეორებითი საპრეზიდენტო არჩევნების ჩატარება კატეგორიულად გამორიცხა.

 

,,ვიდრე არ მომკლავთ, სხვა არჩევები არ გაიმართება“ - განაცხადა ლუკაშენკომ

 

ბელორუსის პრეზიდენტმა, ასევე განაცხადა, რომ განმეორებითი არჩევნების ჩატარება მხოლოდ მაშინ იქნება შესაძლებელი, თუ ქვეყნის კონსტიტუცია შეიცვლება.

უკრინის საგარეო საქმეთა სამინისტრომპროტესტის ნიჩნად ელჩი იგორ კიზიმი ბელარუსიდან გამოიწვია. ამის შესახებ ინფორმაციას eurointegration ავრცელებს

 

როგორც გამოცემა წერს, უკრაინის საგარეო უწყების განმარტებით, 15 აგვისტოს პრეზიდენტმა ლუკაშენკომ კომპანია ,,ვაგნერის“ მებრძოლები რუსეთს გადასცა, იმის მიუხედავად, რომ მათ ექსტრადირებას ოფიციალური კიევი ითხოვდა.

 

უწყების ხელმძღვანელის, დიმიტრი კულება, ასევე აღნიშნვს, რომ მინსკის ამ ნაბიჯმა დააზარალა ბელარუსსა და უკრაინას შორის არსებული ნდობა

 

,,ასეთი ზომას ბელარუსთან ურთიერთობის ისტორიის განმავლობაში პირველად ვიღებთ და ამას მხოლოდ და მხოლოდ მინსკის დაუშვებელი ქმედებების გამო ვაკეთებ. ბელარუსში სიტუაციის დარეგულირებაში რუსეთი შესაძლო ჩართულობა ახალ სააფრთხეებს შექმნის, როგორც მოქალაქეების პირადი უსაფრთხოებისთვის, ასევე მთლიანობაში, რეგიონული უსაფრთხოებისთვის“ - განცხადა კულებამ

 

მისივე განცხადებით, ლუკაშენკო ბოლო დროს უჯრაინის მიმართ უსაფუძვლოდ მტრული გამონათქვამებით გამოირჩევა. მაგალითად, 16 აგვისტოს მან ოფიციალური კიევი მეზობელ ნატოს წევრ ქვეყნებთან ბელარუსის წინააღმდეგ შეთქმულების დაგეგმვაში დაადანაშაულა

მსოფლიოს სხვადასხვა ქვეყნის ლიდერები, ბეირუთში მომხდარი აფეთქებით დაზარალებული ლიბანის დასახმარებლად, დღეს ონლაინკონფერენციას გამართავენ, - ამის შესახებ BBC წერს.

 

ინიციატივა საფრანგეთის პრეზიდენტს, ემანუელ მაკრონს ეკუთვნის. ქვეყნების პირველი პირები იმის შესახებ იმსჯელებენ, თუ როგორ გაუწიონ ერთობლივი დახმარება დაზარალებულ ქვეყანას.

 

კონფერენციაზე დასასწრებად, ევროკავშირის ქვეყნებთან ერთად, ჩინეთის, იორდანიის, ეგვიპტის, რუსეთისა და სხვა არაერთი ქვეყნის ლიდერია მიწვეული.

 

აშშ-ის პრეზიდენტმა, დონალდ ტრამპა განაცხადა, რომ გეგმავს, კონფერენციას შეუერთდეს.

 

კონფერენცია, ლიბანის დროით, 14:00 საათზე დაიწყება.

 

ძლიერი აფეთქება ბეირუთის პორტში 4 აგვისტოს საღამოს მოხდა, რამაც ქალაქში შენობების ნგრევა გამოიწვია. ბოლო მონაცემებით, დაღუპულია 158 ადამიანი. ქალაქის გუბერნატორმა, მარვან აბუდმა განაცხადა, რომ მომხდარი აფეთქების შედეგად, 300 ათასი ადამიანი თავშესაფრის გარეშე დარჩა. მომხდარს ლიბანში ანტისამთავრობო აქციები მოჰყვა. მოქალაქეები ხუთი დღის წინ მომხდარ აფეთქებას აპროტესტებენ, ხელისუფლებას გულგრილობაში ადანაშაულებენ და მთავრობის გადადგომას მოითხოვენ.

 

ცოტა ხნის წინ ლიბანის ინფორმაციის მინისტრმა, მანალ აბდელ სამადმა თანამდებობა დატოვა.

 

6 აგვისტოს საფრანგეთის პრეზიდენტი, ემანუელ მაკრონი ლიბანის დედაქალაქ ბეირუთს ვიზიტით ეწვია და დემონსტრანტებს ამ სიტყვებით მიმართა: „მე აქ ვარ და ჩემი ვალდებულებაა დაგეხმაროთ მედიკამენტებითა და საკვებით უზრუნველყოფაში. გარანტიას გაძლევთ, რომ ეს დახმარება კორუმპირებულ ხელებში არ აღმოჩნდება“.

რუსეთმა სლოვაკეთის საელჩოს 3 დიპლომატი ქვეყნიდან გააძევა. ამის შესახებ ქვეყნის საგარეო საქმეთა სამინისტროზე დაყრდნობით, Deutsche Welle წერს.

 

როგორც უწყებაში განმარტავენ, ეს ზომა სლოვაკეთში ჯაშუშობისთვის რუსი დიპლომატების გაძევების საპასუხოდ მიიღეს.

 

კერძოდ, 10 აგვისტოს ცნობილი გახდა, რომ სლოვაკეთის ხელისუფლებამ სამი რუსი დიპლომატი ქვეყნიდან ჯაშუშობის ბრალდებით გააძევა.

აშშ-ის სახელმწიფო მდივანი ბელორუსისთვის საქნციების დაწესებას და ნავთობის მიწოდების შეჩერებას არ გამორიცხავს - ამის შესახებ ჩეხეთში, ევროპული ტურნეს ფარგლებში მყოფმა პომპეომ რადიო ,,თავისუფლებისთვის“ მიცემულ ინტერვუში განაცხადა.

 

,,დარწმუნებული ვარ, რომ სანქციების შესაძლო დაწესებასა და ნავთობის მიწოდების შეჩერების საკითხს განვიხილავთ. განვიხილავთ იმას, თუ რა უნდა გავაკეთოთ არა მხოლოდ ცალმხრივ, არამედ მრავალმხრივ ჭრილში, რომ კარგი შედეგები მივიღოთ ბელარუსის მოქალაქეებისთვის. ამ ყველაფრის განსაზღვრა კიდევ მოგვიწევს. უნდა ვნახოთ, როგორ განვითრდება მოვლენები ბელარუსში“, - განაცხადა მაიკ პომპეომ.

 

აშშ-ს სახელმწიფო მდივნის განცხადებით, აშშ ევროკავშირთან ერთად ითანამშრომლებს ბელარუსში განვითარებულ მოვლენებზე პასუხის გასაცემად.

 

პომპეომ, ასევე აღნიშნა, რომ აშშ შეშფოთებულია იმით, რომ ბელარუსში ჩატარებული არჩევნები სათანადოდ თავისუფალი და სამართლიანი არ იყო, თუმცა საპასუხო ზომის შესახებ ჯერჯერობით კონკრეტული გადაწყვეტილება მიღებული არ არის.

 

ბელარუსში საპრეზიდენტო არჩევნები 9 აგვისტოს გაიმართა. ბელარუსის ცენტრალური საარჩევნო კომისიის მონაცემებით, ქვეყნის საპრეზიდენტო არჩევნებში ალექსანდრე ლუკაშენკოს ამომრჩეველთა 80.23%-მა დაუჭირა მხარი, ხოლო მის მთავარ მეტოქეს, სვეტლანა ტიხანოვსკაიას 9.9%-მა.

აია-სოფიას ტაძარი მეჩეთად გადაკეთდა, დღეიდან კი მუსლიმური მსახურება დაიწყო. თურქეთის სახელმწიფო საბჭომ 10 ივლისს მიღებული გადაწყვეტილებით, მთავრობის 1934 წლის გადაწყვეტილება გააუქმა, რომლის მიხედვით სტამბოლში მდებარე აია-სოფიას ტაძარი მუზეუმად გადაკეთდა. შესაბამისად ქრისტიანული სამყაროს მნიშვნელოვანი სიმბოლო, აია-სოფიას ტაძარი კვლავ მეჩეთი გახდა. ლოცვის დროს კი, ქრისტიანული ხატები და მოზაიკები ფარდებით ან ლაზერით დაიფარება, ხოლო ვიზიტორებისთვის, ტაძარში შესვლა უფასო იქნება.

 

თურქეთის, ამ გადაწყვეტილებას საერთაშორისო საზოგადოების მხრიდან დიდი გამოხმაურება მოყვა. ეკლესიათა მსოფლიო საბჭომ თურქეთის პრეზიდენტს რეჯეფ თაიფ ერდოღანს გადაწყვეტილების გაუქმებისკენ მოუწოდა.

 

,,აია-სოფიას მუზეუმის მეჩეთად გადაკეთების შესახებ გადაწყვეტილებით თქვენ თურქეთის გახსნილობის სიმბოლოს გარიყულობისა და დაყოფის სიმბოლოდ აქცევთ. გადაწყვეტილება აუცილებლად შექმნის გაურკვევლობას, ეჭვებსა და უნდობლობას, რომელიც ძირს გამოუთხრის თქვენს ძალისხმევას, გაერთიანდნენ და ითანამშრომლონ სხვა და სხვა რწმენის ადამიანებმა. ურთიერთგაგების, პატივისცემის, დიალოგისა და თანამშრომლობის განვითარების, ძველი მტრობისა და დანაწევრების თავიდან აცილების მიზნით, მოგმართავთ, გადახედოთ და შეცვალოთ თქვენი გადაწყვეტილება“ - აღნიშნულია ეკლესიათა მსოფლიო საბჭოს წერილში.

 

ასევე თურქეთის პრეზიდენტს გადაწვეტილების გაუქმებისკენ მოუწოდა აშშ-ს სახელმწიფო მდივანმა მაიკ პომპეომ. აშშ-ის სენატის, სენატორების, საგარეო საქმეთა კომიტეტის თავმჯდომარის, ჯიმ რიშის და სენატორი რობერ მენდენესის განცხადებით კი, ერდოღანის გადაწვეტილება ქრისტიანების შეურაცხყოფაა.

 

,,ჩვენ, მტკიცედ ვგმობთ პრეზიდენტ ერდოღანის გადაწყვეტილებას, წმინდა სოფიას მეჩეთად გადაკეთების თაობაზე. ისტორიის გარკვეულ მომენტებში წმინდა სოფიას ტაძარი ქრისტიანებისა და მუსლიმების თაყვანისცემის ადგილი იყო, ხოლო ათწლეულების განმავლობაში ყველა სარწმუნოების ხალხისათვის არაჩვეულებრივი და სტუმართმოყვარე ცენტრი იყო.

 

მოვუწოდებთ რეჯეფ თაიფ ერდოღანს, გააუქმოს ეს გადაწყვეტილება და შეინარჩუნოს წმინდა სოფიას ტაძრის შესანიშნავი მემკვიდრეობა და რელიგიურად ნეიტრალური მუზეუმის სტატუსი“,- განაცხადეს სენატორებმა.

 

თურქეთის პრეზიდენტმა, მათ საპასუხოდ განაცხადა, რომ აია-სოფია თურქეთის სუვერენიტეტის საკითხია და არავის შეუძლია ჩარევა, ასევე ერდოღანმა აღნიშნა, რომ აია-სოფიასთვის სტატუსის შეცვლით, თურქეთის ხელისუფლებამ ისტორიული შეცდომა გამოასწორა.

 

აღნიშნულ საკითხთან დაკავშირებით ,,გლობალპრესი“ რონდელის ფონდის მკვლევარს, თურქოლოგს ზურაბ ბატიაშვილს ესაუბრა.

 

მისი თქმით, აია-სოფიას ბევრი სიმბოლური დატვირთვა აქვს და ძალიან სენსიტიური თემაა, ამიტომ დიდი ყურადღების ქვეშ მოექცა ეს საკითხი, როგორც თურქეთში, ისე მსოფლიოში.

 

ასევე, ზურაბ ბატიაშვილი აღნიშნავს, რომ საერთაშორისო თანამეგობრობისთვის, ეს არის იმის მესიჯი, რომ თურქეთი არის დამოუკიდებელი საგარეო პოლიტიკური აქტორი და მას შეუძლია ნაკლებად გაითვალისწინოს, ან საერთოდ არ გაითვალისწინოს, საერთაშორისო თანამეგობრობის აზრი.

 

როდესაც, აია-სოფიას ტაძარი, ორ რელიგიურ სამყაროს შორის შერიგებისა და მშვიდობის სიმბოლოდ არის აღიარებული... ერდოღანის ეს გადაწყვეტილება, რა აუცილებლობით იყო ნაკარნახევი, რაში დაჭირდა ან რა გზავნილი იყო? 

 

ამ გადაწყვეტილებას რამდენიმე კონტექსტი აქვს. მათ შორის არის ისტორიული კონტექსტი, ასევე არის პოლიტიკური კონტექსტიც.

 

ისტორიული არის ის, რომ მე-6 საუკუნის ტაძარი, თითქმის 10 საუკუნე, როგორც ტაძარი ისე ფუნქციონირებდა, მათ შორის იყო პერიოდები, სანამ ეკლესია დაიყოფოდა, იყო საერთო ქრისტიანული ტაძარი, შემდეგ იყო მართლმადიდებლური ტაძარი, ერთი პერიოდი იყო კათოლიკურიც, როდესაც 1204 წელს ჯვაროსნებმა აიღეს კონსტატინეპოლი და 1261 წლამდე კონსტატინეპოლი, ლათინური იმპერიის შემადგენლობაში შედიოდა, შემდგომ მართლმადიდებლები(ბიზანტიელები) დაბრუნდენ ამ ქალაქში. 1453 წლის 29 მაისს კი, როდესაც ოსმალებმა კონსტატინეპოლი აიღეს, სულთან მეჰმედ II-ის დავალებით, ქრისტიანული ტაძარი მეჩეთად გადააკეთეს და ეს, გახდა ერთგვარი სიმბოლო ბიზანტიაზე, ოსმალეთის გამარჯვებისა.

 

1934 წელს, თურქეთის პირველი რესპუბლიკის დამაარსებელმა, პირველმა პრეზიდეტმა, ათათურქმა იგი გადააკეთა მუზეუმად. შესაბამისად ეს, ზოგისთვის არის სიმბოლო ოსმალეთის, ბიზანტიაზე გამარჯვების. ზოგისთვის კი თურქეთის სეკულარიზმის, მაგალითად ქემალისტებისთვის.

 

ამასთან დაკავშირებით სხვადასხვა შეხედულებები არსებობს, მაგალითად: როდესაც ათათურქმა ტაძარი გადააკეთა მუზეუმად, თურქეთის კონსერვატიული ძალების ერთ-ერთ მთავარ მიზნად, სწორედ აია-სოფიასთვის მეჩეთის ფუნქციის დაბრუნება იქცა და ათწლეულობის მანძილზე, ეს იყო მათი ნატვრა და ოცნება. ასე, რომ ამას ბევრი სიმბოლური დატვირთვა აქვს და ძალიან სენსიტიური თემაა, ამიტომ დიდი ყურადღების ქვეშ მოექცა ეს საკითხი, როგორც თურქეთში, ისე მსოფლიოში.

 

ასევე არის პოლიტიკური დატვირთვაც, იმიტომ, რომ საერთაშორისო არენაზე, თურქეთი, უკვე დიდიხანია დამოუკიდებელი საგარეო პოლიტიკურ აქტორად იქცა, ეს განსაკუთრებით შეინიშნებოდა, როცა საბჭოთა კავშირი დაიშალა და თურქეთის წინაშე აღარ იდგა ეგზისტენციური საფრთხე, მან ნელ-ნელა დაიწყო დამოუკიდებელი საგარეო პოლიტიკის გატარება, რასაც დაემატა ის, რომ ხელისუფლებაში მოვიდა ერდოღანი და მისი პარტია, მათ კიდევ უფრო ბალანსირებული პოლიტიკის გატარება დაიწყეს, აღარ იყო საჭირო დასავლეთის საგარეო პოლიტიკური კურსის გატარება, იმიტომ, რომ აღარ იყო ეგზისტენციური საფრთხე.

 

მათ შორის, რაც ახლო აღმოსავლეთში ხდება, ლიბიაში, სირიაში სადაც, მეორე მხარე დაპირისპირებული რუსეთია, სწორედ რუსეთის წინააღმდეგადაც არის გადადგმული ეს ნაბიჯი, რომელიც თავს ასაღებს მართლმადიდებლობის დამცველად, საერთაშორისო ასპარეზზე. დასავლეთის მოწოდებაც იყო, მაგრამ იყო რუსეთის მოწოდებაც, რომ ეს ტაძარი მეჩეთად არ გადაკეთებულიყო, მიუხედავად ამისა მაინც გადააკეთეს. ეს იყო მესიჯი, რომ თურქეთი არის დამოუკიდებელი საგარეო პოლიტიკური აქტორი, მათ შორის საერთაშორისო თანამეგობრობის დიდი ნაწილისთვის, რომ შეუძლია, ისეთი ნაბიჯები გადადგას, მათი ინტერესები და მოსაზრებები არ იყოს გათვალისწინებული.

 

ბოლო, რეგიონულ არჩევნებში, ოპოზიციამ მთელ რიგ ქალაქებში, მათ შორის სტამბოლში გაიმარჯვა. ამან ხომ არ განაპირობა აია-სოფიას მეჩეთად გადაკეთება?

 

ასეთი მოსაზრებებიც კი გაჟღერდა. აქ, არის ერთი მნიშვნელოვანი მომენტი, რომ თურქეთში შემდეგი არჩევნები არის 2023 წლისთვის დანიშნული, მანამდე ჯერ კიდევ 3 წელია დარჩენილი, რათქმაუნდა თუ არ გადმოწიეს. თუმცა ჯერ არჩევნები არ გადმოწუევიათ და არც არის საუბარი, ამიტომ ნაკლებად არის ამასთან დაკავშირებილი, ყოველშემთხვევაში ამ ეტაპზე მაინც არ ჩანს.

 

აია-სოფიას მეჩეთად გამოცხადება, ხომ არ ნიშნავს სეკულარული სახელმწიფოს დასასრულს და ისლამიზაციის დაწყებას?

 

ასეთი შეფასებებიც კეთდება, მაგრამ რეალურად თუ შევხედავთ ის, რაც სეკულარიზმია, რაც გულისხმობს, რომ თურქეთი რესპუბლიკაა, თავად სეკულარიზმის წყობაში, ძალიან ბევრი ცვლილება შემოიტანა ათათურქმა, რომელიც დღესაც ძალაშია, მაგალითად ის, რომ ლათინური ანბანია და არა არაბული. ასევ ის, რომ დასვენება არის შაბათ-კვირას და არა პარასკევს, როგორც ეს ოსმალეთის დროს იყო.

 

აღსანიშნავია გვარების რეფორმა, რომელიც ათათურქმა შემოიღო, იგივე ის, რომ დედაქალაქი ანკარაშია და არა სტამბოლში და ა.შ. ანუ ეს ყველაფერი ძალაშია.

 

ერდოღანის ამ გადაწყვეტილებას, საერთაშორისო საზოგადოების მხრიდან დიდი გამოხმაურება მოყვა, თუმცა მან, ისინი ქვეყნის შიდა საქმეში ჩარევაში დაადანაშაულა, როგორ ფიქრობთ, ერდოღანს აინტერესებს საერთაშორისო საზოგადოების აზრი? 

 

საერთაშორისო თანამეგობრობისთვის, ეს არის იმის მესიჯი, რომ თურქეთი არის დამოუკიდებელი საგარეო პოლიტიკური აქტორი და მას შეუძლია ნაკლებად გაითვალისწინოს, ან საერთოდ არ გაითვალისწინოს, საერთაშორისო თანამეგობრობის აზრი. სწორედ, ეს მესიჯი იყო გაგზავნილი, თურქეთიდან უცხოეთში.

 

ეს არის მისი სუვერენული, უფლება, თუ რას გააკეთების მის საკუთარ ტერიტორიაზე.

 

აია-სოფიას მეჩეთად გადაკეთება, ხომ არ გამოიწვევს ორ რელიგიას შორის დაპირისპირებას თურქეთში ან სხვა სახელმწიფოებში?

 

თურქეთის მოსახლეობის 99.9 % არის მუსლიმი, ამიტომ ეს ნაკლებად სავარაუდოა. რაც შეეხება, საერთაშორისო არენაზე, დღეს, უფრო სხვა პრობლემები დგას დღის წესრიგში, ალბათ აქაც ნაკლებად მოსალოდნელია რელიგიური დაპირისპირება.

ლატვიის, ლიეტუვისა და ესტონეთის ხელისუფლებები ბელარუსის 30 მაღალჩინოსანს, მათ შორის ქვეყნის პრეზიდენტს, ალექსანდრე ლუკაშენკოს სანქციებს დაუწესებენ. ამის შესახებ ლიეტუვის პრეზიდენტმა, გიტანას ნაუსედამ განაცხადა.

 

„დღის მეორე ნახევარში ლიეტუვა, ლატვია და ესტონეთი სასანქციო სიას გამოაქვეყნებენ. ამ სიაში დაახლოებით 30 პირია, თუმცა ეს სია მომავალში გაფართოვდება“, - აღნიშნა ლიეტუვის პრეზიდენტმა.

 

გიტანას ნაუსედამ განაცხადა, რომ სასანქციო სიაში ასევე იქნება შეყვანილი ბელარუსის პრეზიდენტი, ალექსანდრე ლუკაშენკო.

 

„ამ ეტაპზე ჩვენ ჯერ ვსაუბრობთ თანამდებობის პირებისათვის გადაადგილების შეზღუდვაზე. ბატონი ლუკაშენკო ამ სიაშია“, - დასძინა ლიეტუვის პრეზიდენტმა.

 

მასობრივი საპროტესტო გამოსვლები ბელარუსში საპრეზიდენტო არჩევნების წინასწარი შედეგების გამოცხადებას მოჰყვა, რომლის მიხედვითაც, ლუკაშენკომ ხმათა 80 პროცენტი მიიღო. დემონსტრაცია სამართალდამცველებმა ძალის გამოყენებით დაშალეს.

 

17 აგვისტოს ბელარუსის პრეზიდენტმა, ალექსანდრე ლუკაშენკომ ქვეყანაში განმეორებითი საპრეზიდენტო არჩევნების ჩატარება კატეგორიულად გამორიცხა და განაცხადა: „ვიდრე არ მომკლავთ, სხვა არჩევნები არ გაიმართება“. მან ასევე აღნიშნა, რომ განმეორებითი არჩევნების ჩატარება მხოლოდ მაშინ იქნება შესაძლებელი, თუ ქვეყნის კონსტიტუცია შეიცვლება.

აშშ-ის სახელმწიფო მდივანმა მაიკ პომპეომ ევროპის ქვეყნებში ტურნე დაიწყო. პომპეო პოლონეთს, ჩეხეთს, სლოვენიასა და ავსტრიას ეწვევა.

 

აშშ-ის სახელმწიფო მდივანი დღეს ჩეხეთს ესტუმრება, სადაც მონაწილეობას მიიღებს მეორე მსოფლიო ომის დროს აშშ-ის არმიის მიერ დასავლეთ ჩეხოსლოვაკიის გათავისუფლებისადმი მიძღვნილ ღონისძიებაში.

 

ოთხდღიანი ტურნეს ფარგლებში გამართულ შეხვედრებზე განსახილველ თემებს შორის იქნება ენერგეტიკულ სფეროში თანამშრომლობა, ჩინეთისა და რუსეთის გავლენის საკითხი და კორონავირუსთან ბრძოლა.

 

მაიკ პომპეო იმედოვნებს, რომ „ეს ძალიან მნიშვნელოვანი და პროდუქტიული ვიზიტები“ იქნება.

ჩეჩნეთის რესპუბლიკის ხელმძღვანელმა, რამზან კადიროვმა განაცხადა, რომ ტერორიზმზე გამარჯვებისთვის ნობელის პრემიას იმსახურებს. ამის შესახებ რამზან კადიროვმა ტელეკომპანია „როსია 1“-ის ეთერში ისაუბრა.

 

მისი თქმით, აშშ-ისგან განსხვავებით მან საერთაშორისო ტერორიზმთან ბრძოლაში წარმატებას მიაღწია.

 

„ჩვენ გავანადგურეთ საერთაშორისო ტერორიზმი. ნობელის პრემია უნდა მომცენ ტერორიზმზე გამარჯვებისთვის. ისინი კი სანქციებს მიწესებენ. უსამართლობაა!“, - აღნიშნა მან.

 

შეგახსენებთ, რომ 20 ივლისს, აშშ-მა რამზან კადიროვს ჩეჩნეთში ადამიანის უფლებების უხეში დარღვევების, წამებისა და მკვლელობების გამო სანქციები დაუწესა

უკრაინა ევროკავშირის დეკლარაციას შეუერთდა, რომელშიც ნათქვამია, რომ ბელარუსში გამართული საპრეზიდენტო არჩევნები თავისუფალი არ იყო და საერთაშორისო სტანდარტებს არ შეესაბამებოდა. ამის შესახებ უკრაინის საგარეო საქმეთა სამინისტროში განაცხადეს.

 

11 აგვისტოს ევროკავშირის დეკლარაცია გამოქვეყნდა სახელწოდებით „ბელარუსი:უსაფრთხოებისა და საგარეო პოლიტიკის საკითხებში ევროკავშირის უმაღლესი წარმომადგენლის დეკლარაცია საპრეზიდენტო არჩევნების თაობაზე“. აღნიშნული დეკლარაცია მესამე ქვეყნებისთვისაც ღიაა.

 

დეკლარაციაში ხაზგასმულია, რომ 9 აგვისტოს ბელარუსში გამართული საპრეზიდენტო არჩევნები თავისუფალი და სამართლიანი არ იყო.

 

მასობრივი საპროტესტო გამოსვლები ბელარუსში საპრეზიდენტო არჩევნების წინასწარი შედეგების გამოცხადებას მოჰყვა, რომლის მიხედვითაც, ლუკაშენკომ ხმათა 80 პროცენტი მიიღო. დემონსტრაცია სამართალდამცველებმა ძალის გამოყენებით დაშალეს, რის შედეგადაც 2 ადამიანი დაიღუპა და ათობით დაშავდა.

 

17 აგვისტოს ბელარუსის პრეზიდენტმა, ალექსანდრე ლუკაშენკომ ქვეყანაში განმეორებითი საპრეზიდენტო არჩევნების ჩატარება კატეგორიულად გამორიცხა და განაცხადა: „ვიდრე არ მომკლავთ, სხვა არჩევნები არ გაიმართება“.

 

მან ასევე აღნიშნა, რომ განმეორებითი არჩევნების ჩატარება მხოლოდ მაშინ იქნება შესაძლებელი, თუ ქვეყნის კონსტიტუცია შეიცვლება.

ამერიკის შეერთებული შტატები და დასავლეთის ქვეყნები განცხადებას ავრცელებენ და ამბობენ, რომ 9 აგვისტოს ბელორუსში ჩატარებული საპრეზიდენტო არჩევნები დემოკრატიულ სტანდარტებს არ შეესაბამება.

 

სახელმწიფო მდივანი ოფიციალურ მინსკს ადამიანების უფლებების დაცვისაკენ და აქციის მონაწილეებზე განხორციელებული ძალადობის შეჩერებისკენ მოუწოდებს.

 

ევროკავშირი კი აცხადებს, რომ აქციის მონაწილეებზე ძალადობას გმობს და ბელორუსში სტაბილურობის მოტანა მხოლოდ ადამიანების უფლებების დაცვას, დემოკრატიასა და თავისუფალი და სამართლიანი არჩევნების ჩატარებას შეუძლია.

 

დასავლეთის კრიტიკის მიუხედავად, ალექსანდ ლუკაშენკოს არჩევნებში გამარჯვება ჩინეთმა და ყოფილი საბჭოთა კავშირის რამდენიმე ქვეყნის ლიდერმა უკვე მიულოცა.

 

შეგახსენებთ, რომ მიტინგები ბელორუსის რამდენიმე ქალაქში, მათ შორის გომელშიც გაიმართა. მოქალაქეები პრეზიდენტის მთავრობის გადადგომას და ახალი, სამართლიანი არჩევნების ჩატარებას მოითხოვენ. ბელორუსში მიმდინარე პროცესებისა და ზეწოლის გამო ქვეყანა დატოვა გაერთიანებული ოპოზიციის ლიდერმა სვეტლანა ტიხანოვსკაიამ და თავი ლიეტუვას შეაფარა.

 

შეგახსენებთ, რომ საპრეზიდენტო არჩევნების შედეგების გამოქვეყნებისთანავე, რომლის მიხედვითაც ქვეყნის პრეზიდენტი ისევ ალექსანდრ ლუკაშენკო გახდა, დედაქალაქში და ქვეყნის სხვა ქალაქებშიც გამოსვლები დაიწყო. ხალხი არჩევნების შედგების გაუქმებას ითხოვს და ამბობენ, რომ ლუკაშენკოს 80%-იანი მხარდაჭერის არ სჯერათ.

ჩინეთის ქალაქ ჩენგდუში ამერიკის საკონსულო დახურეს, - ამის შესახებ The Guardian-ი წერს.

 

დღეს დილით საკონსულოს ტერიტორიაზე ადგილობრივი ხელისუფლების წარმომადგენლები შევიდნენ და შენობა ოფიციალურად გადაიბარეს.

 

ჩენგდუში შეერთებული შტატების საკონსულო 1985 წლიდან მუშაობდა. მისი დახურვა ოფიციალურმა პეკინმა მას შემდეგ მოითხოვა, რაც ვაშინგტონის მოთხოვნით ჰიუსტონში მუშაობა ჩინეთის საკონსულომ შეაჩერა.

 

ამერიკული მხარის გადაწყვეტილებას პეკინმა პროვოკაციული უწოდა და საპასუხო ზომებით დაიმუქრა.

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?